Movie Reviews

వీకెండ్ అవ్వడంతో చాలా సినిమాలు రిలీజ్ అవుతున్నాయి. ఇప్పుడు శివ కందుకూరి నటించిన భూతద్దం భాస్కర్ నారాయణ సినిమా కూడా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : భూతద్దం భాస్కర్ నారాయణ
• నటీనటులు : శివ కందుకూరి, రాశి సింగ్, అరుణ్ కుమార్, వర్షిణి సౌందరరాజన్.
• నిర్మాత : స్నేహల్ జంగాల, శశిధర్ కాసి, కార్తీక్ ముడుంబి
• దర్శకత్వం : పురుషోత్తం రాజ్
• సంగీతం : శ్రీచరణ్ పాకాల, విజయ్ బుల్గానిన్
• విడుదల తేదీ : మార్చి 1, 2024

స్టోరీ :

ఆంధ్రప్రదేశ్, కర్ణాటక సరిహద్దు ప్రాంతంలో వరుసగా కొంత మంది చనిపోతూ ఉంటారు. ఒక వ్యక్తి వారందరిని చంపేస్తూ ఉంటాడు. వారి తలలు తీసుకొని, ఆ స్థానంలో దిష్టిబొమ్మలు పెట్టి వెళ్ళిపోతాడు. దాంతో అక్కడ ఉన్న ఒక లోకల్ డిటెక్టివ్ అయిన భాస్కర్ నారాయణ (శివ కందుకూరి) ఈ కేస్ ఇన్వెస్టిగేట్ చేయడానికి ముందుకి వస్తాడు. అసలు ఆ చంపే వ్యక్తి ఎవరు? అలా ఎందుకు చేస్తున్నాడు? భాస్కర్ నారాయణ ఆ వ్యక్తిని ఎలా కనిపెట్టాడు? ఈ క్రమంలో ఎలాంటి సంఘటనలు ఎదుర్కొన్నాడు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

డిటెక్టివ్ థ్రిల్లర్ అనే జోనర్ లో చాలా సినిమాలు వచ్చాయి. చాలా సినిమాలు వస్తూ ఉంటాయి. ఒక కేసుని ఆ డిటెక్టివ్ ఎలా ఇన్వెస్టిగేట్ చేస్తాడు అనేది సినిమాలో ఆసక్తికరంగా చూపిస్తే ఆ సినిమా హిట్ అయినట్టే. ఇటీవల ఏజెంట్ సాయి శ్రీనివాస ఆత్రేయ అలాగే పెద్ద హిట్ అయ్యింది. ఇప్పుడు భూతద్దం భాస్కర్ నారాయణ సినిమా కూడా అలాంటి ఒక విషయం మీదే నడుస్తుంది. ఇందులో దర్శకుడు ఎంచుకున్న స్టోరీ పాయింట్ బాగుంది.

అంతే కాకుండా సినిమాని పురాణాలకి సంబంధం ఉండేలాగా ఉన్న సీన్స్ కూడా చాలా బాగా వచ్చాయి. అయితే కొన్ని చోట్ల మాత్రం రొటీన్ గా అనిపిస్తుంది. అందులోనూ ముఖ్యంగా ఫస్ట్ హాఫ్ లో అయితే చాలా సీన్స్ ఇంకా కొంచెం బాగా రాసుకొని ఉంటే బాగుండేది అని అనిపించే విధంగా ఉంటాయి.  పర్ఫార్మెన్స్ విషయానికి వస్తే, శివ కందుకూరి, భాస్కర్ నారాయణ పాత్రలో బాగా నటించారు.

హీరోయిన్ రాశి సింగ్ తన పాత్ర పరిధి మేరకు నటించారు. మిగిలిన వాళ్ళు అందరూ కూడా తమ పాత్రలకి తగ్గట్టు నటించారు. శ్రీ చరణ్ పాకాల అందించిన బ్యాక్ గ్రౌండ్ మ్యూజిక్ బాగుంది. విఎఫ్ఎక్స్ కూడా బాగున్నాయి. కొన్ని ట్విస్ట్ సీన్స్ రాసుకున్న విధానం కూడా బాగుంది. సినిమాలో ఉన్న సస్పెన్స్ ని క్లైమాక్స్ వరకు తీసుకెళ్లడంలో డైరెక్టర్ చాలా వరకు సక్సెస్ అయ్యారు. కానీ కొన్ని సీన్స్ మాత్రం రొటీన్ గా అనిపిస్తాయి. ఆ విషయంలో జాగ్రత్త తీసుకొని ఉంటే బాగుండేది.

ప్లస్ పాయింట్స్ :

• స్టోరీ పాయింట్
• కొన్ని ట్విస్ట్ లు
• బ్యాక్ గ్రౌండ్ మ్యూజిక్
• ఎడిటింగ్

మైనస్ పాయింట్స్:

• రొటీన్ గా అనిపించే కొన్ని సీన్స్
• సెకండ్ హాఫ్ లో ల్యాగ్

రేటింగ్ :

2.75/5

ట్యాగ్ లైన్ :

అక్కడక్కడ మధ్యలో వచ్చే రొటీన్ సీన్స్ ని పక్కన పెడితే, ఇన్వెస్టిగేటివ్ డ్రామాలు, డిటెక్టివ్ థ్రిల్లర్స్ ఇష్టపడే వారికి భూతద్దం భాస్కర్ నారాయణ సినిమా ఒక్కసారి చూడగలిగే ఒక డీసెంట్ సినిమాగా నిలుస్తుంది.

watch trailer :

ALSO READ : “నీ యావ ఆడవాళ్ళ మీద నుంచి మగవాళ్ళ మీదకి మళ్లిందా?”… అంటూ పవన్ పై ఫైర్ అయిన జగన్ అభిమాని.!

సినిమా సినిమాకి డిఫరెంట్ కాన్సెప్ట్ ఉన్న స్టోరీస్ ఎంచుకుంటూ ముందుకి వెళ్తున్న హీరో వరుణ్ తేజ్. ఇప్పుడు ఆపరేషన్ వాలెంటైన్ సినిమాతో ప్రేక్షకుల ముందుకి వచ్చారు. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : ఆపరేషన్ వాలెంటైన్
• నటీనటులు : వరుణ్ తేజ్, మానుషి చిల్లర్.
• నిర్మాత : సోనీ పిక్చర్స్ ఇంటర్నేషనల్ ప్రొడక్షన్స్, సందీప్ ముద్దా
• దర్శకత్వం : శక్తి ప్రతాప్ సింగ్ హడా
• సంగీతం : మిక్కీ జె మేయర్
• విడుదల తేదీ : మార్చి 1, 2024

స్టోరీ :

వింగ్ కమాండర్ అర్జున్ రుద్రదేవ్ (వరుణ్ తేజ్), ఎయిర్ ఫోర్స్ వజ్ర అనే మిషన్ లో భాగంగా 20 మీటర్ల ఎత్తులో జెట్ ని నడిపితే రాడార్ కి చిక్కకుండా ఉండే కాన్సెప్ట్ ని పరీక్షించాలి అనుకుంటాడు. కానీ ఆ పరీక్ష విఫలం అవుతుంది. అందులో, ఆ మిషన్ లో భాగమైన కబీర్ (నవదీప్) చనిపోతాడు. ఈ కారణంగా ఈ మిషన్ ని ఆహానా గిల్ (మానుషి చిల్లర్) అనే మరొక వింగ్ కమాండర్ ఆపేస్తుంది. ఆహానా గిల్, అర్జున్ ప్రేమలో ఉంటారు.

ఈ సంఘటన జరిగిన కొన్ని సంవత్సరాలకి అర్జున్ కోలుకుంటాడు. ఫిబ్రవరి 14, 2019 లో పుల్వామా దాడి జరిగి, అందులో ఎంతో మంది సైనికులు వీరమరణం పొందుతారు. అప్పుడు ఇండియన్ ఎయిర్ ఫోర్స్ పాకిస్తాన్ లోకి వెళుతుంది. అక్కడ సర్జికల్ స్ట్రైక్ చేస్తుంది. ఆ తర్వాత ఏం జరిగింది? అర్జున్ ఈ మిషన్ లో ఎలా పాల్గొన్నాడు? అతను ఎలాంటి పై ఎత్తులు వేశాడు? పాకిస్తాన్ చర్యలని ఇండియన్ ఎయిర్ ఫోర్స్ ఎలా అడ్డుకుంది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఇటీవల దేశభక్తి అనే కాన్సెప్ట్ మీద వస్తున్న సినిమాల సంఖ్య ఎక్కువగానే పెరిగింది. దేశం కోసం సైనికులు ఎలాంటి త్యాగాలు చేస్తారు అనేది సినిమాల ద్వారా చెప్పి వారి గొప్పదనాన్ని ప్రజలందరికీ తెలియజేయాలి అని దర్శకులు ప్రయత్నించడం అనేది మంచి విషయం. ఇప్పుడు ఈ సినిమా కూడా ఇలాగే దేశభక్తి నేపథ్యంలో రూపొందించారు. ఇటీవల హృతిక్ రోషన్ హీరోగా నటించిన ఫైటర్ అనే ఒక సినిమా వచ్చింది. అది కూడా ఇలాగే పుల్వామా దాడుల నేపథ్యంలోనే సాగుతుంది. రెండిటికీ దగ్గర పోలికలు ఎంత ఉన్నాయో, తేడాలు కూడా అంతే ఉన్నాయి.

సినిమాలో ఎమోషనల్ సీన్స్ ని చాలా బాగా చూపించారు. కొన్ని సీన్స్ కంటతడి పెట్టించే విధంగానే ఉంటాయి. అయితే పుల్వామా దాడి తర్వాత ఆ సర్జికల్ స్ట్రైక్ అనేది ఎలా చేశారు అనే విషయం ఎవరికీ తెలియదు. ఈ విషయాన్ని దర్శకుడు తెరపై చూపించే ప్రయత్నం చేశారు. సినిమా మెయిన్ కాన్సెప్ట్ కూడా అదే. ఫస్ట్ హాఫ్ అంతా కూడా, సెకండ్ హాఫ్ కోసం స్టోరీ నిర్మించడానికి వాడుకున్నారు. కానీ అక్కడే ప్రేక్షకుల సహనానికి పరీక్ష పెడతారు. సెకండ్ హాఫ్ లో మెయిన్ కథ అంతా ఉంచి, అసలు అలా వాళ్ళు చేయడానికి కారణాలు అన్ని ఎస్టాబ్లిష్ చేయడానికి ఫస్ట్ హాఫ్ లో కొన్ని సన్నివేశాలు పెట్టారు. కానీ అవి చాలా వరకు సాగదీసినట్టు అనిపిస్తాయి.

అసలు మెయిన్ పాయింట్ కి సినిమా ఎప్పుడు వెళ్తుంది అనిపిస్తుంది. సెకండ్ హాఫ్ అంతా కూడా ఫస్ట్ హాఫ్ తో పోలిస్తే గ్రిప్పింగ్ గా రాసుకున్నారు. క్లైమాక్స్ లో వచ్చే దేశభక్తి సన్నివేశాలు చాలా బాగా చూపించారు. సినిమా బడ్జెట్ 42 నుండి 50 కోట్ల మధ్యలో ఉంటుంది అని సమాచారం. కానీ అంత తక్కువ బడ్జెట్ లో చాలా మంచి విజువల్స్ ఇచ్చారు. సినిమా బృందం అంతా కూడా సినిమా కోసం కష్టపడ్డారు అని చూస్తే అర్థం అవుతోంది. పర్ఫార్మెన్స్ విషయానికి వస్తే, వరుణ్ తేజ్ ఈ పాత్రకి చాలా బాగా సూట్ అయ్యారు. ఒక ఎయిర్ ఫోర్స్ అధికారిగా చాలా బాగా కనిపించడంతో పాటు, బాగా నటించారు. మిగిలిన పాత్రల్లో నటించిన వారు కూడా తమ పాత్రలకి తగ్గట్టు నటించారు.

హీరోయిన్ మానుషి చిల్లర్ కి మొదటి సినిమా అయినా కూడా నటనకు ఆస్కారం ఉన్న పాత్ర దొరికింది. తన పాత్రకి తగ్గట్టు తాను నటించారు. అయితే సినిమాలో కొంత మంది హిందీ నటులు కూడా ఉన్నారు. తెలుగు సినిమా నడుస్తున్నప్పుడు, వారి లిప్ మూమెంట్ హిందీలో ఉండడం అనేది దాని మీద ఫోకస్ వెళ్లే లాగా చేస్తుంది. అక్కడక్కడ ఇది తెలుగు సినిమా కాదు ఏమో అని అనిపిస్తుంది. కానీ నటన పరంగా మాత్రం వారు కూడా బాగా నటించారు. మిక్కీ జే మేయర్ అందించిన పాటలు, అందులోనూ ముఖ్యంగా బ్యాక్ గ్రౌండ్ మ్యూజిక్ అయితే చాలా బాగుంది. హరి కే వేదాంతం సినిమాటోగ్రఫీ అయితే సినిమాకి మరొక పెద్ద హైలైట్ అయ్యింది. విజువల్స్ మాత్రం చాలా రిచ్ గా ఉన్నాయి. టెక్నికల్ గా సినిమా చాలా బాగుంది. ఫస్ట్ హాఫ్ విషయంలో మాత్రం ఇంకా కొంచెం జాగ్రత్తగా తీసుకొని ఉంటే బాగుండేది ఏమో అనిపిస్తుంది.

ప్లస్ పాయింట్స్ :

• ఎమోషనల్ సీన్స్
• బ్యాక్ గ్రౌండ్ మ్యూజిక్
• నిర్మాణ విలువలు
• దేశభక్తి గురించి చూపించిన విధానం

మైనస్ పాయింట్స్:

• తెలుగులో కొంత మంది నటుల హిందీ మూమెంట్
• అక్కడక్కడ సాగదీసినట్టుగా ఉన్న ఫస్ట్ హాఫ్

రేటింగ్ :

3/5

ట్యాగ్ లైన్ :

ఫస్ట్ హాఫ్ లో మాత్రమే సాగదీయడం లాంటివి ఉంటాయి. ఇటీవల కాలంలో వచ్చిన బెస్ట్ విజువల్స్ ఉన్న సినిమాల్లో ఈ సినిమా ముందు వరుసలో ఉంటుంది. ఫస్ట్ హాఫ్ లో అలా ఉన్నా పర్వాలేదు, సినిమా కథనం ముఖ్యం అనుకునే వారికి, దేశభక్తి లాంటి కాన్సెప్ట్ ఉన్న సినిమాలు ఇష్టపడే వారికి ఆపరేషన్ వాలెంటైన్ సినిమా ఒక్కసారి చూడగలిగే ఒక మంచి ఎమోషనల్ సినిమాగా నిలుస్తుంది.

watch trailer :

ALSO READ : సమరసింహారెడ్డి మూవీ ఎన్ని థియేటర్స్ లో రీరిలీజ్ అవుతుందో తెలుసా..? రీరిలీజ్ లో రికార్డ్ ఇదే.!

ఎంతో మంది చైల్డ్ ఆర్టిస్టులు హీరోలుగా, హీరోయిన్లుగా ఎంట్రీ ఇస్తున్నారు. ఇప్పుడు అలాగే అతడు సినిమాలో చైల్డ్ ఆర్టిస్ట్ గా నటించిన దీపక్ సరోజ్, సిద్ధార్థ్ రాయ్ అనే సినిమాతో హీరోగా అడుగు పెట్టారు. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : సిద్ధార్థ్ రాయ్
• నటీనటులు : దీపక్ సరోజ్, తన్వి నేగి, నందిని యల్లారెడ్డి.
• నిర్మాత : జయ ఆడపాక
• దర్శకత్వం : వి. యశస్వి
• సంగీతం : రధన్
• విడుదల తేదీ : ఫిబ్రవరి 23, 2024

స్టోరీ:

సిద్ధార్థ్ రాయ్ (దీపక్ సరోజ్), లాజిక్స్ మీద బ్రతికే వ్యక్తి. ప్రతి విషయాన్ని లాజిక్ ప్రకారం ఆలోచించి, సరైన నిర్ణయం తీసుకుంటూ ఉంటాడు. అందుకే తప్పులు జరగకుండా జాగ్రత్త పడుతూ ఉంటాడు. అలా సాగిపోతున్న సిద్ధార్థ్ జీవితంలోకి ఇందు (తన్వి నేగి) ప్రవేశిస్తుంది. ఇందులో ప్రేమలో పడి ఎమోషన్స్ గురించి తెలుసుకోవడం మొదలు పెడతాడు. కానీ వీరిద్దరి మధ్య మాత్రం గొడవలు జరుగుతూ ఉంటాయి. ఇలా వాళ్ల సమస్యలను పరిష్కరించుకుంటున్నప్పుడు, సిద్ధార్థ్ జీవితంలోకి రాధ (నందిని యల్లారెడ్డి) ప్రవేశిస్తుంది. ఆ తర్వాత జరిగిన సంఘటనలు ఏంటి? సిద్ధార్థ్ ఎవరిని ప్రేమించాడు? ఇందు ఏం చేసింది? వాళ్ల సమస్యలను వాళ్ళు ఎలా పరిష్కరించుకున్నారు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ:

లవ్ స్టోరీ అనే జోనర్ లో వచ్చిన సినిమాలు ప్రేక్షకులకు కొత్త ఏమీ కాదు. ఎన్నో లవ్ స్టోరీ సినిమాలు చూసి, ఏ ప్రేమ కథ చూస్తున్నా కూడా తర్వాత ఏం జరుగుతుంది అనే విషయాన్ని మన ప్రేక్షకులు ఈజీగా కనిపెట్టగలుగుతారు. అలాంటి తెలిసిన కథను కూడా టేకింగ్ పరంగా జాగ్రత్తలు తీసుకుంటే సినిమాని బాగా చూపించే అవకాశం ఉంటుంది. ఈ సినిమా ట్రైలర్ చూసినప్పటి నుండి కూడా చాలా మంది అర్జున్ రెడ్డి సినిమాతో పోలికలు వెతకడం మొదలు పెట్టారు. అయితే, సినిమా బృందం మాత్రం అర్జున్ రెడ్డి సినిమాకి ఈ సినిమాకి ఎటువంటి పోలిక లేదు అని చెప్తూ వచ్చారు.

ఇంక ఈ సినిమా కథ విషయానికి వస్తే, ఎమోషన్స్ కి, లాజిక్స్ కి మధ్య నలిగే ఒక వ్యక్తిని చూపించారు. అలాంటి వ్యక్తులు ఎలాంటి సంఘటనలు ఎదుర్కొంటారు అనే విషయాన్ని చూపించారు. కానీ కొన్ని సీన్స్ మాత్రం అందులో మోతాదుకు మించి డ్రామా పెట్టినట్టు అనిపిస్తాయి. సింపుల్ గా చూపించే అవకాశం ఉంది. పర్ఫార్మెన్స్ విషయానికి వస్తే, సినిమాలో ఉన్న నటీనటులు అందరూ కూడా తమ పాత్రలకి తగ్గట్టు నటించారు. దీపక్ సరోజ్ కి హీరోగా ఇది మొదటి సినిమా. పాత్ర కోసం తనని తాను చాలా మార్చుకున్నారు. అది సినిమా చూస్తుంటే తెలిసింది.

హీరోగా ఇది మొదటి సినిమా అయినా కూడా, ఎటువంటి భయం లేకుండా బాగా నటించారు. హీరోయిన్స్ తన్వి, నందిని కూడా పాత్రల పరిధి మేరకు నటించారు. అర్జున్ రెడ్డి సినిమాతో ఎంత పోలికలు లేవు అని చెప్పినా కూడా, ఎక్కడో ఒకచోట అర్జున్ రెడ్డి సినిమా గుర్తొస్తుంది. అయినా కూడా రెండు డిఫరెంట్ కథలు. టేకింగ్ పరంగా కూడా అలాగే డిఫరెంట్ గా ఉండేలాగా చూసుకున్నారు. కానీ కొన్ని సీన్స్ మాత్రం చాలా సాగదీసినట్టు అనిపిస్తాయి. ఈ విషయంలో జాగ్రత్త తీసుకొని ఉంటే బాగుండేది.

ప్లస్ పాయింట్స్:

• నటీనటుల పర్ఫార్మెన్స్
• నిర్మాణ విలువలు

మైనస్ పాయింట్స్:

• కొన్ని సీన్స్ లో ఎక్కువ అయిన డ్రామా
• సాగదీసినట్టుగా ఉన్న కొన్ని ఎపిసోడ్స్

రేటింగ్ :

2.75/5

ట్యాగ్ లైన్:

మరి ఎక్కువ ఎక్స్పెక్టేషన్స్ పెట్టుకోకుండా, అర్జున్ రెడ్డి సినిమాతో అసలు పోలిక పెట్టకుండా, ఈ సినిమా ఎలా తీశారు అని చూద్దాం అనుకునే వారికి, సిద్ధార్థ్ రాయ్ సినిమా ఒక్కసారి చూడగలిగే యావరేజ్ సినిమాగా నిలుస్తుంది.

watch trailer : 

రాజధాని కోసం అమరావతి రైతుల పోరాటం నేపథ్యంలో వచ్చిన సినిమా రాజధాని ఫైల్స్. తాజాగా విడుదలైన ఈ సినిమా ఎలా ఉందో చూద్దాం. ఎలక్షన్లు సమీపిస్తున్న కొద్దీ రాజకీయ సంఘటనలతో ముడిపడిన సినిమాలు థియేటర్లలోకి వస్తున్నాయి. మొన్న యాత్ర 2 రిలీజ్ అయింది కానీ పెద్దగా సక్సెస్ కాలేక పోయింది. ఇప్పుడు రాజధాని ఫైల్స్ అంటూ మరొక సినిమా వచ్చింది.

ఈ సినిమా ఫిబ్రవరి 15న విడుదలైంది. సినిమా కథ ఏమిటంటే అరుణ ప్రదేశ్ లో కొత్తగా ప్రభుత్వం ఏర్పడింది స్టేట్లో రాజధానిని ఐరావతిగా ప్రభుత్వం నిర్ణయిస్తుంది. రాజధాని నిర్మాణం కోసం భూములు కావాల్సి ఉంటుంది. అధికారులు ఊరూరా తిరిగి భూములు సేకరిస్తారు.

రైతు నాయకుడు( వినోద్ కుమార్) ప్రోద్బలం తో రైతులు భూములు ఇచ్చేందుకు ఒప్పుకుంటారు. అయితే రాజధాని నిర్మాణ పనులు జరుగుతూ ఉండగా తర్వాత ఎన్నికలు జరగటం, కొత్త ప్రభుత్వం అధికారంలోకి రావడం వచ్చిన కొత్త సీఎం ( విశాల్ పట్నీ) నాలుగు రాజధానుల పేర్లని తెరపైకి తీసుకురావడం జరుగుతుంది. గత ప్రభుత్వం స్థాపించిన రాజధానిని మనం పూర్తి చేయటం ఏమిటి అని పీకే సలహా ఇవ్వటంతో రాజధాని పనులు ఆగిపోతాయి రైతులు రోడ్డున పడతారు రైతు నాయకుడి సమక్షంలో నిరసన తెలియజేశారు.

వీరి నిరసనను అడ్డుకునేందుకు అనేక ప్రయత్నాలు చేస్తుంది ప్రభుత్వం. ప్రభుత్వం అరాచకాలను చూసిన రైతు నాయకుడు కొడుకు గౌతమ్ కూడా జనంతో కలుస్తాడు. అయితే పీకేతో కలిసి సీఎం వేసిన ఎత్తుగడలేమిటి? ప్రజల్లో మార్పు తీసుకువచ్చేందుకు ఏం చేశారు? రాజధాని విషయంలో దర్శకుడు ఇచ్చిన పరిష్కారం ఏమిటి అనేది సినిమా. ఈ సినిమాలో పాత్రలు తప్పితే నటులు కనిపించరు. వాణి విశ్వనాథ్ వినోద్ కుమార్ అంత బాగా నటించారు. వారి కుమారుడు గౌతమ్ గా అఖిలన్ నటించాడు.

ముఖ్యమంత్రి,ఎంపీలు, ఎమ్మెల్యేలుగా నటించిన నటులు నిజ జీవితం వ్యక్తుల్ని గుర్తు చేస్తూ ఆ పాత్రలలో మంచి అభినయం ప్రదర్శించారు. పీకే కెమెరా, సంగీతం, కూర్పు అన్ని పర్వాలేదనిపించాయి. ఈ సినిమాకి వాస్తవ నేపద్యం, భావోద్వేగాలు మాటలు నటీనటులు, పతాక సన్నివేశాలు ప్లస్ పాయింట్లు అయితే ఆరంభ సన్నివేశాలు మైనస్ పాయింట్స్. ఇక రేటింగ్ విషయానికి వస్తే సినిమాని రేటింగ్ పేరుతో తక్కువ చేయలేము.

watch trailer :

ఎన్ని సంవత్సరాలు దాటినా, ఎన్ని రకాల సినిమాలు వచ్చినా కూడా ప్రేమ కథలకి మాత్రం ఎప్పటికీ ప్రేక్షకులకు అభిమానం అలాగే ఉంటుంది. అందుకే కొత్త రకమైన ప్రేమ కథలతో దర్శకులు ప్రేక్షకుల ముందుకి వస్తూ ఉంటారు. అలా తమిళ్ లో నిన్న రిలీజ్ అయిన లవర్ సినిమా తెలుగులో ట్రూ లవర్ పేరుతో ఇవాళ విడుదల అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : ట్రూ లవర్
• నటీనటులు : మణికందన్, శ్రీ గౌరీ ప్రియ, కన్నా రవి, శరవణన్.
• నిర్మాత : నజెరత్ పసిలియన్, మగేష్ రాజ్ పాసిలియన్, యువరాజ్ గణేశన్
• దర్శకత్వం : ప్రభురామ్ వ్యాస్
• సంగీతం : సీన్ రోల్డాన్
• విడుదల తేదీ : ఫిబ్రవరి 10, 2024

స్టోరీ :

అరుణ్ (మణికందన్), దివ్య (శ్రీ గౌరి ప్రియ) కాలేజ్ సమయంలో ప్రేమించుకుంటారు. వీళ్ళిద్దరూ ఆరు సంవత్సరాలు ప్రేమలో ఉంటారు. తర్వాత వీళ్ళిద్దరి మధ్య గొడవలు మొదలవుతాయి. అరుణ్ కి ఉన్న పొసెసివ్ నెస్ వల్ల దివ్య వేరే ఏ అబ్బాయితో మాట్లాడినా కూడా తట్టుకోలేడు. దివ్య ఒక కంపెనీలో ఉద్యోగం చేస్తూ ఉంటుంది. అరుణ్ ఒక కేఫ్ బిజినెస్ చేయాలి అని ప్రయత్నిస్తూ ఉంటాడు. అరుణ్ కి దివ్యతో ఉండే కొంత మంది స్నేహితులు నచ్చరు. అయినా కూడా దివ్య వారితోనే స్నేహంగా ఉంటుంది.

వీళ్ళిద్దరికీ గొడవలు జరిగి ఒక సమయం తర్వాత మాట్లాడుకోవడం మానేస్తారు. కానీ అరుణ్ తల్లి చనిపోయే ప్రయత్నం చేస్తారు. ఆ తర్వాత మళ్లీ వీళ్ళు మామూలుగా మాట్లాడుకుంటారు. దివ్య బర్త్ డే పార్టీ కోసం అరుణ్ ని వద్దు అనుకుంటూనే పిలుస్తుంది. అక్కడ గొడవ అవుతుంది. ఆ తర్వాత దివ్య తన స్నేహితులతో కలిసి గోకర్ణ ట్రిప్ కి వెళుతుంది. అరుణ్ ఇది తెలుసుకొని అక్కడికి వెళ్తాడు. ఆ తర్వాత ఏం జరిగింది? వీళ్లిద్దరి మధ్య గొడవలు ఎలా పరిష్కారం అయ్యాయి? వీళ్ళు ఎదుర్కొన్న సంఘటనలు ఏంటి? అరుణ్ కేఫ్ పెట్టాడా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఈ సినిమా తమిళ్ లో నిన్న విడుదల అయ్యింది. నిన్న తెలుగులో కూడా కొన్ని సినిమాలు విడుదలకి ఉండడంతో, ఒక్కరోజు తేడాతో ఇక్కడ విడుదల చేశారు. ఈ సినిమాని తెలుగులో ఎస్ కే ఎన్, మారుతీ కలిసి సమర్పించారు. సినిమా కథ విషయానికి వస్తే యూత్ ఎక్కువగా కనెక్ట్ అయ్యే స్టోరీ ఇది. చాలా మంది ప్రేమలో ఉన్నవారికి ఇలాంటి సమస్యలు వస్తూనే ఉంటాయి. ఇలాంటి సమస్యల మీద అంతకుముందు కథలు కూడా వచ్చాయి. ఈ సినిమాలో కాస్త సహజంగా చూపించడానికి ప్రయత్నం చేశారు.  అయితే, చాలా చోట్ల కేవలం హీరోయిన్ మాత్రమే హీరో వల్ల సమస్యలు ఎదుర్కొంటుంది అన్నట్టు చూపించారు.

హీరో తనలో తాను ఎదుర్కొనే ఒత్తిడి గురించి అంత ఎక్కువగా చూపించలేదు. హీరోకి పొసెసివ్ నెస్ ఉంది. కానీ అలా ఉండడానికి కారణం ఏంటి? దాని వల్ల అతను తనలో తనే ఎంత ఇబ్బంది పడ్డాడు? ఈ విషయాలను కూడా ఇంకా కొంచెం క్లియర్ గా చూపించి ఉంటే బాగుండేది. పర్ఫార్మెన్స్ విషయానికి వస్తే, కబాలి, తమిళ్ డబ్బింగ్ సినిమా అయిన గుడ్ నైట్ సినిమాల ద్వారా తెలుగు ప్రేక్షకులకు పరిచయం అయ్యారు మణికందన్. ఈ సినిమాలో తెలుగులో కూడా తనే డబ్బింగ్ చెప్పుకున్నారు. అరుణ్ పాత్రలో మణికందన్ చాలా బాగా నటించారు.

దివ్య పాత్రలో హీరోయిన్ శ్రీ గౌరీ ప్రియ కూడా బాగా నటించారు. మిగిలిన వాళ్ళు అందరూ కూడా తమ పాత్రలకి తగ్గట్టు చేశారు. సీన్ రోల్డాన్ అందించిన పాటలు కూడా బాగున్నాయి. శ్రేయస్ కృష్ణ సినిమాటోగ్రఫీ సహజంగా ఉంది. కానీ సినిమా స్లోగా నడుస్తుంది. వాళ్ల మధ్య ఉన్న గొడవలని సరిగ్గా ఎస్టాబ్లిష్ చేయడం కోసం దర్శకుడు కాస్త సమయం తీసుకున్నారు. దాంతో కొన్ని సీన్స్ మాత్రం కాస్త నిడివి ఎక్కువగా ఉన్నట్టు అనిపిస్తాయి. ఫస్ట్ హాఫ్ లో ఇలాంటి సీన్స్ చాలా ఉన్నాయి. అవన్నీ కూడా ఇలాగే ఆ ఎపిసోడ్ నిడివి ఎక్కువగా ఉన్నట్టు అనిపిస్తాయి.

ప్లస్ పాయింట్స్ :

• నటీనటుల పర్ఫార్మెన్స్
• సహజంగా చూపించిన కొన్ని సీన్స్
• డైలాగ్స్
• బ్యాక్ గ్రౌండ్ మ్యూజిక్

మైనస్ పాయింట్స్:

• తెలిసిన కథ
• ల్యాగ్ గా అనిపించే కొన్ని సీన్స్

రేటింగ్ :

3/5

ట్యాగ్ లైన్ :

ప్రేమ కథలు చాలానే వస్తాయి. కానీ రియల్ లైఫ్ కి దగ్గరగా ఉన్న కథలు మాత్రం కొన్ని మాత్రమే వస్తాయి. ఇది కూడా అలాంటి ఒక సినిమా. కథనం నుండి పెద్దగా కొత్తదనం ఆశించకుండా, ఒక మంచి సినిమా చూద్దాం అనుకునే వారికి ట్రూ లవర్ సినిమా ఒక్కసారి చూడగలిగే యూత్ ఫుల్ ఎంటర్టైనర్ సినిమాగా నిలుస్తుంది.

watch trailer :

ALSO READ : “రవితేజ” పక్కన హీరోయిన్‌గా, వదినగా నటించిన… ఒకే ఒక్క నటి ఎవరో తెలుసా..?