OTT Releases

ప్రముఖ తెలుగు ఓటీటీ ప్లాట్‌ఫామ్‌ ఆహా అందిస్తోన్న సెలబ్రిటీ టాక్‌ షో అన్‌స్టాపబుల్‌ విత్‌ ఎన్‌బీకే మొదటి సీజన్‌ను విజయవంతంగా పూర్తి చేసుకుంది. సూపర్ స్టార్ మహేష్ బాబు, నేచురల్ స్టార్ నాని, ఐకాన్ స్టార్ అల్లు అర్జున్, మాస్ మహారాజ రవితేజ, దర్శకధీరుడు రాజమౌళి తదితర సెలబ్రిటీలతో ఈ ఛాట్‌షోలో బాలయ్య చేసిన సందడి అంతా ఇంతా కాదు. అన్‌స్టాపబుల్ షో తో బాలకృష్ణలోని మరో కోణం ప్రేక్షకులకు తెలిసొచ్చింది. ఈ షోలో ఎంతో ఈజ్‌తో చేసి హోస్ట్‌గా కెవ్వు కేక పుట్టించారు.

మొదటి ఎపిసోడ్ లో తన బావ, మాజీ ముఖ్య మంత్రి అయినా చంద్ర బాబు గారితో స్టార్ట్ చేసి షాక్ ఇచ్చారు బాలయ్య.
ఇక రెండో ఎపిసోడ్ లో యంగ్ హీరోస్ విశ్వక్ సేన్, సిద్ధు జొన్నలగడ్డలతో పాటు యువ నిర్మాత సూర్య దేవర నాగవంశీ కూడా వచ్చినట్లుగా ప్రోమోలో చూపించారు. ఇక ఇదే వీడియోలో ఈ సారి అన్‌స్టాపబుల్ షోకి పవర్ స్టార్ పవన్ కళ్యాణ్ కూడా రాబోతున్నట్లు హింట్ ఇచ్చారు బాలకృష్ణ.

అయితే అప్పుడే బాలకృష్ణ త్రివిక్రమ్ కు ఫోన్ చేశాడు. బాలయ్య ఫోన్ చేయగానే షోకు ఎప్పుడు వస్తున్నారు అని అడగ్గానే.. మీరు ఎప్పుడు అంటే అప్పుడు అని త్రివిక్రమ్ చెప్పాడు. ఇక అందుకు బాలయ్య ఎవరితో రావాలో తెలుసుగా అని కూడా అనేశాడు. పవన్ కళ్యాణ్ త్రివిక్రమ్ చాలా క్లోజ్ ఫ్రెండ్స్ కాబట్టి కలిసి వచ్చే అవకాశం ఉన్నట్లు అనిపిస్తోంది.

ఫస్ట్ సీజన్ ను మహేష్ బాబు ఎపిసోడ్ తో ముగించినట్లు ఈ సీజన్ లో పవన్ కళ్యాణ్ తో ప్లాన్ చేస్తున్నట్లు తెలుస్తోంది. అయితే ఇప్పటి వరకూ పవన్ కల్యాణ్ టాక్ షోలలో పాల్గొన్న దాఖలాలు లేవు. బాలయ్య అన్‌స్టాపబుల్‌కి హాజరైతే మాత్రం ఆయన ఫ్యాన్స్‌కి పండగే. ఓ వైపు షూటింగ్ లు, మరోవైపు పార్టీ పనులతో బిజీగా ఉండే పవన్ కల్యాణ్ దీని కోసం కోసం సమయం కేటాయిస్తారో లేదో చూడాలి.

ప్రభాస్ హీరోగా నటించిన ఆదిపురుష్ సినిమా టీజర్ ఇటీవల విడుదల అయ్యింది. అయోధ్యలో ఈ సినిమా టీజర్ విడుదల చేశారు. తెలుగుతో పాటు, హిందీ, తమిళ్, మలయాళం, కన్నడ భాషల్లో కూడా ఈ టీజర్ విడుదల అయ్యింది. బాహుబలి తర్వాత నుండి ప్రభాస్ నటించిన అన్ని సినిమాలు కూడా తెలుగుతో పాటు మిగిలిన భాషల్లో విడుదల అవుతున్నాయి. ఇప్పుడు ఈ సినిమా కూడా అలాగే విడుదల అవుతోంది.

ఈ సినిమాకి ఓం రౌత్ దర్శకత్వం వహించారు. ఓం రౌత్ అంతకుముందు తానాజీ సినిమాకి దర్శకత్వం వహించారు. ఆ సినిమా హిందీలో చాలా పెద్ద హిట్ అయ్యింది. ఇందులో సీత పాత్రలో కృతి సనన్ నటిస్తున్నారు. లక్ష్మణుడి పాత్రలో సన్నీ సింగ్ నటిస్తున్నారు. టీజర్ లో ప్రభాస్ తో పాటు వీరు కూడా కనిపిస్తున్నారు. రాముడిగా ప్రభాస్ లుక్ చాలా బాగుంది అంటూ ప్రేక్షకులు అభినందిస్తున్నారు.

అయితే ఇప్పుడు ఈ సినిమా వాయిదా పడుతుంది అని అంటున్నారు. అందుకు కారణం అప్పుడు వరుసగా స్టార్ హీరోల సినిమాలు విడుదల అవుతున్నాయి. ప్రభాస్ అంటే ముందు తెలుగు హీరో. సంక్రాంతి బరిలో చాలా తెలుగు సినిమాలు ఉన్నాయి. అందులో చిరంజీవి వాల్తేరు వీరయ్య, బాలకృష్ణ వీర సింహా రెడ్డి సినిమాలు ఉన్నాయి. దాంతో హిందీలో తెలీదులే కానీ తెలుగులో మాత్రం ఇన్ని సినిమాల మధ్య ప్రభాస్ ఆదిపురుష్ సినిమా చూస్తారా లేదా అనే ఆలోచనలు వస్తున్నాయి. దాంతో ఈ సినిమా విడుదల వాయిదా పడుతుంది అంటున్నారు. మరి ఇది ఎంతవరకు నిజమో తెలియాలి అంటే అధికారిక ప్రకటన వచ్చేంత వరకు ఆగాల్సిందే.

నాగార్జున హీరోగా నటించిన ది ఘోస్ట్ సినిమా ఇటీవల విడుదల అయ్యింది. అటు కమర్షియల్ సినిమాలని, ఇటు ప్రయోగాత్మక సినిమాలని సమానంగా బ్యాలెన్స్ చేయడానికి ఎప్పుడు తాపత్రయపడే నటులలో నాగార్జున ఒకరు. ఏ రకమైన పాత్ర అయినా చేయగలను అని నాగర్జున ఇప్పటికే చాలా సినిమాలతో నిరూపించారు.

సీనియర్ హీరో అయిన తర్వాత కూడా డిఫరెంట్ పాత్రలు ఎంచుకుంటూ, కొత్త దర్శకులకు అవకాశం ఇస్తూ, ఇప్పటికి కూడా ప్రయోగాత్మక సినిమాలు అంటే ముందు వరుసలో ఉంటున్నారు. నాగార్జున ఆఫీసర్ పాత్ర పోషించడం కొత్త ఏమీ కాదు. కానీ ఈ ఘోస్ట్ సినిమాలో ఒక ఆఫీసర్ కి లవ్ స్టోరీ ఉండటం అనేది కొంచెం కొత్తగా అనిపిస్తుంది.

ఈ సినిమా కోసం నాగార్జున ప్రత్యేక కత్తియుద్ధం కూడా నేర్చుకున్నారు. అయితే ఈ సినిమా యావరేజ్ గా నిలిచింది. కొంతమందికి సినిమా చాలా బాగుంది అని అనిపించింది. కానీ కొంతమందికి మాత్రం చాలా ఎక్కువగా ఉంది అని అనిపించింది. ప్రస్తుతం ఈ సినిమా ఓటీటీ రిలీజ్ అవ్వడానికి సిద్ధం అవుతోంది. ఈ సినిమా వచ్చే నెలలో ఓటీటీ రిలీజ్ అవుతుంది అని సమాచారం. ఈ సినిమా నవంబర్ 2వ తేదీ నుండి నెట్‌ఫ్లిక్స్‌లో స్ట్రీమ్ అవుతుంది.

ఈ విషయంపై ఇంకా అధికారిక ప్రకటన రావాల్సి ఉంది. అలాగే చిరంజీవి హీరోగా నటించిన గాడ్ ఫాదర్ సినిమా కూడా దగ్గర దగ్గర అదే సమయంలో విడుదల అవుతుంది అని సమాచారం. మన ఇందులో ఎంతవరకు నిజం ఉందో తెలియాలి అంటే అధికారిక ప్రకటన వచ్చేంత వరకు ఆగాల్సిందే.

నాగార్జున అక్కినేని ప్రధాన పాత్రలో వచ్చిన లేటెస్ట్ స్పై థ్రిల్లర్ ఘోస్ట్. మంచి అంచనాల నడుమ వచ్చిన ఈ సినిమా అక్టోబర్ 5 న విడుదలై ఓకే అనిపించుకుంది.. మంచి బజ్‌తో వచ్చిన ఈ సినిమాలో నాగార్జున సరసన సోనాల్ చౌహాన్ నటించారు. ఈ సినిమాకు ప్రవీణ్ సత్తారు దర్శకత్వం వహించారు.

ఈ సినిమాలో గుల్ పనాగ్, అనిఖా సురేంద్రన్, రవివర్మ తదితరులు ముఖ్య పాత్రలు పోషించారు. శ్రీ వెంకటేశ్వర సినిమాస్ ఎల్‌ఎల్‌పి, నార్త్‌స్టార్ ఎంటర్‌టైన్‌మెంట్ బ్యానర్‌లపై నారాయణ్ దాస్ నారంగ్, సునీల్ నారంగ్, పుస్కుర్ రామ్ మోహన్ రావు, శరత్ మరార్‌లతో కలిసి ఈ ప్రాజెక్ట్‌ను భారీ బడ్జెట్‌తో నిర్మించారు. మార్క్ కె రాబిన్ సంగీతం అందించారు.

విడుదలకు ముందు రిలీజ్ చేసిన ట్రైలర్‌కు మూవీ లవర్స్ నుంచి మంచి రెస్పాన్స్ వచ్చింది. అయితే చిరంజీవి గాఢ్ ఫాదర్ చిత్రం తో పోటీపడిన ఈ చిత్రం మార్నింగ్ షో నుంచే మిక్స్డ్ టాక్ తెచ్చుకుంది. ఇదిగా ఉంటే ఈ చిత్రం ఓటిటి రిలీజ్ కు సంభందించిన ఒక అఫీషియల్ న్యూస్ బయటకు వచ్చింది.

నాగార్జున కంప్లీట్ యాక్షన్ మోడ్‌‌లో కనిపించిన ఈ చిత్రాన్ని స్ట్రీమింగ్ దిగ్గజం నెట్ ఫ్లిక్స్ సొంతం చేసుకుని స్ట్రీమింగ్ చేయనున్నారు. గతంలో నాగ్ నటించిన వైల్డ్ డాగ్ చిత్రం సైతం వారే కొనుగోలు చేస్తే ఓటీటీ లో బ్లాక్ బస్టర్ అయ్యింది. ఈ ఉత్సాహంతోనే మంచి పే చెక్ ఇచ్చి ఈ రైట్స్ సొంతం చేసుకున్నట్లు తెలుస్తోంది.

మరో వైపు సినిమా థియేటర్ లో విడుదలైన కొద్ది రోజులకే ఓటిటి కి వచ్చేయడంతో డిస్ట్రిబ్యూటర్లతో పాటు సినిమా ధియేటర్ల యాజమాన్యం చాలా నష్టాలు చూసే పరిస్థితి ఇటీవల నెలకొంది. భారీ బడ్జెట్ సినిమాలు కూడా.. తక్కువ టైంలోనే ఓటిటి లోకి వచ్చేస్తున్నాయి. సినిమా ఏమాత్రం ఫ్లాప్ అయితే రెండు వారాల లోపే ఓటిటి లోకి ప్రత్యక్షమవుతుంది. దీంతో డిస్ట్రిబ్యూటర్ లు చాలా నష్టపోతున్నారు.

ఈ పరిణామంతో ఇప్పుడు తెలుగు ఫిలిం చాంబర్.. సినిమా డిస్ట్రిబ్యూటర్ మరియు సినిమా ధియేటర్ ల యాజమాన్యాలు నష్టపోకుండా ఓటిటి విడుదల విషయంలో సంచలన నిర్ణయాలు తీసుకున్నారు. భారీ బడ్జెట్ సినిమాలు పది వారాల గ్యాప్ తర్వాత ఓటిటి లోకి విడుదల చేయాలని ..6 కోట్ల కంటే తక్కువ బడ్జెట్ కలిగిన సినిమా నాలుగు వారాల గ్యాప్ తర్వాత ఓటిటి లోకి విడుదల చేసే అవకాశం కల్పిస్తూ తెలుగు ఫిలిం ఛాంబర్ ఆఫ్ కామర్స్ ఓటిటి విడుదలకు సంబంధించి కొత్త నిర్ణయం తీసుకోవడం జరిగింది.

దీన్ని బట్టి ఒక ఎనిమిది వారాల తర్వాత ‘ది ఘోస్ట్’ ఓటీటీ లో ప్రేక్షకులను పలరించే అవకాశం ఉంది. ఇక ఇదిలా ఉంటే ఈ సినిమా శాటిలైట్ హక్కులను ప్రముఖ టెలివిజన్ ఛానెల్ జెమినీ టీవీ భారీ మొత్తానికి చేజిక్కించుకున్నట్లు తాజా సమాచారం.

తొమ్మిదేళ్ల విరామం తర్వాత మెగా స్టార్ చిరంజీవి సినిమాల్లో తన సెకండ్ ఇన్నింగ్స్ స్టార్ చేసారు. అయితే సెకండ్ ఇన్నింగ్స్ లో చిరు నుంచి ఆశించిన మెరుపులు రాలేదు అభిమానులకు. ఈ నేపథ్యం లో ఇటీవల ఆచార్యతో పరాజయం పొందిన చిరంజీవి వరుస పెట్టి సినిమాలతో బిజీగా ఉన్నారు. వాటిలో గాడ్ ఫాదర్ ఒకటి. మలయాళ సూపర్ హిట్ మూవీ లూసీఫర్ కు రీమెక్ గా గాడ్ ఫాదర్ తెరకెక్కిన విషయం తెలిసిందే.

మెగాస్టార్ చిరంజీవి, సూపర్ స్టార్ సల్మాన్ ఖాన్ తొలిసారి కలిసి నటిస్తున్న ఈ చిత్రంపై అంచనాలు భారీగానే ఉన్నాయి. అదే అంచనాల మధ్య చాలా గ్రాండ్ గా అక్టోబర్ 5న విడుదలైన ఈ మూవీ పాజిటివ్ టాక్ తో దూసుకుపోతోంది. భారీ అంచనాల నడుమ ప్రేక్షకుల ముందుకొచ్చిన గాడ్ ఫాదర్ సినిమా ప్రేక్షకుల నుంచి సూపర్ రెస్పాన్స్ అందుకుంది. ఆచార్య తర్వాత చిరంజీవి హీరోగా నటించిన ఈ సినిమాపై ఆడియన్స్ పెట్టుకున్న అంచనాలు రీచ్ అయ్యాయని తెలుస్తోంది.

ఈ గాడ్ ఫాదర్ సినిమాకు తొలి ఆట తోనేసూపర్ హిట్ టాక్ రావడంతో మెగాభిమానులు సంబరాలు చేసుకుంటున్నారు. ఆచార్య డిజాస్టర్ జ్ఞాపకాల నుంచి బయటకొచ్చి ఖుషీ ఖుషీ అవుతున్నారు. దీంతో ఈ మూవీ ఓటీటీ రిలీజ్ గురించి ఆసక్తికర విషయం హాట్ టాపిక్ గా మారింది.

ప్రముఖ ఓటీటీ దిగ్గజం నెట్ ఫ్లిక్స్ చిరంజీవి గాడ్ ఫాదర్ మూవీ డిజిటల్ రైట్స్ ను దక్కించుకున్నట్లు తెలుస్తోంది. రూ. 57 కోట్లకు తెలుగు, తమిళం, హిందీ భాషల హక్కులను నెట్ ఫ్లిక్స్ చేజిక్కుంచుకున్నట్లు సమాచారం. అంతేకాకుండా చిరంజీవి తర్వాతి సినిమా హక్కులను సైతం నెట్ ఫ్లిక్స్ కొనుగోలు చేసిందని టాక్ వినిపిస్తోంది. అయితే ఈ మూవీ సుమారు 8 వారాల తర్వాతే ఓటీటీలో రిలీజ్ కానుందని తెలుస్తోంది. మరి ఇందులో ఎంత నిజముందో తెలియాలంటే కొద్దిరోజుల వరకు ఆగాల్సిందే.

ఇక మెగాస్టార్ నటిస్తున్న లేటెస్ట్ సినిమాల విషయానికి వస్తే.. చిరంజీవి, దర్శకుడు మెహర్ రమేష్‌తో “భోళా శంకర్” అనే సినిమా చేస్తోన్న సంగతి తెలిసిందే. ఈ చిత్రాన్ని వచ్చే ఏడాది ఏప్రిల్ 14న ప్రపంచ వ్యాప్తంగా రిలీజ్ చేస్తున్నట్టు ప్రకటించారు. అంతేకాదు దీనికి సంబంధించిన పోస్టర్‌లో చిరంజీవి అదరగొట్టారు. స్టైలీష్ అండ్ యంగ్‌ లుక్‌లో వావ్ అనిపించారు.

వీటితో పాటు చిరంజీవి తన 154వ చిత్రాన్ని యువ దర్శకుడు బాబీ డైరెక్షన్‌లో చేస్తున్న సంగతి తెలిసిందే. ఈ సినిమాకు వాల్తేరు వీరయ్య అనే టైటిల్ పరిశీలనలో ఉంది. ప్రస్తుతం షూటింగ్ జరుపుకుంటోన్న ఈ చిత్రం గురించి ఓ వార్త సోషల్ మీడియాలో వైరల్ అవుతోంది. ఈ సినిమాలో మరో సీనియర్ హీరోయిన్ నటించబోతుందని లేటెస్ట్ టాక్. ఇప్పటికే శృతి హాసన్ హీరోయిన్‌గా నటిస్తుండగా.. మరో కీలకపాత్రలో సీనియర్ హీరోయిన్ సుమలత కనిపించనున్నారట.చిరంజీవి డ్యుయల్ రోల్‌లో కనిపించనున్నారట. అందులో భాగంగానే శృతిహాసన్‌తో పాటు సుమలత నటించనున్నారని అంటున్నారు.

Karthikeya 2 Movie: OTT Platform OTT release Date, Digital Rights and Satellite rights: Karthikeya 2, a mythological thriller, is a sequel to the 2014 supernatural drama movie Karthikeya. The makers have also shared a poster of Karthikeya 2. This movie was written and directed by Chandoo Mondeti. Produced by Abhishek Agarwal and TG Vishwa Prasad under the Abhishek Agarwal Arts and People Media Factory banners.

The music was composed by Kaala Bhairava. The music rights were acquired by Zee Music Company. Meanwhile, the cinematography is provided by Karthik Ghattamaneni.

Karthikeya 2 Movie: OTT Platform OTT release Date, Digital Rights and Satellite rights

The movie was edited by Karthika Srinivas. The film stars Nikhil Siddharth and Anupama Parameswaran. Karthikeya 2 is slated to release in Telugu, Tamil, Malayalam, and Hindi. This movie’s story revolves around another Temple. This movie stars Nikhil , Anupama Parameswaran in the main lead roles in this movie. This movie will soon hit the big screens.

Karthikeya 2 Movie story:

Karthikeya 2 is the sequel of Karthikeya 2014, directed by Chandoo mondeti. Karthikeya 2 revolves around another temple. How Kartikeya Kumaraswamy solves this mystery is going to be the crux part of the movie.

Karthikeya 2 Movie Cast and Crew:

The film stars Nikhil Siddharth and Anupama Parameswaran. This movie was written and directed by Chandoo Mondeti. Produced by Abhishek Agarwal and TG Vishwa Prasad under the Abhishek Agarwal Arts and People Media Factory banners. The music was composed by Kaala Bhairava. The music rights were acquired by Zee Music Company. Cinematography is provided by Karthik Ghattamaneni. The movie was edited by Karthika Srinivas.

Karthikeya 2 Movie OTT release date, Digital rights and Satellite rights:

Karthikeya 2 Movie Theatrical release date: 13-Aug-22

Karthikeya 2 Movie Digital rights: TBA

Karthikeya 2 Movie OTT Rights: Zee5

Karthikeya 2 Movie OTT release date: October 5, 2022

Karthikeya 2 Movie Satellite rights: TBA

Karthikeya 2 Movie Satellite release date: TBA.

Karthikeya 2  movie OTT: FAQ

Who bought Karthikeya 2 movie rights?

Not known yet.

When is Karthikeya 2 OTT release date and time?

October 5, 2022

Is Karthikeya 2 available on Netflix?

Not available on Netflix.

Is Karthikeya 2 available on Hotstar?

Not available on Hotstar.

Is Karthikeya 2 available on Prime video?

No, not available on Prime Video.

Is Karthikeya 2 movie hit or flop?

Not known yet.

Also Read: Upcoming Telugu Movies in Aha Video OTT Platform 2022

దగ్గుబాటి వెంకటేష్, రానా ఇద్దరూ ప్రయోగాలకు వెనుకాడరు. మల్టీ స్టారర్స్ విషయంలో ఎప్పుడూ ముందుంటారు. ఈ బాబాయ్, అబ్బాయి కలిసి ఇప్పుడు ఓ వెబ్ సిరీస్ లో నటిస్తున్నారు. దీనికి ‘రానా నాయుడు’ అనే టైటిల్ ఖరారు చేశారు. బాబాయ్‌ వెంకీతో కలిసి రానా తొలిసారి ఇందులో నటిస్తున్నాడు. అది కూడా ఆయన కొడుకు పాత్రలో కావడంతో ఈ సిరీస్ పై ఆసక్తి నెలకొంది.

నెట్ ఫ్లిక్స్ లో స్ట్రీమ్ అవబోయే ఈ సిరీస్ లో వెబ్ సిరీస్ కోసం తెలుగు అభిమానులంతా ఎదురు చూస్తున్నారు. ఆ ఆసక్తిని రెట్టింపు చేస్తూ నెట్ ఫ్లిక్స్ నిన్న ‘రానా నాయుడు’ టీజర్ విడుదల చేసింది. తండ్రి, కొడుకుల మధ్య వైరం ఇతివృత్తంలో ఈ వెబ్ సిరీస్ అభిమానులను ఆకట్టుకునేలా ఉంది.

అయితే ఎప్పుడో ఇరవై ఏళ్ళ క్రితం కలిసుందాం రా, నువ్వు నాకు నచ్చావ్ బ్లాక్ బస్టర్ సక్సెస్ లు విక్టరీ వెంకటేష్ ని ఎక్కవ ఫ్యామిలీ సినిమాల వైపు ప్రేరేపించాయి. వెంకీ లో మాస్ ఎనర్జీ ఉన్నప్పటికీ ఎందుకో ఆ జానర్ ని ఎక్కువ టచ్ చేయలేకపోయారు. జెమిని సినిమా ప్రతికూల ఫలితం, ఘర్షణ, గణేష్ లాంటివి హిట్ అనిపించుకున్నా కమర్షియల్ గా పెద్ద స్కేల్ కు వెళ్ళకపోవడం లాంటి కారణాల వల్ల వెంకటేష్ పూర్తిగా ఫామిలీ సినిమాల వైపుకి వెళ్లిపోయారు.
ఈ నేపథ్యం లో రానా నాయుడు టీజర్ విడుదలవ్వడంతో వెంకీ ఫాన్స్ ఈ విషయమై అసంతృప్తిగా ఉన్నారంట.

భారీ బడ్జెట్ తో బాబాయ్ అబ్బాయి వెంకటేష్ రానాల కాంబినేషన్ లో నెట్ ఫ్లిక్స్ నిర్మించిన ఈ యాక్షన్ థ్రిల్లర్ త్వరలోనే స్ట్రీమింగ్ కానుంది. ఈ కాంబో ఎప్పటి నుంచో ఫ్యాన్స్ ఎక్స్ పెక్ట్ చేస్తున్నదే. కేవలం నిమిషంలోపే కట్ చేసినప్పటికీ ఈ చిన్న వీడియోలోనే బోలెడంత ఫ్యాన్ స్టఫ్ ఇచ్చేశారు.

ముఖ్యంగా జైల్లో బారుడు తెల్ల గెడ్డంతో వెంకీని చూపించడం, బయటికి వచ్చాక తమిళ హీరో అజిత్ స్టైల్ లో దాన్ని ట్రిమ్ చేయించి అల్ట్రా స్టైలిష్ గా ప్రెజెంట్ చేయడం అంచనాలను అమాంతం పెంచేశాయి. ఇదేదో బిగ్ స్క్రీన్ కోసం చేసుండొచ్చు కదా అనేది అభిమానుల ఆవేదన. ఇది థియేటర్ కోసం నిర్మించింది కానప్పటికీ ఇలాంటి గెటప్, ఊర మాస్ లుక్ ని వెండితెర మీద ఎంజాయ్ చేసేందుకు వాళ్ళు ఎదురు చూస్తున్నారు.

నారప్ప విషయంలోనూ ఇలాగే జరిగింది. ఇది తెలిసే ఎఫ్3 క్లైమాక్స్ లో అలా కాసేపు కనిపించి ఊరట కలిగించారు. ఇప్పుడు రానా నాయుడు వంతు వచ్చింది. ఏది ఏమైనా రాబోయే సినిమాల్లో అయినా విక్టరీ వెంకటేష్ కంప్లీట్ కమర్షియల్ మూవీ ఒకటి సోలో హీరోగా చేస్తే చూడాలని కోరుకుంటున్నారు అభిమానులు.

రానా నాయుడు విషయానికి వస్తే.. వెంకీ, రానా ఇద్దరూ ఘర్షణ పడే సీన్ వెబ్ సిరీస్ పై ఆసక్తిని రెట్టింపు చేస్తుంది. తండ్రి కొడుకుల మధ్య వైరమే ఈ సిరీస్ కు హైలైట్ గా నిలవనుంది. ఈ సిరీస్‌లో సుర్వీన్ చావ్లా, సుశాంత్ సింగ్, ఆశిష్ విద్యార్థి, సుచిత్ర పిళ్లై, గౌరవ్ చోప్రా, ప్రియా బెనర్జీ తదితరులు ఇతర కీలక పాత్రల్లో నటిస్తున్నారు. వెబ్ సిరీస్ తేదీని నెట్ ఫ్లిక్స్ ఇంకా వెల్లడించలేదు.