Anudeep

ఇవివి గారు అంటే.. ఇవివి సత్యనారాయణ గారు. ఈదర వీర వెంకట సత్యనారాయణ అని ఆయన పూర్తి పేరు. కానీ మన సినిమా అభిమానులకు మాత్రం ఆయన ఇవివి గారే. ఆయన దర్శకుడు మాత్రమే కాదు.. స్క్రీన్ రైటర్, ప్రొడ్యూసర్ గా కూడా పని చేసారు. ఆయన సినిమాలు వైవిధ్యం గా ఉండేవి. ఆయన సినిమాల్లో కూడా ఆయన స్టైల్ కొట్టొచ్చినట్లు కనపడేది.

కామెడీ సినిమాలు తీయడం లో ఆయన దిట్ట. జంధ్యాల హాస్యం ఎంత బాగుంటుందో ఇవివి గారి కామెడీ సినిమాలు కూడా అంతే బాగుంటాయి. ఇప్పుడు వచ్చే కుళ్ళు కామెడీ సినిమాల కంటే ఇవివి గారి సినిమాలు ఎక్కువ నవ్విస్తాయి. నవ్విస్తూ ఏడిపిస్తాయి. మనసుకు హత్తుకుంటాయి. వెస్ట్ గోదావరి ప్రాంత వాసుడు ఐన ఇవివి స్వతహాగానే సరదా మనిషి. ఆయన జంధ్యాల వద్దే ఎనిమిది సంవత్సరాల పాటు శిష్యరికం చేసారు. 1990 లో “చెవిలో పువ్వు” సినిమా తో దర్శకుడిగా వెండితెరకు పరిచయమయ్యారు.

దాదాపు యాభై ఒక్క సినిమాలకు దర్శకత్వం వహించారు. సినిమాలను చాలా భిన్నం గా, నవ్విస్తూ తీయడం లో ఇవివి గారు దిట్ట. కితకితలు సినిమా గుర్తుంది కదా.. ఆయన సినిమాలు వచ్చి ఎన్నేళ్ళయ్యినా.. మనం ఇప్పటికి చూసి నవ్వుకుంటూనే ఉంటాం. అదీ ఆయన గొప్పతనం. ఎక్కడిదాకానో ఎందుకు.. ఆయన టైటిల్స్ కార్డ్స్ వేయడం లో కూడా అప్పట్లోనే చాలా డిఫరెంట్ గా ఆలోచించారు. ఈ కింద వీడియో చూడండి.. మీరు నవ్వకుండా.. ఆయన్ను మెచ్చుకోకుండా ఉండలేరు..

watch video:

https://youtu.be/FHhkl6jdsN8?t=19

కరోనా మహమ్మారి ఎందరో ప్రముఖుల్ని బలి తీసుకుంది. తమ అభిమాన నటులు, గాయకులూ ఈ కరోనా బారిన పడి ప్రాణాలు పోగొట్టుకోవడాన్ని అభిమానులు జీర్ణించుకోలేకపోతున్నారు. తాజాగా.. టి ఎన్ ఆర్ గారు మరణ వార్త తెలుగు వారిని శోకసంద్రం లో ముంచేసింది. ఆయన మరణించారన్న వార్తను తెలుగు వారు ఇంకా జీర్ణించుకోలేకపోతున్నారు.

ఆయన ఆఖరు గా విడుదల చేసిన వీడియో సోషల్ మీడియా లో వైరల్ అవుతోంది. అందరు జాగ్రత్త గా ఉండాలంటూ ఆయన హితవు చెప్పారు.ఆ వీడియో ను చూస్తుంటే అభిమానులు కళ్ళ నీళ్లు పెట్టుకుంటున్నారు.. ఈ సందర్భం గా ఆయన మాట్లాడుతూ..” హాయ్ అండి.. నేను ప్రభుత్వం ఇచ్చిన స్టే హోమ్ ఛాలెంజ్ ను స్వీకరిస్తున్నా. ఓ వారం రోజుల పాటు హోమ్ క్వారంటైన్ లో నే ఉంటున్నా.. ఈ టైం లో మీరందరు కూడా జాగ్రత్త గా ఉండాలి.

నేను కూడా జాగ్రత్తలు తీసుకుంటున్నా.. నాకు ఇష్టమైన బుక్స్ చదువుతున్నా.. పాటలు వింటున్నా.. ప్రాణాయామం.. యోగాసనాలు వంటివి వేస్తున్నా.. పిల్లల చేత కూడా ఈ పనులు చేయిస్తున్నా.. ఇమ్మ్యూనిటి ని పెంచుకునే దిశగా అడుగులు వేయండి.. రీసెంట్ గా నేను కొంతమందికి ఫోన్ చేశా.. అయితే.. వారిలో చాలా మంది కరోనా గురించి ఇంటి పెద్దలే భయపడుతున్నారు.. అలా పానిక్ అయితే ఎలా అండి..? ఇంటి పెద్దలే పానిక్ అయితే ఇంట్లో వారి పరిస్థితి ఎలా ఉంటుంది..?

భయపడకండి.. ఈ పరిస్థితుల్ని ధైర్యం గా ఎదుర్కోవాలి. మీరు పానిక్ ఐతే మీ ఇమ్మ్యూనిటి లెవెల్స్ తగ్గిపోయే ప్రమాదం ఉంది.. కాబట్టి మీరు ధైర్యం గా ఉండి మీ ఇంట్లో వాళ్ళని కూడా ధైర్యం గా ఉంచండి. మీ పిల్లలకు బోల్డెన్ని విషయాలు నేర్పించండి. పిల్లలతో ఎక్కువ సమయం గడపండి ” అంటూ చెప్పుకొచ్చారు. ఆయన ఈ స్టే హోమ్ ఛాలెంజ్ ను మరో ఐదుగురికి ఇచ్చారు. మీరు ఆయన మాటలను ఈ కింద వీడియో లో చూడవచ్చు.

Watch Video:

అతిలోక సుందరి శ్రీదేవి బాలనటి గా కెరీర్ ను మొదలు పెట్టిన సంగతి తెలిసిందే. బాల కృష్ణ కూడా బాల నటుడి గానే కెరీర్ ను మొదలు పెట్టారు. కానీ ఈ ఇద్దరి కాంబినేషన్ లో ఒక్క సినిమా కూడా రాలేదు. సూపర్ స్టార్ కృష్ణ హీరో గా వచ్చిన సినిమా “మా నాన్న నిర్దోషి” అనే సినిమా 1970 లో వచ్చింది. ఈ సినిమా లో శ్రీదేవి బాల నటి గా కనిపించింది. ఆ తరువాత “బడిపంతులు”, “విధి విలాపము” “నేను మనిషినే” వంటి సినిమాల్లో కూడా బాలనటి గా నటించింది. ఆ తరువాత 1978 లో వచ్చిన “పదహారేళ్ళ వయసు” సినిమా లో శ్రీదేవి హీరోయిన్ గా కనిపించింది. 

ఆ తరువాత చాలా తెలుగు సినిమాల్లో చేసారు. మోసగాడు, వేటగాడు, కొండవీటి సింహం, ప్రేమాభిషేకం, బెబ్బులి పులి, కిరాయి కోటిగాడు, దేవత వంటి సినిమాలలో నటించనుంది. హటాత్తు గా ఆమెకు ఉత్తరాది లో అవకాశం వచ్చింది. 1974 లో బాలకృష్ణ బాలనటుడి గా సినిమాలు చేయడం ప్రారంభించారు. “తాతమ్మ కల” సినిమా తో బాలకృష్ణ తెలుగు తెర కు పరిచయం అయ్యారు. ఆ తరువాత భలే దొంగ, మంగమ్మ గారి మనుమడు, రామ్ రహీమ్, అన్నదమ్ముల బంధం, ముద్దుల మావయ్య, ముద్దుల కృష్ణుడు వంటి సినిమాల్లో కనిపించారు.

శ్రీదేవి హీరోయిన్ గా అయిన తరువాత వెంకటేష్, చిరంజీవి, నాగార్జున వంటి హీరోలందరితో కలిసి నటించింది కానీ బాలకృష్ణ తో మాత్రం శ్రీదేవి ఒక్క సినిమా కూడా చేయలేదు. దీనికి కారణం ఏంటనే విషయమై పలు రూమర్లు చక్కర్లు కొడుతున్నాయి. వాస్తవానికి వీరిద్దరి కాంబినేషన్ లో రెండు సినిమాలు రావాల్సి ఉంది.

1987 లో దర్శకేంద్రుడు రాఘవేంద్ర రావు వీరిద్దరి కాంబినేషన్ లో “సామ్రాట్” అనే సినిమా ను అనౌన్స్ చేసారు. ఆ తరువాత 1989 లో కోదండరామిరెడ్డి దర్శకత్వం లో “భలేదొంగ” సినిమా లో కూడా శ్రీదేవి నే హీరోయిన్ గా తీసుకోవాలనుకున్నారు. అయితే, శ్రీదేవి హిందీ సినిమాలతో వరుస ఆఫర్లతో బిజీ అయిపోయారు. దీనితో, బాల కృష్ణతో ఒప్పుకున్నా సినిమాల నుంచి తప్పుకోవాల్సి వచ్చింది. రౌడీ రాముడు, కొంటె కృష్ణుడు సినిమా లోను, అనురాగ దేవత అనే సినిమాలో కూడా వీరిద్దరూ ఒక ఫ్రేమ్ లో కనిపించారు. కానీ, బాల కృష్ణ, శ్రీదేవి జంట గా మాత్రం ఎపుడు కనిపించలేదు.