Anudeep

ప్రియా ఆనంద్ తెలుగు ప్రేక్షకులకు పరిచయం అవసరం లేని పేరు..! రానా దగ్గుబాటి హీరోగా ఎంట్రీ ఇస్తూ శేఖర్ కమ్ముల దర్శకత్వంలో చేసిన ‘లీడర్'( 2010) చిత్రం ద్వారా ఈమె తెలుగు ప్రేక్షకులకు పరిచయమైంది.

అటు తర్వాత రామ్ హీరోగా దిల్ రాజు నిర్మాణంలో శ్రీవాస్ దర్శకత్వంలో తెరకెక్కిన ‘రామ రామ కృష్ణ కృష్ణ’, సిద్దార్థ్ హీరోగా తెరకెక్కిన ‘180’ , శర్వానంద్ హీరోగా తెరకెక్కిన ‘కో అంటే కోటి’ వంటి క్రేజీ చిత్రాల్లో అద్భుతంగా నటించి తెలుగు ప్రేక్షకులను అలరించింది.

అందం, అభినయం కలిగిన ఈ నటి..తమిళంలో బిజీ అవ్వడంతో పదేళ్ళ పాటు టాలీవుడ్ కు దూరమైంది. తెలుగులో ఈమెకు మంచి క్రేజ్ నెలకొన్న సంగతి తెలిసిందే. అయితే.. దాదాపుగా మీడియాకి దూరంగా ఉండే ప్రియా ఆనంద్ తాజాగా ఆమె చేసిన వ్యాఖ్యలతో వార్తలలో నిలిచారు. నాకు నిత్యానందని పెళ్లి చేసుకోవాలని ఉంది అంటూ ఆమె చేసిన కామెంట్స్ సోషల్ మీడియాలో తెగ వైరల్ అవుతున్నాయి. అసలు ఆమె ఈ కామెంట్స్ ఏ సందర్భంలో చేసారో ఇప్పుడు చూద్దాం.

గత కొన్ని రోజులుగా ప్రియా తన సోషల్ మీడియా ఖాతాల్లో నిత్యానంద సూక్తులను షేర్ చేస్తున్నారు. ఈ విషయాన్నే ఓ నెటిజెన్ ప్రశ్నించగా “నాకు నిత్యానంద అంటే ఇష్టం.. ఆయనని ద్వేషించే వారు చాలా మంది ఉన్నారు. అయితే ఆయనను ఫాలో అయ్యేవారు కూడా ఉన్నారు. నాకు ఆయనని పెళ్లి చేసుకోవాలని ఉంది. ఒకవేళ చేసుకుంటే.. నాకు పేరు మార్చుకోవాల్సిన అవసరం కూడా రాదు.. మా ఇద్దరి పేర్లు ఇంచుమించు ఒకలానే ఉంటాయి” అంటూ ఆమె చెప్పుకొచ్చారు. ఈ వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి.

రొమాంటిక్, యాక్షన్ ఎంటర్టైనర్ గా మహేష్ బాబు మరియు కీర్తి సురేష్ కలిసి నటించిన చిత్రం సర్కారు వారి పాట. ఈ చిత్రానికి గాను పరశురాం దర్శకత్వం వహించారు. ఈ సినిమాకు గాను మైత్రి మూవీ మేకర్స్, GMB ఎంటర్టైన్మెంట్స్, 14 రీల్స్ సంస్థలు నిర్మాణ సారథ్యం వహించారు. మన సర్కారు వారి పాట చిత్రానికి థమన్ సంగీత దర్శకత్వం వహించారు.

“మహేష్ బాబు ఈ సినిమాలో చాలా బాగా నటించారు, చాలా కొత్తగా కనిపించారు” అని కొందరు అంటూ ఉంటే, ఇంకొంతమంది, “కథలో కొత్తదనం లేదు” అంటున్నారు. మొత్తం మీద ఈ సినిమా మిక్స్డ్ టాక్ తెచ్చుకున్న సంగతి తెలిసిందే.

పోస్ట్ పాండెమిక్ తరువాత ఈ సినిమా కూడా విజయం సాధించిన సినిమాల లిస్ట్ లోనే ఉంది. తాజాగా.. ఈ సినిమా గురించి సినీ రచయిత పరుచూరి గోపాలకృష్ణ కొన్ని ఆసక్తికర విషయాలను పంచుకున్నారు. “పరుచూరి పాఠాలు” పేరిట ఆయన ఈ సినిమాపై తన అభిప్రాయాలను వెలిబుచ్చారు. ఈ సినిమా టైటిల్ “సర్కారు వారి పాట” ను చూస్తే సర్కారు వారి పాట వల్లే ఏదో సమస్య జరిగి ఉంటుంది అన్న విషయం చూచాయగా అర్ధం అయిపోతుంది.

ఒకప్పటి రోజుల్లో అయితే.. ఇలా డబ్బులు తీసుకుని ఎగ్గొట్టే వాళ్ళని ఉద్దేశించి “దేశ ద్రోహులు” టైపు లో పేర్లు పెట్టేవారు. ఇప్పుడు మోడరన్ నేటివిటీ కి తగ్గ టైటిల్ కానీ, లేదా ఇంగ్లీష్ లో అయినా పెట్టొచ్చని అన్నారు. పదిహేను వేలు అప్పు తీసుకున్న తల్లితండ్రులు ఆ అప్పు కట్టలేక ప్రాణాలు తీసుకున్నారు. కొడుకు అమెరికాకు వెళ్లి అప్పులు ఇచ్చే స్థాయికి ఎదిగాడు. చాలా డిఫరెంట్ కాన్సెప్ట్ ఇది. హీరోకు, హీరోయిన్ కు మధ్య వచ్చే సన్నివేశాలు బాగున్నాయి.

అయితే హీరోకు, హీరోయిన్ కు మధ్య ఉన్న వ్యక్తిగత సమస్యని సడన్ గా వ్యవస్థాగత సమస్యగా మార్పు చేసి సినిమాను నడిపించారు. ఈ మార్పు మొత్తం సినిమానే మార్చేసింది. అలా కాకుండా తీసి ఉంటె.. ఇప్పుడు చేసిన వసూళ్ల కంటే మరింత ఎక్కువే ఈ సినిమా వసూలు చేయగలిగేది అని పరుచూరి గోపాల కృష్ణ చెప్పుకొచ్చారు.

నందమూరి కల్యాణ రామ్ తెలుగువారికి సుపరిచితుడే. నిర్మాత కూడా కళ్యాణ్ రామ్ మంచి పేరు తెచ్చుకున్నారు. అయితే.. ఇటీవల కల్యాణ రామ్ కు సరైన హిట్స్ లేవు. అయితే.. కళ్యాణ్ రామ్ నెక్స్ట్ ప్రాజెక్ట్ మాత్రం వేరే లెవెల్ లో ఉండబోతోందని తెలుస్తోంది. ఈ పాటికే ఆ సినిమా “బింబిసార” అని మీకు అర్ధం అయ్యే ఉంటుంది.

పీరియాడిక్ మూవీ గా ఈ సినిమా తెరకెక్కబోతోంది అని తెలుస్తోంది. ఈ సినిమా చారిత్రాత్మక నేపధ్యం ఉన్నదా..? లేక కాల్పనిక సోషియో ఫాంటసీ మూవీ నా అన్న సంగతి తేలాల్సి ఉంది.

ఈ సినిమా బాహుబలి లెవెల్ లో ఉండబోతోందని తెలుస్తోంది. కళ్యాణ్ రామ్ గెటప్ కూడా ఓ వీర యోధుడిని పోలి ఉంది. “ఎంతమంచివాడవురా” సినిమా తరువాత కళ్యాణ్ రామ్ నుంచి సినిమాలు రాలేదు. ఈ సినిమా పై నందమూరి ఫాన్స్ బాగానే ఆశలు పెట్టుకున్నారు. ఈ క్రమంలో ఈ సినిమా నుంచి ట్రైలర్ రిలీజ్ అవడంతో ఫ్యాన్స్ ఫుల్ జోష్ లో ఉన్నారు.

“పట్టుమని 100 మంది అయినా లేరు.. యుద్ధం వస్తే ఎలా ఉంటుందో చూస్తారు..”, ” రాక్షసులు ఎరుగని రావణ రూపం…” అంటూ వచ్చే డైలాగ్స్ గూస్ బంప్స్ తెప్పించే విధంగా ఉన్నాయి. మాస్ ఆడియెన్స్ అయితే ఈ ట్రైలర్ ను రిపీట్ మోడ్ లో చూసేస్తున్నారట. అయితే.. ఇంత పవర్ఫుల్ గా డైలాగ్స్ రాసిన వ్యక్తి ఎవరా? అని నెటిజన్స్ తెగ వెతికేస్తున్నారట. ప్రస్తుతం అతనికి ఫుల్ డిమాండ్ వచ్చినట్లు తెలుస్తోంది.

బింబిసార సినిమాకి డైలాగ్స్ రాసిన రైటర్ పేరు వాసుదేవ్ మునెప్పగారి. ఇంతకుముందెప్పుడు అతను ఏ సినిమాకీ డైలాగ్స్ రాయలేదు. సినిమాలకు మాటలు రాసిన అనుభవమేమీ లేదు. ఇదే అతనికి మొదటి సినిమానట. ఆయన వయసు కూడా కేవలం 28 సంవత్సరాలే అవడం మరో విశేషం. ఇది అతనికి మొదటి సినిమానే అయినా.. ఎంతో అనుభవం ఉన్న రచయిత రాసినట్లుగా ఈ డైలాగ్స్ రాసాడు. ఇలాంటి యంగ్ టాలెంట్ ని ప్రోత్సహించినందుకు కళ్యాణ్ రామ్ ని కూడా నెటిజన్లు తెగ పొగిడేస్తున్నారు. బింబిసార ట్రైలర్ ఓ రేంజ్ లో ట్రెండ్ అవడానికి అతను రాసిన డైలాగ్స్ కూడా ఓ కారణమే.

వెంకట నరసింహ రావు అంటే ఎవ్వరికీ తెలియదు. కానీ రాళ్ళపల్లి అంటే మాత్రం టక్కున గుర్తుపట్టేస్తారు. ఒకప్పటి తెలుగు సినిమాకు దొరికిన విలక్షణ నటుడు ఆయన. జ్యోతిష్కుడుగా, పోలీస్ గా, నావికుడిగా, వంటవాడిగా, హిజ్రాగా ఇలా ఏ పాత్ర ఇస్తే ఆ పాత్రలో అవలీలగా లీనం అయిపోయి నటించగల సమర్థుడాయన.

ఆయన గొంతు ఇప్పటికే ప్రేక్షకుల చెవుల్లో మారు మ్రోగుతూనే ఉంటుంది అంటే అతిశయోక్తి కాదు. ఆయన సినిమా జీవితం అందరికీ దాదాపు సుపరిచితమే. కానీ, ఆయన వ్యక్తిగత జీవితం మాత్రం ఎవరికీ పెద్దగా తెలియదు.

ఆయనకు ఓ కూతురు ఉందన్న సంగతి కూడా చాలా మందికి తెలియదు. ఆమె పేరు మాధురి. ఆమె వైద్య విద్య చదివి డాక్టర్ అవ్వాలనుకుంది. అందుకోసం రష్యాలో సీట్ కోసం కూడా ప్రయత్నించింది. ఆమె కల నెరవేరి రష్యాలో సీట్ దొరికింది. అయితే.. రష్యా కు వెళ్లడం కోసం.. ఆమె చెన్నై నుంచి ట్రైన్ లో ఢిల్లీకి బయలుదేరింది. ఈ ప్రయాణంలోనే ఆమెకు వైరల్ ఫీవర్ సోకింది.

అయితే.. ఆమె ఆరోగ్యం విషమించి రష్యాకు వెళ్లకుండానే మృతి చెందింది. ఢిల్లీ నుంచి.. ఆమె మృతదేహాన్ని చెన్నైకి తీసుకురావడానికి అప్పటి ప్రధానమంత్రి పి.వి.నరసింహారావు రాళ్లపల్లికి సాయం చేశారట. కూతురు మరణ వార్త విన్న తరువాత నుంచి రాళ్ళపల్లి మానసికంగా క్రుంగిపోయారు. ఆమె మృతిని తట్టుకోలేకపోయారు. బాధని అదిమిపట్టుకుని తెరపై హాస్యం పండించేవారు. ఆమెపై ప్రేమకు గుర్తుగా.. తన ప్రతి చొక్కా పైనా “మాధురి” అని కుట్టించుకునేవారట.