Biography

చైల్డ్ ఆర్టిస్ట్ గా కెరీర్ మొదలు పెట్టి ఎన్నో సినిమాల్లో నటించింది అనిఖా సురేంద్రన్. 2007 లో ఒక మలయాళం సినిమాతో తన కెరీర్ మొదలు పెట్టింది అనిఖా. కానీ ఆ సినిమాలో తన పాత్రకి అంతగా ప్రాముఖ్యత లేదు. అంటే ఆ సినిమాలో అనిఖా ఉన్నట్టు కూడా కొద్ది మందికి మాత్రమే తెలుసు. అది ఒక అన్ క్రెడిటెడ్ రోల్. తర్వాత 2010 లో మరొక మలయాళం సినిమా ద్వారా చైల్డ్ ఆర్టిస్ట్ గా పరిచయమైంది. ఆ తర్వాత కొన్ని మలయాళం సినిమాల్లో నటించింది.

2015 లో తమిళ్ స్టార్ అజిత్ హీరోగా, గౌతమ్ మీనన్ దర్శకత్వంలో వచ్చిన యెన్నై అరిందాల్ సినిమాతో తమిళంలో కూడా పరిచయమైంది అనిఖా. ఈ సినిమాలో త్రిష కూతురుగా నటించింది అనిఖా. ఇదే సినిమా తెలుగులో ఎంతవాడుగాని పేరుతో డబ్ అయింది. అలా అనిఖా మనందరికీ కూడా సుపరిచితురాలు అయ్యింది.

తర్వాత కొన్ని తమిళ్, మలయాళం సినిమాల్లో నటించింది. 2019 లో అజిత్ హీరోగా వచ్చిన విశ్వాసం సినిమా తెలుగులో కూడా అదే పేరుతో డబ్ అయింది. ఈ సినిమాలో అజిత్ – నయనతార కూతురుగా నటించింది అనిఖా. అలా అనిఖా విశ్వాసం సినిమా ద్వారా మన అందరికీ ఇంకా చేరువైంది.

అలాగే జయలలిత గారి జీవితం ఆధారంగా వచ్చిన క్వీన్ వెబ్ సిరీస్ లో యంగ్ జయలలిత గారి పాత్ర పోషించింది అనిఖా. ఇన్ని సంవత్సరాల్లో తన నటనకి గాను ఎన్నో అవార్డులను కూడా అందుకుంది. ఇప్పుడు అనిఖా ఒక డైరెక్ట్ తెలుగు సినిమాతో మనల్ని పలకరించబోతోంది అనే వార్త వినిపిస్తోంది. ఈ ఏడాది మొదట్లో విడుదలైన మలయాళ సినిమా కప్పేలా.

ఈ సినిమాని తెలుగులో రీమేక్ చేయబోతున్నారు. ఈ సినిమాలో విశ్వక్ సేన్, నవీన్ చంద్ర హీరోలుగా నటించబోతున్నారు. మలయాళంలో అన్నా బెన్ పోషించిన హీరోయిన్ పాత్రని తెలుగులో అనిఖా చేయబోతోంది అని సమాచారం. కప్పేలా తెలుగు రీమేక్ కి సంబంధించిన వివరాలను ఇంకా ప్రకటించాల్సి ఉంది.

image credits: instagram/anikhasurendran

ఎన్నో సంవత్సరాలుగా హీరోగా మనల్ని అలరిస్తూ ఎంతో గుర్తింపును సంపాదించుకున్నారు రాజశేఖర్. యాక్షన్, సెంటిమెంట్, థ్రిల్లర్ ఇలా అన్ని రకాల సినిమాల్లో తనదైన స్టైల్ నటనతో ఎంతో మంది అభిమానులను సంపాదించుకున్నారు. 1984 లో ప్రముఖ దర్శకుడు భారతీ రాజా గారి దర్శకత్వంలో వచ్చిన తమిళ సినిమా పుదుమై పెన్ తో సినిమా కెరీర్ మొదలు పెట్టారు రాజశేఖర్.

1985 లో వచ్చిన వందేమాతరం సినిమాతో తెలుగు ఇండస్ట్రీలో అడుగుపెట్టారు. తర్వాత ఈ ప్రశ్నకు బదులేది, దొర బిడ్డ, చల్లని రామయ్య చక్కని సీతమ్మ, తలంబ్రాలు, రేపటి పౌరులు, అరుణకిరణం, కాష్మోరా ఇలా ఎన్నో సినిమాల్లో నటించారు. వీటిలో కాష్మోరా రాజశేఖర్ కి మంచి పేరు తీసుకొచ్చింది. తర్వాత శృతిలయలు, ఆరాధన, స్టేషన్ మాస్టర్, బావమరుదుల సవాల్, మమతల కోవెల ఇలా ఎన్నో సినిమాలు చేశారు.

1989 లో వచ్చిన అంకుశం సినిమాతో ప్రేక్షకులకు ఇంకా చేరువయ్యారు రాజశేఖర్. ఆ తర్వాత ధర్మ యుద్ధం, బలరామకృష్ణులు, ఆగ్రహం, అల్లరి ప్రియుడు, గ్యాంగ్ మాస్టర్, అన్న, రాజ సింహం, దీర్ఘ సుమంగళీభవ, శివయ్య, బొబ్బిలి వంశం, మా అన్నయ్య ఇలా ఎన్నో సినిమాల్లో నటించారు. ఆ తర్వాత వచ్చిన కొన్ని సినిమాలు ఆశించిన ఫలితాన్ని ఇవ్వలేదు.

2017 లో ప్రవీణ్ సత్తారు దర్శకత్వంలో వచ్చిన పిఎస్వి గరుడ వేగ సినిమాతో కం బ్యాక్ ఇచ్చారు రాజశేఖర్. 2019 లో వచ్చిన కల్కి సినిమాలో రాజశేఖర్ చివరిగా కనిపించారు. ప్రస్తుతం అర్జున అనే సినిమా షూటింగ్ తో బిజీగా ఉన్నారు. 1991 లో నటి జీవితని పెళ్లి చేసుకున్నారు రాజశేఖర్. రాజశేఖర్ తమ్ముడు సెల్వ కూడా తమిళ్ లో ఎన్నో సినిమాల్లో నటించారు. తెలుగులో కూడా గ్యాంగ్ మాస్టర్ సినిమాలో నటించారు. అలాగే గోల్‌మాల్, 12-12-1950 అనే రెండు తమిళ సినిమాలకు దర్శకత్వం కూడా వహించారు.

అలాగే జీవిత సోదరి కూడా నటే. జీవిత చెల్లెలు అయిన ఉమ కూడా తెలుగులో నటించారు. కానీ  కేవలం కొన్ని సినిమాల్లో మాత్రమే కనిపించారు ఉమ. రాజశేఖర్, జీవిత దంపతులకు ఇద్దరు కూతుర్లు. పెద్ద కూతురు శివాని రాజశేఖర్ హీరోయిన్ గా ఎంట్రీ ఇవ్వబోతున్నారు. శివాని రాజశేఖర్ నటించిన డబ్ల్యూడబ్ల్యూడబ్ల్యూ (WWW) టీజర్ ఇటీవల విడుదలైంది. చిన్న కూతురు శివాత్మిక రాజశేఖర్ దొరసాని సినిమాతో ఇండస్ట్రీలో అడుగు పెట్టారు.

మోడలింగ్ తో తన కెరీర్ మొదలు పెట్టి, మిస్ ఇండియా కిరీటం గెలుచుకొని, తర్వాత నటిగా కూడా రాణించి ఎంతో గుర్తింపు తెచ్చుకున్నారు నమ్రత శిరోద్కర్. నమ్రత శిరోద్కర్ 1998 లో ఒక హిందీ సినిమాతో ఇండస్ట్రీలోకి అడుగు పెట్టారు. ఆ తర్వాత కొన్ని హిందీ సినిమాలు, ఒక కన్నడ సినిమా, అలాగే ఒక మలయాళం సినిమాలో కూడా నటించారు.

2000 సంవత్సరంలో వచ్చిన వంశీ సినిమాతో తెలుగు ఇండస్ట్రీకి పరిచయం అయ్యారు. తర్వాత కొన్ని హిందీ సినిమాలు, అలాగే ఒక మరాఠీ సినిమాలో కూడా నటించారు. తెలుగులో మెగాస్టార్ చిరంజీవితో అంజి సినిమాలో నటించారు నమ్రత శిరోద్కర్. ప్రస్తుతం నమ్రత వ్యాపార బాధ్యతలను చూసుకుంటున్నారు.

నమ్రత సోదరి శిల్పా శిరోద్కర్ అన్న సంగతి మనందరికీ తెలిసిందే. శిల్పా శిరోద్కర్ కూడా నటిగా ఎంతో గుర్తింపు సంపాదించారు. 1989 లో భ్రష్టాచార్ అనే సినిమాతో ఇండస్ట్రీలోకి అడుగు పెట్టారు శిల్పా. ఆ తర్వాత ఎన్నో హిందీ సినిమాల్లో నటించారు. 1992 లో మోహన్ బాబు గారు హీరోగా నటించిన బ్రహ్మ సినిమాతో తెలుగులో కూడా అడుగుపెట్టారు శిల్పా శిరోద్కర్. ఈ సినిమా ఆశించిన ఫలితాన్ని ఇవ్వలేదు.

ఆ తర్వాత ఎన్నో హిందీ సినిమాలతో పాటు ఒక తమిళ సినిమాలో కూడా నటించారు. శిల్పా శిరోద్కర్ సినిమాల్లో మాత్రమే కాకుండా సీరియల్స్ లో కూడా నటించారు. శిల్పా శిరోద్కర్, 2000 సంవత్సరంలో యునైటెడ్ కింగ్డమ్ కి చెందిన బ్యాంకర్ అయిన అపరేష్ రంజిత్ ని పెళ్లి చేసుకున్నారు.

వారిద్దరికీ ఒక కూతురు కూడా ఉంది. శిల్పా శిరోద్కర్, నమ్రత శిరోద్కర్ తరచుగా కలుస్తూనే ఉంటారు. శిల్పా, నమ్రత కి మాత్రమే కాకుండా మహేష్ బాబు, గౌతమ్, సితారకి కూడా చాలా క్లోజ్ అనే విషయం వాళ్ళ సోషల్ మీడియా అకౌంట్స్ చూస్తే అర్థమైపోతుంది.

watch video:

https://youtu.be/aUIDJOZ89n4

ఇటీవల ఒక నటి చెప్పిన న్యూ ఇయర్ విషెస్ వీడియో ట్రెండింగ్ లో ఉంది. తనే అభినయ. అభినయ న్యూ ఇయర్ విషెస్ చెప్తూ పోస్ట్ చేసిన వీడియో చూసినవారందరూ తనని ప్రశంసిస్తున్నారు. శంభో శివ శంభో, ఢమరుకం, సీతమ్మవాకిట్లో సిరిమల్లె చెట్టు, రాజు గారి గది 2 సినిమాల్లో ముఖ్య పాత్రల్లో నటించి ఎంతో గుర్తింపు సాధించారు అభినయ.  అభినయకి మాట్లాడటంలో ఇబ్బంది ఉంటుంది.

తనకి రెండున్నర సంవత్సరాల వయసున్నప్పుడు వెస్ట్ మారేడ్ పల్లి లోని “ఓరల్ స్కూల్ ఫర్ ద డెఫ్” లో లిప్ రీడింగ్ సెషన్స్ తో స్కూలింగ్ మొదలుపెట్టారు. తర్వాత తార్నాకలోని సెయింట్ ఆన్స్ స్కూల్లో చదివారు. 2007 లో మస్తానా మస్తానా అనే షోలో ప్రముఖ కొరియోగ్రాఫర్, నటులు, దర్శకులు లారెన్స్, అభినయ గురించి మాట్లాడారు. అభినయ తండ్రి ఆనంద్ వర్మ ఒక ఎక్స్ సర్వీస్ మెన్. ఆనంద్ వర్మ ఫిలిం ఇండస్ట్రీలో యాక్టివ్ గా ఉండేవారు.

నటన అవకాశం కోసం అభినయ ఫోటోలను ఫిలిం సర్కిల్ లో చూపిస్తూ ఉండేవారు. రఘువరన్ బీటెక్ సినిమాలో హీరో తండ్రి పాత్ర పోషించిన సముద్రఖని ఒక మంచి దర్శకులు కూడా. సముద్రఖని, తను దర్శకత్వం వహించబోయే నాడోడిగళ్ సినిమా కోసం ఒక కొత్త నటిని వెతుకుతున్నారు. అదే సమయంలో మలయాళ దర్శకులు స్లీబా అభినయ పోర్ట్‌ఫోలియోను సముద్రఖని కి చూపించారు.

అభినయ గురించి తెలుసుకున్న సముద్రఖని తనని సినిమాకి ఎంచుకోవాలని ఇంకా గట్టిగా నిర్ణయించుకున్నారట. అలా సినిమా రంగంలోకి అడుగుపెట్టారు అభినయ. ఈ సినిమాకి ఎన్నో అవార్డులు వచ్చాయి. ఈ సినిమాలో హీరో చెల్లెలి పాత్ర పోషించారు అభినయ. నాడోడిగళ్ సినిమా తెలుగులో రవితేజ, అల్లరి నరేష్, శివ బాలాజీ హీరోలుగా శంభో శివ శంభో గా రీమేక్ అయింది. ఈ సినిమాలో కూడా హీరో రవితేజకి చెల్లెలిగా నటించారు అభినయ.

అలాగే అయిరత్తిల్ ఒరువన్ సినిమాలో కూడా ఒక ముఖ్య పాత్రలో నటించారు. ఈ సినిమా తెలుగులో యుగానికి ఒక్కడు పేరుతో డబ్ అయింది. శంభో శివ శంభో ని కన్నడలో రీమేక్ చేశారు. అందులో కూడా అభినయ నటించారు. తర్వాత సెవెంత్ సెన్స్ సినిమాలో బోధిధర్మ భార్యగా నటించారు.

తెలుగులో దమ్ము, ఢమరుకం, జీనియస్, సీతమ్మ వాకిట్లో సిరిమల్లె చెట్టు, ధ్రువ, రాజు గారి గది 2 లో నటించారు. అలాగే మహంకాళి సినిమాలో గెస్ట్ అప్పియరెన్స్ లో కనిపించారు అభినయ. తెలుగు, తమిళ్ సినిమాల్లో మాత్రమే కాకుండా కన్నడ, మలయాళం, హిందీ సినిమాల్లో కూడా కనిపించారు.

Abhinaya in Shamitabh

హిందీలో ధనుష్, అమితాబ్ బచ్చన్ హీరోలుగా వచ్చిన షమితాబ్ సినిమాలో ఒక పాత్రలో కనిపిస్తారు అభినయ. ఇటీవల అభినయ న్యూ ఇయర్ సందర్భంగా విషెస్ చెప్పి ఈ సంవత్సరం మన పర్యావరణాన్ని ఎలా కాపాడుకోవాలి, ఎలాంటి మంచి పనులు చేయాలి అని ఒక వీడియో పోస్ట్ చేశారు. ప్రస్తుతం ఆ వీడియో వైరల్ అవుతోంది.

watch video :

https://www.youtube.com/watch?v=az6daszBZ-g

వేణు తొట్టెంపూడి నటించిన చిత్రాల్లో ప్రేక్షకాదరణ పొందిన వాటిలో ఒకటి చెప్పవే చిరుగాలి. ఇది ఉన్నై నినైత్తు అనే ఒక తమిళ సినిమాకి రీమేక్. ఇందులో హీరోగా సూర్య నటించారు. అయితే చెప్పవే చిరుగాలి సినిమాలో హీరో ఒక అమ్మాయిని ప్రేమిస్తాడు. ఆ అమ్మాయి మీకు గుర్తుండే ఉంటుంది. తన పేరు అషిమా భల్లా. అషిమా భల్లా అస్సాంలో పుట్టారు.

2001 లో వచ్చిన ప్యార్ జిందగీ హై అనే హిందీ సినిమాతో ఇండస్ట్రీలోకి అడుగు పెట్టారు. తర్వాత డాడీ సినిమాతో తెలుగు ఇండస్ట్రీకి పరిచయమయ్యారు. ఈ సినిమాలో సెకండ్ హీరోయిన్ గా నటించారు అషిమా భల్లా. తర్వాత ఒక హిందీ సినిమాలో హీరోయిన్ గా, ఇంకొక హిందీ సినిమాలో స్పెషల్ సాంగ్ లో కనిపించారు.

మెగాస్టార్ చిరంజీవి – వివి వినాయక్ కాంబినేషన్ లో వచ్చిన ఠాగూర్, తమిళ సినిమా రమణకి రీమేక్. ఠాగూర్ సినిమాలో శ్రియ పోషించిన పాత్రని రమణ సినిమాలో అషిమా భల్లా పోషించారు. తరువాత ఒక తమిళ సినిమా, ఒక హిందీ సినిమాలో నటించారు.  2004 లో వచ్చిన చెప్పవే చిరుగాలి సినిమాతో తెలుగు ప్రేక్షకులకు ఇంకా చేరువయ్యారు అషిమా భల్లా.

ఆ తర్వాత ఒక కన్నడ, ఒక హిందీ సినిమాలతో పాటు నాయుడు ఎల్ఎల్బి అనే ఒక తెలుగు సినిమాలో కూడా నటించారు. తర్వాత రెండు తమిళ సినిమాల్లో నటించారు అషిమా భల్లా. అషిమా భల్లా చివరిగా తంబి అర్జున అనే తమిళ సినిమాలో నటించారు. అషిమా భల్లా సినిమాలతో పాటు హిందీలో రెండు సీరియల్స్ లో కూడా నటించారు. అలాగే రెండు రియాలిటీ షోస్ లో కూడా పార్టిసిపేట్ చేశారు.

2018 లో మేరే పాపా హీరో హీరాలాల్ అనే సీరియల్ లో నటించారు అషిమా భల్లా. అషిమా భల్లా ఇంస్టాగ్రామ్ లో యాక్టివ్ గా ఉంటారు. అషిమా భల్లా కి వివాహం అయ్యింది. అందుకు సంబంధించిన వివరాలు ఏవీ ఎక్కడా లేవు. కానీ తన భర్త తో కలిసి దిగిన ఫోటోలను ఇంస్టాగ్రామ్ లో పోస్ట్ చేస్తూ ఉంటారు. ఒక మంచి పాత్రలతో మళ్లీ అషిమా భల్లా ప్రేక్షకులను అలరించాలని ఆశిద్దాం.

చిరునవ్వుతో, స్వయంవరం లాంటి సినిమాలతో ఇండస్ట్రీలో తనకంటూ ఒక గుర్తింపు తెచ్చుకున్నారు వేణు తొట్టెంపూడి. 1999 లో కె.విజయభాస్కర్ దర్శకత్వంలో వచ్చిన స్వయంవరం సినిమాతో తెలుగు ఇండస్ట్రీకి పరిచయం అయ్యారు వేణు. ఆ సినిమా హిట్ అయ్యింది. స్వయంవరం సినిమాకి నంది స్పెషల్ జ్యూరీ అవార్డు కూడా అందుకున్నారు. తర్వాత మనసు పడ్డాను కానీ సినిమాలో నటించారు.

2000 సంవత్సరంలో వచ్చిన చిరునవ్వుతో సినిమాతో ప్రేక్షకులకు ఇంకా చేరువయ్యారు వేణు. తర్వాత వీడెక్కడి మొగుడండీ, దుర్గ, హనుమాన్ జంక్షన్, మళ్లీ మళ్లీ చూడాలి, కళ్యాణ రాముడు, పెళ్ళాం ఊరెళితే, పెళ్ళాంతో పనేంటి, ఖుషీ ఖుషీగా, చెప్పవే చిరుగాలి, సదా మీ సేవలో, శ్రీకృష్ణ 2006, బహుమతి, అల్లరే అల్లరి ఇలా ఎన్నో సినిమాల్లో నటించారు. ఒక తమిళ్ సినిమాలో కూడా నటించారు వేణు. ఈ సినిమా తెలుగులో దుర్గ పేరుతో రూపొందించారు.

అటు చెప్పవే చిరుగాలి లాంటి సినిమాల్లో సీరియస్ పాత్రలు చేస్తూనే, హనుమాన్ జంక్షన్, పెళ్ళాం ఊరెళితే, ఖుషీ ఖుషీగా వంటి సినిమాల్లో కామెడీ ఉండే పాత్రలు కూడా చేశారు. చింతకాయల రవి, దమ్ము సినిమాల్లో ముఖ్య పాత్రల్లో నటించారు. వేణు చివరిగా 2013 లో వచ్చిన రామాచారి సినిమా లో కనిపించారు. 2001 లో వేణు అనుపమని పెళ్లి చేసుకున్నారు.

అనుపమ చెన్నైలో పెరిగారు. యూనివర్సిటీ ఆఫ్ మద్రాస్ లో ఎంబీఏ చేశారు. అనుపమ ఒక ట్రైన్డ్ ఇంటీరియర్ డిజైనర్ కూడా. అనుపమ “పేజెస్ ఇన్ టైం” అనే ఒక స్క్రాప్ బుకింగ్ బిజినెస్ రన్ చేస్తున్నారు. అంటే ఒకరికి సంబంధించిన మెమరీస్ అన్ని కలెక్ట్ చేసి ఒక స్క్రాప్ బుక్ రూపంలో ఇవ్వడం. ఇది ఒక్క స్టోర్ లో మాత్రమే కాకుండా వేరే ప్రదేశాలకి కూడా షిప్పింగ్ ఉండేలా కూడా ఏర్పాటు చేశారు.