ఆర్ఆర్ఆర్ మూవీ తర్వాత ఎన్టీఆర్ నుంచి రాబోతున్న నెక్స్ట్ చిత్రం దేవర. ఇది ఎన్టీఆర్ 30వ చిత్రం కావడమే కాకుండా చాలా లాంగ్ గ్యాప్ తర్వాత వస్తున్న చిత్రం కావడంతో… ఎన్టీఆర్ ఫ్యాన్స్ ఎగ్జైటెడ్ గా ఈ మూవీ కోసం ఎదురుచూస్తున్నారు.
కొరటాల శివ డైరెక్షన్లో వస్తున్న ఈ మూవీ టైటిల్ తోని అంచనాలను భారీగా పెంచింది. ఈ చిత్రంలో ఎన్టీఆర్ డ్యూయల్ రోల్ చేయబోతున్నట్లు తెలుస్తోంది.
అయితే ఈ మూవీకి సంబంధించిన ఒక క్రేజీ అప్డేట్ ప్రస్తుతం ఆన్లైన్ లో హల్చల్ చేస్తుంది. దేవర స్టోరీ కి సంబంధించిన ఈ న్యూస్ బాగా వైరల్ అయింది. ఈ సినిమా ఒక రియల్ లైఫ్ స్టోరీ ని ఆధారంగా చేసుకుని తెరకెక్కిస్తున్నట్లు తెలుస్తోంది. ఈ చిత్రంలో జాన్వీ కపూర్ హీరోయిన్గా నటిస్తుండగా విలన్ క్యారెక్టర్ లో బాలీవుడ్ యాక్టర్ సైఫ్ అలీ ఖాన్ నటిస్తున్నారు. దేవర చిత్రంతో జాన్వీ టాలీవుడ్ లో ఎంట్రీ ఇవ్వబోతున్నారు.
ఈ మూవీలో జూనియర్ ఎన్టీఆర్ మరియు సైఫ్ అలీ ఖాన్ మధ్య ఫైటింగ్ సన్నివేశాలు గూస్ బంప్స్ వచ్చే లెవెల్ లో కొరటాల శివ ప్లాన్ చేశారు. ఈ చిత్రం ఒక యదార్థ సంఘటన ఆధారంగా దారుణమైన హత్యాకాండను హైలైట్ చేస్తున్నట్లు తెలుస్తోంది. 1985 ప్రాంతంలో ఉమ్మడి ఆంధ్రప్రదేశ్ రాజకీయాలలో తుఫాను రేకెత్తించిన ఆంధ్రప్రదేశ్ బాపట్ల సమీపంలోని కారంచేడు ప్రదేశంలో జరిగిన ఓ సంఘటనను ఇందులో ప్రధానంగా చూపిస్తున్నట్లు తెలుస్తోంది.
దళితులను క్రూరంగా కొందరు అగ్రవర్ణ దుండగులు ఊచకోత కోస్తారు. ఈ సంఘటన తర్వాత వందలాది మంది దళితులు నిరాశ్రయులు అవుతారు. ఈ సంఘటనను చిత్రంలో హైలైట్ చేయబోతున్నట్లు తెలుస్తోంది. వాస్తవిక సంఘటన నుంచి తీసుకున్నటువంటి అంశంతో వారు అప్పుడు అనుభవించిన బాధ, వేదన అభిమానులకు బాగా కనెక్ట్ అయ్యే విధంగా స్టోరీ రూపొందించడం జరిగింది. మరి పూర్తి కథ విడుదలయ్యాకే తెలియాలి…..
