Off Beat

మన చుట్టూ ఉండే సమాజంలో పెళ్ళవగానే అమ్మాయే.. అత్తవారింటి వెళ్లడం చూస్తున్నాం కానీ అబ్బాయి అత్తగారింటి ఇల్లారికం వెళ్లడం అనేవి చాలా అరుదుగా చూస్తుంటాం. పెళ్లి అయిన తర్వాత భార్యే.. భర్త ఇంటికి ఎందుకు వెళ్ళాలి? భర్త భార్య ఇంటికి ఎందుకు వెళ్ళకూడదు అనే సందేహం మీకు వచ్చిందా..

అసలు ఈ పద్ధతి ఎలా ప్రారంభం అయిందో తెలుసా..? భార్య.. భర్త ఇంటికి వెళ్ళడమనేది కేవలం భారతదేశంలో మాత్రమే ఉందని మనం అనుకుంటాము. కానీ ఇది ఒకప్పుడు ఇతర దేశాల్లో కూడా ఉండేది. కొంతకాలానికి నాగరీకత అభివృద్ధి చెందే కొద్దీ వారు ఈ పద్ధతిని అనుసరించడం మానేసారు.

డబ్బు కోసమనే కాకుండా సాధికారత కోసం, తనకు నచ్చిన పని చెయ్యటం కోసమనో, హోదా కోసమో ఒక స్త్రీ ప్రస్తుతం ఎన్నో రకాల పనులు చేస్తున్న ఈ కాలంలో భార్య భర్త వెనకాలే వెళ్లడం అనేది నిస్సందేహంగా వ్యతిరేకించదగినదే. కానీ మనం వెనక్కు వెళ్తే.. రాజులు కాలం దాటి అప్పుడప్పుడే మనిషి కాపురాలు ఏర్పరుచుకొన్న కాలానికి అంటే.. ఆదిమానవుని కాలానికి వెళ్తే..

కేవలం వేటకు వెళ్ళి జంతువును వేటాడి ఆహారం సంపాదించుకోవడమనే ఉద్యోగం తప్ప చేయడానికి వేరే ఉద్యోగం లేని కాలం అది. ఆ ఆహారం సంపాదించే పని భర్తది. కాబట్టి పూర్తి శారీరక శ్రమ, ఎంతో ప్రమాదానికి చోటున్న పనిలో తన భార్యను దింపకూడదని ఆనాటి ఆ అనాగరిక మనిషి (ఆది మానవుడు) అనుకొని ఉంటాడు.

ఎక్కడ ఎక్కువ నీరు దొరుకుతుందోనని వెతుక్కుంటూ, ఎక్కడ ఆహారం పుష్కలంగా దొరుకుతుందో అక్కడకు తన నివాసాన్ని, తనతో పాటూ తన కుటుంబాన్నీ మార్చుతూ ఉండి ఉండొచ్చు. అలా ఒక స్త్రీ అప్పట్లో తన భర్త వెనకాలే వెళ్ళి ఉండొచ్చు. ఇలా ఒకనాటికి సందర్భోచితంగా ఉన్న ఆచరణలు కాలానుసారంగా ఆచారాలుగా, సాంప్రదాయాలుగా మారి ఇప్పుడు కొందరికి గుదిబండలుగా తయారయ్యాయి.

చివరకు కొందరు ఆడవాళ్లు పెళ్ళవగానే ఉద్యోగాలు మానేసేలా. అయితే పూర్తిగా భార్య వెనుక భర్త వెళ్ళిపోవడం లేదా పూర్తిగా భర్త వెనకే భార్య వెళ్లడం కాకుండా.. వారి ఉద్యోగ, ఇతర పరిస్థితులను బట్టి పరస్పర అంగీకారంతో నిర్ణయం తీసుకోవాలి. అప్పుడే ఒకరి వెనుక ఒకరు హచ్ కుక్క పిల్లలా వెళ్లినట్టు కాకుండా కలిసి జీవించడానికి అడుగులు వేస్తున్నట్టు ఉంటుంది. అప్పుడే వైవాహిక జీవితం సాఫీగా సాగుతుంది.

గూగుల్ మనకి చాలా బాగా ఉపయోగపడుతుంది. గూగుల్ లో మనకు తెలియని విషయాలు సెర్చ్ చేసి ఎంతో ఈజీగా తెలుసుకోవచ్చు. చిన్నచిన్న అనుమానాలు ఏవైనా ఉంటే కూడా క్లారిటీగా మనం తెలుసుకోవచ్చు. అయితే తాజాగా గూగుల్ ఇటీవలే ఒక సర్వే రిపోర్ట్ ని విడుదల చేసింది. అయితే ఈ రిపోర్టు ద్వారా మహిళలు ఎక్కువగా ఏ విషయాలను గూగుల్ లో సెర్చ్ చేస్తారు అనేది గూగుల్ వెల్లడించింది. మరి వాటి కోసమే ఇప్పుడు మనం చూద్దాం.

15 కోట్ల ఇంటర్నెట్ యూజర్ల లో దాదాపు 6 కోట్ల మంది మహిళలే. ఈ మధ్య కాలం లో చాలా మంది మహిళలు ఇంటర్నెట్ ని వాడతారు.

చక్కగా జీవితాన్ని మార్చుకోవడానికి, కొత్త విషయాలని తెలుసుకోవడానికి, రానివి నేర్చుకోవడానికి ఇలా ఎంతో మంది ఎన్నో రకాలుగా ఇంటర్నెట్ ని వాడుతున్నారు. ఇలా ఇంటర్నెట్ ని వాడే వారిలో 75 శాతం మంది వయసు 15 నుండి 34 వరకు ఉంటుంది. మరి వారు ఎలాంటివి సెర్చ్ చేస్తున్నారో ఇప్పుడే చూసేద్దాం.

మహిళలకి గోరింటాకు అంటే ఎంత ఇష్టమో ప్రత్యేకించి చెప్పక్కర్లేదు. గూగుల్ కూడా ఈ విషయాన్ని చెప్పేసింది. ఎక్కువ మంది గోరింటాకు డిజైన్లు గురించి సెర్చ్ చేస్తారట.
అలాగే అమ్మాయిలకి పాటలు అంటే కూడా ఇష్టం. అమ్మాయిలు ఎక్కువగా రొమాంటిక్ పాటలు, రొమాంటిక్ కవితల కోసం వెతుకుతారట.
అదే విధంగా అందరి కంటే భిన్నంగా ఉండడం కోసం.. అందాన్ని మెరుగు పరచుకోవడం కోసం.. ఇంటర్నెట్ ని చాలా మంది అమ్మాయిలు వాడుతున్నట్లు గూగుల్ రిపోర్ట్ వెల్లడించింది.

ఆన్లైన్ షాపింగ్ సైట్ లను కూడా అమ్మాయిలు ఎక్కువగా చూస్తారు. బట్టలు, డిజైన్లు, కొత్త కలెక్షన్స్ వంటి వాటిని కూడా అమ్మాయిలు సెర్చ్ చేస్తారు.
ఏ కెరీర్ ఎంచుకోవాలి, ఏ కోచింగ్ తీసుకుంటే బాగుంటుంది అనేది కూడా అమ్మాయిలు వెతుకుతూ ఉంటారు అని గూగుల్ రిపోర్ట్ చెప్పింది.

పెళ్లి తర్వాత చాలా మంది మహిళలు బరువు పెరిగిపోతారు. పెళ్లికి ముందు ఎంత సన్నగా ఉన్నా సరే పెళ్లి తర్వాత మహిళల బరువులో మార్పు వస్తుంది. అయితే ఎప్పుడైనా ఆలోచించారా..? ఎందుకు మహిళలు పెళ్లి తర్వాత లావుగా తయారవుతారు అనేది.. కానీ సరైన జవాబు మీకు దొరకలేదా…?

అయితే ఇక్కడ సరైన సమాధానం మీరు ఇక్కడ తెలుసుకోచ్చు. మరి ఇక దీని కోసం ఓ లుక్ వేసేయండి. పెళ్లి తర్వాత సన్నగా ఉన్నవారు కూడా బొద్దుగా మారుతారు. అలాగే లావుగా ఉన్నవారు కూడా మరింత ఒళ్ళు చేస్తారు. దీనికి గల కారణాలు ఇవే..

పెళ్లికి ముందు కష్టపడి పనిచేసే వాళ్లు కూడా పెళ్లి తర్వాత ఆ పనులు చేయడానికి గ్యాప్ వస్తుంది. దీని కారణంగా బరువు పెరుగుతారు.

అదేవిధంగా పెళ్ళికి ముందు చదువు, ఉద్యోగం మొదలైన టెన్షన్స్ ఉంటాయి. ఆ కారణంగా తినడంపై పెద్దగా శ్రద్ధ వహించరు. దాంతో అధిక బరువు సమస్య రాదు. అంతేకాకుండా చదువుకోవడం లాంటి పనుల వల్ల క్యాలరీలు చాలా కరుగుతాయి. కానీ పెళ్లి తర్వాత పనితో పాటు తిండి తినడం కూడా ఎక్కువ అవుతుంది.

పెళ్లి తర్వాత బద్ధకం ఎక్కువగా మహిళల్లో పెరుగుతుంది. కొన్నిసార్లు పనులు చేయడానికి ఆలోచిస్తూ ఉంటారు. అందుకే మెల్లగా చేసుకుంటూ ఉంటారు. కొన్నిసార్లు ఎక్కువగా చేయరు కూడా. దీని కారణంగా కూడా లావుగా మారిపోతారు.

అలానే పెళ్లి తర్వాత మహిళలు ఆహారం విషయంలో మరింత జాగ్రత్త పడతారు. ఏదైనా ఆహారం మిగిలిపోతుందేమో అని వృధా చేయకూడదు అనే ఆలోచనతో తినడం మొదలు పెడతారు. ఇది కూడా బరువు పెరగడానికి దారి తీస్తుంది.

పెళ్లికి ముందు చాలా మంది రెగ్యులర్ గా జిమ్ కి వెళ్తారు. పెళ్లి తర్వాత బ్రేక్ వస్తుంది. వ్యాయామం చేయరు. దీని కారణంగా బరువు పెరుగుతారు.
సైంటిస్ట్స్ చేసిన సర్వే ప్రకారం ఒక విషయం తేలింది. అదేంటంటే ప్రపంచంలో ఏ జంట పెళ్లి చేసుకున్నా.. పెళ్లి తర్వాత కొన్ని రోజులకు కచ్చితంగా రెండు కిలోల బరువు పెరుగుతారు. ఇలా ఈ కారణాల వలన పెళ్లి తర్వాత మహిళలు లావు అవుతారు.

ప్రతి ఒక్కరూ జీవితంలో పెన్సిల్ ఉపయోగించే ఉంటారు. మనం ఎలా రాయాలో నేర్చుకునే ప్రారంభ దశలో మొదట వాడేది పెన్సిల్ నే. తప్పులను సరిదిద్దుకునే అవకాశం ఉండడం వల్ల మొదట మనం పెన్సిల్ ని ఉపయోగిస్తాం. అయితే పెన్సిల్ ని అచ్చ తెలుగులో సీసలేఖిని అంటారు.

మనం పేపర్ మీద వ్రాసే పెన్సిల్ ని కార్బన్ రూపాంతరమైన గ్రాఫైట్ తో తయారుజేస్తారు. పెన్సిల్ నల్లని సీసంతో స్థూపంగా లేక సన్నని కర్ర పుల్ల లాగా పొడవుగా వుంటుంది. పెన్సిల్ తో రాసినవి రబ్బర్ తో తుడిచే అవకాశం ఉండడం వల్ల చిన్నపిల్లలు ఎక్కువగా వాడుతుంటారు. ఏదైనా తప్పుగా రాస్తే ఈజీగా చేరిపేయ్యొచ్చని.

అయితే మీరు పెన్సిల్ మీద ఒక నల్ల టిప్ చూసే ఉంటారు. అన్ని పెన్సిల్స్ కి అలా ఉండడానికి కారణం ఏంటో తెలుసా..!? అలా ఉండడానికి ప్రత్యేకమైన కారణమంటూ ఏం లేదు, అది జస్ట్ మార్కెటింగ్ స్ట్రాటజీ. మనం రెడ్ కలర్ చూసి అది నటరాజ్ పెన్సిల్ అని, సిల్వర్ కలర్ చూసి అది అప్సర అని చెప్పేస్తాం అలా ఒక్కో కంపనీ ఒక్కో కలర్ ని తన బ్రాండ్ గా మార్చుకుంటుంది.

అలాగే ఈ టిప్ దగ్గరి వరకు పెన్సిల్ ముళ్ళు వస్తే పిల్లలు ఇంకో పెన్సిల్ కొనుక్కుంటారు. అదే ఆ టిప్ చిన్నదిగా ఉంటే.. పెన్సిల్ పెద్దదిగా కనిపిస్తుంది. జస్ట్ అవి భ్రాంతి కోసం క్రియేట్ చేసినవే. వాటి వెనక ప్రత్యేకమైన కారణాలు ఏం లేవు. మన జీవిత ప్రారంభంలో పెన్సిల్ తో ప్రారంభించినా.. జీవితం ఎప్పుడూ పెన్ను లాంటిదే. పెన్నుతో రాసినవి ఎలా చెరిపేయలేమో జీవితంలో జరిగిపోయిన కొన్ని తప్పులను కూడా మనం సరిదిద్దలేము.

ఒకరకంగా పెన్సిల్.. జీవితంలో నేర్పే పాఠం లాంటిది అనుకోవచ్చు. నీ బాల్యంలో మాత్రమే పెన్సిల్ ఉంటుంది. జీవితంలో ముందుకు వెళ్ళే కొద్ది తప్పులు లేకుండా చూసికోవాలి కానీ రబ్బరు కోసం వెతుక్కోకూడదు అని పెన్సిల్ నుంచి ఓ జీవితపాఠాన్ని నేర్చుకోచ్చు.

జీవితంలో మనిషికి ముఖ్యమైనవి రెండే రెండు రోజులు. ఒకటి తను ప్రపంచంలోకి అడుగుపెట్టిన రోజు. ఇంకొకటి తను ప్రపంచాన్ని వదిలి వెళ్ళిపోయిన రోజు. అంటే జననం ఇంకా మరణం. పుట్టిన తర్వాత బారసాల అన్నప్రాసన, చనిపోయిన తర్వాత అంత్యక్రియలు మనిషి ప్రమేయం లేకుండానే జరిగిపోతాయి.

మరణం ఆసన్నమైన సమయం లో ఎవరు మాట్లాడలేకపోతు ఉంటారు. వారేమైనా చెప్పాలనుకున్నా కొన్ని సార్లు చెప్పలేకపోతారు. నిశ్శబ్దం గా లోకాన్ని వీడి వెళ్లిపోతుంటారు. ఐతే మరణం దగ్గరకు వచ్చే వరకు.. ఈ సమయం లో ఎలా ఆలోచిస్తూ ఉంటాం అన్న విషయం ఎవరికీ తెలియదు. అసలు చనిపోయేముందు ఏమి జరుగుతుందో ఇప్పుడు తెలుసుకుందాం.

న్యూరో సైంటిస్ట్ లు చేసిన రీసెర్చ్ ప్రకారం మనిషి చనిపోవడానికి ఇంకా ఒక 30 సెకండ్ల సమయం ఉందనగా.. ప్రతి వ్యక్తికీ అప్పటివరకు అతనికి గడిచిన జీవితమంతా కళ్ళముందు తిరుగుతూ ఉంటుందట. పుట్టినప్పటి నుంచి.. చివరిదాకా కలిసి తిరిగిన మనుషులు, జ్ఞాపకాలు అన్ని గుర్తుకొస్తుంటాయట. 87 సంవత్సరాల మూర్ఛ వ్యాధి ఉన్న వృద్ధుడిని సైంటిస్ట్ లు పరిశీలించారట.

అతనికి సడన్ గా హార్ట్ ఎటాక్ రావడంతో పాటు బ్రెయిన్ లో ఉన్నట్లుండి ఊహించని యాక్టివిటీ చోటు చేసుకోవడాన్ని ఆ సైంటిస్ట్ లు గమనించారు. అంతేకాదు బ్రెయిన్ వేవ్స్ లో కూడా చాలా మార్పులు వచ్చాయట. చనిపోవడానికి 30 సెకన్ల ముందు మెదడు రక్తాన్ని తీసుకోదు. ఆ సమయంలో అతని జీవితంలోని ముఖ్య సంఘటనలు అన్నీ ఒక్కసారిగా కళ్ళముందు కనిపిస్తూ ఉంటాయి. గుండె కొట్టుకోవడం ఆగిపోయిన 30 సెకండ్ల తరువాత కూడా ఈ ప్రాసెస్ కొనసాగుతూనే ఉంటుంది. ఆ తరువాత మనిషి ఉండడు.. అతని జ్ఞాపకాలు ఉండవు.