kavitha

తెలుగు విలక్షణ నటుల్లో దగ్గుబాటి రానా ఒకరు. టాలీవుడ్ లో గొప్ప పేరున్న దగ్గుబాటి వారసుడుగా ఇండస్ట్రీలో అడుగు పెట్టినప్పటికీ, రానా తనకంటూ ప్రత్యేక గుర్తింపు తెచ్చుకోవడానికి కృషి చేశాడు. ‘బాహుబలి’ మూవీతో దేశ వ్యాప్తంగా గుర్తింపు తెచ్చుకున్నాడు.

రానా దగ్గుబాటి తాజాగా తన కొత్త సినిమాని ప్రకటించారు. పౌరాణిక చిత్రం ‘హిరణ్యకశ్యప’ లో రానా హిరణ్యకశిపుడిగా నటించబోతున్నారు. అమెరికాలో జరుగుతున్న ప్రతిష్టాత్మక సాన్ డిగో కామిక్ కాన్‌లో రానా ‘హిరణ్యకశ్యప’ మూవీని ప్రకటించి, ఒక పోస్టర్ ను రిలీజ్ చేశారు. అయితే దీనిపై దర్శకుడు గుణశేఖర్ ట్వీట్ లో పరోక్షంగా రానా పై అసహనాన్ని తెలిపినట్లు తెలుస్తోంది. ఆ వివరాలు ఇప్పుడు చూద్దాం..
హిరణ్యకశ్యప సినిమాని రానా చేస్తాడని చాలా కాలం నుండి వార్తలు వస్తున్నాయి. ఫైనల్ గా కామిక్ కాన్‍లో ఈ సినిమాని రానా ప్రకటించాడు. తన సొంత సంస్థలోనే ఈ సినిమాను రానా నిర్మించనున్నాడు. అమరచిత్ర కథ కామిక్స్ స్టోరీ ఆధారంగా ఈ సినిమా తెరకెక్కనుంది. ఈ చిత్రానికి మాటల మాంత్రికుడు త్రివిక్రమ్ శ్రీనివాస్ స్క్రిప్ట్ రాయనున్నాడు. అయితే హిరణ్యకశ్యప మూవీని గుణశేఖర్ 2019లోనే ప్రకటించారు. ఇది భారీ బడ్జెట్ తో నిర్మించనున్నట్లు, హీరోగా రానాను ప్రకటించారు.
గుణశేఖర్ ఏళ్ల తరబడి ఈ సినిమా ప్రీ ప్రొడక్షన్ పై వర్క్ చేశారు. ఈ చిత్రం గుణశేఖర్ డ్రీమ్ ప్రాజెక్ట్. తాజాగా రానా ప్రకటించడంతో గుణశేఖర్ అసహనానికి గురైనట్టు తెలుస్తోంది. ఆయన చేసిన ట్వీట్ ఆ మూవీ గురించే అని అంటున్నారు. ట్వీట్ లో గుణశేఖర్, ‘దేవుడిని మీ స్టోరీకి ప్రధాన ఇతివృత్తంగా చేస్తున్నప్పుడు, దేవుడు మీ చిత్తశుద్ధిని గమనిస్తుంటాడని కూడా మీరు గుర్తుంచుకోవాలి. అనైతిక చర్యలకు నైతిక మార్గాల ద్వారా సమాధానం ఇవ్వబడుతుంది’ అని రాసుకొచ్చాడు.గుణశేఖర్ ఇందులో ఎవరి పేరును వెల్లడించనప్పటికీ, రానా, త్రివిక్రమ్ లను లక్ష్యం చేశారని సమాచారం. తన కష్టాన్ని మరిచిపోయి ఆ సినిమాని వేరే వారికి అప్పగించిన రానా, ఈ మూవీకి స్క్రిప్ట్ అందిస్తున్న త్రివిక్రమ్ లకు నైతికత లేదని గుణశేఖర్ ఫీల్ అవుతున్నట్టు నెటిజెన్స్ అభిప్రాయ పడుతున్నారు. కొందరు గుణశేఖర్ కు సపోర్ట్ చేస్తూ రానా, త్రివిక్రమ్ లను తిడుతున్నారు.

Also Read: ఇంత మంచి హీరో “కార్ డ్రైవర్” గా ఎందుకు మారాల్సి వచ్చింది..? ఇప్పుడు ఏం చేస్తున్నారు..?

ట్రైయాంగిల్ ప్రేమ కథతో తెరకెక్కిన చిత్రం ‘బేబీ’. జూలై 14న థియేటర్లలో రిలీజ్ అయిన ఈ మూవీ బాక్సాఫీస్ దగ్గర భారీగా కలెక్షన్స్ రాబడుతోంది. ఆనంద్ దేవరకొండ, విరాజ్ అశ్విన్, వైష్ణవి చైతన్య, ప్రధానపాత్రలలో నటించగా, సాయి రాజేష్ దర్శకత్వం వహించారు. ఈ సినిమాకి ఆడియెన్స్ నుండి విపరీతమైన రెస్పాన్స్ వస్తోంది.

యువతకు, లవ్ ఫెయిల్యూర్ అయినవాళ్లకు ఈ చిత్రం కనెక్ట్ అవుతుండడంతో తొలి షో నుండి సూపర్ హిట్ టాక్ తో దూసుకెళ్తోంది. సామాన్యుల నుండి సెలబ్రెటీల వరకు ఈ సినిమా పై ప్రశంసలు కురిపిస్తున్నారు. అయితే  ఏ ప్రశ్నకైనా సమాధానం దొరికే కోరాలో బేబీ సినిమా ఎలా ఉందని అడుగగా, ఒక యూజర్ ఈ మూవీ గురించి ఏం  చెప్పారో ఇప్పుడు చూద్దాం..
“బేబీ సినిమా ఎలా ఉంది? దానిపై మీ రివ్యూ ఏంటి?” అని కోరాలో ప్రశ్నించగా, దానికి శ్రీహర్ష అనే యూజర్ ఇలా చెప్పుకొచ్చారు. “ఒక సినిమా ఫేమస్ అవ్వడానికి, సినిమాని హిట్ చేయడానికి చాలా మార్గాలు ఉన్నాయి. అందులో కొంత మంది నిజ జీవితానికి దగ్గరగా తీస్తారు. మరి కొందరు సమాజంలో ఎక్కడో జరిగే ఒక ఎక్స్ట్రీమ్ పరిస్థితిని చూపించి ప్రపంచం అంతా ఇంతే ఉందా ? అన్న భావన కలిగేలా తీస్తారు. సమాజానికి అన్ని రకాల సినిమాలు అవసరమే.
కాకపోతే కొన్ని ఎంత ఎక్స్ట్రీమ్ గా ఉంటాయంటే అసలు ఈ సినిమా తీయడం నిజంగా అవసరమా ? అన్న భావన కలుగుతుంది. ఆ కోవలోకే ఈ “బేబీ ” సినిమా వస్తుంది. డైరెక్టర్ సాయి రాజేష్ హృదయ కాలేయం, కొబ్బరి మట్ట లాంటి సినిమాలతో మనల్ని నవ్వించాడు. కలర్ ఫోటో లాంటి సినిమాకు కథ రాసి జనాల గుండెలను తాకాడు. కానీ బేబీ లాంటి సినిమా తీసి విజయమైతే సాధించాడు కానీ, ఒక దర్శకుడిగా తన స్థాయిని బాగా తగ్గించుకున్నాడు. ఇందులో కథ గురించి చెప్పడానికి ఏమి లేదు ట్రైలర్ లో చూపించిందే.
ఒక స్కూల్ అమ్మాయి ( వైష్ణవి చైతన్య ) అబ్బాయిని (ఆనంద్ దేవరకొండ ) ప్రేమిస్తుంది. అబ్బాయి టెన్త్ ఫెయిల్ అయ్యి ఆటో డ్రైవర్ గా పని చేస్తూ ఉంటాడు. వైష్ణవి మట్టుకు ఇంజనీరింగ్ కాలేజీ దాకా వెళుతుంది. అక్కడ ఉండే కొత్త పోకడలకు పూర్తిగా ఆకర్షితురాలై తన ప్రవర్తన, అలవాట్లు, డ్రెస్సింగ్, ఆలోచనలు అన్ని మార్చేసుకుంటుంది. స్వతహా మొదటి నుంచి వైష్ణవికి రిచ్ లైఫ్, గిఫ్టుల మీద ఆశ ఎక్కువ ఉండటం వలన తప్పు దారి పడుతుంది. అక్కడ కలిగే కొత్త పరిచయాలు, అట్లాగే విరాజ్ కొత్తగా తన జీవితంలోకి రావడం, అతనితో స్నేహాన్ని మించిన బంధం.
ఒకేసారి ఆనంద్, విరాజ్ ఇద్దరితో ఆడుకోవడం, చెడు స్నేహాలు, ఇలా ఒక్కో పరిస్థితి వలన తెలియకుండానే వైష్ణవి ఒక ఊబిలో పడిపోతుంది. ఇంకా క్లైమాక్స్ ఏంటి అని స్క్రీన్ మీద చూడాలి. ఈ సినిమాలో ఇంకో ప్రత్యేకత ఉంది. సినిమాలో క్యారెక్టర్ల పేర్లు కూడా వాళ్ళ పేర్లే ఉంటాయి. ఉదాహరణకు ఆనంద్, వైష్ణవి, విరాజ్, కుసుమ, సీత వంటివి. ఈ మధ్యన మన తెలుగు దర్శకుల పంథా ఎలా ఉందంటే బయట టీనేజ్ పిల్లలు, లేదా 20ల్లో ఉన్న వాళ్ళు బాతులు బాగా వాడుతారు. కాబట్టి, బయట జరిగిందే చూపిస్తున్నాం కదా అని అంటారు.
ముఖ్యంగా అమ్మాయిలను నెగటివ్ గా చూపించడం అనేది Rx 100 తో ఊపందుకుంది. 2005 లో మన్మథలో చూపించారు. ఇప్పడూ అది బ్యాక్ టూ బ్యాక్ చూపిస్తున్నారు. ప్రేక్షకులు కూడా అలాంటి సినిమాలకు బ్రహ్మ రథం పడుతున్నారు . అందరు అమ్మాయిలు ఇలా ఉన్నారని కాదు కానీ, బహుశ సమాజంలో అమ్మాయిల్లో వస్తున్న మార్పుని దర్శకుడు చూపించే ప్రయత్నం చేసాడని అనిపించింది. సినిమా హిట్ అయింది అంటే జనాలు దీనికి బాగా కనెక్ట్ అయ్యారు అని అర్ధం. బహుశ కొన్ని పరిస్థితులు బయట అలానే ఉన్నాయేమో అనిపించింది.
ఫ్యామిలిస్ ఈ సినిమా చూడటం అనేది చాలా దూరం. ఒక్క టీనెజర్స్, కాలేజీ స్టూడెంట్స్ తప్ప ఈ సినిమాని ఎవరు ఎంజాయ్ చేయలేరు. ఆ దశలో ఉన్న వాళ్లకు బాగా నచ్చుతుంది. ఇప్పడీ  తరం అమ్మాయిలు అబ్బాయి ఈ సినిమా లో చూపించిన విరాజ్, వైష్ణవిలాగానే ఉన్నారు. అబ్బాయిలు చాలా మంది తమని ఆనంద్ దేవరకొండ క్యారక్టర్ తో తమని తాము పోల్చుకుంటారు. ఆర్ ఎక్స్ 100 లాంటి సినిమాతో దర్శకుడు ఆడియన్స్ కు షాక్ ఇచ్చాడు. దాదాపు అదే పంథాలో ఈ సినిమా కూడా సాగుతుంది.
కాకపోతే ఈ సినిమాలో వైష్ణవి పరిస్థితుల వలన చెడిందైతే, ఆర్ ఎక్స్ 100 లో హీరోయిన్ క్యారెక్టర్ పరమ వరస్ట్ గా ఉంటుంది. నటినటుల గురించి మాట్లాడుకోవాలి అంటే, ముందుగా వైష్ణవి గురించి చెప్పాలి.  సాఫ్ట్ వేర్ డెవలపర్ వెబ్ సిరీస్ లో అందరికి తెలిసిన వైష్ణవి. బేబీలో చాలా బాగా నటించింది. ఒక స్కూల్ అమ్మాయిగా, కాలేజీ అమ్మాయిగా, చెడు దోవ పట్టిన అమ్మాయిలాగ వేరియేషన్స్ చాలా అద్భుతంగా చూపించింది. ఎక్కడ కూడా మోనోటనీ రాలేదు. ప్రతి క్యారక్టర్ లో కొత్తగా ఎక్స్ప్రెషన్ పెట్టింది. బాడీ లాంగ్వేజ్ కూడా మారింది.
మొదట చేసిన తీన్మార్ డాన్స్ నుంచి,టెన్త్  క్లాస్ అమ్మాయిగా, ఆనంద్ ప్రేయసిగా, ఆ తరువాత ఒక హై క్లాస్ అమ్మాయిగా విరాజ్ కు కలరింగ్ ఇచ్చేడప్పుడు, మందు తాగి ఆనంద్ తో మాట్లాడేటప్పుడు, బాడీ లాంగ్వేజ్ కానీ, వేరియేషన్ కానీ అద్భుతంగా చూపించింది. వైష్ణవి పాత్రని బాగా పండించింది. వైష్ణవి స్టార్ హీరోయిన్ కాకపోవచ్చు. కాని ఐశ్వర్య రాజేష్ లా మంచి నటిగా గుర్తింపు పొందుతుందని అనుకుంటున్నాను. ఆనంద్ నటనతో తన ప్రత్యేకతను చాటాడు. ప్రేయసి మోసం చేస్తే ఒక ప్రియుడి పరిస్థితి ఎంత దారుణంగా ఉంటుందో ఆ బాధను బాగా చూపించాడు.
మనసారా ప్రేమించిన అమ్మాయి గుండెల్లో గుచ్చితే ఎలా ఉంటుందో చాలా బాగా తెలిసేలా నటించాడు. విరాజ్ ఉన్నంతలో బాగానే చేసాడు. ఇంకా మిగతా వాళ్లంతా వాళ్ళ వాళ్ళ పరిధుల్లో బాగానే నటించారు. సినిమా కథనం ఎక్కడా బోర్ కొట్టకుండా, సాగుతుంది. ఒక్క ప్రీ క్లైమాక్స్ మాత్రమే బాగా సాగదీసినట్టు అనిపించింది. విరాజ్ క్యారక్టర్ విషయంలో మట్టుకు దర్శకుడు రాజేష్ కొంచెం కంఫ్యూజ్ చేసాడు. విరాజ్ వైష్ణవిని ప్రేమిస్తున్నాడా? కామిస్తున్నాడా ? అన్న క్లారిటీ లేకుండా చేసాడు.
కెమెరా వర్క్ కూడా చాలా బాగుంది సినిమా రిచ్ గా కనిపించి కానీ ఎక్కడ కూడా చిన్న సినిమాలాగా అనిపించలేదు. మొదటి నుంచి ఫేమస్ అయిన ” ఓ రెండు మేఘాలిలా ” పాట మంచి ఫీల్ ఉన్న టైంలో సినిమాలో వస్తుంది. అనంత శ్రీరామ్ ఈ పాటకు లిరిక్స్ చాలా అద్భుతంగా రాసాడు. మన్మధ, ఆర్ ఎక్స్  100, బేబీ లాంటి సినిమాలతో ఇప్పుడు హీరోయిన్లు ఎంత బ్యాడ్ అయితే అంతగా జనాలు పడి పడి చూస్తున్నారా? అన్న భావన కలిగేలా దర్శకులు మార్చేశారు. ఈ సినిమా చూడాలి అంటే 22 ఏళ్ళ వాళ్ళ లాగ ఫీల్ అయ్యి చూడాలి. అప్పుడే ఎంజాయ్ చేయగలము.
ఫ్యామిలిస్ ఇంకా లేడీస్ మట్టుకు ఈ సినిమాకు కచ్చితంగా దూరంగా ఉండొచ్చు. ఒక నెల తరువాత ఓటీటీలో ఫ్రీగా వచ్చింది కదా అని కక్కుర్తి పడి అందరి ముందర చూడొద్దు సినిమాలో చాలా చోట్ల, సీన్లు,  బూతులు ఉంటాయి. ఇళ్లలో పెద్దవాళ్ళ ముందర లేదా పిల్లల ముందర పరువు పోతుంది. ఇయర్ ఫోన్స్ యే శరణ్యం, తస్మాత్ జాగ్రత్త. వన్ లైన్ రివ్యూ దీని గురించి రాయాలి అంటే ” Oh baby.. సినిమా హిట్ అయితే కొట్టావు కానీ తెలుగు సినిమా స్థాయిని ఇంకో 4 మెట్లు దిగజార్చావు, ఈ తరం అబ్బాయిలకు అమ్మాయిల మీద అనుమానాలు పెంచావు” అని బేబీ గురించి చెప్పారు.

Also Read: “మన్మధ” తో పాటు… హీరోయిన్ ని “నెగెటివ్” గా చూపించిన 14 సినిమాలు..!

సౌత్ ఇండస్ట్రీలో మోస్ట్ టాలెంటెడ్ మ్యూజిక్ డైరెక్టర్లలో అనిరుధ్ ఒకరు. తనకన్నా సీనియర్ మ్యూజిక్ డైరెక్టర్లు అయిన యువన్ శంకర్ రాజా, హరీష్ జైరాజ్ వంటివారిని బీట్ చేసి, అనిరుధ్ కోలీవుడ్ లో నెంబర్ వన్ స్థానంలో నిలిచాడు. అనిరుధ్ పాటలకు మాత్రమే కాకుండా ఆయన బ్యాగ్రౌండ్ స్కోర్ కి కూడా సపరేట్ ఫ్యాన్ బేస్ ఉంది.

బాలీవుడ్ మూవీ జవాన్ కి కూడా అనిరుధ్ మ్యూజిక్ అందించారు. ఇటీవల రిలీజ్ అయిన ట్రైలర్ ప్రివ్యూకి ఆడియెన్స్ నుండి మంచి రెస్పాన్స్ వచ్చిన విషయం తెలిసిందే. తాజాగా ఈ మూవీకి అనిరుధ్ అందుకున్న రెమ్యూనరేషన్ గురించిన ఒక వార్త వైరల్ అవుతోంది. ఆ వివరాలు ఇప్పుడు చూద్దాం..
కోలీవుడ్ లో ఎన్నో సూపర్ హిట్ చిత్రాలకు చార్ట్ బస్టర్ పాటలను అనిరుధ్ రవిచందర్ అందించారు. పవన్ కళ్యాణ్ నటించిన “అజ్ఞాతవాసి” మూవీతో తెలుగువారికి కూడా పరిచయమయ్యారు. కానీ ఆ మూవీలో పాటలతో పెద్దగా మెప్పించలేకపోయారు. ఆ తరువాత నాని నటించిన “గ్యాంగ్ లీడర్” మూవీతో ఒకే అనిపించాడు. ఇక జెర్సీ మూవీతో తెలుగు ఆడియెన్స్ ను ఆకట్టుకున్న అనిరుధ్, తాజాగా మూడు పెద్ద సినిమాలకు సైన్ చేశారని తెలుస్తోంది.
అనిరుధ్ ప్రస్తుతం షారుక్ ఖాన్, అట్లీ కాంబోలో తెరకెక్కుతున్న జవాన్ సినిమాకి మ్యూజిక్ డైరెక్టర్ గా పని చేస్తున్నారు. ఈ చిత్రంలో విజయ్ సేతుపతి, నయనతార, దీపికా పదుకొనే వంటి వారు నటిస్తున్న ఈ చిత్రం పై భారీ అంచనాలు ఏర్పడ్డాయి. అయితే ప్రస్తుతం మూవీ పై అంచనాల కన్నా, ఈ మూవీ కోసం అనిరుధ్ అందుకుంటున్న పారితోషికం పైనే చర్చ ఎక్కువగా నడుస్తోంది. ఎందుకంటే జవాన్ మూవీకి అనిరుధ్ రూ.10 కోట్లు రెమ్యూనరేషన్  అందుకున్నాడట. ప్రస్తుతం ఈ వార్త బాలీవుడ్ లో చర్చనీయాంశంగా మారిపోయింది.
భారతీయ సినీ ఇండస్ట్రీలో అత్యధిక రెమ్యూనరేషన్ అందుకునే సంగీత దర్శకుడు ఏఆర్ రెహమాన్. ఆయన ఒక  మూవీకి దాదాపు రూ.8 కోట్లు పారితోషికం అందుకుంటాడు. అయితే ఇప్పుడు యువ సంగీత దర్శకుడు అనిరుధ్ ఆస్కార్ విన్నర్ రెహమాన్ ను కూడా మించిపోయాడు. అనిరుధ్ రెమ్యూనరేషన్ విషయాన్ని బాక్సాఫీస్ వరల్డ్‌వైడ్ రిపోర్ట్ తెలిపింది. అనిరుధ్ జవాన్ తో పాటుగా లియో, జైలర్, ఇండియన్ 2 వంటి చిత్రాలకు సంగీతాన్ని అందిస్తున్నాడు.

Also Read: “ఒరిజినల్ అని చెప్పి ఫ్యాన్ మేడ్ పోస్టర్ రిలీజ్ చేశారు ఏంటి..?” అంటూ… ప్రాజెక్ట్-K నుండి “ప్రభాస్” ఫస్ట్‌లుక్‌పై 15 మీమ్స్..!

ఆనంద్ దేవరకొండ హీరోగా, వైష్ణవి చైతన్య హీరోయిన్ గా నటించిన బేబీ సినిమాలో సెకండ్ హీరోగా విరాజ్ అశ్విన్ నటించారు. ముక్కోణపు ప్రేమకథగా తెరకెక్కిన బేబీ సినిమా బాక్సాఫీస్ వద్ద వసూళ్లలో సంచలనాలు సృష్టిస్తోంది. ఈ మూవీకి సి రాజేష్ దర్శకత్వం వహించారు.

ఈ చిత్రంలో హీరోయిన్ ను నెగెటివ్ గా చూపించారు. అయితే ఇలాంటి సినిమాలు అంటే హీరోయిన్ ను నెగెటివ్ గా చూపించిన సినిమాలు గతంలో ఎక్కువగానే వచ్చాయి. వాటిలో ఎక్కువ శాతం చిత్రాలు విజయం సాధించాయి. అయితే కథానాయకను నెగటివ్ షేడ్స్ లో చూపించిన సినిమాలు ఏమిటో ఇప్పుడు చూద్దాం..
1. బేబీ:

చిన్నప్పటి నుండి ప్రేమించిన వ్యక్తిని మోసం చేసే పాత్రలో హీరోయిన్ వైష్ణవి చైతన్య నటించింది. 2. ఆర్ ఎక్స్ 100:

కార్తికేయ హీరోగా నటించిన ఈ మూవీలో హీరోయిన్ పాయల్ రాజ్ పూత్ హీరోని ప్రేమించి, మోసం చేసే ఇందు అనే పాత్రలో నటించింది.
3. డిజే టిల్లు:

సిద్దు జొన్నలగడ్డ హీరోగా నటించిన ఈ చిత్రంలో రాధికగా నెగెటివ్ షేడ్స్ ఉన్న పాత్రలో నేహాశెట్టి నటించింది.
4. రారండోయ్ వేడుక చూద్దాం:

నాగచైతన్య హీరోగా నటించిన ఈ మూవీలో రకుల ప్రీత్ సింగ్ నెగెటివ్ షేడ్స్ ఉన్న పాత్రలో నటించింది.
5. మన్మధ:

శింబు హీరోగా నటించిన ఈ చిత్రంలో హీరోని మోసం చేసే వైష్ణవి అనే పాత్రలో సింధు తులానీ నటించింది.
6. నీవెవరో:

ఆదిపినిశెట్టి హీరోగా నటించిన ఈ మూవీలో తాప్సీ కళావతి అనే నెగెటివ్ షేడ్స్ ఉన్న పాత్రలో నటించింది.
7. వల్లభ:

శింబు, నయనతార  హీరోహీరోయిన్లుగా నటించిన ఈ మూవీలో ప్రేమించిన హీరోని ఇబ్బంది పెట్టె నెగెటివ్ షేడ్స్ ఉన్న పాత్రలో రీమా సేన్ నటించింది.
8. శుభలగ్నం:

శుభలగ్నం సినిమాలో డబ్బు కోసం భర్తనే అమ్ముకునే పాత్రలో హీరోయిన్ ఆమని నటించింది.
9. ఇంగ్లీష్ పెళ్ళాం ఈస్ట్ గోదావరి మొగుడు:

ఈ చిత్రంలో హీరోయిన్ రమ్యకృష్ణ నెగెటివ్ షేడ్స్ ఉన్న శిరీష పాత్రలో నటించింది.
10. ప్రేమించాను నిన్నే:

ఈ చిత్రంలో మంజుల కుమార్తె హీరోయిన్ శ్రీదేవి హీరోని మోసం చేసే పాత్రలో నటించింది.
11. ధర్మయోగి:

హీరోయిన్ త్రిష రుద్ర అనే పాత్రలో ప్రేమించిన హీరోనే చంపే పాత్రలో నటించింది.
12. గుండెల్లో గోదారి:

హీరోయిన్ తాప్సీ ఈ చిత్రంలో నెగెటివ్ షేడ్స్ ఉన్న సరళ అనే పాత్రలో నటించింది.
13. బస్ స్టాప్:

ఈ చిత్రంలో ఆనంది నెగెటివ్ షేడ్స్ ఉన్న సీమా అనే పాత్రలో నటించింది.
14. సూర్య వంశం:

ఈ చిత్రంలో చదువు లేదని ప్రేమించిన హీరోని కాకుండా వేరే వ్యక్తిని పెళ్లి చేసుకునే పాత్రలో సంఘవి నటించింది.
Also Read: నటకిరీటి “రాజేంద్ర ప్రసాద్” ఎంత గొప్ప నటుడో తెలిపే 10 సినిమాలు..! లిస్ట్‌లో ఉన్న సినిమాలు ఏవంటే..?

ప్రముఖ హీరో రాజశేఖర్‌, ఆయన భార్య జీవితకు నాంపల్లి 17వ మెట్రోపాలిటన్ కోర్టు పరువు నష్టం కేసులో సంవత్సరం పాటు జైలుశిక్షతో పాటుగా 5 వేల రూపాయల జరిమానాను విధించింది. అది మాత్రమే కాకుండా ఈ కేసు విషయంగా  అప్పీలుకు వెళ్లేందుకు అవకాశం ఇస్తూ, కండిషన్స్ తో కూడిన బెయిల్ ను కోర్టు మంజూరు చేసింది.

సినీ ప్రముఖులు అయిన రాజశేఖర్, జీవితల గురించి ప్రత్యేకించి చెప్పవలసిన పని లేదు. ఒకప్పటి హీరోహీరోయిన్లు అయిన వీరిద్దరూ వివాహం చేసుకున్నారు. హీరోయిన్‌గా ఎంట్రీ ఇచ్చిన జీవిత దర్శకురాలిగా ప్రత్యేక గుర్తింపును తెచ్చుకుంది. కోర్టు వీరిద్దరికి జైలు శిక్ష ఎందుకు విధించింది? ఆ వివరాలు ఇప్పుడు చూద్దాం..
రాజశేఖర్‌ దంపతులు మెగాస్టార్ చిరంజీవి బ్లడ్‌ బ్యాంక్‌ పై 2011లో మీడియా సమావేశంలో చిరంజీవి బ్లడ్‌బ్యాంక్ సేకరించిన బ్లడ్ ని ఎక్కువ ధరకు అమ్ముకుంటున్నారని ఆరోపణలు చేశారు. ఈ విషయం పై చిరంజీవి బావ మరిది అయిన అల్లు అరవింద్ అప్పట్లోనే రాజశేఖర్, జీవిత చేసిన విమర్శలు చేసినందుకు కోర్టును ఆశ్రయించారు.
చిరంజీవి పేరిట నడుస్తున్న ట్రస్టు, సేవా కార్యక్రమాల పై తప్పుడు ఆరోపణలు చేసారని పరువు నష్టం కేసు వేశారు.  ఎన్నో సంవత్సరాల విచారణ తరువాత మంగళవారం నాడు నాంపల్లి 17వ మెట్రోపాలిటిటన్ కోర్టు రాజశేఖర్, జీవితలకు సంవత్సరం జైలు శిక్ష మరియు 5 వేల రూపాయల జరిమానా విధించింది. ఈ కేసు పై అప్పీలుకు వెళ్ళడానికి కూడా అవకాశం ఇచ్చింది.
ఎన్నికల సమయంలో చిరంజీవి ప్రజారాజ్యం పార్టీ పోటీ చేసినపుడు రాజశేఖర్, జీవితలు మెగాస్టార్ చిరంజీవి పై ఎన్ని విమర్శలు చేశారో అందరికీ తెలిసిందే. అప్పుడు చిరు అభిమానులు కొందరు ఆ విమర్శలను తట్టుకోలేక వారిపై దాడి చేయడం జరిగింది. తన ఫ్యాన్స్ దాడి చేయడంతో మెగాస్టార్ చిరంజీవి స్వయంగా వారి ఇంటికి వెళ్లి, క్షమించమని కోరిన విషయం కూడా తెలిసిందే.

Also Read: బిగ్‌బాస్ తెలుగు-7 లో గేమ్ ఆడడానికి వస్తున్న ఇండియన్ క్రికెటర్..! ఎవరో తెలుసా..?

ప్రస్తుతం బేబీ మూవీ గురించే ఎక్కువగా మాట్లాడుకుంటున్నారు. యంగ్ హీరో ఆనంద్ దేవరకొండ, వైష్ణవి చైతన్య జంటగా నటించిన సినిమా బేబీ. ఈ చిత్రం యూత్ ను విపరీతంగా ఆకట్టుకుంటుంది. ఈ చిత్రానికి అన్ని ప్రాంతాల నుండి సూపర్ హిట్ రెస్పాన్స్ వస్తోంది.

ముక్కోణపు ప్రేమ కథగా తెరకెక్కిన బేబీ కల్ట్ బ్లాక్‌బస్టర్ వేడుకలను హైదరాబాద్‌లో సోమవారం నాడు గ్రాండ్ గా నిర్వహించారు. ఈ వేడుకలో డైరక్టర్ సాయి రాజేష్ ఒక షాకింగ్ విషయాన్ని తెలిపారు. బేబీ మూవీ స్టోరీని ఒక హీరోకు చెప్పాలని అనుకుంటే ఆ హీరో ఆ దర్శకుడు అయితే స్టోరీ వినను అన్నారని చెప్పారు. ఆ వివరాలు ఇప్పుడు చూద్దాం..
బేబీ కల్ట్ బ్లాక్‌బస్టర్ వేడుకలను సోమవారం నిర్వహించారు. ఈ వేడుకకు ముఖ్య అతిథులుగా అల్లు అరవింద్, విజయ్ దేవరకొండ, నాగబాబు, నిర్మాత రవి శంకర్ లు హాజరు అయ్యి, మూవీలో నటించిన ఆనంద్ దేవరకొండ, విరాజ్ అశ్విన్‌, వైష్ణవి చైతన్యల నటన పై ప్రశంసలు కురిపించారు. అయితే ఈ ఈవెంట్ లో దర్శకుడు సాయి రాజేష్ మాట్లాడుతూ బేబీ మూవీ విషయంలో ఒక హీరో తనను అవమానించిన సంగతిని బయటపెట్టారు.ఆయన మాట్లాడుతూ, బేబీ మూవీ కథను ఒక హీరోకు చెప్పాలనుకుంటే ఆ దర్శకుడు అయితే స్టోరీ కూడా వినని ఆ హీరో అవమానించాడని, అలాంటి సమయంలో ఆనంద్ దేవరకొండ, విరాజ్ అశ్విన్‌, వైష్ణవి చైతన్య తనను నమ్మి మంచి మూవీకి డైరెక్టర్ ను చేశారు. ఎస్.కె.ఎన్ తనను నమ్మి ఇంత ఖర్చు పెట్టాడు. దర్శకుడు మారుతి‌గారు మా కన్న ఎక్కువగా మూవీ పై నమ్మకం ఉంచారని చెప్పారు.
ఫ్యూచర్‌లో కూడా ఇలాంటి మంచి చిత్రాలే తెరకెక్కిస్తానని మాటిస్తున్నానని వెల్లడించారు. అయితే కథ వినకుండానే బేబీ మూవీని మిస్ చేసుకున్నహీరో ఎవరని నెటిజెనలు సెర్చ్ చేస్తున్నారు. సోషల్ మీడియాలో కూడా ఆ హీరో ఎవరంటూ కామెంట్స్ చేస్తున్నారు. మరి ఆ హీరో ఎవరనే విషయాన్ని సాయి రాజేష్ లేదా ఆ హీరో కానీ రివీల్ చేస్తారేమో చూడాలి.

Also Read: “పవన్ కళ్యాణ్- సుజిత్” మూవీ ప్రీ రిలీజ్ ఈవెంట్లో “బండ్ల గణేష్” స్పీచ్ ఇస్తే ఇలానే ఉంటుందేమో..!!

కానన్‌ దేవి, బెంగాలీ సినీ ఇండస్ట్రీలో మొదటి హీరోయిన్. ఆమె నేటి తరానికి తెలియకపోవచ్చు. చిన్నతనంలోనే కానన్‌ దేవి నటిగా, సింగర్‌గా సిల్వర్ స్క్రీన్ పై అడుగుపెట్టి, పురుషాధిపత్యపు రోజుల్లోనే ఇండస్ట్రీలో లేడి సూపర్ స్టార్ గా నిలిచింది.

సినీ రంగంలో ఎన్నో విజయాలు అందుకున్న కానన్‌ దేవి నిజ జీవితంలో మొదటి నుండి చివరి వరకు అనేక కష్టాల కడలిలోనే సాగింది. ప్రేక్షకలోకాన్ని తన నటనతో ఆకట్టుకున్న స్టార్‌ హీరోయిన్‌ అనాధగా 1992లో ఈ లోకాన్ని విడిచి వెళ్లింది. అసలు కానన్‌ దేవి ఎవరు? ఆమె కథ ఏమిటో ఇప్పుడు చూద్దాం..
పశ్చిమ బెంగాల్‌ రాష్ట్రంలోని హౌరాలో ఒక నిరుపేద ఫ్యామిలిలో కానన్‌ దేవి 1916 ఏప్రిల్‌ 22న జన్మించింది. రతన్‌ చంద్రదాస్‌, రాజోబాలదాస్‌ కానన్‌ తల్లిదండ్రులు. కానన్‌కు సంగీతంలో శిక్షణ ఇచ్చే తండ్రి, కొద్దికాలనికే మరణించడంతో ఆ కుటుంబాన్ని కష్టాలు వెంటాడాయి. ఇంటి అద్దె చెల్లించకపోవడంతో ఇంటి ఓనర్ ఇంట్లో నుంచి వారి కుటుంబాన్ని వెళ్లగొట్టాడు. ఏం చేయాలో తెలియని స్థితిలో తల్లీకూతుళ్లు డబ్బున్న వారింటిలో పని మనుషులుగా చేరారు. ఉండడానికి ఇల్లు లేని వారికి ఒక బంధువు ఇల్లు ఇచ్చి ఆదుకున్నాడు. కానీ అంతలోనే అతడు తన నిజస్వరూపం చూపించాడు. ఏడేళ్లు కూడా నిండని కానన్‌ మరియు ఆమె తల్లితో చాకిరీ చేయించుకోవడమే కాకుండా అసభ్యంగా ప్రవర్తించాడు. ఇది భరించలేకపోయిన కానన్‌ తల్లితో పాటుగా ఆ ఇంటి నుండి బయటకు వెళ్ళిపోయింది. ఆ స్థితిలో కోల్‌కతాను విడిచి తిరిగి హౌరాకు వెళ్ళి, వేశ్యాగృహాలకు దగ్గరలో ఒక గది తీసుకుని ఉన్నారు. ఆ సమయంలో కానన్ ను చూసిన వారి ఫ్యామిలీ ఫ్రెండ్ ఆమె సినీ రంగంలో రాణించగలదని గ్రహించాడు. అలా కానన్‌ 10 సంవత్సరాల వయసులో  ‘జైదేవ్‌’ అనే మూవీలో ఛాన్స్ వచ్చింది.
ఆ మూవీ కోసం కానన్‌ తీసుకున్న నెల జీతం ఐదు రూపాయలు. ఆ తరువాత అవకాశాలు రావడంతో 1928-31 మధ్య బాలనటిగా అనేక సినిమాలు చేసింది. అదే టైమ్ లో సింగర్ గానూ సత్తా చాటింది. శంకరాచార్య,  జోరేబరత్‌, విష్ణుమాయ, రిషిర​ ప్రేమ్‌, ప్రహ్లాద్‌ సినిమాలలో తన నటనతో ఆడియెన్స్ అలరించింది. విష్ణుమాయ, ప్రహ్లాద్‌ చిత్రాలలో బాలనటుడిగా చేసింది. ఇక 21 సంవత్సరాలకే హీరోయిన్‌గా నటించిన కానన్‌ దేవి నటనకు, అందానికి, ఫిదా అవనివారు ఉండరంటే అతిశయోక్తి కాదు.
తక్కువకాలంలోనే ఆమె సూపర్‌స్టార్‌గా మారింది. పాట పాడినందుకు లక్ష, హీరోయిన్‌గా ఐదు లక్షలు రెమ్యూనరేషన్ అందుకునేది. ఆమె 40 పాటలు పాడగా, సుమారు 57 చిత్రాలలో నటించింది. హీరోలకు మాత్రమే సలాం కొట్టే రోజుల్లో కానన్‌ ను అందరు మేడమ్‌ అని పిలిచేవారు. మేడమ్ అనిపించుకున్న తొలి హీరోయిన్‌ కానన్‌ దేవి. ఆమె కేఎల్‌ సెఘల్‌, ప్రథమేశ్‌ బరువా, పంకజ్‌ మాలిక్‌, పహరి సాన్యల్‌, అశోక్‌ కుమార్‌, చబీ బిస్వాస్‌ వంటి అగ్ర హీరోలతో నటించి, వారికి తీసిపోని విధంగా కోటీశ్వరురాలిగా ఎదిగింది.
1940 డిసెంబర్‌లో కానన్‌ బ్రహ్మ సమాజ మెంబర్ అయిన హిరంబ చంద్ర మిత్ర తనయుడు అశోక్‌ మిత్రాను వివాహం  చేసుకుంది. అయితే పెళ్లైన 5 ఏళ్లకే భర్తకు విడాకులిచ్చింది. ఆ తరువాత బెంగాల్‌ గవర్నర్‌ వద్ద ఏడీసీగా వర్క్ చేసిన హరిదాస్‌ భట్టాచార్జిని వివాహం చేసుకుంది. పెళ్లి తరువాత హరిదాస్‌ డైరెక్టర్ గా తన అదృష్టాన్ని పరీక్షించుకున్నాడు. అయితే ఇండస్ట్రీలో అందరూ హరిదాస్‌ ని కానన్‌ భర్తగా మాత్రమే చూశారు. ఇది భరించలేకపోయిన హరిదాస్‌ 1987లో  ఏప్రిల్‌ 4న కానన్‌ ఇంటి నుండి బయటకు వెళ్ళిపోయాడు. విడాకులు తీసుకోకుండానే ఇద్దరు విడివిడిగా జీవించారు.
76 ఏళ్ల వయసులో కానన్‌ దేవి అనారోగ్యంతో 1992లో జూలై 17న మరణించింది. హరిదాస్‌ కానన్‌ దేవిని ఆఖరిసారి  చూడడానికి కూడా రాలేదు. ఎంతోమంది అభిమానులను సంపాదించుకున్న కానన్‌ చివరికి ఒక అనాధగా ఈ లోకాన్ని విడిచివెళ్లిపోయింది. సినీ ఇండస్ట్రీకి కానన్‌ దేవి చేసిన సేవలకు గానూ 2011లో తపాలా శాఖ ఆమె పేరిట ఒక  స్టాంపును రిలీజ్ చేసింది.

Also Read: సౌందర్య చనిపోయిన నెల తరువాత వాళ్ళింటికి వెళ్ళా..ఎంట్రన్స్ లో చూసి..? ఆమని సంచలన కామెంట్స్..!

ఐకాన్ స్టార్ అల్లు అర్జున్ ప్రస్తుతం తెలుగు ఇండస్ట్రీలో మాత్రమే కాకుండా పాన్ ఇండియా స్టార్ గా మంచి క్రేజ్ ను  సొంతం చేసుకున్నారు. పుష్ప మూవీతో అల్లు అర్జున్ పాన్ ఇండియా స్టార్ గా మారారు. ప్రస్తుతం ఆయనకు నార్త్ లో కూడా ఫ్యాన్స్ పెద్ద ఎత్తున ఉన్నారు.

అల్లు అర్జున్ హీరోగా నటించిన తొలి చిత్రం గంగోత్రి. ఈ సినిమాకి కే రాఘవేంద్రరావు దర్శకత్వం వహించారు. ఈ మూవీలో హీరోయిన్ గా ఆదితి అగర్వాల్ నటించారు. తాజాగా ఈ చిత్రంలోని వల్లంకి పిట్ట పాటను సోషల్ మీడియాలో షేర్ చేయగా, ఈ వీడియోకి నెటిజెన్లు ఫన్నీ కామెంట్స్ పెడుతున్నారు. ఆ వివరాలు ఇప్పుడు చూద్దాం..
గంగోత్రి మూవీ రిలీజ్ అయ్యి, 20 ఏళ్లు అవుతోంది. ఈ చిత్రం ద్వారా అల్లు అరవింద్ కుమారుడు అల్లు అర్జున్, హీరోయిన్ ఆర్తి అగర్వాల్ చెల్లెలు ఆదితి అగర్వాల్ హీరో హీరోయిన్లుగా టాలీవుడ్ లో అడుగు పెట్టారు. ఈ మూవీ రిలీజ్ అయ్యి సూపర్ హిట్ అయ్యింది. తొలి మూవీ హిట్ అవడంతో ఇద్దరు ఈ మూవీ తరువాత ఆఫర్స్ ను అందుకున్నారు. కానీ అల్లు అర్జున్ వరుస సినిమాలు చేస్తూ, అవి హిట్ అవడంతో టాలీవుడ్ లో స్టార్ హీరోగా ఎదిగారు. గంగోత్రి సినిమా రాఘవేంద్రరావు దర్శకత్వం వహించిన 101 వ మూవీ కావడం విశేషం.

కీరవాణి అందించిన మ్యూజిక్, పాటలు కూడా  సూపర్ హిట్ అయ్యాయి. ఇదిలా ఉంటే ఈ మూవీలోని ఒక మిస్టేక్ ను గమనించి, దానిని మీకు మాత్రమే చెప్తా అనే ఇన్ స్టా పేజీలో షేర్ చేశారు. ఆ వీడియోకి తేజ బాబు పేరుగలేదేంటి తాతా అని పెట్టారు. ఆ వీడియో ఏమిటంటే వల్లంకి పిట్ట పాట. ఆ పాట మొదట్లో హీరోయిన్ చిన్నపాపగా ఉంటుంది. ఆ తరువాత కొంచెం పెద్దగా అవుతుంది. కానీ తేజ మాత్రం అలానే ఉంటాడు. ఈ వీడియో చూసిన నెటిజన్లు ఫన్నీ కామెంట్స్ చేస్తున్నారు. అసలు ఈ తప్పు ఎలా చేసారని కొందరు అంటున్నారు.

https://www.instagram.com/reel/Cs51DfBL5GT/?igshid=NjZiM2M3MzIxNA%3D%3D

Also Read: ఒక ప్రమాదకరమైన ప్రకటన 3 గంటల సినిమా అయితే..? ఈ సినిమా చూశారా..?