షిన్ చాన్ కార్టూన్ షో ను ఇండియా లో ఎందుకు బాన్ చేశారు..?

షిన్ చాన్ కార్టూన్ షో అందరికి సుపరిచితమే. ఈ కార్టూన్ షో వాస్తవానికి జపాన్ షో. ఈ షో లో షిన్ చాన్ పాత్ర చేసే అల్లరి అంతా ఇంతా కాదు. ఈ కార్టూన్ ని ఇష్టపడేవాళ్ళందరికి షిన్ చాన్ గురించి తెలిసే ఉంటుంది. మొదట్లో ఈ కార్టూన్ షో ఇండియా లో కూడా పాపులర్ అయింది.

అయితే.. కొన్నాళ్ల పాటు షిన్ చాన్ కార్టూన్ షో ను ఇండియా లో బాన్ చేశారు. ఈ షో 2006 లో మొదటి సారి ఇండియా లో కూడా ప్రసారం అయింది. కానీ, 2008 లోనే ఈ షో ను బాన్ చేసారు. దీనికి కారణం ఈ షో లో ఉన్న అడల్ట్ జోక్స్, అడల్ట్ కంటెంట్ వంటివే. ఈ షో లో షిన్ చాన్ పాత్ర వయసు లో చిన్న పాత్ర అయినప్పటికి చేసే పనులు మాత్రం అడల్ట్స్ చేసే పనులు చేస్తూ ఉంటుంది.

తల్లి తండ్రుల మాటను వినకపోవడం, చిన్నపిల్లలు చూడకూడని కంటెంట్ ను చూపించడం, షిన్ చాన్ చిన్న వయసు వాడే అయినా పెద్ద అమ్మాయిలకు లైన్ వేయడం వంటి పనులు చేస్తూ ఉంటాడు. ఈ క్యారెక్టర్ ఇలా ఉంటె.. ఈ షో ను చూసిన పిల్లలు కూడా అలానే తయారవుతారన్న ఉద్దేశం తో ఈ షో ను ఇండియా లో బాన్ చేసారు. ఆ తరువాత చాలా ఎడిటింగ్స్ చేసి.. ఈ షో ని ప్రసారం చేయడానికి అనుమతినిచ్చారు.