Sports Adda

భారత క్రికెట్లో అత్యంత విజయవంతమైన కెప్టెన్‌లలో ధోనీ ఒకడు. ఇండియాకు ఎన్నో తిరుగులేని విజయాలు అందించాడు మహేంద్రసింగ్ ధోని. టెస్టుల్లో టీమిండియాను అగ్రస్థానంలో నిలపడంతో పాటు.. టీ20 వరల్డ్ కప్, వన్డే వరల్డ్ కప్, ఛాంపియన్స్ ట్రోఫీలను భారత్‌కు అందించాడు.

కెరీర్ ఆరంభంలో హెలికాప్టర్ షాట్‌తో అభిమానులను అలరించిన మహీ.. కెప్టెన్‌ అయ్యాక ఎంతటి క్లిష్ట పరిస్థితుల్లోనైనా కూల్‌గా ఆలోచిస్తూ మిస్టర్ కూల్‌గా పేరు సంపాదించాడు. అయితే కెప్టెన్‌గా మారిన తర్వాత కోడ్ లాంగ్వేజ్‌ని విపరీతంగా వాడేవాడట మహీ. వికెట్ల వెనకాలే కాకుండా బ్యాటింగ్ చేస్తున్న సమయంలోనూ ప్రత్యర్థి జట్టుకి తెలియకుండా డ్రెస్సింగ్ రూమ్‌కి మెసేజ్ పంపేందుకు కొన్ని కోడ్ లాంగ్వేజ్‌లను వాడేవాడట.

2008లో ఆస్ట్రేలియాలోని మెల్‌బోర్న్ గ్రౌండ్‌లో ఆసీస్‌తో కామన్వెల్త్ బ్యాంక్ సిరీస్ ఫైనల్ మ్యాచ్ ఆడుతోంది భారత జట్టు. ఈ మ్యాచ్‌లో టీమిండియా బౌలర్లు చెలరేగిపోవడంతో రికీ పాంటింగ్ కెప్టెన్సీలోని ఆస్ట్రేలియా 159 పరుగులకే ఆలౌట్ అయ్యింది. కెప్టెన్‌గా ధోనీకి ఇది ఐదో వన్డే మాత్రమే. లక్ష్యఛేదనలో టీమిండియా 10 పరుగుల దూరంలో నిలిచిన సమయంలో డ్రెస్సింగ్ రూమ్ నుంచి గ్లవ్స్ కోరుతూ సిగ్నల్ పంపించాడు క్రీజులో ఉన్న ధోనీ. అప్పటికే జట్టులోకి వచ్చిన రోహిత్ శర్మతో బ్యాటింగ్ చేస్తున్నా.. ధోనీ గ్లవ్స్ కావాలని మెసేజ్ పంపడంతో భారత జట్టు షాక్ అయ్యిందట.

నిజానికి మాహీ మ్యాచ్ అయిపోయే సమయంలో గ్లవ్స్ అడిగాడంటే దానికి అర్థం.. మ్యాచ్ అయ్యాక, ఎవ్వరూ బాల్కనీలో సెలబ్రేట్ చేసుకోకూడదు. ఆస్ట్రేలియాపై విజయాన్ని పెద్దదిగా సెలబ్రేట్ చేసుకోవాల్సిన అవసరం లేదనే మెసేజ్ ఇవ్వాలనే ఉద్దేశంతో ధోనీ ఇలా సూచించాడట. క్రీజులో ఉన్న రోహిత్ కి కూడా మ్యాచ్ అయ్యాక వాళ్లు షేక్ హ్యాండ్ ఇస్తే.. ఊరికే అలా ఫార్మల్‌గా చేతులు కలుపు. అంతేకానీ గెలిచాం కదా అని సెలబ్రేట్ చేసుకోకు. ఎలాంటి ఆనందం లేనట్టే ఉండు అని సూచించాడట.

మాహీ ఇలా ఎందుకు చేశాడనే విషయం డ్రెస్సింగ్ రూమ్‌లో ఉన్న చాలా మందికి అర్థం కాలేదు. అప్పటికే మూడు వరల్డ్ కప్స్ గెలిచిన ఆస్ట్రేలియా తిరుగులేని ఆధిపత్యం కొనసాగిస్తూ వస్తోంది. అయితే ఆస్ట్రేలియాపై విజయం సాధించడం పెద్ద గొప్పేమీ కాదని, ఇకపై ఇలాంటి విజయాలు వరుసగా వస్తూనే ఉంటాయనే మెసేజ్‌ ఇచ్చేందుకు మాహీ అలా చేశాడు.

కెప్టెన్‌గా ఎమ్మెస్ ధోనీ ఎంత మెచ్యూర్డ్ ఆలోచించేవాడో చెప్పడానికి ఒక్క ఉదాహరణ చాలంటాడు ధోనీపై ‘ది ధోనీ టచ్’ పుస్తకం రాసిన భరత్ సుందరేశన్. బ్యాటింగ్ చేస్తున్నప్పుడే కాకుండా వికెట్ కీపింగ్ సమయంలోనూ ఎమ్మెస్ ధోనీ కోడ్ లాంగ్వేజ్‌ని బాగా వాడేవడట. ఇది ఆ బౌలర్‌కి, కెప్టెన్ ధోనీకి తప్ప కొంతమంది ఫీల్డర్లకు కూడా అర్థం కాదట.

జార్ఖండ్ డైమండ్ ధోనీ టీం ఇండియాకు ఎన్నో చిరకాల విజయాలు అందించాడు. ఈ కూల్ కెప్టెన్ సారధ్యంలో ఐసీసీ ర్యాంకింగ్ లో ఇండియా వన్డే, టెస్ట్ లలో నంబర్ వన్ స్థానాన్ని సొంతం చేసుకుంది. అటు ఐపీఎల్ లోను తన జైత్రయాత్రను కొనసాగించాడు. ఇటీవల ఐపీఎల్ 2022 ముగియడంతో ధోని తన నగరం రాంచీలో సందడి చేస్తున్నాడు.

తన పాత మిత్రులను కలుస్తూ, వారితో పార్టీలకు కూడా అటెండ్ అవుతున్నాడు. ఇటీవల ధోని ఓ ఫ్రెండ్ బర్త్ డే పార్టీకి వెళ్లడంతో ఆ ఫోటోలు నెట్టింట వైరల్ అయ్యాయి. ప్రస్తుతం ఎం ఎస్ ధోని మోకాలి నొప్పితో గత కొంతకాలంగా బాధ పడుతున్నాడు. అయితే చికిత్స కోసం ఎలాంటి సూపర్ స్పెషాలిటీ హాస్పిటల్ లో జాయిన్ అవ్వకుండా కేవలం ఓ నాటు వైద్యుడి వద్ద చికిత్స తీసుకుంటున్నాడు ధోని.

చికిత్స నిమిత్తం వైద్యుడిని నాలుగు రోజులకు ఒకసారి కలుస్తున్నాడంటా.. ఇందుకు ఆ వైద్యుడికి ధోని చెల్లిస్తున్న మొత్తం కేవలం 40 రూపాయలేనట. ఇది ధోనీ సింప్లీసిటీకి నిదర్శనం.  రాంచీకి 70 కిలోమీటర్ల దూరంలోని లాంపుంగ్ కటింగ్ కెలా బాబా గల్గాలీ ధామ్ లో వందన్ సింగ్ ఖేర్వాద్ వద్ద ధోని చికిత్స పొందుతున్నాడు. గత నెల రోజులుగా నాలుగు రోజులకు ఒకసారి తన వద్దకు వస్తున్నాడని, హెర్బల్ మెడిసిన్ తో చికిత్స పొందుతున్నాడని వందన్ చెప్పుకొచ్చారు.

ధోని ఇంటర్నేషనల్ క్రికెట్ కి వీడ్కోలు పలికినప్పటికి ఐపీఎల్ లో తనదైన ఆటతీరుతో అభిమానులను అలరిస్తూనే ఉన్నాడు. కేవలం ధోని కోసమే అనేకమంది క్రికెట్ చూస్తారు. అలాంటిది ధోని ఇంకొన్నాళ్ళు ఐపీఎల్ లో ఆడాలి అభిమానులు కోరుకుంటున్నారు.

ప్రముఖ క్రికెటర్ దినేష్ కార్తీక్ జీవితం ఎంతో మందికి ఆదర్శంగా నిలుస్తుంది. ధోనికి రెండో వికెట్ కీపర్ గా, తమిళనాడు టీంకి కెప్టెన్‌గా దినేష్ కార్తీక్ ఉన్నప్పుడు జరిగిన సంఘటన ఇది. దినేష్ కార్తీక్ టీం మేట్ అయిన మురళీ విజయ్ దినేష్ కార్తీక్ భార్యతో రిలేషన్ లో ఉన్నారు. ఈ విషయం దినేష్ కార్తీక్ కి తప్ప తమిళనాడు రంజీ టీం మొత్తానికి తెలుసు.

ఒకరోజు దినేష్ కార్తీక్ భార్య మురళీ విజయ్ బిడ్డతో తను గర్భవతిగా ఉన్నట్టు, తనకి దినేష్ కార్తీక్ నుండి విడాకులు కావాలి అని చెప్పింది. వారిద్దరూ విడిపోయారు. ఆ తర్వాత మురళీ విజయ్, దినేష్ కార్తీక్ భార్యతో కలిసి ఉన్నారు. అప్పుడు చెన్నై సూపర్ కింగ్స్ జట్టుకి, టీమ్ ఇండియాకి ఓపెనర్ గా ఉన్నారు.

దినేష్ కార్తీక్ అప్పుడు చాలా కుంగిపోయారు. డిప్రెషన్ లోకి వెళ్లిపోయారు. ఈ ప్రభావం దినేష్ కార్తీక్ ఆట మీద కూడా పడింది. రంజీ మ్యాచ్ లలో ఓడిపోయారు. కెప్టెన్సీ కూడా పోయింది. ఐపీఎల్ లో కూడా ఆశించిన విధంగా ఆడలేకపోయారు. ఆత్మహత్య చేసుకుందామని అనుకున్నారు. జిమ్ కి వెళ్లడం కూడా మానేశారు. అలాంటి సమయంలో దినేష్ కార్తీక్ ట్రైనర్ ఇంటికి వెళ్లి దినేష్ కార్తీక్ ని చూశారు. అప్పుడు దినేష్ కార్తీక్ చాలా పాడైపోయి ఉన్నారు. ట్రైనర్ దినేష్ కార్తీక్ తో మళ్ళి జిమ్ కి వెళ్ళడం మొదలు పెట్టమని చెప్పారు.

అయితే దినేష్ కార్తీక్ ఇలా ఉన్న సమయంలో తనకి రంజీ ప్లేయర్, కోల్‌కతా నైట్‌ రైడర్స్ సహాయ కోచ్ ఆయన అభిషేక్ నాయర్ చాలా సహాయం చేశారు అని చెప్పారు. ఇబ్బందుల్లో ఉన్న దినేష్ కార్తిక్ కి అభిషేక్ తన ఇంట్లో ఆశ్రయం ఇచ్చారు. అలాగే దినేష్ కార్తీక్ ఆటతీరు మెరుగుపరచడంలో కూడా అభిషేక్ నాయర్ చాలా సహాయం చేశారు. ఈ విషయం గురించి దినేష్ కార్తీక్ ఒక ఇంటర్వ్యూలో మాట్లాడుతూ, “కోచ్ గా అభిషేక్ నాయర్ 12 సంవత్సరాల క్రితమే కలిసి ఉంటే బాగుండేది” అని చెప్పారు. అలాగే దినేష్ కార్తీక్ భార్య అయిన దీపికా కూడా దినేష్ కార్తీక్ మానసిక సమస్యల నుండి బయటకి రావడానికి చాలా సహాయం చేశారు.

దినేష్ కార్తీక్ కి చెన్నై సూపర్ కింగ్స్ జట్టు నుండి కాల్ వచ్చింది. అప్పుడు ధోని, దినేష్ కార్తీక్ వికెట్ కీపర్ గా ఉండాలి అనుకున్నారు. 2022 లో చెన్నై సూపర్ కింగ్స్ జట్టు దినేష్ కార్తీక్ ని దక్కించుకోవడానికి చాలా ప్రయత్నం చేసింది. కానీ రాయల్ చాలెంజర్స్ బెంగళూరు జట్టు దినేష్ కార్తీక్ ని కొనుగోలు చేసింది. దినేష్ కార్తీక్ కూడా RCB కోసం కీలకమైన మ్యాచ్‌లను ఆడారు. ఇప్పుడు రిటైర్ అయిన ఎంఎస్ ధోని స్థానంలో స్థానంలో ఫినిషర్‌గా T20 వరల్డ్ కప్ జట్టులోకి రావాలని అనుకుంటున్నారు.

Also read: “మురళి విజయ్”తో ఎఫైర్ పెట్టుకొని భర్తకు విడాకులు… “దినేష్ కార్తీక్” గురించి ఇది తెలిస్తే రియల్ హీరో అంటారు.!

దినేశ్ కార్తీక్ ప్రస్తుతం టీమిండియాలో వెటరన్‌ ఆటగాడు. వయస్సులో పెద్దోడే కానీ యువకులతో పోటీపడి మరీ  ఆడుతున్నాడు. దాదాపు ఫేడ్ ఔట్ అయిన దగ్గర నుంచి.. టీమిండియా ప్రస్తుత బెస్ట్‌ ఫినిషర్‌గా ఎదిగాడు.

సౌతాఫ్రికాతో జరిగిన టీ20 సిరీస్ లోనూ ఐపీఎల్ ఫామ్ ను కంటిన్యూ చేసి ప్రపంచకప్ టీమ్ లో చోటును దాదాపుగా ఖాయం చేసుకున్నాడు. 37 ఏళ్ల వయసులో టీమిండియాలోకి రీ ఎంట్రీ ఇచ్చిన కార్తీక్.. అందరి చేత శభాష్ అనిపించుకుంటున్నాడు.

ఒక్కసారిగా ఇండియన్ క్రికెట్ లవర్స్ కి దినేష్ ఫెవరేట్ ప్లేయర్ అయిపోయాడు. కార్తీక్ సక్సెస్ ను చూసి అతడి మాజీ ఫ్రెండ్ మురళీ విజయ్ కూడా కార్తీక్ రూట్లో నడిచేందుకు సిద్ధమయ్యాడు. ఇన్నాళ్లు క్రికెట్ కు దూరంగా ఉన్న విజయ్. 38 ఏళ్ల వయసులో తాజాగా ప్రారంభమైన తమిళనాడు ప్రీమియర్ లీగ్ ఆడేందుకు సిద్ధమయ్యాడు.

వీలైనంత కాలం క్రికెట్ ఆడాలనుకుంటున్నానని.. అందుకోసమే తమిళనాడు ప్రీమియర్ లీగ్ లో ఆడేందుకు సిద్ధమయ్యానని విజయ్ పేర్కొన్నాడు. ఈ లీగ్ లోని రూబీ ట్రిచీ వారియర్స్ తరఫున విజయ్ ఆడనున్నాడు. 2008లో టీమిండియా తరఫున ఆరంగ్రేటం చేసిన మురళీ విజయ్.. తన చివరి మ్యాచ్ ను 2018లో ఆస్ట్రేలియాపై ఆడాడు. అనంతర కొన్నాళ్ల పాటు ఐపీఎల్ లో చెన్నై సూపర్ కింగ్స్ తరుపున ఆడినా అంతగా ఆకట్టుకోలేకపోయాడు.

మురళి విజయ్.. దినేష్ మొదటి భార్య నికితను వివాహం చేసుకున్న విషయం తెలిసిందే. ప్రస్తుతం విజయ్ క్రికెట్ లోకి మళ్లీ ఎంటర్ అవ్వడంతో ‘అందరూ కార్తీక్ కాకాలు కాలేరబ్బా’ అంటూ నెటిజన్లు కామెంట్ చేస్తున్నారు.

శ్రీలంకలో అధ్యక్షుడు గోటబయ రాజపక్సే మరియు శ్రీలంక పార్లమెంటు మధ్య ఆధిపత్య పోరు కారణంగా రాజకీయ సంక్షోభం ఏర్పడింది. దీంతో నేడు శ్రీలంక ఎంతటి దౌర్భాగ్యమైన సంక్షోభాన్ని ఎదుర్కొంటుందో అందరికీ తెలిసిందే. ఆర్థిక మాంద్యంతో లంక అతలాకుతలం అవుతుంది.
ఇటీవల జరిగిన పలు హింసాత్మక అల్లర్ల నేపథ్యంలో అక్కడ కొత్త ప్రభుత్వం ఏర్పడింది. ప్రస్తుతం ఈ కొత్త ప్రభుత్వం సంక్షోభం నుంచి బయటపడేందుకు అనేక మార్గాలను అన్వేషిస్తుంది.

విదేశీ మారక నిల్వలు కూడా భారీగా తగ్గిపోవడంతో వస్తువులను దిగుమతి చేసుకోవడం ఒకింత కష్టంగా మారింది. దీంతో ఇంధన సంక్షోభాన్ని సైతం తీవ్రస్థాయిలో ఎదుర్కొంటుంది. ఈ క్రమంలో అక్కడ కొత్త ప్రభుత్వం అనవసర ప్రయాణాలను తగ్గించుకోమని ప్రజలకను కోరింది. అయినా ప్రజలు తమ ప్రయాణాలను వాయిదా వేసుకోలేదు. అందువలన అక్కడ పెట్రోల్‌ బంక్‌ల వద్ద జనాలు పెద్ద సంఖ్యలో బారులు తీరుతున్నారు.

అయితే శ్రీలంక మాజీ క్రికెటర్‌ రోషన్‌ సిరివర్ధనే మహానామా అందరికీ తెలిసే ఉంటాడు. శ్రీలంక తరపున 1996 క్రికెట్ ప్రపంచ కప్ గెలిచిన జట్టులో కీలక సభ్యుడు. టెస్ట్ చరిత్రలో డే-నైట్ టెస్ట్ మ్యాచ్‌లో మ్యాచ్ రిఫరీగా నిలిచిన మొదటి వ్యక్తి. రోషన్ పెట్రోల్‌ బంక్‌ల వద్ద నుంచొని ఉన్న ప్రజలకు టీలు, స్నాక్స్‌ సర్వ్‌ చేసి తన ఉదారాన్ని చాటుకున్నాడు.

ఈ విషయం కాస్త ఇప్పుడు సోషల్ మీడియాలో వైరల్ అవుతోంది.

ఈ మేరకు ఆయన మాట్లాడుతూ.. క్యూలో చాలాసేపు నిల్చొని ఉండటంతో వారికి బాగా ఆకలిగా ఉంటుంది. అందువల్ల మనం వారికి సాయం చేయాల్సిన అవసరం ఎతైనా ఉందని ఆయన తెలిపారు .

ప్రస్తుత సంక్షోభ పరిస్థితులలో ప్రతి ఒక్కరిని తమ కోసం కాకపోయినా, ఇతర కోసమైనా ఆహార పదార్థాలు తీసుకెళ్లమని సలహా ఇస్తున్నాడు. ఎవరికైన అత్యవసరమైతే నెంబర్‌ 1990కి కాల్‌ చేయమని సూచిస్తున్నాడు. ఈ సందర్భంగా ఇలాంటి సంక్షోభ పరిస్థితుల్లో ఒకరికొకరు సాయంగా ఉంటూ, మద్దతు ఇచ్చుకోవాలని పిలుపునిచ్చారు మాజీ క్రికెటర్‌ రోషన్‌ మహానామా.

క్రికెట్ అంటే ఇండియాలో ఒక ఆట మాత్రమే కాదు అది ఒక ఎమోషన్. వందకోట్ల భారతీయులను ఏకతాటిపైకి తెచ్చే శక్తి క్రికెట్ కు ఉంది. ఇండియా.. ఇండియా.. అనే నినాదాలతో స్టేడియంలో అభిమానులు చొక్కాలు చించుకొంటారు. మన దేశంలో క్రికెట్ ఇష్టపడని వారు చాలా అరుదు. చిన్న పిల్లాడి నుంచి పండు ముసలి వరకు అందరూ క్రికెట్ ప్రేమికులే. కానీ ఒక అంతర్జాతీయ స్థాయి క్రికెట్ ఆటగాడు అయ్యుండి, ఆటను అససహ్యించుకున్నాడు అంటే మీరు నమ్మగలరా!? ఆ ఆటగాడు ఎవరు, ఏంటీ అనే వివరాల్లోకి వెళ్తే..

టీం ఇండియాలో బౌలర్లకు కొదవలేదు. నాటి కపిల్ దేవ్ నుంచి నేటి బుమ్రా వరకు అనేక మంది జట్టుకు తమ సేవలందించారు. 1970 నుంచి నేటి వరకు ఎంతో మంది ఫాస్ట్ బౌలర్లు వచ్చారు వెళ్లారు. కానీ కొంతమంది ఎంత వేగంగా వచ్చారో అంతే వేగంగా వెను దిరిగారు. ఆ కోవకే చెందిన వాడే.. టీమిండియా మాజీ ఫాస్ట్‌ బౌలర్‌ సలీల్‌ అంకోలా.

సలీల్‌ అంకోలా.. ముంబై నుంచి వచ్చిన టాప్‌ పేస్‌ బౌలర్‌. భారత క్రికెట్‌ దిగ్గజం సచిన్‌ టెండూల్కర్‌ అరంగేట్రం చేసిన 1989వ సంవత్సరంలోనే సలీల్‌ అంకోలా కూడా అంతర్జాతీయ క్రికెట్‌లో అడుగుపెట్టాడు. టీమిండియా తరపున ఒక టెస్టు, 20 వన్డేలు మాత్రమే ఆడిన సలీల్‌ అంకోలా 1997లో అంతర్జాతీయ క్రికెట్‌కు రిటైర్మెంట్‌ ప్రకటించాడు.

ఇటీవల క్రిక్‌బజ్‌ (Cricbuzz) కు ఇచ్చిన ఇంటర్య్వూలో సలీల్‌ అంకోలా క్రికెట్‌పై అసహ్యం ఎలా ఏర్పడిందో వివరించాడు. ”1989లోనే దిగ్గజం సచిన్‌ తో పాటే అరంగేట్రం చేసినప్పటికి పెద్దగా అవకాశాలు రాలేదు. కారణం నా బౌలింగ్‌ నచ్చకనో మరేంటో తెలియదు. నాకు వచ్చిన అవకాశాలను కూడా సరిగా ఉపయోగించుకోలేకపోయాను.

ఆ తర్వాత ఎనిమిదేళ్లలో ఎన్నోసార్లు జట్టులోకి రావడం, వెళ్లడం జరిగింది. టీమిండియాలో చోటు దక్కకపోతే.. టీమిండియా-ఏ కి ఎంపికయ్యేవాడిని. ఎక్కడికి వెళ్లినా నా పని మాత్రం ఒకటే. మైదానంలో కంటే డ్రింక్స్‌ బాయ్‌గానే ఎక్కువగా సేవలందించాను. ఒక దశలో క్రికెట్‌పై విపరీతమైన అసూయ పుట్టుకొచ్చింది. అందుకే వెంటనే క్రికెట్‌కు రిటైర్మెంట్‌కు ప్రకటించాను.

2001 తర్వాత పూర్తిగా క్రికెట్‌కు దూరమయ్యాను. అప్పట్లో మ్యాచ్‌లను టెలికాస్ట్‌ చేసిన సోనీ చానెల్‌ నుంచి కామెంటేటర్‌గా విధులు నిర్వర్తించాలంటూ నాకు జాబ్‌ ఆఫర్‌ వచ్చింది. దానిని నేను తిరస్కరించాను. కానీ ఎందుకు చేశానో తెలియదు. ఇప్పుడు అది తలుచుకుంటే బాధేస్తుంది’ అంటూ చెప్పుకొచ్చాడు.

మరోవైపు అంకోలా వ్యక్తిగత జీవితం కూడా అంత సాఫీగా ఏం సాగలేదు. 2010లో మొదటి భార్యతో విడాకుల అనంతరం సలీల్‌ అంకోలా తాగుడుకు బానిసయ్యాడు. ఎవరిని గుర్తు పట్టలేనంతగా తాగుతుండే వాడు. అతని ప్రవర్తనతో విసిగిపోయిన రెండో భార్య సలీల్‌ను రీహాబిలిటేషన్‌ సెంటర్‌కు పంపించింది. దాదాపు 10 ఏళ్ల పాటు రీహాబిలిటేషన్‌లో ఉన్న సలీల్‌ అంకోలా మాములు మనిషిగా తిరిగొచ్చాడు. నూతన జీవితం ప్రారంభించాలనుకున్నాడు.  ఏ క్రికెట్‌పై అయితే అసూయపడ్డాడో దానిలోనే అడుగుపెట్టాడు. గతేడాది ముంబై క్రికెట్‌కు చీఫ్‌ సెలెక్టర్‌గా ఎంపికయ్యి సేవలందిస్తున్నాడు.