Off Beat

ఎప్పుడైనా మనం ఉపయోగించే టూత్ పేస్ట్లను చూసినట్లయితే టూత్ పేస్ట్ కింద రంగు రంగుల స్క్వేర్ బాక్స్లు లాంటివి కనబడుతూ ఉంటాయి. అయితే ఎందుకు ఆ రంగు రంగుల బాక్సులు ఉంటాయి అనే సందేహం మీకు కలిగిందా…? అయితే మరి ఆ రంగు రంగుల బాక్సులు వెనక ఉండే అర్ధం గురించి ఇప్పుడు మనం చూద్దాం. మరి ఇక ఆలస్యం ఎందుకు దాని వెనుక వుండే అర్ధాన్ని చూసేద్దాం.

టూత్ పేస్ట్ కింద భాగంలో మనం చూసినట్లయితే ఆకుపచ్చ, నీలం, నలుపు, ఎరుపు రంగులతో బాక్సులు కనబడుతూ ఉంటాయి. అయితే వీటి అర్థం ఏమిటి అని ఇంటర్నెట్ లో మనం చూసినట్లయితే.. ఆకుపచ్చ రంగు బాక్స్ కనుక పేస్ట్ వెనక ఉంటే అది న్యాచురల్ అని.. నీలం ఉంటే న్యాచురల్ మరియు మెడికేటెడ్ అని, ఎరుపు రంగు ఉంటే న్యాచురల్ మరియు కెమికల్ కాంపోజిషన్ కలిగి ఉందని తెలుస్తోంది.

అదే నలుపు రంగుంటే మొత్తం కెమికల్స్ తో నిండి ఉందని చెబుతూ ఉంటారు. కానీ అందులో ఏ మాత్రం నిజం లేదు. నిజానికి ఆ బాక్సులకి ఎలాంటి అర్థం లేదు. ఈ టూత్ పేస్టులని ప్యాకింగ్ చేసేటప్పుడు అవి లైట్ సెన్సార్ ఉన్న మిషన్స్ నుండి రోల్ అవుతూ వెళ్లాలి.

ఆ లైట్ సెన్సార్ ఈ పేస్ట్ కింద భాగం లో వుండే కలర్ బాక్సుల్ని డిటెక్ట్ చేసి కట్ చేసి ఫోల్డ్ చేయడం జరుగుతుంది. ఫైనల్ గా టూత్ పేస్ట్లను సీల్ చేస్తాయి. వివిధ రంగులని వివిధ రకాల ప్యాకేజీల కోసం వివిధ రకాల సంస్థలు డిటెక్ట్ చేయడం కోసం వాడుతుంటారు.

మనం ప్రతి రోజూ అన్నం వండుకుంటూ ఉంటాం. అయితే మనం వండుకునే బియ్యం నిజమైనవా..? లేదా కల్తీవా అనేది ఎలా తెలుసుకోవచ్చు అనే దాని గురించి ఇప్పుడు చూద్దాం. ఈ మధ్యకాలంలో చాలా ఆహారపదార్ధాలని కల్తీ చేస్తున్నారు. అటువంటి కల్తీ ఆహారం తీసుకోవడం వల్ల అనారోగ్య సమస్యలు వస్తాయి.

అందుకని కల్తీ వాటిని గుర్తించడం పై ప్రజల్లో అవగాహన కల్పించడానికి ఎఫ్ఎస్ఎస్ఏఐ ఒక టిప్ ని చెప్పింది. దీనిని ఉపయోగించి మనం బియ్యం కల్తీవా కాదా అనేది తెలుసుకోవచ్చు. కల్తీ బియ్యాన్ని బియ్యం ఆకారంలో చెక్కిన బంగాళదుంపతో తయారు చేస్తారు. ఆ తర్వాత దానిని ఏదైనా చౌకైన ప్లాస్టిక్ షీట్ తో పూతలా వేస్తారు.

ఇక కల్తీ బియ్యాన్ని ఎలా కనుక్కోవాలి అనే విషయానికి వస్తే..  బియ్యం తీసుకోండి. దానికి నానబెట్టిన సున్నాన్ని కొద్దిగా వేయండి. ఒకవేళ బియ్యం కల్తీ కానట్లయితే నానబెట్టిన సున్నం రంగు లో కానీ బియ్యంలో కానీ ఏ మార్పు రాదు. ఒకవేళ కనుక బియ్యం కల్తీ అయితే బియ్యం ఎరుపు రంగులోకి మారిపోతాయి. ఇలా ఇంట్లో సులభంగా బియ్యం మంచివా కాదా అనేది తెలుసుకోచ్చు.

ట్రైన్ డ్రైవర్ మీద నిజంగా చాలా బాధ్యత పడుతుంది. అదే విధంగా ఎంతో దృష్టితో రైలు నడపాల్సి ఉంటుంది. ఆరోగ్యం కూడా బాగుండాలి. ఏ మానసిక సమస్యలు లేకుండా రైలు డ్రైవర్ ఉండాలి.

ఎందుకంటే రైలులో వేలాది మంది ప్రయాణికులు ప్రయాణం చేస్తారు. వాళ్లని సురక్షితంగా గమ్యస్థానానికి రైలు డ్రైవర్ చేర్చాలి. కనుక ఎంతో అప్రమత్తంగా ఉండాలి. ఇంత బాధ్యత వీళ్ళ మీద పడుతుంది. అందుకనే జీతం కూడా ఎక్కువగా వస్తుంది. అయితే ఎప్పుడైనా వీళ్ళకి ఎంత జీతం ఇస్తారు అనే ప్రశ్న మీలో కలిగిందా..? అయినప్పటికీ సమాధానం మీకు దొరకలేదా..?

మరి ఆలస్యం ఎందుకు దీనికి సమాధానం ఎక్కడ ఉంది. మరి ఓ లుక్ వేసేయండి. లోకో పైలెట్లకు రోజువారీ దినచర్య స్థిరంగా ఉండదు. రోస్టర్ ప్రకారం వీళ్ళ యొక్క విధులు ఉంటాయి. నివేదిక ప్రకారం చూసుకున్నట్లయితే వీళ్ళకి 14 రోజుల రోస్టర్ ఇస్తారు.

రెండు రోజులు విశ్రాంతి ఇందులో ఉంటుంది. అయితే ఈ రోస్టర్ ప్రకారం 104 గంటల పాటు పని చేయాలి కొన్ని కొన్ని సార్లు దీని కంటే ఎక్కువ కూడా పనిచేయాల్సి ఉంటుంది. వారు మొదటగా అసిస్టెంట్ లోకో పైలట్ కింద చేరుతారు. 100 కిలోమీటర్లు నడిచే రైలులో అలవెన్స్, ఓవర్ టైం అలవెన్స్, నైట్ డ్యూటీ అలవెన్స్, హాలిడే అలవెన్స్, డ్రెస్ అలవెన్స్ వంటివి ఉంటాయి.

లోకో పైలట్ అవ్వాలంటే ALP నుండి అవుతారు. అప్పుడు అన్ని అలవెన్సులు ఉంటాయి. పైగా జీతం కూడా బాగా పెరుగుతుంది. ALP నుండి LP అయితే సుమారు లక్ష రూపాయలకు పైగా జీతం పెరుగుతుంది. ఎందుకంటే వాళ్ళ డ్యూటీ చాలా కష్టంగా ఉంటుంది.

పైగా మూడు రోజులు నాలుగు రోజుల పాటు డ్యూటీ లో ఉండాల్సి వస్తుంది. 14 రోజుల డ్యూటీలో నూట నాలుగు గంటల కంటే ఎక్కువ సమయం ఇచ్చినందుకు వారికి ఓవర్ టైం చెల్లిస్తారు. మాక్సిమం నెలకి ఒక లోకో పైలట్ కి సుమారు తొంబై వేల వరకు చెల్లిస్తారు.

ఆస్తి పత్రాలు ఎంత విలువైనవో అందరికీ తెలుసు. వాటిని సురక్షితంగా ఉంచుకోవాలి. అయితే వాటిని సురక్షితంగా ఉంచుకోవాలి అని కొందరు బ్యాంకు లాకర్లులో కూడా పెడుతూ ఉంటారు.

ఎందుకంటే ఆ ఆస్తి మీది అని చూపించే ప్రూఫ్ కేవలం ఆ పత్రాలు మాత్రమే. ఒకవేళ కనుక మీరు మీ యొక్క ఆస్తి పత్రాలను పోగొట్టుకుంటే డూప్లికేట్ డాక్యుమెంట్ ని తయారు చేయించుకోవాలి. అది ఎలా అనేది ఇప్పుడు మనం చూద్దాం.

ఎఫ్ఐఆర్ ఫైల్:

ముందుగా మీ యొక్క కాగితాలు పోయినట్లు లేదా ఎవరైనా దొంగిలించారని మీరు తెలిసిన వెంటనే మీకు దగ్గరలో ఉండే పోలీస్ స్టేషన్లో ఎఫ్ఐఆర్ నమోదు చేయాలి. అయితే ఎఫ్ఐఆర్లో పేపర్లు పోయాయని వ్రాసిన కాపీని మీరు తీసుకుని భద్రపరచుకోవాలి.

న్యూస్ పేపర్:

మీరు వార్తా పత్రికలో మీ కాగితాలు పోయాయని నోటీసు ఇవ్వాలి. ఆస్తికి సంబంధించిన పూర్తి వివరాలతో కూడిన నోటీసు అవుతుంది. ఆ తర్వాత మరో 15 రోజుల పాటు లాగండి. ఎందుకంటే ఎవరికైనా దొరికితే మీ దగ్గరికి తీసుకు వస్తారు.

డూప్లికేట్ షేర్ సర్టిఫికెట్:

హౌసింగ్ సొసైటీలో నివసిస్తుంటే రెసిడెంట్ వెల్ఫేర్ అసోసియేషన్ లేదా RWA నుంచి డూప్లికేట్ సర్టిఫికెట్ ని పొందొచ్చు. డూప్లికేట్ షేర్ సర్టిఫికెట్ పొందాలంటే ఎఫ్ఐఆర్ కాపీ వార్తాపత్రికలో, ముద్రించిన నోటీసు తప్పక ఉండాలి. తర్వాత RWA సమావేశాన్ని ఏర్పాటు చేసి పత్రాలను పరిశీలించి అది నిజమని తేలితే అప్పుడు షేర్ సర్టిఫికెట్ ఇస్తారు.

చట్టపరమైన మార్గాన్ని అనుసరించాలి:

ప్రాపర్టీ పేపర్ కోసం స్టాంప్ పేపర్ పై చేసిన అండర్ టేకింగ్ కావాలి. అయితే దీనిలో ఆస్తి గురించి పూర్తిగా సమాచారం ఉంటుంది. దానిలో పోయిన పేపర్ల గురించి ఎఫ్ఐఆర్, వార్తాపత్రిక నోటీసులు పేర్కొనాలి. నోటరీ ద్వారా ఆమోదించి తరవాత రిజిస్టర్ కార్యాలయానికి వాటినివ్వాలి.

డూప్లికేట్ ప్రాపర్టీ పేపర్స్:

ఇలా ఇవన్నీ మీరు చేసిన తర్వాత రిజిస్టర్ కార్యాలయంలో మీయొక్క ఆస్తి కోసం నకిలీ సేల్ డీడ్ తో దరఖాస్తు చేసుకోవాలి. దీనికోసం మీకు ఎఫ్ఐఆర్ కాపీ, వార్తా పత్రికలో ప్రకటన, డూప్లికేట్ షేర్ సర్టిఫికెట్, నోటరీ మీకు అవసరం అవుతాయి. వీటిని మీరు రిజిస్టర్ కార్యాలయంలో ఇవ్వాలి అలానే దీనికోసం కొంత రుసుము చెల్లించాలి. ఇవన్నీ అయిపోయాక మీకు డూప్లికేట్ సేల్ డీడ్ వస్తుంది.

సాధారణం గా పెద్దలు తమ పిల్లల సంతానం కోసం సంబంధాలు చూసేటప్పుడు పట్టించుకోని ముఖ్యమైన అంశం ఏజ్ గ్యాప్. చాలా మంది అమ్మాయిల వయసు అబ్బాయిల వయసు కంటే తక్కువ ఉంటె చాలు అనుకుని ముందుకెళ్లిపోతుంటారు. నాలుగైదు సంవత్సరాల ఏజ్ గ్యాప్ ఉన్నంత వరకు పరవాలేదు కానీ.. అంతకంటే ఎక్కువ ఉంటె ఇబ్బందులు తప్పవు.

ఏజ్ గ్యాప్ ఎంత ఉండాలి..? అన్న విషయమై కనీస అవగాహన కూడా చాలా మందికి ఉండదు. అసలు ఈ ఏజ్ గ్యాప్ వలన ఎదురయ్యే సమస్యలేంటో ఈరోజు తెలుసుకుందాం.

భార్య వయసు తక్కువ గా ఉండడం వలన ఆమె మనసు అర్ధం చేసుకోవడం భర్తకు సులువు అవుతుంది. ఎందుకంటే.. ఆడవారు మానసికం గా మగవారికంటే త్వరగా ఎదుగుతారు. అయితే.. భార్య వయసు భర్త వయసు కంటే మరీ ఎక్కువ గా ఉన్నా.. లేక భార్య వయసు కంటే భర్త వయసు మరీ ఎక్కువ గా ఉన్న సందర్భాల్లో వీరిద్దరిమధ్య ఈ క్రింది నాలుగు సమస్యలు ఏర్పడతాయి.

1. పిల్లలు కలగడం:

వయసు అంతరం వలన పిల్లలను కనే విషయం లో భార్యాభర్తలిద్దరికీ భిన్నాభిప్రాయాలు ఉంటాయి. వయసు ఎక్కువ ఉన్నవారు తొందరగా పిల్లలను కనాలని.. తక్కువ ఉన్నవారు ముందు జీవితాన్ని ఆస్వాదించాలని కోరుకుంటూ ఉంటారు. దీనివలన గొడవలు వస్తాయి.

2. అనుకూల సమస్యలు:
వయసు తేడా రీత్యా ఇష్టాయిష్టాలలో భేదాభిప్రాయాలు వస్తాయి. ప్రేమకు వయసుతో పని లేదు అన్న సూక్తులు కొంతవరకు బాగానే ఉంటాయి కానీ.. నిజజీవితం లోకి వచ్చేసరికి వయసు తేడా ఉన్న వారిలో ఎవరో ఒకరు రాజీ పడక తప్పని సరి పరిస్థితి ఏర్పడుతుంది. తరచుగా రాజి పడాల్సిన అవసరం వచ్చే వారికి జీవితం పై ఆసక్తి కోల్పోయే ప్రమాదం ఉంటుంది.

3. సామాజిక ఇబ్బందులు:
భార్య వయసు భర్త కంటే ఎక్కువ ఉండడం కూడా ఇటీవల కొన్నిచోట్ల చూస్తున్నాం. కానీ.. ఈ అంతరం ఇంకా సామాజికం గా ఆమోదం పొందలేదు. ఇలా పెళ్లి చేసుకునే జంటలు సామాజికం గా కూడా ఇబ్బందులు ఎదుర్కోవాల్సి వస్తుంది.

4. లైంగిక ఇబ్బందులు:
ఇతర సమస్యలను పక్కన పెడితే.. వయోబేధం ఎక్కువ ఉన్న జంట లైంగిక ఇబ్బందులు కూడా ఎదుర్కోక తప్పదు. ఎందుకంటే.. ఇద్దరి ఆలోచనలు, కోరికలు వేరుగా ఉంటాయి. దీనితో ఇబ్బందులు ఎదురవుతాయి.

ఈరోజుల్లో ఆడ, మగా తేడా లేకుండా అందరు జీన్స్ ధరిస్తున్నారు. ఎక్కువ కాలం వీటిని సౌకర్యవంతం గా ధరించవచ్చు. అందుకే అబ్బాయిలైనా.. అమ్మాయిలైనా జీన్స్ ధరించడానికి ఎక్కువ గా ఆసక్తిని కనబరుస్తున్నారు. యువత మాత్రమే కాదు.. కొందరు పెద్దలు కూడా వీటిని ధరించడానికి మక్కువ చూపిస్తున్నారు.

జీన్స్ పట్ల ఈ మోజు దాదాపు కొన్ని తరాల నుంచి వస్తూనే ఉంది.. ఎన్నో రకాల మోడల్స్ వస్తుండడం తో.. జీన్స్ ఎప్పుడు ఫ్యాషన్ ప్రపంచం లో ట్రేండింగ్ లో నిలుస్తూనే ఉంది. స్కిన్నీ జీన్స్, బేసిక్ జీన్స్, సిగరెట్ జీన్స్.. ఇలా రకరకాల మోడల్స్ అందుబాటులోకి వచ్చాయి. అయితే.. మోడల్స్ ఎన్ని రకాలుగా ఉన్నా అన్ని రకాల జీన్స్ కి కామన్ గా ఉండే పాయింట్ ఏమిటంటే.. వాటికి జిప్ ఉండడం.

అబ్బాయిల జీన్స్ కి అయినా అమ్మాయిల జీన్స్ కి అయినా ఈ జిప్ మాత్రం కామన్ గానే ఉంటుంది. అబ్బాయిలకు మూత్ర విసర్జన కు అనువుగా ఉండడం కోసం జీన్స్ కీ ఫ్రంట్ సైడ్ జిప్ ను పెట్టి డిజైన్ చేసారు. మరి అమ్మాయిల జీన్స్ ని కూడా ఈ జిప్ ని ఎందుకు ఉంచారో తెలుసా..? అమ్మాయిల నడుము ప్రాంతం.. సహజం గానే అబ్బాయిల కంటే ఎక్కువ గా ఉంటుంది. అది అందరికి ఒకేలా ఉండదు. అందుకే అది సరిపోయేలా వేసుకోవడానికి జిప్ ను ఇస్తారు. అలాగే.. నడుము కు తగ్గట్లు టైట్ గా ఉంచుకునేందుకు బెల్ట్ పెట్టుకోవడానికి అనువుగా కూడా డిజైన్ చేసారు. ఇది చాలా చిన్నవిషయమే.. మనం రోజు చూస్తూ ఉండేదే.. కానీ.. మనం శ్రద్ధ పెట్టకపోవడం వలన ఇలాంటివి పట్టించుకోము.