Anudeep

ఇటీవల ఆత్మహత్యలు ఎక్కువ అవుతున్నాయి. చిన్న వయసులోనే.. క్షణికావేశాలకు ప్రాణాలు బలిచ్చేస్తున్నారు. తాజాగా.. బోయినపల్లి గ్రామానికి చెందిన 14 సంవత్సరాల సాభావత్ శిల్ప అనే బాలిక ఆత్మహత్య చేసుకుంది. ఆమె మూడు చింతలపల్లి మండలం పోతారం గ్రామంలో కూరగాయల తోటలో కూలి గా పనిచేస్తూ ఆమె జీవిస్తోంది. ఈ క్రమం లో ఆమెకు మధు అనే అబ్బాయి తో పరిచయం అయింది. వీరిద్దరి మధ్య స్నేహం ఫోన్ నంబర్లు మార్చుకునే వరకు వచ్చింది. ఇద్దరు చాటింగ్ లు.. ఫోన్ లో ముచ్చట్లు చెప్పుకునేవారు.

అయితే.. తమ స్నేహం గోప్యం గానే ఉంచాలని శిల్ప మధుని కోరింది. అందుకు మధు కూడా ఒప్పుకున్నాడు. వీరిద్దరూ మధు ఫోన్ లో ఫోటోలు దిగేవారు. కానీ.. అవి ఎవ్వరికి చూపించేవారు కాదు. ప్రతి రోజూ రొమాంటిక్ లవ్ సాంగ్స్ స్టేటస్ గా పెట్టె మధు ఓ రోజూ శిల్ప ఫోటో ను స్టేటస్ లో షేర్ చేసాడు. అది చూసి శిల్ప షాక్ అయింది. తన కాంటాక్ట్స్ లో అందరు చూస్తారని.. ఈ అమ్మాయి ఎవరు అంటూ అడుగుతారని శిల్ప బాధపడింది. మధు సర్దిచెప్పే ప్రయత్నం చేసినా.. శిల్ప వినిపించుకోలేదు. క్షణికావేశం లో తోటలోని పురుగుల మందు తాగి ఆత్మహత్య చేసుకుంది. శిల్ప ఆత్మహత్య కు మధునే కారణం అంటూ శిల్ప తల్లి జయమ్మ పోలీసులకు ఫిర్యాదు చేసింది. పోలీసులు కేసు నమోదు చేసుకుని దర్యాప్తు చేస్తున్నారు.

ఆ ఇద్దరు అక్క చెల్లెళ్ళు అన్నిటి తో పాటు మొగుడిని కూడా పంచుకున్నారు. వారిద్దరూ ఒకే వ్యక్తి ని పెళ్లి చేసుకోవాలని నిర్ణయించుకున్నారు. కర్ణాటక లోని కోలార్ లో ఈ ఘటన చోటు చేసుకుంది. ఈ కరోనా కాలం లో పెళ్లిళ్లే ఆగిపోతున్నాయి. చేసుకున్న ఒక్క అమ్మాయిని పెళ్లి చేసుకోవడానికి ఇబ్బంది పడుతున్నారు. ఇలాంటి పరిస్థితి లో ఆ అక్క చెల్లెళ్లను పెళ్లి చేసుకోవడానికి ఉమాపతి అనే వ్యక్తి ముందుకొచ్చాడు. ఇంతకీ ఆ అక్క చెల్లెళ్ళ కథ ఏంటో చూడండి.

తిమ్మరావుతనహళ్ళి గ్రామ పంచాయతీ వేగమడుగు గ్రామం లో రాణెమ్మ, నాగరాజప్ప లది రైతు కుటుంబం. వీరికి ఇద్దరు ఆడపిల్లలు. ఈ అక్క చెల్లెళ్ళు ఎంతో ప్రేమగా పెరిగారు. అయితే చెల్లెలు లలిత పుట్టకతోనే మూగ, చెవుడు సమస్య తో బాధపడుతోంది. దీనితో.. ఆమెకు పెళ్లి ఎలా అవుతోంది అని అక్క బాధపడేది. అయితే.. తామిద్దరం ఒకరినే పెళ్లాడాలని నిర్ణయించుకున్నారు. దీనితో..వీరికి పెళ్లి చేయడం తల్లి తండ్రులకు ఇబ్బందికరం గా మారింది. ఈ క్రమం లో భాగేపల్లి కి చెందిన ఉమాపతి సుప్రియను పెళ్లి చేసుకోవడానికి ముందుకొచ్చాడు. ఆమె తన చెల్లిని కూడా పెళ్లి చేసుకోవాలని.. లేకుంటే ఈ పెళ్లి జరగదని.. అతడిని ఒప్పించింది. అలా పెద్దల సమక్షం లో.. అందరి అంగీకారం తో వారిద్దరి తో ఉమాపతి వివాహం జరిగింది. ఈ సంగతి తెలియకుండానే.. ఈ ఫోటో వైరల్ అయింది. మరో వైపు లలిత కు 18 సంవత్సరాలు నిండకపోవడం తో.. పోలీసులు ఉమాపతి తో పాటు మరో 7 గురి పై కేసు నమోదు చేసారని తెలుస్తోంది.

ప్రస్తుతం యావత్ భారతాన్ని వేధిస్తున్న సమస్య కరోనా.. హోమ్ ఐసోలేషన్ లోనే చికిత్స తీసుకోవడం మంచిది అని అందరు భావిస్తున్నా.. భారత్ లో చాలా మందికి ఇంట్లోనే ఐసొలేట్ అయి ఉండే పరిస్థితులు లేవు. మధ్య తరగతి కుటుంబాల్లో కూడా చాలా మంది రెండు గదులలోనే సంసారాన్ని నెట్టుకొచ్చే వారు ఉన్నారు.

ఇలాంటి కుటుంబాలలో ఎవరికైనా కరోనా సోకితే వారి పరిస్థితి ఏంటి..? ఆసుపత్రిలో బెడ్స్ కొరత ఉండడం, పట్టించుకునే వారు లేకపోవడం వంటి కారణాల వలన ఇంట్లోనే ఉండి ట్రీట్మెంట్ తీసుకోవాలని భావించే వారు కోకొల్లలు. కానీ.. వారికి అనువైన వసతి ఇంట్లో లేకపోవడం కొంత ఇబ్బంది గా పరిణమిస్తోంది. అయితే… ఈ కుర్రాడు మాత్రం తాను ఐసొలేట్ అయి ఉండడానికి కొత్త మార్గాన్ని ఎంచుకున్నాడు.

ఇంటి వద్దనే.. ఒక చెట్టు పైన కర్రలతో చిన్న మంచం లాగా..అతను పడుకోవడానికి ఏర్పాటు చేసుకున్నాడు. గత తొమ్మిది రోజులుగా అతను ఆ చెట్టుపైనే ఐసొలేట్ అయి ఉంటున్నాడు. అతని ఇంట్లో ఒక్క గదే ఉండడం తో ఇంట్లో వారికి సోకకుండా ఉండేందుకు ఈ ఏర్పాటు చేసుకుని కరోనా కు చెక్ పెడుతున్నాడు. రోజూ అతని కుటుంబ సభ్యులు చెట్టు వద్దకే ఆహారాన్ని అందిస్తున్నారు. అతను మందులు వేసుకుంటూ జాగ్రత్తగా ఉంటున్నాడు. మనసుంటే మార్గాలనేకం అనడానికి ఇతనే ఓ ఉదాహరణ.

watch video : 

కరోనా ను చూస్తుంటే సామాన్యుల బాధలు.. భయాలు మాములుగా లేవు. మరి వృద్ధులు, గర్భిణీల పరిస్థితి మరింత ఇబ్బందికరం గా ఉంది. గర్భిణీ అయి ఉండి.. కరోనా సోకడం తో వారి పరిస్థితి మరింత కఠినం అవుతోంది. అటు బిడ్డకు కూడా సోకుతుందేమోనన్న భయం, ఏదైనా జరిగితే బిడ్డకు ప్రమాదమన్న భయం రాను రాను ఎక్కువ అవుతోంది. తాజాగా.. విజయవాడ న్యూరాజరాజేశ్వరీపేట కు చెందిన ఓ గర్భిణీకి కూడా కరోనా సోకింది.

ఆమె కరోనా ను ఎదుర్కొని.. పండంటి మగబిడ్డ కి జన్మని ఇచ్చింది. ఆమె కూడా కరోనా నుంచి కోలుకుని సంతోషం గా ఇంటికి బయలుదేరింది. అయితే.. ఆమె కు డెలివరీ చేయడానికి పెద్ద ఆపరేషన్ చేయాల్సి వచ్చింది. దీనితో ఆమె కొన్ని రోజులు ఆసుపత్రిలోనే ఉంది.. తిరిగి ఇంటికి వచ్చేసరికి ఆమె మరో విషాదాన్ని చూడాల్సి వచ్చింది. ఆమె కన్న తల్లి అప్పటికే కరోనా సోకి ఈ లోకాన్ని వీడి వెళ్ళిపోయింది.

అయితే, ఆమె కూడా ఆసుపత్రిలో ఉండడం, ఆపరేషన్ చేయించుకుని ఉండడం తో ఈ విషయాన్నీ ఆమె కుటుంబ సభ్యులు ఆమెకు తెలపలేదు. ఇంటికి రాగానే.. ఆమెకు ఈ విషయం తెలియడం తో ఆమె ఒక్కసారి గా కుప్పకూలిపోయింది. ఆపరేషన్ చేయించుకున్న మనిషి కావడం తో ఆమె తట్టుకోలేక మృతి చెందింది. ఈ ఘటన స్థానికం గా కన్నీరు పెట్టిస్తోంది. ఆమె పేరు ప్రమీల. ఆమె వెంకటేశ్వరరావు, రమాదేవి దంపతుల కుమార్తె.

వెంకటేశ్వరరావు, రమాదేవి దంపతులకు ఇద్దరు ఆడబిడ్డలు, ఒక మగపిల్లాడు సంతానం. వెంకటేశ్వరరావు బిఎసెన్ఎల్ లో పని చేసి ఇటీవలే రిటైర్ అయ్యారు. చిన్న కుమార్తె ప్రమీల హెచ్ డి ఎఫ్ సి బ్యాంకులో పని చేసేది. తనతో పాటు పనిచేసే రమేష్ ను ఆమె ప్రేమించి పెళ్లి చేసుకుంది. అయితే.. గర్భిణీ కావడం తో పుట్టింటిలోనే ఉంటోంది. కరోనా నేపధ్యం లో ఆమెతో పాటు పలువురు కుటుంబ సభ్యులు కరోనా బారిన పడ్డారు. ఆమె గర్భిణీ అయినా.. ఎంతో ధైర్యం గా ఈ మహమ్మారిని జయించి 16 రోజుల క్రితమే పండంటి మగబిడ్డకు జన్మనిచ్చింది. కానీ.. తల్లి మరణ వార్త తట్టుకోలేక ప్రాణాలు విడిచింది. ఆ పసికందు తల్లిలేని వాడయ్యాడు.