Viral

పవర్ స్టార్ పవన్ కళ్యాణ్ కి ఉన్న క్రేజ్ గురించి ఎంత చెప్పినా తక్కువే అనిపిస్తుంది. ఒక హీరోగా మాత్రమే కాకుండా ఒక వ్యక్తిగా కూడా పవన్ కళ్యాణ్ ని ఇష్టపడే వాళ్ళు చాలామంది ఉంటారు. పవన్ కళ్యాణ్ సాధారణంగా ఇంటర్వ్యూలు ఇవ్వరు. సినిమా సందర్భంలో కూడా ప్రమోషన్స్ చాలా తక్కువగా ఇస్తూ ఉంటారు.

అలాంటిది పవన్ కళ్యాణ్ ఒక షోలో కూర్చొని తన జీవితం గురించి మాట్లాడుతున్నారు అంటే ఇంక ఆసక్తి మామూలుగా ఉండదు. ఇప్పుడు అదే అన్‌స్టాపబుల్ విత్ ఎన్ బి కె ఎపిసోడ్ విషయంలో జరిగింది. బాలకృష్ణ ఈ షో లో పవన్ కళ్యాణ్ ని ఎన్నో విషయాల గురించి ప్రశ్నలు అడిగారు. అందుకు పవన్ కళ్యాణ్ కూడా చాలా బాగా సమాధానాలు చెప్పారు. ఈ ఎపిసోడ్ మొదటి పార్ట్ ఇవాళ వచ్చింది. కానీ ఎపిసోడ్ వచ్చిన వెంటనే ఆహా యాప్ సర్వర్ క్రాష్ అయిపోయింది.

అంతకుముందు ప్రభాస్ ఎపిసోడ్ విషయంలో కూడా ఇలాగే జరిగింది. ఇప్పుడు పవన్ కళ్యాణ్ ఎపిసోడ్ విషయంలో కూడా ఇలా అవుతోంది. ఈ ఎపిసోడ్ లో పవన్ కళ్యాణ్ తన వ్యక్తిగత విషయాల గురించి కూడా మాట్లాడారు. అలాగే హీరో సాయి ధరమ్ తేజ్ కూడా కొంచెం సేపు వచ్చి ఈ ప్రోగ్రాం లో మాట్లాడారు. అసలు పవన్ కళ్యాణ్ ఇంత సరదాగా మాట్లాడుతూ ఉంటే చూడాలి అని అందరూ ఎదురు చూస్తూ ఉన్నారు. ఈ విషయంపై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2#3#4#5#6#7#8#9#10#11#12#13#14#15#16#17

#18

సందీప్ కిషన్ హీరోగా వస్తున్న సినిమా మైఖేల్. ఈ సినిమా ట్రైలర్ ఇటీవల విడుదల అయ్యి చాలా మంచి రెస్పాన్స్ అందుకుంది. ఈ సినిమాలో ఎంతో మంది ప్రముఖ నటీనటులు ముఖ్య పాత్రలో నటిస్తున్నారు. ఇందులో మజిలీ సినిమాతో తెలుగు ఇండస్ట్రీకి హీరోయిన్ గా పరిచయం అయిన దివ్యాంశ కౌశిక్ నటిస్తున్నారు.

ఈ సినిమాకి రంజిత్ జయకోడి దర్శకత్వం వహించారు. ఇందులో విజయ్ సేతుపతి, వరలక్ష్మి శరత్ కుమార్, వరుణ్ సందేశ్, అనసూయ భరద్వాజ్, గౌతమ్ మేనన్ ముఖ్యపాత్రల్లో నటిస్తున్నారు. ఈ సినిమా సెన్సార్ ఇటీవల పూర్తి అయ్యింది. సినిమా సెన్సార్ టాక్ ఇదే అంటూ ఒక వార్త ప్రచారంలో ఉంది.

సినిమా సెన్సార్ టాక్ చాలా బాగుంది అని అంటున్నారు. సందీప్ కిషన్ కెరీర్ లో బెస్ట్ సినిమా ఇదే అని సమాచారం. సినిమాలో హీరో, హీరోయిన్ అని కాకుండా మొత్తం కంటెంట్ మీదే నడుస్తుంది. సినిమాలో నటించిన ప్రతి ఒక్క యాక్టర్ కి మంచి పాత్ర లభించింది. అలాగే ట్రైలర్ చూసి ఇది కేవలం యాక్షన్ సినిమా మాత్రమే అనుకుంటున్నారు. కానీ యాక్షన్ తో పాటు ఒక మంచి లవ్ స్టోరీ కూడా ఈ సినిమాలో ఉంది. దాంతో అన్ని వర్గాల ప్రేక్షకులకి ఈ సినిమా నచ్చే అవకాశం ఉంది.

అలాగే నటన విషయంలో కానీ, తనని తాను మార్చుకున్న విషయంలో కానీ సందీప్ కిషన్ కి చాలా ప్రశంసలు దక్కాయి. ఇప్పటివరకు అసలు చేయని ఒక పాత్రలో సందీప్ నటించారు అని సమాచారం. అలాగే విజయ్ సేతుపతికి కూడా మరొకసారి గొప్ప పర్ఫార్మెన్స్ కి ఆస్కారం ఉన్న ఒక మంచి పాత్ర దొరికింది అని అంటున్నారు.

ఈ సినిమా కేవలం తెలుగులో మాత్రమే కాకుండా తమిళ్, మలయాళం, హిందీ, కన్నడ భాషల్లో కూడా విడుదల అవుతోంది. ఇందులో నటించిన చాలా మంది నటీనటులు తెలుగు, తమిళ్ భాషలకి చెందిన వారు ఉన్నారు .సినిమా సెన్సార్ టాక్ అయితే ఇలా ఉంది. ఇందులో ఎంతవరకు నిజం ఉందో తెలియాలి అంటే సినిమా విడుదల అయ్యేంతవరకు ఆగాల్సిందే.

కోలీవుడ్ అగ్ర హీరో దళపతి విజయ్ నటించిన లేటెస్ట్ సినిమా వారిసు. ఈ చిత్రంలో తెలుగులో వారసుడు పేరుతో డబ్ అయ్యింది. దిల్ రాజు నిర్మాత, రష్మిక మందన్న హీరోయిన్. ఈ చిత్రం ఘానా విజయం సాధించింది. అయితే ఆ చిత్రం తర్వాత తన తదుపరి చిత్రాన్ని ప్రకటించారు విజయ్. మాస్టర్ చిత్రం తర్వాత కోలీవుడ్ స్టార్ విజయ్, దర్శకుడు లోకేష్ కనగరాజ్ కాంబినేషన్ లో మరో చిత్రం రాబోతున్న విషయం తెలిసిందే. అయితే ఈ చిత్రం పై అప్డేట్ ఇచ్చింది నిర్మాణ సంస్థ 7 స్క్రీన్ స్టూడియో.

“మాస్టర్, వారిసు తర్వాత విజయ్ తో కలిసి పనిచేయడం సంతోషంగా ఉంది. తలపతి 37 కి లోకేష్ కనగరాజ్ దర్శకత్వం వహిస్తున్నారు. జనవరి 2 నుంచి ఈ చిత్ర షూటింగ్ ప్రారంభమైంది. ఈ చిత్రానికి అనిరుద్ రవిచందర్ సంగీతం అందిస్తున్నారు. సినిమాటోగ్రఫీ మనోజ్ పరమహంస అందిస్తున్నారు. ఇతర నటీనటుల వివరాలు త్వరలోనే అందిస్తాం.” అని నిర్మాణ సంస్థ 7 స్క్రీన్ స్టూడియో ఒక ప్రకటనలో వెల్లడించింది.

మాస్టర్ తర్వాత విజయ్, లోకేష్ కనగరాజ్ కాంబినేషన్ లో రాబోతున్న ఈ చిత్రం పై భారీ అంచనాలే ఉన్నాయి. గ్యాంగ్స్టర్ థ్రిల్లర్ గా ఈ ప్రాజెక్ట్ తెరకెక్కనుంది. అయితే ఈ చిత్రం కూడా లోకేష్ సినిమాటిక్ యూనివర్స్ లో భాగంగా తెరకెక్కనున్నట్లు తెలుస్తోంది. ఇప్పటికే ఈ ఫ్రాంచైజీలో కార్తీ హీరోగా వచ్చిన ‘ఖైదీ’ చిత్రం, కమలహాసన్ హీరోగా వచ్చిన ‘ విక్రమ్’ చిత్రాలు వచ్చాయి. ఇప్పుడు తలపతి తర్వాతి చిత్రం కూడా అందులో భాగం కానున్నట్లు తెలుస్తోంది. అంతే కాకుండా తలపతి 67 అని ఇచ్చిన పోస్టర్ లో ఎల్ సి యు (లోకేష్ సినిమాటిక్ యూనివర్స్) అన్న అక్షరాలు తిరగేసి రాసి ఉన్నాయి. దీంతో ఈ చిత్రం కూడా ఆ ఫ్రాంచైజ్ లో భాగమన్న విషయం ఫిక్స్ అయినట్టే అని ఫాన్స్ అనుకుంటున్నారు.

వారసుడు చిత్రం పూర్తి కాగానే విజయ్ ఈ చిత్ర షూటింగ్ లో పాల్గొంటున్నారు. చిత్రం లో విజయ్ టీ అమ్ముకొనే వ్యక్తిగా నటించనున్నట్లు సమాచారం. ఈ చిత్రం లో సంజయ్ దత్ కీలక పాత్ర పోషిస్తున్నట్లు తెలుస్తోంది. ఇంకా త్రిష, గౌతమ్ మీనన్ కూడా నటిస్తున్నట్లు వార్తలు వస్తున్నాయి. అలాగే మలయాళ నటుడు నివిన్ పోలీ ప్రతినాయకుడిగా నటిచనున్నట్లు సమాచారం. ఈ చిత్రం ఈ ఏడాది దసరా లేదా దీపావళి కానుకగా విడుదల చేసేందుకు మేకర్స్ ప్రయత్నిస్తున్నారు.

గత ఏడాది ‘యశోద’ మూవీ రిలీజ్‌కి కొన్ని రోజులు ముందు తాను మయోసైటిస్ అనే దీర్ఘకాలిక కండరాల వ్యాధితో బాధపడుతున్నట్లు సమంత ప్రకటించింది. ప్రస్తుతం సామ్ ఈ వ్యాధి నుంచి కోలుకుంటోంది. అయితే ఇంటి వద్దే రెస్ట్ తీసుకుంటున్న సమంత శాకుంతలం ట్రైలర్ లాంచ్ కి బయటకి వచ్చింది. పౌరాణిక నేపథ్యం లో వస్తున్నా ఈ చిత్రం పై అటు గుణశేఖర్, ఇటు సామ్ చాలా అంచనాలు పెట్టుకున్నారు. ఈ చిత్రం లో సమంత శకుంతల పాత్రలో నటిస్తుండగా.. మలయాళ నటుడు దేవ్ మోహన్ దుశ్యంతుడిగా నటిస్తున్నారు.

అయితే ఈ చిత్రం తో ఐకాన్‌ స్టార్‌ అల్లు అర్జున్‌ గారాల పట్టి అల్లు అర్హ సినిమా ఇండస్ట్రీ లోకి ఎంట్రీ ఇస్తోంది. ఇటీవలే రిలీజైన ట్రైలర్‌లో అర్హ సింహంపై స్వారీ చేస్తున్న క్లిప్‌ ట్రైలర్‌కే హైలేట్‌గా నిలిచింది. ఇన్ని రోజులు ఇన్‌స్టాగ్రామ్‌లో అల్లరి వీడియోలు, ఫోటోలతో అలరించిన అర్హ ఇప్పుడు బిగ్ స్క్రీన్ పై కనిపించనుండడంతో అల్లు అర్జున్‌ ఫ్యాన్స్ ఫుల్ ఖుషి అవుతున్నారు. ఈ చిత్రం లో యువరాజు భరతుడి పాత్రలో అర్హ కనిపించనుంది.

అయితే తాజాగా ఈ సినిమాలో అర్హ స్క్రీన్‌టైమ్‌ గురించి గుణశేఖర్‌ అభిమానులతో పంచుకున్నాడు. ఈ సినిమాలో అల్లు అర్హ పాత్ర ఆరు నిమిషాలు ఉండనుందట. రెండున్నర గంటల సినిమాలో ఆరు నిమిషాలు అర్హ పాత్ర ఉండడం విశేషమే. దీన్ని బట్టి చూస్తే అర్హ క్యారెక్టర్‌కు సినిమాలో ఎంత మంచి స్కోప్‌ ఉందో తెలుస్తుంది. ఇప్పటికే ఈ పాత్రకి సంబంధిన డబ్బింగ్ ని కూడా పూర్తి చేసింది అర్హ. మరో వైపు పవన్‌ ‘ఉస్తాద్‌ భగత్‌సింగ్‌’లో ఓ కీలక పాత్ర కోసం అర్హను ఎంపిక చేయాలని మేకర్స్ భావిస్తున్నారట. దీనిపై అధికారిక ప్రకటన రావాల్సి ఉంది.

అయితే దేవ్ మోహన్ ను ఈ సినిమాలో ఎందుకు తీసుకున్నారు ఏదైనా తెలుగు హీరోని తీసుకోవచ్చు కదా అని దర్శకుడు గుణశేఖర్ ని అడిగితే ఏ తెలుగు హీరో ఈ సినిమాలో చేయడానికి ఆసక్తి చూపించలేదని ఆయన చెప్పుకొచ్చారు. ఫిబ్ర‌వ‌రి 17న తెలుగు, త‌మిళం, మ‌ల‌యాళం, క‌న్న‌డ‌తో పాటు హిందీలోనూ ఈ సినిమాను రిలీజ్ చేయ‌బోతున్నారు. శాకుంత‌లం సినిమాను గుణ‌శేఖ‌ర్ త‌న‌య నీలిమ గుణ‌తో క‌లిసి దిల్‌రాజు నిర్మిస్తున్నారు. ఈ సినిమాను గుణశేఖర్‌ రుద్రమదేవి తర్వాత దాదాపు ఏడేళ్లు గ్యాప్‌ తీసుకొని రూపొందించాడు.

నందమూరి తారకరత్న ఆరోగ్య పరిస్థితి రోజురోజుకు క్షీణిస్తోంది. ప్రస్తుతం బెంగళూరులోని నారాయణ హృదయాలయ హాస్పిటల్ లో ఆయన చికిత్స తీసుకుంటున్నారు . గత శుక్రవారం కుప్పంలో టీడీపీ యువనేత నారా లోకేష్ ప్రారంభించిన యువగలం పాదయాత్రకి హాజరైన తారకరత్న కొద్దిసేపు నడవగానే తీవ్ర అస్వస్థకు గురై స్పృహ తప్పి పడిపోయారు. వెంటనే దగ్గర్లో ఉన్న హాస్పిటల్ కి తరలించగా వైద్యులు గుండెపోటు వచ్చిందని నిర్ధారించారు. మెరుగైన చికిత్స కోసం ఆయన భార్య అలేఖ్య రెడ్డి కోరిక మేరకు బెంగళూరులోని నారాయణ హృదయాలయ ఆసుపత్రికి తరలించారు.

తారకరత్న వ్యక్తిగత జీవిత విషయానికి వస్తే.. తారకరత్న భార్య పేరు అలేఖ్య రెడ్డి . పెద్దల్ని ఎదిరించి మరీ పెళ్లి చేసుకున్నారు. వీరిద్దరు గతంలో ఒక ఇంటర్వ్యూలో పాల్గొన్నారు. వీరి పెళ్లి గురించి అలేఖ్య రెడ్డి మాట్లాడుతూ..” తారకరత్న చెన్నైలో తన సోదరికి స్కూల్ లో ఆమెకి సీనియర్ . ఆ తర్వాత కామన్ ఫ్రెండ్ ద్వారా హైదరాబాద్ లో కలిసాం. మొదట ఇద్దరం స్నేహితులుగా ఉన్నాం.ఆ తర్వాత తారకరత్న ప్రపోజ్ చేయడం తో .. కుటుంబ సభ్యులతో మాట్లాడమని చెప్పా.. కానీ సినిమా ఇండస్ట్రీ పై మంచి అభిప్రాయం లేకపోవడంతో మా పెళ్ళికి మా ఇంట్లో ఒప్పుకోలేదు. తారక రత్న ఇంట్లో కూడా నాకు విడాకులు అయినా కారణం గా మా పెళ్ళికి ఒప్పుకోలేదు.” అని అలేఖ్య తెలిపారు.

తర్వాత వీరిద్దరూ 2012 ఆగస్టు 2న హైదరాబాదులోని సంఘీ టెంపుల్లో వివాహం చేసుకోగా.. పెళ్ళికి ఇరు కుటుంబాల నుండి ఎవరూ హాజరు కాలేదని తెలిపారు అలేఖ్య రెడ్డి. 2013లో ఈ జంటకు నిష్కా అనే పాప జన్మించింది. ఇకపోతే వివాహం జరిగిన తర్వాత చాలా సంవత్సరాల పాటు వీరు తమ కుటుంబాలకు ఒంటరిగా జీవించాల్సి వచ్చింది. కానీ నాలుగేళ్ల తర్వాత తారకరత్న బర్త్ డే సందర్భంగా అందరూ కలిసినట్లు అలేఖ్య రెడ్డి వెల్లడించారు.

పైకి చాలా సింపుల్ గా కనిపించే తారక రత్న వ్యక్తి గతంగా.. వృత్తి పరం గా ఎన్నో ఆటు పోట్లు ఎదుర్కొన్నారని తెలుస్తోంది. దీంతో ఆయన త్వరగా కోలుకొని.. ఆరోగ్యంగా తిరిగి రావాలని ఫాన్స్ కోరుకుంటున్నారు. ఇప్పటికే జూనియర్ ఎన్టీఆర్, కళ్యాణ్ రామ్ తదితరులు బెంగళూరుకి చేరుకున్నారు. గత శుక్రవారం నుంచి నందమూరి బాలకృష్ణ స్వయంగా తారక రత్న చికిత్స ఏర్పాట్లని పర్యవేక్షిస్తున్నారు.

పవన్ కల్యాణ్ ప్రస్తుతం మూడు సినిమాల్లో నటిస్తున్నారు. అందులో ఒకటి ‘హరిహర వీరమల్లు‘. క్రిష్ జాగర్లమూడి దర్శకత్వంలో పీరియాడికల్ యాక్షన్ అడ్వెంచర్ రూపొందుతోంది. మరొకటి ‘ఉస్తాద్ భగత్ సింగ్‘. హరీష్ శంకర్ ఈ సినిమాను తెరకెక్కిస్తున్నారు. ఇంకోటి ‘వినోదయ సీతమ్‘ అనే తమిళ సినిమా రీమేక్ చేస్తున్నారు. ఇవే కాకుండా సాహో డైరెక్టర్ సుజీత్ తో మరో చిత్రం ప్రకటించారు పవన్.

`ఓజీ`(ఒరిజినల్‌ గ్యాంగ్ స్టర్‌) అనే వర్కింగ్‌ టైటిల్‌తో ఈ చిత్రం రూపొందనుంది. తాజాగా సోమవారం ఈ సినిమా ప్రారంభమైంది. అన్నపూర్ణ స్టూడియోలో ఈ సినిమా ఓపెనింగ్‌ జరిగింది. ఈ చిత్రాన్ని డివివి దానయ్య నిర్మిస్తున్నారు. థమన్ సంగీతం అందిస్తున్నారు.

సుజీత్ ప్రభాస్ ‌తో సాహో తర్వాత పవన్ కళ్యాణ్‌తో చేస్తోన్న సినిమా కావడంతో ఈ మూవీపై అంచనాలు ఏర్పడ్డాయి. ఈ చిత్రం గ్యాంగ్ స్టర్ నేపథ్యంలో తెరకెక్కనున్నట్టు సమాచారం. ఈ సినిమాను కేవలం పాటలు లేకుండా గంటన్నర నిడివితో ఈ మూవీ సెట్స్ పైకి వెళ్లనున్నట్టు సమాచారం. భారీ బడ్జెట్ కేటాయించి అన్ని హంగులతో ఈ సినిమాను ప్లాన్ చేసారట దర్శకనిర్మాతలు.

అజ్ఞాతవాసి సినిమా తర్వాత కాస్త గ్యాప్ తీసుకొని వకీల్ సాబ్, భీమ్లానాయక్ రూపంలో మళ్ళీ సెట్స్ మీదకొచ్చిన పవర్ స్టార్ పవన్ కళ్యాణ్ వరుస సినిమాలు చేస్తున్నారు. లైన్‌లో బడా ప్రాజెక్ట్స్ ఓకే చేస్తూ సెట్స్ మీద బిజీ బిజీగా గడుపుతున్నారు పవన్. ప్రస్తుతం హరిహర వీరమల్లు సినిమా షూటింగ్ లో పాల్గొంటున్నారు పవన్ కళ్యాణ్. ఈ సినిమాక సంబంధించిన షూటింగ్‌ త్వరలో పూర్తి కానుంది. మార్చి 31న ఈ సినిమాను విడుదల చేస్తున్నట్టు అధికారికంగా ప్రకటించారు.

అయితే ఈ సినిమా మరే సినిమాకు రీమేక్ కాదని సమాచారం. ఓ ఫ్రెష్ సబ్జెక్ట్‌తో పవన్ కళ్యాణ్ సినిమా ప్లాన్ చేశారట సుజీత్. దీంతో ఈ కొత్త సినిమా ప్రకటనతోనే మెగా అభిమానుల్లో ఓ రేంజ్ అంచనాలు నెలకొన్నాయి. ప్రకాష్‌ రాజ్‌, రక్షిత్‌ శెట్టి, టబు, అనుపమ్‌ ఖేర్‌ వంటి భారీ కాస్టింగ్‌ని తీసుకోబోతున్నట్టు తెలుస్తుంది. ఈ చిత్రం లోని ఇతర నటీనటుల వివరాలు తెలియాల్సి ఉంది. అయితే ఈ చిత్ర లాంచింగ్ ఈవెంట్ పై నెట్టింట పలు మీమ్స్ వైరల్ అవుతున్నాయి. వాటిపై ఓ లుక్కేయండి..

#1

#2

#3

#4

#5

#6

#7

#8

#9

#10

#11

#12

#13

#14

#15

#16

#17

#18

#19

#20

ప్రభాస్ హీరో గా నటించిన చిత్రాల్లో డార్లింగ్ కి ప్రత్యేకమైన గుర్తింపు ఉంది. ప్రేమకథ చిత్రాల ఎక్స్పర్ట్. దర్శకుడు ఏ. కరుణాకరన్ తీసిన ఈ చిత్రం లో ప్రభాస్ సరసన కాజల్ కథానాయికగా నటించింది. బీవీఎస్ఎన్ ప్రసాద్ నిర్మించిన ఈ చిత్రం సూపర్ హిట్ గా నిలిచింది. ఈ రొమాంటిక్ కామెడీ ఎంటర్ టైనర్ కి జీవీ ప్రకాష్ మ్యూజిక్ అందించారు. ప్రభాస్ 13 వ చిత్రం గా విడుదలై అతడికి మంచి క్లాస్ ఇమేజ్ తెచ్చి పెట్టింది ఈ చిత్రం. డార్లింగ్ మూవీ ప్రభాస్ లోని కొత్త కోణాన్ని ఆవిష్కరించింది.

10 కోట్ల తో తెరకెక్కిన ఈ చిత్రం 22 కోట్లు వసూలు చేసింది. అయితే ఛత్రపతి సినిమా తర్వాత సరైన హిట్ లేని సమయం లో అయిదేళ్ల తర్వాత ఈ చిత్రం తో కం బ్యాక్ ఇచ్చారు ప్రభాస్. తన మాస్ ఇమేజ్ ను, ఫాలోయింగ్ ను పక్కన పెట్టి ప్రభాస్ ఈ లవ్ అండ్ ఫ్యామిలీ ఎంటర్టైనర్ ను చేసాడు. మొదటి షోతోనే హిట్ టాక్ ను సంపాదించుకుంది ఈ చిత్రం. అప్పటి నుంచి ప్రభాస్ ముద్దు పేరు డార్లింగ్ అయిపోయింది. అలాగే ప్రభాస్ కూడా తన సన్నిహితులను డార్లింగ్ అని పిలుస్తాడన్న విషయం మనకు తెలిసిందే.

ఈ సినిమాలో పాటలు ఎంత సూపర్ హిట్టో మనకి తెలుసు. ఫస్ట్ హాఫ్ లో ప్రభాస్ ఫ్లాష్ బ్యాక్ స్టోరీ చెప్పేటప్పుడు వచ్చే ‘నీవే నీవే’ సాంగ్ వస్తుంది. ఆ సాంగ్ టేకింగ్.. ఆ లొకేషన్స్ అన్ని ఆకట్టుకుంటాయి. అయితే ఆ సాంగ్ లో ఒక సీన్ లో కాజల్ ఒక కాలువ దాటుతూ అందులో పడిపోతుంది. ఆమె సామాన్లు కూడా కొట్టుకు పోతాయి. దూరం నుంచి కాజల్ ని ఫాలో చేస్తున్న ప్రభాస్ తర్వాత రోజు కాజల్ వచ్చే సమయానికి ఆ కాలువ పై ఒక చిన్న వంతెన కట్టి ఆమె సామాన్లు అక్కడ పెడతాడు. ఈ సీన్ సినిమాలో చాలా బావుంటుంది.

అయితే 2006 వచ్చిన ‘డైసీ’ దక్షిణ కొరియా సినిమాలో ని ఒక పాటలో సేమ్ ఇలాంటి సీన్లే ఉంటాయి. అక్కడ కూడా హీరో .. హీరోయిన్ కోసం ఇలాగే చేస్తాడు. ఆ వీడియో చూసిన నెటిజన్లు.. ఈ సీన్లు ఎక్కడో చూసినట్టుంది అంటూ ఆ వీడియో ని వైరల్ చేస్తున్నారు. డార్లింగ్ దర్శకుడు ఈ సీన్లను కాపీ చేశాడంటూ కామెంట్లు చేస్తున్నారు. కొందరు మాత్రం అలా చేయడం లో తప్పేమి లేదు.. ఇంకా డార్లింగ్ సినిమాలో చాలా బాగా చేసారు అంటూ సపోర్ట్ చేస్తున్నారు. మీరు కూడా ఆ వీడియో ని చూడండి.

watch video:

https://www.instagram.com/reel/CmTud-YJpB1/?igshid=YmMyMTA2M2Y%3D