Mohana Priya

మనలో ఎంతో మంది ఒక చోట నుండి ఇంకొక చోటికి ప్రయాణించాలంటే ఉపయోగించే వాహనాలు ఇంకా ట్రైన్. ఒకవేళ తొందరగా వెళ్లిపోవాలి అంటే చాలా మంది ప్రిఫర్ చేసేది బస్ ప్రయాణాలు. కానీ ఒకవేళ టైం పట్టినా పర్లేదు అంటే మాత్రం ఎక్కువ మంది ట్రైన్ ప్రయాణాలనే ఇష్టపడతారు.

చుట్టూ ఉన్న పరిసరాలను చూస్తూ ప్రయాణించడం, అందులోనూ ముఖ్యంగా రైలు ప్రయాణాలు అనేవి ట్రాఫిక్ కి దూరంగా ఉండడం వల్ల ప్రయాణికులు ట్రైన్ ప్రయాణాలని ఎక్కువగా ఇష్టపడతారు. అయితే, మనం రైల్వే స్టేషన్ కి వెళ్లే ఉంటాం. రైల్వే స్టేషన్ లో వచ్చే మ్యూజిక్ కానీ, అనౌన్స్మెంట్ కానీ మన అందరికీ ఇప్పటికీ మైండ్ లో తిరుగుతూనే ఉంటుంది.

ఎనౌన్స్మెంట్ కి ముందు ఒక మ్యూజిక్ వస్తుంది అది కూడా మన అందరికీ గుర్తుండే ఉంటుంది. అయితే ఆ మ్యూజిక్ మరొక చోట కూడా ఉపయోగించేవారు. ఆ సౌండ్ విండోస్ ఆపరేటింగ్ సిస్టం 3.1 వెర్షన్ లో ఉపయోగించారు. పైన ఉన్నది విండోస్ ఆపరేటింగ్ సిస్టం స్టార్ట్ అయ్యే సౌండ్.

పైన ఉన్న వీడియో విండోస్ షట్ డౌన్ అయ్యే సౌండ్. ఈ సౌండ్ జాగ్రత్తగా వినండి. ఎక్కడో విన్నట్లు చాలా ఫెమిలియర్ గా ఉంది కదా? ఇప్పటికే మీలో చాలా మందికి గుర్తుకి వచ్చేసి ఉంటుంది. అవును. మనం రైల్వే స్టేషన్ లో అనౌన్స్మెంట్ కి వినే సౌండ్ ఇదే. ఇది విండోస్ 3.1 వెర్షన్ లో సిస్టం షట్ డౌన్ అయ్యేటప్పుడు వచ్చే సౌండ్. ఇదే సౌండ్ ని రైల్వే స్టేషన్ లో అనౌన్స్మెంట్స్ కి కూడా ఉపయోగిస్తారు.

మనం రోడ్ల మీద వెళ్తున్నప్పుడు తరచుగా చూసేవి మ్యాన్ హోల్స్. ఈ మ్యాన్ హోల్స్ దాదాపు ప్రతి చోట మనం చూస్తూనే ఉంటాం. అలాగే మ్యాన్ హోల్స్ ఓపెన్ ఉండటం వల్ల ఎన్నో ఇబ్బందులు ఎదుర్కొంటారు. అందుకే మ్యాన్ హోల్స్ ఎప్పుడు క్లోజ్ చేసి ఉండేలాగా చూసుకుంటూ ఉంటారు. అయితే మ్యాన్ హోల్స్ మూతని మనం సరిగ్గా గమనిస్తే మనందరికీ కొంతమందికైనా ఒక డౌట్ వచ్చి ఉండొచ్చు.

అదేంటంటే దాదాపు అన్ని మ్యాన్ హోల్స్ మీద మూతలు సర్కిల్ షేప్ లోనే ఉంటాయి. ఎక్కడో ఒక చోట మాత్రమే కాదు ప్రతి చోట మ్యాన్ హోల్ మీద మూత సర్కిల్ షేప్ లోనే ఉంటుంది. సాధారణంగా మనందరం ఎక్కువగా యూజ్ చేసేది స్క్వేర్ షేప్. కానీ మ్యాన్ హోల్ మీద మూత మాత్రం సర్కిల్ షేప్ లో ఉండడానికి కారణాలు ఏమిటో ఇప్పుడు తెలుసుకుందాం.

# సర్కిల్ షేప్ లో ఉండడం వలన మూత మ్యాన్ హోల్ లోకి జారి పడిపోయే ప్రమాదం ఉండదు. ఒకవేళ స్క్వేర్ షేప్ లో ఉంటే డయాగ్నల్ గా పెడితే మూత మ్యాన్ హోల్ లో కి పడుతుంది.

# సర్కిల్ షేప్ లో ఉన్న మూతని ఈజీగా కదిలించవచ్చు. అలాగే కదలకపోతే రోల్ కూడా చేయొచ్చు.

# స్క్వేర్ షేప్ తో కంపేర్ చేస్తే సర్కిల్ షేప్ స్ట్రాంగ్ గా ఉంటుంది. అంటే ఒకవేళ స్క్వేర్ షేప్ మూత ఉన్న మ్యాన్ హోల్ మీద ప్రెషర్ పడితే, అంటే దాని మీద నుండి లారీ లాంటి వాహనం ఏమైనా వెళ్తే స్క్వేర్ షేప్ లో సెంటర్ నుండి సైడ్స్ కి, ముఖ్యంగా కార్నర్స్ కి సమానమైన డిస్టెన్స్, స్ట్రెస్ డిస్ట్రిబ్యూషన్ ఉండదు.  స్క్వేర్ షేప్ లో సెంటర్ ని బలహీనమైన పాయింట్ గా పరిగణిస్తారు.

స్క్వేర్ షేప్ లో ఎక్కువ సపోర్ట్ ఇచ్చేవి కార్నర్స్. అందుకే భూకంపం వచ్చినప్పుడు కూడా ఒక రూమ్ లో కార్నర్స్ లో ఉండాలి అని చెబుతారు. సర్కిల్ షేప్ లో అయితే సెంటర్ నుండి అన్ని సపోర్టింగ్ సైడ్స్ కి సమానమైన డిస్టెన్స్ ఉంటుంది. అందుకే సర్కిల్ షేప్ మూత పై ఏదైనా ప్రెషర్ పడితే స్ట్రెస్ డిస్ట్రిబ్యూషన్ అనేది అన్ని వైపులకి సమానంగా జరుగుతుంది.

# సర్కిల్ షేప్ ఉన్న మూతలు ఏ విధంగా అయినా పెట్టొచ్చు. ఏ విధంగా పెట్టినా కూడా సైడ్స్ కి ఎలా అయినా సెట్ అవుతాయి.

# ఇవన్నీ మాత్రమే కాకుండా సర్కిల్ షేప్ లో ఒక గుంత తవ్వడం చాలా సులభం.

చాలా వరకు మ్యాన్ హోల్ మీద మూతలు సర్కిల్ లో ఉండటానికి కొన్ని కారణాలు ఇవే.

కొన్ని నెలల క్రితం జరిగిన ఒక ఘటన చర్చలకు దారి తీసింది. ఒక మహిళ గత సంవత్సరం సెప్టెంబర్ 17 వ తేదీన ఒకే సారి ఒక ఆడ బిడ్డకు, మగ బిడ్డకు జన్మనిచ్చారు. “ఇందులో చర్చలకు దారి తీసే అంత విషయం ఏముంది?” అనుకోకండి. ఒకేసారి పుట్టినా కానీ వారిద్దరూ ట్విన్స్ కాదు. వివరాల్లోకి వెళితే రెబెక్కా రాబర్ట్స్ అనే ఒక మహిళ ఇంగ్లండ్ కి చెందిన వారు. తన భర్త పేరు రైయాస్ వీవర్.

రెబెక్కా ఒక బిడ్డతో గర్భవతిగా ఉన్న కొన్ని వారాల తర్వాత మరొక సారి గర్భం దాల్చారు. ఇందుకు కారణం సూపర్ ఫెటేషన్ అని వైద్యులు నిర్ధారించారు. అంటే సాధారణంగా స్త్రీలు గర్భం దాల్చిన తర్వాత అండాశయం అండం విడుదల చేయడం ఆపేస్తుంది. కానీ సూపర్ ఫెటేషన్ లో మాత్రం ఒకవేళ స్పెర్మ్ కలిస్తే ఇంకొక ప్రెగ్నెన్సీ వచ్చే అవకాశాలు ఉంటాయి. ఇది చాలా అరుదుగా జరుగుతుంది.

నివేదిక ప్రకారం ప్రపంచంలో 0.3 శాతం మహిళల్లో మాత్రమే ఇలా జరిగే అవకాశాలు ఉంటాయి. కానీ ఇలా జరిగిన సందర్భాల్లో రెండో శిశువు ప్రాణాలను కోల్పోయే అవకాశాలు ఉంటాయి.  కానీ రెబెక్కా రాబర్ట్స్ కి జన్మించిన రెండో శిశువు కూడా ఆరోగ్యంగా ఉండడం ఆశ్చర్యాన్ని కలిగించింది అని వైద్యులు పేర్కొన్నారు.

రెబెక్కా, రైయాస్ దంపతులకి పుట్టిన ఆడ పిల్లకు రోసలీ అని పేరు పెట్టగా, మగ పిల్లాడికి నోవా అని పేరు పెట్టారు. ఆడ బిడ్డతో పోలిస్తే మగ బిడ్డ పరిమాణంలో చిన్నగా, బలహీనంగా జన్మించాడు. అందుకు కారణం ఆ బిడ్డ నెలలు నిండకుండా పుట్టడమే అని వైద్యులు తెలిపారు. ఆ బాబుని 95 రోజుల పాటు హాస్పిటల్ లో ఉంచి చికిత్స చేయించారు.

ప్రస్తుతం ఆ బాలుడు కోలుకుని ఆరోగ్యంగా ఉన్నాడు అని వైద్యులు చెప్పారు. ఆ బాబుకి ఎటువంటి ఆరోగ్య సమస్యలు లేకపోయినా కూడా మరో మూడు వారాల పాటు పర్యవేక్షణలో ఉంచాలని చెప్పారు.  తనకి ట్విన్స్ జన్మించడంపై రెబెక్కా రాబర్ట్స్ మాట్లాడుతూ ఈ విషయం తనకు ఆశ్చర్యం కలిగించింది అని తెలిపారు.