Mohana Priya

తెలుగు సినిమా గొప్పదనాన్ని ప్రపంచవ్యాప్తంగా చాటిన దర్శకుడు ఎస్ ఎస్ రాజమౌళి. బాహుబలి సినిమాతో తెలుగు సినిమాని జాతీయ స్థాయికి తీసుకెళ్లారు. ఆ తర్వాత వచ్చిన ఆర్ఆర్ఆర్ సినిమాతో అంతర్జాతీయ స్థాయికి తీసుకెళ్లారు. అయితే రాజమౌళి ఒక సినిమాకి కొన్ని సంవత్సరాలు తీసుకుంటారు అనే సంగతి అందరికీ తెలిసిందే.

ఇప్పుడు రాజమౌళి మహేష్ బాబుతో సినిమా తీస్తున్నారు. ఈ సినిమా గురించి పెద్ద ఎత్తున చర్చలు జరుగుతున్నాయి. రాజమౌళి సినిమా కోసం హాలీవుడ్ వాళ్ళతో కూడా కాంట్రాక్ట్ కుదుర్చుకున్నట్టు వార్తలు వస్తున్నాయి. ప్రస్తుతం మహేష్ బాబు త్రివిక్రమ్ శ్రీనివాస్ దర్శకత్వంలో వస్తున్న గుంటూరు కారం సినిమాలో నటిస్తున్నారు.

ఈ సినిమా పూర్తి అయ్యాక మహేష్ బాబు వేరే ఏ సినిమాకి కమిట్ అవ్వకుండా రాజమౌళి సినిమా కోసం సమయం కేటాయిస్తారు. అయితే ఈ సినిమాకి సంబంధించి కొన్ని ఆసక్తికరమైన విషయాలు బయటికి వచ్చాయి. అదేంటంటే, ఈ సినిమాని అధికారికంగా ఆగస్ట్ 9, అంటే మహేష్ బాబు పుట్టినరోజు నాడు ప్రకటిస్తారట. ఇప్పుడు రాజమౌళి ఈ సినిమా స్క్రిప్ట్ మీద పనిచేస్తున్నారు. ఈ సినిమా షూటింగ్ 2024 లో మొదలవుతుంది.

ఈ సినిమాలో మహేష్ బాబు పాత్ర గురించి కూడా కొన్ని విషయాలు బయటికి వచ్చాయి. అదేంటంటే, ఈ సినిమాలో మహేష్ బాబు పాత్ర హనుమాన్ ని పోలి ఉంటుందట. ఈ సినిమా ఒక యాక్షన్ అడ్వెంచర్ సినిమాగా రూపొందుతోంది. సినిమాలో ఎక్కువ భాగం ఫారెస్ట్ లో చిత్రీకరిస్తారు. ఈ సినిమా హీరోయిన్ దీపికా పదుకొనే అనే వార్తలు వస్తున్నాయి.

అంతే కాకుండా ఈ సినిమాలో విలన్ పాత్రలో బాలీవుడ్ స్టార్ హీరో అమీర్ ఖాన్ నటిస్తున్నారు అనే వార్త కూడా పెద్ద ఎత్తున ప్రచారంలో ఉంది. ఒకవేళ ఇదే నిజమైతే ఇది ఒక కొత్త కాంబినేషన్ అవుతుంది. అంతే కాకుండా కొంత మంది ఈ సినిమా భాగాల్లో రూపొందుతుంది అని కూడా అంటున్నారు. ఏదేమైనా సరే ప్రస్తుతం ఈ సినిమా గురించి ఈ వార్తలు అయితే ప్రచారంలో ఉన్నాయి.

ప్రస్తుతం అంతర్జాతీయ స్థాయిలో గుర్తింపు తెచ్చుకున్న హీరోల్లో జూనియర్ ఎన్టీఆర్ ఒకరు. జూనియర్ ఎన్టీఆర్ ప్రస్తుతం కొరటాల శివ దర్శకత్వంలో వస్తున్న దేవర సినిమా షూటింగ్ పనిలో బిజీగా ఉన్నారు. ఈ సినిమా తర్వాత జూనియర్ ఎన్టీఆర్ ప్రశాంత్ నీల్ దర్శకత్వంలో వస్తున్న సినిమాలో నటిస్తారు. దేవర సినిమాలో జూనియర్ ఎన్టీఆర్ లుక్ చాలా డిఫరెంట్ గా ఉంది.

అయితే జూనియర్ ఎన్టీఆర్ ప్రకటనల్లో కూడా కనిపిస్తూ ఉంటారు. అంతకుముందు చాలా ప్రకటనల్లో జూనియర్ ఎన్టీఆర్ నటించిన. ఇటీవల మెక్ డోనాల్డ్స్ అడ్వర్టైజ్మెంట్ లో కూడా జూనియర్ ఎన్టీఆర్ నటించారు. అయితే ఈ అడ్వటైజ్మెంట్ కోసం జూనియర్ ఎన్టీఆర్ తీసుకున్న పారితోషకం ప్రస్తుతం చర్చనీయాంశంగా మారింది.

జూనియర్ ఎన్టీఆర్ ఈ అడ్వర్టైజ్మెంట్ కోసం 8 కోట్ల పారితోషకం తీసుకున్నారు అని సమాచారం. జూనియర్ ఎన్టీఆర్ ఇప్పుడు పాన్- ఇండియన్ స్టార్. కాబట్టి ఆ మాత్రం క్రేజ్ ఉంటుంది. ఇంక దేవర విషయానికి వస్తే జనతా గ్యారేజ్ తర్వాత మళ్లీ జూనియర్ ఎన్టీఆర్, కొరటాల శివ కలిసి ఈ సినిమాకి పని చేస్తున్నారు. ఇందులో బాలీవుడ్ హీరోయిన్ జాన్వీ కపూర్ హీరోయిన్ గా నటిస్తున్నారు. అలాగే బాలీవుడ్ స్టార్ హీరో సైఫ్ అలీ ఖాన్ ఈ సినిమాలో విలన్ పాత్రలో నటిస్తున్నారు.

ఈ సినిమాకి అనిరుధ్ సంగీత దర్శకత్వం వహిస్తున్నారు. ఈ సినిమా కోసం ప్రతి భాష నుండి కొంత మంది నటులని తీసుకున్నారు. కొంత మంది మలయాళ నటులు కూడా ఈ సినిమాలో నటిస్తున్నారు. ప్రస్తుతం ఈ సినిమా షూటింగ్ జరుగుతోంది. కొంత మంది జూనియర్ ఎన్టీఆర్ ఈ సినిమాలో డబుల్ యాక్షన్ చేస్తున్నారు అని అంటున్నారు.

అందుకు కారణం జూనియర్ ఎన్టీఆర్ కి సంబంధించి ఈ సినిమా నుండి రెండు పోస్టర్స్ విడుదల అయ్యాయి. రెండిట్లో జూనియర్ ఎన్టీఆర్ లుక్ చాలా డిఫరెంట్ గా ఉంది. కాబట్టి రెండు పాత్రలు పోషిస్తారు ఏమో అని అంటున్నారు. కొంత మంది ఏమో జూనియర్ ఎన్టీఆర్ కి ఏదైనా ఫ్లాష్ బ్యాక్ లాంటిది ఉంటుందేమో అని కూడా అంటున్నారు. అందుకే లుక్స్ డిఫరెంట్ గా ఉన్నాయి ఏమో అని అంటున్నారు.

అల్లు అర్జున్ హీరోగా సుకుమార్ దర్శకత్వంలో వచ్చిన పుష్ప సినిమా ఎంత పెద్ద హిట్ అయ్యింది అనే విషయం అందరికీ తెలిసిందే. ఇప్పుడు ఈ సినిమా సెకండ్ పార్ట్ కోసం అందరూ ఎదురు చూస్తున్నారు.

ఈ సినిమా షూటింగ్ పనిలో సినిమా బృందం అంతా బిజీగా ఉన్నారు. ఇందులో చాలా మంది కొత్త నటీనటులు కూడా యాడ్ అవుతారు. ఇప్పటికే ఈ సినిమాకి సంబంధించి విడుదల అయిన వీడియో ప్రేక్షకుల ఆసక్తి ఇంకా పెంచింది.

ఈ సినిమా గురించి రోజుకి ఒక విషయం సోషల్ మీడియాలో ప్రచారంలో ఉంటుంది. ఇప్పుడు ఈ సినిమాకి సంబంధించి మరొక వార్త కూడా వైరల్ అవుతోంది. అదేంటంటే, ఈ సినిమాకి ఇంటర్వెల్ సీన్ హైలైట్ అవ్వబోతుందట. అప్పటి వరకు ఒకలాగా చూపించిన పుష్ప రాజ్ పాత్ర, ఇంటర్వెల్ తర్వాత మరొక రకంగా మారుతుంది. అంతే కాకుండా ఈ సినిమాలో రష్మిక పోషించిన శ్రీవల్లి పాత్ర మరణిస్తుంది అనే వార్తలు వస్తున్నాయి. దాంతో ఈ విషయంపై కూడా సెకండ్ హాఫ్ లో ఒక పెద్ద ట్విస్ట్ ఉంటుంది అని అంటున్నారు.

ఏదేమైనా సరే పుష్ప 2 సినిమా మాత్రం చాలా పెద్ద ఎత్తున షూట్ చేస్తున్నారు. ఈ సినిమాకి దేవి శ్రీ ప్రసాద్ సంగీత దర్శకత్వం వహిస్తున్నారు. ఈ సినిమా పాటలు కూడా మరొక హైలైట్ అవ్వబోతున్నాయి. ఈ సినిమాతో అల్లు అర్జున్ కూడా గ్లోబల్ స్టార్ ఇమేజ్ సంపాదించుకుంటారు అని చాలా మంది అంటున్నారు. ఇప్పటికే అల్లు అర్జున్ కి దేశవ్యాప్తంగా చాలా క్రేజ్ ఉంది. ఈ సినిమాతో ఆ క్రేజ్ ఇంకా వేరే లెవెల్ కి వెళ్తుంది అని అంటున్నారు.

నటి అనసూయ భరద్వాజ్, విజయ్ దేవరకొండకి మధ్య జరుగుతున్న విషయం గురించి సోషల్ మీడియాలో కామెంట్స్ వస్తూనే ఉన్నాయి. అయితే ఈ విషయంపై అనసూయ స్పందిస్తూ అసలు ఏం జరిగింది అని చెప్పారు.

అంతే కాకుండా అనసూయ ఇప్పుడు ఇంక ఈ విషయం గురించి మాట్లాడదలచుకోవట్లేదు అని, ఈ టాపిక్ ఇక్కడతో ఆపేయాలి అనుకుంటున్నారు అని చెప్పారు. తనకి తన మానసిక ప్రశాంతత ముఖ్యం అని, అందుకే ఇంక ఈ విషయాన్ని ఇంకా ఎక్కడ ప్రస్తావించదల్చుకోవట్లేదు అని చెప్పారు. అయితే అనసూయ నటించిన విమానం సినిమా ఇటీవల విడుదల అయ్యింది.

ఈ సినిమా ప్రెస్ మీట్ లో భాగంగా అనసూయ విజయ్ దేవరకొండ గురించి జరిగిన డిస్కషన్ పై కూడా మాట్లాడారు. ఇందులో అనసూయ మాట్లాడుతూ, ఇంక ఈ విషయం గురించి తాను మాట్లాడదలచుకోవట్లేదు అని అన్నారు. ఇదంతా కొంచెం ఇంపల్సివ్ గా చేశాను అని అన్నారు. తనపై ఒకరు అలా డబ్బులు ఇచ్చి మరి నెగిటివ్ కామెంట్స్ చేయిస్తున్నారు అని తెలిసేటప్పటికి షాకింగ్ అనిపించింది అని అనసూయ అన్నారు.

అయితే ఒకరు, “ఈ విషయం గురించి విజయ్ దేవరకొండ కి ఫోన్ చేసి మాట్లాడొచ్చు కదా?” అని అన్నారు. అందుకు అనసూయ సమాధానం చెబుతూ, తాను విజయ్ దేవరకొండకి ఫోన్ చేయడానికి కూడా ప్రయత్నించాను అని అన్నారు. ప్రస్తుతం అనసూయ వరుస సినిమాలతో బిజీగా ఉన్నారు. తెలుగులోనే కాకుండా తమిళ్ లో కూడా అనసూయ నటిస్తున్నారు. అనసూయ విమానంలో పోషించిన సుమతి పాత్రకి చాలా మంచి ప్రశంసలు వస్తున్నాయి.

ఇందులోనూ ముఖ్యంగా ఎమోషనల్ సీన్స్ లో చాలా బాగా నటించారు అని ప్రేక్షకులు అనసూయని మెచ్చుకుంటున్నారు. ఈ సినిమాకి కూడా చాలా మంచి రెస్పాన్స్ వస్తోంది. సినిమా చాలా ఎమోషనల్ గా ఉంది అని, ఇందులో నటీనటులు అందరూ కూడా చాలా బాగా చేశారు అని, ఇలాంటి ఎమోషనల్ సినిమాలు చూసి చాలా రోజులు అయ్యింది అని ప్రేక్షకులు అంటున్నారు.

watch video :

https://www.instagram.com/reel/CtZIf7DOUTM/?igshid=NjZiM2M3MzIxNA==

చిన్నప్పుడు తమ సినిమా కెరీర్ ని మొదలు పెట్టి తరువాత యాక్టర్లుగా పరిచయమయ్యి తమకంటూ ఇండస్ట్రీలో గుర్తింపు తెచ్చుకున్న వాళ్ళు ఎంతోమంది ఉన్నారు.

వాళ్లలో స్టార్ హీరోలు ఉన్నారు ఇంకా ఎందరో క్యారెక్టర్ ఆర్టిస్ట్లు కూడా ఉన్నారు. అలా చిన్నప్పుడే సినిమా ఇండస్ట్రీలో అడుగు పెట్టి ఇప్పుడు మళ్లీ హీరో హీరోయిన్లుగా నటిస్తున్న వాళ్ళలో కొంతమందిని ఇప్పుడు చూద్దాం.

#1 తేజ సజ్జ – ఇంద్ర

చిన్నప్పుడు ఇంద్ర, రాజకుమారుడు, యువరాజు, చూడాలని ఉంది, బాచి, సాంబ సినిమాల్లో నటించాడు. ఇప్పుడు ఓ బేబీ లో లక్ష్మి/సమంత మనవడిగా నటించాడు.ప్రస్తుతం శివాని రాజశేఖర్ మొదటి సినిమాలో తన పక్కన హీరోగా నటిస్తున్నాడు.

#2 సుహాని కలిటా – మనసంతా నువ్వే

మనసంతా నువ్వే, ఎలా చెప్పను చిత్రాల్లో బాలనటిగా నటించింది. తర్వాత సవాల్, కృషి, శ్రీశైలం సినిమాల్లో హీరోయిన్ గా నటించింది.

#3 సనూష – బంగారం

బంగారం తో పాటు ఎన్నో తమిళ సినిమాల్లో బాలనటిగా నటించింది. ఇటీవల విడుదలైన జెర్సీ సినిమా లో రమ్య పాత్ర పోషించింది.

#4 ఆనంద్ వర్ధన్ – సూర్యవంశం

చిన్నప్పుడు సూర్యవంశం, ప్రియరాగాలు వంటి ఎన్నో సినిమాల్లో నటించాడు. ఇప్పుడు హీరో గా ఎంట్రీ ఇవ్వబోతున్నాడు.

#5 అన్నీ – రాజన్న

రాజన్న, స్వాగతం, సినిమాల్లో నటించింది. మధ్యలో కొన్నాళ్ల గ్యాప్ తర్వాత మళ్లీ రంగస్థలం లో రామ్ చరణ్ కి చెల్లి గా నటించింది.

#6 గ్రీష్మ నేత్రిక – మల్లీశ్వరి 

మల్లీశ్వరి, అమ్ములు సినిమాల్లో బాలనటిగా నటించింది. మళ్లీ మళ్లీ ఇది రాని రోజు లో ఒక చిన్న పాత్రలో కనిపిస్తుంది. ఎన్టీఆర్ మహానాయకుడు సినిమాలో బసవతారకం యంగ్ గా ఉన్నప్పటి పాత్ర పోషించింది. ఇటీవల వచ్చిన భీష్మ సినిమాలో ఒక పాటలో కనిపిస్తుంది.

#7 గౌరవ్ – డార్లింగ్

డార్లింగ్, శ్రీరామరాజ్యం లాంటి ఎన్నో సినిమాల్లో నటించాడు. ఇప్పుడు స్పైడర్ లో మహేష్ బాబు కి తమ్ముడిగా నటించాడు.

#8 మనోజ్ నందం – అతడు

అతడు, చత్రపతి, మున్నా సినిమాల్లో హీరోల చిన్నప్పటి పాత్ర పోషించాడు. తర్వాత హీరోగా ఒక రొమాంటిక్ క్రైమ్ కథ, ధనలక్ష్మి తలుపు తడితే సినిమాల్లో నటించాడు. ఇటీవల విడుదలైన జార్జ్ రెడ్డి లో ఒక ముఖ్య పాత్ర లో కనిపించాడు.

#9 బాలాదిత్య – హలో బ్రదర్

హలో బ్రదర్ సినిమా లో నాగార్జున చిన్నప్పటి పాత్రలో నటించాడు. తర్వాత హీరోగా చంటిగాడు సినిమాలో నటించాడు. కొన్ని పాటలు కూడా రాశాడు. ప్రస్తుతం జెమిని లో వచ్చే ఒక సీరియల్ తో పాటు తమిళ్ సీరియల్ లో కూడా హీరో గా నటిస్తున్నాడు.

#10 సంతోష్ శోభన్ – గోల్కొండ హై స్కూల్

బాబి, వర్షం, ఒక రాజు ఒక రాణి లాంటి సినిమాలకి దర్శకత్వం వహించిన శోభన్ కొడుకు సంతోష్. గోల్కొండ హై స్కూల్ లో కెప్టెన్ గౌతమ్ గా నటించాడు సంతోష్. 2008లో శోభన్ గుండెపోటుతో మరణించారు. సంతోష్ శోభన్ పేపర్ బాయ్ సినిమాలో హీరోగా నటించాడు.

#11 పవన్ శ్రీరామ్ – హరే రామ్, శ్రీరామరాజ్యం

శ్రీరామరాజ్యం, హరే రామ్ లాంటి ఎన్నో సినిమాల్లో బాల నటుడి గా కనిపించాడు. ఇప్పుడు నిర్మలా కాన్వెంట్ సినిమాలో ఒక ముఖ్య పాత్ర పోషించాడు.

#12 శ్రీదివ్య – యువరాజు

యువరాజు లో బాలనటిగా కనిపించింది. తర్వాత తూర్పు వెళ్ళే రైలు సీరియల్ లో నటించింది. ఆ తర్వాత మనసారా, కేరింత, మల్లెల తీరంలో సిరిమల్లె పువ్వు, వారధి సినిమాల్లో నటించింది. తెలుగు సినిమాల్లోనే కాకుండా తమిళ్ సినిమాల్లో కూడా నటిస్తూ అక్కడ చాలా మంచి పేరు తెచ్చుకుంది.

#13 దివ్య నగేష్ – అరుంధతి

అరుంధతి సినిమాలో చిన్న అనుష్క గా నటించింది. ఆ సినిమా కి నంది అవార్డు కూడా అందుకుంది. నేను నాన్న ఓ అబద్ధం సినిమాలో హీరోయిన్ గా నటించింది.

#14 ఆకాష్ పూరి – బుజ్జిగాడు మేడ్ ఇన్ చెన్నై, గబ్బర్ సింగ్

గబ్బర్ సింగ్, బుజ్జి గాడు సినిమాల్లో హీరో చిన్నప్పటి పాత్రలో నటించాడు. హీరోగా ఆంధ్ర పోరి, మెహబూబా సినిమాలు చేశాడు. తన తండ్రి పూరిజగన్నాథ్ నిర్మాణంలో ఆకాష్ నటించిన రొమాన్స్ అనే చిత్రం విడుదలకు సిద్ధంగా ఉంది.

#15 తరుణ్ – ఆదిత్య 369

తరుణ్ గురించి ప్రత్యేకంగా చెప్పాల్సిన అవసరం లేదు. ఆదిత్య 369 లో బాలనటుడిగా కనిపించాడు. హీరోగా నువ్వే కావాలి, నువ్వే నువ్వే, ఎలా చెప్పను, నిన్నే ఇష్టపడ్డాను, అదృష్టం, సోగ్గాడు, నువ్వు లేక నేను లేను ఇంకా ఎన్నో హిట్ సినిమాల్లో నటించాడు

#16 సునయన – అమ్మోరు

అమ్మోరు సినిమా లో అమ్మోరు పాత్రలో నటించింది. గత సంవత్సరం వచ్చిన ఓ బేబీ లో రాజేంద్ర ప్రసాద్ కూతురు గా కనిపించింది. అంతేకాకుండా ఫ్రస్ట్రేటెడ్ ఉమెన్ పేరుతో యూట్యూబ్ సిరీస్ కూడా చేస్తోంది.

భారతీయ సినిమా ఇండస్ట్రీ అంటే తమ అభిమాన హీరో హీరోయిన్లని ప్రేక్షకులు దేవుళ్లతో సమానంగా చూస్తారు. అందుకే వారికి గుళ్ళు కట్టడం, వారి పోస్టర్లకి, కట్ అవుట్ లకి పాలతో అభిషేకం చేయడం వంటివి మన దగ్గర చాలా జరుగుతూ ఉంటాయి.

కానీ ఎంత అభిమానులు అయినా సరే తమ అభిమాన హీరోయిన్లు చేసే కొన్ని పనులు మాత్రం నచ్చకపోతే అంతే బహిరంగంగా కామెంట్స్ కూడా చేస్తూ ఉంటారు. వివరాల్లోకి వెళితే, బాలీవుడ్ నటి కాజోల్ పరిచయం లేని వ్యక్తి. కాజోల్ హిందీలో ఎన్నో సినిమాలు చేసి స్టార్ హీరోయిన్ స్థాయికి ఎదిగారు. తర్వాత హీరో అజయ్ దేవగన్ తో పెళ్లి అయ్యాక కొద్ది సంవత్సరాలు సినిమాలకి దూరంగా ఉన్నారు.

మళ్లీ ఇప్పుడు విభిన్నమైన పాత్రలతో ప్రేక్షకులని అలరిస్తున్నారు. అయితే కాజోల్ సోషల్ మీడియాలో కూడా చాలా యాక్టివ్ గా ఉంటారు. తన వ్యక్తిగత జీవితానికి సంబంధించిన విషయాలని కూడా సోషల్ మీడియాలో షేర్ చేస్తూ ఉంటారు. కాజోల్ సోషల్ మీడియాలో చాలా సరదాగా ఉంటారు. తన ఫొటోస్ కి కామెడీగా ఉంటే క్యాప్షన్స్ పెట్టి షేర్ చేస్తారు. అందుకే కాజోల్ కి సోషల్ మీడియాలో కూడా చాలా మంది అభిమానులు ఉన్నారు.

అయితే ఇదిలా ఉండగా కాజోల్ నిన్న సోషల్ మీడియా నుండి బ్రేక్ తీసుకుంటున్నట్టు ఒక పోస్ట్ షేర్ చేశారు. అంతే కాకుండా తాను తన జీవితంలో ఇప్పుడు చాలా కష్టమైన పరిస్థితిని ఎదుర్కొంటున్నాను అని ఒక పోస్ట్ షేర్ చేసి, సోషల్ మీడియా నుండి బ్రేక్ తీసుకుంటున్నట్టు ప్రకటించారు. దాంతో చాలా మంది, “కాజోల్ కి ఏమయ్యింది?” అని ఆందోళన పడ్డారు. కొంత మంది మాత్రం కాజోల్ కి ధైర్యం చెబుతూ కామెంట్స్ చేశారు. అయితే కాజోల్ ఇలా పోస్ట్ చేసిన కొంచెం సేపటికి ఇది ఒక పబ్లిసిటీ స్టంట్ అని తెలిసింది.

ఇది కాజోల్ నెక్స్ట్ సిరీస్ అయిన ద ట్రైల్ అనే ఒక షో కి పబ్లిసిటీ కోసం చేశారు అని అర్థం అయ్యింది. దాంతో అప్పటి వరకు కాజోల్ పోస్ట్ చూసి ఆందోళన పడిన వాళ్లే ఈ పోస్ట్ చూశాక, “షో కోసం ఇలాంటి మాటలు మాట్లాడడం అవసరమా?” అంటూ కామెంట్స్ చేశారు. ఏదేమైనా సరే ప్రస్తుతం దీనిపై పెద్ద ఎత్తున చర్చ జరుగుతోంది. ఇంక కాజోల్ చేస్తున్న ద ట్రయల్ విషయానికి వస్తే ఇది ఒక కోర్ట్ రూమ్ డ్రామా అని తెలుస్తోంది.

ALSO READ : సినిమా ఇండస్ట్రీలో తల్లి కూతుర్లు…లిస్ట్ లో ఉన్న 10 మంది ఎవరో లుక్ వేయండి.!

అఖిల్ అక్కినేని హీరోగా ఇటీవల విడుదల అయిన సినిమా ఏజెంట్. ఈ సినిమాకి సురేందర్ రెడ్డి దర్శకత్వం వహించారు. భారీ అంచనాల మధ్యలో ఈ సినిమా విడుదల అయ్యింది. కానీ ఆ అంచనాలని అందుకోలేకపోయింది. సినిమాలో ఏ ఒక్క అంశం కూడా ప్రేక్షకులకి నచ్చలేదు.

“ఇన్ని సంవత్సరాలు ఎదురు చూసిన తర్వాత ఇలాంటి సినిమా ఇచ్చారు ఏంటి?” అంటూ చాలా కామెంట్స్ కూడా వచ్చాయి. అయితే ఈ సినిమా డిజిటల్ రిలీజ్ అవుతుంది అని కొంత కాలం క్రితం ప్రకటించి మళ్లీ వాయిదా వేశారు. సోనీ లివ్ లో విడుదల అవ్వాల్సిన ఈ సినిమా వాయిదా పడింది. ఇప్పటి వరకు కొత్త రిలీజ్ డేట్ ప్రకటించలేదు.

అయితే ఈ సినిమా ఓటీటీ రిలీజ్ అయ్యే ముందు కొన్ని మార్పులు చేస్తున్నారు అనే వార్తలు గట్టిగా వినిపిస్తున్నాయి. సినిమా ఫ్లాప్ అవ్వడానికి ముఖ్య కారణం అందులో కొన్ని సీన్స్ అలాగే ఎడిటింగ్. ఈ విషయంపై ఇప్పుడు శ్రద్ధ తీసుకుంటున్నారు అని సమాచారం. సినిమాలో చాలా సీన్స్ అనవసరంగా ఉన్నాయి అన్నారు.

దాంతో ఇప్పుడు సినిమా బృందం అంతా ఈ విషయంపై పని చేస్తున్నారు. సినిమాలో అవసరం లేని సీన్స్ అన్నీ కూడా తీసేసి, కొన్ని కొత్త సీన్స్ యాడ్ చేస్తున్నారు. థియేటర్లలో వచ్చిన స్పందనకి ఇప్పుడు సినిమా బృందం ఇంకా జాగ్రత్తలు తీసుకొని ఈ సినిమా రిలీజ్ చేస్తున్నారు. అందుకు కారణం థియేటర్లలో అంటే కేవలం ఆ ప్రాంతానికి చెందిన వారు మాత్రమే చూస్తారు.

అదే ఓటీటీలో రిలీజ్ అయితే ఈ సినిమాని ప్రపంచవ్యాప్తంగా ఎంతో మంది చూస్తారు. అందుకే ఇంకా కొంచెం జాగ్రత్తలు తీసుకొని సినిమా విడుదల చేస్తున్నారు అని సమాచారం. ఈ సినిమా అసలు పాన్-ఇండియన్ రిలీజ్ అవ్వాల్సింది. కానీ కొన్ని కారణాల వల్ల కేవలం తెలుగు, మలయాళంలో మాత్రమే ఈ సినిమా రిలీజ్ అయ్యింది. మరి ఇప్పుడు ఇన్ని మార్పులు చేసిన తర్వాత ప్రేక్షకులు ఈ సినిమాని చూసి ఎలా స్పందిస్తారో అనేది తెలియాలి అంటే ఓటీటీలో సినిమా విడుదల అయ్యేంతవరకు ఆగాల్సిందే.

ALSO READ : ఫ్లాప్ ల బాట పడుతున్న “టాలీవుడ్”.. ఒక్కసారిగా ఈ మార్పు ఎందుకొచ్చింది.. కారణమేంటి..??

సింహ, లెజెండ్ తర్వాత బాలకృష్ణ, బోయపాటి శ్రీను కాంబినేషన్‌లో వచ్చిన మూడవ సినిమా అఖండ. దాంతో ప్రేక్షకుల్లో భారీగా అంచనాలు నెలకొన్నాయి. అసలు ముందే రావాల్సిన అఖండ సినిమా కరోనా కారణంగా వాయిదా పడింది. ఈ సినిమాతో వారిద్దరూ హ్యాట్రిక్ విజయం సాధిస్తారేమో అని అందరూ ఎదురుచూస్తున్నారు.

సినిమాకి ముఖ్య హైలెట్ మాత్రం బాలకృష్ణ. రెండు పాత్రల్లో, అది కూడా ముఖ్యంగా అఖండ పాత్రల్లో బాలకృష్ణ చాలా పవర్ ఫుల్ పెర్ఫార్మెన్స్ ఇచ్చారు. అఖండ మొదటి షో అయిన తర్వాత నుండే హిట్ టాక్ తెచ్చుకుంది.

బాలకృష్ణ – బోయపాటి కాంబినేషన్‌లో వచ్చిన ఈ సినిమాతో వారిద్దరు హ్యాట్రిక్ విజయం సాధించారు అని అంటున్నారు. అఖండ సినిమాలో మురళీ కృష్ణగా, అఖండగా రెండు పాత్రల్లో నటించారు బాలకృష్ణ. బాలకృష్ణ అంతకుముందు కూడా కొన్ని సినిమాల్లో డ్యూయల్ రోల్ లో నటించారు. ఆ సినిమాలు ఏవో ఇప్పుడు చూద్దాం.

#1 అపూర్వ సహోదరులు

1986లో వచ్చిన అపూర్వ సహోదరులు అనే సినిమాలో బాలకృష్ణ రెండు పాత్రల్లో నటించారు.

#2 రాముడు భీముడు

రాముడు భీముడు సినిమాలో బాలకృష్ణ రాముడిగా, భీముడిగా నటించారు.

#3 చెన్నకేశవ రెడ్డి

చెన్నకేశవరెడ్డి సినిమాలో తండ్రీ కొడుకుల పాత్రల్లో నటించారు బాలకృష్ణ.

#4 ఆదిత్య 369

ఈ సినిమాలో కృష్ణ కుమార్ గా, శ్రీకృష్ణ రాయలుగా నటించారు.

#5 సుల్తాన్

ఈ సినిమాలో బాలకృష్ణ హీరోగా, అలాగే కొంచెం నెగటివ్ షేడ్స్ ఉన్న పాత్రలో నటించారు.

#6 అఖండ

ఇటీవలే విడుదలై సూపర్ హిట్ అయిన అఖండ సినిమాలో కూడా బాలకృష్ణ రెండు పాత్రల్లో నటించారు.

#7 అల్లరి పిడుగు

అల్లరి పిడుగు సినిమాలో కూడా రెండు పాత్రలు పోషించారు బాలకృష్ణ.

#8 సింహా

సింహాలో కూడా తండ్రిగా, కొడుకుగా నటించారు.

#9 పెద్దన్నయ్య

ఈ సినిమాలో బాలకృష్ణ అన్నగా, తమ్ముడిగా నటించారు.

#10 లెజెండ్

లెజెండ్ సినిమాలో కూడా బాలకృష్ణ రెండు పాత్రల్లో నటించారు.

వీటితో పాటు ఇంకా ఎన్నో సినిమాల్లో బాలకృష్ణ డ్యూయల్ రోల్ లో, అలాగే కొన్ని సినిమాలో ట్రిపుల్ రోల్ లో కూడా నటించారు.