Mounika Singaluri

రామాయణ మహాభారతాలు రాముడు, కృష్ణుడు ఉన్నంతవరకు అందరికీ తెలిసిందే కానీ ఆ తరువాత ఏం జరిగింది అనే విషయం చాలామందికి తెలియదు. అలాగే మహాభారతం కూడా కురుక్షేత్రం వరకు చాలామందికి తెలిసే ఉంటుంది కానీ ఆ తరువాత పాండవులు ఏమయ్యారు, కృష్ణుడు ఎలా మరణించాడు, యదు వంశం ఎందుకు నాశనం అయింది వంటి విషయాలు చాలామందికి తెలిసి ఉండకపోవచ్చు. అదేమిటో ఇప్పుడు చూద్దాం. కురుక్షేత్ర యుద్ధం 18 రోజులపాటు జరుగుతుంది. దేశంలోని 80% జనాభా ఈ యుద్ధంలో మరణిస్తారు. కౌరవులందరూ మరణించడంతో యుద్ధానికి కారణమైన శ్రీకృష్ణుడిని నా వంశం నాశనమైనట్లే నీ యదువంశం కూడా త్వరలోనే నాశనం అయిపోతుందని గాంధారి శపిస్తుంది.

పాండవులు హస్తినాపుర రాజ్యానికి పాలకులవుతారు. గాంధారి శపించిన 36 సంవత్సరాల తరువాత ఆమె శాపం ప్రకారమే ద్వారకలో అలజడులు చోటు చేసుకుంటాయి. ఇక యాదవ కులం అంతమయ్యే సమయం ఆసన్నమైందని గ్రహిస్తాడు కృష్ణుడు. తపస్సు చేసుకోవడానికి దట్టమైన అడవికి వెళ్తాడు. అదే అడవిలో ఒక వేటగాడు కృష్ణుడి పాదాలని జింకగా భావించి అతనిపై బాణ ప్రయోగం చేయడంతో అక్కడే దేహాన్ని విడుస్తాడు శ్రీకృష్ణ పరమాత్ముడు.

ఇప్పుడు ఎవరైతే కృష్ణుడి పాదానికి బాణం వేసారో అతనే గత జన్మలో వాలి. శ్రీకృష్ణుడు ఎంతకీ కనిపించకపోవడంతో అర్జునుడు గోపాలుడి ని వెతుకుతూ వస్తుండగా అతనికి కృష్ణుడి పార్థివ దేహం కనిపిస్తుంది. అప్పటికే కృష్ణుడు మరణించి నాలుగు రోజులు కావడంతో అక్కడే తన సారధితో కలిసి అంతిమ సంస్కారాలు నిర్వహిస్తాడు అర్జునుడు. అప్పటికే ద్వారక సముద్రంలో మెల్ల మెల్లగా కలిసిపోతూ ఉంటుంది.

అదే ద్వాపర యుగానికి అంతం, కలియుగానికి ఆరంభం.ఈ సమయంలోనే ధర్మరాజు రాజ్యాన్ని అర్జునుడు కుమారుడైన పరీక్షిత్ కి అప్పగించి తన భార్య, మిగిలిన సోదరులతో కలిసి స్వర్గలోకానికి చేరేందుకు హిమాలకి వెళ్ళిపోతారు. అక్కడనుంచి స్వర్గారోహణ చేసే సమయంలో మధ్యదారిలో యమధర్మరాజు ఒక శునకంలా మారువేషంలో పాండవులతో కలిసి ప్రయాణిస్తాడు. దారిలోనే ధర్మరాజు తప్ప మిగిలిన వారందరూ ప్రాణాలు విడిచి పెట్టేస్తారు. వారికి నరకం ప్రాప్తిస్తుంది ధర్మరాజు మాత్రం స్వర్గం వరకు చేరుకుంటారు

రామాయణం భారతీయులకు ఎంత ముఖ్యమైన గ్రంథమో అందరికి తెలిసిందే. అందులోని ప్రతి భాగం నీతినే బోధిస్తుంది. ధర్మం ప్రకారం ఎలా నడుచుకోవాలో వివరిస్తుంది. అందులోని ఘట్టాలన్నీ ధర్మాచరణకు అద్దం పడతాయి. శ్రీ రాముడు మొదలుకొని ప్రతి వ్యక్తి ఎంతో కొంత ప్రభావాన్ని మనపై చూపిస్తారు. వేల సంవత్సరాలుగా రామాయణం మనలో భాగం అయిపొయింది.

అసలు రామాయణం అంటే.. రాముడు నడిచిన దారి. అయోధ్య నుంచి లంకానగరం వరకూ సాగిన ప్రయాణమే శ్రీమద్రామాయణ మహాకావ్యం. శ్రీ మహా విష్ణువు యొక్క ఏడో అవతారం రాముని అవతారం. ర్మానికి, న్యాయానికి, నీతికి, మంచికి, మర్యాదకు, విలువలకు, నైతికతకు నిలువుటద్దం శ్రీరాముడు.

అయితే నిత్యం రాముడ్ని పూజించే మన దేశం లో చాలా మంది ఆయన సుగుణాలను మాత్రం అలవరచుకోలేకపోతున్నారు. ఇప్పుడు రాముడికి ఉన్న గొప్ప లక్షణాలు ఏవో చూద్దాం..

#1 గుణ వంతుడు

సకల గుణాలు కలిగిన వాడే రాముడు. రాముడిని సత్యం యొక్క స్వరూపంగా.. ఆదర్శ కుమారునిగా, ఆదర్శ భర్తగా భావిస్తారు.

#2 ధర్మాత్ముడు

ధర్మం తెలిసిన వాడు. ధర్మ బద్ధ జీవనానికి నిలువెత్తు నిర్వచనం శ్రీరాముడు. మనిషి ఇలా బ్రతకాలి అని ఒక ఆదర్శవంతమైన జీవితాన్ని గడిపి.. మనిషి జన్మకు ఉన్న విశిష్టతను చాటిచెప్పిన పురుషోత్తముడు.

#3 అన్ని ప్రాణుల మంచి కోరేవాడు

తాను ఒక రాజు కాబట్టి కేవలం తన రాజ్య ప్రజల సంక్షేమమే కోరుకోలేదు రాముడు. భూమి మీద ఉన్న ప్రతి ప్రాణికి ఒకటే ధర్మం ఉండాలని భావించాడు.

#4 క్రోధాన్ని జయించినవాడు

రాముని జీవితంలో ఎన్నడూ అసభ్యకరమైన మాటలను అస్సలు మాట్లాడలేదట. ఎంత కోపం వచ్చిన దానిని బయటకు ప్రదర్శించడు. అలాగే తనను ఎవరైనా విమర్శిస్తుంటే వాటిని స్వీకరించి తన లోపాలను అధిగమించేవాడు. అవసరమైన చోట్ల మాత్రమే కోపాన్ని చూపించేవాడు రాముడు.

#5 ఎదుటివారిలో మంచిని చూసేవాడు

ఎవరైనా వారి జీవితంలో ఏదో ఒక తప్పు చేస్తుంటారు. అయితే కొన్నిసార్లు మంచి పనులు కూడా చేస్తుంటారు. అలా చేసిన మంచి పనుల గురించే శ్రీరాముడు ప్రస్తావించేవాడు.

#6 జ్ఞాన సంపన్నుడు

శ్రీ రాముడు వేదాలను, ధర్మాలను పూర్తిగా చదివాడు. ఆధ్యాత్మిక అభ్యాసాలను కూడా పూర్తిగా ఆచరించేవారు.

#7 ద్యుతిమంతుడు

శ్రీ రాముడు తాను వెలుగుతూ ఇతరులకు వెలుగును ఇచ్చేవాడు. దృఢమైన సంకల్పం కలిగినవాడు.

ఈ సుగుణాలే రాముడిని ఆదర్శ పురుషుడిగా నిలబెట్టాయి.

సాధారణం గా నడక, తీరు తెన్నులను బట్టి కొందరు మనిషిని చూసి లక్షణాలు చెప్పేయగలుగుతుంటారు. అలానే, చేతి రేఖలను బట్టి కూడా వీరు ఇలా ఉంటారు.. వీరి లక్షణాలు ఈ విధం గా ఉంటాయి అని చెప్పగలుగుతుంటారు.

అలానే, అమ్మాయిల కాలి వేళ్ళను బట్టి వారు ఏ విధం గా నడుచుకుంటారు, ఏ విధం గా ప్రవర్తిస్తారు..? వారిని పెళ్లి చేసుకుంటే ఎలా ఉంటుంది అన్న విషయాలను కూడా కొందరు చెబుతుంటారు. అవేంటో, ఇప్పుడు చూద్దాం.

అమ్మాయిల కాలి బొటన వేలి కంటే.. పక్కన ఉన్న వేలు పొడుగు ఎక్కువ గా ఉంటె.. వారు చాలా తెలివైన వారు గా ఉంటారట. అలానే, వారు ఎక్కువ గా క్రియేటివ్ గా పని చేస్తారట. మిగతా వేళ్ళ కంటే బొటన వేలు పొట్టి గా ఉన్న అమ్మాయిలైతే ఎన్ని పనులను అయినా., ఏ పని అయినా సునాయాసం గా చేసేస్తారట. అదే బొటన వేలు పక్కన వేలు మిగతా అన్ని వేళ్ళ కంటే పొడవు గా ఉంటె కనుక, అలాంటి అమ్మాయిలలో లీడర్ షిప్ క్వాలిటీస్ ఉంటాయట. ఎలాంటి సమస్య ఎదురైనా ముందుండి నడిపించగలుగుతారట.

వారు డైనమిక్ గా ఉండడం తో పాటు, ఆధిపత్యాన్ని చెలాయిస్తూ ఉంటారు. అదే కాలి రెండో వేలు అన్ని వేళ్ళ కంటే పొట్టి గా ఉంటె.. అలాంటి అమ్మాయిలు బాగా కలివిడి గా ఉంటారట. అందరితో బాగా కలిసిపోతూ, నవ్వుతు ఉంటారట. అదే కాలి మొదటి మూడు వేళ్ళు సమానం గా ఉండి, చివరి రెండు వేళ్ళు చిన్న గా ఉంటె.. ఈ అమ్మాయిలు చాలా దృఢం గా ఉంటారట.

కాలి వేళ్ళ లో నాలుగు సమానం గా ఉండి చివరి వేలు చిన్న గా ఉన్న అమ్మాయిలు కుటుంబానికి అత్యధిక ప్రాముఖ్యతను ఇస్తారట. అదే అన్ని వేళ్ళు పొడుగు గా ఉండి నాలుగో వేలు పొట్టి గా ఉంటె, ఇలాంటి అమ్మాయిలకు ఫ్యామిలీల పట్ల, రిలేషన్ షిప్ల పట్ల పెద్ద గా ఆసక్తి ఉండదట. అందరు ఇలానే ఉంటారని కాదు. జనరల్ గా ఇలాంటి గుర్తుల ద్వారా కొన్ని విషయాలను అంచనా వేసి చెబుతూ ఉంటారు అంతే.