ప్రస్తుతం సినిమాలకు ఎంత డిమాండ్ ఉందో, వెబ్ సిరీస్ కి కూడా అంతే డిమాండ్ ఉంది. ఎన్నో డిఫరెంట్ కాన్సెప్ట్ లతో వెబ్ సిరీస్ ని రూపొందిస్తున్నారు. తెలుగులో కూడా వెబ్ సిరీస్ కంటెంట్ కి కొదవలేదు.
అయితే వివిధ భాషల్లో వచ్చిన వెబ్ సిరీస్ ని కూడా తెలుగులోకి డబ్ చేసి విడుదల చేస్తున్నారు. తెలుగులో వచ్చిన వెబ్ సిరీస్ కూడా మిగిలిన భాషల్లో డబ్ అయ్యి విడుదల అవుతున్నాయి. అలా ఇటీవల ఒక వెబ్ సిరీస్ సెన్సేషన్ క్రియేట్ చేస్తోంది.
ఆ సిరీస్ పేరు పోచర్. అమెజాన్ ప్రైమ్ లో ఇది విడుదల అయ్యింది. హిందీలో రూపొందించిన ఈ సిరీస్, తెలుగు, తమిళ్, మలయాళం, కన్నడ భాషలో కూడా స్ట్రీమ్ అవుతోంది. నిమిషా సజయన్, రోషన్ మాథ్యూ, దిబ్యేందు భట్టాచార్య, రంజితా మేనన్ ఇందులో ముఖ్య పాత్రల్లో నటించారు. ఢిల్లీ క్రైమ్ లాంటి వెబ్ సిరీస్ కి దర్శకత్వం వహించిన రిచి మెహతా దీనికి కూడా దర్శకత్వం వహించారు. ఒక నిజ జీవిత సంఘటన ఆధారంగా ఇది రూపొందించారు.
ప్రముఖ బాలీవుడ్ నటి ఆలియా భట్ ఈ సిరీస్ కి సహనిర్మాతగా వ్యవహరించారు. ఇంక ఈ సిరీస్ కథ విషయానికి వస్తే, మాల (నిమిషా సాజయన్) ఒక ఫారెస్ట్ ఆఫీసర్. మాల తండ్రి ఒక వేటగాడు. తన తండ్రి చేసిన తప్పులని మాల సరిదిద్దాలి అనుకుంటుంది. అలాన్ (రోషన్ మాథ్యూ) ఒక నంబర్ క్రంచర్. టెలిఫోన్ రికార్డ్‌ల రీమ్‌ల సహాయంతో ఎన్నో కేసులని పరిష్కరిస్తూ ఉంటాడు. నీల్ (దిబ్యేందు భట్టాచార్య) వారి సీనియర్. నీల్ కి అనారోగ్య సమస్య ఉంటుంది.
అయినా సరే అది పట్టించుకోకుండా, సరైన మార్గంలో నడవటం ద్వారా వచ్చే ఎన్నో అడ్డంకులని అధిగమిస్తూ ఎదురు వెళ్తాడు. ఏనుగులతో జరిగిన వ్యాపారాలని వీళ్లు ఎలా ఆపగలిగారు అనేది కథ. అమెజాన్ ప్రైమ్ లో ఈ సిరీస్ విడుదల అవ్వకముందే సుడాన్ ఫిలిం ఫెస్టివల్ లో దీన్ని ప్రదర్శించారు. అక్కడ ఈ సిరీస్ చూసిన వాళ్ళు అందరూ కూడా మెచ్చుకున్నారు. దాంతో ఇప్పుడు అమెజాన్ ప్రైమ్ లో కూడా విడుదల చేశారు. సాధారణంగా నిజ జీవిత కథ ఆధారంగానే ఎక్కువ శాతం సిరీస్ రూపొందుతున్నాయి.
అయితే అవి ఎంత సహజంగా చూపించారు అనేది కూడా ప్రేక్షకులు గమనిస్తున్నారు. ఈ సిరీస్ లో చాలా విషయాలని కళ్ళకి కట్టినట్లుగా చూపించడం కోసం చాలా సీన్స్ నిజమైన అడవుల్లోనే చిత్రీకరించారు. చూస్తుంటే ఇది అర్థం అవుతోంది. అంతే కాకుండా ఈ సిరీస్ కుటుంబం అంతా కలిసి చూసే అంత సాధారణంగానే ఉంది. ఈ సిరీస్ మొత్తంగా 8 ఎపిసోడ్లు ఉన్నాయి. కానీ సిరీస్ అంత ఆసక్తికరంగా సాగుతుంది కాబట్టి ఒకసారి కూర్చుంటే 8 ఎపిసోడ్లు ఈజీగా అయిపోతాయి. ఇటీవల కాలంలో వచ్చిన బెస్ట్ థ్రిల్లర్ సిరీస్ ఇదే అని చూసినవారు అంటున్నారు.
పీరియడ్స్‌ అనేది ప్రతి స్త్రీ జీవితంలో ఒక భాగం. మోనో పాజ్ ప్రతి మహిళ ఎదుర్కొనే సమస్య. రుతుక్రమం అనేది గతి తప్పుతుంది. అమ్మాయి రజస్వల అయినప్పుడు మొదలైన రుతుక్రమం ఆగిపోతుంది. దీన్ని మెనోపాజ్ అంటారు. అలాగే పన్నెండు నెలల పాటు నెలసరి రావడం నిలిచిపోతే దాన్నే మెనోపాజ్ గా చెబుతారు. ఈ దశ మొదలయ్యే ముందు మహిళలలో కొన్ని లక్షణాలు కనిపిస్తాయి. అవి కూడా మహిళలందరిలో ఒకేలా ఉండవు.
మెనోపాజ్ ముందు మహిళల్లో వచ్చే లక్షణాలు, ఏమిటంటే, చిన్న విషయాలకే ఎక్కువగా కోపం, చిరాకు, ఇరిటేషన్ లాంటివి వస్తుంటాయి. జుట్టు రాలటం, మతిమరుపు, నిద్రపట్టకపోవటం, తలనొప్పి, ఒంట్లో వేడి ఆవిర్లు రావటం. చర్మంలో అనేక మార్పులు జరుగుతుంటాయి. చర్మం సాగినట్టుగా అవుతుంది. ముడుతలు కూడా వస్తాయి. స్కిన్ కాంతి తగ్గిపోతుంది. బరువు పెరగుతారు. ఇలా ఆఖరికి రుతు చక్రాలు పూర్తిగా ఆగిపోతాయి.
ఈ సమయంలో తమకి ఎదురయ్యే సమస్యలను మహిళలు పైకి చెప్పలేరు. ఇక వాటిని భరించలేక తమలో తామే సతమతమవుతూ ఉంటారు. హార్మోన్ల ఉత్పత్తిలో వచ్చే మార్పుల వల్ల మెనోపాజ్ స్టేజ్ లో మహిళలు మానసిక ఒత్తిడికి ఎక్కువగా గురవుతుంటారు. ఈ సమయంలో బరువు పెరగడం వల్ల టైప్ 2 డయాబెటిస్ రొమ్ము క్యాన్సర్, గుండె జబ్బులు లాంటివి వచ్చే అవకాశం పెరుగుతుందని నిపుణులు అంటున్నారు. వివరాల కోసం ఈ వీడియో చూడండి.
