Mohana Priya

బిగ్‌ బాస్ ప్రోగ్రాం తమిళ్ లో కూడా ప్రసారం అవుతుంది. 18 మంది కంటెస్టెంట్స్ తో 5వ సీజన్ అక్టోబర్ 3వ తేదీన మొదలయ్యింది. ఈ ప్రోగ్రాంలో ట్రాన్స్‌జెండర్‌ అయిన నమిత మారిముత్తు పాల్గొంటున్నారు. నమిత మోడల్, అలాగే నటి. మిస్ ట్రాన్స్ స్టార్ ఇంటర్నేషనల్ 2020 విన్నర్ అయ్యారు నమిత. ఇటీవల జరిగిన టాస్క్ లో భాగంగా హౌస్‌మేట్స్ ఒక్కొక్కరు వారి కథని చెప్పారు. ఇందులో భాగంగానే నమిత కూడా తన బాధని చెప్పారు.

గుక్క తిప్పుకోకుండా మాట్లాడిన నమిత, మధ్యలో చాలా ఎమోషనల్ కూడా అయ్యారు. నమిత మాత్రమే కాదు పక్కన ఉన్న కంటెస్టెంట్స్ ని. అలాగే చూస్తున్న ప్రేక్షకులని కూడా నమిత కథ కదిలించింది. సమాజం తనను అంగీకరించకపోవడం, శారీరకంగా, మానసికంగా తాను ఎదుర్కొన్న ఇబ్బందులు గురించి నమిత మాట్లాడారు. మమ్మల్ని ఎందుకు అంగీకరించడం లేదు? మాకు ఉద్యోగాలు ఎందుకు ఇవ్వడం లేదు? ప్రభుత్వాలు ఏం చేస్తున్నాయి?”

“మానసికంగా, శారీరకంగా మమ్మల్ని చంపేస్తున్నారు. అందుకే రోడ్లమీద అడుక్కుంటూ బతకాల్సివస్తోంది” అని ఎమోషనల్ అయ్యారు నమిత. మమ్మల్ని మనుషుల్లాగే చూడట్లేదు అని మాట్లాడారు. అంతే కాకుండా కొంత మంది వల్ల తనలాంటి వారికి చెడ్డ పేరు వస్తుంది అని, అలాంటి ప్రచారం చేసే వాళ్ళతో పాటు, సంఘంలోని అందరిలోనూ తమపట్ల మార్పులు రావాలి అని, అందరూ కూడా తనలాగ రాణిస్తే చాలా సంతోషిస్తాను” అని నమిత అన్నారు.

సాధారణంగా టీవీలో టెలికాస్ట్ చేసేటప్పుడు ఎడిటింగ్ లో చాలా వరకు కట్ అవుతుంది. కానీ విజయ్ టెలివిజన్ లో టెలికాస్ట్ అయిన ఈ ప్రోగ్రాంలో మాత్రం ఈ ఎపిసోడ్ లో ఎటువంటి కట్స్ లేకుండా, నమిత చెప్పిన చిన్న వాక్యాన్ని కూడా కట్ చేయకుండా, ఏ పదం కూడా బీప్ చేయకుండా ప్రసారం చేశారు. నమిత దాదాపు అరగంట మాట్లాడారు. నమిత కథని చూసిన ఎంతో మంది నెటిజన్లు నమితకి మద్దతు తెలియజేస్తూ పోస్ట్ లు చేస్తున్నారు.

సెలబ్రిటీల జీవితం ఒక తెరిచిన పుస్తకంలాంటిది. వారికి సంబంధించిన చిన్న విషయం నుండి పెద్ద విషయం వరకు అన్నీ వాళ్లు అధికారికంగా ప్రకటించకుండానే వైరల్ అయిపోతాయి. ఇప్పుడు అదే విధంగా నాగ చైతన్య, సమంత విడాకులకు సంబంధించిన విషయాల గురించి కూడా అంతకుముందే చాలా పుకార్లు వచ్చాయి. కొద్ది రోజుల క్రితం వారిద్దరూ అధికారికంగా విడిపోతున్నట్లు ప్రకటించారు. విడాకుల విషయం ప్రకటించిన తర్వాత చాలా మంది సమంతని తప్పుపట్టడం మొదలుపెట్టారు. ఈ విషయంపై ఎట్టకేలకు సమంత స్పందించారు.

ఇంస్టాగ్రామ్ స్టోరీలో సమంత ఈ విధంగా పేర్కొన్నారు. “నా వ్యక్తిగత జీవితం గురించి మీరు ఆలోచించిన విధానం నన్ను కదిలించింది. తప్పుడు వార్తలనుండి, పుకార్లనుండి నన్ను సమర్ధించడానికి ప్రయత్నించిన మీ అందరికీ చాలా థాంక్యూ. నాకు అఫైర్స్ ఉన్నాయి అన్నారు. నేను పిల్లలు వద్దు అని అనుకున్నాను అని అన్నారు. నేను ఒక అవకాశవాది అని అన్నారు. ఇంక ఇప్పుడు అయితే ఏకంగా నాకు అబార్షన్స్ అయ్యాయి అని అంటున్నారు.

డివోర్స్ అనేది చాలా బాధాకరమైన విషయం. ఈ బాధ నుండి కోలుకోవడానికి నన్ను ఒక్క దాన్ని వదిలేయండి. నాపై కనికరం లేకుండా వ్యక్తిగతంగా ఎటాక్ చేస్తున్నారు. కానీ నేను మీ అందరికీ ఒక మాట ఇవ్వాలని అనుకుంటున్నాను. ఎవరు ఏమన్నా కానీ అవన్నీ నాపై ప్రభావం చూపడానికి నేను అనుమతించను.” అని సమంత ఇంస్టాగ్రామ్ ద్వారా పేర్కొన్నారు.

ప్రస్తుతం ఎక్కడ చూసినా నడుస్తున్న ఒకే ఒక్క టాపిక్ సమంత, నాగ చైతన్య విడాకులు. “ఇంత మంచి జంట విడాకులు ఎందుకు తీసుకోవాల్సి వచ్చింది?” అని చాలా మంది అభిప్రాయపడుతున్నారు. ఇదిలా ఉండగా, ప్రముఖ నటులు, రాజకీయవేత్త మురళీ మోహన్ గారు ఒక సందర్భంలో నాగ చైతన్య, సమంత ఉన్న అపార్ట్మెంట్ గురించి మాట్లాడారు. మురళీ మోహన్ గారి జయభేరి ఆరంజ్ కౌంటీ అపార్ట్మెంట్ లో నాగ చైతన్య, సమంత నివాసం ఉన్నారు.

ఈ అపార్ట్మెంట్ కొనుక్కోవడం వెనకాల ఉన్న కథని ఒక ఇంటర్వ్యూలో మురళీ మోహన్ గారు వివరించారు. నాగ చైతన్య, సమంత అప్పటివరకు చాలా అపార్ట్మెంట్స్ చూసి ఉన్నారు. నాగ చైతన్యకి చూడంగానే మురళీ మోహన్ గారి అపార్ట్మెంట్ నచ్చిందట. మురళీ మోహన్ గారు అపార్ట్మెంట్ తన కుటుంబం కోసం కట్టించుకున్నారు. ఆరంజ్ కౌంటీలో పైన ఫ్లోర్ లలో కొన్ని అపార్ట్మెంట్స్ కట్టించి ఒక్కొక్క ఇంటికి స్పెషల్గా స్విమ్మింగ్ పూల్, అలా అన్ని సౌకర్యాలు ఉండేటట్లు ఏర్పాటు చేసుకున్నారు. ఒకటి తనకోసం, తన పిల్లల కోసం, ఇంకొకటి వాళ్ళ తమ్ముడు కోసం కట్టించుకున్నారట. కానీ నాగ చైతన్య అపార్ట్మెంట్ కావాలి అని అడిగారు.

అందుకు మురళీ మోహన్ గారు కుదరదు అని, ఎందుకంటే ఇది తన కుటుంబం కోసం కట్టించుకున్నాను అని చెప్పారు. నాగ చైతన్య నాగార్జునకి చెప్పి మురళీ మోహన్ గారితో మాట్లాడించారు. నాగార్జున, మురళీ మోహన్ చాలా మంచి మిత్రులు కాబట్టి నాగార్జున బాగా రిక్వెస్ట్ చేయడంతో మురళీ మోహన్ గారు కాదనలేక ఆ ఇల్లు ఇచ్చారట. ప్రస్తుతం ఆ ఇంట్లో సమంత ఒక్కరే ఉంటున్నారు. ఈ విషయాన్ని మురళీ మోహన్ గారు కొన్ని సంవత్సరాల క్రితం చెప్పారు. కానీ ప్రస్తుత పరిస్థితుల నేపథ్యంలో మళ్లీ ఈ వీడియో సోషల్ మీడియాలో వైరల్ అవుతోంది.

watch video : 

సోషల్ మీడియా వేదికగా నాగ చైతన్య, సమంత విడిపోతున్నట్లు ప్రకటించిన సంగతి తెలిసిందే. సమంత కూడా తన సోషల్ మీడియా హ్యాండిల్స్ లో ఇంటి పేరు తీసేయడం, ఈ విషయంపై ఇంటర్వ్యూలో అడిగినా కూడా, “నేను సమయం వచ్చినప్పుడు మాత్రమే ఇలాంటి వాటికి స్పందిస్తాను” అని చెప్పడం తో వారిద్దరూ విడిపోయారని సోషల్ మీడియాల్లో వార్తలు గుప్పుమన్నాయి. అక్టోబర్ రెండవ తేదీన నాగ చైతన్య, సమంత ఇద్దరు విడాకులు తీసుకుంటున్నట్లు ప్రకటించారు.

విడాకుల తర్వాత సమంత మొట్టమొదటిసారిగా తెరపై కనిపించబోతున్నారు. అది ఏ సినిమాలోనో కాదు. ఒక షో ద్వారా. జూనియర్ ఎన్టీఆర్ హోస్ట్ గా వ్యవహరిస్తున్న ఎవరు మీలో కోటీశ్వరులు షోకి సమంత అతిథిగా రాబోతున్నారు. ఈ షోలో సమంత 25 లక్షల రూపాయలు గెలుచుకున్నట్లు సమాచారం. సమంత ఎవరు మీలో కోటీశ్వరులు ఎపిసోడ్ షూటింగ్ ఇవాళ పూర్తి చేశారు. ఇందుకు సంబంధించిన ఒక పిక్చర్ సోషల్ మీడియాలో వైరల్ అవుతోంది.

ఈ ఫోటోలో సమంత ప్రముఖ ప్రొడ్యూసర్ మహేంద్ర బాబుతో ఉన్నారు. ఈ ఎపిసోడ్ దసరా సందర్భంగా టెలికాస్ట్ అవుతుంది అని సమాచారం. దసరా సందర్భంగా ఎవరు మీలో కోటీశ్వరులు షోకి కొంత మంది ప్రముఖులు అతిథులుగా రాబోతున్నారు. వారిలో సూపర్ స్టార్ మహేష్ బాబు ఉన్నారు. అదే వారంలో సమంత ఎపిసోడ్ కూడా టెలికాస్ట్ అవుతుంది అనే వార్తలు వినిపిస్తున్నాయి. సమంత తెలుగులో ఒక ఫిమేల్ ఓరియెంటెడ్ సినిమా సైన్ చేసినట్టు వార్తలు వినిపిస్తున్నాయి. అంతే కాకుండా, తమిళ్ లో కూడా డ్రీమ్ వారియర్ పిక్చర్స్ ప్రొడక్షన్ లో ఒక సినిమా సైన్ చేశారు. అటువైపు నాగ చైతన్య కూడా అఖిల్ అక్కినేని హీరోగా నటించిన మోస్ట్ ఎలిజిబుల్ బ్యాచిలర్ ప్రీ రిలీజ్ ఈవెంట్ కి రాబోతున్నారు.

ప్రస్తుతం వరుస సినిమాల్లో షూటింగ్ తో బిజీగా ఉన్న హీరోల్లో ప్రభాస్ ఒకరు. రాధే శ్యాం తో పాటు ఆదిపురుష్, సలార్ సినిమాల షూటింగ్ లో కూడా ప్రభాస్ పాల్గొంటున్నారు. ఇవి మాత్రమే కాకుండా, మన తెలుగు సినిమాల ప్రమోషన్ ఈవెంట్స్ లో కూడా ప్రభాస్ అప్పుడప్పుడు కనిపిస్తూ ఉంటారు. అయితే ప్రభాస్ 25వ సినిమా ఇవాళ అనౌన్స్ చేశారు. ఈ సినిమాకి అర్జున్ రెడ్డి సినిమాలో తెలుగు ఇండస్ట్రీకి పరిచయమైన సందీప్ రెడ్డి వంగా దర్శకత్వం వహిస్తున్నారు. ఈ సినిమాలో ప్రభాస్ పోలీసు పాత్రలో కనిపించబోతున్నారు అని సమాచారం. టైటిల్ స్పిరిట్ అని పెట్టారు. ఇది కూడా పాన్ ఇండియన్ సినిమాగా విడుదల అవుతోంది.

ఈ సినిమా ఎనిమిది లాంగ్వేజెస్ లో రిలీజ్ అవుతోంది. అందులో ఐదు ఇండియన్ భాషలు కాగా, మరో మూడు ఆసియన్ భాషలు ఉన్నాయి. చైనీస్, జపనీస్ భాషల్లో కూడా ఈ సినిమా విడుదల అవుతుండడం విశేషం. ప్రస్తుతం సోషల్ మీడియా అంతా ఇదే టాపిక్ నడుస్తోంది. ఈ సినిమా 2025 లో విడుదల అవుతుంది. ప్రభాస్ ని మళ్లీ తెరపై చూసి దాదాపు రెండు సంవత్సరాలు అయ్యింది. కానీ వచ్చే సంవత్సరం నుండి సినిమాలతో ప్రేక్షకుల ముందుకు రాబోతున్నారు ప్రభాస్. 2022 జనవరిలో సంక్రాంతి కానుకగా విడుదల అవ్వబోతోంది. అదే సంవత్సరం ఆదిపురుష్ కూడా విడుదల అవుతుంది. ఇవన్నీ మాత్రమే కాకుండా నాగ్ అశ్విన్ దర్శకత్వంలో రూపొందుతున్న సినిమాలో కూడా ప్రభాస్ నటిస్తున్నారు. ప్రస్తుతం ప్రభాస్ 25 అనౌన్స్మెంట్ పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1.

#2.

#3.

#4.

#5. #6. #7.

#8.

#9.

#10.

#11.

#12.

#13.

#14.

#15.