Anudeep

ఎంత బ్యాక్ గ్రౌండ్ ఉన్నా, సొంతం గా కష్టపడి పైకి వచ్చినా.. టాలెంట్ ఉంటేనే ఇండస్ట్రీ లో నిలదొక్కుకోవడం కుదురుతుంది. అయితే.. ఫస్ట్ ఇంప్రెషన్ ఎప్పుడు బెస్ట్ ఇంప్రెషనే. అందుకే ఏ హీరో అయినా ఇండస్ట్రీ లోకి ఎంట్రీ ఇచ్చేముందు ఒక డిఫరెంట్ కాన్సెప్ట్ లేదా ఆడియన్స్ కి బాగా కనెక్ట్ అవుతుందా లేదా అనేది ఆచి తూచి చూసుకుని ఎంట్రీ ఇస్తారు. అయితే, ఫస్ట్ మూవీ తోనే హిట్ కొట్టడం అనేది ఏ హీరో కి అయినా ఒక డ్రీమే. మరి ఆ కలను సాకారం చేసుకుని ఎంట్రీ మూవీ తోనే హిట్ కొట్టిన పది మంది టాలీవుడ్ స్టార్ లు ఎవరో ఇప్పుడు చూద్దాం.

#1. వైష్ణవ తేజ్, కృతిసెట్టి- ఉప్పెన

మెగా హీరో వైష్ణవ తేజ్, అందాల భామ కృతి శెట్టి కి డెబుట్ మూవీ ఉప్పెన. ఎన్నో అంచనాలతో రిలీజ్ అయినా ఈ సినిమా అంచనాలు అందుకుని హిట్ గా నిలిచింది.

#2. నితిన్, సదా – జయం

నితిన్, సదా జంట గా నటించిన జయం సినిమా ఎంత హిట్ అయిందో చెప్పక్కర్లేదు. తేజ డైరెక్షన్ లో వచ్చిన ఈ మూవీ కి సెపరేట్ ఫ్యాన్ బేస్ ఉంది.

#3. అల్లు అర్జున్- అదితి అగర్వాల్ -గంగోత్రి

అల్లు అర్జున్ డెబుట్ మూవీ గంగోత్రి. ఆర్తి అగర్వాల్ చెల్లెలు అదితి అగర్వాల్ ఈ సినిమా లో హీరోయిన్ గా నటించారు. రాఘవేంద్ర రావు ఈ సినిమాను డైరెక్ట్ చేసారు.

#4. ఉదయ్ కిరణ్, రీమా సేన్ – చిత్రం

ఉదయ్ కిరణ్ హీరో గా ఎంట్రీ ఇచ్చిన సినిమా చిత్రం. రీమా సేన్ కూడా ఈ సినిమాతోనే పరిచయం అయ్యారు. ఈ సినిమా కూడా తేజ డైరెక్షన్ లోనే వచ్చింది.

#5. యశో సాగర్, స్నేహ ఉల్లాల్ -ఉల్లాసం గా ఉత్సాహం గా

యశో సాగర్, స్నేహ ఉల్లాల్ హీరో హీరోయిన్లు గా వచ్చిన ఉల్లాసం గా ఉత్సాహం గా సినిమా కూడా మంచి హిట్ అయింది. ఈ సినిమా కరుణాకరన్ డైరెక్షన్ లో వచ్చింది.

#6. సుధీర్ బాబు, రెజినా – SMS

సుధీర్ బాబు ఏ మాయ చేసావే సినిమా లో ఒక చిన్న రోల్ చేసారు. కానీ హీరో గా ఎంట్రీ ఇచ్చింది మాత్రం SMS తోనే. ఈ సినిమా కూడా మంచి టాక్ తెచ్చుకుంది.

#7. తరుణ్ ,రిఛా – నువ్వేకావాలి

ఉషాకిరణ్ మూవీస్, స్రవంతి మూవీస్ బ్యానర్ లో వచ్చిన నువ్వే కావాలి సినిమా ఎంతలా హిట్ అయిందో కొత్తగా చెప్పాలా..

#8. రామ్, ఇలియానా -దేవదాస్

ఎనర్జిటిక్ హీరో రామ్ కి దేవదాస్ సినిమా ద్వారా గ్రాండ్ ఎంట్రీ దొరికినట్లయింది. వైవీఎస్ చౌదరి డైరెక్షన్లో వచ్చిన ఈ సినిమా కూడా సూపర్ హిట్ అయింది.

#9. విజయ్ దేవరకొండ, రీతూ వర్మ -పెళ్లి చూపులు

విజయ్ దేవరకొండ, రీతూ వర్మ హీరో హీరోయిన్లు గా పరిచయం అయినా సినిమా పెళ్లి చూపులు. ఈ సినిమా కూడా మంచి టాక్ తెచ్చుకుంది.

#10. రామ్ చరణ్, నేహా – చిరుత

మెగా పవర్ స్టార్ రామ్ చరణ్, నేహా హీరో హీరోయిన్లు గా ఎంట్రీ ఇచ్చిన సినిమా చిరుత. ఈ సినిమా కూడా హిట్ అయింది.

“నీ కన్ను నీలి సముద్రం” పాటతో కృతిశెట్టి ఎంత ఫేమస్ అయిందో తెలిసిందే. సినిమా రిలీజ్ కాకుండానే ఆమెకు పలు అవకాశాలు వచ్చాయి. విడుదల కి ముందునుంచి “ఉప్పెన” పై భారీగానే అంచనాలు ఉన్నాయి. లాక్ డౌన్ టైం నుంచి ఈ సినిమా ట్రెండింగ్ లోనే ఉంది. పాటలు బాగా ఆకట్టుకోవడం తో ఈ సినిమా పై బాగా హైప్ వచ్చింది.

దర్శకుడు సుకుమార్ శిష్యుడైన బుచ్చిబాబు కావడం, మెగా బ్యాక్ గ్రౌండ్ నుంచి వచ్చిన హీరో వైష్ణవ తేజ్, తొలి పాట తోనే కుర్రకారుని కట్టిపడేసిన హీరోయిన్ కృతి శెట్టి.. ఇలా ఈ సినిమా పై ఎక్స్ పెక్టేషన్స్ పెరగడానికి చాలానే కారణాలున్నాయి. ఒక రకంగా చెప్పాలంటే దేవి శ్రీ ప్రసాద్ ఇచ్చిన మ్యూజిక్ సినిమాకి కొంచెం హైప్ క్రియేట్ చేశాయి. సినిమా రిలీజ్ అయ్యాక కలెక్షన్లు కూడా బాగానే వచ్చాయి. ఈ క్రమం లో ఈ సినిమాకి ఎవరికీ ఎంత రెమ్యునరేషన్ ఇచ్చారు అన్న సంగతి చర్చల్లోకి వస్తోంది.

ఈ సినిమా తో కృతి శెట్టి డిమాండ్ బాగా పెరిగిపోయింది. సినిమా రిలీజ్ కి ముందే ఆమె ఇతర సినిమాలకి సైన్ చేసేసింది కూడా. అయితే, ఉప్పెన తరువాత ఆమె రెమ్యునరేషన్ కూడా పెంచేసింది అని ఫిలిం వర్గాల్లో టాక్ కూడా వచ్చేసింది. ఇటీవల నెట్టింట్లో హల్ చల్ చేస్తున్న వార్తల్లో కృతి శెట్టి 60 లక్షలు రెమ్యునరేషన్ గా డిమాండ్ చేస్తోందని తెలుస్తోంది. అయితే దర్శక నిర్మాతలు ఇందుకు కూడా సై అంటున్నారట.

ఇది తెలియగానే, అసలు ఉప్పెన కి ఈమె ఎంత రెమ్యునరేషన్ తీసుకుంది అని చాలా మంది సందేహం వ్యక్తం చేస్తున్నారట. ఆరులక్షల రెమ్యునరేషన్ తో కృతి శెట్టి ఈ సినిమా లో నటించిందట. ఇది కాక, కృతి శెట్టి కి తెలుగు నేర్పించడానికి కూడా ఓ టీచర్ ని పెట్టారట. నిర్మాత సుకుమార్ స్టూడెంట్ నే టీచర్ గా పెట్టి తెలుగు నేర్పించారట. ఈ లెక్క న చూసుకుంటే ఇప్పుడు కృతి శెట్టి పదిరెట్లు ఎక్కువే డిమాండ్ చేస్తోంది. అయినా, అందం, టాలెంట్ ఉన్న అమ్మాయి డిమాండ్ చేసినా తప్పులేదు లెండి. ఏమంటారు..?

ముమైత్ ఖాన్.. ఈ పేరు వినగానే ముందు గుర్తొచ్చేది “ఇప్పటికింకా నా వయసు నిండా పదహారే” అనే పాట. ఈ పాట పోకిరి సినిమాలోది. ఒంపు సొంపుల్తో కుర్ర కారుని కట్టిపడేసిన ముమైత్ ఖాన్ తెలుగు, తమిళ్, కన్నడ, హిందీ భాషలలో దాదాపు యాభై కి పైగా సినిమాలలో నే నటించింది. ప్రస్తుతం ఆమె “డాన్స్ ప్లస్” షో లో కూడా జడ్జి గా చేస్తున్న సంగతి తెలిసిందే. ఒక రకం గా ముమైత్ రీ ఎంట్రీ ఇచ్చినట్లే. చాలా కాలం ముమైత్ ఇండస్ట్రీ కి దూరం గా ఉంది. ఎందుకో ఇప్పుడు చూద్దాం..

ఇటీవల, ముమైత్ ఖాన్ “అలీ తో సరదాగా” షో కి వచ్చింది. ఈ సందర్భం గా ఆమె పలు ఆసక్తికర విషయాలను అందరితో పంచుకుంది. ఈ షో లో అలీ అడుగుతూ పాపులర్ అయ్యాక కొమ్ములేమైనా వచ్చాయా అని అడిగితె, అలాంటిదేమి లేదని, నా రూపం వలన జనాలేదో అనుకుంటారని, నాకేమి తలపొగరు లేదని ఆమె చెప్పుకొచ్చింది. ఒక టైం లో బాగా తగ్గిపోయావు. తలకి ఎదో దెబ్బ తగిలిందని, ఆపరేషన్ అయిందని వార్తలు కూడా వచ్చాయి.. అసలేమి జరిగింది అని అలీ అడిగాడు.

దానికి ముమైత్ ఏమందంటే..” బాలయ్య గారు డిక్టేటర్ మూవీ చేస్తున్న టైం లో, ఆ సినిమా లో నేను ఓ డాన్స్ చేసాను. ఆ డాన్స్ చేస్తున్న టైం లోనే కాలు జారీ వెనక్కి పడ్డాను. ఆ పడేటప్పుడు తల కార్నర్ కు కొట్టుకుంది. బాగా గట్టి గా తగలడం తో కోమా లోకి వెళ్ళిపోయా.. దాదాపు పదిహేను రోజులు కోమాలోనే ఉండిపోయాను.

పడిన తరువాత, రెండు రోజులు బ్రెయిన్ నుంచి రక్తం కారుతూనే ఉందట. కనీసం.. మూడేళ్లయినా రెస్ట్ తీసుకోవాల్సి ఉంటుంది అని డాక్టర్లు చెప్పారు. కానీ, 3 నెలలకే నేను పని చేయడం మొదలు పెట్టేసాను” అంటూ ఆ సంఘటనను గుర్తు చేసుకుని ముమైత్ కన్నీరు పెట్టింది. కెరీర్ పీక్స్ లో ఉన్న టైం లో ఇలా జరిగింది. అందుకే ముమైత్ సినిమాలకు గ్యాప్ ఇవ్వాల్సి వచ్చింది.

బాహుబలి కోసం ప్రభాస్ దాదాపు ఐదేళ్ల కాలం త్యాగం చేసేసాడు. ఆ సినిమా ఏ రేంజ్ లో హిట్ అయిందో మనందరికీ తెలుసు. ఆ తరువాత సాహో సినిమా కోసం మరో రెండేళ్లు పక్కన పెట్టేయాల్సి వచ్చింది. ప్రస్తుతం జోరు పెంచి వరుస గా సినిమా షూట్ లు చేస్తున్నారని ప్రభాస్ ఫాన్స్ సంతోష పడేలోపు షూటింగ్ పూర్తి చేసుకున్న రాధేశ్యామ్ సినిమా విడుదల ఆలస్యం అవుతూ వస్తోంది.

డార్లింగ్ ప్రభాస్ రాధేశ్యాం షూటింగ్ ను ఎప్పుడో పూర్తి చేసేసాడు. కానీ, ఆ సినిమా షూటింగ్ ను ఎప్పుడో పూర్తి చేసేసుకుంది. కానీ రిలీజ్ అవడానికి ఆలస్యమైపోతోంది. మరో వైపు సలార్, ఆదిపురుష్ షూటింగ్ లు కూడా మొదలు పెట్టేసాడు. కానీ, ఆదిపురుష్ షూటింగ్ కి ఆది లోనే హంసపాదు ఎదురైంది. షూటింగ్ మొదలు పెట్టిన రోజే ఫైర్ ఆక్సిడెంట్ అయింది. ప్రాణ నష్టం జరగలేదు కానీ, షూటింగ్ కి అవసరమైన కొన్ని పరికరాలు కాలిపోయాయి. వాటిని తిరిగి తెప్పించడానికి సమయం పడుతుంది. దీనితో, ఆదిపురుష్ షూటింగ్ వాయిదా పడింది.

ఈ క్రమం లో ప్రభాస్ కథ విని సినిమా ఒకే చేసేముందు డైరెక్టర్లకి కొన్ని కండిషన్లు పెడుతున్నాడట. ఏ సినిమా కి అయినా, కేవలం మూడు నెలలు మాత్రమే డేట్లు ఇవ్వనున్నాడట. ఆయనకు సంబంధించిన షూటింగ్ పార్ట్ మొత్తం కేవలం 60 రోజుల్లో పూర్తి చేయాలనీ కండిషన్ పెడుతున్నాడట. అలాగే, తానూ సైన్ చేసిన సినిమాను ఆరు నెలల్లో థియేటర్ లో రిలీజ్ చేసేయాలని మరో కండిషన్ పెడుతున్నారట.

ప్రశాంత్ నీల్ దర్శకత్వం లో రూపొందుతున్న సలార్ కు ఆల్రెడీ ఈ కండిషన్ గురించి చెప్పేశారట. ప్రశాంత్ నీల్ కూడా అందుకు సిద్ధమయ్యే ముందుకొచ్చారట. ఈ లెక్కన 2022 సంక్రాంతి కి సలార్ రిలీజ్ అయిపోతే, మరో ఆరు నెలలు అంటే.. ఆగష్టు కి ఆదిపురుష్ కూడా రిలీజ్ అయ్యే అవకాశం ఉంది. ఆ తరువాత 2023 కి నాగ్ అశ్విన్ సినిమా రెడీ గా ఉంటుంది. ఇలా ప్రతి ఆరు నెలలకి ఓ సినిమాను ప్రభాస్ ప్లాన్ చేసుకున్నారు.