కూల్ డ్రింక్స్ ని ఎప్పుడైనా గమనించారా..? పూర్తిగా ఎందుకు ఫిల్ చేయరు..? దీని వెనుక అసలు కారణం ఇదే..!

చిన్నా.. పెద్దా.. వయసు తేడా లేకుండా.. ఆడ, మగా జెండర్ తేడా లేకుండా అందరు కూల్ డ్రింక్స్ ని ఇష్టపడతారు. ఏదైనా పార్టీ ఉందంటే చాలు కూల్ డ్రింక్స్ తప్పనిసరి. కేక్ కట్ చేసినా.. స్నాక్స్ ఎన్ని ఉన్నా ఓ కూల్ డ్రింక్ బాటిల్ కి మాత్రం తప్పకుండా ప్లేస్ ఇస్తాం.

ఇక లంచ్ పార్టీల సంగతి చెప్పక్కర్లేదు. ఏ థమ్స్ అప్ బాటిలో లేకుండా లంచ్ ఫినిష్ అవ్వదు. మనం ఇన్ని సార్లు ఈ కూల్ డ్రింక్ బాటిల్స్ ని తెచ్చుకుంటాం కదా. వీటిల్లో మీరెప్పుడైనా ఓ విషయం గమనించారా..?

కూల్ డ్రింక్ బాటిల్ ఏదైనా సరే.. బాటిల్ లో చివరి వరకు డ్రింక్ ని ఫిల్ చేయరు. నిండా ఇవ్వకుండా.. కొంచం వరకు స్పేస్ వదిలేస్తారు. ఏ కంపెనీ కూల్ డ్రింక్ అయినా డ్రింక్ మాత్రం నిండా ఉండదు. ఇలా కొంచం స్పేస్ ను వదిలేసి ఎందుకు ఇస్తారు..? ఇది బిజినెస్ ట్రిక్ అని అనుకుంటే అది మన పొరపాటే. ఇంతకీ ఈ స్పేస్ ఇలా ఎందుకు వదిలేస్తారు అన్న విషయం ఈ ఆర్టికల్ లో తెలుసుకుందాం.

సాధారణంగా ఈ కూల్ డ్రింక్స్ లో గ్యాస్ ఉంటుంది. అందుకే ఎక్కువ టెంపరేచర్ దగ్గర ఇవి పొంగుతాయి. ఈ కూల్ డ్రింక్స్ ను ఎక్కడో తయారు చేస్తారు. అక్కడ నుంచి లోకల్ షాప్స్ కి షిఫ్ట్ చేస్తారు. ఈ క్రమంలో అనేక చోట్ల రకరకాల టెంపరేచర్ ఉంటుంది. ఈ ట్రాన్స్పోర్టేషన్ లో ఈ బాటిల్స్ ఒత్తిడికి గురవుతాయి. ఈ క్రమంలో ఆ స్పేస్ లేకపోతే గ్యాస్ పొంగడానికి స్పేస్ లేక బాటిల్స్ పేలడానికి అవకాశం ఉంటుంది. ఇలా జరగకుండా ఉండడం కోసమే ఈ స్పేస్ ని వదిలేస్తారు.