Viral

మంచు మనోజ్ తెరపై కనిపించి దాదాపు మూడు సంవత్సరాలు అవుతోంది. తన వ్యక్తిగత విషయాల కారణంగా మధ్యలో కొంత కాలం సినిమాలకు దూరంగా ఉన్నారు. 2017 లో విడుదలైన ఒక్కడు మిగిలాడు తర్వాత ఇప్పటివరకు మనోజ్ నటించిన సినిమా విడుదల కాలేదు. అయితే ఇటీవల అహం బ్రహ్మాస్మి సినిమా ప్రకటించారు మనోజ్. ఈ సినిమా ఫస్ట్ లుక్ కూడా విడుదలైంది. ఈ గ్యాప్ లో సినిమాలకు దూరంగా ఉన్నా కానీ సోషల్ మీడియా లో యాక్టివ్ గా ఉన్నారు మనోజ్.

ప్రతి మనిషి పొరపాటు చేయడం అనేది సహజం. ఇటీవల జెమినీ టీవీ కూడా ఇలాంటి ఒక చిన్న పొరపాటు చేసి ప్రస్తుతం సోషల్ మీడియాలో చర్చలో ఉంది. మనం అప్పుడప్పుడు టీవీలో చూస్తూ ఉంటాం, ఒక సినిమా టెలికాస్ట్ అవుతుంటే ఇంకొక సినిమా పేరు వేస్తారు, లేదా టెలికాస్ట్ టైమింగ్ పొరపాటు గా చెప్తారు. సెప్టెంబర్ 10 వ తేదీన మంచు విష్ణు నటించిన సూపర్ హిట్ సినిమా దేనికైనా రెడీ జెమినీ టీవీ లో మధ్యాహ్నం టెలికాస్ట్ చేశారు.

జెమినీ టీవీ ట్విట్టర్ ఎకౌంట్ లో ” దేనికైనా రెడీ సినిమాలో హీరో క్యారెక్టర్ పేరు ఏంటి?” అని ప్రశ్న పోస్ట్ చేశారు. ఇక్కడి వరకు బాగానే ఉంది. కానీ హీరో పేరు మంచు మనోజ్ అని రాశారు. ” దేనికైనా రెడీ సినిమాలో మంచు మనోజ్ పాత్ర పేరు ఏంటి?” ఇది ప్రశ్న.

ఈ ప్రశ్న మంచు మనోజ్ దృష్టికి వెళ్లింది. “నేను దేనికైనా రెడీ ఏ. కానీ ఆ సినిమాలో నేను లేను” అని జవాబిచ్చారు. మంచు మనోజ్ ఇచ్చిన కౌంటర్ మీద సోషల్ మీడియాలో మీమ్స్ వస్తున్నాయి. అలా ప్రస్తుతం సోషల్ మీడియాలో వైరల్ అవుతున్న కొన్ని మీమ్స్ ఇవే.

#1

#2 #3 #4 #5 #6 #7 #8

#9

#10

లాక్ డౌన్ లో కూడా సోషల్ మీడియా ద్వారా మనల్ని అలరిస్తున్నారు మెగాస్టార్ చిరంజీవి. సినిమాల్లో మాత్రమే కాకుండా నిజ జీవితంలో కూడా తన ఎలా ఉంటారో, లాక్ డౌన్ సమయం ఎలా గడుపుతున్నారో అనే విషయాలు సోషల్ మీడియాలో పోస్ట్  ల రూపంలో మనందరికీ చెప్తూ ఉంటారు. గత నెల మెగాస్టార్ చిరంజీవి పుట్టినరోజు సందర్భంగా చిరంజీవి – కొరటాల శివ కాంబినేషన్ లో రాబోతున్న ఆచార్య ఫస్ట్ లుక్ మోషన్ పోస్టర్ విడుదల చేశారు. ఈ మోషన్ పోస్టర్ కి మంచి రెస్పాన్స్ వచ్చింది.

ఆచార్య సినిమా తర్వాత మెగాస్టార్ చిరంజీవి చేయబోతున్న ప్రాజెక్ట్స్ గురించి కూడా ఎన్నో వార్తలు వస్తున్నాయి. వాటిలో ఒకటి మలయాళంలో సూపర్ హిట్ అయిన లూసిఫర్ రీమేక్ అయితే, ఇంకొకటి అజిత్ హీరోగా నటించిన వేదాళం రీమేక్. లూసిఫర్ రీమేక్ ని తెలుగులో ముందు సుజిత్ దర్శకత్వం వహించబోతున్నారు అని, కానీ ఇప్పుడు ఆ ప్రాజెక్ట్ నుండి సుజిత్ తప్పుకున్నారు అని, మరొక డైరెక్టర్ లూసిఫర్ రీమేక్ కి దర్శకత్వం వహించే అవకాశాలు ఉన్నాయని ఇలా ఎన్నో వార్తలు వినిపిస్తున్నాయి.

ఇంక వేదాళం రీమేక్ సినిమా విషయానికొస్తే, ఈ సినిమాని తెలుగులో మెహర్ రమేష్ దర్శకత్వం వహించబోతున్నారని వార్తలు వినిపించాయి. అంతేకాకుండా ఇటీవల పవన్ కళ్యాణ్ పుట్టినరోజు నాడు ట్విట్టర్ ద్వారా మెహర్ రమేష్ పవన్ కళ్యాణ్ కి పుట్టినరోజు శుభాకాంక్షలు చెబితే, దానికి పవన్ కళ్యాణ్ థ్యాంక్యూ చెప్పి, ” చిరంజీవి గారితో చేయబోయే సినిమాకి ఆల్ ది బెస్ట్” అని చెప్పారు.

దాంతో మెగాస్టార్ చిరంజీవి – మెహర్ రమేష్ కాంబినేషన్ లో సినిమా రాబోతోంది అనే వార్త రూమర్ కాదని దాదాపు కన్ఫర్మ్ అయింది. కానీ ఆ సినిమా వేదాళం రీమేకా? లేదా ఇంకేదైనా సినిమానా? అనే విషయం అధికారికంగా ప్రకటించాల్సి ఉంది. ఎప్పుడు కొత్త లుక్ తో ఎక్స్పరిమెంట్ చేసే చిరు నిన్న సోషల్ మీడియాలో గుండు తో ఉన్న తన న్యూ లుక్ ని పోస్ట్ చేశారు. ఈ లుక్ ప్రస్తుతం సోషల్ మీడియాలో ట్రెండింగ్ లో ఉంది.

అయితే, అసలు ఈ కొత్త గెటప్ ఏదైనా సినిమా కోసమా? ఒకవేళ సినిమా కోసం అయితే ఏ సినిమా కోసం? అనే డౌట్ అందరిలో మొదలైంది. వేదాళం సినిమాలో హీరో అజిత్ బాగా ట్రిమ్ చేసిన హెయిర్ స్టైల్ తో కనిపిస్తారు. కాబట్టి మెగాస్టార్ కూడా ఇప్పుడు వేదాళం రీమేక్ లుక్ టెస్ట్ కోసం ఈ కొత్త లుక్ ట్రై చేస్తున్నారు అనే వార్తలు వినిపిస్తున్నాయి. ఏదేమైనా ఇప్పుడు పెరుగుతున్న కరోనా కేసుల కారణంగా డిసెంబర్ వరకు సినిమాల షూటింగ్ పూర్తిగా మొదలయ్యే అవకాశాలు కనిపించట్లేదు.

కాబట్టి ఈ సమయంలో తన రాబోయే సినిమా కోసం మెగాస్టార్ ఈ లుక్ ట్రై చేస్తున్నారేమో అని అంటున్నారు నెటిజన్లు. కొంతమంది ఇది ఒరిజినల్ లుక్ అని అంటుంటే, ఇంకొంతమంది ఆ లుక్ బహుశా ప్రోస్థెటిక్ మేకప్ సహాయంతో చేశారేమో అని అంటున్నారు. ఈ విషయాలన్నీ పక్కన పెడితే ప్రస్తుతం అయితే సోషల్ మీడియాలో మెగా స్టార్ కొత్త లుక్ ట్రెండింగ్ టాపిక్ గా మారింది. అభిమానులతో పాటు, సెలబ్రిటీలు కూడా మెగా స్టార్ కొత్త లుక్ బాగుందంటూ కామెంట్స్ ద్వారా చెప్తున్నారు.

ప్రముఖ సినీ నటులు జయ ప్రకాశ్ రెడ్డి గుంటూరులో ఉన్న తన నివాసంలో బాత్రూంలో కుప్పకూలి కార్డియాక్ అరెస్ట్ తో మరణించారు. జయప్రకాష్ రెడ్డి ఎన్నో సినిమాల్లో విలన్ పాత్రలు, సహాయ పాత్రలు, కామెడీ పాత్రలు కూడా చేశారు. 1988లో వచ్చిన బ్రహ్మపుత్రుడు సినిమాల్లో నటించారు జయ ప్రకాష్ రెడ్డి.

తర్వాత శత్రువు, లారీ డ్రైవర్, బొబ్బిలిరాజా, చిత్రం భళారే విచిత్రం, జంబలకిడిపంబ, ప్రేమించుకుందాం రా, సమరసింహారెడ్డి, నరసింహనాయుడు, విక్రమార్కుడు, కింగ్, గబ్బర్ సింగ్, బ్రూస్ లీ, ఖైదీ నెంబర్ 150, నేనే రాజు నేనే మంత్రి, అమర్ అక్బర్ ఆంటోనీ ఇలా ఎన్నో సినిమాల్లో నటించారు. జనవరిలో విడుదలైన సరిలేరు నీకెవ్వరు సినిమాలో జయ ప్రకాష్ రెడ్డి చివరిగా మనకి తెరపై కనిపించారు.

జయప్రకాష్ రెడ్డి గారి మరణం పై పలు సెలబ్రిటీలు సోషల్ మీడియా లో తమ సంతాపం వ్యక్తం చేశారు. అలాగే యాంకర్, నటి అనసూయ కూడా సోషల్ మీడియా ద్వారా జయప్రకాశ్ రెడ్డి గారి మరణం పై తన సంతాపం వ్యక్తం చేశారు. కొన్ని చోట్ల జయ ప్రకాష్ రెడ్డి గారు బాత్రూం లో కుప్పకూలిపోయి ఉన్న వీడియో ని కవర్ చేసి ప్రసారం చేశారు.

దీనిపై అనసూయ ట్విట్టర్ వేదికగా ” నాకు ఏం చెప్పాలో అర్థం కావట్లేదు. బాత్రూం ని కూడా వదలట్లేదు. ఒక వ్యక్తి మరణం దగ్గర కూడా డిగ్నిటీ పాటించడం లేదు” అని అర్థం వచ్చేలాగా ట్వీట్ చేశారు. దీనిపై నెటిజన్లు “నిజంగానే న్యూస్ కవరేజ్ కోసం ఇలా చేయడం తప్పు” అని అనసూయ కి మద్దతిస్తున్నారు.