Anudeep

ఇటీవల విడుదలైన విలక్షణ నటుడు కమల్ హాసన్ నటించిన “విక్రమ్” మూవీ ఎంత పెద్ద బ్లాక్ బాస్టర్ హిట్ సాధించిందో అందరికీ తెలిసిందే. ఓ వైపు ఓటీటీ లో సినిమా రిలీజ్ అయినా కూడా థియేటర్లలో సినిమా ఇంకా ఆడుతుంది. ఇందులో  కమల్ యాక్షన్ సీన్స్ ప్రధాన ఆకర్షణగా నిలిచాయి.

అయితే మొన్న విడుదలైన మెగాస్టార్ చిరంజీవి గాడ్ ఫాదర్ ఫస్ట్ లుక్, ఈ రోజు విడుదలైన కింగ్ నాగార్జున ది ఘోస్ట్ టీజర్ విక్రమ్ మూవీకి అనేక పోలికలు ఉండడం గమనార్హం. అంతే కాదు విక్రమ్ మూవీలో వాడినట్టుగానే ఈ రెండు సినిమాలకు కూడా రెడ్ కలర్ ఫాంట్, హీరోస్ బ్లాక్ కస్ట్యూమ్స్ వాడడం, బాక్గ్రౌండ్ మ్యూజిక్ కూడా గాడ్ ఫాదర్, ది ఘోస్ట్ విక్రమ్ మూవీకి దగ్గరగా ఉన్నాయి.

ఇవన్నీ చూస్తుంటే ప్రస్తుతం యాక్షన్ మూవీస్ హవా నడుస్తున్నట్టు తెలుస్తుంది. కమల్ ఓ మార్క్ సెట్ చేస్తే ప్రెసెంట్ చిరు మరియు నాగార్జున ఆ ట్రెండ్ ని కంటిన్యూ చేస్తున్నారు. చూడాలి విక్రమ్ మూవీలాగే ఇవి కూడా హిట్ కొడతాయో లేదో..  గాడ్ ఫాదర్ మలయాళం లూసిఫర్ సినిమాకు రీమేక్ కాగా మోహన్ రాజా దీనికి దర్శకత్వం వహించారు. నాగార్జున ది ఘోస్ట్ మూవీకి ప్రవీణ్ సత్తార్ డైరెక్టర్ కాగా అక్టోబర్ 5 న దీన్ని విడుదల చేస్తున్నట్టుగా ప్రకటించారు.

సోషల్ మీడియాలో అంతగా యాక్టివ్ గా ఉండని నాగ చైతన్య సడెన్ గా ఓ ఎమోషనల్ పోస్ట్ పెట్టి అందరిని ఆశ్చర్యపరిచాడు. తాజాగా చైతూ తన తల్లిదండ్రులకు థాంక్స్ చెబుతూ ట్వీట్ చేశాడు. విక్రమ్ కె కుమార్ దర్శకత్వంలో నాగ చైతన్య, రాశీ ఖన్నా జంటగా తెరకెక్కించిన చిత్రం “థాంక్యూ”. శ్రీ వెంకటేశ్వర క్రియేషన్స్ బ్యానర్ పై దిల్ రాజు -శిరీష్ నిర్మిస్తున్న ఈ మూవీ జూలై 22 న విడుదల కానుంది. రిలీజ్ డేట్ దగ్గరపడడంతో ప్రమోషన్లలో వేగం పెంచారు చిత్ర బృందం.

ఇప్పటికే ఇంటర్వ్యూలతో బిజీగా ఉన్న చైతన్య తాజాగా ‘థాంక్యూ’ పేరుతో తమకు కష్టాల్లో సాయం చేసిన వారికి థాంక్యూ చెప్పమని #themagicwordisthankyou పేరుతో హ్యాష్ ట్యాగ్ క్రియేట్ చేసి అభిమానులకు షేర్ చేశాడు. మొదటగా తానే తన జీవితంలో ఉన్న ముఖ్యమైన వ్యక్తులకు థాంక్స్ చెప్పాడు చైతూ.

అమ్మ లక్ష్మి ఫోటోను షేర్ చేస్తూ.. “అమ్మ – నా అంతరంగికంగా, ఎప్పటికప్పుడు నిన్ను నువ్వు నిర్మించుకుంటూ నాలో పాతుకుపోయినందుకు, అన్ని విధాలుగా నీకు థాంక్స్..”. అంటూ చైతన్య పోస్టు చేసాడు. తండ్రి నాగార్జున ఫోటో షేర్ చేస్తూ “నాన్న – నాకు దిశానిర్దేశం చేసినందుకు మరియు మరెవ్వరూ చేయలేని స్నేహాన్ని పంచి నా స్నేహితుడిగా ఉన్నందుకు నీకు థాంక్స్”.. “హ్యాష్ (కుక్క పేరు) – ఒక మనిషిగా నన్ను నేను ఎలా ప్రేమించాలో చూపించినందుకు థాంక్స్” అంటూ చెప్పుకొచ్చాడు.

ఎనర్జిటిక్ హీరో రామ్ పోతినేని హీరోగా తెరకెక్కిన చిత్రం “ది వారియర్”. లింగుసామి దీనికి దర్శకత్వం వహించగా శ్రీనివాస్ చిట్టూరి నిర్మించారు. ఇందులో ఉప్పెన ఫేమ్ కృతిశెట్టి హీరోయిన్ కాగా, రాక్ స్టార్ దేవిశ్రీ ప్రసాద్ సంగీతం అందించాడు. ఈ మూవీని జూలై 14న గ్రాండ్ గా తెలుగు, తమిళ భాషల్లో రిలీజ్ చేయనున్నారు.

రామ్ తో ది వారియర్ మూవీ చేసిన లింగుసామి సినిమా మీద చాలా కాన్ఫిడెంట్ గా ఉన్నట్టు తెలుస్తుంది. అయితే ఈ సినిమా ఫైనల్ కాపీ చూసిన చిత్రబృందం తెలుగులో కొన్ని మార్పులు సూచించారట. తమిళ సినిమాల్లో విలనిజం రా గా ఉంటుంది. ది వారియర్ సినిమాలో కూడా విలన్ ఆది పినిశెట్టిని డైరక్టర్ లింగుసామి చాలా వైల్డ్ గా చూపించారట. కానీ తెలుగులో ఆ రేంజ్ విలనిజం యాక్సెప్ట్ చేస్తారా అన్న అనుమానంతో తెలుగులో కొన్ని మార్పులు చేశారట.

సెకండ్ హాఫ్ లో తమిళ్ లో ఉన్న కొన్ని సీన్స్ తెలుగులో ఉండవని అంటున్నారు. తమిళ ఆడియెన్స్ వాటిని రిసీవ్ చేసుకున్నంతగా తెలుగు ఆడియెన్స్ ఆ ఊర మాస్ సీన్స్ రిసీవ్ చేసుకోరని ఈ నిర్నయం తీసుకున్నారట. రామ్ కూడా ఈ విషయంలో డైరక్టర్ నిర్ణయాన్ని ఫైనల్ అనేశాడట. సో ది వారియర్ లో తమిళంలో ఉన్న కొన్ని సీన్స్ తెలుగులో ఉండవని అంటున్నారు.

రెండు దశాబ్దాల క్రితం స్వయంవరంతో ఫిల్మ్ ఎంట్రీ ఇచ్చాడు వేణు తొట్టెంపూడి. అటు యూత్ ఇటు ఫ్యామిలీ ఆడియన్స్ సంపాదించుకున్నాడు వేణు. హీరోగా చేసింది కొన్ని సినిమాలే అయినా కమర్షియల్ ఫార్ములాకి దూరంగా ఉంటూ క్లీన్ ఎంటర్ టైనర్స్ లో నటించాడు. ముఖ్యంగా చిరునవ్వుతో క్యారెక్టరైజేషన్ ఇప్పటికీ మంచి వ్యక్తిత్వ వికాసానికి ఉదాహరణగా చెప్పుకోవచ్చు.

స్వయంవరం, పెళ్ళాం ఊరెళితే, హనుమాన్ జంక్షన్ ఎప్పుడు టీవీలో వచ్చినా హ్యాపీగా ఇంటిల్లిపాదీ చూసి ఎంజాయ్ చేస్తారు. ఆ తర్వాత వరస ఫ్లాపులతో సినిమాలకు దూరమయ్యాడు వేణు. 2012లో తిరిగి దమ్ములో కనిపించాడు కానీ అందులో చనిపోయే అంతగా ప్రాధాన్యం లేని పాత్ర కావడంతో పెద్దగా గుర్తింపు రాలేదు.
అయితే ప్రస్తుతం వేణు రవితేజ నటించిన రామారావు ఆన్ డ్యూటీ లో పోలీస్ గా కనిపించనున్నాడు. ఎంత వరకు నిజమో తెలియదు కానీ ఇది కీలకమైన క్యారెక్టరే అయినప్పటికీ దమ్ము లాగే ఇందులో కూడా సాడ్ ఎండింగ్ ఉండొచ్చని అంటున్నారు. వేణు సెకండ్ ఇన్నింగ్స్ కి ఇదే కరెక్ట్ టైం. సో వేణు కనక సినిమాలను జాగ్రత్తగా ఎంచుకుంటే వరుస ఆఫర్లు వస్తాయి. అలాగే రామారావు ఆన్ డ్యూటీ ఫలితం కూడా కీలకం కానుంది. ఈ సినిమా ప్రమోషన్ల కోసమే వేణు ప్రత్యేకంగా మీడియాకు ఇంటర్వ్యూలు కూడా ఇస్తున్నాడు. చూడాలి వేణు సెకండ్ ఇన్నింగ్స్  ఎలా ఉండబోతుందో..

పుష్ప 1 ది రైస్ బ్లాక్ బాస్టర్ హిట్ అవ్వడంతో పుష్ప 2 ది రూల్ కోసం అంత ఎదురు చూస్తున్నారు. అందుకు తగ్గట్టే సోషల్ మీడియాలో కూడా రకరకాల వార్తలు చక్కర్లు కొడుతున్నాయి. సుకుమార్ ఇంకా పుష్ప 2 షూటింగ్ స్టార్ట్ చేయలేదు కానీ కథ గురించి రకరకాల ప్రచారాలు మొదలైపోయాయి. అందులో ప్రధానమైనది శ్రీవల్లి పాత్రకు సంబంధించిన ట్విస్టు.

రెండో భాగంలో ఆ పాత్రను చంపేస్తారని, దానికి ప్రతీకారంగా ప్రీ క్లైమాక్స్ నుంచి పుష్ప రాజ్ విశ్వరూపం ఉంటుందని ఇలా ఏదేదో స్టోరీలు అల్లేస్తున్నారు. అదే నిజమానుకొని కొంతమంది సోషల్ మీడియాలో వైరల్ చేయడం, రకరకాల మీమ్స్ రావడం జరిగిపోయింది. అయితే ఫ్రెష్ గా దానికి సంబంధించిన అనఫీషియల్ లీక్ ఒకటి వచ్చేసింది.

శ్రీవల్లి క్యారెక్టర్ కు ఎలాంటి సాడ్ ఎండింగ్ ఉండదు. చివరి దాకా బ్రతికే ఉంటుందట. ఒకవేళ అలా చేస్తే కెజిఎఫ్ 2తో పాటు మరికొన్ని సినిమాల నుంచి తీసుకున్నట్టు ఉండడమే కాక రొటీన్ గా ఫీలయ్యే ఛాన్స్ ఉందని సుకుమార్ అలాంటి ప్లాన్ ఏం చేయలేదని తెలుస్తుంది. సుక్కు సార్ ఎక్కువగా హీరో, విలన్ క్లాష్ ని హై వోల్టేజ్ యాక్షన్ సీన్స్ తో ఎలా నింపాలనే డిస్కస్ చేస్తున్నారట. జూలై నుంచి రెగ్యులర్ షూటింగ్ అన్నారు కానీ ఆ సూచనలేమీ కనిపించడం లేదు. రాక్ స్టార్ దేవిశ్రీ ప్రసాద్ ట్యూన్స్ ఆల్రెడీ సిద్ధంగా ఉన్నాయట.