Anudeep

సంక్రాంతికి వచ్చిన అన్ని చిత్రాలు సూపర్ హిట్ అయ్యాయి. దీంతో అప్పుడు వాయిదా పడిన చిన్న చిత్రాలు ఫిబ్రవరిలో విడుదల అయ్యాయి. కానీ వాటిలో ఏవి హిట్ కాలేకపోయాయి. ఆ తర్వాత వచ్చిన సుధీర్ బాబు హంట్, కళ్యాణ్ రామ్ త్రి పాత్రాభినయం చేసిన అమిగోస్ కూడా ప్రేక్షకులను నిరాశ పరిచాయి. అయితే గతవారం ధనుష్ ‘సార్’, కిరణ్ అబ్బవరం ‘వినరో భాగ్యము విష్ణు కథ’ పాజిటివ్ టాక్ తో దూసుకుపోతున్నాయి. ఈ వారం మరికొన్ని చిన్న సినిమాలు థియేటర్ లో రిలీజ్ కాబోతున్నాయి. ఈ శుక్రవారం (ఫిబ్రవరి 24) ఏకంగా 20 చిత్రాలు విడుదల కానున్నాయి. అవి ఏ సినిమాలో ఇప్పుడు చూద్దాం..

#1 మిస్టర్ కింగ్

లెజెండరీ లేడీ డైరెక్టర్ విజయనిర్మల మనవడు, నటుడు నరేశ్‌ కజిన్‌ రాజ్‌కుమార్‌ కొడుకు శరణ్ కుమార్ హీరోగా పరిచయం కానున్న చిత్రం మిస్టర్ కింగ్. ఈ మూవీ ఫిబ్రవరి 24 న విడుదల కానుంది.

#2 డెడ్ లైన్

అజయ్‌ ఘోష్‌ కీలక పాత్ర పోషించిన ఈ సినిమా బొమ్మారెడ్డి దర్శకత్వంలో తెరకెక్కింది. తాండ్ర గోపాల్‌ నిర్మాతగా వ్యవహరిస్తున్న ఈ చిత్రం ఫిబ్రవరి 24న థియేటర్‌లలో ప్రేక్షకుల ముందుకు రానుంది.

#3 కోనసీమ థగ్స్‌

బృందా గోపాల్‌ దర్శకత్వంలో రూపొందిన తాజా చిత్రం ‘కోనసీమ థగ్స్‌’. నిర్మాత శిబు తమీన్స్‌ కొడుకు హ్రిదు హరూన్‌ ఈ సినిమాతో హీరోగా పరిచయం అవుతున్నాడు. ఈ మూవీ ఫిబ్రవరి 24 న విడుదల కానుంది.

#4 బ్రేక్ అవుట్

బ్రహ్మానందం తనయుడు రాజా గౌతమ్ హీరోగా వస్తున్న బ్రేక్ అవుట్ చిత్రం కూడా ఫిబ్రవరి 24 న విడుదల కానుంది.

#5 టాక్సీ

వసంత్ సమీర్ హీరోగా హరీష్ సజ్జ తెరకెక్కిస్తున్న టాక్సీ మూవీ ఫిబ్రవరి 24 న విడుదల కానుంది.

#6 లాస్ట్ పెగ్

భారత్ సాగర్ హీరోగా వస్తున్న లాస్ట్ పెగ్ మూవీ ఫిబ్రవరి 24 న విడుదల కానుంది.

#7 ఓయ్ ఇడియట్

వెంకట్ కడలి దర్శకత్వం లో యశ్వంత్ హీరోగా రానున్న ఓయ్ ఇడియట్ మూవీ ఫిబ్రవరి 24 న విడుదల కానుంది.

#8 సెల్ఫీ

బాలీవుడ్ హీరో అక్షయ్ కుమార్, ఇమ్రాన్ హష్మీ ప్రధాన పాత్రల్లో దర్శకుడు రాజ్ మెహతా తెరకెక్కించిన సెల్ఫీ హిందీ మూవీ ఫిబ్రవరి 24 న విడుదల కానుంది.

#9 సింగల్ శంకరం స్మార్ట్ ఫోన్ సిమ్రాన్

తమిళ నటుడు శివ, మేఘా ఆకాష్, అంజు కురియన్ ప్రధాన పాత్రల్లో తెరకెక్కిన తమిళ్ మూవీ సింగల్ శంకరం స్మార్ట్ ఫోన్ సిమ్రాన్ ఫిబ్రవరి 24 న విడుదల కానుంది.

#10 కుట్రం పూరింధాల్

నటుడు అధిక బాబు, అర్చన ప్రధాన పాత్రల్లో తెరకెక్కిన తమిళ్ మూవీ కుట్రం పూరింధాల్ ఫిబ్రవరి 24 న విడుదల కానుంది.

#11 థగ్స్‌

బృందా గోపాల్‌ దర్శకత్వంలో రూపొందిన తాజా చిత్రం ‘థగ్స్‌’. నిర్మాత శిబు తమీన్స్‌ కొడుకు హ్రిదు హరూన్‌ ఈ సినిమాతో హీరోగా పరిచయం అవుతున్నాడు. ఈ మూవీ ఫిబ్రవరి 24 న విడుదల కానుంది.

#12 మార్టిన్ టీజర్

సీనియర్ నటులు అచ్యుత్ కుమార్, మాళవిక అవినాష్ ప్రధాన పాత్రల్లో తెరకెక్కిన కన్నడ మూవీ మార్టిన్ టీజర్ ఫిబ్రవరి 24 న విడుదల కానుంది.

#13 జూలియట్ 2

బృంద ఆచార్య ప్రధాన పాత్రలో విరాట్ గౌడ తెరకెక్కించిన కన్నడ మూవీ జూలియట్ 2 ఫిబ్రవరి 24 న విడుదల కానుంది.

#14 గౌళి

దర్శకుడు సూరా తెరకెక్కించిన గౌళి మూవీ లో శ్రీనగర కిట్టి, పావన గౌడ, రఘు ప్రధాన పాత్రలు పోషించారు. ఈ కన్నడ మూవీ ఫిబ్రవరి 24 న విడుదల కానుంది.

#15 సౌత్ ఇండియన్ హీరో

నరేష్ కుమార్ దర్శకత్వం లో విజయ్ చెందూర్, కాషిమా రఫీ ప్రధాన పాత్రల్లో తెరకెక్కిన కన్నడ మూవీ సౌత్ ఇండియన్ హీరో ఫిబ్రవరి 24 న విడుదల కానుంది.

#16 విధి (ఆర్టికల్) 370

కె శంకర్ దర్శకత్వం లో శశికుమార్, శృతి ప్రధాన పాత్రల్లో తెరకెక్కిన విధి (ఆర్టికల్) 370 మూవీ ఫిబ్రవరి 24 న విడుదల కానుంది.

#17 క్యాంపస్ క్రాంతి

దర్శకుడు సంతోష్ కుమార్ తెరకెక్కించిన క్యాంపస్ క్రాంతి మూవీ ఫిబ్రవరి 24 న విడుదల కానుంది.

#18 కొకెయిన్ బేర్

ఎలిజబెత్ బ్యాంక్స్ తెరకెక్కించిన ఈ ఇంగ్లీష్ చిత్రం ఫిబ్రవరి 24 న విడుదల కానుంది.

#19 మార్లో

నీల్ జోర్డాన్ తెరకెక్కించిన మార్లో మూవీ ఫిబ్రవరి 24 న విడుదల కానుంది.

#20 మిస్సింగ్

విల్ మెరిక్, నిక్ జాన్సన్ తెరకెక్కించిన మిస్సింగ్ మూవీ ఫిబ్రవరి 24 న విడుదల కానుంది.

మన ఇండస్ట్రీలో ఎంతో మంది బయట నుంచి వచ్చిన హీరోలు ఉంటారు. అలాగే తమ కుటుంబం ద్వారా సినిమాల్లోకి వచ్చిన నటులు కూడా ఉంటారు. ఎలా వచ్చినా కానీ, ఎంతో కష్టపడి వాళ్ళ నటనతో ఇండస్ట్రీలో ఒక స్థానం సంపాదించుకుంటారు. అలా ఒక ప్రముఖ కుటుంబం నుంచి వచ్చిన వ్యక్తి కళ్యాణ్ చక్రవర్తి. కళ్యాణ్ చక్రవర్తి నందమూరి కుటుంబానికి చెందినవారు. ఎన్టీఆర్ గారి తమ్ముడు త్రివిక్రమ రావు గారి కుమారుడే కళ్యాణ్ చక్రవర్తి.

తండ్రి, పెద్ద నాన్న సినీ రంగం లోనే ఉండేసరికి చిన్నతనం నుండి కళ్యాణ్ చక్రవర్తి నటుడు అవ్వాలని అనుకున్నారట. 1986 లో కోడి రామకృష్ణ గారి దర్శకత్వంలో వచ్చిన అత్తగారు స్వాగతం అనే సినిమాతో ఇండస్ట్రీలో అడుగు పెట్టారు కళ్యాణ్ చక్రవర్తి. ఆ తర్వాత ఇంటి దొంగ, తలంబ్రాలు, మామ కోడళ్ళ సవాల్, మారణహోమం, రౌడీ బాబాయ్, ప్రేమ కిరీటం ఇలా ఎన్నో సినిమాల్లో నటించారు. అంతే కాకుండా మెగాస్టార్ చిరంజీవి హీరోగా నటించిన లంకేశ్వరుడు సినిమాలో కూడా ఒక ముఖ్య పాత్రలో నటించారు కళ్యాణ్ చక్రవర్తి. కళ్యాణ్ చక్రవర్తి చివరిగా 2003 లో విడుదలైన కబీర్ దాస్ సినిమాలో నటించారు. ఆ తర్వాత మళ్లీ సినిమాల్లో నటించలేదు.

అయితే తాజాగా నందమూరి తారకరత్న చనిపోయినపుడు.. అంత్యక్రియల సమయం లో కళ్యాణ్ చక్రవర్తి గారు కనిపించారు. హైదరాబాద్ వచ్చిన ఆయన తారక రత్న నివాసం వద్ద కళ్యాణ్ రామ్, జూనియర్ ఎన్టీఆర్‌లను కళ్యాణ చక్రవర్తి పలకరిస్తున్న వీడియో కూడా నెట్టింట వైరల్ అవుతోంది. చాలా కాలం తర్వాత నందమూరి కళ్యాణ చక్రవర్తి కనిపించడంతో నందమూరి ఫ్యాన్స్ సంతోష పడుతున్నారు. అప్పటికి ..ఇప్పటికి చాలా మారిపోయారంటూ కామెంట్స్ చేస్తున్నారు. ప్రస్తుత సినిమాల్లో తండ్రి పాత్రలకు సరిగా సరిపోతారు.. మళ్ళీ సినిమాల్లోకి రావాలి అంటూ కామెంట్స్ చేస్తున్నారు ఫాన్స్.

అయితే కళ్యాణ్ చక్రవర్తి కొడుకు పృథ్వి రోడ్ యాక్సిడెంట్ లో చనిపోవడం, అలాగే కొన్ని సినిమాల్లో నటించిన కళ్యాణ్ చక్రవర్తి తమ్ముడు అయిన హరీన్ చక్రవర్తి కూడా ప్రాణాలను కోల్పోవడం, అదే ప్రమాదం లో త్రివిక్రమరావు గారికి గాయాలు అవ్వడంతో కళ్యాణ్ చక్రవర్తి గారు తండ్రిని చూసుకుంటూ చెన్నైలోనే ఉండిపోయారు. తన తండ్రి చనిపోయిన తర్వాత కూడా కళ్యాణ్ చక్రవర్తి మళ్లీ హైదరాబాద్ కి తిరిగి రాలేదు. చెన్నైలోనే వ్యాపారాలు చూసుకుంటూ ఉండిపోయారు. ఈయన సినిమాల్లో కొనసాగి ఉంటే పెద్ద స్టార్ అయ్యి ఉండేవారని అభిమానులు అభిప్రాయ పడుతున్నారు.

2005లో విడుదలైన గజిని మూవీ తమిళంతో పాటు తెలుగులోనూ సూపర్‌ హిట్‌గా నిలిచింది. అప్పట్లో ఈ సినిమా ఓ ట్రెండ్ సెట్టర్‌గా మారింది. ఇప్పటికీ ఎవరైనా ఏదైనా కాస్త మర్చిపోతే.. ఏంటి గజినిలా తయారయ్యావంటూ ఇప్పటికీ ఈ సినిమా పేరును వాడేస్తుంటారు. మ‌తి మ‌రుపు అనే కాన్సెప్ట్‌తో క‌మ‌ర్షియ‌ల్ సినిమా తీసి బ్లాక్‌బాస్ట‌ర్ సాధించొచ్చు అని ఏ.ఆర్ మురుగుదాస్ నిరూపించాడు. పేరుకు రీమేక్ సినిమానే అయిన మ‌న నేటివిటీకి త‌గ్గ‌ట్టు మార్పులు చేర్పులు చేసి మురుగుదాస్ ఒక మంచి చిత్రాన్ని ప్రేక్ష‌కులకు అందించాడు.

ఈ చిత్రంలో సూర్య న‌ట‌న వ‌ర్ణ‌నాతీతం. సంజ‌య్ రామ‌స్వామి పాత్ర‌లో న‌టించాడు అన‌డం కంటే జీవించేశాడు అన‌డం స‌బ‌బు. ఈ సినిమాతో సూర్య‌కు టాలీవుడ్‌లోనూ విప‌రీత‌మైన క్రేజ్ వ‌చ్చింది. అంతేకాకుండా టాలీవుడ్ సినిమాల‌కు స‌మానంగా ‘గ‌జిని’ చిత్రం ఇక్క‌డ వ‌సూళ్ళ‌ను సాధించింది. హాసిని, న‌య‌న‌తార త‌మ త‌మ పాత్ర‌ల‌తో ప్రేక్ష‌కుల‌ను ఆకట్టుకున్నారు. ఇక హారిస్ జ‌య‌రాజ్ సంగీతం అయితే వేరే లెవ‌ల్. ఈ చిత్రాన్ని తెలుగులో అల్లు అర‌వింద్ విడుద‌ల చేశాడు. ఈ చిత్రం రూ.50 కోట్ల క‌లెక్ష‌న్‌ల‌ను సాధించి ట్రిపుల్‌ బ్లాక్ బ‌స్ట‌ర్‌గా నిలిచింది. అయితే ఇంత‌టి బ్లాక్ బాస్ట‌ర్ సినిమాను 13మంది స్టార్ హీరోలు రిజెక్ట్ చేశార‌ట‌.

ఏ.ఆర్ మురుగుదాస్ ముందుగా ఈ సినిమాను తెలుగు హీరోల‌తో తీయాల‌ని మ‌హేష్‌బాబుకు ఈ క‌థ‌ను చెప్పాడ‌ట‌. అలాగే అజిత్ కి కథ వినిపించగా ఓకే చెప్పి షూటింగ్ స్టార్ట్ చేశారట. కానీ అజిత్‌కు నిర్మాత‌కు మ‌ధ్య విభేదాలు వ‌చ్చి సినిమాను మ‌ధ్య‌లోనే ఆపేశారు. అలా చివరికి ఈ చిత్రం సూర్య దగ్గరికి చేరింది. ఇక సూర్య సంతోషంతో ఇలాంటి క‌థ కోస‌మే చాలా ఏళ్ళుగా ఎదురు చూస్తున్నాను అని మురుగదాస్‌తో చెప్పాడ‌ట‌. ఇక సంవ‌త్స‌రంలో సినిమా షూటింగ్, పోస్ట్ ప్రొడ‌క్ష‌న్ ప‌నులను పూర్తి చేసుక‌ని 2005 సెప్టెంబ‌ర్ 29న సినిమా విడుద‌లై సంచ‌ల‌న విజ‌యం సాధించింది. సూర్య‌కు స్టార్ హీరో స్టేట‌స్‌ను తీసుకొచ్చింది. అలాగే ఈ చిత్రాన్ని హిందీ లో అమిర్ ఖాన్ రీమేక్ చెయ్యగా సూపర్ హిట్ అయ్యింది.

అయితే ఈ సూపర్ హిట్ చిత్రాన్ని మిస్ చేసుకున్న హీరోలెవరో ఇప్పుడు చూద్దాం..

#1 అజిత్

#2 మాధవన్

#3 మహేష్ బాబు

#4 రజనీకాంత్

#5 విజయ్

#6 మోహన్ లాల్

#7 పవన్ కళ్యాణ్

#8 విక్రమ్

#9 వెంకటేష్

#10 సల్మాన్ ఖాన్

#11 శింబు

#12 అజయ్ దేవగన్

#13 సైఫ్ అలీ ఖాన్

కోలీవుడ్ అగ్ర కథానాయకుడు దళపతి విజయ్ హీరోగాగా నటించిన భారీ బడ్జెట్ మూవీ ‘వారసుడు’ (వారిసు). వంశీ పైడిపల్లి ద‌ర్శ‌క‌త్వంలో దిల్‌రాజు, శిరీష్‌, ప‌ర‌ల్ వి.పొట్లూరి, ప‌ర‌మ్ వి.పొట్లూరి ఈ చిత్రాన్ని నిర్మించారు. సంక్రాంతికి మూవీ తెలుగు, త‌మిళ భాష‌ల్లో భారీ ఎత్తున్న రిలీజ్ అయ్యింది. ఈ చిత్రం లో విజయ్ సరసన రష్మిక నటించింది.

ఈ సినిమా నుంచి త‌మిళంలో ఇటీవ‌ల రంజిత‌మే అనే సాంగ్‌ను మేక‌ర్స్ విడుద‌ల చేసిన సంగ‌తి తెలిసిందే. త‌మిళంలో ఇప్ప‌టికే 75 మిలియ‌న్ వ్యూస్‌ను సినిమా సంపాదించుకుంది. కాగా ఇపుడు టాలీవుడ్ ప్రేక్షకుల కోసం తెలుగు వెర్షన్‌ను విడుదల చేశారు మేకర్స్. ఎస్‌ థమన్ కంపోజ్ చేసిన ఈ పాటను అనురాగ్ కులకర్ణి, ఎంఎం మానసి పాడారు. రామజోగయ్య శాస్త్రి ఈ పాట రాశారు. తెలుగు వెర్షన్‌ కూడా రికార్డులు బద్దలు కొట్టడం ఖాయమైనట్టే తాజా సాంగ్‌తో అర్థమవుతుంది.

అయితే తాజాగా విడుదలైన లిరికల్ సాంగ్ లో విజయ్, రష్మిక ఫాస్ట్ బీట్ కి డాన్స్ లతో దుమ్ము రేపారు. అయితే ఈ సాంగ్ కి డాన్స్ చేస్తున్న సమయం లో రష్మిక కుడి కాలి పట్టీ ఊడిపోయింది. అయినా రష్మిక అలానే డాన్స్ చేసింది. అది చూసుకోకుండా మేకర్స్ సాంగ్ రిలీజ్ చేసారని పలువురు నెటిజన్లు కామెంట్లు చేస్తున్నారు. పట్టీ ఊడిపోయింది కదమ్మా.. చూసుకోవాలిగా.. అంటూ ఈ వీడియో కి ఫన్నీ కామెంట్లు పెడుతున్నారు నెటిజన్లు.

ఈ చిత్రం లో ప్రకాశ్‌ రాజ్‌, ప్రభు, శ్రీకాంత్‌, యోగిబాబు, శరత్‌ కుమార్‌, జయసుధ, ఖుష్బూ సుందర్‌ కీలక రోల్స్ పోషిస్తున్నారు. వారిసు సినిమా పూర్తి చేసిన తర్వాత, దళపతి విజయ్ దర్శకుడు లోకేష్ కనగరాజ్‌తో పని చేయనున్నారు. ఇది గ్యాంగ్‌స్టర్ డ్రామాగా తెరకెక్కనుంది.

 watch video:

ఈ మధ్య పాన్ ఇండియా రేంజ్ లో వచ్చిన భారీ చిత్రాలు రెండు పార్ట్ లుగా వచ్చి సూపర్ హిట్స్ అయిన విషయం తెలిసిందే. ఇప్పుడు అలాగే అల్లు అర్జున్ నటించిన పుష్ప 2 కూడా ప్రేక్షకుల ముందుకి రానుంది. ‘పుష్ప’ సినిమాలో అల్లు అర్జున్‌ను కొత్తగా ఆవిష్కరించడమే కాదు.. ఆ చిత్రంలో చాలా సన్నివేశాలను ఇది వరకు ప్రేక్షకులు చూడని విధంగా చూపించారు దర్శకుడు సుకుమార్. అందుకే, దేశ వ్యాప్తంగా అన్ని భాషల ప్రేక్షకులను ఈ సినిమా ఆకట్టుకుంది.

అయితే ‘పుష్ప: ది రూల్’ వచ్చే ఏడాది ప్రేక్షకుల ముందుకి రానుంది. ఈ మూవీ పై భారీ అంచనాలు ఉన్నాయి. ఈ రెండో పార్ట్ తో వెయ్యి కోట్లు కలెక్ట్ చెయ్యాలని సుకుమార్ ప్లాన్ చేస్తున్నాడట. ఇప్పటికే ఈ చిత్ర షూటింగ్ శరవేగంగా జరుగుతోంది. అయితే తాజాగా ఈ చిత్రానికి సంబంధించిన ఒక అప్డేట్ వైరల్ గా మారింది. ‘కేజీయఫ్‌ 3’ అంటూ రెండో ‘కేజీయఫ్‌’ ఆఖరున చెప్పి ట్విస్ట్‌ ఇచ్చినట్లే.. ‘పుష్ప 3′ కూడా ఉండనున్నట్లు తెలుస్తోంది. ఈ మేరకు కథలో మార్పులు చేసే క్రమంలోనే పుష్ప 2 షూటింగ్‌ ఆలస్యంగా ప్రారంభమైంది అని సమాచారం.

లేటేస్ట్ అప్డేట్ ప్రకారం పుష్ప సెకండ్ పార్ట్ లో విజయ్ సేతుపతి, బాలీవుడ్ నటుడు మనోజ్ బాజ్ పాయ్ కీలకపాత్రలలో కనిపించనున్నట్లు టాక్ వినిపిస్తోంది. అలాగే ‘పుష్ప 2’ సినిమా క్లైమాక్స్‌లో బన్నీ కొత్త లుక్ లో కనిపిస్తాడని.. అది మూడో పార్ట్‌కి లీడ్‌లా ఉంటుందని సమాచారం. ఈ మేరకు ఓ లుక్‌ టెస్ట్‌ కూడా అయ్యిందని తెలుస్తోంది. పుష్ప ని ఒక ఫ్రాంచైజీ లా ముందుకు తీసుకెళ్లాలని మేకర్స్ భావిస్తున్నారట.

ఇంతకు ముందు కూడా పుష్పలో ప్రతినాయకుడి పాత్రలో కనిపించి మలయాళ నటుడు ఫహాద్ ఫాజిల్ ‘పుష్ప 3 ‘ ఉండే ఛాన్స్ ఉందని క్లారిటీ ఇచ్చేసాడు. అయితే ఇప్పటికే పుష్ప ని రెండు పార్టీలుగా తీస్తున్నారనే ప్రేక్షకులు కాస్త అసంతృప్తిగా ఉన్నారు. మళ్ళీ మూడో పార్ట్ కూడా అంటే ప్రేక్షకులు ఎంతవరకు ఆదరిస్తారన్నది అనుమానమే. ఇప్పటికే మైత్రి మూవీ మేకర్స్ ఈ చిత్రాన్ని 400 కోట్ల రూపాయల ఖర్చు తో తెరకెక్కిస్తున్నారు. కానీ సీక్వెల్ సెంటిమెంట్ వర్కౌట్ అవ్వకపోతే పుష్ప పరిస్థితి ఏంటి అని ఇండస్ట్రీ వర్గాల వారు చర్చించుకుంటున్నారు.

నందమూరి తారకరత్న మరణవార్త తెలుగురాష్ట్రాల ప్రజలు జీర్ణించుకోలేకపోతున్నారు. గత 23 రోజులుగా నారాయణ హృదయాలయ హాస్పిటల్ లో వెంటిలేటర్ పై ఉన్న తారకరత్న శనివారం రాత్రి కన్నుమూశారు. అయితే ఇన్ని రోజులు అతడిని కాపాడుకుంటూ వచ్చాడు బాబాయ్ బాలకృష్ణ. బాలయ్య మాట కాస్త కటువుగా ఉంటుంది.. మనసు మాత్రం వెన్న అని తెలిసిన వారు చెబుతూ ఉంటారు. ఇప్పటి వరకు అందరికి బాలకృష్ణ అంటే ఒక కోపిష్టి, అభిమానులపై చేయి చేసుకుంటాడు, ఏదేదో మాట్లాడుతాడు అనే తెలుసు.

కానీ గత 23 రోజులుగా తన అన్న కొడుకు కోసం బాలయ్య పడిన తపన చూశాక.. అందరూ ఆయనలోని మంచితనానికి ఫిదా అవుతున్నారు. ఇంత మంచి బాబాయిని పొందిన తారకరత్న అదృష్టవంతుడనుకుంటున్నారు. సినిమాల్లో రాణించలేకపోయేసరికి.. రాజకీయాల వైపు వద్దాం అనుకున్నారు తారక్ రత్న..అందుకే ఇటీవల టీడీపీ కార్యక్రమాల్లో చురుగ్గా పాల్గొన్నారు. ఈ లోపే అనర్థం జరిగిపోయింది. కెరీర్ విషయంలో తారకరత్నది బ్యాడ్ లక్ కావొచ్చేమో గానీ.. బాబాయి బాలకృష్ణ ప్రేమకు పాత్రుడు కావడం మాత్రం నిజంగా అతడి అదృష్టం.

తారకరత్న అంటే బాలయ్యకు ఎంతో ఇష్టం. తన అన్న కొడుక్కి గుండెపోటు వచ్చి కుప్పకూలాడు అని తెలియగానే బాలయ్య తల్లడిల్లాడు. కుప్పం నుంచి బెంగళూరు‌ నారాయణ హృదయాలయలో చేర్పించే వరకూ బాలయ్య విశ్రమించలేదు. హస్పిటల్‌లో డాక్టర్లతో తరచుగా మాట్లాడుతూ.. మెరుగైన చికిత్స అందేలా బాలయ్య జాగ్రత్తలు తీసుకున్నారు. ఇన్ని రోజులుగా తరచూ బెంగళూరు వెళ్తూనే ఉన్నారు బాలకృష్ణ. తారకరత్న క్షేమంగా తిరిగి రావాలని ఆకాంక్షిస్తూ.. చిత్తూరు జిల్లా బత్తలాపురంలోని మృత్యుంజయ స్వామి ఆలయంలో అఖండ జ్యోతిని వెలిగించారు.

తారకరత్న ఆరోగ్యవంతుడై తిరిగి రావడం కోసం బాలయ్య చేయని ప్రయత్నం లేదు. తారకరత్న కోసం బాలకృష్ణ ఎంత తపించారో చెప్పడానికి ఎంపీ విజయసాయి రెడ్డి చేసిన వ్యాఖ్యలే నిదర్శనం. తారకరత్న భార్యా, పిల్లల బాధ్యత తాము తీసుకుంటామని బాలకృష్ణ తనకు హామీ ఇచ్చారన్నారు. తారకరత్న పార్థీవ దేహాన్ని హైదరాబాద్ తీసుకొచ్చాక.. అతడి కూతురు భోరుమని ఏడ్చింది. బాలయ్య తాతా.. నాన్న లేవడం లేదు చూడంటూ.. పరిగెత్తుకుని వెళ్లి బాలకృష్ణను హత్తుకొని కన్నీరు కార్చింది. అంత కష్టంలోనూ బాలయ్య నవ్వుతూ ఆ చిన్నారిని ఓదార్చాడు.

ఇలాంటి సమయంలో ఆ చిన్నారి తన సొంత తాత దగ్గరకు కాకుండా.. చిన తాత దగ్గరకు వెళ్లడాన్ని బట్టి తారకరత్న పిల్లలకు బాలయ్యతో ఉన్న అనుబంధాన్ని అర్థం చేసుకోవచ్చు. అలాగే అంత్యక్రియల సమయం లోను తన అన్న మోహనకృష్ణకు ముందు నడుస్తూ.. చితి చుట్టూ తిరిగారు బాలకృష్ణ. ఇన్ని రోజులుగా బాలయ్య వేదనని చూసిన అందరికి తారకరత్న పట్ల బాలయ్యకు ఎంత ప్రేమ ఉందనేది మాత్రం అర్థమైంది. అలాగే తారక రత్నకి బాబాయ్ బాలకృష్ణ అంటే ప్రాణం కన్నా మిన్న. బాబాయ్ పై అంత ప్రేమ కురిపిస్తాడు. బాలకృష్ణ అంటే ఒక సింహం లాంటి మనిషి. కాబట్టి సింహం బొమ్మని టాటూగా వేయించుకుని దాని కింద బాలకృష్ణ సంతకాన్ని కూడా టాటూగా వేయించుకున్నాడు.

‘కేజీఎఫ్’ ఫేమ్ ప్రశాంత్ నీల్ దర్శకత్వంలో యంగ్ రెబెల్ స్టార్ ప్రభాస్ “సాలార్” చిత్రాన్ని చేస్తున్న విషయం మనకి తెలిసిందే. ఈ చిత్రం తెలుగు, తమిళ, కన్నడ, మలయాళ, హిందీ భాషల్లో విడుదల కానుంది. సెప్టెంబర్ 28న ఈ చిత్రాన్ని రిలీజ్ చేయబోతున్నారు. అయితే ప్రభాస్ గత చిత్రాలు నిరాశ పరచడం తో సలార్ పై రెబల్ స్టార్ ఫ్యాన్స్ బోలెడన్ని అంచనాలు పెట్టుకున్నారు. అందుకు తగ్గట్లుగా సర్వ హంగులతో ప్రశాంత్ నీల్ ఈ సినిమాను హ్యాండిల్ చేస్తున్నారు. భారీ యాక్షన్ ఎపిసోడ్స్ తో ప్రభాస్ ఫ్యాన్స్ కోరుకునే సర్వ హంగులతో ఈ సినిమాను రూపొందిస్తున్నారు.

ఇప్పటికే ఈ సినిమా నుంచి బయటకొచ్చిన అప్ డేట్స్ భారీ హైప్ తీసుకొచ్చాయి. కేజీఎఫ్ లాంటి భారీ సినిమాతో బాక్సాఫీస్ రికార్డులు షేక్ చేసిన డైరెక్టర్ ప్రశాంత్ నీల్.. ఇప్పుడు ప్రభాస్ సలార్ సినిమాతో ఆ సీన్ మళ్ళీ రిపీట్ చేయాలని ప్లాన్ చేస్తున్నారు. అయితే తాజాగా ఈ చిత్రం గురించి ఒక అప్డేట్ వైరల్ గా మారింది. తమిళ దర్శకుడు లోకేష్ కనకరాజ్ ;లోకేష్ సినిమాటిక్ యూనివర్స్‌’ను మొదటిసారిగా ప్రేక్షకులకు పరిచయం చేసిన విషయం తెలిసిందే. ఇప్పుడు ప్రశాంత్ నీల్ సలార్ సినిమా ద్వారా ‘నీల్ వర్స్’ స్టార్ట్ చేయబోతున్నాడని తెలుస్తోంది.

ప్రభాస్, శ్రుతి హాసన్ జంటగా నటిస్తున్న ‘సలార్’ చిత్ర షూటింగ్ చివరి దశకు చేరుకుంది. అయితే ఈ చిత్రంలో ‘కేజీఎఫ్’ స్టార్ యశ్ కేమియో రోల్ చేయనున్నాడని సమాచారం. అంతేకాదు ఈ మూవీ జూనియర్ ఎన్టీఆర్ వాయిస్‌తో ఎండ్ అవుతుందట. అంటే తన రానున్న చిత్ర హీరో ని కూడా ఇందులో భాగం చేసి ఈ చిత్రం తో లింక్ చేస్తున్నట్లు తెలుస్తోంది. అలాగే ‘కేజీఎఫ్’కు కూడా లింక్ ఉంటుందన్న మాట. ఈ అంశం పై సలార్ విడుదలయ్యాక క్లారిటీ వచ్చే అవకాశముంది. నిజానికి ప్రశాంత్ నీల్ గత చిత్రం ‘కేజీఎఫ్’, షూటింగ్ స్టేజ్‌లో ఉన్న ‘సలార్’ మూవీతో పాటు #NTR31 బ్యాక్‌గ్రౌండ్ థీమ్‌ కూడా ఒకేలా ఉన్నట్లు ఫస్ట్ లుక్ పోస్టర్స్ ద్వారా తెలుస్తోంది.

వరుస సినిమాలు లైన్ లో ఉన్నప్పటికీ సలార్ కోసం ప్రభాస్ కూడా స్పెషల్ కేర్ తీసుకుంటున్నారట. ప్రభాస్- ప్రశాంత్ నీల్ కాంబో చిరకాలం గుర్తుండేలా ఈ చిత్రంలోని సీన్స్ ఉండనున్నాయట. హోంబలే ఫిల్మ్స్ బ్యానర్‌పై భారీ ఎత్తున ఈ సలార్ సినిమాను చిత్రీకరిస్తున్నారు. ప్రభాస్ సరసన శృతి హాసన్ హీరోయిన్‌గా నటిస్తోంది. జగపతి బాబు, మలయాళ స్టార్ పృధ్విరాజ్ సుకుమారన్, ఈశ్వరీరావు కీలక పాత్రలు పోషిస్తుండగా.. రవి బస్రూర్ బాణీలు కడుతున్నారు.