Harika

సూపర్ స్టార్ కృష్ణ ప్రయోగాలకు మారుపేరు. టాలీవుడ్‌కు కౌబాయ్, జేమ్స్ బాండ్ చిత్రాలను పరిచయం చేసిన హీరో. తెలుగు సినిమా ఖ్యాతిని మరోస్థాయికి తీసుకువెళ్లి సంచలనాలకు కేరాఫ్ అడ్రస్‌గా నిలిచారు. టాలీవుడ్ ఇండస్ట్రీకి ఎన్నో బ్లాక్‌బస్టర్ సినిమాలను అందించి చరిత్రలో తన పేరును నిలిచిపోయేలా చేసుకున్నారు. కృష్ణ తేనే మనసులు చిత్రం తో సినిమా ఇండస్ట్రీ లోకి అడుగు పెట్టారు. అయితే ఆ చిత్ర సమయంలో కృష్ణ తనని తాను ప్రేక్షకులకు పరిచయం చేసుకుంటూ ఒక లేఖ రాసారు.

ఆయన స్వయంగా రాసిన ఆ లేఖ ఇప్పుడు వైరల్‌గా మారింది. ఆ లేఖ లో కృష్ణ ఏం రాసారంటే..” రసిక ప్రపంచానికి నా వందనాలు నాపేరు కృష్ణ. ‘తేనె మనసులు’ చిత్రంలో పేరు బసవరాజు. సినిమాలో నటించాలన్న ఆశతో ఎన్నాళ్ల నుంచో లెఫ్ట్ రైట్ కొడుతూ కలగంటున్న నాకు ఇన్నాళ్లకు అది రంగురంగుల కలగా ఈస్ట్మన్ కలర్లో నిజమైంది. కాని దానికోసం దర్శకులు, డాన్సు డైరెక్టర్ నాచేత మూడు మాసాలబాటు అక్షరాలా డ్రిల్లు చేయించారు. తరవాత నటన నేర్పారు. డాన్సు నేర్పారు. చివరికి నావేషం ఏమిటండీ అంటే.. డ్రిల్లు మేష్టరేనన్నారు. నటన మాత్రం డ్రిల్లు లాగే రాకుండా జాగ్రత్తగా, శ్రద్ధగా చేశాననుకోండి. మీరందరూ చూసి బాగోగులు చెప్పే క్షణం కోసం ఆశతో ఆరాటంతో ఎదురు చూస్తున్నాను. ఉగాదికి నా శుభాకాంక్షలు – కృష్ణ, 27.03.65” అని రాసారు.

ఆదుర్తి సుబ్బారావు దర్శకత్వంలో వచ్చిన ‘తేనెమనసులు’ సినిమా 1965 మార్చి 31న రిలీజ్ అయింది. దానికి ముందు ప్రీ రిలీజ్ కార్యక్రమంలో కృష్ణ తనను తాను ఇలా సరికొత్తగా పరిచయం చేసుకున్నారు. ఇలాంటి వినూత్న ఆలోచనలతో కృష్ణ అందరి దృష్టినీ ఆకర్షించే వారు. ప్రస్తుతం ఈ లెటర్ వైరల్ అవుతోంది. ఈ చిత్రం తర్వాత వచ్చిన ‘గూఢచారి 116’ సినిమా తో ఆయన వెనుదిరిగి చూసుకోలేదు. ఆ తర్వాత ఆయన 20 చిత్రాల్లో నటించేందుకు సంతకాలు చేసారు.

కృష్ణ రోజుకి మూడు షిఫ్టుల్లో పనిచేసి ఏడాదికి పదుల సంఖ్యలో సినిమాలు విడుదల చేసేవారంటే సినిమా పట్ల ఆయనకు ఉన్న ఆసక్తి ఏంటో అర్ధమవుతుంది. అప్పట్లోనే కౌ బాయ్, జేమ్స్ బాండ్ లాంటి సినిమాలను పరిచయం చేసి ట్రెండ్ సెట్ చేశారు కృష్ణ. ఆయన చేసే ప్రతీ ప్రయోగం ఇండస్ట్రీకు ఎంతో ఉపయోగపడింది. ఒక రకంగా చెప్పాలంటే తెలుగు సినిమా ఇండస్ట్రీ సాంకేతికంగా అభివృద్ధి చెందటానికి కృష్ణ ప్రముఖ పాత్ర పోషించారు.

కళాతపస్వి కె.విశ్వనాథ్ తెలుగు చిత్ర పరిశ్రమలోనే కాకుండా బాలీవుడ్ ఇండస్ట్రీలో కూడా మర్చిపోలేని సినిమాలను తెరపైకి తీసుకువచ్చారు. కొన్ని సినిమాలు బాక్స్ ఆఫీస్ వద్ద భారీ స్థాయిలో విజయాలను అందుకునేవి. స్టార్ హీరోలు కూడా కమర్షియల్ గా ఆలోచించకుండా ఆయనతో సినిమాలు చేయడానికి ఎక్కువగా ఆసక్తిని చూపించేవారు. ఆయన సినిమాలతో ఎన్నో లెక్కలేనన్ని అవార్డులు, రివార్డులు అందుకున్నారు. ఆయన ప్రతి సినిమాకి ఏదో ఒక అవార్డు వచ్చింది. అంతలా ఆయన సినిమాలు అవార్డుల జ్యురి మెంబర్స్ ని కూడా కదిలించాయి.

ఎన్నో కల్ట్ క్లాసిక్స్ లాంటి సినిమాలతో ప్రేక్షకులని మెప్పించడమే కాకుండా భావి దర్శకులకు ఒక మార్గదర్శకంగా నిలిచారు కె.విశ్వనాథ్. ఇక విశ్వనాథ్ సినీ జీవితంలో తీసిన మరపురాని చిత్రాలేవో ఇప్పడు చూద్దాం..

#1 శంకరాభరణం

1980 లో వచ్చిన ‘శంకరాభరణం’ సినిమా తెలుగు బెస్ట్ క్లాసిక్ సినిమాల్లో ఒకటి. సాంప్రదాయం సంగీత కళకు అద్దం పట్టేలా ఉండే ఆ సినిమా విడుదలైన అన్ని భాషల్లో కూడా మంచి క్రేజ్ అందుకుంది. అత్యంత ప్రజాదరణ పొందిన సినిమాగా శంకరాభరణం నేషనల్ అవార్డు గెలుచుకుంది. ఈ చిత్రం లో సోమయాజులు, మంజు భార్గవి, చంద్రమోహన్ నటించారు. కెవి. మహదేవన్ సంగీతం ఈ చిత్రానికి ప్రాణం పోసింది.

#2 సాగర సంగమం

కళాతపస్వి తో చిత్రాలు చేసేందుకు స్టార్ హీరోలందరూ క్యూ కట్టేవారు. కమలహాసన్ స్వయంగా విశ్వనాధ్ దగ్గరకు వచ్చి ఆయనతో సినిమా చేస్తానని చెప్పారట. అలా ‘సాగర సంగమం’ చిత్రం చేసారు విశ్వనాథ్. అప్పట్లో ఈ చిత్రం బాక్స్ ఆఫీస్ వద్ద కమలహాసన్ కెరీర్ లో అత్యధిక కలెక్షన్స్ అందుకున్న సినిమాగా నిలిచింది.

#3 స్వాతి ముత్యం

ఆ తర్వాత వచ్చిన స్వాతి ముత్యం చిత్రం కూడా రికార్డ్స్ కొల్లగొట్టింది. 1985లో విడుదలైన తెలుగు కుటుంబ కథా చిత్రం ‘స్వాతిముత్యం’. పెద్దలని ఎదిరించి పెళ్ళి చేసుకున్న ఒక సాంప్రదాయ సామాన్య కుటుంబానికి చెందిన యువతి, చిన్నపుడే భర్త పోతే ఎదురుకున్న పరిస్థితులు ఇందులో చూపించారు. ఈ చిత్రం లో రాధికా, కమల్ హాసన్ ప్రధాన పాత్రల్లో నటించారు.

#4 స్వర్ణ కమలం

చిత్రకారుడైన యువకుడు తన పక్కింట్లో ఉండే బ్రాహ్మణ విద్వాంసుని కుమార్తెను నాట్యకళలో ప్రోత్సహించి ఉన్నత శిఖరాలకు చేర్చడమే ఈ సినిమా కథ. ఇందులో వెంకటేష్, భానుప్రియ అద్భుతంగా నటించి మెప్పించారు.

#5 స్వయంకృషి

కృషి, నైతికత, స్వావలంబన విలువలను పెంపొందించే గొప్ప కుటుంబ కథా చిత్రం ‘స్వయంకృషి’. ఈ సినిమాలో చిరంజీవి చెప్పులు కుట్టే వ్యక్తి పాత్రలో నటించారు. చెప్పులు కుట్టుకునే సాధారణ వ్యక్తి ఆ తర్వాత ఎన్నో చెప్పులు దుకాణాలు ప్రారంభించి గొప్ప సంపన్న వ్యక్తిగా ఎలా మారతాడనేది ఈ సినిమాలో చూపించారు. అప్పటికే కమర్షియల్ చిత్రాల్లో హీరోగా నటిస్తున్న చిరంజీవిని ఈ చిత్రం లో చెప్పులు కుట్టే వ్యక్తిగా చూపించడమంటే పెద్ద సామసమనే చెప్పాలి.

#6 శుభలేఖ

అప్పటికి సినిమాల్లో నిలదొక్కుకుంటున్న చిరంజీవికి ‘శుభలేఖ’ మంచి గుర్తింపు తెచ్చింది. వరకట్నానికి వ్యతిరేకం గా తెరకెక్కించిన ఈ చిత్రం లో సుమలత, చిరంజీవి అద్భుతంగా నటించారు.

#7 సిరివెన్నెల

1986లో విడుదలైన సంగీత ప్రాధాన్యతా చిత్రం ‘సిరివెన్నెల’. సర్వదమన్ బెనర్జీ, సుహాసిని జంటగా నటించారు. కె. వి. మహదేవన్ సంగీత దర్శకత్వం వహించిన ఈ సినిమాలోని పాటలన్నీ సీతారామ శాస్త్రి రాశారు. ఆ తర్వాత ఈ సినిమా పేరే ఆయన ఇంటి పేరుగా మారింది.

#8 స్వాతి కిరణం

‘స్వాతి కిరణం’ చిత్రం 1992లో విడుదలై అద్భుత విజయాన్ని అందుకుంది. మమ్ముట్టి, రాధిక ప్రధాన పాత్రల్లో నటించారు.

#9 శ్రుతిలయలు

రాజశేఖర్, సుమలత ప్రధాన పాత్రల్లో తెరకెక్కిన శ్రుతిలయలు చిత్రానికి గాను విశ్వనాథ్ గారు బెస్ట్ డైరెక్టర్ అవార్డు గెలుచుకున్నారు.

#10 శుభ సంకల్పం

కమల్ హాసన్, ఆమని ముఖ్యపాత్రల్లో నటించిన ఈ చిత్రానికి కీరవాణి సంగీతం అందించారు.

#11 ఆపద్భాంధవుడు

చిరంజీవి స్టార్ హీరోగా ఎదిగిన తర్వాత తీసిన చిత్రం ఆపద్భాంధవుడు. ఈ చిత్రం లో మీనాక్షి శేషాద్రి హీరోయిన్ గా నటించారు.

#12 సప్తపది

కళాతపస్వి విశ్వనాథ్ తన సినిమాల్లో అన్నిభావాలను వ్యక్తపరచడానికి సంగీతాన్ని ప్రధాన ఆయుధంగా ఎంచుకున్నారు. ఈ చిత్రం లో కూడా సినిమాలో త్యాగరాయ కీర్తన ద్వారా తన ప్రేమను, అందులో తన్మయత్వాన్ని, ఎదురుచూపును తెలియజేస్తుంది కథానాయక.

#13 సిరి సిరి మువ్వ

ఈ సినిమాతో దర్శకుడు విశ్వనాథ్ ప్రతిభ వెలుగులో వచ్చింది. ఒక మూగ యువతికి, అనాధ యువకుడికి మధ్య ఉన్న బంధాన్ని ఈ చిత్రం లో చూపించారు.

వరుసగా సినిమాలు చేస్తూ దూసుకుపోతున్న యంగ్ హీరో సాయి ధరమ్ తేజ్. ఇటీవల విరూపాక్ష సినిమాతో ప్రేక్షకుల ముందుకి వచ్చిన సాయి ధరమ్ తేజ్, బ్రో సినిమాలో కూడా ముఖ్య పాత్రలో నటించారు. విరూపాక్ష సినిమా సూపర్ హిట్ అవ్వగా, బ్రో సినిమా మాత్రం ఆశించిన ఫలితాన్ని పొందలేదు.

బ్రో సినిమా తర్వాత కొన్ని నెలలు గ్యాప్ తీసుకుంటాను అని సాయి ధరమ్ తేజ్ చెప్పారు. చెప్పినట్టుగానే సాయి ధరమ్ తేజ్ తీసుకొని తన నెక్స్ట్ సినిమా ప్రిపరేషన్ పనిలో ఉన్నారు. సాయి ధరమ్ తేజ్, సంపత్ నంది దర్శకత్వంలో వస్తున్న గాంజా శంకర్ సినిమాలో నటిస్తున్నారు.

ఈ సినిమా ఆగిపోయింది అంటూ ఏవేవో వార్తలు వచ్చాయి. కానీ అవన్నీ సాయి ధరమ్ తేజ్ తప్పు అని చెప్పారు. అవన్నీ కేవలం వార్తలు మాత్రమే అని క్లారిటీ ఇచ్చారు. అయితే, సాయి ధరమ్ తేజ్ ఇప్పుడు తన పేరులో దుర్గా పేరుని యాడ్ చేసుకుంటున్నట్టు చెప్పారు. తన పేరు సాయి దుర్గా తేజ్ అని చెప్పారు. దుర్గా అనేది సాయి ధరమ్ తేజ్ తల్లి పేరు. అందుకే తన తల్లి పేరుని తన పేరులో కలుపుకుంటున్నట్టు చెప్పారు.

అంతే కాకుండా, సాయి ధరమ్ తేజ్ , విజయదుర్గ ప్రొడక్షన్స్ పేరుతో తన సొంత బ్యానర్ ప్రకటించారు. ఈ వేడుకలో సాయి ధరమ్ తేజ్ తో పాటు మరొక వ్యక్తి కూడా ఉన్నారు. ఆయన కూడా ఒక హీరో. ఆయన పేరు నవీన్ విజయ్ కృష్ణ. నందిని నర్సింగ్ హోమ్, కీర్తి సురేష్ తో కలిసి అయినా ఇష్టం నువ్వు అనే సినిమాల్లో కూడా నటించారు. అసలు కీర్తి సురేష్ మొదటి సినిమా కూడా ఇదే. ఆ తర్వాత ఇంకా కొన్ని సినిమాల్లో నటించారు.

నవీన్, సాయి ధరమ్ తేజ్ కి చాలా మంచి ఫ్రెండ్. అంతే కాకుండా, నవీన్ తండ్రి కూడా మనందరికీ తెలిసిన చాలా పెద్ద నటులు. ఆయన సీనియర్ యాక్టర్ నరేష్. హీరోగా ఎన్నో సినిమాల్లో నటించి, ఇప్పుడు సహాయ పాత్రల్లో, ముఖ్య పాత్రల్లో నటిస్తున్నారు. నవీన్ కూడా కొన్ని సినిమాల్లో నటించారు. ఇటీవల సాయి ధరమ్ తేజ్, కలర్స్ స్వాతి నటించిన సత్య అనే ఒక కాన్సెప్ట్ ఓరియంటెడ్ పాటకి కూడా దర్శకత్వం వహించారు. అలా ఇప్పుడు దర్శకత్వం వైపు కూడా అడుగు పెట్టారు. ఇవాళ సాయి ధరమ్ తేజ్ తో పాటు విజయదుర్గ ప్రొడక్షన్స్ యొక్క లాంచ్ ఈవెంట్ లో కనిపించారు. ఇందులో దిల్ రాజు కూడా పాల్గొన్నారు.

ALSO READ : సినిమా పాటలనే కాదు… సీన్స్ ని కూడా వదలట్లేదుగా..? అసలు సీరియల్ లో ఇలాంటి సీన్ ఎందుకు పెట్టారు..?

ఇటీవల టాలీవుడ్ కు ఇతర ప్రాంతాలనుంచి హీరోయిన్లు వరదల్లా వచ్చి పడుతున్నారు. టాలెంట్ ఉంటే టాలీవుడ్ లో తిరుగుండదు అని ఇప్పటికే చాలా మంది హీరోయిన్స్ నిరూపించుకున్నారు. మనదగ్గర రాణిస్తున్న వయ్యారి భామలంతా ఇతర రాష్ట్రాల నుంచి వచ్చిన వారే.. ముఖ్యంగా కేరళ, కన్నడ నుంచి ఎక్కువమంది ముద్దుగుమ్మలు టాలీవుడ్లోకి అడుగుపెడుతున్నారు. అలాగే ఇటీవల ఓ అనువాద చిత్రం తో తెలుగు ప్రేక్షకులకు కూడా చేరువైంది ఇవానా. అదే ‘లవ్ టుడే’ మూవీ.

ప్రస్తుతం యువత ఎలా ఉంది? ప్రేమలో ఎలాంటి పరిస్థితులను ఎదుర్కొంటున్నారో ఈ సినిమా ద్వారా చక్కగా చూపించారు దర్శకుడు ప్రదీప్ రంగనాథన్. ఇవానా ఇందులో నటించి అందరి హృదయాలు కొల్లగొట్టింది. అయితే ఇవానా ఇంతకు ముందు నటించిన ఓ చిత్రం లోని స్టిల్ ఒకటి ప్రస్తుతం నెట్టింట వైరల్ గా మారింది. అసలు అందులో ఉన్నది ఇవానా నేనా.. అస్సలు గుర్తుపట్టలేకపోతున్నాం అంటూ కామెంట్స్ చేస్తున్నారు ఆమె ఫాన్స్. చైల్డ్‌ ఆర్టిస్ట్‌గా ఇవానా 2012లో మలయాళ ఇండస్ట్రీలోకి అడుగుపెట్టింది. మూడు సినిమాల్లో బాల నటిగా నటించింది. ఆ తర్వాత 2018లో కోలీవుడ్‌లోకి వెళ్లింది.

ఆ తర్వాత జ్యోతిక లీడ్‌ రోల్‌లో తెరకెక్కిన నాచియర్‌ ( తెలుగులో ఝాన్సీ) సినిమాలో కీలక పాత్ర పోషించింది. జీవీ ప్రకాశ్‌కు జోడీగా అరసి అనే పాత్రలో జీవించింది. ఆ చిత్రం లోనిదే ఈ స్టిల్. ఈ సినిమాలో ఇవానా నటనకు ప్రశంసలు దక్కాయి. ఫిలింఫేర్‌, సైమా అవార్డుల కోసం నామినేట్‌ కూడా అయ్యింది. ఈ సినిమా తర్వాత శివకార్తికేయన్‌ నటించిన హీరో చిత్రంలో కీలక పాత్రలో నటించింది. ఇప్పుడు తొలిసారిగా లవ్‌ టుడే సినిమాలో హీరోయిన్‌గా నటించింది. ఈ సినిమా బ్లాక్‌బస్టర్‌ కావడంతో తమిళంతో పాటు తెలుగులో కూడా ఇవానాకు మంచి అవకాశాలు వస్తున్నాయి.

లవ్ టుడే లో అమ్మడి నటనకు.. అందానికి ప్రేక్షకులు ఫిదా అయ్యారు. అమ్మాయి అంటే ఇలానే ఉండాలి.. ఫ్యూచర్ లో ఇలాంటమ్మాయి లవర్ గా కుదిరితే వైఫ్ గా రావాలని అని కలలు కంటున్నారు కుర్రకారు. ఇక ఈ అమ్మడి నటన అయితే సూపర్ అనే చెప్పాలి. లవ్ టు డే సినిమా తెలుగులోనూ మెప్పించడంతో ఈ ముద్దుగుమ్మ కు తెలుగు ఆఫర్లు వెల్లువెత్తుతున్నాయని తెలుస్తోంది. ఇప్పటికే తెలుగులో ఓ మంచి ఆఫర్ ఇవానాకి వచ్చినట్టు తెలుస్తోంది.