Mohana Priya

ఇప్పటికే చైనా నుండి కరోనా ప్రపంచం మొత్తం వ్యాపించింది. ఇప్పుడు చైనాలో ఇంకొక వ్యాధి వెలుగులోకి వచ్చింది. అదే బుబోనిక్ ప్లేగ్. ఈ వ్యాధి ఉత్తర చైనాలో మొదలైంది. అక్కడ నుండి చుట్టుపక్కల ఉన్న ప్రదేశాలకు వ్యాపించడం మొదలుఅయింది. ఇప్పటికే మంగోలియా లో వ్యాప్తిచెందుతోంది.

ఉత్తర చైనాలో జ్వరం, తలనొప్పి, చలి తో బాధపడుతున్న ఒక వ్యక్తి బయన్నూర్‌లోని హాస్పిటల్ లో చేరాడు. డాక్టర్లు అతనికి పరీక్ష చేసి బుబోనిక్ ప్లేగ్ వచ్చిందని నిర్ధారించారు. ఈ వ్యాధి ఒకరి నుండి మరొకరికి సోకే అవకాశాలు ఉన్నాయి. అందుకనే డాక్టర్లు అతని కుటుంబ సభ్యులని కూడా ఆస్పత్రి లో చేర్పించారు. ఇప్పటికీ ఆ ప్రాంతంలో వంద మందికి ఈ వ్యాధి వచ్చినట్లు డాక్టర్లు వెల్లడించారు.

వైరస్ ఇప్పటికే చాలామందికి సోకడంతో ఆ ప్రాంతం మొత్తం లెవెల్ 3 ఆకాంక్షలు జారీచేశారు. ఈ వైరస్ చలి, దగ్గు, జ్వరంతో మొదలవుతుందట. చివరి దశలో శరీరం మొత్తం పుండ్లు ఏర్పడతాయి. దాంతో దగ్గు జ్వరం లాంటి సూచనలు ఎవరికైనా కనిపిస్తే వెంటనే వచ్చి ఆస్పత్రిలో చేరాలి అని డాక్టర్లు సూచించారు.

చైనా వాళ్ళకి ఎలుకలు తినడం అలవాటు. ఎలుకల్లో ఎర్సీనియా పెస్టిన్ అనే బ్యాక్టీరియా ఉంటుంది. ఆ బ్యాక్టీరియా వల్ల ఈ వైరస్ వచ్చే అవకాశాలు ఉన్నాయి. కాబట్టి ఈ వ్యాధి సోకిన వాళ్ళు ఎలుకలని తిని ఉంటారు దాంతో వాళ్ళకి బుబోనిక్ ప్లేగ్ వచ్చింది. ఎలుకల్లోనే కాకుండా కొన్ని పురుగుల్లో కూడా ఈ బ్యాక్టీరియా ఉంటుంది. కానీ ఒకవేళ ఎలుకలు తినడం నియంత్రించకపోతే ఈ వ్యాధి వ్యాప్తి చెందే అవకాశాలు ఎక్కువగా ఉన్నాయి అని అనుమానిస్తున్నారు.

మంగోలియాలోని ఖోవ్డ్ ప్రావిన్స్‌లో పలువురు ఈ వ్యాధితో ఆస్పత్రిలో చేరారు. అందులో ఈ వ్యాధి లక్షణాలు ఉన్న ఇద్దరు వ్యక్తులు ఆసుపత్రిలో చేరారు. వాళ్ళిద్దరూ ఎలుకలను తిన్నారు. ఇప్పటికే చైనా నుండి కరోనా వైరస్ వచ్చి ప్రపంచాన్ని అల్లకల్లోలం చేసింది. ఇటీవల జీ ఫోర్ అనే మరో వైరస్ ను కనుగొన్నారు. ఇప్పుడు మొదలైన బుబోనిక్ ప్లేగ్ ఎక్కువగా వ్యాప్తి చెందకుండా చర్యలు తీసుకోవాలి. లేకపోతే ఒకవేళ ఇది కూడా వ్యాప్తి చెందితే చైనా తో పాటు మిగిలిన దేశాలు కూడా కోలుకోవడానికి కొన్ని సంవత్సరాలు పట్టొచ్చు.

కరోనా వల్ల బయటికి వెళ్లలేని పరిస్థితుల కారణంగా ఏది కావాలన్నా ఆన్లైన్లోనే తెప్పించుకుంటున్నారు జనాలు. కానీ ఇలా ఆన్లైన్లో తెప్పించుకునే వస్తువులను ముట్టుకోవాలంటే కూడా జాగ్రత్త అవసరం అని డాక్టర్లు అంటున్నారు. ఆన్లైన్ లో వస్తువులు ఆర్డర్ చేసినప్పుడు తీసుకోవాల్సిన జాగ్రత్తలు ఇవే.

#1 ఆర్డర్ చేసిన వస్తువులు వచ్చిన వెంటనే ఓపెన్ చేయకండి. ఒక వస్తువు వచ్చేముందు ఎన్ని చోట్ల నుండి మారి వస్తుందో తెలీదు. కాబట్టి ఆర్డర్ వచ్చిన తర్వాత రెండు రోజులు ఆగి ఓపెన్ చేయండి. ఓపెన్ చేసే ముందు కవర్ మీద శానిటైజర్ స్ప్రే చేయండి. ఒకవేళ ఈ వస్తువు కరెక్ట్ గా ఉంటే కవర్ ని పారేయడం మంచిది. లేదు అంటే కవర్ ని జాగ్రత్తగా ఉంచండి.

#2 వీలున్నంతవరకూ పేమెంట్ ఆన్లైన్లోనే చేయండి. ఎందుకంటే ఒక నోటు ఎంత మంది చేతులు మారుతుందో, ఎంత మంది తాకారో తెలియదు. కాబట్టి ఒకవేళ ఆన్లైన్ పేమెంట్ ఆప్షన్ ఉంటే అదే ఎంచుకోవడం మంచిది.

#3 డెలివరీ అతని నుండి వస్తువులు డైరెక్ట్ గా చేతిలోకి తీసుకోకండి. ఒక కవర్ లేదంటే ఒక బుట్ట ఏర్పాటు చేసుకోండి. అందులో మీ వస్తువుని వేయించుకోండి. వస్తువు కవర్ తెరిచిన తర్వాత దాన్ని మీ మీద పెట్టుకోవడం లాంటివి  చేయడం తగ్గించండి. ఒకవేళ అలా చేసినా కూడా వెంటనే వెళ్లి బట్టలు మార్చుకోవడం లేదా స్నానం చేయడం చేయండి.

#4 ఒకవేళ మీరు జాగ్రత్తగా ముట్టుకున్నా కూడా చేతులు సబ్బు లేదా హ్యాండ్ వాష్ ఉపయోగించి శుభ్రంగా కడుక్కోవడం మాత్రం మర్చిపోకండి. ఒకవేళ ఆ వస్తువు ఎలక్ట్రానిక్ కాకపోతే కొంచెం శానిటైజర్ చల్లి శుభ్రంగా తుడవండి.

#5 మామూలు వస్తువులే కాకుండా కూరగాయలు కూడా ఈ మధ్య ఆన్లైన్లోనే తెప్పిస్తున్నారు. కూరగాయల మీద శానిటైజర్ వాడటం ప్రమాదకరం. కాబట్టి అలా ఆన్లైన్లో తెప్పించిన కూరగాయలను గోరువెచ్చని నీటిలో పసుపు లేదా ఉప్పు వేసి నానబెట్టండి. తర్వాత శుభ్రంగా కడిగేసేయండి. పసుపు, ఉప్పులో క్రిములను చంపే గుణం ఉంటుంది. దాంతో అవి నీళ్లలో వేయడం వల్ల కూరగాయల మీద ఉన్న బ్యాక్టీరియా పోతుంది.

ఇవి ఆన్లైన్ షాపింగ్ చేసినప్పుడు పాటించవలసిన జాగ్రత్తలు. ఇవే కాకుండా మామూలుగా కూడా చేతులు రోజులో వీలైనన్నిసార్లు కడుక్కోండి, ఇల్లు కూడా డిసిన్ఫెక్టన్ట్ క్లీనర్ తో తుడవండి. మధ్య మధ్యలో మీరు వాడే మాస్క్ లను కూడా శానిటైజర్ చల్లిన బట్టతో తుడుచుకోండి. ఒకవేళ మీ మాస్క్ బట్టతో తయారు చేసినది అయితే ఒకసారి ఉతకండి. మీరు సురక్షితంగా ఉండండి మీ చుట్టుపక్కల వాళ్ళని కూడా సురక్షితంగా ఉంచడానికి ప్రయత్నించండి.

తెలుగు కంటెంట్ రైటర్స్ కి తెలుగు అడ్డా ఆహ్వానం!

>>>CLICK HERE FOR DETAILS<<<

వినాయక చవితి వచ్చిందంటే సిటీ మొత్తం ఎంతో సందడిగా ఉంటుంది. ముఖ్యంగా ఖైరతాబాద్ లో. కానీ ఈ సారి అది కుదరక పోవచ్చు. ప్రస్తుతం రోజు రోజుకి కరోనా పాజిటివ్ కేసులు పెరుగుతూ ఉన్న పరిస్థితుల్లో గణేష్ ఉత్సవాలు నిర్వహించే విధానంపై ప్రభుత్వం కొన్ని ముఖ్య నిర్ణయాలు తీసుకుంది.

ప్రతి ఏడాది లాగా ఈసారి ఖైరతాబాద్ వినాయకుడిని ప్రత్యక్షంగా దర్శించుకోవడానికి సాధారణ ప్రజలకు అనుమతి ఇవ్వడం లేదు. కార్యక్రమాలు అన్నీ కూడా భౌతిక దూరం పాటిస్తూనే జరుగుతాయి. వినాయకుడి మట్టి విగ్రహం ఇరవై ఏడు అడుగులు ఉండబోతోంది. ఈ సారి ఖైరతాబాద్ వినాయకుడు ధన్వంతరి రూపంలో దర్శనం ఇవ్వబోతున్నాడు.

గత 65 ఏళ్లుగా ప్రతి సంవత్సరం ఖైరతాబాద్ లో వినాయకుడి ఉత్సవాలు ఎంతో ఘనంగా జరుగుతున్నాయి. తెలుగు రాష్ట్రాల నుండే కాకుండా ఇతర రాష్ట్రాల నుండి కూడా ఎంతో మంది ప్రజలు వచ్చి ఖైరతాబాద్ వినాయకుడిని దర్శించుకుంటారు. అదే విధంగా ఈసారి కూడా ఖైరతాబాద్ వినాయకుడి ఉత్సవాలు మొదలు కాబోతున్నాయి. కాని ప్రత్యక్షంగా వెళ్లి దర్శించుకునే సదుపాయాన్ని ఈసారి ఏర్పాటు చేయడం లేదు.

ప్రత్యక్షంగా దర్శించుకునే వీలు లేక పోయినా కూడా ఆన్లైన్ స్ట్రీమింగ్ లో వినాయకుడిని దర్శించుకునే అవకాశం కల్పించబోతున్నారు. గత ఏడాది వినాయకుడి చేతిలో ఉన్న లడ్డు ఆరు వేల కిలోలు ఉంది. ఈసారి విగ్రహం పరిమాణం తగ్గడంతో లడ్డూ పరిమాణం కూడా తగ్గే అవకాశాలు ఉన్నాయి.

ప్రతి ఏడాది భారీ ఊరేగింపుతో విగ్రహాన్ని హుస్సేన్ సాగర్ లో నిమజ్జనం చేస్తారు. కానీ ఈ సారి అలా చేయడం లేదు అని, విగ్రహాన్ని ఏర్పాటు చేసిన చోటే అభిషేకించి అక్కడే నిమజ్జనం చేయాలని అనుకుంటున్నట్లు కమిటీ సభ్యులు
సుదర్శన్ చెప్పారు.

ప్రతి సంవత్సరం ఖైరతాబాద్ వినాయకుడి విగ్రహం ఎత్తు ఒక్కొక్క అడుగు పెరుగుతూ వస్తుంది. పోయిన సంవత్సరం 66 అడుగుల విగ్రహం ఏర్పాటు చేశారు.నుండి ప్రతి ఏడాది విగ్రహం ఎత్తు ఒక్క అడుగు తగ్గిస్తారు అని ఉత్సవాలు నిర్వహించే కమిటీ గత సంవత్సరం పేర్కొంది. అలా ఈ సంవత్సరం 65 అడుగుల విగ్రహం ఏర్పాటు చేయాల్సి ఉంది.

కానీ ప్రస్తుతం ఉన్న పరిస్థితుల దృష్ట్యా 27 అడుగుల విగ్రహాన్ని ఏర్పాటు చేయనున్నారు.మిగిలిన చోట్ల ప్రతి ఏడాదిలాగే వినాయకుడు నిర్వహించవచ్చా? లేదా? ఒకవేళ నిర్వహించిన కూడా ఎలాంటి జాగ్రత్తలు తీసుకోవాలి అన్నదానిపై ప్రభుత్వం స్పష్టత ఇవ్వాల్సి ఉంది.