Harika Page 48
Author

Harika

Hi, This is Harika. I have been working as a web content writer in Telugu Adda from the past one year and am experienced in writing articles in cinema, sports, inspiring stories and flash news categories.

Filmy AddaMovie Reviews

CURRENCY NAGAR REVIEW: “కరెన్సీ నగర్” సినిమా రివ్యూ & రేటింగ్ !!!

by Harika
written by Harika

ఉన్నతి ఆర్ట్స్ బ్యానర్ పై ముక్కాముల అప్పారావు , డా కోడూరు గోపాల కృష్ణ నిర్మిస్తున్న చిత్రం కరెన్సీ నగర్. యడ్లపల్లి మహేష్, స్పందన సోమన, కేశవ, రాజశేఖర్, చాందిని , సుదర్శన్ ప్రధాన పాత్రల్లో నటిస్తున్న ఈ సినిమా ద్వారా వెన్నెల కుమార్ పోతేపల్లి దర్శకుడిగా పరిచయం అవుతున్నారు. ఆంతాలజీ థ్రిల్లర్ నేపథ్యంలో డిసెంబర్ 29న థియేటర్స్ లో విడుదలైన ఈ సినిమా ఎలా ఉందో రివ్యూ లో చూద్దాం…

కథ:

సత్య (సుదర్శన్) కు ఐదు లక్షల రూపాయలు అవరసం అవుతాయి. దొంగతనం చేసి అయినా సరే డబ్బు సంపాదించాలని అనుకుంటాడు. ఈ క్రమంలో ఒక చోట బంగారం ఉందని తెలుసుకున్న సత్య అక్కడికి వెళతాడు, అక్కడ సత్యకు ఒక విచిత్రమైన సంఘటన ఎదురవుతుంది. మాట్లాడే ఒక ఇనుప పెట్టలో బంగారం ఉంటుంది, ఆ బంగారం తీసుకోవాలనే క్రమంలో … ఇనుము పెట్ట సత్యతో మూడు కథలు చెబుతుంది. అందులో మొదటి కథ మానవ సంబంధాల గురించి, రెండో కథ ప్రేమ , మోసం గురించి, మూడో కథ అమ్మాయి ప్రేమను దక్కించుకోవడం కోసం అబ్బాయి చేసే తప్పులు.. ఇలా మూడు కథలు విన్న తరువాత సత్య ఏం చేశాడు ? అతను అసలు అక్కడికి ఎందుకు వెళ్ళవలసి వచ్చింది? అతనికి కావాల్సిన ఐదు లక్షలు దొరికాయా ? నిజంగానే ఇనపెట్టే మాట్లాడిందా ? వంటి విషయాలు తెలియాలంటే కరెన్సీ నగర్ సినిమా చూడాల్సిందే.

విశ్లేషణ:

నటీనటులు యడ్లపల్లి మహేష్, స్పందన సోమన, కేశవ, రాజశేఖర్, చాందిని , సుదర్శన్, గౌతమ్ వారి పాత్రల పరిధి మేరకు బాగా నటించారు. నిర్మాతలు ముక్కాముల అప్పారావు , డా కోడూరు గోపాల కృష్ణ ఎక్కడా రాజీ పడకుండా సినిమాను నిర్మించారు. సినిమా రిచ్ గా మంచి టెక్నీకల్ వ్యాల్యూస్ తో ఉంది. దర్శకుడు వెన్నెల కుమార్ పోతేపల్లి తాను తీసిన మొదటి సినిమానే అయినా చాలా అద్భుతంగా తీశాడు. తాను రాసుకున్న కథను తెరమీద చక్కగా చూపించాడు.

సంగీతం అందించిన సిద్ధార్థ్ సదాశివుని, పవన్ పాటలతో పాటు నేపధ్య సంగీతం బాగా అందించారు, సినిమాకు ప్లస్ అయ్యింది. ఎడిటర్ కార్తిక్ కట్స్ వర్క్ నీట్ గా ఉంది. అలాగే సినిమాటోగ్రఫీ సతీష్ రాజబోయిన కెమెరా వర్క్ సూపర్బ్, విజువల్స్ బాగున్నాయి.

కేశవ , చాందిని ఎపిసోడ్ సినిమాకు బాగా వర్క్ ఔట్ అయ్యింది. మొదటి కథ “పెయిన్” లో అమ్మ క్యారెక్టర్ చిన్నది అయినా బాగా వర్కౌట్ అయింది. ప్రీ క్లైమాక్స్ సినిమాకు మెయిన్ ప్లస్. క్లైమాక్స్ ఎవ్వరూ ఊహించని విధంగా ఉంటుంది. ఇలాంటి కథ, కథనాలతో థియేటర్ లో వచ్చిన మొదటి సినిమాగా కరెన్సీ నగర్ గా చెప్పుకోవచ్చు. అన్ని వర్గాల ప్రేక్షకులకు కనెక్ట్ అయ్యే విధంగా దర్శకుడు వెన్నెల కుమార్ ఈ సినిమాను తెరకెక్కించారు. కథ చూస్తుంటే మన చిన్నప్పుడు చదివిన బేతాళ కథలు గుర్తుకు వస్తుంది కానీ కథలు మాత్రం చాలా కొత్తగా ఉన్నాయి. తెరమీద చూసి అనుభూతి చెందాల్సిన సినిమా కరెన్సీ నగర్.

రేటింగ్: 3/5

Filmy AddaHuman angle

విజయకాంత్ భార్య గురించి ఈ విషయాలు తెలుసా..? వీరి ప్రేమ కథ ఏంటంటే..?

by Harika
written by Harika

దక్షిణాది సినీ పరిశ్రమలో అగ్ర నటుడు డిఎండికే అధినేత విజయకాంత్ అనారోగ్యంతో బాధపడుతూ డిసెంబర్ 28వ తేదీన చికిత్స పొందుతూ తుది శ్వాస విడిచారు.

ఇటీవల నిమోనియాతో బాధపడుతూ హాస్పిటల్ లో చేరిన ఆయన కొద్దిరోజుల తర్వాత చికిత్స పొందిన అనంతరం కోలుకున్నారు కానీ కరోనా వైరస్ బారిన పడటంతో వెంటనే చెన్నైలోని ప్రముఖ హాస్పిటల్ లో చేర్పించారు.

vijaykanth love story

అయినప్పటికీ ఆయన ప్రాణం దక్కకపోవడం విచారకరం. విజయ్ కాంత్ మధురై కి చెందిన వ్యక్తి. ఈయనకి ప్రేమలతతో 1990 జనవరి 31వ తేదీన వివాహం జరిగింద వారి ఇద్దరిదీ పెద్దలు కుదిర్చిన ప్రేమ వివాహం. వారికి ఇద్దరు కుమారులు అందులో షణ్ముగ పాండ్యన్ నటుడిగా రాణిస్తున్నారు. ఎప్పుడో విజయ్ కాంత్ భార్య ప్రేమలత ఇచ్చిన ఇంటర్వ్యూ ఇప్పుడు వైరల్ అవుతుంది.

అందులో ఆమె తన పెళ్లికి సంబంధించిన విశేషాలను చెప్పుకొచ్చింది. విజయ్ కాంత్ మధురై కి చెందినవారు మేము వెల్లూరులో స్థిరపడిన ఫ్యామిలీ. రెండు కుటుంబాల మధ్య ఎలాంటి బంధుత్వము లేదు మా ఇద్దరి కలయిక స్వర్గంలోనే కుదిరిందని భావన కలుగుతూ ఉంటుంది. పెద్దల సమక్షంలో జరిగిన పెళ్లి చూపులు కోసం మొదటిసారి మా ఇంటికి విజయకాంత్ వచ్చారు. ఆయన ప్రవర్తన చూసి మా నాన్న వెంటనే ఇంప్రెస్ అయిపోయారు.

vijaykanth love story

ఎందుకంటే ఆయన ఒక హీరోలాగా కాకుండా సాధారణ వ్యక్తి లాగా బిహేవ్ చేశారు అని చెప్పుకొచ్చారు ప్రేమలత. పెళ్లిచూపుల తరువాత పరిచయం పెరిగి అది ప్రేమగా మారింది. పెళ్ళికి ముందు మా మధ్య ఎన్నో అనుభూతులు పంచుకున్నాం అని ప్రేమలత చెప్పారు. 1952 ఆగస్టు 25వ తేదీన జన్మించిన విజయ్ కాంత్ అసలు పేరు నారాయణ విజయరాజు అలగర్ స్వామి. 1979లో ఇంకుమ్ ఇలమై అనే సినిమా ద్వారా కెరియర్ ప్రారంభించి సూపర్ స్టార్ గా ఎదిగారు అభిమానులు ముద్దుగా కెప్టెన్ అని పిలుచుకునే విజయ్ కాంత్ మరణం సినీ లోకానికి నిజంగా తీరని లోటు.

Filmy Adda

WHO IS THIS HERO: ఈ హీరో ఎవరో గుర్తుపట్టారా.? ఇంతలా మారిపోయాడు ఏంటి.?

by Harika
written by Harika

నటన మీద కొందరి నటులకు ఉన్న శ్రద్ధ, తపన చూస్తే వీళ్లు నటన కోసమే పుట్టారు అనిపిస్తుంది. ఒక రేంజ్ లో ఉన్న హీరోలని చూసి చాలామంది వాళ్లకి అదృష్టం కలిసి వచ్చింది అంటారు కానీ నిజానికి వాళ్ల డెడికేషన్ వాళ్ళని ఆ స్థాయిలో నిలబెడుతుందని అనుకోరు.

సినిమాలో క్యారెక్టర్ డిమాండ్ చేస్తే తమ బాడీని ఎలా మలుచుకోవటానికైనా సిద్ధంగా ఉంటారు ఇలాంటి నటులు. కమల్ హాసన్, విక్రమ్, విజయ్ ఆంటోనీ ఇలాంటి వాళ్ళందరూ సినిమా కోసం  శరీరాన్ని హింసించుకున్న వాళ్లే. వాళ్ల తపన వాళ్ళని స్టార్ హీరోని చేసింది.

అలాగే ఇప్పుడు మరొక నటుడు పాత్ర కోసం 15 కేజీలు బరువు తగ్గి ప్రేక్షకుల చేత శభాష్ అనిపించుకుంటున్నాడు. పై ఫోటోలో డీ గ్లామరైజ్ గా కనిపిస్తున్న ఈ హీరోని గుర్తుపట్టారా ఇప్పటివరకు మనం మాట్లాడుకుంటుంది ఈ హీరో గురించే. వెర్సటైల్ యాక్టర్ గా గుర్తింపు తెచ్చుకున్న ఇతను ఏ పాత్ర ఇచ్చిన అందులో ఇమిడిపోతాడు. ఇతను కేవలం నటుడే కాదు మంచి  నిర్మాత అలాగే మంచి సింగర్ కూడా.

ఇంతకీ ఎవరు అనుకుంటున్నారా అయితేనేనండి మలయాళ స్టార్ హీరో టొవినో థామస్. మిన్నల్ మురళి, తుళ్ళుమాల,2018 సినిమాలతో తెలుగు వాళ్ళకి కూడా దగ్గర అయ్యాడు ఈ నటుడు. 2018 సినిమాలో అయితే ఇతని నటన  చూసి అందరూ కన్నీరు పెట్టుకున్న వారే. కథలో కంటెంట్ హీరో నటన కలిపి ఈ సినిమాని ఆస్కార్   బరి లో నిలిపింది.

ఇప్పుడు తాజాగా ఈ హీరో నటించిన అదృశ్య జలకంగళ్ వాటర్ బ్యాక్ డ్రాప్ స్టోరీ తో నవంబర్ 24 న ధియేటర్లలో రిలీజ్ అయి సూపర్ డూపర్ హిట్ తో రికార్డుల వర్షం కురిపిస్తుంది. మైత్రి మూవీ మేకర్స్ ఈ సినిమాను నిర్మించారు. అయితే ఈ సినిమా కోసం టొమినో తన శరీరాన్ని 15 కేజీల వరకు తగ్గించాడు. ఇది డెడికేషన్ అంటూ అతనిని తెగ మెచ్చుకుంటున్నారు నెటిజన్స్.

serials

Jagadhatri Serial: చెల్లెలికి క్షమాపణ చెప్పిన ధాత్రి.. తన వంటతో అందరికీ హడలెత్తించిన నిషిక! 

by Harika
written by Harika

Jagadhatri serial: అందరికీ దగ్గరవమని చెప్తే నువ్వు ఇలా అందరినీ కొట్టి దూరమవుతున్నావు ఇలా అయితే పెత్తనం నీ చేతిలోకి ఎప్పుడు వస్తుంది అని మందలిస్తుంది నిషిక అత్త.

రాగిణి: నిన్ను అందరికీ తలలో నాలికలాగా ఉండి అందరి పనులు చేసి పెట్టమంటే ఇలా అందరితో గొడవ పడుతున్నావు ఇలా అయితే నీ చేతికి పెత్తనం ఎప్పుడు వస్తుంది. అందుకే ఇంట్లో అన్ని పనులు చేసి అందరికీ దగ్గర అవ్వు.

నిషి : అన్ని పనులు అంటే నావల్ల కాదు అంటుంది. కనీసం వంట చేసి అందరికీ పెట్టు అని తల్లి చెప్పడంతో అందుకు సరే అంటుంది.

మరోవైపు నిషిని కొట్టినందుకు బాధపడుతుంది ధాత్రి. చెల్లెలికి క్షమాపణ చెప్పాలి అంటుంది.

కేదార్: తను తప్పు చేసింది కాబట్టి కొట్టావు ఇందులో నీ తప్పేముంది.

ధాత్రి : తప్పు ఎవరిదైనా చిన్నప్పటినుంచి నేను తనని పెంచి పెద్ద చేశాను, ఎప్పుడు చేయి చేసుకోలేదు. తనని కొట్టినందుకు అందరికంటే నాకు ఎక్కువ బాధగా ఉంది అని చెప్పి భర్త చెప్తున్నా వినకుండా నిషి దగ్గరికి వెళ్లి సారీ చెప్తుంది.

 

నిషి: నన్ను కొట్టి సారీ చెప్తే తీరిపోతుందా నేను నిన్ను కొట్టి సారీ చెప్తాను నువ్వు ఒప్పుకుంటావా అంటుంది.

ధాత్రి: ఒక్క చెంప దెబ్బతో నీ కోపం చల్లారుతుంది అంటే నేను కొట్టించుకోవటానికి సిద్ధం, చిన్నప్పటినుంచి ఎన్నోసార్లు నీతో కొట్టించుకున్నాను కదా ఇప్పుడు కొట్టించుకోలేనా అంటుంది.

ధాత్రిని కొట్టడానికి చెయ్యెత్తుతుంది నిషి. అది చూసిన కౌషికి ఆమెని కోప్పడుతుంది.

కౌషికి :  మీరు అసలు మనుషులేనా, నిన్ను కొట్టింది కాబట్టి నువ్వు తనని కొడుతున్నావు మరి నువ్వు కీర్తిని కొట్టావు నన్ను నిన్ను కొట్టమంటావా అని అడుగుతుంది.

ఆ మాటలకి ఒక్కసారిగా షాక్ అవుతారు నిషి, ఆమె తల్లి, అత్త. గొడవ పెద్దదవుతుంది వదిలేయమంటుంది ద్ధాత్రి.

కౌషికి : ఈ గొడవ ఇక్కడితో నేను మర్చిపోతున్నాను నువ్వు కూడా మర్చిపో ఇంకెప్పుడు ఇంట్లో గొడవలు జరగకూడదు వెళ్లి వంట పని చూడండి.

తల్లి మాటలు గుర్తుకు వచ్చి నేను వంట చేస్తాను అంటుంది నిషిక. అక్కడ ఉన్న వాళ్ళందరూ నువ్వు వంట చేయటం ఏంటి అని షాక్ అవుతారు. వైజయంతి కూడా అలాగే అనడంతో ఆమెని పక్కకి తీసుకు వెళుతుంది.

నిషి : ఇన్నాళ్లు పనికి భయపడే వంట చేయలేదు అందుకే పెత్తనం నా చేతికి రావడం లేదు. నేను వంట చేస్తాను బాగోకపోయినా బాగుంది అని చెప్పండి చాలు అని అత్తకు చెప్పి వంట ప్రారంభిస్తుంది.

 

ఆ తర్వాత అందరూ భోజనాల టేబుల్ దగ్గర కూర్చుంటారు.

నిషి : అందరూ భోజనానికి రెడీయే కదా.

బూచి: అదేదో యుద్ధానికి సిద్ధమా అన్నట్టు అడుగుతుంది అనుకుంటాడు.

వైజయంతి : ఇన్నాళ్లు నా కోడలికి వంటలు రావని ఎవరో అన్నారు కదా చూడండి ఇప్పుడు ఎన్ని వంటలు చేసిందో అంటుంది.

ఆ వంటని ముందుగా కాచి తింటుంది ఆమె ఎక్స్ప్రెషన్ చూసి అందరికీ ఆ భోజనం బాగోలేదు అని అర్థమవుతుంది.

బూచి: మామూలుగా అయితే కాచి ఎలా ఉన్నా తినేస్తుంది దానికి కూడా నచ్చలేదంటే నేను భోజనం చేసే ధైర్యం చేయను అని టాబ్లెట్ వేసుకోవాలి అని నేపంతో అక్కడినుంచి వెళ్ళిపోబోతాడు.

అలాగే భోజనం చేసిన ప్రతి ఒక్కరూ భోజనం నచ్చక, బాగోలేదని చెప్పలేక ఏదో ఒక వంకతో అక్కడినుంచి వెళ్ళిపోబోతుంటే అప్పుడే కౌషికి అక్కడికి వస్తుంది.

కౌషికి : అందరం కలిసి భోజనం చేస్తాం కదా వచ్చి కూర్చోండి అనడంతో ఏమీ అనలేక అందరు టేబుల్ దగ్గర కూర్చుంటారు.

అప్పుడు కీర్తి భోజనం నోట్లో పెట్టుకుని బాగోలేదు అని చెప్తుంది. ముందు నేర్చుకొని తర్వాత వంట చేయాలి అని నిషి తో అంటుంది. ఇప్పుడు వంట చేసే టైం లేదు కాబట్టి అందరం రెస్టారెంట్ కి వెళ్లి భోజనం చేద్దాము  అంటుంది.

నిషి: నేను ఇంత కష్టపడి వంట చేస్తే భోజనం చేయకుండా వెళ్ళిపోతే ఎలా అని అందర్నీ భోజనం చేయమంటుంది.

ధాత్రి : నేను నీకు వంట మెల్లిగా నేర్పిస్తాను ఇప్పుడు మాత్రం అందరూ ఆకలితో ఉన్నారు వెళ్ళనివ్వు అంటుంది.

Filmy Adda

ఇలాంటి ప్రోగ్రామ్స్ కూడా ఎందుకు ఇంత దిగజారిపోతున్నాయి..? దీనికి కారణం ఏంటి..?

by Harika
written by Harika

సినిమాలు, సీరియల్స్ తో పాటు ప్రేక్షకులని అంత బాగా ఎంటర్టైన్ చేసేవి టీవీ షోస్. ఈ టీవీ షోస్ లో ఎన్నో రకాలు ఉంటాయి. ప్రతి ఛానల్ వారి స్టైల్ లో ఈ షోస్ ని ప్రేక్షకుల ముందుకి తీసుకువస్తూ ఉంటారు. ఇటీవల కామెడీ షోస్ కి చాలా ఎక్కువగా డిమాండ్ పెరిగిపోయింది.

ప్రతి ఛానల్ లో ఒక కామెడీ షో వస్తోంది. అంతకుముందు గేమ్ షోస్ కి ఎక్కువ ఆదరణ ఉండేది. ఇప్పుడు కామెడీ షోస్ కి కూడా అదే రకంగా ఆదరణ వస్తోంది. అయితే సింగింగ్, డాన్స్ షోస్ మాత్రం ఎవర్ గ్రీన్ అనే విభాగంలోకి చెందుతాయి.

dasari parvathi 2

ఎందుకంటే ఎన్నో సంవత్సరాల నుండి ఈ రెండు విభాగాలకు చెందిన షోస్ వస్తూనే ఉన్నాయి. వస్తూ ఉంటాయి కూడా. వీటి ద్వారా ఎంతో మంది టాలెంట్ ఉన్న వారిని ఇండస్ట్రీకి పరిచయం చేశారు. ఇలాంటి షోస్ అంటే చాలా మందికి ఇష్టంతో పాటు, కొంత గౌరవం కూడా ఉంటుంది. కానీ ఇప్పుడు ఆ గౌరవం పోతోంది. దానికి కారణం టీవీ షోస్ డిజైన్ చేస్తున్న విధానం. కామెడీ షోస్ కి డిమాండ్ బాగానే ఉంది. అక్కడి వరకు బానే ఉంది.

కానీ ప్రతి షోలో కామెడీ పెట్టాల్సిన అవసరం ఏముంది. కామెడీ కోసం కామెడీ షోస్ ఉన్నాయి. అలానే సింగింగ్ కోసం సింగింగ్ షోస్, డాన్స్ కోసం డాన్స్ ప్రోగ్రామ్స్ ఉండొచ్చు కదా. ఇటీవల వస్తున్న కొన్ని షోస్ లో పాటలు రచయితలు, గాయకులు కూడా జడ్జిలుగా పాల్గొంటున్నారు. వారు తమకి ఇచ్చిన జడ్జిమెంట్ అనే పని చేయడం మాత్రమే కాకుండా, కామెడీ కూడా చేస్తున్నారు. అనంత శ్రీరామ్ ఎంతో మంచి పాటల రచయిత. అనంత శ్రీరామ్ న్యాయ నిర్ణేతగా వ్యవహరించినప్పుడు ఆయన ఇచ్చే జడ్జిమెంట్ కూడా చాలా బాగుంటుంది.

sudheer-rashmi

కానీ ఆయనతో కామెడీ చేయించడానికి ప్రయత్నిస్తున్నారు. అసలు దాని అవసరం ఏముంది? అంతే కాకుండా ఈటీవీ ఢీ షో లో అయితే కమెడియన్స్ ని పెట్టి మరి కామెడీ చేయిస్తున్నారు. అంతకుముందు ఇలాంటివి ఉండేవి కాదు. ఆ షో కేవలం డాన్స్ కి మాత్రమే పాపులర్ అయ్యేది. ఇప్పుడు కింద కామెంట్స్ లో సగం మంది డాన్స్ గురించి కామెంట్స్ చేయడం మాని, “హైపర్ ఆది కామెడీ సూపర్. సుడిగాలి సుధీర్ కోసం ఎంత మంది చూస్తున్నారు?” అంటూ కామెంట్స్ చేయడం మొదలు పెట్టారు.

సగం కాదు. దాదాపు మొత్తం కామెంట్స్ వీళ్ళ గురించి ఉంటాయి. వీళ్ళ కోసం జబర్దస్త్ అనే ఒక షో ఉంది కదా? సరే ఈ షోలో వాళ్ళని తీసుకొచ్చి కామెడీ చేయించాల్సిన అవసరం ఏంటి? అసలు ఇక్కడ తప్పు ఎవరిది? సాధారణంగా ఈ ప్రోగ్రామ్స్ రూపొందించే వారు కూడా ప్రేక్షకుల అభిరుచికి తగ్గట్టే చేస్తారు. దీని ప్రకారం చూస్తే ప్రేక్షకులకు ప్రతి దాంట్లో కామెడీ కావాల్సి వస్తుందా? అది కూడా నవ్వు రాని కామెడీ. ఇక్కడ తప్పు అయితే మనదేనా? ఇలాగే చూస్తూ ఉంటే కొన్నాళ్ళు ఆగితే వంట షోలో కూడా కామెడీ పెడతారు ఏమో.

watch video :

ALSO READ : “ఆదిపురుష్” సినిమాతో పాటు… ఈ 2023 లో వచ్చిన 9 “చెత్త” సినిమాలు..!

Filmy Adda

స్టార్ హీరో రెమ్యూనరేషన్ అందుకుంటున్న స్టార్ రైటర్..

by Harika
written by Harika

టాలీవుడ్ లో రైటర్స్ కి కొదవ ఏమీ లేదు.. అయితే అందులో మంచి సక్సెస్ అందుకున్న వారు కొందరనే చెప్పాలి. అలా ప్రస్తుతం టాలీవుడ్ లో మోస్ట్ సక్సెస్ఫుల్ రైటర్ గా పేరు పొందిన వ్యక్తి విజయేంద్ర ప్రసాద్.

కోడూరి వెంకట విజయేంద్ర ప్రసాద్ అలియాస్ కె.వి.వి. ప్రసాద్.. బొబ్బిలి సింహం, ఘరానా బుల్లోడు లాంటి పలు సూపర్ డూపర్ చిత్రాలకు కథలు అందించారు. అయితే ఈయన రేంజ్ అమాంతం పెంచిన మూవీ మాత్రం బాహుబలి. ఈ మూవీ డైరెక్టర్ జక్కన్న స్వయంగా ఈయనకు కొడుకు.

vijayendra prasad about rajamouli

జక్కన్న చిత్రాలతో విజయేంద్ర ప్రసాద్ ఇమేజ్ ..బాలీవుడ్ దర్శక నిర్మాతలు కూడా స్టోరీస్ కోసం ఆయనను అడిగే అంత రేంజ్కి పెరిగింది. ప్రస్తుతం అందరూ అనుకుంటున్నాట్లు విజయేంద్ర ప్రసాద్ కేవలం రాజమౌళి చిత్రాలకు మాత్రమే స్టోరీస్ అందించడం లేదు. హిందీలో సల్మాన్ ఖాన్ నటించిన బజరంగీ భాయిజాన్ మూవీ సక్సెస్ తర్వాత మణికర్ణికాలాంటి మరో సూపర్ హిట్ చిత్రానికి ఆయన స్టోరీ అందించారు.

ప్రస్తుతం సీత ది ఇన్ కారినేషన్ అనే పాన్ ఇండియన్ రేంజ్ బాలీవుడ్ మూవీ కి స్టోరీ అందించే పనిలో బిజీగా ఉన్నారు. వీటితోపాటు సూపర్ స్టార్ మహేష్, జక్కన్న కాంబోలో రాబోతున్న మూవీకి కూడా విజయేంద్ర ప్రసాద్ కథ అందిస్తున్నారు. రైటర్లకు స్టార్ హీరోల రేంజ్ పారితోషకం అందడం చాలా అరుదు. వందల కోట్లు వసూలు చేసే సినిమా రాసి రైటర్ కు వచ్చే రెమ్యూనరేషన్ చాలా తక్కువ అనే చెప్పాలి. అయితే విజయేంద్ర ప్రసాద్ మాత్రం రైటర్ గా కథ అందివ్వడం కోసం అక్షరాల ఐదు కోట్ల రూపాయల రెమ్యూనరేషన్ తీసుకుంటారట. ప్రస్తుతం ఇండియన్ సిల్వర్ స్క్రీన్ పై రైటర్ గా అత్యధిక పారితోషకం అందుకుంటున్న వ్యక్తి విజయేంద్ర ప్రసాద్ అనడంలో ఎటువంటి డౌట్ లేదు. ముందు ముందు ఈ రెమ్యూనరేషన్ మరింత పెరిగే ఆస్కారం కూడా ఉంది.

Politics

YCP MLA Alla Rama Krishna Reddy: మంగళగిరి వైసీపీ ఎమ్మెల్యే రాజీనామాకి కారణం ఏంటి.? రాజీనామా లేఖలో ఏముందంటే.?

by Harika
written by Harika

మరొక నాలుగు నెలలు ఆంధ్రప్రదేశ్లో ఎన్నికలు జరగబోతున్నటువంటి నేపథ్యంలో వైఎస్ఆర్సిపి పార్టీకి గట్టి షాక్ తగిలిందని తెలుస్తోంది. వైఎస్ఆర్సిపి పార్టీలో ఎమ్మెల్యేగా ఎంతో కీలక బాధ్యతలు నిర్వహిస్తున్నటువంటి మంగళగిరి ఎమ్మెల్యే ఆళ్ల రామకృష్ణారెడ్డి ఎమ్మెల్యే పదవికి రాజీనామా చేయడం ఒక్కసారిగా ఏపీ రాష్ట్ర రాజకీయాలలో చర్చలకు కారణమైంది. ఇలా ఉన్నఫలంగా ఆళ్ల రామకృష్ణారెడ్డి రాజీనామా చేయడానికి గల కారణం ఏంటి అనే విషయంపై చర్చలు జరుగుతున్నాయి.

ఈ సందర్భంగా నేడు ఉదయం ఆళ్ల రామకృష్ణారెడ్డి తన ఎమ్మెల్యే పదవికి రాజీనామా చేస్తూ రాజీనామా లేఖను స్పీకర్ తమ్మినేని సీతారాంకు పంపించారు. ఇలా ఉన్నఫలంగా రామకృష్ణారెడ్డి పార్టీ నుంచి తప్పుకోవడానికి గల కారణాలు ఏంటి అనే విషయం మాత్రం తెలియడం లేదు. ఇలా తన ఎమ్మెల్యే పదవికి మాత్రమే రాజీనామా చేయడమే కాకుండా వైఎస్ఆర్సిపి పార్టీ సభ్యత్వానికి కూడా ఈయన రాజీనామా చేసినట్లు పేర్కొన్నారు.

తాను వైయస్సార్ హయాంలోని రెండుసార్లు ఎమ్మెల్యే టికెట్ ఆశించినప్పటికీ తనకు రాలేదు ఆయనప్పటికి నేను వైయస్సార్ గారిని కాంగ్రెస్ పార్టీని ఎప్పుడు కూడా వీడలేదని వారిని ఒక్క మాట కూడా అనలేదని ఈయన మీడియా సమావేశంలో తెలిపారు. అదే విధంగా వైఎస్సార్సీపీ పార్టీని స్థాపించిన తర్వాత జగన్మోహన్ రెడ్డి పిలుపుమేరకు తాను ఈ పార్టీలోకి వచ్చాను ఆయన నాకు రెండు సార్లు ఎమ్మెల్యే టికెట్ ఇచ్చారు అందుకు తనకు ధన్యవాదాలు అంటూ తెలియజేశారు.

ఉన్నఫలంగా తాను పార్టీ నుంచి తొలగిపోవడానికి నా వ్యక్తిగత కారణాలే కారణమని ఈయన చెప్పకు వచ్చారు. అయితే టీవీ 9 కథనం ప్రకారం ఈయన రాజీనామా చేయడానికి కారణం హై కమాండ్ ఈయనని గత కొంతకాలంగా దూరం పెడుతూ రావడమే రావడమనే అని అంటున్నారు.ఆళ్ల రామకృష్ణారెడ్డికి తెలియకుండా తన నియోజకవర్గంలో పార్టీకి సంబంధించినటువంటి ఎన్నో పనులు జరుగుతున్నాయి దీంతో ఆయన కాస్త అసంతృప్తికి లోనయ్యారని అని అంటున్నారు. ఇటీవల వైఎస్ఆర్సిపి పార్టీ కార్యాలయాన్ని ఏర్పాటు చేసిన ఆ విషయం కూడా ఆయనకీ తెలీదు అంట.  ఇక ఈ పార్టీ ఆఫీసు ప్రారంభోత్సవ కార్యక్రమానికి మంగళగిరి నియోజకవర్గ ఇన్చార్జ్ గంజి చిరంజీవిని ఆహ్వానించి ఆయన చేతుల మీదుగా జరిపించారు.

ఇలా పార్టీ హై కమాండ్ తనని ఏ విషయంలోనూ దగ్గరకు రానీయకుండా దూరం పెట్టడంతోనే అసంతృప్తికి లోనయ్యారని అలాగే వచ్చే ఎన్నికలలో రెడ్డి సామాజిక వర్గానికి కాకుండా బీసీ సామాజిక వర్గానికి టికెట్ ఇస్తారన్న ప్రచారం కూడా జరుగుతుంది.మరి ఆళ్ల రామకృష్ణారెడ్డి ఉన్నఫలంగా పార్టీకి అలాగే ఎమ్మెల్యే పదవికి దూరం కావడానికి గల కారణాలు ఏంటి అనే విషయాలు తెలియాల్సి ఉంది. మరి ఇందులో నిజమెంత అనేది తెలియదు.రాజానామాకి కారణాన్ని ఆయన స్వయంగా చెప్తారో లేదో చూడాలి.

Human angle

వేలకోట్ల ఆస్తికి ఒక మెకానిక్ అధినేత.. అతని సక్సెస్ స్టోరీ వింటే శభాష్ అనాల్సిందే?

by Harika
written by Harika

మనిషి అనుకుంటే సాధించలేనిది ఏదీ లేదని ఎంతోమంది నిరూపించారు. ఇప్పటికి కూడా చాలామంది సాధారణ పౌరుల నుంచి ఎంతోమందికి ఆదర్శంగా నిలిచే స్థాయికి ఎదిగారు. అలాంటి వారిలో ఇప్పుడు మనం తెలుసుకోబోయే వ్యక్తి కూడా ఒకరు. కేరళలో జన్మించి ప్రముఖ వ్యాపారవేత్తగా ఎదిగిన జార్జ్ వి నేరేపరంబిల్. ఇంతకీ ఈయనెవరు, సాధించిన సక్సెస్ ఏంటి? అన్న వివరాల్లోకి వెళితే.. ఒక సాధారణ కుటుంబంలో జన్మించిన జార్జ్ తన 11 ఏళ్ల వయసు నుంచి తన తండ్రికి వాణిజ్య పంటల వ్యాపారంలో సహాయం చేశాడు. అంతే కాకుండా మార్కెట్‌కు వస్తువులను రవాణా చేయడం, బేరం చేయడం వంటివి చేసేవాడు.

దీంతో అతి తక్కువ కాలంలోనే వ్యాపారంలో మెళుకువలు తెలుసుకున్నాడు. ఆ తరువాత ఈయన కొంత కాలం మెకానిక్‌గా కూడా పనిచేశాడట. ఆ తరువాత 1976లో షార్జాకు రావడంతో అతని జీవితం మలుపు తిరిగింది. అప్పట్లో అభివృద్ధి చెందుతున్న ఆ ప్రాంతంలో ఎడారి వేడికి తప్పకుండా ఎయిర్ కండిషనింగ్ రంగం పురోగతి సాధిస్తుందని గ్రహించాడు. ఈ ఆలోచనే నేడు జీఈఓ గ్రూప్ ఆఫ్ కంపెనీస్ అని పిలిచే ఒక భారీ సామ్రాజ్యంగా ఏర్పడింది. నేడు గల్ఫ్ ప్రాంతంలో ప్రముఖ భారతీయ వ్యాపార దిగ్గజాలలో జార్జ్ వి నేరేపరంబిల్ ఒకరుగా పాపులర్ అయ్యాడు. ఈ రోజు బుర్జ్ ఖలీఫాలో ఒకటి రెండు కాదు ఏకంగా ఏకంగా 22 లగ్జరీ అపార్ట్‌మెంట్‌లను కొనుగోలు చేసినట్లు సమాచారం.

అంతే కాకుండా జార్జ్ అపార్ట్‌మెంట్‌ల గోడలు, సీలింగ్‌లు, అంతస్తులు బంగారంతో చేసిన డెకర్‌తో కప్పబడి ఉన్నట్లు నివేదించారు. అయితే ఒకప్పుడు తన బంధువుల్లో ఒకరు నువ్వు బుర్జ్ ఖలీఫాలో ప్రవేశించలేవని ఆటపట్టించాడట. కానీ 2010లో జార్జ్ ఆ భవనంలో ఒక అపార్ట్‌మెంట్‌ని అద్దెకు తీసుకోగలిగాడు. ఇప్పుడు ఏకంగా 22 అపార్ట్‌మెంట్‌లను కొనుగోలు చేసే వాటికి అధినేతగా ఉన్నారు. భవిష్యత్తులో మరిన్ని సొంతం చేసుకోవడానికి సిద్ధంగా ఉన్నట్లు చెబుతున్నారు. కాగా ఆయన మొత్తం ఆస్తి రూ.4800 కోట్లు అని సమాచారం. ప్రస్తుతం బుర్జ్ ఖలీఫా అందించే 900 అపార్ట్‌మెంట్‌లలో దాదాపు 150 అపార్ట్‌మెంట్‌లలో భారతీయులే ఉన్నారని చెబుతారు. అందులో కూడా ఎక్కువ అపార్ట్‌మెంట్‌ లను కలిగిన వ్యక్తి నేరేపరంబిల్ కావడం విశేషం. ఒకప్పుడు మెకానిక్‌గా పనిచేసి నేడు ఎంతోమందికి స్ఫూర్తిదాయకంగా నిలుస్తున్నారు.

Politics

TS IT Minister Sridhar Babu: తెలంగాణ కొత్త ఐటీ మినిస్టర్ గురించి ఈ విషయాలు తెలుసా.? 1999 నుండి 2009 వరకు..!

by Harika
written by Harika

తెలంగాణలో కాంగ్రెస్ ప్రభుత్వం అధికారంలోకి వచ్చి బాధ్యతలు చేపట్టింది సీఎం రేవంత్ రెడ్డి ప్రమాణ స్వీకారం చేయగా, ఆయనతో పాటు పలువురు మంత్రులు కూడా ప్రమాణ స్వీకారం చేశారు . అయితే అప్పుడు మంత్రులకు ఏ శాఖ అనేది కేటాయించలేదు. తాజాగా మంత్రులకు శాఖలను ప్రకటించారు. అయితే రాష్ట్ర ప్రజలందరూ దృష్టి కూడా ఐటీ శాఖ పై పడింది. ఈ శాఖ ఎవరికిస్తారా అంటూ యువత ఎదురుచూశారు. అయితే ముందు నుంచి అనుకుంటున్నట్లుగానే ఐటీ శాఖను దుద్దిళ్ళ శ్రీధర్ బాబుకు కేటాయించారు.

అయితే ఐటి మినిస్టర్ అనగానే అందరికీ గుర్తొచ్చేది కేటీఆర్. టిఆర్ఎస్ హయాంలో హైదరాబాదుని ఐటీ శాఖ పరంగా డెవలప్ చేయడం లో కేటీఆర్ కీలక పాత్ర పోషించారు. పలు మల్టీ నేషనల్ కంపెనీలు హైదరాబాదులో తమ కార్యకలాపాలను ప్రారంభించాయి అంటే దాని వెనక ఉన్నది కేటీఆర్. అయితే ఇప్పుడు కాంగ్రెస్ ప్రభుత్వం లో ఐటి మినిస్టర్ ఎవరు వచ్చినా సరే కేటీఆర్ ను దాటుకుని పని చేయగలరా అంటూ ప్రశ్నలు వచ్చాయి. ఇప్పుడు ఆ శాఖను శ్రీధర్ బాబుకు కేటాయించారు. గతంలో శ్రీధర్ బాబుకు మంత్రిగా పనిచేసిన అనుభవం ఉన్నా కూడా ఐటీ మంత్రిగా అనుభవం లేదు.

ఒకసారి శ్రీధర్ బాబు ప్రస్థనాన్ని చూసుకుంటే మంథని నియోజకవర్గం నుండి 1999 నుంచి 2009 వరకు వరుసగా మూడుసార్లు దుద్దిళ్ల శ్రీధర్ బాబు గెలిచారు. 2014లో బీఆర్ఎస్ అభ్యర్థి పుట్ట మధుకర్ గెలవగా, 2018 ఎన్నికల్లో శ్రీధర్‌బాబు గెలిచారు. తాజాగా జరిగిన ఎన్నికల్లోనూ మరోసారి శ్రీదర్ బాబు కాంగ్రెస్ అభ్యర్థిగా గెలుపొందారు.

ప్రముఖ కాంగ్రెస్ నేత శాసనసభ మాజీ స్పీకర్ దుద్దిళ్ళ శ్రీపాద రావు, జయమ్మలకు 1969 మార్చి 30న జన్మించారు. ఢిల్లీ విశ్వవిద్యాలయంలో న్యాయవాద విద్యను అభ్యసించారు. 1998లో ఆంధ్రప్రదేశ్ హైకోర్టులో న్యాయవాద వృత్తిని చేపట్టారు. అయితే తండ్రి శ్రీపాద రావు మరణంతో అనూహ్యంగా రాజకీయాల్లోకి వచ్చారు శ్రీధర్ బాబు. రాజకీయ వారసునిగా పాలిటిక్స్ లోకి అడుగుపెట్టి 1999లో కాంగ్రెస్ అభ్యర్థిగా గెలిచారు. రాష్ట్ర విభజనకు ముందు ఉమ్మడి ఆంధ్రప్రదేశ్ ప్రభుత్వంలో పౌర సరఫరాలు, వినియోగదారుల వ్యవహారాలు, లీగల్ మెట్రాలజీ, శాసన వ్యవహారాల మంత్రిగా పనిచేశారు. ఇప్పుడు ఐటీ మినిస్టర్‌గా కొత్త బాధ్యతలు చేపట్టారు.

ఇక శ్రీధర్‌బాబు గురించి మరో ఆసక్తికర విషయం ఉంది. విద్యార్థి దశ నుండి ఆయన మంచి క్రికెట్ ప్లేయర్ . శ్రీధర్‌బాబు నిజాం కళాశాల, హైదరాబాద్ విశ్వవిద్యాలయానికి క్రికెట్‌లో ప్రాతినిధ్యం వహించారు.ఎమ్మెల్యేగా ఉన్నప్పుడు తెలంగాణ కేడర్ ఇండియన్ అడ్మినిస్ట్రేటివ్ సర్వీస్ అధికారి శైలాజా రామయ్యర్‌తో వివాహం చేసుకున్నారు. ఈ దంపతులకు ఇద్దరు పిల్లలున్నారు.ఏ పదవిలో ఉన్నా తన పనితీరుతో ఆ పొజిషన్‌కు న్యాయం చేసిన నాయకుడిగా పేరు తెచ్చుకున్న శ్రీధర్‌బాబు ఐటీ శాఖ మంత్రిగా తన మార్క్‌ చూపించాలని తెలంగాణ ప్రజలు, ఐటీ ఉద్యోగులు, యువత అభినందనలు తెలియజేస్తున్నారు.

Human anglePolitics

Seethakka: ఒకప్పుడు తుపాకీ పట్టారు…ఇప్పుడు మంత్రిగా ప్రమాణ స్వీకారం.! ఆమె గురించి ఈ విషయాలు తెలుసా.?

by Harika
written by Harika

అనసూయ అలియాస్ సీతక్క.. తెలంగాణ ఎన్నికల తర్వాత మారుమోగుతున్న పేరు. ఏదో వారసత్వంతో ఎన్నికల్లో గెలిచి ఉన్నా లేక మామూలు వ్యక్తిగా పోటీ చేసి గెలిచి ఉన్న ఇంత డిస్కషన్ వచ్చేది కాదు కానీ ఒక మావోయిస్టుగా ఉండి ఆ తరువాత జనజీవన స్రవంతిలో కలిసి ఇప్పుడు తనని తాను నిరూపించుకొని ఎమ్మెల్యేగా ఎన్నిక అయి ఏకంగా మంత్రి కావడంతో.. ఈమె గురించి చర్చ జరుగుతోంది. జీవితంలో ఎన్నో ఒడిదుడుకులు ఎదుర్కొని ఒక మహిళ మావోయిస్టు నుంచి మంత్రి వరకు ప్రయాణించడం అంటే మాటలు కాదు కదా. నీతిగా ధర్మం కోసం పోరాడే వాళ్లకు ఎప్పుడూ అపజయం ఉండదు అన్నదానికి సీతక్కలాంటి వాళ్ళ జీవితం ఒక గొప్ప ఉదాహరణ.

public response for seethakka oath

తెలంగాణ ముఖ్యమంత్రి రేవంత్ రెడ్డి ప్రమాణ స్వీకారం జరిగింది. రేవంత్ రెడ్డితో పాటు సహ మంత్రులు అంతా కూడా ఇవాళ ప్రమాణ స్వీకారం చేశారు. “రేవంత్ రెడ్డి అనే నేను” అని అనడంతో ఎల్పీ స్టేడియం మొత్తం మోత మోగిపోయింది. తర్వాత కొంత మంది మంత్రులు ప్రమాణ స్వీకారం చేశారు. ఆ తర్వాత ఎనిమిదవ మంత్రిగా సీతక్క వచ్చారు. సీతక్కని చూసిన ప్రజలు, కాంగ్రెస్ నాయకులు చప్పట్లు కొట్టారు. సీతక్క అందరికీ అభివాదం చేశారు.

public response for seethakka oath

ఆ తరువాత గవర్నర్ తమిళిసై వచ్చి, “తమిళిసై అనే నేను” అని అన్నా కూడా అక్కడ ప్రజల అరుపులు ఏమాత్రం తగ్గలేదు. దాంతో సీతక్క మళ్ళీ వచ్చి అభివాదం చేశారు. అప్పటికే ఆలస్యం అవుతుండడంతో గవర్నర్ జోక్యం చేసుకొని ప్రమాణ స్వీకారం చేయాలి అన్నట్టుగా సైగ చేశారు. దాంతో సీతక్క వచ్చి, “దనసరి అనసూయ సీతక్క అనే నేను” అన్నారు.

ఇలా చెప్పిన తర్వాత అంతా అరుపులతో హోరెత్తిపోయింది. ఒక రకంగా చెప్పాలి అంటే రేవంత్ రెడ్డి ప్రమాణ స్వీకారం చేస్తున్నప్పటి కంటే, సీతక్క ప్రమాణ స్వీకారం చేస్తున్నప్పుడే ప్రజల అరుపులు ఇంకా ఎక్కువగా ఉన్నాయి. ఇది చూసిన వారు అందరూ కూడా, “బాహుబలి రేంజ్ లో సీతక్కకి అభిమానులు ఉన్నారు. సీతక్క ప్రమాణస్వీకారం చూస్తూ ఉంటే బాహుబలి సినిమాలో అమరేంద్ర “బాహుబలి అనే నేను” అంటూ ప్రభాస్ చేసే సీన్ గుర్తొచ్చింది” అంటూ కామెంట్స్ చేస్తున్నారు.

watch video:

అయితే ఎవరు ఈ సీతక్క…ఎందుకు ఆమెకి అంత క్రేజ్ అంటే….1971 జూలై 9 లో ములుగు జిల్లా జగ్గన్నపేటలో దనసరి అనసూయ అలియాస్ సీతక్క జన్మించారు. ఆదివాసీ కోయ తెగ కుటుంబంలో జన్మించిన సీతక్క పదవ తరగతి చదువుతున్నప్పుడే అడవి బాట పట్టారు. పూలన్ దేవి రచనల ప్రభావంతో అడవి అండగా ఉంటుంది తుపాకీ పడితేనే అరాచకాలను అరికట్టచ్చు నమ్మి 1988లో నక్సల్ పార్టీలో చేరి సీతక్కగా మారారు. ఆ తర్వాత నక్సల్ నాయకుడిని వివాహం చేసుకున్నారు సీతక్క. వారికి ఒక కొడుకు కూడా ఉన్నారు. దాదాపు 15 ఏళ్లు అడవిలోనే గడిపిన తర్వాత సీనియర్ ఎన్టీఆర్ గారు ఇచ్చిన పిలుపుతో టీడీపీ హయాంలో జనజీవన స్రవంతిలో కలిసిపోయారు సీతక్క.

అన్యాయం మీద పోరాడేందుకు 2001లో LLB చదివి సామాజిక సేవల్లో చురుగ్గా పాల్గొన్నారు. జనం మెచ్చిన నాయకురాలుగా ఆమె పేరు తెచ్చుకోవడంతో 2004 ఎన్నికల్లో టిడిపి ఆమెకు ములుగు టికెట్‌ కూడా ఇచ్చారు. అలా తొలిసారి 2004లో మొదటిసారి టిడిపి నుంచి పోటీ చేసి ఓటమి పాలయ్యారు. ఆ తర్వాత 2009లో టిడిపి తరఫున తొలిసారి శాసనసభలోకి ఎంట్రీ ఇచ్చారు.

మళ్లీ తిరిగి 2018లో కాంగ్రెస్ నుంచి విజయం సాధించారు. ఆమె తన దృష్టి కేవలం రాజకీయంపైనే పెట్టలేదు.. కరోనాతో బాధపడుతున్న గిరిజనులకు అండగా నిలబడింది. ఆమె చేసే సేవ చూసి అందరూ.. తమ చుట్టూ ఉన్నవాళ్లలో సీతక్క లాంటి వాళ్ళు ఎక్కువ ఉంటే బాగున్ను అని భావించేవారు. మైళ్ళ దూరం అడవిలోకి నడిచి వెళ్లి.. కరోనా సమయంలో మందులు, ఆహారం నిత్యవసరాలు గిరిజనులకు అందించి చేయూతగా నిలబడింది. “ఒకప్పుడు నా చేతిలో తుపాకీ ఉండేది, ఇప్పుడు బియ్యం, కూరగాయలు ఉంటున్నాయని ఆమె ఆనందంగా చెబుతున్నారు.” అని సీతక్క అన్న మాట తన గొప్పతనానికి నిదర్శనం.

ములుగు నియోజకవర్గం అంటే పూర్తిగా ఏజన్సి ప్రాంతం, దట్టమైన అడవులు, గిరిజన తెగలు.. రోడ్డు మార్గం కూడా కరువైన ప్రాంతాలు..అలాంటి ప్రాంతాల్లో కాలినడకనైనా ప్రయాణిస్తూ అక్కడి ప్రజలకు కరోనా గురించి అవగాహన కల్పించి వ్యక్తి గత శుబ్రత తదితర విషయాలను గిరిజనులకి వివరించి, వారికి కావలసిన నిత్యావసర వస్తువులను అందించారు సీతక్క.

ఇక ఈసారి తెలంగాణ ఎన్నికల్లో కాంగ్రెస్ తరపున పోటీ చేసిన సీతక్క తన ప్రత్యర్థిపై 33,700 మెజార్టీతో విజయం సాధించారు. ఒక గిరిజన వర్గానికి చెందిన మహిళ తొలిసారి మంత్రివర్గ ప్రమాణంకు శ్రీకారం చుట్టింది.  టీడీపీలో ఉన్నప్పటి నుండి రేవంత్ రెడ్డి గారితో సీతక్క పరిచయం. సొంత అన్నాచెల్లెలాగే ఉండేవారు ఇద్దరు. ఈ విషయాన్ని పలువేదికలపై స్వయంగా రేవంత్ రెడ్డి గారే చెప్పారు. 2023 ఎన్నికల ప్రచారాన్ని కూడా ములుగు నుండే మొదలుపెట్టారు. ఈ రోజు సీతక్క గిరిజన శాఖ మంత్రిగా నియమించబడడం ప్రతి తెలుగువారికి గర్వకారణం.

Newer Posts
Older Posts