Movie Reviews

ఇతర భాషల హీరోలు మరొక భాష ఇండస్ట్రీలో సినిమాలు చేయడం అనేది ఈ మధ్య సహజం అయిపోయింది. అలా మన తెలుగు హీరో అయిన బెల్లంకొండ సాయి శ్రీనివాస్ కూడా ఇప్పుడు ఛత్రపతి సినిమాతో బాలీవుడ్ లో అడుగు పెట్టారు. ఈ సినిమా ఎలా ఉందో ఇప్పుడు చూద్దాం.

• చిత్రం : ఛత్రపతి
• నటీనటులు : బెల్లంకొండ సాయి శ్రీనివాస్, నుష్రత్ భరుచా, శరద్ కేల్కర్.
• నిర్మాత : ధవల్ జయంతిలాల్ గదా, అక్షయ్ జయంతిలాల్ గదా
• దర్శకత్వం : వివి వినాయక్
• సంగీతం : తనిష్క్ బాగ్చి
• విడుదల తేదీ : మే 12, 2023

స్టోరీ :

శివ (బెల్లంకొండ సాయి శ్రీనివాస్) తన సవతి తల్లి అయిన పార్వతి (భాగ్యశ్రీ), పార్వతి సొంత కొడుకు అయిన అశోక్ (కరణ్ సింగ్ చాబ్రా) తో కలిసి ఉంటాడు. కొన్ని అనుకోని సంఘటనల వల్ల శివ తన కుటుంబంతో విడిపోయి దూరం అవుతాడు. పార్వతి శివ కోసం వెతుకుతూ ఉండగా, అశోక్ శివ చనిపోయాడు అని చెప్పిన అబద్ధం వల్ల పార్వతి బాధపడుతుంది. తర్వాత శివ ఒక బస్తీలో పెరుగుతాడు. కానీ తన తల్లి కోసం వెతుకుతూ ఉంటాడు. అక్కడే శివ భైరవ్ (ఫ్రెడ్డీ దారువాలా), అలాగే అతని అన్న భవాని (శరద్ కేల్కర్) దగ్గర పని చేస్తూ ఉంటాడు.

అక్కడ పని చేస్తూనే సప్న (నుష్రత్ భరుచా) సహాయంతో తన తల్లి కోసం వెతుకుతూ ఉంటాడు. అయితే అక్కడ తన బస్తీలో జరిగే దారుణాలని ఎదిరించి, అక్కడ ఉన్న రౌడీలకే అడ్డుగా నిలబడి ఆ బస్తీ వాసులని కాపాడడం వల్ల శివ ఛత్రపతి అవుతాడు. ఆ తర్వాత నుండి అక్కడ శాసించే స్థాయికి ఎదుగుతాడు. ఎంతో మందికి సహాయం చేస్తాడు. చివరికి శివ తన తల్లిని కలిసాడా? పార్వతి, అశోక్ తర్వాత ఏమయ్యారు? అశోక్ అన్న బతికున్నాడు అనే నిజం తన తల్లికి చెప్పాడా? తర్వాత శివ ఎదుర్కొన్న సంఘటనలు ఏంటి? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ప్రభాస్ హీరోగా రాజమౌళి దర్శకత్వంలో వచ్చిన ఛత్రపతి సినిమా గురించి ప్రత్యేకంగా చెప్పాల్సిన అవసరం లేదు. అప్పటి వరకు ఉన్న ప్రభాస్ ఇమేజ్ ని మార్చేసిన సినిమా అది. ఈ సినిమాకి ఇప్పటికీ చాలా ఫ్యాన్ ఫాలోయింగ్ ఉంది. అలాంటి ఒక సినిమాని హిందీలో రీమేక్ చేస్తున్నారు అంటే మొదటి నుండి కూడా చాలా కామెంట్స్ వస్తూ ఉన్నాయి. ఎందుకంటే హిందీలో ఈ సినిమాకి అంతకంటే ఎక్కువ ఫ్యాన్ ఫాలోయింగ్ ఉంది.

హుకుమత్ కి జంగ్ పేరుతో హిందీలో ఈ సినిమా డబ్ అయ్యింది. ఇది టీవీలో వచ్చినప్పుడు ఎంతో మంది చూశారు. అలాగే యూట్యూబ్ లో కూడా ఈ సినిమాకి ఎన్నో లక్షల్లో వ్యూస్ ఉన్నాయి. ఇలాంటి సినిమాని రీమేక్ చేస్తున్నారు అంటే మామూలు విషయం కాదు. అది కూడా ప్రభాస్ ఇప్పుడు స్టార్ అయిన తర్వాత ఈ సినిమాని రీమేక్ చేశారు అంటే అది ఇంకా పెద్ద విషయం ఏమో. కానీ ఏదేమైనా సరే ఈ సినిమాని రీమేక్ చేసే డైరెక్టర్ మన వివి వినాయక్ కాబట్టి ఆ కమర్షియల్ అంశాలు అలాగే ఉంటాయి అని అనుకున్నారు.

బెల్లంకొండ సాయి శ్రీనివాస్ ఈ సినిమాతో హిందీలో అడుగు పెట్టారు. ఈ విషయంపై కూడా అప్పట్లో చాలా కామెంట్స్ వచ్చాయి. ఇంక కథ విషయానికి వస్తే అసలు మార్పులు చేయలేదు. కానీ శ్రీలంక అనే ప్రాంతాన్ని మన తెలుగులో చూపించారు. దాన్ని హిందీలో ప్రాంతం మార్చి గుజరాత్ చేశారు. ఛత్రపతి సినిమా వచ్చి చాలా సంవత్సరాలు అయ్యింది. ఒక రకంగా చెప్పాలి అంటే ఈ సినిమాకి ఇప్పుడు ఉన్న ఫ్యాన్ ఫాలోయింగ్ సినిమా కథ వల్ల కాదు. అందులో ఉన్న ఎమోషన్స్ వల్ల, ఎలివేషన్స్ సీన్స్ వల్ల. సినిమా కథ ఎప్పుడో అవుట్ డేటెడ్ అయిపోయింది.

ఇలాంటి సినిమాలను హిందీలో కాదు, ఇదే కథతో తెలుగులో సినిమా వచ్చినా కూడా ఇప్పుడు చూడరు. బాలీవుడ్ సినిమా కాబట్టి ఇంకా కమర్షియల్ అంశాలు కూడా ఉన్నాయి. హీరోయిన్ ని హీరో కలిసిన తర్వాత వచ్చే పాట అసలు వినడానికి, చూడడానికి ప్రేక్షకులకు అర్థం కూడా కాదు. ఇంక పర్ఫార్మెన్స్ విషయానికి వస్తే ఎవరికి ఇచ్చిన పాత్రల్లో వాళ్ళు బానే చేశారు. హీరో పాత్ర పోషించిన బెల్లంకొండ సాయి శ్రీనివాస్ డాన్స్ బాగా చేశారు. కానీ కొన్ని ఎమోషనల్ సీన్స్ లో, యాక్షన్ సీన్స్ లో మాత్రం ఇంకా ఎక్స్ప్రెషన్స్ బాగా వచ్చి ఉంటే బాగుండేది ఏమో అనిపిస్తుంది.

అంతే కాకుండా కొన్ని సీన్స్ లో అయితే వాళ్లు సీరియస్ గా మాట్లాడుతూ ఉంటే ప్రేక్షకులకి కామెడీ అనిపిస్తుంది. తెలుగులో చాలా పెద్ద హిట్ అయిన సినిమా కాబట్టి ఇది చూస్తున్న ప్రేక్షకులు కచ్చితంగా తెలుగు సినిమాతో పోలుస్తారు. అలా పోల్చిన తర్వాత హిందీ రీమేక్ సినిమా చాలా విషయాల్లో బలహీనంగా అనిపిస్తుంది. యాక్షన్ సీన్స్ డిజైన్ చేసిన విధానం బాగుంది. కానీ సినిమా అంతా తెలుసు కాబట్టి ప్రేక్షకులకు ఎక్కడా కొత్తగా అనిపించదు. అలాగే టేకింగ్ పరంగా కూడా పెద్ద గొప్పగా లేదు కాబట్టి కనీసం చూడాలని ఆసక్తి కూడా పెద్దగా అనిపించదు.

ప్లస్ పాయింట్స్ :

• నిర్మాణ విలువలు
• కొన్ని యాక్షన్ సీన్స్

మైనస్ పాయింట్స్:

• పాత కథ
• రొటీన్ స్క్రీన్ ప్లే
• పాటలు
• ఎమోషన్స్ మిస్ అవ్వడం

రేటింగ్ :

2/5

ట్యాగ్ లైన్ :

ఛత్రపతి సినిమా చూడని తెలుగు ప్రేక్షకులు ఉండరు ఏమో. కాబట్టి ఒక వేళ హిందీ సినిమా చూడాలి అనుకుంటే ఆ సినిమాని ఒక వేరే సినిమా లాగా చూస్తే, అసలు మన ఒరిజినల్ సినిమాలో ఉన్న ఆ మ్యాజిక్ హిందీ రీమేక్ సినిమాలో ఎంత వరకు ఉందో తెలుసుకోవాలి అని చూస్తే ఈ సినిమా చాలా కష్టం మీద ఒక్కసారి చూడగలిగే సినిమాగా నిలుస్తుంది.

watch trailer : 

నాగ చైతన్య హీరోగా వెంకట్ ప్రభు దర్శకత్వంలో వచ్చిన కస్టడీ సినిమా ఇవాళ విడుదల అయ్యింది. ఈ సినిమా తెలుగుతో పాటు తమిళ్ భాషలో కూడా రూపొందించారు. ఈ సినిమా ఎలా ఉందో ఇప్పుడు తెలుసుకుందాం.

• చిత్రం : కస్టడీ
• నటీనటులు : నాగ చైతన్య, కృతి శెట్టి, అరవింద్ స్వామి.
• నిర్మాత : శ్రీనివాస చిత్తూరి
• దర్శకత్వం : వెంకట్ ప్రభు
• సంగీతం : ఇళయరాజా, యువన్ శంకర్ రాజా
• విడుదల తేదీ : మే 12, 2023

స్టోరీ :

సినిమా రాజమండ్రిలో మొదలవుతుంది. సినిమా అంతా కూడా 1990 సమయంలో జరుగుతుంది. శివ (నాగ చైతన్య) అనే ఒక కానిస్టేబుల్ ఒక సాధారణ జీవితం గడుపుతూ ఉంటాడు. శివ రేవతి (కృతి శెట్టి) ని ప్రేమిస్తాడు. అయితే వారిద్దరి ప్రేమకి కుటుంబాలు అడ్డం పడతాయి. దాంతో శివ ఈ సమస్యలు పరిష్కరించుకోవాలి అనుకుంటాడు.

అయితే అనుకోకుండా రాజు (అరవింద్ స్వామి) అనే ఒక క్రిమినల్ తో శివ కొన్ని సంఘటనలు ఎదుర్కోవాల్సి వస్తుంది. అప్పుడు శివ ఏం చేశాడు? శివ ఎదుర్కొన్న సంఘటనలు ఏంటి? వీటన్నిటి మధ్యలోకి రేవతి ఎలా వచ్చింది? చివరికి రాజుని శివ పోలీసులకి అప్పగించాడా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

కెరీర్ మొదలు పెట్టినప్పటి నుండి కూడా డిఫరెంట్ కాన్సెప్ట్ ఉన్న సినిమాలని ఎక్కువగా ఎంచుకుంటూ, అలాగే కమర్షియల్ సినిమాల్లో కూడా నటిస్తూ ఇండస్ట్రీలో తనకంటూ ఒక గుర్తింపు సంపాదించుకున్న యాక్టర్ నాగ చైతన్య. అయితే నాగ చైతన్య హీరోగా నటించిన థాంక్యూ సినిమా కాన్సెప్ట్ డిఫరెంట్ గా ఉన్నా కూడా ఆశించిన ఫలితాన్ని పొందలేదు. ఇప్పుడు కస్టడీ సినిమాతో ప్రేక్షకుల ముందుకి వచ్చారు.

ఇంక సినిమా విషయానికి వస్తే, దర్శకుడు వెంకట్ ప్రభు ఎంచుకున్న కాన్సెప్ట్ బాగుంది. ఫస్ట్ హాఫ్ మొత్తం సరదాగా వెళ్ళిపోతుంది. అసలు చెప్పాలి అంటే ఫస్ట్ హాఫ్ మొత్తంలో కూడా ఎక్కడ ఒక్కచోట హై అనిపించే సీన్ ఉండదు. అలా వెళ్ళిపోతుంది అంతే. అలా అని ఎంటర్టైనింగ్ గా కూడా అనిపించదు. చాలా మామూలుగా ఉంటుంది. ఒక్క సారి రాజు క్యారెక్టర్ ఎంటర్ అయిన తర్వాత, అలాగే సంపత్ రాజ్ పోషించిన సిబిఐ ఆఫీసర్ పాత్ర వచ్చిన తర్వాత సినిమా కథ కొంచెం ఫాస్ట్ అవుతుంది.

సినిమాలో చేజింగ్ ఎపిసోడ్స్ చాలా ఉన్నాయి. కానీ అవి ఇంకా కొంచెం బాగా తీసి ఉంటే బాగుండేది ఏమో అనిపిస్తుంది. సినిమా ఇంటర్వెల్ కి వచ్చేటప్పటికి నెక్స్ట్ ఏమవుతుంది అనే ఆసక్తి నెలకొంటుంది. ఇందులో యాక్షన్ ఎక్కువగా కనిపిస్తుంది. కానీ అసలు సినిమా 1990 సమయంలో ఉన్నట్టు ఎందుకు తీశారు అనేది మాత్రం అర్థం కాదు. ఎందుకంటే ఈ కాన్సెప్ట్ ఇప్పుడు సమయానికి తగ్గట్టు తీసినా ఒకేలాగా ఉండేది.

అప్పటి సమయానికి తగ్గట్టుగా తీసినా కూడా పెద్దగా కొత్తదనం ఏమీ అనిపించలేదు. పర్ఫార్మెన్స్ విషయానికి వస్తే నాగ చైతన్య ఈ సినిమాలో ఒక డిఫరెంట్ పాత్రలో కనిపించారు. సినిమా పరంగా చూసుకోకుండా, పాత్ర పరంగా చూసుకుంటే నాగ చైతన్య ఈ సినిమాతో కచ్చితంగా నటుడిగా ముందుకి వెళ్లారు. తను ప్రేమించిన అమ్మాయిని కాపాడాలి అని, అలాగే సమస్యలను కూడా ధైర్యంగా ఎదుర్కోవాలి అని అటు భయపడుతూనే ఇటు ధైర్యం చూపించే శివ పాత్రలో నాగ చైతన్య బాగా నటించారు.

సినిమాలో చాలా మంది ప్రముఖ నటీనటులు ఉన్నారు. అందరూ కూడా తమ పాత్రలకి తగ్గట్టుగా నటించారు. విలన్ రాజు పాత్రలో నటించిన అరవింద్ స్వామి కూడా తన పాత్రలో బాగా నటించారు. హీరోయిన్ కృతి శెట్టి కి పెద్దగా పెర్ఫార్మన్స్ విషయంలో చెప్పుకోదగ్గ పాత్ర ఏమి కాదు. శరత్ కుమార్ కూడా తన పాత్రకి తగ్గట్టుగా నటించారు. ప్రియమణి ఈ సినిమాలో ఒక ముఖ్యమైన పాత్ర పోషించారు. కానీ అంత ముఖ్యమైన పాత్ర పోషించిన నటిని కేవలం కొన్ని సీన్లకు మాత్రమే పరిమితం చేయడం అనేది అర్థం కాని విషయం.

అంత మంచి నటిని అంత ఇంపార్టెంట్ పాత్రకి తీసుకొని తెరపై బాగా చూపించలేకపోయారు అనిపిస్తుంది. సంపత్ కూడా అంతే. ఆయన పోషించిన పాత్ర సినిమాలో చాలా ముఖ్యమైన పాత్ర. కానీ తెరపై చూపించే విషయంలో ఇంకా కొంచెం జాగ్రత్త తీసుకొని ఉంటే బాగుండేది ఏమో అనిపిస్తుంది. పాటలు అటు చాలా బాగున్నాయి అని చెప్పలేం. ఇటు బాగాలేదు అని చెప్పలేం. అలా వెళ్ళిపోతాయి అంతే. సినిమాలో చూపించిన ప్రేమ కథ కూడా ఇంకా కొంచెం బాగా రాసుకొని ఉంటే బాగుండేది అనిపిస్తుంది.

ప్లస్ పాయింట్స్ :

• నాగ చైతన్య
• కొన్ని యాక్షన్ సీన్స్

మైనస్ పాయింట్స్:

• బలహీనమైన స్క్రీన్ ప్లే
• సాగదీసినట్టుగా ఉండే కొన్ని సీన్స్
• హీరో హీరోయిన్స్ మధ్య వచ్చే ప్రేమ కథ
• ముఖ్యమైన పాత్రలకి ప్రాముఖ్యత లేకపోవడం

రేటింగ్ :

2.5/5

ట్యాగ్ లైన్ :

ఎక్కువ ఎక్స్పెక్టేషన్స్ పెట్టుకోకుండా, నాగ చైతన్య కోసం సినిమా చూద్దాం అనుకునే వారికి, టేకింగ్ ఎలా ఉన్నా డిఫరెంట్ కాన్సెప్ట్ ఉంది కాబట్టి సినిమా చూద్దాం అనుకునే వారికి కష్టడి సినిమా ఒక్కసారి చూడగలిగే సినిమాగా నిలుస్తుంది.

watch trailer :

• చిత్రం : ది కేరళ స్టోరీ
• నటీనటులు : అదా శర్మ, యోగితా బిహాని, సోనియా బాలాని, సిద్ధి ఇద్నాని
• నిర్మాత : విపుల్ అమృతలాల్ షా
• దర్శకత్వం : సుదీప్తో సేన్
• సంగీతం : బిశాఖజ్యోతి, వీరేష్ శ్రీవల్స
• విడుదల తేదీ : మే 5, 2023

స్టోరీ :

కేరళలో కొన్నేళ్లుగా 32 వేల మంది మహిళలు అదృశ్యమైనట్లు వస్తున్న ఆరోపణలకు సంబంధించి.. వారి ఆచూకీ ఎక్కడనే కథాంశంతో ది కేరళ స్టోరీ సినిమా రూపొందించారు. విడుదలకు ముందే ఈ చిత్రం పై ఎన్నో వివాదాలు చుట్టుముట్టాయి.

ఒక నర్సింగ్ కళాశాలలో చేరిన నలుగురు విద్యార్థులు చుట్టూ ఈ కథ తిరుగుతుంది. అయితే షాలిని ఉన్నికృష్ణన్ (అదా శర్మ) ని ఇంటరాగేషన్ చేస్తున్న సమయం లో ఆమె చెబుతున్నట్టుగా సినిమా స్టోరీ స్టార్ట్ అవుతుంది. హాస్టల్ లో కలిసి జీవిస్తున్న తమను ఇస్లాం మతంలోకి మారడానికి బ్రెయిన్‌వాష్ చేసిన విధానాన్ని.. ఆ తర్వాత జరిగిన పరిణామాల గురించి షాలిని వివరిస్తుంది. అదే మిగతా కథ..

రివ్యూ:

ట్రైలర్ తోనే ఈ మూవీ ఎన్నో వివాదాలను మూటగట్టుకుంది. కేరళలో పెద్దయెత్తున విమర్శలు వచ్చాయి. మత సామరస్యాన్ని దెబ్బతీసే ఇలాంటి సినిమాను విడుదల చేయొద్దంటూ అధికార, పలు విపక్ష పార్టీలు మండిపడ్డాయి కానీ.. ఈ విమర్శలపై డైరెక్టర్‌ సుదీప్తోసేన్‌ ట్విట్టర్‌ వేదికగా రియాక్ట్‌ అయ్యారు. ఇప్పుడే మూవీపై ఓ అభిప్రాయానికి రావొద్దని.. సినిమా చూశాక.. ఒకవేళ నచ్చకపోతే అప్పుడు చర్చిద్దామన్నారు.

ఇక నిజ జీవిత కథలతో తెరకెక్కించినట్లు చెప్పిన ఈ మూవీ లో ఆ పరిస్థితులను సరిగ్గా చూపించగలిగారు. ప్రజలకు అవగాహన కల్పించడానికి సరైన రీతిలో తెరకెక్కించారు. ఇంతవరకు దర్శకుడు సుదీప్తోసేన్‌ విజయం సాధించారు. ఆయా పాత్రలు అనుభవిస్తున్న బాధ లోకి మనల్ని తీసుకెళ్లారు. హిందూ మతపరమైన ఆరాధన, నాస్తికత్వం, కమ్యూనిజం, ఇస్లాం, షరియా చట్టాలను బోధించే ప్రక్రియ వీటన్నిటిని సవాలుగా తీసుకొని తెరకెక్కించారు.

స్క్రీన్ ప్లే సరిగ్గా కుదిరింది. కానీ మ్యూజిక్, బ్యాక్ గ్రౌండ్ బాగోలేదు. బిజియం వల్ల కొన్ని సన్నివేశాలు సరిగ్గా ఎలివేట్ కాలేదు. కొన్ని డైలాగ్స్ కూడా అంతగా సెట్ అవ్వలేదు. లొకేషన్స్ అన్ని బాగా చూపించారు. కొన్ని సన్నివేశాల్లో హింస ఎక్కువైంది.

ప్రధాన పాత్రల్లో నటించిన నలుగురు బాగా నటించారు. సినిమాటోగ్రఫీ బాగుంది. నిర్మాణ విలువలు బాగున్నాయి.

ప్లస్ పాయింట్స్ :

• స్క్రీన్ ప్లే
• సినిమాటోగ్రఫీ
• ప్రధాన పాత్రల నటన

మైనస్ పాయింట్స్:

• బాక్గ్రౌండ్ మ్యూజిక్
• డైలాగ్స్

రేటింగ్ : 3/5

ట్యాగ్ లైన్ : ఈ సినిమా వెనుక ఉన్న వివాదాలను పక్కన పెట్టి ఒక సినిమాగా చూస్తే ‘ది కేరళ స్టోరీ’ మంచి సినిమా.

• చిత్రం : రామబాణం
• నటీనటులు : గోపీచంద్, డింపుల్ హయాతి, జగపతి బాబు, ఖుష్బూ, సచిన్ ఖేడేకర్, వెన్నెల కిషోర్
• నిర్మాత : టి.జి. విశ్వ ప్రసాద్, వివేక్ కూచిభొట్ల
• దర్శకత్వం : శ్రీవాస్
• సంగీతం : మిక్కీ జే మేయర్
• విడుదల తేదీ : మే 5, 2023

స్టోరీ :

ఈస్ట్ గోదావరి రఘుదేవపురంలో విలువలు, నియమాలతో బ్రతికే ఒక అందమైన ఉమ్మడి కుటుంబం. అయితే హీరో విక్కీ (గోపి చంద్) తన అన్న (జగపతి బాబు) తో గొడవ పడి చిన్నప్పుడే ఇల్లు వదిలి వెళ్ళిపోతాడు. కోల్‌కతా వెళ్లి అక్కడ పెద్ద డాన్ గా మారతాడు. అక్కడే భైరవి (డింపుల్ హయాతి) అనే యూట్యూబర్ ని ప్రేమిస్తాడు.

అయితే తన అన్నకి ఒక సమస్య వచ్చిందని తెలుసుకున్న విక్కీ తన ఇంటికి తిరిగి వస్తాడు. ఆ సమస్యల నుండి విక్కీ అన్నని ఎలా బయటపడేసాడు? అన్నదమ్ములు మళ్లీ కలిసారా? అసలు వాళ్ళకి ఉన్న సమస్య ఏంటి? ఇవన్నీ తెలుసుకోవాలి అంటే సినిమా చూడాల్సిందే..

రివ్యూ:

మ్యాచో హీరో గోపీచంద్ కు లక్ష్యం, లౌక్యం వంటి హిట్ చిత్రాలు అందించిన దర్శకుడు శ్రీవాస్. తాజాగా ఆయన దర్శకత్వంలో గోపీచంద్ మూడోసారి హీరోగా నటించిన చిత్రం రామబాణం. నందమూరి నటిసింహం బాలకృష్ణ చెప్పిన టైటిల్ తో వస్తున్న ఈ మూవీ ట్రైలర్, టీజర్, సాంగ్స్, పోస్టర్స్ కి మంచి రెస్పాన్స్ వచ్చింది.

అయితే కథ పాతదే అయినా..కొత్తగా చూపించాడు డైరెక్టర్ శ్రీవాస్. ఫ్యామిలీ సెంటిమెంట్ తో పాటు కామెడీ, యాక్ష‌న్ స‌మ‌పాళ్ల‌లో ఉన్నాయి. అలాగే ఎమోషన్స్ కూడా వర్కౌట్ అయ్యాయి. ఫస్ట్ హాఫ్ మొత్తం సరదాగా సాగిపోతుంది. సెకండ్ హాఫ్ లో ఫ్యామిలీ ఎమోషన్స్ హైలైట్ అయ్యేలా చేశారు.

నటీనటులు తమ పాత్ర పరిధి మేరకు నటించారు. పాటలు బాగున్నాయి. యాక్షన్ ఎపిసోడ్స్ ఆకట్టుకుంటాయి. లక్ష్యం తర్వాత జగపతి బాబు, గోపీచంద్ మరోసారి అన్నదమ్ములుగా నటించారు. వీరి బంధం బాగా చూపించారు. మిక్కీ జె మేయర్ బీజీఎమ్ యాక్షన్ సన్నివేశాలను బాగా ఎలివేట్ చేసింది .పీపుల్ మీడియా ఫ్యాక్టరీ నిర్మాణ విలువలు బాగున్నాయి . సినిమాటోగ్రఫీ బాగుంది.

ప్లస్ పాయింట్స్ :

• యాక్షన్ ఎపిసోడ్స్
• న‌టీన‌టులు
• బాక్గ్రౌండ్ మ్యూజిక్

మైనస్ పాయింట్స్:

• తెలిసిన కథ
• సాగదీసినట్టుగా ఉండే కొన్ని సీన్స్

రేటింగ్ : 

3/5

ట్యాగ్ లైన్ :

(రొటీన్ ) రొమాన్స్, కామెడీ, డ్రామా అన్ని కలగలిపిన కంప్లీట్ ఫ్యామిలీ ఎంటర్టైనర్

• సినిమా : ఉగ్రం
• స్టార్ కాస్ట్ : అల్లరి నరేష్, మిర్నా మీనన్
• దర్శకుడు : విజయ్ కనకమేడల
• నిర్మాత : సాహు గారపాటి, హరీష్ పెద్ది
• సంగీతం : శ్రీచరణ్ పాకాల
• రన్ టైమ్ : 2 గం 28 నిమిషాలు
• విడుదల : 05 మే 2023
  కథ:

శివ(నరేష్) ఒక స్ట్రిక్ట్, సిన్సియర్ పోలీస్ ఆఫీసర్, అతను అమ్మాయిలను వేధించే గ్యాంగ్ ను అరెస్టు చేస్తాడు.  ఆ తరువాత ఈ గ్యాంగ్ అతని భార్య అపర్ణను  హెచ్చరిస్తుంది. శివ గ్యాంగ్ లో  ముగ్గురినీ చంపేస్తాడు. అయితే ఒకరు  తప్పింకుంటాడు.ఆ  తరువాత శివ, అతని ఫ్యామిలికి యాక్సిడెంట్ అవుతుంది. అయితే దాని తరువాత వారు కనిపించకుండా పోతారు. వీరి మిస్సింగ్‌కి గ్యాంగ్‌లోని తప్పించుకున్న నాలుగో వ్యక్తి కారణమా? శివ తప్పిపోయిన తన ఫ్యామిలీని కనిపపెట్టడా? అనేది మిగిలిన కథ.
రివ్యూ:

అల్లరి నరేష్ సినీ పరిశ్రమలో అడుగుపెట్టి ఇరవై ఏళ్లు దాటిపోయింది. ఆయన కెరీర్ మొదట్లో వరుసగా కామెడీ చిత్రాలలో నటిస్తూ కామెడీ హీరోగా గుర్తింపు తెచ్చుకున్నప్పటికి, నరేష్‌ కామెడీ చిత్రాల మధ్యలో చేసిన శంభో శివ శంభో, గమ్యం, మహర్షి వంటి చిత్రాలు ప్రత్యేకమైన గుర్తింపును ఏర్పరచాయి. వాటి వల్ల నరేష్ కూడా అలాంటి చిత్రాలు చేయడానికే ఎక్కువ ఇంట్రెస్ట్ కనపరస్తున్నారు. ఈ క్రమంలోనే 2021లో విజయ్ కనకమేడల దర్శకత్వంలో ‘నాంది’ సినిమాలో నటించిన అందరినీ ఆశ్చర్యపరచాడు. గతంలో ఎప్పుడూ కనిపించని విధంగా ఈ చిత్రంలో నరేష్ కనిపించారు.
ఉగ్రం మూవీ పోలీస్ యాక్షన్ డ్రామాతో తెరకెక్కింది. సిన్సియర్ పోలీస్ క్యారెక్టర్ లో అల్లరి నరేష్ నటించారు. ఆయన ట్రాన్స్ఫర్మేషన్ ఆకట్టుకుంటుంది. ఆయన పాత్రలో ఒదిగిపోయి నటించిన తీరుకి, అల్లరి నరేష్ లోని కామెడీ యాంగిల్ అనేది గుర్తుకు రాదు. నరేష్ ఎక్స్ప్రెషన్స్, బాడీ లాంగ్వేజ్ సిన్సియర్ పోలీస్ ఆఫీసర్ రోల్ కి పూర్తి న్యాయం చేశాడు. నరేష్ వైఫ్ గా మర్నా మీనన్ బాగానే చేసింది. డాక్టర్‌గా ఇంద్రజ బాగా చేసింది. మిగతా నటీనటులు తమ పాత్రల పరిధి మేరకు నటించారు.
దర్శకుడు రాసుకున్న స్టోరీ బాగున్నా, కథనాన్ని నడిపించిన విధానం ఎఫెక్ట్‌గా అనిపించ‌దు. ఫస్టాఫ్ మూవీ అంతా చాలా నెమ్మదిగా రొటీన్, యాక్షన్ డ్రామాల సాగుతుంది. లవ్ ట్రాక్ ఉన్నా అంతగా వర్కౌట్ కాలేదు. ఇంటర్వెల్ సీక్వెన్స్ , ట్విస్టులు, థ్రిల్లింగ్ ఇన్వెస్టిగేషన్ మూవీ సెకండాఫ్‌లో ఆడియెన్స్ కి కొంచెం రిలీఫ్ ను ఇస్తాయి. నిర్మాణ విలువలు బాగున్నాయి. సినిమాటోగ్రఫీ, నేపథ్య సంగీతం ఆకట్టుకుంది.

ప్లస్ పాయింట్స్ :

• నరేష్ నటన,
• నేపథ్య సంగీతం,
• సినిమాటోగ్రఫీ,
• ఇంట‌ర్వెల్ సీక్వెన్స్,

మైనస్ పాయింట్స్:

• స్లో నెరేషన్
• ల‌వ్ స్టోరీ సీక్వెన్స్

రేటింగ్ :

2.5/5

ట్యాగ్ లైన్ :

నాంది మ్యాజిక్‌ను ఉగ్రంతో నరేష్, విజయ్ కనకమేడల రిపీట్ చేయలేక‌పోయారు. యాక్ష‌న్ సినిమాల‌ను చూసేవారికి వారికి ‘ఉగ్రం’ ఒక్కసారి చూడగలిగే సినిమా.

watch trailer :

• చిత్రం : రామబాణం
• నటీనటులు : గోపీచంద్, డింపుల్ హయాతి, జగపతి బాబు.
• నిర్మాత : టి.జి. విశ్వ ప్రసాద్, వివేక్ కూచిభొట్ల
• దర్శకత్వం : శ్రీవాస్
• సంగీతం : మిక్కీ జే మేయర్
• విడుదల తేదీ : మే 5, 2023

స్టోరీ :

విక్కీ (గోపీచంద్) చిన్నప్పుడే ఇల్లు వదిలి వెళ్ళిపోతాడు. అందుకు కారణం తన అన్న (జగపతి బాబు) తో ఉన్న గొడవలు. ఈస్ట్ గోదావరి లో ఉన్న రాఘవేంద్రపురంలో తన అన్న హోటల్ నడుపుతూ ఉంటాడు. తర్వాత విక్కీ కోల్‌కతా లో పెద్ద డాన్ అవుతాడు. తర్వాత విక్కీ, భైరవి (డింపుల్ హయాతి) అనే యూట్యూబర్ ని ప్రేమిస్తాడు.

కొన్ని కారణాల వల్ల విక్కీ మళ్లీ తన ఇంటికి రావాల్సి వస్తుంది. ఆ తర్వాత తన అన్న సమస్యల్లో ఉన్నాడు అని విక్కీ తెలుసుకుంటాడు. ఆ సమస్యల నుండి విక్కీ ఎలా బయటపడేసాడు? అన్నదమ్ములు మళ్లీ కలిసారా? అసలు వాళ్ళకి ఉన్న సమస్య ఏంటి? విక్కీ ఎలాంటి సంఘటనలు ఎదుర్కొన్నాడు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

డిఫరెంట్ పాత్రలు చేస్తూ, తనని తాను ప్రతి సినిమాకి నటుడిగా నిరూపించుకుంటూ వస్తున్నారు గోపీచంద్. గత సంవత్సరం పక్కా కమర్షియల్ వంటి సినిమాతో ప్రేక్షకుల ముందుకు వచ్చారు. ఆ సినిమాలో ఒక కామెడీ పాత్ర పోషించిన గోపీచంద్, ఇప్పుడు ఈ సినిమాలో కూడా మరొక ఎంటర్టైనింగ్ పాటతో ప్రేక్షకుల ముందుకి వచ్చారు.

సినిమా మొత్తం కూడా ఒక ఫ్యామిలీ డ్రామాగా సాగుతుంది. సినిమా కథ పెద్ద కొత్తగా ఏమీ అనిపించదు. కానీ సినిమా తీసిన విధానం ఎంటర్టైనింగ్ గా ఉంది. ఫస్ట్ హాఫ్ మొత్తం సరదాగా సాగిపోతుంది. సెకండ్ హాఫ్ లో ఫ్యామిలీ ఎమోషన్స్ హైలైట్ అయ్యేలా చేశారు. పర్ఫార్మెన్స్ విషయానికి వస్తే సినిమాలో నటించిన ప్రతి ఒక్క నటులు తమ పాత్రలకి తగ్గట్టుగా నటించారు.

మిక్కి జే మేయర్ అందించిన పాటలు కూడా బాగున్నాయి. కానీ సినిమాలో కొత్తదనం లోపించడం వల్ల సినిమా చూస్తున్నప్పుడు ప్రేక్షకుడికి తర్వాత ఏమవుతుంది అనే ఆసక్తి ఉండదు. కొన్ని ఎమోషనల్ సీన్స్ మాత్రం తెరపై చాలా బాగా వచ్చాయి.

ప్లస్ పాయింట్స్ :

• అక్కడక్కడ వర్కౌట్ అయిన కామెడీ
• ఎమోషన్స్

మైనస్ పాయింట్స్:

• తెలిసిన కథ
• సాగదీసినట్టుగా ఉండే కొన్ని సీన్స్

రేటింగ్ :

3/5

ట్యాగ్ లైన్ :

సినిమా నుండి కథ విషయంలో పెద్దగా ఏమీ ఎక్స్పెక్ట్ చేయకుండా, ఒక మంచి ఎమోషనల్ ఫ్యామిలీ సినిమా చూద్దాం అనుకునే వారిని ఈ సినిమా అస్సలు నిరాశపరచదు. ఇటీవల కాలంలో వచ్చిన ఎమోషనల్ సినిమాల్లో ఒక మంచి సినిమాగా రామబాణం సినిమా నిలుస్తుంది.

watch trailer :

• చిత్రం : ఉగ్రం
• నటీనటులు : అల్లరి నరేష్, మిర్నా.
• నిర్మాత : సాహు గారపాటి, హరీష్ పెద్ది
• దర్శకత్వం : విజయ్ కనకమేడల
• సంగీతం : శ్రీ చరణ్ పాకాల
• విడుదల తేదీ : మే 5, 2023

స్టోరీ :

శివ (అల్లరి నరేష్) ఒక స్ట్రిక్ట్ గా ఉండే పోలీస్ ఆఫీసర్. కొంత మంది మాదకద్రవ్యాలు తీసుకుంటూ అమ్మాయిలని ఇబ్బంది పెట్టే వారిని అరెస్ట్ చేస్తాడు. తర్వాత వాళ్లు వచ్చి శివ భార్య అయిన అపర్ణ (మిర్నా) ని ఇబ్బంది పెట్టే విధంగా మాట్లాడి, వార్నింగ్ ఇచ్చి వెళ్ళిపోతారు. తర్వాత శివ ఆ బృందంలో ఉన్న ముగ్గురిని చంపేస్తాడు. కానీ ఒక్కరు మాత్రం మిస్ అవుతారు.

తర్వాత శివ కుటుంబానికి యాక్సిడెంట్ అవుతుంది. ఆ యాక్సిడెంట్ తర్వాత శివ భార్య, కూతురు కనిపించకుండా పోతారు. అసలు వాళ్ళిద్దరూ ఏమయ్యారు? ఆ బృందంలో నాలుగవ వ్యక్తి వీళ్ళని ఏమైనా చేశాడా? అసలు అతను ఎక్కడికి వెళ్లి పోయాడు? శివ ఈ సమస్యలన్నిటినీ ఎలా పరిష్కరించాడు? తన భార్యని, కూతురిని కనిపెట్టాడా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

కొద్ది సంవత్సరాల క్రితం అల్లరి నరేష్ అంటే కామెడీకి పెట్టింది పేరు. వరుసగా కామెడీ సినిమాలు చేస్తూ తన కామెడీ టైమింగ్ తో స్టార్ హీరో అయ్యారు. ఆ తర్వాత అల్లరి నరేష్ తనలో ఉన్న నటుడిని ఆవిష్కరిస్తూ రకరకాల షేడ్స్ ఉన్న పాత్రలను పోషిస్తున్నారు. అందులో భాగంగానే గమ్యం లాంటి సినిమాలు కూడా చేశారు. అయితే కొంత కాలం క్రితం నాంది సినిమాతో అల్లరి నరేష్ ఇంత సీరియస్ పాత్రలు కూడా చేయగలరు అని నిరూపించారు.

ఇప్పుడు అదే సినిమా డైరెక్టర్ తో కలిసి ఉగ్రం సినిమాతో ప్రేక్షకుల ముందుకి వచ్చారు. ఈ సినిమాలో కూడా అల్లరి నరేష్ ఒక డిఫరెంట్ పాత్ర పోషించారు. ఇలాంటి పాత్రలో అల్లరి నరేష్ ని అంతకుముందు మనం చూడలేదు. సినిమా అంతా సీరియస్ గా సాగుతుంది. ట్రైలర్ లో చూసిన విధంగానే ఇది ఒక సస్పెన్స్ యాక్షన్ డ్రామా. డైరెక్టర్ ఎంచుకున్న కాన్సెప్ట్ బాగుంది. కానీ సినిమా మొత్తంలో ఏదో తగ్గిన ఫీలింగ్ వస్తుంది.

అంటే చాలా చోట్ల లాజిక్ మిస్ అవుతుంది. సినిమాటిక్ లిబర్టీ తీసుకొని చాలా చోట్ల కొన్ని సీన్స్ పెట్టారు. అవి ప్రేక్షకులకి, “అసలు ఇలా జరుగుతుందా?” అని అనిపిస్తుంది. అలాగే అమ్మాయిలపై జరిగే సమస్యల మీద సినిమా తీసినా కూడా అది చూపించే విధానం చాలా డ్రామాటిక్ గా అనిపిస్తుంది. సినిమా చూస్తున్నంత సేపు మంచి కాన్సెప్ట్ అనిపిస్తూ ఉన్నా కూడా ప్రేక్షకులకి ఆ ఎమోషనల్ కనెక్షన్ ఎక్కడ అనిపించదు.

శ్రీ చరణ్ పాకాల అందించిన పాటలు సినిమాకి తగ్గట్టుగా ఉన్నాయి. ఇంక పర్ఫార్మెన్స్ విషయానికి వస్తే సినిమాకి పెద్ద హైలైట్ అల్లరి నరేష్. అల్లరి నరేష్ ఈ పాత్రకి కరెక్ట్ గా సరిపోయారు అనిపిస్తుంది. మిగిలిన నటీనటులు అందరూ కూడా వారి పాత్రలకు తగ్గట్టుగా చేశారు. కానీ ఎమోషన్స్ విషయంలో, అవి తెరపై చూపించే విషయంలో ఇంకా కొంచెం జాగ్రత్త తీసుకొని ఉంటే బాగుండేది ఏమో అనిపి.

ప్లస్ పాయింట్స్ :

• అల్లరి నరేష్ నటన
• నిర్మాణ విలువలు
• మ్యూజిక్
• ఎంచుకున్న పాయింట్

మైనస్ పాయింట్స్:

• కొన్ని ఎమోషనల్ సీన్స్
• హీరో, హీరోయిన్స్ మధ్య లవ్ ట్రాక్

రేటింగ్ :

2.5/5

ట్యాగ్ లైన్ :

పెద్దగా ఎక్స్పెక్ట్ చేయకుండా, ఒక మంచి సస్పెన్స్ డ్రామా సినిమా చూద్దాం అనుకునే వారికి, అల్లరి నరేష్ కోసం సినిమా చూద్దాం అనుకునే వారికి ఉగ్రం సినిమా ఒక్కసారి చూడగలిగే సినిమాగా నిలుస్తుంది.

watch trailer :