Anudeep

మేరా భారత్ మహాన్ అని గొప్ప గా చెప్పుకుంటూ ఉంటాం కదా.. కానీ.. ఇంతటి మహోన్నతమైన భారత్ లో కూడా కొన్ని కొన్ని మచ్చుతునకలు ఉండనే ఉన్నాయి. మన దేశ గొప్పదనం గురించి పుస్తకాల్లోనో.. ఇంటర్నెట్ లోనో చదివే కొందరు.. ఈ దేశాన్ని చూడాలని.. పర్యటించాలని ఎన్నో ప్రయాసలకోర్చి ఇక్కడకు వస్తూ ఉంటారు.

వారు ఇక్కడ ఉండేది కొన్ని రోజులే అయినా.. వారి నుంచి కూడా మనవాళ్ళు దోపిడీ చేయడం మానరు. అందుకు ఉదాహరణ గా ఓ కోరా యూజర్ ఇలా తెలిపారు. దగ్గర్లో ఓ ప్లేస్ కి వెళ్ళడానికి ఓ టాక్సీ ని పిలిచాడట. అతను దగ్గర్లోని ప్లేస్ కి వెళ్ళడానికి ఎంత అవుతుందో చెప్పాలని కోరగా.. 50 రూపాయలని తెలిపాడు. అదే సమయం లో మరొక ఫారినర్ ఆ టాక్సీ అతని వద్దకు వచ్చి.. తాను ఏ ప్లేస్ కి వెళ్లాలని అడిగాడో అదే ప్లేస్ ని అడిగాడట.

అయితే.. ఆ టాక్సీ డ్రైవర్ అందుకు 300 ల రూపాయలు అవుతుందని చెప్పాడు. దీనితో షాక్ అవడం ఇతనివంతైంది. కొందరు ఇండియన్స్ కి ఒకలా.. ఫారినర్స్ కి ఒకలా ఛార్జ్ చేస్తూ ఉంటారు..అసలు ఇలా ఎందుకు చేస్తారో..? కొంత సేవ్ చేసుకోవాలి అని అనుకోవడం లో తప్పు లేదు కానీ మరీ ఇంతలా స్వార్ధం గా బిహేవ్ చేయడం మాత్రం తప్పే.

ఆ కోరా యూజర్ కి సింగపూర్ లో ఓ ఫ్రెండ్ ఉందట. ఆమెను ఎప్పుడైనా ఇండియా కి వచ్చావా..? అని అడిగితె.. అందుకు ఆమె ఏమి చెప్పిందో తెలుసా..? ఒక సారి వచ్చాను.. ఇంకెప్పుడు మళ్ళీ ఇండియాకి రావాలని అనుకోవడం లేదు అని చెప్పిందట. ఎందుకంటే.. ఇండియా చాలా ఎక్సపెన్సివ్ ప్లేస్ అని సమాధానం ఇచ్చిందట. దానికి కారణం మనం పైన చెప్పుకున్న ఉదాహరణ లాంటి సంఘటనలు కోకొల్లలు జరుగుతుండడమే. సింగపూర్ ప్రపంచం లోనే ఎక్స్పెన్సివ్ కంట్రీ.. అలాంటి సింగపూర్ లో నివసించే వారికి ఇండియా ఎక్స్పెన్సివ్ అనిపిస్తోందంటే.. పరిస్థితి ఎలా ఉందో ఆలోచించండి.

హై హీల్స్ అనగానే ఆడవారికి ఎక్కడలేని ఉత్సాహం వచ్చేస్తుంది. ఎందుకంటే.. ఫ్యాషన్, యాక్సెసరీస్, అలంకరణ పైనా ఆడవారికే ఎక్కువ ఆసక్తి ఉంటుంది. ట్రెండీ జీన్స్ పైన చూడ చక్కని టాప్ వేసుకుని.. మాచింగ్ హీల్స్ వేసుకుంటే.. ఆ లుక్కే వేరు.. కొన్ని ట్రెడిషనల్ వేర్, ఎత్నిక్ వేర్ కి కూడా హీల్స్ సూట్ అవుతాయి. ఇలా హై హీల్స్ ఆడవారి ఫ్యాషన్ ప్రపంచం లో భాగం అయిపోయాయి.. కానీ, అసలు హై హీల్స్ ను కనిపెట్టింది ఆడవారి కోసం మాత్రం కాదట. దీని అసలు కథ ఏంటో చూద్దాం రండి..

మొట్ట మొదట గా హై హీల్స్ ను పురుషుల కోసమే రూపొందించారట. 10 వ శతాబ్దంలో పెర్షియన్ సైనికులు వారి పాదాలను పైకి లేపడానికి హై-హీల్డ్ బూట్లు మొదట ధరించారు. వారు విల్లు మరియు బాణాలను ఉపయోగించేవారు. ఈ సమయం లో వారికి పట్టుకోసం ఇలాంటి షూస్ ను ఉపయోగించారట. అప్పటి నుంచి వీటిపై పురుషులకు ఆసక్తి పెరిగి కొంతకాలం వరకు ట్రేండింగ్ లో కొనసాగాయట.

బాగా డబ్బున్న వారు, పెర్షియన్ సైనికులు, బాటసారులు వీటిని ఎక్కువ గా వినియోగించేవారట. లూయిస్ 15 వ రాజు కూడా కింగ్ ఆఫ్ హీల్స్ గా పిలవబడేవారట. అతను రకరకాల హీల్స్ ధరించేవారట. అయితే.. 1670 లో ప్రభువులు మాత్రమే హై హీల్స్ ధరించాలని ఒక చట్టాన్ని తీసుకొచ్చారట. ఆయన ఎక్కువ గా ఎరుపు రంగు బూట్లు ధరించేవారట. ఆయనతో పాటు ఆయన సభ లో సభ్యులకు కూడా ఎరుపు రంగు బూట్లు ధరించడానికి అనుమతి ఉండేదట.

ఆ కాలం లోనే.. స్త్రీలు కూడా పురుషుల ఫ్యాషన్ ట్రెండ్స్ ను ఫాలో అవ్వడానికి ఆరాటపడ్డారు. హెయిర్ ను కత్తిరించుకోవడం, టోపీలు పెట్టుకోవడం వంటి వాటిని ఫాలో అవడానికి ప్రయత్నాలు జరిగాయి. ఆ క్రమం లోనే హై హీల్స్ ను స్త్రీలు కూడా ధరించడం ప్రారంభించారు. అయితే.. స్త్రీల పాదాలు పురుషుల పాదాల కంటే కొంత చిన్నవి గా ఉంటాయి. దీనితో.. వారికీ ప్రత్యేకం గా హీల్స్ ను రూపొందించడం ప్రారంభమైంది.

17 వ శతాబ్దం వచ్చేసరికి పురుషుల వస్త్రధారణ లో కూడా మార్పులు వచ్చాయి. వారు ఆకర్షణీయమైన రంగులు, ఆభరణాలు వంటివాటిని ధరించడం తగ్గించారు. మరో వైపు ఆడువారు వీటిని ధరిస్తూ వచ్చారు. దీనితో.. ఇద్దరి వస్త్రధారణ లోను బేధాలు వచ్చాయి. హై హీల్స్ ఎక్కువ స్త్రీలు వాడడం ప్రారంభించారు. 1740 నాటికి, పురుషులు హై హీల్స్ ను ధరించడం మానేశారు. 19 వ శతాబ్దం లో తిరిగి హీల్స్ పురుషులకు కూడా అందుబాటులోకి వచ్చినా.. తక్కువ ఎత్తు ఉన్న హీల్ షూస్ ని మాత్రమే పురుషులు వినియోగిస్తున్నారు.