Megha Varna

ఈ మధ్య కాలంలో మోసాలు చేస్తున్న ఆటో డ్రైవర్లని చూసాము కానీ ఇంత మంచి పని చేసిన ఆటో డ్రైవర్లని చూడలేదు. ఈ డ్రైవర్ చేసిన పనిని చూస్తే మెచ్చుకుంటారు. నిజానికి ఈ ఆటో డ్రైవర్ వల్ల ఒక అమ్మాయి తన ఇంటికి క్షేమంగా వెళ్ళింది. ఇక అసలు ఏమైంది అనేది చూస్తే… మహారాష్ట్ర లోని పాలఘర్‌లోని వసాయి రైల్వే స్టేషన్ దగ్గర రాజు కర్వాడే అనే ఆటో డ్రైవర్ ఉన్నాడు. రోజు ప్రయాణికుల్ని ఎక్కించుకుని ఆటోలో తీసికెళ్ళి డబ్బులు సంపాదించుకుంటూ ఉంటాడు.

రోజూలానే ఆరోజు కూడా ప్రయాణికుల కోసం ఎదురు చూస్తున్నాడు రాజు. ఈ సమయంలో ఒక బాలిక అక్కడికి వచ్చింది. ఆమె వయసు 14 సంవత్సరాలు. ఒంటరిగా ఆటో దగ్గరకి ఆ బాలిక వచ్చింది. ఇక్కడ ఏమైనా గది అద్దెకి దొరుకుతుందా అని అడిగింది. ఆమె ఒంటరిగా వచ్చింది, వయస్సు చూస్తే చిన్నది అని ఆటోడ్రైవర్ ఆమె వివరాలను అడిగి తెలుసుకున్నాడు. అయితే ఆమె తల్లిదండ్రులతో గొడవపడి వచ్చేసినట్లు అతనికి అర్థమైంది.

అలానే ఆమెది ఢిల్లీ అని కూడా అతను తెలుసుకున్నాడు. ఆ తర్వాత ఆటో డ్రైవర్ రాజు మానిక్‌పూర్‌ పోలీస్ స్టేషన్ కి బాలికను తీసుకుని వెళ్ళాడు. బాలిక చెప్పిన వివరాలను బట్టి ఢిల్లీలోని సాకేత్ పోలీసుల నుంచి వివరాలు అడిగి పోలీసులు తెలుసుకున్నారు. ఇక్కడ అమ్మాయి ఉంది అని ఢిల్లీ పోలీసులకు సమాచారం ఇచ్చారు.

బాలిక తప్పిపోయిందని అక్కడి పోలీసులు చెప్పారు. ఆ తర్వాత పోలీసులు తల్లిదండ్రులకి చెప్పడంతో తమ పిల్లని తీసుకుని వెళ్లారు. అయితే ఆ బాలిక ఇంటికి క్షేమంగా వెళ్లడానికి కారణం ఆటో డ్రైవర్ రాజు. అతను చేసిన ఆ మంచి పనికి పోలీసులు అభినందించారు.

పెళ్లి అయ్యి కేవలం ఇరవై రెండు రోజులు మాత్రమే అయింది. ఇంతలోనే భారీ రేంజ్ లో స్కెచ్ వేసింది భార్య. అసలు దీనికోసం పూర్తి వివరాల్లోకి వెళితే.. తమిళ్ నాడు రాష్ట్రానికి చెందిన భువనేశ్వరిని కేబుల్ టీవీ లో పనిచేసే గౌతమ్ కి ఇచ్చి పెళ్లి చేసారు. అయితే పెళ్లి అయిన 22 రోజులకే భర్తని చంపించాలని అనుకుంది. 18 ఏళ్ల వయసులోనే భువనేశ్వరికి పోలీస్ డిపార్ట్మెంట్ లో చిన్న ఉద్యోగం వచ్చింది. ఆరు నెలల ట్రైనింగ్ కూడా ఆమె తీసుకుంది. చూడ్డానికి అమాయకంగా కనిపించే భువనేశ్వరి నిజానికి ఒక విలన్. ఓరోజు భార్య కొటేషన్ గ్యాంగ్ ని కలిసి భర్తను చంపించాలని అనుకుంది.

సినిమాల్లో చూపించినట్లు కాలుకి ఇంత, చెయ్యికి ఇంత అని డబ్బులు తీసుకుని కొట్టడం చంపడం లాంటివి ఆ గ్యాంగ్ చేస్తూ ఉండేవారు. ఈ గ్యాంగ్ లీడర్ పేరు ఆంటోని. బయట ఎవరికీ తెలియకుండా చంపాలని నాలుగు లక్షలు ఇస్తానని అడ్వాన్స్ కూడా ఇస్తానని భువనేశ్వరి చెప్పింది. ఒకవేళ కనుక తన పేరు బయటకు రాకుండా చంపేస్తే మరో లక్ష రూపాయలు ఇస్తానని చెప్పింది. అయితే భర్తని ఎందుకు చంపాలని అనుకుంటోంది అన్న సంగతి మాత్రం చెప్పలేదు. ఆమె దగ్గర నాలుగు లక్షలు నిజంగా ఉన్నాయా అని అనుమానం కలిగింది ఆంటోనికి.

సగం పేమెంటు ఇవ్వమన్నాడు. వెంటనే ఆమె తన మెడలో ఉన్న నెక్లెస్ తీసి ఇచ్చింది. అయితే ఎలా చంపాలి అని అడిగాడు. హైవే మీద ఒక గుడి ఉంది. ఆ గుడి దగ్గరకి తీసుకు వస్తాను అని చెప్పింది. ఆ తర్వాత అనుకున్నట్టుగానే భర్తతో బండి మీద గుడికి వెళ్ళింది. దారిలో కడుపు నొప్పిగా ఉందని వాష్ రూమ్ కి వెళ్ళాలని చెప్పింది. ఇంతలో ఒక చెట్టు దగ్గరికి ఆమె వెళ్లింది, భర్తని కూడా తోడుగా రమ్మంది. తిరిగి వచ్చేసరికి బండి టైర్ పంక్చర్ అయింది. మీరు బండి రిపేర్ చేసుకొని రండి నేను నెమ్మదిగా గుడికి వెళ్లి అక్కడ కూర్చుంటాను అని చెప్పింది. బండిని నెట్టుకుంటూ భర్త వెళ్తుండగా వేగంగా ఒక కారు వచ్చి బండిని ఢీకొంది.

గౌతమ్ ఒక గొయ్యి లో పడిపోయాడు. ఆ తర్వాత మళ్లీ రోడ్డు మీదికి వచ్చి నిలుచున్నాడు. ఇంతలో కొందరు వ్యక్తులు వచ్చి కొట్టడం మొదలుపెట్టారు. దారిన వెళ్తున్న ఒక కారు డ్రైవర్ ఏమైందని అడిగాడు. వెంటనే ఆ గ్యాంగ్ గౌతమ్ ని వదిలేసి పారిపోయారు. ఒక కారు డ్రైవర్ అతన్ని ఆసుపత్రికి తీసుకెళ్లాడు. పోలీసులకి ఫిర్యాదు చేయాలని ప్రైవేట్ ఆసుపత్రి డాక్టర్లు చెప్పగా.. పోలీసులు వచ్చి విచారించారు. చంపాలని అనుకున్నది ఆంటోనీ అని తెలుసుకుని పోలీసులు పిలిచి విచారణ చేయగా భార్య భువనేశ్వరి పేరు బయటకు వచ్చింది. ఆమె నగలు, భర్త ఫోటో అన్నీ చూపించారు. ఈ విషయాన్ని పోలీసులు ఇంకా గౌతమ్ కి చెప్పలేదు. అయితే గౌతమ్ తన భార్యకు ఫోన్ చేసి తనని చంపాలనుకున్న వాళ్లు దొరికారు అని ఆనందంగా చెప్పాడు.

మనం పోలీస్ స్టేషన్ కి వెళ్దాం తయారవ్వమని చెప్పాడు. సరే అని చెప్పింది. భర్త ఇంటికి వచ్చి చూసే సరికి ఉరి వేసుకుని చనిపోయింది భువనేశ్వరి. భువనేశ్వర్ ఏ చంపించాలని ఆఖరికి తెలిసింది. ఇది విన్న బంధువులు, చుట్టుపక్కల వాళ్ళు అందరు కూడా ఆశ్చర్యపోయారు. అయితే ఆమె తన భర్తను ఎందుకు చంపించాలని అనుకుంది అన్నది ప్రశ్నార్థకంగానే ఉంది. ఆమె ఎవరినైనా ప్రేమించి ఉండొచ్చేమో అన్న అనుమానాలు కూడా వస్తున్నాయి. కానీ ఆమె చనిపోవడానికి కారణం పోలీసులు అరెస్ట్ చేస్తారేమో అన్న భయం అని తెలుస్తోంది.

ఈ మధ్య కాలంలో ప్రతి ఒక్కరు దగ్గర స్మార్ట్ ఫోన్ ఉంటోంది. పైగా ప్రతి ఒక్క మూమెంట్ ని కూడా అందరూ క్లిక్ చేసి ఫోటో తీసుకుంటున్నారు. ఫ్రంట్ కెమెరా తో సెల్ఫీ లు గురించి అయితే మనం ప్రత్యేకంగా చెప్పక్కర్లేదు. అంతా కూడా సెల్ఫీలని ఎక్కువగా క్లిక్ చేస్తూ ఆ ఫొటోస్ ని దాచుకుంటారు. అయితే మామూలుగా ఉండే సరదా వేరు. కానీ ఈ విద్యార్థికి ఉన్న సరదాగా మామూలు సరదా కాదు. సెల్ఫీ సరదా ఒక కంప్యూటర్ సైన్స్ విద్యార్థికి అంతర్జాతీయ స్థాయిలో గుర్తింపు తీసుకువచ్చింది. పైగా కోట్లు సంపాదిస్తున్నాడు.

మరి ఇక దీనికోసం పూర్తి వివరాల్లోకి వెళితే… ఇండోనేషియాలోని సెమరాంగ్‌ యూనివర్సిటీకి చెందిన కంప్యూటర్‌ సైన్స్‌ విద్యార్థి సుల్తాన్‌ గుస్తాఫ్‌ అల్‌ ఘొజాలి కి సెల్ఫీలు అంటే చాలా ఇష్టం. ప్రతి రోజు కూడా సెల్ఫీ తీసుకునే వాడు. కంప్యూటర్ ముందు కూర్చుని ప్రతి రోజు కూడా ఒక సెల్ఫీ తీసుకోవడం తనకి అలవాటు. ఈ విద్యార్థి గత ఐదేళ్ల నుంచి కూడా ఇలానే సెల్ఫీలు తీసుకుంటున్నాడు.

ఆ తరవాత ఈ విద్యార్థి తనలో వచ్చిన మార్పులు అంటూ ఆ సెల్ఫీలతో వీడియో చేసాడు. నాన్‌ ఫంజిబుల్‌ టోకెన్‌ న్యూస్ పై ఈ విద్యార్థి కన్ను పడింది. ఎన్‌ఎఫ్‌టీలకు అకౌంట్ ఓపెన్ చేసాడు. ట్వీట్లు, పాటలు, ఫొటోలు, వీడియోలు వంటివి కొనడానికి, అమ్మడానికి దానిని వాడతారు.

సుల్తాన్ తన సెల్ఫీలను ‘ఘొజాలి ఎవిరీడే’ పేరుతో జనవరి 10వ తేదీన 933సెల్ఫీ లను అమ్మకానికి పెట్టాడు.  ఒక్కో సెల్ఫీ ధర మూడు డాలర్లు. ఇంకేముంది కొద్ది సేపట్లో ఇవి అమ్ముడైపోయాయి. జనవరి 21వ తేదీకి 500 మందికి పైగా వీటిని కొనుగోలు చేయడం జరిగింది. ఇలా ఈ విద్యార్థి 384 ఎథెర్‌ కాయిన్స్‌ ను సంపాదించాడు. అంటే వీటి విలువ రూ.7.5 కోట్లు.

అన్నదాతలు లేకపోతే మనకి బతుకే లేదు.. అయితే చాలా మంది రైతులను చిన్నచూపు చూస్తూ ఉంటారు. వారిని ఎప్పుడు చూసినా అవమానిస్తూ ఉంటారు. ఇదే మొదటిసారి కాదు. గతంలో కూడా ఇలాంటి అవమానాలు చాలా మంది రైతులు ఎదుర్కొన్న సంఘటనలని చూసాము. తాజాగా ఇలాంటి ఘటన ఒక రైతు కి చోటు చేసుకుంది. ఉచితంగా బొప్పాయి పండ్లు ఇవ్వలేదని ఆర్టిసి బస్సు డ్రైవరు బస్సు ఎక్కించుకోలేదు.

ఇక రైతు ఆ డ్రైవర్ కంగుతినేలా చేశాడు. మరి ఇక దీని కోసం పూర్తి వివరాల్లోకి వెళితే… నాగర్ కర్నూలు జిల్లాలోని పెద్ద కొత్తపల్లి మండలంమారేడు మాన్ దిన్నె గ్రామం నల్లమల్ల అడవి సమీపంలో ఉన్న మారుమూల గ్రామం. అక్కడికి కేవలం ఒకే ఒక బస్సు వెళుతుంది. ఆ గ్రామానికి చెందిన రైతు గోపయ్య బొప్పాయిలని పండించి వాటిని కొల్లాపూర్ పట్టణానికి తీసుకువెళ్లి అమ్ముకుంటూ ఉంటాడు.

ఎప్పటిలాగే బొప్పాయి పండ్లని బస్సులో తీసుకు వెళ్లడానికి రోడ్డుపై ఉంచాడు. అయితే డ్రైవర్ కి ఉచితంగా పండ్లు ఇవ్వలేదన్న కోపంతో బస్సు ఎక్కించుకో లేదు డ్రైవర్. ఆవేదన కి లోనై రైతు బొప్పాయి పండ్లని రోడ్డు మీద పెట్టి అక్కడే కూర్చుని గంట పాటు నిరసన వ్యక్తం చేశాడు. బొప్పాయి పండ్లను సాగు చేసి ప్రతి రోజూ అచ్చంపేట డిపో నుండి కొల్లాపూర్ కి వెళ్లే ఆర్టీసీ బస్సులో తనతో పాటు పండ్లకు టికెట్ తీసుకుని పట్టణానికి వెళుతూ ఉంటాడు. అయితే ఎప్పుడు కూడా ఉచితంగా బస్సు డ్రైవర్ కి పండ్లు ఇస్తానని చెప్పాడు.

ఒకరోజు మాత్రం మర్చిపోయి పండ్లు ఇవ్వలేదు. ఆ కోపంతో డ్రైవర్ బస్సు ఎక్కించుకో లేదు. ఇంకేముంది ఆవేదనతో రైతు గోపయ్య రోడ్డుకి అడ్డంగా పండ్ల బుట్ట పెట్టి తిరిగి వెళ్తున్న బస్సుని గంట పాటు వెళ్లకుండా నిరసన చేసాడు. ఇలాంటి డ్రైవర్లు ఉంటే ఆర్టీసీకి చెడ్డపేరు అని కూడా గోపయ్య అన్నాడు. ఇలాంటి డ్రైవర్లపై కఠిన చర్యలు తీసుకోవాలని గోపయ్య కోరాడు.