Sainath Gopi

తెలంగాణ ఎన్నికల్లో అందరి దృష్టిని ఆకర్షించిన నియోజకవర్గం ఏదైనా ఉంది అంటే అది కామారెడ్డి. ఒక తెలంగాణ దృష్టినే కాకుండా యావత్ భారతదేశం దృష్టిని ఆకర్షించిన నియోజకవర్గం ఇది. ఎందుకంటే ఈ నియోజకవర్గంలో మాజీ సీఎం కేసీఆర్, ప్రస్తుత సీఎం రేవంత్ రెడ్డి పోటీ చేశారు.

ఒకరీకి ఒకరు పోటాపోటీగా ప్రచారాల్లో పాల్గొన్నారు. కెసిఆర్ నెగ్గుతారా, రేవంత్ రెడ్డి నెగ్గుతారా అంటూ తెలంగాణ ప్రజలందరూ కూడా ఎదురు చూశారు. అయితే తెలంగాణ ప్రజలందరికీ షాక్ ఇస్తూ ఇక్కడ ఒక సామాన్యుడు ఎమ్మెల్యేగా నెగ్గాడు. బిజెపి పార్టీ తరఫును కటికరెడ్డి వెంకటరమణారెడ్డి ఎమ్మెల్యేగా బరిలోకి దిగాడు.

అయితే కెసిఆర్, రేవంత్ రెడ్డి ల ముందు వెంకటరమణారెడ్డి నెగ్గి ఛాన్స్ లేదని అందరూ అన్నారు. అయితే తనకంటూ ఒక స్పెషల్ మేనిఫెస్టోని ఏర్పాటు చేసుకుని తన నియోజకవర్గ కోసం సొంత నిధులు 100 కోట్లు ఖర్చు పెడతానని ప్రజలకు హామీ ఇచ్చాడు. తాను ఇక్కడే ఉంటానని మీ అందరికీ ఏ అవసరం వచ్చినా నేను వెంటనే స్పందిస్తానని ప్రజలకి మాట ఇచ్చి వాళ్ళ నమ్మకాన్ని గెలుచుకున్నాడు.

కామారెడ్డి ప్రజలు కూడా కేసీఆర్, రేవంత్ రెడ్డి లను కాదని వెంకటరమణారెడ్డి తరఫున నిలబడ్డారు. ఎన్నికల్లో మంచి మెజారిటీ అందించి ఇద్దరు ఉద్దండులను ఓడించి ఎమ్మెల్యేగా వెంకటరమణారెడ్డికి పట్టం కట్టారు. అయితే కామారెడ్డి ఎమ్మెల్యే వెంకటరమణారెడ్డికి దివంగత ముఖ్యమంత్రి వైయస్ రాజశేఖర్ రెడ్డి తో మంచి అనుబంధం ఉంది. రాజశేఖరరెడ్డి అనుచరుడిగా పేరు కూడా వచ్చింది.

అయితే ఎమ్మెల్యేగా ఎన్నికైన తర్వాత ఒక ఇంటర్వ్యూలో రాజశేఖర్ రెడ్డి గురించి మాట్లాడుతూ… రాజశేఖర్ రెడ్డి 10 మందికి సాయం చేస్తూ, వారిని పైకి తీసుకువస్తూ ఒక నాయకుడిగా ఎదిగారని గుర్తు చేశారు.  రాజశేఖర్ రెడ్డి ఎప్పుడూ కూడా ప్రతిపక్షమా, విపక్షమా అని చూడకుండా అందరికీ సమానంగా చూసేవారని చెప్పుకొచ్చారు. తను 2004లో జిల్లా పరిషత్ చైర్మన్ గా ఉన్న సమయంలో రాజశేఖర్ రెడ్డి తో ఉన్న అనుభవం గుర్తు చేసుకున్నారు.

ఒక రైతు తన పాసుబుక్ కోసం సమతా నిలయానికి వచ్చి గొడవ చేస్తుంటే స్వయంగా రాజశేఖర్ రెడ్డి అతన్ని పిలిపించుకుని మాట్లాడారని, ఏంటా సమస్యని రైతును అడగా… తన కూతురు పెళ్లి ఉందని ఎమ్మార్వో పాస్ బుక్ చేయడం లేదని లంచం అడుగుతున్నారని రైతు విన్నవించుకున్నాడు.  పాసుబుక్ కాకపోతే తన పొలం అమ్మలేనని, కూతురు పెళ్లి ఆగిపోతుందని తనకి చావేదిక్కు అని కన్నీళ్లు పెట్టుకున్నాడు రైతు. వెంటనే ఆ జిల్లా కలెక్టర్ కి ఫోన్ చేసి ఎమ్మార్వోకి ఫోన్ కలిపి ఆ రైతు ఇంటికొచ్చే లోపు పాస్ బుక్ అతనికి ఇంటి వద్ద ఉండాలని ఆదేశాలు జారీ చేశారు.

వెంటనే రైతుకి రెండు లక్షల రూపాయలు ఇచ్చి దాంతో కూతురు పెళ్లి చేయాలని పొలం అమ్మవద్దని, అది కొడుకు కోసం అలాగే ఉంచాలని రైతుకి చెప్పారు.  మీ ఎమ్మెల్యే, మీ మంత్రి ఎవరో తెలుసా అని అడగగా రైతు తెలియదని చెప్పాడు. రైతును పంపించేసిన తర్వాత ఆ ఎమ్మెల్యే,ఆ మంత్రిని వైయస్ రాజశేఖర్ రెడ్డి చివాట్లు పెట్టారని, ప్రజలకు సేవ చేయండి అయ్యా..! ఇంకెందుకు మీరు ఉన్నది.. అంటూ వారితో చెప్పారని తన అనుభవాన్ని గుర్తు చేసుకున్నారు వెంకటరమణారెడ్డి…!

watch video : 

Nadendla Manohar: జనసేన పార్టీ రాజకీయ వ్యవహారాల కమిటీ చైర్ పర్సన్ నాదెండ్ల మనోహర్ ను పోలీసులు అరెస్టు చేశారు. ఈ విధంగా నాదెండ్ల మనోహర్ తో పాటు పలువురు జనసేన పార్టీ మహిళలను నేతలను కూడా విశాఖ పోలీసులు అదుపులోకి తీసుకున్నారు. అయితే ఈయనని అరెస్టు చేయడం పట్ల పవర్ స్టార్ పవన్ కళ్యాణ్ తీవ్ర స్థాయిలో ఆగ్రహం వ్యక్తం చేశారు.

విశాఖపట్నంలో టైకూన్ జంక్షన్ ను మూసి వేసి ప్రజలను తీవ్ర ఇబ్బందులకు గురి చేస్తుంటే ఆ కూడలి తెరవాలి అంటూ నోవాటేల్ హోటల్ వద్ద నాదెండ్ల మనోహర్ ఆధ్వర్యంలో పెద్ద ఎత్తున ఆందోళనలు చేపట్టారు అయితే ఈ ఆందోళనను అడ్డుకోవడం కోసం పోలీసులు నాదెండ్ల మనోహర్ తో పాటు మరికొందరిని కూడా అరెస్టు చేసి స్టేషన్ కి తరలించారు.

నాదెండ్ల మనోహర్ అరెస్టు కావడంతో జనసేన అధినేత పవర్ స్టార్ పవన్ కళ్యాణ్ సోషల్ మీడియా వేదికగా స్పందించారు. తక్షణమే వారిని విడుదల చేయకపోతే తాను వెంటనే విశాఖ బయలుదేరుతాను అంటూ ఈయన పోలీసులకు హెచ్చరించారు. ఆయనని అరెస్టు చేయడం అప్రజాస్వామికమని పవన్ కల్యాణ్ మండిపడ్డారు.  ప్రజలకున్న సమస్యలను తీర్చాల్సిన మున్సిపల్ కార్పొరేషన్ అధికారులు, పోలీసులు అధికారులు ఇందుకు భిన్నంగా స్థానిక ఎంపీ కోసం జంక్షన్ మూసి వేయడం ఏంటని ఈయన ప్రశ్నించారు.

కేవలం విశాఖ ఎంపీ రియల్ ఎస్టేట్ కోసం వాస్తు దోషం కారణంగా ఈ కూడలి మూసేయడం దారుణమని ఇలా ఈ జంక్షన్ మూసివేయడంతో వాహనదారులు ఎన్నో ఇబ్బందులు పడుతున్నారని సుమారు రెండు కిలోమీటర్ల మేర అధికంగా ప్రయాణం చేయాల్సి వస్తుందని వెల్లడించారు. మనోహర్  ఆధ్వర్యంలో పార్టీ నేతలు,వీర మహిళలు సన్నద్ధమైతే పోలీసులు ప్రవర్తించిన తీరు దారుణంగా ఉందన్నారు.

మనోహర్ అలాగే ఇతరులను వెంటనే విడుదల చేయాలని ఈయన పోలీసులను సూచించారు అలా కాని పక్షంలో తాను ఇప్పుడే విశాఖకు బయలుదేరుతాను అంటూ పవన్ కళ్యాణ్ చేసినటువంటి ఈ పోస్ట్ ప్రస్తుతం సోషల్ మీడియాలో వైరల్ గా మారింది. ఇక తాము శాంతియుతంగా ధర్నాలు చేస్తే అరెస్టు చేయడం మంచిది కాదని నాదెండ్ల మనోహర్ తెలిపారు ఈ విషయంపై ఉన్నతాధికారులు ఆలోచించాలని ఆ డివైడర్ తొలగించే వరకు మేము మా పోరాటం ఆపము. వైసీపీ నేతల ట్రాప్ లో పోలీసు అధికారులు పడొద్దని సూచించారు. రాష్ట్రంలో రూల్ ఆఫ్ లా లేదని విమర్శించారు.

మరొక నాలుగు నెలలు ఆంధ్రప్రదేశ్లో ఎన్నికలు జరగబోతున్నటువంటి నేపథ్యంలో వైఎస్ఆర్సిపి పార్టీకి గట్టి షాక్ తగిలిందని తెలుస్తోంది. వైఎస్ఆర్సిపి పార్టీలో ఎమ్మెల్యేగా ఎంతో కీలక బాధ్యతలు నిర్వహిస్తున్నటువంటి మంగళగిరి ఎమ్మెల్యే ఆళ్ల రామకృష్ణారెడ్డి ఎమ్మెల్యే పదవికి రాజీనామా చేయడం ఒక్కసారిగా ఏపీ రాష్ట్ర రాజకీయాలలో చర్చలకు కారణమైంది. ఇలా ఉన్నఫలంగా ఆళ్ల రామకృష్ణారెడ్డి రాజీనామా చేయడానికి గల కారణం ఏంటి అనే విషయంపై చర్చలు జరుగుతున్నాయి.

ఈ సందర్భంగా నేడు ఉదయం ఆళ్ల రామకృష్ణారెడ్డి తన ఎమ్మెల్యే పదవికి రాజీనామా చేస్తూ రాజీనామా లేఖను స్పీకర్ తమ్మినేని సీతారాంకు పంపించారు. ఇలా ఉన్నఫలంగా రామకృష్ణారెడ్డి పార్టీ నుంచి తప్పుకోవడానికి గల కారణాలు ఏంటి అనే విషయం మాత్రం తెలియడం లేదు. ఇలా తన ఎమ్మెల్యే పదవికి మాత్రమే రాజీనామా చేయడమే కాకుండా వైఎస్ఆర్సిపి పార్టీ సభ్యత్వానికి కూడా ఈయన రాజీనామా చేసినట్లు పేర్కొన్నారు.

తాను వైయస్సార్ హయాంలోని రెండుసార్లు ఎమ్మెల్యే టికెట్ ఆశించినప్పటికీ తనకు రాలేదు ఆయనప్పటికి నేను వైయస్సార్ గారిని కాంగ్రెస్ పార్టీని ఎప్పుడు కూడా వీడలేదని వారిని ఒక్క మాట కూడా అనలేదని ఈయన మీడియా సమావేశంలో తెలిపారు. అదే విధంగా వైఎస్సార్సీపీ పార్టీని స్థాపించిన తర్వాత జగన్మోహన్ రెడ్డి పిలుపుమేరకు తాను ఈ పార్టీలోకి వచ్చాను ఆయన నాకు రెండు సార్లు ఎమ్మెల్యే టికెట్ ఇచ్చారు అందుకు తనకు ధన్యవాదాలు అంటూ తెలియజేశారు.

ఉన్నఫలంగా తాను పార్టీ నుంచి తొలగిపోవడానికి నా వ్యక్తిగత కారణాలే కారణమని ఈయన చెప్పకు వచ్చారు. అయితే టీవీ 9 కథనం ప్రకారం ఈయన రాజీనామా చేయడానికి కారణం హై కమాండ్ ఈయనని గత కొంతకాలంగా దూరం పెడుతూ రావడమే రావడమనే అని అంటున్నారు.ఆళ్ల రామకృష్ణారెడ్డికి తెలియకుండా తన నియోజకవర్గంలో పార్టీకి సంబంధించినటువంటి ఎన్నో పనులు జరుగుతున్నాయి దీంతో ఆయన కాస్త అసంతృప్తికి లోనయ్యారని అని అంటున్నారు. ఇటీవల వైఎస్ఆర్సిపి పార్టీ కార్యాలయాన్ని ఏర్పాటు చేసిన ఆ విషయం కూడా ఆయనకీ తెలీదు అంట.  ఇక ఈ పార్టీ ఆఫీసు ప్రారంభోత్సవ కార్యక్రమానికి మంగళగిరి నియోజకవర్గ ఇన్చార్జ్ గంజి చిరంజీవిని ఆహ్వానించి ఆయన చేతుల మీదుగా జరిపించారు.

ఇలా పార్టీ హై కమాండ్ తనని ఏ విషయంలోనూ దగ్గరకు రానీయకుండా దూరం పెట్టడంతోనే అసంతృప్తికి లోనయ్యారని అలాగే వచ్చే ఎన్నికలలో రెడ్డి సామాజిక వర్గానికి కాకుండా బీసీ సామాజిక వర్గానికి టికెట్ ఇస్తారన్న ప్రచారం కూడా జరుగుతుంది.మరి ఆళ్ల రామకృష్ణారెడ్డి ఉన్నఫలంగా పార్టీకి అలాగే ఎమ్మెల్యే పదవికి దూరం కావడానికి గల కారణాలు ఏంటి అనే విషయాలు తెలియాల్సి ఉంది. మరి ఇందులో నిజమెంత అనేది తెలియదు.రాజానామాకి కారణాన్ని ఆయన స్వయంగా చెప్తారో లేదో చూడాలి.