Megha Varna

సాధారణంగా సినిమా ఇండస్ట్రీలో వేరే భాషలకు చెందిన నటులు చాలా మంది ఉంటారు. కొంత మందికి భాష వస్తుంది. కొంత మందికి భాష రాదు. అలా భాష రానప్పుడు, డైలాగ్స్ చెప్పేటప్పుడు ఇబ్బందులను ఎదుర్కొంటారు. తర్వాత వారు తప్పులు ఏమైనా చెప్తే అవి డబ్బింగ్ లో కవర్ అయిపోతాయి. అయితే అలా భాషరాని నటులతో నటిస్తూ ఉంటే మిగిలిన వారు కూడా ఇబ్బందులను ఎదుర్కొంటారు. జయంతి గారి విషయంలో కూడా ఇలానే జరిగింది.

జయంతి గారికి భాష రాకపోవడం వల్ల ఇబ్బంది ఎదుర్కొన్నది మరెవరో కాదు. మహానటి సావిత్రి గారు. జయంతి గారు కన్నడలో స్టార్ హీరోయిన్ గా ఎదుగుతున్న సమయంలో ఒక తమిళ్ సినిమా చేస్తున్నారు. అదే సినిమాలో సావిత్రి గారు కూడా నటిస్తున్నారు. అయితే జయంతి గారికి ఎంతసేపటికీ డైలాగ్స్ రావట్లేదట. దాంతో డైరెక్టర్ అనేక షాట్లు తీయాల్సి వచ్చింది.

నెక్స్ట్ షాట్ కోసం ఎదురుచూస్తున్న సావిత్రి గారు డైరెక్టర్ తో, యూనిట్ డైరెక్టర్స్ తో డైలాగ్ చెప్పడం కూడా రాని వాళ్ళని ఎలా తీసుకున్నారు అని జయంతి గారి ముందే అన్నారట. దాంతో జయంతి గారు బాధ పడ్డారు. కారు లోకి వెళ్లి ఏడ్చేశారట. నిర్మాతలను కలిసి ఈ సినిమాలో తాను నటించలేను అని, ఎంత ఖర్చు అయిందో చెప్తే అంత మొత్తాన్ని ఇచ్చేస్తాను అని చెప్పి సినిమా నుండి తప్పుకున్నారు.

అయితే కొన్నాళ్ళకు ఒక కన్నడ సినిమాలో సావిత్రి గారు నటించారు. ఇదే సినిమాలో జయంతి గారు కూడా నటించారు. సెట్స్ లోకి వచ్చిన సావిత్రి గారిని చూసిన జయంతి గారు వెళ్లి సావిత్రి గారి కాళ్ళమీద పడిపోయారట.అప్పుడు సావిత్రి గారు, “నువ్వు ఒక పెద్ద స్టార్ హీరోయిన్ వి. నువ్వు నా కాళ్ళ మీద పడటం ఏంటి?” అని అడిగారట.

అందుకు జయంతి గారు అప్పుడు జరిగిన సంఘటన అని గుర్తు చేసి, “ఆ రోజు మీరు అలా తిట్టడం వల్లే నేను పూర్తిగా తమిళ్ నేర్చుకున్నాను” అని చెప్పారు. అలా జయంతి గారు ఆ మాటలని పాజిటివ్ గా తీసుకొని తమిళ్ నేర్చుకొని కేవలం తమిళ్ లో మాత్రమే కాకుండా తర్వాత ఇంకా ఎన్ని భాషల్లో కూడా నటించారు.

పీటల దాకా వచ్చిన పెళ్లిళ్లు కూడా ఆగిపోవడం మనం చూసే ఉంటాం. అయితే అలా పెళ్లికి రాకుండా డుమ్మా కొట్టిన వరుడికి బుద్ధి చెప్పింది యువతి. అది చూసి పోలీసులు కూడా అవాక్కయ్యారు. అయితే అసలు ఏమైంది అనేది చూస్తే… రిజిస్టర్ ఆఫీస్ లో అప్పటికే వివాహం అయిపోయింది.

ఆ తర్వాత సాంప్రదాయబద్దంగా పెళ్లి చేసుకుందామని అనుకున్నారు. దీంతో యువతి కుటుంబంలో పెళ్లి సందడి స్టార్ట్ అయ్యింది. పెళ్లి దుస్తులు ధరించిన వధువు వరుడు కోసం ఎదురు చూస్తోంది. సమయం దాటి పోతున్నా సరే వరుడు ఇంకా రావడం లేదు. దీనితో అతని ఇంటికి వెళ్లి చూసింది. తాళం వేసి ఉండటంతో ఆ యువతి మోసపోయింది అని గ్రహించి..

ప్రియుడి ఇంటి ముందు పెళ్లి బట్టల్లో ధర్నాకు దిగింది. ఆ వరుడు వచ్చి అందరి ముందు ఆమెని వివాహం చేసుకుంటే కానీ అక్కడి నుంచి లేవనని తగ్గించేసింది. ఇప్పటికీ ఆమె ధర్నా మొదలుపెట్టి రెండు రోజులు అయింది. ఆ వరుడు గురించి కానీ వాళ్ళ కుటుంబం గురించి కానీ ఎలాంటి జాడ తెలియలేదు. ఆ యువతి మాత్రం భీష్మించుకుని కూర్చోవడంతో పోలీసులు వెళ్లారు.

ఆమెకి నచ్చచెప్పాలని కూడా చూశారు. కానీ ఆమె వాళ్ళపై మండిపడడంతో అవాక్కయ్యారు. చివరికి ఏం చేయాలో తోచక పోలీసులు ఇద్దరు కానిస్టేబుల్స్ ని అక్కడ ఉంచారు. ఈ ఘటన ఒడిశాలోని బెర్హంపూర్ లో చోటుచేసుకుంది. బాధితురాలు డింపుల్ సుమిత్ సాహూ నేను సెప్టెంబర్ 7, 2020న రిజిస్టర్ ఆఫీస్ లో పెళ్లి చేసుకున్నామని అంది.

ఆ తర్వాత అత్తమామల వేధింపులు మొదలయ్యాయని అంది. ఆ తర్వాత భర్త కూడా ఆమెని వేధించాడని అంది. మహిళా పోలీస్ స్టేషన్ లో ఈ విషయంపై ఆమె ఫిర్యాదు కూడా చేసింది. అయితే పుట్టింట్లో ఉన్న ఆమెను మామ గారు కలిసి జరిగినవి మర్చిపోదాం అని ఆచార సంప్రదాయాల ప్రకారం పెళ్లి జరిపిద్దాం అని చెప్పారు అంది. అయితే పెళ్లి సమయానికి తన భర్త ఆ కుటుంబంతో పాటు కనపడకుండా వెళ్లిపోయారని చెప్పిందామె.