Off Beat

ఒకొక్కసారి మన ఇంట్లో భోజనం అందుబాటులో ఉండకపోవచ్చు. వంట రానివారికి చేసుకోవడం కష్టమే. వంట వచ్చిన వాళ్ళకి కూడా ఒకొక్కసారి చేసుకోవడానికి ఓపిక లేకపోవచ్చు. అలాంటప్పుడు మనందరం చేసే పని ఫుడ్ ఆర్డర్ పెట్టడం. ఫోటో పెట్టాలంటే మనకి గుర్తొచ్చేవి రెండే రెండు వెబ్సైట్స్. ఒకటి స్విగ్గీ ఇంకొకటి జొమాటో.

వీటిల్లో ప్రతి రోజు ఏదో ఒక డిస్కౌంట్ ఉంటుంది. అలాగే మెంబర్షిప్ కి తగ్గట్టు ఆఫర్స్ కూడా ఉంటాయి. ఈ ఆన్ లైన్ ఫుడ్ ఆర్డర్ వల్ల ఉన్న మరొక ఉపయోగం ఏంటంటే, రోజు మొత్తంలో ఏ టైంలో అయినా ఫుడ్ ఆర్డర్ పెట్టొచ్చు.

అందులోనూ ముఖ్యంగా జొమాటోలో అయితే ప్రతి రెస్టారెంట్ మీద ఏదో ఒక ఆఫర్ ఉంటూనే ఉంటుంది. అయితే.. ఒక్కోసారి మనం ఫుడ్ ఆర్డర్ చేసిన తరువాత మనకి వద్దు అని అనుకుంటే కాన్సల్ చేసేస్తాం. లేదా ఒక్కోసారి స్విగ్గీ లేదా జొమాటో వారే ఫుడ్ ని కాన్సల్ చేసేస్తారు. అయితే.. ఒకసారి కాన్సల్ అయిపోయాక ఈ ప్రిపేర్ అయిన ఫుడ్ ని ఏమి చేస్తారు? మీకెప్పుడైనా డౌట్ వచ్చిందా..?

స్విగ్గీ/జొమాటో లు మొదలైన తొలినాళ్లలో ఇలా ఫుడ్ ఆర్డర్ కాన్సల్ అయిపోతే.. డెలివరీ బాయ్స్ ఆ ఫుడ్ ను తిరిగి తీసుకెళ్లి అదే రెస్టారంట్ కి అప్పగించాల్సి వచ్చేది. అలా ఇచ్చిన తరువాత మాత్రమే సదరు డెలివరీ బాయ్ కి పాయింట్స్ వచ్చేవి. అలాగే.. కస్టమర్ కి డబ్బులు రిఫండ్ అయ్యేవి. మొదట్లో జొమాటో డెలివరీ బాయ్స్ మీదే ఫోకస్ చేసేది. అలాగే రెస్టారెంట్స్ కి మాత్రం కొంత కంపెన్సషన్ ఇచ్చేది. దీనితో కొన్ని రెస్టారెంట్లు ఈ అవకాశాన్ని మిస్ యూజ్ చేసేవి.

దీనితో.. జొమాటో సంస్థ ఈ ప్రాసెస్ లో కొన్ని మార్పులు చేసింది. ప్రస్తుతం ఎప్పుడైనా ఆర్డర్ కాన్సల్ అయిపోతే.. ఆ ఫుడ్ ని డెలివరీ బాయ్ తన ఇష్టప్రకారం వాడుకోవచ్చు. ఆ ఫుడ్ ని డెలివరీ బాయ్ అయినా తినవచ్చు.. లేక ఎవరైనా అవసరమైన వారికి ఆ ఫుడ్ ని అందచేయవచ్చు. ఒకవేళ ఆ ఫుడ్ రెస్టారెంట్ లో ఉండగానే కాన్సల్ అయితే.. ఆ ఫుడ్ రెస్టారెంట్ లోనే ఉండిపోతుంది. రెస్టారంట్ వారు మరొకరికి సేల్ చేసుకోవచ్చు. కానీ, రెస్టారంట్ నుంచి డెలివరీ బాయ్ చేతికి వచ్చిన తరువాత డెలివరీ బాయ్ తనకి నచ్చినట్లు చేయవచ్చు.

పెళ్లి అనేది జీవితంలో ఎంతో మధురమైన ఘట్టం. ప్రతి ఆడపిల్ల తన జీవితంలోకి రాబోతున్న భాగస్వామి గురించి అనేక కలలు కంటూ ఉంటుంది. తనను చేపట్టే వాడు ఈ విధంగా ఉండాలి అంటూ కొంత అవగాహనకు వస్తుంది. అలాగే అబ్బాయిలకు కూడా తాను చేసుకోబోయే అమ్మాయి గురించి కొన్ని ఊహలు, అంచనాలు ఉంటాయి. ఇది సహజంగానే జరుగుతుంటుంది.

కాబట్టి అబ్బాయిలు కాంప్రమైస్ అయిపోకుండా.. తమకు నచ్చిన అమ్మాయినే జీవిత భాగస్వామిగా ఎంచుకోవాల్సి ఉంటుంది. కట్నం ఎక్కువగా ఇచ్చే అమ్మాయిలు రావాలని కొంతమంది అనుకుంటూ ఉంటారు.

కానీ కట్నం ఇచ్చే అమ్మాయి కంటే.. మీ మనసు గుర్తెరిగి.. తన మనసుని మీతో పంచుకోగలిగే అమ్మాయి అయితే మీ జీవితం బాగుంటుంది. అరిధికంగా మీ స్థాయి కంటే ఎక్కువ స్థాయిలో ఉన్న అమ్మాయిలను పెళ్లి చేసుకుంటే.. ఫ్యూచర్ లో ఇబ్బందులు తలెత్తే అవకాశం ఉంటుందట. అల్లరి చిల్లరిగా గోల చేసే అమ్మాయిలు అయితే.. ఏదైనా సమస్య వచ్చినప్పుడో.. గొడవ వచ్చినప్పుడో అందరిలోనూ అరిచి అల్లరి చేస్తుంటారు. అలా కాకుండా.. నిదానంగా ఆలోచించి పరిస్థితికి తగ్గట్లు ప్రవర్తించే అమ్మాయిలు అయితే మీ జీవితం సాఫీగా సాగిపోతుంది.

ఇలా అరిచి గోల చేసేవారు.. మీతో పాటు మీ ఇంట్లో పెద్దవాళ్లకు కూడా మర్యాద ఇవ్వరు. అటువంటి వారికంటే.. ఇంట్లో పెద్దలను గౌరవిస్తూ.. వారితో కలిసిపోయే అమ్మాయిలను తెచ్చుకోవాలట. కాలానికి తగ్గట్లే అభిరుచులను అప్ డేట్ చేసుకుంటూ.. మీ జీవితంలో ఒడిదుడుకలను ఎదుర్కోవడంలో సాయం చేసే అమ్మాయి అయితే మీ జీవితం ఆనందమయమవుతుంది. అదే సమయంలో.. మీరు కూడా ఇంటి పనుల్లో చేదోడు వాదోడుగా ఉంటె.. మీ పట్ల ఆమెకూ మరింత ప్రేమ పెరిగి.. మీ బంధం బలపడుతుంది.

Note: Images used in this article are for reference purposes only.

దాదాపు ప్రతి ఒక్కరూ తమ జీవితంలో ఎదో ఒక రోజు వంతెనపై ప్రయాణించే ఉంటారు. అయితే.. మీకెప్పుడైనా సందేహం వచ్చిందా..? కిందంతా నీళ్లు ప్రవహిస్తున్నప్పుడు, భూభాగం లేని చోట బ్రిడ్జిను కట్టడం, అందుకోసం పిల్లర్లను కట్టడం ఎలా సాధ్యం అవుతుంది?

నీటి స్థాయి మరియు నేల నాణ్యతపై ఆధారపడి వివిధ పద్ధతుల ద్వారా నీటిపై వంతెనలు నిర్మించబడతాయి. మొదటి పద్ధతి తక్కువ లోతు నీటిలో నిర్మించబడిన వంతెనల కోసం ఉపయోగించబడుతుంది.

తక్కువ లోతు నీటిలో, వంతెన యొక్క పునాదిని తాత్కాలికంగా ఒక నిర్దిష్ట ప్రదేశాన్ని పూరించడం ద్వారా వేయబడుతుంది. దీనిపై పిల్లర్లను నిర్మించేస్తారు. అయితే.. నీటి అడుగున ఉన్న పొర పలుచగా ఉన్నపుడు తాత్కాలికంగా రిగ్‌లను ఏర్పాటు చేసి, నదీ గర్భంలో లోతుగా పిల్లర్ ను నిర్మిస్తారు. అప్పుడు వంతెనను ఇప్పటికే నిర్మించిన స్తంభాల సపోర్ట్ తో టెంపరరీ ఫ్లాట్ ఫామ్ లేదా బార్జ్ ల ద్వారా నిర్మించవచ్చు.

లోతైన నీటిపై (నది లేదా సముద్రం) వంతెన నిర్మించడం తదుపరి పద్ధతి. ఈ సందర్భంలో, కాఫర్‌డ్యామ్ టెక్నిక్ ఉపయోగించబడుతుంది. ఈ పద్ధతిలో, నీటి లోపల ఒక ప్రాంతాన్ని చుట్టుముట్టే గోడను నిర్మించి, ఆ ప్రాంతం నుండి నీటిని బయటకు పంప్ చేసేస్తారు. ఆ తరువాత, కాఫర్‌డ్యామ్ లోపల వంతెన (స్తంభాలు) పునాది నిర్మించబడింది. ఈ పద్ధతి ఎక్కువగ నదులు, సముద్రాలపై ఉపయోగిస్తారు. వీటిల్లో నీటి ఫ్లో ఎక్కువ ఉంటుంది కాబట్టి.. పని పూర్తి అయ్యేంత వరకు నిరంతరం పర్యవేక్షించాల్సి ఉంటుంది.

ఈ రెండు కాకుండా మరొక పద్ధతి ఉంది. ఈ సాంకేతికతను కేస్ డ్రిల్లింగ్ అంటారు. ఇది అత్యంత అధునాతన సాంకేతికత. ఈ టెక్నిక్‌లో, వాటర్ టైట్ ఛాంబర్ గాలి ఒత్తిడి సహాయంతో నీటిని దూరంగా ఉంచుతుంది. అప్పుడు చాంబర్ లోపల ఒక మూసివున్న ట్యూబ్ చాంబర్ అమర్చబడుతుంది. ఆ తర్వాత ట్యూబ్ లోపల సుదీర్ఘ డ్రిల్ ఉంచబడుతుంది మరియు డ్రిల్లింగ్ ప్రక్రియ ప్రారంభమవుతుంది. ఈ ప్రక్రియలో నిండిన నీరు బయటకు పంపబడుతుంది. ఆ తర్వాత అదనపు మద్దతు ఇవ్వడానికి లోపల డ్రిల్లింగ్ చేయబడిన రంధ్రంలోకి ఒక కేసు చొప్పించబడుతుంది. ఈ విధంగా స్థిరమైన ఫ్రేమ్ సృష్టించబడుతుంది. ఈ ఫ్రేమ్ కాంక్రీటుతో నిండి ఉంటుంది.

ప్రస్తుతం పెట్రోల్, డీజిల్ ధరలు ఏ రేంజ్ లో ఉన్నాయో చూస్తూనే ఉన్నాం. దానికి తోడు ట్రాఫిక్ కష్టాలు. ఈ లెక్కన ఎక్కువ సేపు బండి ఇంజిన్ ఆన్ లో ఉంచాల్సి వస్తుంది. అదీ కాకుండా.. పెరిగిన ధరలకు పెట్రోల్ ను ఎక్కువ వాడాలి అంటే మనలో చాలా మందికి మనసొప్పదు.

మరి ఏమి చేయాలి..? మన కార్ లేదా బైక్ రెగ్యులర్ గా ఇచ్చే మైలేజి కంటే.. కొంచం ఎక్కువ మైలేజిని ఇచ్చేలా చేసుకోవాలి. మనం కొన్ని విషయాలను తెలుసుకుంటే.. ఇలా చేసుకోవడం సులువైనది. ఇంతకీ ఆ టిప్స్ ఏంటో ఇప్పుడు చూసేద్దాం.

#1. అవసరమైనప్పుడే క్లచ్ వాడండి:
బండి తోలుతున్నప్పుడు తరచూ క్లచ్ ని ఉపయోగిస్తున్నారా? అయితే.. ఈ అలవాటుని మీరెంత తొందరగా మానేసుకుంటే అంత మంచిది. క్లచ్ ని ఎంత ఎక్కువగా వాడితే.. అంత ఎక్కువ పెట్రోల్ ని వాడాల్సి వస్తుంది. అదే..అవసరమైనప్పుడే క్లచ్ ని వాడడం వలన ఇంధనం ఆదా చేసుకోవచ్చు.

#2. వేగం:
మీరు ఎంత వేగంగా బండిని నడుపుతున్నారు అన్న సంగతి కూడా చెక్ చేసుకోండి. కారు మైలేజి గరిష్ట వేగంపై ఆధారపడి ఉంటుంది. గంటకి ఎనభై నుంచి.. వంద కి.మీ మధ్య కారు నడిపితే ఎక్కువ మైలేజి వచ్చే అవకాశం ఉంటుంది. అయితే..ఈ వేగం ట్రాఫిక్ రోడ్స్ పై సాధ్యం కాదు. అందుకే మనకి మాములుగా నడుపుతున్నప్పుడు కంటే.. హై వే ల పై నడుపుతున్నప్పుడు ఎక్కువ మైలేజి వస్తుంది.

#3. సర్వీసింగ్:
ఎప్పటికప్పుడు మీ కార్ ని సర్వీసింగ్ కు ఇవ్వడం.. సకాలంలో రిపేర్లను చేయించడం వంటివి చేస్తూ మీ కార్ ను మంచిగా మైంటైన్ చేయాలి. ఇంజిన్లు, గేర్ బాక్స్ లు వంటివి ఉండే వాహనాలకు లూబ్రికేషన్ అవసరం అవుతుంది. సరిగ్గా సర్వీసింగ్ చేయించకపోతే మైలేజి తగ్గిపోతూ ఉంటుంది. కనీసం ఏడాదికి ఒకసారి అయినా సర్వీసింగ్ చేయించాలి.

#4. టైర్లలో గాలి:
ఎప్పటికప్పుడు మీ బండి టైర్లలో గాలి ఎంత ఉందొ పరిశీలించుకుంటూ ఉండాలి. కార్ టైర్ లో అవసరం అయిన దాని కంటే తక్కువ గాలి ఉంటె.. అది కూడా మీ బండి మైలేజీపై ప్రభావం చూపిస్తుంది. అందుకే ఎప్పటికప్పుడు చెక్ చేసుకొని గాలి కొట్టించుకోవడం ఉత్తమం.

ఇల్లు కట్టడం అంటే చిన్న విషయం కాదు. అందులో చాలా అంశాలు ఉంటాయి. ఎన్నో పదార్థాలను వాడాల్సి వస్తుంది. వాటిలో ముఖ్యమైనది ఇసుక. ఇసుక సరిగ్గా ఉంటే, ఇంటి నిర్మాణం అంత బలంగా అవుతుంది. అయితే, మీకు ఎప్పుడైనా ఈ అనుమానం వచ్చిందా?

అది ఏంటంటే, మనం ఇంటి నిర్మాణంలో ఎడారిలోని ఇసుకని కానీ, సముద్రం దగ్గర ఉండే ఇసుకని కానీ వాడము. దీని వెనకాల ఒక బలమైన కారణమే ఉంది. అది ఏంటో ఇప్పుడు చూద్దాం.

ఇంటి నిర్మాణం బలంగా ఉండాలి అంటే ఇసుక బాగుండాలి. ఇసుకలోని ఒక రేణువు (పార్టికల్) కి మరొక రేణువుకి మధ్య గరుకుగా అనిపించాలి. అప్పుడే ఆ ఇసుక ఇంటి నిర్మాణంలో వాడిన ఇనుపకి అలాగే ఇటుకలకి, సిమెంట్ కి పట్టి ఉంటుంది. దీనిని ఇంటర్ లాకింగ్ ఏర్పడటం అంటారు.

సముద్రంలో ఉండే ఇసుక మెత్తగా ఉంటుంది. ఇసుక ఒక రేణువుని మరొకటి పట్టి ఉంచేలేక జారిపోతుంటాయి. కాబట్టి వీటి మధ్య ఇంటర్ లాకింగ్ ఏర్పడడం కష్టం.

ఇంకొక విషయం ఏంటంటే, సముద్రంలోని ఇసుకలో ఉప్పు ఉంటుంది. ఉప్పులో క్లోరైడ్ ఉంటుంది. క్లోరైడ్ వల్ల ఇనుప, స్టీల్ తొందరగా తుప్పు పడుతుంది. అలాగే ఇసుకకి, సిమెంట్ కి మధ్య ఉన్న బాండింగ్ ని కూడా దెబ్బ తీస్తుంది. ఇసుకలో ఉప్పు కణాలతో పాటు, దుమ్ము, మృత కణాలు కూడా ఉంటాయి. వీటన్నిటినీ తొలగించడం శ్రమతో మాత్రమే కాదు ఖర్చుతో కూడా కూడుకున్న పని.

ఒకవేళ సముద్రంలోని ఇసుకతో ఇల్లు కట్టినా కూడా వాతావరణంలో ఉన్న తేమని ఉప్పు పీల్చుకుని ఆ గోడలు చెమ్మగా అవుతాయి. అలా సముద్రంలో దొరికే ఇసుకతో కట్టిన కట్టడం 5 సంవత్సరాలకంటే ఎక్కువ కాలం ఉండలేదు. ఎడారిలో ఇసుక కూడా సన్నగా, గుండ్రంగా, స్మూత్ గా ఉండడంతో, వాటి మధ్య బాండింగ్ ఉండదు. దాంతో నిర్మాణంలో ఉపయోగించేటప్పుడు ఆ ఇసుక జారిపోతూ ఉంటుంది. అందుకే సముద్రంలో, ఎడారిలో ఉండే ఇసుకను నిర్మాణాల్లో ఉపయోగించరు.

ఫైర్ ట్రక్కులు ఎరుపు రంగులో ఉంటాయన్న సంగతి అందరికి తెలిసిందే. అయితే ఇలా ఎరుపు రంగులోనే ఎందుకు ఉంటాయి..? అన్న సందేహం ఎప్పుడైనా కలిగిందా..? అయితే ఈ ప్రశ్నకి సమాధానం ఈ ఆర్టికల్ లో తెలుసుకోండి.

1900లలో ప్రజలు ఎక్కువగా నలుపు-రంగు కార్లను వాడేవారు. రోడ్లలో ఎక్కువగా ఈ కార్లే కనపడేవి. అయితే.. వీటి మధ్యలోనే ఫైర్ ట్రక్స్ ని నడపాల్సి వచ్చేది. అయితే.. ఈ వాహనాలు ఎమర్జెన్సీ వల్ల వేగంగా వెళ్లాల్సిన అవసరం ఉంటుంది.

అందుకే.. ఇవి ప్రయాణం చేసే సమయంలో ఎన్ని వాహనాలు ఉన్నా.. ఇవి ప్రత్యేకంగా కనపడాల్సిన అవసరం ఉంది. అందుకే ఈ వాహనాలను సులువుగా గుర్తించేందుకు వీలుగా ఎరుపు రంగుని ఎంచుకున్నారు. దీనికి మరొక కోణం కూడా ఉంది. రంగుని బట్టి ఒక అస్పష్ట సందేశాన్ని అందించడం కూడా ఈ ఎరుపు రంగుని ఎంచుకోవడం వెనుక ముఖ్య ఉద్దేశ్యం.

ఉదాహరణకు, ఆకుపచ్చ రంగు సాధారణంగా ‘ముందుకు వెళ్లండి’ని సూచిస్తుంది, తెలుపు రంగు శాంతికి సంబంధించిన రంగుగా పరిగణించబడుతుంది మరియు ఎరుపు రంగుని చాలా సందర్భాలలో హెచ్చరికను సంకేతంగా ఉపయోగిస్తారు. అంటే.. ఈ రంగు ట్రక్ ని చూడగానే రోడ్డుపై ఉండే ఇతర వాహనాలు అడ్డు తప్పుకుని ఈ ఫైర్ ఇంజిన్స్ కు దారి ఇస్తాయి. ఈ క్రమంలో అవసరమైన చోటుకు ఈ వాహనాలు త్వరితంగా వెళ్లగలుగుతాయి.

ప్రతి ఒక్కరికి చెప్పడం సాధ్యం కాదు కాబట్టే.. ఇలా రంగుని ఉపయోగించి సంకేతాలను ఇస్తూ ఉంటారు. స్కూల్ బస్సులు కూడా ఎక్కువ పసుపు రంగులో ఉండడానికి ఇదే కారణం. పసుపు రంగు కూడా త్వరగా గుర్తించబడుతుంది. అటువంటి స్కూల్ బస్సుల పక్కన వెళ్లే వారు నిదానంగా బస్సులోని పిల్లలు ఎలాంటి ఆక్సిడెంట్ల బారిన పడకుండా ఉండడానికి ఆ బస్సుకు అడ్డం రాకుండా తమ వాహనాలను నడుపుకుంటారు.

పెళ్లి అనేది ఒక వ్యక్తి పర్సనల్ ఛాయిస్. అందరికీ ఒక పర్టిక్యులర్ వయసులోనే పెళ్లి చేసుకోవాలని అనిపించదు. కొంత మందికి పెళ్ళికంటే ముఖ్యమైనవి చాలా ఉంటాయి. కెరీర్ లో ఒక స్టేజ్ కి వచ్చి, వాళ్ళు అనుకున్నది సాధించిన తర్వాత పెళ్లి చేసుకుందాం అనుకునేవాళ్లు చాలా మంది ఉంటారు. అయితే 30 సంవత్సరాలు దాటిన తర్వాత పెళ్లి చేసుకుంటే కొన్ని ఇబ్బందులు వచ్చే అవకాశాలు ఉన్నాయి అని నిపుణులు చెబుతున్నారు. అవేంటంటే.

# ఈ ఏజ్ గ్రూప్ లో జీవితం పై పూర్తి స్పష్టత వస్తుంది. వీలైనంత వరకు కెరియర్ పై ఫోకస్ చేసి డబ్బు సంపాదించాలి అని అనుకుంటారు. దాంతో వైవాహిక జీవితంపై శ్రద్ధ పెట్టడం కష్టం అయ్యే అవకాశాలు ఉన్నాయి.

# ఒకరిపై ఒకరికి ఆకర్షణ తగ్గిపోతుంది. దాంతో వైవాహిక జీవితం చాలా డల్ గా సాగుతుంది అని నిపుణులు అంటున్నారు.

# వేరే విషయాల మీదకి, అంటే ఉద్యోగం, డబ్బు సంపాదించడంలో బిజీ అయిపోవడంతో ఒకరిపై ఒకరికి శ్రద్ధ పెట్టే సమయం చాలా తక్కువగా ఉంటుంది. దాంతో వేరే రిలేషన్ షిప్ వైపు ఫోకస్ వెళ్లే అవకాశాలు ఉంటాయట.

# సమాజం నుండి వచ్చే ఒత్తిడి గురించి మనందరికీ తెలుసు. ఎవరినైనా సరే తొందరగా జడ్జ్ చేయడంలో చాలా మంది ముందుంటారు. దాంతో ఒకవేళ మైండ్ కొంచెం సున్నితంగా ఉన్న వాళ్ళు అయితే సమాజం నుండి వచ్చే ఒత్తిడిని సీరియస్ గా తీసుకునే అవకాశాలు ఉంటాయి. దాని వల్ల మానసికంగా ఇబ్బందులు ఎదురు అవుతూ ఉంటాయి.

# భవిష్యత్తు ఎలా ఉండాలి ? జీవితం ఎలా ప్లాన్ చేసుకోవాలి ? అనే విషయంలో పడి ప్రస్తుతం ఉన్న మూమెంట్ ని ఎంజాయ్ చేసే అవకాశాలు కూడా తక్కువగా ఉంటాయి.

ఏదేమైనా సరే ఇందాక పైన చెప్పినట్టుగా పెళ్లి అనేది ఒక వ్యక్తి పర్సనల్ ఛాయిస్. ఒక వ్యక్తికి తన జీవితంలో ఎప్పుడు ఏం చేయాలి అనే విషయంపై క్లారిటీ ఉంటుంది. దాన్ని బట్టి వాళ్ళు వారి నిర్ణయాలు తీసుకుంటారు. కాబట్టి ఎవరిని కూడా జడ్జ్ చేయలేము.