2002 లో మాస్ మహారాజా రవితేజ – పూరి జగన్నాథ్ కాంబినేషన్ లో వచ్చిన ఇడియట్ సినిమాతో తెలుగు ఇండస్ట్రీలో అడుగు పెట్టారు రక్షిత. రక్షిత అసలు పేరు శ్వేత. 2002 లో ఇడియట్ సినిమాని కన్నడలో అప్పు పేరుతో రూపొందించారు. ఒక రకంగా చెప్పాలంటే ఇదే రక్షిత మొదటి సినిమా. ఈ సినిమాకి పూరి జగన్నాథ్ దర్శకత్వం వహించారు. పునీత్ రాజ్ కుమార్ హీరోగా నటించారు.

అప్పు సినిమాని కన్నడ స్టార్ నటులు రాజ్ కుమార్ గారి భార్య పార్వతమ్మ రాజ్ కుమార్ గారు నిర్మించారు. ఆవిడ శ్వేతకి రక్షిత అనే పేరు పెట్టారు. అలా ఇండస్ట్రీలోకి అడుగు పెట్టారు రక్షిత. ఆ తర్వాత శింబు హీరోగా తమిళంలో కూడా రీమేక్ అయ్యింది. దమ్ పేరుతో రూపొందిన ఈ రీమేక్ కి, ఏ. వెంకటేష్ దర్శకత్వం వహించారు. ఇందులో కూడా రక్షిత హీరోయిన్ గా నటించారు.

తర్వాత తెలుగులో పెళ్ళాం ఊరెళితే, నిజం, శివమణి, ఆంధ్రావాలా, జగపతి సినిమాల్లో నటించారు. అలాగే లక్ష్మీ నరసింహ, అందరివాడు సినిమాల్లో స్పెషల్ అప్పియరెన్స్ లో కనిపించారు. 2007 లో ఒక కన్నడ సినిమాలో చివరిగా నటించారు రక్షిత. అదే సంవత్సరం ప్రేమ్ అనే ఒక కన్నడ సినిమా డైరెక్టర్ ని పెళ్లి చేసుకున్నారు. 2012లో రాజకీయాల్లో చేరుతున్నట్లు ప్రకటించారు రక్షిత.

అయితే, రక్షిత నటనకు దూరం అయినా కూడా సినిమాలకు దూరం అవ్వలేదు. 2011 లో జోగయ్య అనే కన్నడ సినిమాని నిర్మించారు. ఆ తర్వాత డీకే, ద విలన్ అనే మరో రెండు సినిమాలకు నిర్మాతగా వ్యవహరించారు రక్షిత. ఇప్పుడు తన సోదరుడు అభిషేక్ రావు (రానా) హీరోగా వస్తున్న ఏక్ లవ్ యా అనే సినిమాని నిర్మిస్తున్నారు. ఈ సినిమాకి ప్రేమ్ దర్శకత్వం వహించారు.

ఇందులో రీష్మ, రచిత రామ్ హీరోయిన్లుగా నటించారు. రక్షిత కూడా ఒక స్పెషల్ అప్పియరెన్స్ లో కనిపించబోతున్నారు. 2020 లో విడుదల కావాల్సిన ఈ సినిమా కరోనా కారణంగా ఆలస్యం అయ్యింది. ఇప్పుడు ఈ సంవత్సరంలో ఏక్ లవ్ యా సినిమా ప్రేక్షకుల ముందుకు రాబోతోంది. కేవలం కన్నడలో మాత్రమే కాకుండా తెలుగు, తమిళ్, మలయాళం భాషల్లో కూడా ఈ సినిమా విడుదల అవుతుంది.

ప్రతి యాక్టర్ కి అన్ని రకాల పాత్రలు పోషించాలి అని ఉంటుంది. కానీ ప్రేక్షకులు మాత్రం కొన్ని పాత్రల్లో మాత్రమే యాక్టర్స్ ని అంగీకరిస్తారు. కొంత మంది నటులని లీడ్ రోల్స్ లో యాక్సెప్ట్ చేస్తే, ఇంకొంతమందిని ఇంపార్టెంట్ రోల్స్ లో చూడటానికి ఇష్టపడతారు. కానీ కొంతమందిని మాత్రం ఎటువంటి పాత్రలో అయినా సరే ప్రేక్షకులు స్వీకరిస్తారు.

వాళ్లలో ఒకరు జె.డి.చక్రవర్తి. పాత్ర ఏదైనా సరే, జే.డీ. చక్రవర్తి పర్ఫార్మెన్స్ మాత్రం ఆ పాత్రకి న్యాయం చేసేలాగా ఉంటుంది. జె.డి. చక్రవర్తి అసలు పేరు నాగులపాటి శ్రీనివాస చక్రవర్తి. 1989 లో వచ్చిన శివ సినిమాతో ఇండస్ట్రీలోకి అడుగు పెట్టారు జె.డి. చక్రవర్తి. తర్వాత నేటి సిద్ధార్థ, శ్రీవారి చిందులు, అతిరథుడు, రక్షణ, ఆదర్శం ఇలా ఎన్నో సినిమాల్లో నటించారు.

శివ నాగేశ్వర రావు గారి దర్శకత్వంలో వచ్చిన మనీ సినిమా ద్వారా ప్రేక్షకులకు ఇంకా దగ్గరయ్యారు జె.డి.చక్రవర్తి. తర్వాత మనీ మనీ, గులాబి, అనగనగా ఒక రోజు, దెయ్యం సినిమాలతో పాటు బొంబాయి ప్రియుడు, ఎగిరే పావురమా, ప్రేమకు వేళాయరా సినిమాల్లో కూడా నటించారు. 1998 లో వచ్చిన సత్య సినిమా, జె.డి.చక్రవర్తికి స్టార్ ఇమేజ్ తీసుకొచ్చింది.

తెలుగులోనే కాకుండా తమిళ్, మలయాళం, కన్నడ, హిందీ సినిమాల్లో కూడా నటించారు. అంతే కాకుండా మనీ మనీ మోర్ మనీ, సిద్ధం, డర్నా జరూరీ హై, దర్వాజా బంద్ రఖో, హోమం, దుర్గ, ఆల్ ది బెస్ట్ (తెలుగు) సినిమాలకు దర్శకత్వం వహించారు. పాపే నా ప్రాణం సినిమాకి నిర్మాతగా కూడా వ్యవహరించారు.

2016 లో జె.డి.చక్రవర్తి, లక్నోకి చెందిన అనుకృతి గోవింద్ శర్మని వివాహం చేసుకున్నారు. అనుకృతి రామ్ గోపాల్ వర్మ నిర్మాతగా వ్యవహరించిన శ్రీదేవి సినిమాలో నటించారు. ఈ సినిమాకి జె.డి.చక్రవర్తి దర్శకత్వం, సంగీత దర్శకత్వం వహించారు. ఈ సినిమా ఇంకా విడుదల అవ్వలేదు.

ఎన్నో సినిమాల్లో చైల్డ్ ఆర్టిస్ట్ గా నటించిన తేజ హీరోగా నటించిన సినిమా జాంబి రెడ్డి. ప్రశాంత్ వర్మ దర్శకత్వం వహించిన ఈ సినిమా ఫిబ్రవరి 5వ తేదీన థియేటర్లలో విడుదలైంది. ఇందులో ఒక హీరోయిన్ గా దక్ష నాగర్కర్ నటించగా, ఆనంది మరొక హీరోయిన్ గా నటించారు. ఆనంది మన తెలుగమ్మాయి.

వరంగల్ కి చెందిన ఆనంది ఆట ప్రోగ్రాం లో కూడా పాల్గొన్నారు. ఆనంది అసలు పేరు రక్షిత. 2012 లో వచ్చిన ఈ రోజుల్లో సినిమాతో మొదటిసారిగా బిగ్ స్క్రీన్ పై కనిపించారు. తర్వాత అదే సంవత్సరంలో వచ్చిన బస్ స్టాప్ సినిమాలో నటించారు. ఆ తర్వాత త్రినాధరావు నక్కిన దర్శకత్వంలో, వరుణ్ సందేశ్ హీరోగా వచ్చిన ప్రియతమా నీవచట కుశలమా అనే సినిమాలో హీరోయిన్ గా నటించారు.

నాయక్ సినిమాలో బ్రహ్మానందం గారు పెళ్లి చూపులు చూడడానికి వెళ్లే అమ్మాయిగా, రఘు బాబు చెల్లెలిగా నటించారు ఆనంది. ఆ తర్వాత గ్రీన్ సిగ్నల్ అనే సినిమాలో కనిపించారు. తర్వాత 2014 నుంచి వరుసగా ఎన్నో తమిళ సినిమాల్లో నటించారు. వాటిలో కయల్, త్రిష ఇల్లనా నయనతార, విసారణై, పరియేరుమ్ పెరుమాళ్ సినిమాలు ఆనందికి ఎంతో పేరు తెచ్చాయి.

మళ్లీ దాదాపు ఎనిమిది సంవత్సరాల తర్వాత జాంబి రెడ్డి తో డైరెక్ట్ తెలుగు సినిమాలో కనిపించారు ఆనంది. అలాగే సుధీర్ బాబు హీరోగా రాబోతున్న శ్రీదేవి సోడా సెంటర్ సినిమాలో కూడా నటిస్తున్నారు. జనవరి 7వ తేదీ 2021 లో వరంగల్ లో సోక్రటీస్ తో ఆనంది వివాహం జరిగింది.

2000 సంవత్సరం టైంలో ఎన్నో హిట్ సినిమాల్లో నటించి ఎంతో గుర్తింపు తెచ్చుకున్నారు సాక్షి శివానంద్. సాక్షి శివానంద్ ముంబై కి చెందిన వారు. 1995 లో వచ్చిన జనమ్ కుండలి అనే హిందీ సినిమాతో తన కెరీర్ ని మొదలు పెట్టారు. తర్వాత రెండు హిందీ సినిమాల్లో నటించారు. 1996 లో ఇంద్రప్రస్థం అనే మలయాళం సినిమాలో స్పెషల్ రోల్ లో కనిపించారు. అదే సంవత్సరం మంజీర ధ్వని అనే మరొక మలయాళం సినిమాల్లో కూడా నటించారు.

1997 లో పుదయల్ అనే తమిళ సినిమాతో తమిళ ఇండస్ట్రీలో అడుగు పెట్టారు సాక్షి శివానంద్. 1997 లోనే మెగాస్టార్ చిరంజీవి హీరోగా వచ్చిన మాస్టర్ సినిమాతో తెలుగు ఇండస్ట్రీకి పరిచయం అయ్యారు. ఆ తర్వాత కలెక్టర్ గారు, రాజహంస, నిధి, స్నేహితులు, సముద్రం, సీతారామరాజు, ఇద్దరు మిత్రులు ఇలా ఎన్నో తెలుగు సినిమాల్లో నటించారు.

సీతారామరాజు, సింహ రాశి, సముద్రం, ఇద్దరు మిత్రులు, యువరాజు వంటి సినిమాలు సాక్షి శివానంద్ ని తెలుగు వారికి ఇంకా దగ్గర చేశాయి. తెలుగులోనే కాకుండా హిందీ, తమిళ, కన్నడ సినిమాల్లో కూడా నటించారు.

పవర్ స్టార్ పవన్ కళ్యాణ్ సూపర్ హిట్ సినిమా ఖుషి హిందీలో అదే పేరుతో రీమేక్ అయింది. హిందీ రీమేక్ లో ఫర్దీన్ ఖాన్, కరీనా కపూర్ హీరోహీరోయిన్లుగా నటించారు. ఇందులో కూడా సాక్షి శివానంద్ ఒక స్పెషల్ రోల్ లో నటించారు.

సాక్షి శివానంద్ తెలుగులో చివరిగా 2010 లో శ్రీకాంత్ హీరోగా వచ్చిన రంగ ది దొంగ సినిమాలో కనిపించారు. తర్వాత ఆది భగవాన్ అనే తమిళ సినిమాలో స్పెషల్ అప్పియరెన్స్ చేశారు. కన్నడలో పరమశివ అనే సినిమాలో నటించారు.

హిందీలో దిల్లగీ యే దిల్లగీ అనే సినిమాలో నటించారు. కానీ ఆ సినిమా విడుదల అవ్వలేదు. సాక్షి శివానంద్ కి సాగర్ తో వివాహం జరిగింది. సాక్షి శివానంద్ సోషల్ మీడియాలో యాక్టివ్ గా లేరు. అందుకే తన వ్యక్తిగత విషయాల గురించి ఎలాంటి ఇన్ఫర్మేషన్ ఎక్కువగా బయటికి రాదు.

సాక్షి శివానంద్ చెల్లెలు శిల్పా ఆనంద్ కూడా సినిమాల్లో, సీరియల్స్ లో నటించారు. విష్ణు హీరోగా వచ్చిన మొదటి సినిమా విష్ణు లో హీరోయిన్ గా శిల్పా ఆనంద్ నటించారు.

చైల్డ్ ఆర్టిస్ట్ గా కెరీర్ మొదలుపెట్టి ఎన్నో సినిమాల్లో నటించారు బేబీ ఆనీ (Annie). ఆనీ మలయాళ కుటుంబానికి చెందినవారు. ఆనీ తనకి నాలుగేళ్ళ వయసు ఉన్నప్పటి నుంచి నటించడం మొదలు పెట్టింది. 2005 లో వచ్చిన అనుకోకుండా ఒక రోజు సినిమాలో ట్యూషన్ స్టూడెంట్ గా కనిపించింది.

తర్వాత స్టాలిన్, విజయదశమి, అతిధి సినిమాలో అమృత రావు చిన్నప్పటి పాత్రలో, శౌర్యం సినిమాలో గోపీచంద్ చెల్లెలిగా నటించిన పూనమ్ కౌర్ చిన్నప్పటి పాత్రలో, ఏక్ నిరంజన్, మిత్రుడు, కేడి, స్వాగతం సినిమాల్లో కూడా నటించింది. 2011 లో వచ్చిన రాజన్న సినిమాలో మల్లమ్మ పాత్ర పోషించింది.

ఈ సినిమాలో తన నటనకి ఎన్నో ప్రశంసలు అందుకుంది ఆనీ. అలాగే బెస్ట్ చైల్డ్ యాక్ట్రెస్ గా నంది అవార్డు, ఫిలిం ఫేర్ బెస్ట్ సపోర్టింగ్ యాక్ట్రెస్ అవార్డు కూడా అందుకుంది. తెలుగులో మాత్రమే కాకుండా 2010 లో శివ అనే భోజ్ పురీ సినిమాలో కూడా నటించింది ఆనీ. తర్వాత 2012 లో నువ్వెక్కడుంటే నేనక్కడుంటా, చదువుకోవాలి సినిమాల్లో నటించింది.

మళ్లీ దాదాపు ఆరు సంవత్సరాల విరామం తర్వాత 2018 లో వచ్చిన రంగస్థలం సినిమాలో రామ్ చరణ్, ఆది పినిశెట్టి చెల్లెలిగా నటించింది ఆనీ. సినిమాల్లో మాత్రమే కాకుండా సీరియల్స్ లో కూడా నటించింది. 2007 లో ట్రాప్ అనే ఒక టెలి ఫిలింకి, 2010 లో గోరింటాకు సీరియల్ కి నంది అవార్డులను కూడా అందుకుంది.

అలాగే ఇటీవల జీ 5 లో విడుదలైన లూజర్ వెబ్ సిరీస్ లో రూబీ పాత్ర పోషించింది.  ఆనీ, హైదరాబాద్ లోని అవినాష్ కాలేజ్ ఆఫ్ కామర్స్ లో చదువుతోంది. ఆనీ సోషల్ మీడియాలో కూడా చాలా యాక్టివ్ గా ఉంటుంది. తరచుగా తనకు సంబంధించిన విషయాలను పోస్ట్ చేస్తూ, అలాగే కొన్ని బ్రాండ్స్ ని కూడా ప్రమోట్ చేస్తోంది.

image credits: instagram.com/a_n_n_i_e7