ఆంధ్రప్రదేశ్ ముఖ్యమంత్రి శ్రీ వైయస్ జగన్మోహన్ రెడ్డి భారతి దంపతులకు సంబంధించిన ఫోటోలు ఎప్పుడు ఇంటర్నెట్ లో హల్ చల్ చేస్తూ ఉంటాయి. జగన్మోహన్ రెడ్డి చిన్ననాటి ఫోటోలు, పెళ్లినాటి ఫోటోలు అంటూ రకరకాల ఫోటోలు వస్తూ ఉంటాయి. అయితే ఇప్పుడు తాజాగా సీఎం వైఎస్ జగన్మోహన్ రెడ్డి పెళ్లి పత్రిక ఇంటర్నెట్ లో వైరల్ అవుతుంది.
1996 సంవత్సరంలో వైఎస్ రాజశేఖర్ రెడ్డి కడప ఎంపీగా ఉన్న సమయంలో జగన్మోహన్ రెడ్డి పెళ్లి జరిగింది. పెళ్లినాటికి జగన్మోహన్ రెడ్డి వయసు 24 సంవత్సరాలు.పులివెందులకు చెందిన ప్రముఖ వైద్యుడు ఈసీ గంగిరెడ్డి కుమార్తె భారతితో ఆగస్టు 28 ఉదయం 10 గంటల 30 నిముషములకు వైఎస్ జగన్, భారతిల పెళ్లి ఘనంగా జరిగింది.
అదే రోజు వైఎస్ వివేకానంద కుమార్తె సునీత వివాహం జరగడం కూడా విశేషం. జగన్మోహన్ రెడ్డి, సునీతలకు సంబంధించి పెళ్లి పత్రికను ఒకే కార్డు పై ముద్రించి పంచారు. కడప జిల్లాలో ఉన్న లయోలా కాలేజీ గ్రౌండ్ లో జగన్మోహన్ రెడ్డి భారతి ల వివాహం అత్యంత వైభవంగా జరిగింది.జగన్, భారతిలకు ఇద్దరు సంతానం. పెద్ద కుమార్తె పేరు హర్షారెడ్డి, చిన్న కుమార్తె పేరు వర్షా రెడ్డి. ప్రస్తుతం హర్షారెడ్డి లండన్ స్కూల్ ఆఫ్ ఎకనమిక్స్‌ లో చదవుకుంటున్నారు. చిన్న కుమార్తె అయిన వర్షా రెడ్డి ప్యారిస్‌ విశ్వవిద్యాలయంలో మాస్టర్స్ డిగ్రీ చేస్తున్నారు.
ప్రస్తుతం భారతి సాక్షి పత్రికను, భారతి సిమెంట్ కు సంబంధించిన వ్యాపార వ్యవహారాలను చూసుకుంటున్నారు. జగన్మోహన్ రెడ్డి 2004లో కాంగ్రెస్ పార్టీలో చేరి రాజకీయాల్లోకి అడుగు పెట్టారు. తర్వాత 2009 సంవత్సరంలో కడప ఎంపీగా గెలుపొందారు. రాజశేఖర్ రెడ్డి మరణం అనంతరం వైఎస్ఆర్ కాంగ్రెస్ పార్టీని స్థాపించడం తర్వాత 2014లో ప్రతిపక్ష పాత్ర పోషించడం జరిగింది. 2019 ఎన్నికల్లో భారీ మెజారిటీతో వైఎస్ఆర్ కాంగ్రెస్ పార్టీని అధికారంలోకి తీసుకువచ్చి ఆంధ్రప్రదేశ్ రెండవ ముఖ్యమంత్రిగా కొనసాగుతున్నారు.
కోలీవుడ్ స్టార్ హీరో విశాల్ 2008లో సత్యం అనే తమిళ యాక్షన్ డ్రామా మూవీలో నటించాడు. ఈ చిత్రానికి దర్శకుడు సురేష్ కృష్ణ సహచరుడు ఎ. రాజశేఖర్ దర్శకత్వం వహించాడు. ఇది ఆయనకి దర్శకుడిగా మొదటి సినిమా. ఈ మూవీలో విశాల్ తొలి సారిగా పోలీసు క్యారెక్టర్ లో నటించాడు.
లేడి సూపర్ స్టార్ నయనతార హీరోయిన్ గా నటించింది. ప్రముఖ కన్నడ స్టార్ హీరో ఉపేంద్ర ఈ చిత్రంలో కీలక పాత్రలో నటించాడు. అయితే ఉపేంద్ర ఈ చిత్రం ద్వారా కోలీవుడ్ లో ఎంట్రీ ఇచ్చాడు. ఇక ఈ చిత్రాన్ని ‘సెల్యూట్’ పేరుతో తెలుగులో రిలీజ్ చేశారు, అయితే ఈ మూవీ తమిళ, తెలుగులో ఏకకాలంలో చిత్రీకరించారు. ఈ సినిమాకి హారిస్ జయరాజ్ సంగీతం అందించారు. సెల్యూట్ మూవీ 2008లోఆగస్టు 14న విడుదలైంది.
ఈ చిత్రాన్ని విశాల్ అన్న విక్రమ్ కృష్ణ నిర్మించారు. ఇది ఇలా ఉంటే ఈ మూవీలోని ఒక యాక్షన్ సీన్ ను ఇన్ స్టా ఎంటర్టైన్మెంట్ జోన్ అనే పేజీలో పోస్ట్ చేశారు. ఆ సీన్ లో విశాల్ కిక్ చేసిన బాల్ రౌడీలందరికి తగిలి, మళ్ళీ విశాల్ చేతిలో రొటేట్ అవుతుంది. ఈ వీడియో చూసిన నెటిజెన్లు ఎవరో బోయపాటికి బ్రదర్ లాగా ఉన్నాడు అని కామెంట్స్ పెడుతున్నారు.
బయోపిక్ డ్రామాగా వచ్చిన “తర్లా ” ప్రస్తుతం జీ5 ఓటీటీలో స్ట్రీమింగ్ అవుతోంది. ఈ చిత్రంలో హుమా ఖురేషి, షరీబ్ హష్మీ జంటగా నటించారు. పూర్ణేందు భట్టాచార్య, భారతీ అచ్రేకర్, వీణా నాయర్ తదితరులు నటించారు. కథ విషయనికి వస్తే, పెద్ద కలలు కనే మిడిల్ క్లాస్ అమ్మాయి తర్లా (హుమా ఖురేషి). జీవితంలో పెద్దగా ఏదైనా సాధించాలనుకునే ఆమెకి పెళ్లి జరగడంతో సినిమా మొదలవుతుంది. వృత్తిరీత్యా ఇంజనీర్ నలిన్ (షరీబ్ హష్మీ)ని తర్లా పెళ్లి చేసుకుంటుంది.
కాలేజ్‌కి వెళ్లే తర్లా పెళ్లి అనంతరం వంట చేయడం ఎలా నేర్చుకుంది. అందరికి ఆదర్శంగా నిలిచే విధంగా ఆ తరువాత తన సొంత వంటల పుస్తకాలతో, భర్త సపోర్ట్ తో ఎలా ఎదిగింది అనేది స్టోరీ. హుమా ఖురేషి తర్లా దలాల్ పాత్రలో మెప్పించింది. షరీబ్ హష్మీ భార్యకు సహాయం చేసే భర్త పాత్రలో మెప్పించాడు.
మూవీలోని డైలాగ్స్ ఆకట్టుకుంటాయి. పాటలు ఫర్వాలేదు. సింపుల్ కథను చక్కగా చూపించారు. సాలు కె థామస్ సినిమాటోగ్రఫీ చక్కగా ఉంది. రాకేష్ యాదవ్ ప్రొడక్షన్ డిజైన్ మరియు తస్నీమ్ ఖాన్ కాస్ట్యూమ్స్ 1960-80 కాలానికి సంబంధించినవి ఉపయోగించారు. తర్లాను ఫిల్ గుడ్ మూవీ అని చెప్పవచ్చు.
