Filmy Adda

ఒక మనిషికి తిండి, నిద్ర ఎంత ముఖ్యమో, పాటలు వినడం కూడా అంటే ముఖ్యం. అసలు సంగీతం లేని ప్రపంచాన్ని తలుచుకోవాలంటేనే భయం వేస్తోంది. ఒక రోజులో ఒక మనిషి ఒక్కసారైనా సరే ఏదో ఒక పాట వింటాడు. అంతెందుకు. కేవలం పాటల వల్ల మాత్రమే హిట్ అయిన సినిమాలు కూడా చాలా ఉన్నాయి.

అందుకే సినిమాకి హీరో, దర్శకుడుతో పాటు సంగీత దర్శకుడు కూడా అంతే ముఖ్యం. ఇండస్ట్రీలో ఎంతో మంది సంగీత దర్శకులు ఉన్నారు. కొంత మంది సీనియర్ సంగీత దర్శకులు అయితే, మరి కొంత మంది యంగ్ సంగీత దర్శకులు. అయితే స్టార్ సంగీత దర్శకులు అంటే గుర్తు వచ్చేది మాత్రం ఇద్దరే. ఒకరు దేవి శ్రీ ప్రసాద్, ఇంకొకరు తమన్. ప్రస్తుతం ఎక్కడ చూసినా వీరి పాటలే ఎక్కువగా వినిపిస్తున్నాయి.

కిక్ సినిమాతో తమన్ ఫేమస్ అయితే, దేవి సినిమాతో ఇండస్ట్రీలోకి అడుగు పెట్టారు దేవి శ్రీ ప్రసాద్. అయితే వీరిద్దరూ సంగీత దర్శకులుగా పరిచయం అవ్వకముందు, కొంత మంది సీనియర్ సంగీత దర్శకుల దగ్గర అసిస్టెంట్ గా చేశారు. చాలా మంది సంగీత దర్శకులు వస్తున్నారు. కొంత మంది రిటైర్ కూడా అవుతున్నారు. కానీ తమన్, దేవి శ్రీ ప్రసాద్ మాత్రం తరచుగా సినిమాలు చేస్తూనే ఉన్నారు. అసలు ఇన్ని సంవత్సరాలు అయినా వీరికి అవకాశాలు రావడానికి కారణాలు ఏంటో ఇప్పుడు చూద్దాం.

అవగాహన

వీరి పాటలు కూడా అన్ని హిట్ అవ్వలేదు. వీరు సంగీతం ఇచ్చిన పాటలు కొన్ని ఫ్లాప్ కూడా అయ్యాయి. దేవి శ్రీ ప్రసాద్ ఆ మధ్యలో భాయ్ వంటి సినిమాల్లో అంత గొప్ప పాటలు ఏమీ ఇవ్వలేదు. తమన్ కూడా రభస లాంటి సినిమాలకి అంత మంచి మ్యూజిక్ ఇవ్వలేదు. విరి పాటలు అన్నీ ఒకే రకంగా అయిపోయాయి. దాంతో ఇద్దరు సంగీత దర్శకులు కూడా మధ్యలో బ్రేక్ తీసుకొని ప్రస్తుతం ట్రెండ్ ఎలా ఉందో అర్థం చేసుకొని మళ్లీ కంపోజ్ చేయడం మొదలుపెట్టారు.

ఒక పాట వస్తోంది అంటే, అది సోషల్ మీడియాలో కూడా ట్రెండ్ అవ్వాలి. అలానే ఆ పాటకి గ్లోబల్ గా గుర్తింపు వస్తుంది. సినిమాల్లో చేసే వారికి, ముఖ్యంగా ఇలాంటి పొజిషన్ లో ఉన్నవారికి ఈ అవగాహన ఉండడం అనేది చాలా ముఖ్యమైన విషయం. అలా ప్రస్తుతం ప్రేక్షకుల అభిరుచి ఎలా ఉంది అనే విషయాన్ని ఎప్పటికీ అప్పుడు ఫాలో అవుతూ వారిని వారు ఈ ట్రెండ్ కి తగ్గట్టు మార్చుకొని మ్యూజిక్ కంపోజ్ చేస్తున్నారు కాబట్టి వీరికి అవకాశాలు ఎక్కువగా వస్తున్నాయి.

క్వాలిటీ

టెక్నాలజీ కూడా చాలా మారింది. పాట క్వాలిటీ అనేది చాలా ప్రాముఖ్యత ఇచ్చే అంశంగా మారిపోయింది. అందుకే సౌండ్ రికార్డింగ్ విషయంలో కూడా వీళ్లు చాలా జాగ్రత్తలు తీసుకుంటారు. ఎక్కడికో వెళ్లి పాటలు రికార్డ్ చేసి, ఇంకా వేరే చోటికి వెళ్లి ఆ పాటలు మిక్స్, చేసి ఇలా చాలా చేసి ఒక్క పాటని కంపోజ్ చేస్తారు. ఇది కేవలం వీరు మాత్రమే కాదు. ఏఆర్ రెహమాన్ లాంటి సీనియర్ సంగీత దర్శకులు పాట కోసం సంవత్సరం తీసుకున్న సమయం కూడా ఉంది. కానీ యంగ్ మ్యూజిక్ డైరెక్టర్స్ లో మాత్రం మీరు ఇలాంటి విషయాల్లో శ్రద్ధ తీసుకుంటున్నారు.

బ్యాలెన్స్

హీరో ఇమేజ్ ఎప్పటికి అప్పుడు మారిపోతూ ఉంటుంది. ఒక హీరో అప్పుడప్పుడే వచ్చిన హీరోగా ఉన్నప్పుడు ఒక రకమైన పాటలు అతనికి సూట్ అవుతాయి. ఆ తర్వాత మిడ్ రేంజ్ హీరో అయినప్పుడు ఇంకొక రకమైన పాటలు అతని సినిమాలకి సూట్ అవుతాయి. ఇంక స్టార్ అయ్యాక ఆ హీరో ఆ సినిమాలో చేసే ప్రతి విషయం మీద శ్రద్ధ ఉంటుంది కాబట్టి ఒక స్టార్ హీరో సినిమాకి అదే రేంజ్ లో పాటలు కంపోజ్ చేయాలి.

అప్ కమింగ్ హీరోగా ఉన్నప్పుడు అతనికి ఇచ్చిన పాటలు, స్టార్ అయ్యాక సినిమాల్లో వాడడం కుదరదు. అంతే కాకుండా వీళ్ళు ఇచ్చే పాటలు హీరో ఇమేజ్ ని, మరొక పక్క సినిమా కథని కూడా దృష్టిలో పెట్టుకొని పాటలు కంపోజ్ చేయాలి. అలాగే ఒక యంగ్ హీరో సినిమాకి ఇచ్చిన పాటలు, ఒక స్టార్ హీరో సినిమాకి ఇచ్చిన పాటలు ఒకే లాగా ఉంటే కూడా కుదరదు. ఎవరి ఇమేజ్ కి తగ్గట్టు వారికి పాటలు కంపోజ్ చేయాలి. ఈ బ్యాలెన్స్ చేయడం అనేది వచ్చి ఉండాలి. ఈ విషయాన్ని ఈ ఇద్దరు మ్యూజిక్ డైరెక్టర్ చాలా బాగా అర్థం చేసుకుంటారు.

తమిళ్ లో ఇలా అర్థం చేసుకునే మ్యూజిక్ డైరెక్టర్ అనిరుధ్. ధనుష్ హీరోగా నటించిన తిరు సినిమాకి ఒకరకమైన పాటలు ఇచ్చారు. విక్రమ్ వంటి సినిమాలకి ఇంకొక రకమైన పాటలు ఇచ్చారు. తెలుగులో తమన్, దేవి శ్రీ ప్రసాద్ కూడా అలాగే ఫాలో అవుతున్నారు. దేవి శ్రీ ప్రసాద్ రంగ్ దే వంటి సినిమాకి ఒక రకమైన పాటలు ఇచ్చారు. పుష్ప వంటి సినిమాకి మరొక రకమైన పాటలు ఇచ్చారు. తమన్ కూడా తొలిప్రేమ వంటి సినిమాకి ఒక రకమైన పాటలు ఇస్తే, వకీల్ సాబ్ లాంటి సినిమాకి ఇంకొక రకమైన పాటలు ఇచ్చారు.

వీళ్లు మాత్రమే కాదు. ఇంకా చాలా మంది మ్యూజిక్ డైరెక్టర్ తెలుగు, తమిళ ఇండస్ట్రీలో ఉన్నారు. వాళ్లు కూడా ఇంతే కష్టపడుతున్నారు. అయితే వీరికి మాత్రమే అవకాశాలు ఎందుకు ఎక్కువగా వస్తున్నాయి అంటే, అందుకు సమాధానం ఒక్కటే. వీరి పాటలు ప్రజలు ఎక్కువగా వింటున్నారు. అందుకే ప్రస్తుతం వీరికి ఉన్న మార్కెట్ దృష్ట్యా, అంతే కాకుండా పైన చెప్పిన కారణాలు ఆలోచించి ప్రస్తుతం వీరికి ఎక్కువ అవకాశాలు ఇస్తున్నారు ఏమో.

ALSO READ : “అమితాబ్ బచ్చన్” తో పాటు… “రేఖ” రిలేషన్‌షిప్‌లో ఉన్న 7 మంది హీరోలు..!

టాలీవుడ్ మెగాస్టార్ చిరంజీవి సినీ కెరియర్ లో ఎన్నో సూపర్ హిట్ చిత్రాలు ఉన్నాయి కానీ ఒక చిత్రం ఆయన పరువు తీసింది. “అల్లుడా మజాకా”… ఇవివి సత్యనారాయణ డైరెక్షన్లో చిరంజీవి హీరోగా వచ్చిన ఈ మూవీలో హీరోయిన్లుగా రమ్యకృష్ణ ,రంభ నటించారు. ఇంతకుముందు అత్తకు యముడు అమ్మాయికి మొగుడు సినిమాలో వాణిశ్రీ చిరంజీవి అత్తగా పోటీపడి మరీ నటించింది. కాబట్టి ఈ చిత్రంలో కూడా వాణిశ్రీ చేత అత్త పాత్ర చేయించాలి అని వివి సత్యనారాయణ భావించారు.  వాణిశ్రీ మాత్రం ఈ పాత్ర చేయలేను అని సున్నితంగా తిరస్కరించడం జరిగింది.

అయితే వాణిశ్రీ గారు ఎందుకు రిజెక్ట్ చేసారు అంటే..కథ ప్రకారం ఈ సినిమాలో అత్త హీరోతో కలిసి స్టెప్పులు వేయాల్సి ఉంటుంది…పైగా ఒక రే-ప్ సీన్‌లో న‌టించాల్సి ఉంటుంది. ఇది నచ్చని వాణిశ్రీ ఈ సినిమా ఒప్పుకోలేదట.. దాంతో మరొక సీనియర్ నటి లక్ష్మి తో ఈ క్యారెక్టర్ చేయించారు. ఇందులో రంభ ,రమ్యకృష్ణ, లక్ష్మి కలిసి ఉండే.. ఒక సరదాగా సాగే..రే-ప్ సీన్ అప్పట్లో పెద్ద వివాదానికి కారణమైంది. పైగా మూవీలో లక్ష్మీ వేషధారణ పై కూడా ఎన్నో అభ్యంతరాలు వినిపించాయి. ఇందులో కొన్ని చోట్ల కామెడీ వల్గర్ గా ఉంది అన్న విమర్శలు కూడా వచ్చాయి.

మరోపక్క ఇటువంటి సీన్లు నటించినందుకు చిరంజీవిని కూడా విమర్శించిన వారు ఉన్నారు. మనదేశంలో అత్తను అమ్మతో సమానంగా చూసే సంప్రదాయం ఉన్నప్పుడు.. ఇలాంటి పాత్ర ఎందుకు చేశారు అని కామెంట్స్ చేసారు. అంతేకాదు ఈ సినిమా రెండుసార్లు సెన్సార్ కి వెళ్లి వచ్చింది. అలా అప్పటివరకు చిరంజీవి సినిమాల్లో రెండు సార్లు సెన్సార్ కి వెళ్లి చెత్త రికార్డు క్రియేట్ చేసిన చిత్రంగా ఇది నిలిచిపోయింది.

కొన్ని సినిమాలు రిలీజ్ అయినప్పుడు ఎవరు పెద్దగా పట్టించుకోరు గాని కొన్ని రోజులు పోయిన తర్వాత ఆ సినిమా విలువ తెలుసుకొని దాని పొగడడం మొదలుపెడతారు. అయితే ఇప్పుడు 2018 లో హిందీలో రిలీజ్ అయిన ఒక మూవీ గురించి సోషల్ మీడియాలో చర్చ జరుగుతుంది. ఈ మూవీ ని అసలు మిస్ కావొద్దు అంటూ కామెంట్ లు పెడుతున్నారు. ఇంతకీ ఏ మూవీ అంటే…. తుంబాడ్….!

ఇది ఒక మైథిలాజికల్ థ్రిల్లర్ అండ్ హర్రర్ మూవీ. ఈ మూవీ ని రాహి అనిల్ బార్వే డైరెక్ట్ చేశారు. ఇండియాలోని వన్ ఆఫ్ ది ఎవర్గ్రీన్ మూవీగా ఏ మూవీ ఉంటుందని అంటున్నారు. అసలు అంతలా ఈ సినిమాలో ఏముందంటే….!

పూర్తి దేవి అనే దేవత కడుపు లో నుండే ఈ భూమి, 16 కోట్ల మంది దేవతలు ఆమె కడుపు నుండే వచ్చారు. అందులో మొదటి సంతానం హస్తర్.దేవి d దగ్గరున్న బంగారం ధాన్యం మొత్తం తన సొంతం చేసుకోవాలని దురాశతో ఉంటాడు. బంగారం మొత్తం దక్కించుకున్న హస్తర్ ధాన్యాన్ని కూడా సొంతం చేసుకోవాలని అనుకుంటుండగా దేవతలు హస్తర్ పై దాడి చేస్తారు. అప్పుడు హస్తర్ ను పూర్తి దేవి కాపాడి ఇకపై హస్తర్ ను ఎవరు కొలవరు అందరూ అతనిని మర్చిపోతారని చెప్తుంది.

అలా కొన్ని యుగాలు గడిచిన తర్వాత హస్టర్ కు తుంబాడ్ అనే గ్రామంలో గుడి కడతారు.ఇక్కడ నుండి అసలు కథ మొదలవుతుంది. 1990 లో ఒక కుటుంబం హస్తర్ నుండి ఒక బంగారు నాణెం పొందుతుంది. అయితే ఆ బంగారం అంత సులువుగా దొరకదు హస్తర్ కు ధాన్యాన్ని ఆశగా చూపించి అతని సంచిలో నుండి బంగారాన్ని లాక్కోవాల్సి ఉంటుంది. ఇక్కడ ఏమాత్రం తేడా జరిగిన హస్తర్ దాడి చేస్తాడు. అప్పుడు వారికి హస్తర్ శాపం తగులుతుంది. శాపమేంటంటే చావు అనేది రాకుండా జీవితాంతం జీవచ్ఛవంలా బ్రతకడమే…!

ఆ కుటుంబంలోని ఒక ముసలావిడకు హస్తర్ శాపం తగులుతుంది. ఆ ముసలావిడి మనవడే వినాయకరావు. తుంబాడ్ లోని పరిస్థితులు కారణంగా చిన్నప్పుడే వినాయకరావుని వాళ్ళ అమ్మ వేరే ప్రాంతానికి తీసుకుపోతుంది. అయితే చిన్నప్పటినుండి హస్తర్ బంగారం మీద ఆశ పెంచుకున్న వినాయకరావు పెద్దయ్యాక తిరిగి తుంబాడ్ కి వస్తాడు. అప్పటివరకు హస్తర్ శాతం తగిలిన ముసలావిడ బతికే ఉంటుంది.

ఆమె వద్ద హస్తర్ బంగారం ఎలా దక్కించుకోవాలో వినాయకరావు తెలుసుకుంటారు. అప్పటినుండి తుంబాడ్ కి వస్తు హస్తర్ వద్ద బంగారాన్ని తీసుకు వెళ్తూ ఉంటాడు. ఈ క్రమంలో వినాయకరావు తన కొడుకుని తంబాడ్ కి తీసుకు వస్తాడు. అప్పుడు తన కొడుకుకి మరింత బంగారాన్ని దక్కించుకోవాలమే దురాశ పుడుతుంది. ఈ క్రమంలో తండ్రికి ఒక ప్లాన్ చెప్తాడు. ఆ ప్లాన్ ఏంటి? అది వర్క్ అవుట్ అయిందా లేదా? అనేది తెలుసుకోవాలని పూర్తిగా తుంబాడ్ సినిమా చూడాలి. 1947 నుంచి మూడు తరాల మధ్య జరిగే ఈ కథను మేకర్స్ ఆద్యంతం ఉత్కంఠ కలిగించే లాగా రూపొందించారు.

కేవలం గంట 40 నిమిషాలు మాత్రం ఉండే ఈ సినిమా ఎక్కడ బోర్ కొట్టించకుండా సాగుతుంది. పంకజ్ కుమార్ సినిమాటోగ్రఫీ సినిమాకి హైలైట్ గా నిలిచింది. ఈ మూవీ అమెజాన్ ప్రైమ్ లో స్ట్రీమ్ అవుతోంది. అయితే తాజాగా యానిమల్ డైరెక్టర్ సందీప్ రెడ్డి వంగ ఈ సినిమాని ఒక ఇంటర్వ్యూలో పొగిడారు. మాస్టర్ క్లాస్ మూవీ అంటూ చెప్పుకొచ్చారు ఆయన చెప్పిన దగ్గర నుండి అంతగా ఈ సినిమాలో ఏముంది అంటూ చాలామంది ఈ సినిమాని చూడడం మొదలుపెట్టారు. ఈ సినిమాని మీరు చూడకపోతే ఒకసారి చూడండి. చాలా థ్రిల్ ఫీల్ అవుతారు

సంక్రాంతికి ఏకంగా 5 చిత్రాలు విడుదలతో టాలీవుడ్ బాక్సాఫీస్ వద్ద భారీ పోటీ ఉండనుంది. నాలుగు స్టార్ హీరోల సినిమాలు ఉండగా, ఒకటి యంగ్ హీరో మూవీ పాన్ ఇండియా స్థాయిలో రిలీజ్ కానుంది. సూపర్ స్టార్ మహేష్ బాబు నటిస్తున్న ‘గుంటూరు కారం’ కి పోటీగా హనుమాన్ రిలీజ్ కానుంది. అయితే ఇప్పుడు ఒక విషయం సోషల్ మీడియాలో వైరల్ అవుతుంది. హనుమాన్ లో హీరోగా చేస్తున్న తేజ…ఒకప్పుడు యువరాజులో మహేష్ కుమారుడిగా నటించాడు. ఇప్పుడు బాక్సాఫీస్ వద్ద మహేష్ తో పోటీ పడుతున్నాడు..

మహేష్ నటిస్తున్న గుంటూరు కారం మూవీ ప్రకటించినప్పుడే భారీ అంచనాలు ఏర్పడ్డాయి. కానీ కొందరు మూవీని నుండి తప్పుకోవడం, పలుమార్లు షూటింగ్ వాయిదా పడడంతో మూవీ పై ఫ్యాన్స్ కూడా ఆశలు వాడులుకున్నారు. ఇటీవల రిలీజ్ అయిన సాంగ్స్, పోస్టర్స్, మహేష్ లుక్ ఈ చిత్రం పై అంచనాలను పెంచింది. ఈ మూవీ జనవరి 12న రిలీజ్ కానుంది. అదే రోజు ప్రశాంత్ వర్మ దర్శకటవంలో తేజ సజ్జ నటించిన హనుమాన్ రిలీజ్ కానుంది. దీంతో ఈ మహేష్, తేజ గురించిన వార్తలు నెట్టింట్లో హల్చల్ చేస్తున్నాయి.

మహేష్ బాబు హీరోగా నటించిన రెండవ చిత్రం యువరాజు. ఈ మూవీలో మహేష్ కొడుకుగా తేజ సజ్జ నటించాడు. తేజ పలు చిత్రాలలో బాలనటుడిగా నటించాడు. ఇప్పుడు హీరోగా మారిన తేజ మహేష్ కు పోటీగా వస్తున్నాడు అని పలు వెబ్ సైట్లలో వార్తలు వచ్చాయి. వీటి పై తేజ సజ్జ స్పందిస్తూ, సూపర్ స్టార్ తో పోటీ ఏంటి, ఆయనతో పోటీగా కాదు. ఆయనతో పాటుగా అంటూ సోషల్ మీడియా వేదిక ఎక్స్ లో పోస్ట్ చేశారు.

మ్యూజిక్ డైరెక్టర్ మణిశర్మ అంటే తెలియని వాళ్ళు ఎవరూ ఉండరు. ఎందుకంటే సినిమా ఇండస్ట్రీలో చిరంజీవి, మహేష్ బాబు వంటి అందరి స్టార్ హీరోలకి మంచి మంచి పాటలు అందించారు మణిశర్మ. ప్రతి ఒక్క స్టార్ హీరో కెరీర్ లోని మణిశర్మ బ్లాక్ బస్టర్ సాంగ్స్ ఎప్పటికీ గుర్తుండిపోతాయి. చిరంజీవి సినిమాలలో మణిశర్మ సాంగ్స్ అయితే ఇప్పటికీ అందరూ వింటూనే ఉంటారు. అలాంటి మణిశర్మ 2010 తర్వాత నుంచి ఇండస్ట్రీలో కొంచెం వెనుకబడ్డారు. తన సాంగ్స్ అంతలా అందరినీ మెప్పించలేకపోతున్నాయి.

మధ్యలో ఇస్మార్ట్ శంకర్ తో మళ్ళీ ఊపు అందుకున్నా, అది తన కంబ్యాక్ కు అంత సహాయం చేయలేదు. ఇప్పుడు మణిశర్మ చిన్నాచితకా హీరోలకి మ్యూజిక్ అందిస్తూ ఉన్నారు. దీని గురించి మణిశర్మ మొన్న ఇంటర్వ్యూలో ఏమైనా బాధ కలిగే విషయాలు ఉన్నాయా అని యాంకర్ అడగగా, స్టార్ హీరోలు తలుచుకుంటే ప్రతి ఒక్క మ్యూజిక్ డైరెక్టర్ తోని పని చేయొచ్చు ఒక్కొక్కరికి ఒక్కొక్క ఛాన్స్ ఇవ్వచ్చు. మహేష్ బాబు, పవన్ కళ్యాణ్ లాంటి వాళ్ళు ఒక రెండు సినిమాలు తమన్ తో, రెండు దేవిశ్రీప్రసాద్ తో కనీసం ఒకటైన నాతో చేస్తే, వినేవాళ్ళకి రీఫ్రెష్మెంట్ అనేది వస్తుంది.

మ్యూజిక్ లో కొత్తదనం కూడా కనిపిస్తుంది. నాకు ఇవ్వమని నేను చెప్పట్లేదు అలాగని వాళ్ళకి చెప్పలేను కూడా అని అన్నారు. ఒకప్పుడు పెద్దపెద్ద స్టార్ హీరోలకి మ్యూజిక్ డైరెక్ట్ చేసిన మణిశర్మ ఇప్పుడు ఇలా అవకాశాలు లేక ఉంటున్నారంటే వినడానికి చాలా బాధగా ఉంది. మళ్లీ మణిశర్మ ఫామ్ లోకి వస్తారా అంటే ఏమో? పెద్ద పెద్ద స్టార్ హీరోలు మళ్ళీ మణిశర్మకు ఛాన్స్ ఇవ్వడం కష్టమే.

ఎందుకంటే ఈ మధ్య దేవి శ్రీ ప్రసాద్, తమన్ లతోపాటు కొత్త కొత్త యువ మ్యూజిక్ డైరెక్టర్లకి కూడా మంచి మంచి అవకాశాలు వచ్చి, వాళ్ళ టాలెంట్ ని ప్రూవ్ చేసుకుంటున్నారు. వాళ్లకి కూడా మంచి సినిమాలు వస్తున్నాయి. అవి వినడానికి కూడా అందరూ ఆసక్తి చూపుతున్నారు. మణిశర్మ మళ్లీ ఈ జనరేషన్ కి తగ్గట్టు మ్యూజిక్ వినిపిస్తే వెలుగులోకి తిరిగి వస్తారేమో. ఎందుకంటే మణిశర్మ మ్యూజిక్ పాత జనరేషన్ కి తగ్గట్టు ఉంటాయి. ఈ జనరేషన్ కి మారితే ఆ చేంజ్ కనిపించి ఛాన్సెస్ రావచ్చు.

విక్టరీ వెంకటేష్ గురించి కొత్తగా చెప్పక్కర్లేదు వెంకటేష్ అందరికీ సుపరిచితమే. అప్పటినుండి ఇప్పటివరకు ఎన్నో చక్కటి సినిమాల్లో నటించారు వెంకటేష్. కొంతమంది హీరోలకి కొన్ని జానర్ లో సినిమాలు మాత్రమే సూట్ అవుతూ ఉంటాయి కానీ వెంకటేష్ కి మాత్రం అలా కాదు వెంకటేష్ ఏ జోనర్ లో సినిమా చేసినా కూడా ఆ సినిమా మంచిగా సక్సెస్ అవుతుంది.

ఎటువంటి పాత్రకైనా సరే ఇట్టే సెట్ అయిపోతాడు వెంకటేష్. కామెడీ, సెంటిమెంట్, మాస్, ప్రేమ కథలు ఇలా ఏ స్టోరీ అయినా కూడా వెంకటేష్ కి బాగా సూట్ అవుతూ ఉంటుంది. ఎప్పుడు కూడా వెంకటేష్ ఆ పాత్రకి సెట్ కాలేదు అన్న ఫీలింగ్ మనలో కలగలేదు. 60 ఏళ్ల వయసు దాటినా కూడా ఆయన సినిమాలని ఫ్యామిలీ ఆడియన్స్ ఎంతో ఇష్టంగా చూస్తూ ఉంటారు.

ఈ వయసులో కూడా 80 కోట్ల రూపాయలకే పైగా షేర్స్ ని కొట్టేస్తున్నారు వెంకటేష్. అయితే ఈ తరం టాప్ డైరెక్టర్లు వెంకటేష్ తో కలిసి పనిచేయట్లేదు గతంలో త్రివిక్రమ్ శ్రీనివాస్ సినిమా దర్శకత్వంలో ఒక సినిమా వస్తుందని అన్నారు. అయితే ఇంకా ఆ సినిమా గురించి ఎటువంటి ప్రకటన చేయలేదు. ఆ ప్రాజెక్టు ఊసే లేకపోయింది.

వెంకటేష్ డ్రీమ్ ప్రాజెక్ట్ స్వామి వివేకానంద బయోపిక్ అని చాలా సందర్భాల్లో అన్నారు. ఈ ప్రాజెక్టు ఎప్పుడు చేసిన కూడా భారీగానే చేయాలని అనుకున్నారు వెంకటేష్. ఈ ప్రాజెక్ట్ ని రాజమౌళి తో చేయమని వెంకటేష్ మగధీర సినిమా టైం లో అడిగారు. అయితే రాజమౌళి చేద్దామని చెప్పినా కూడా ఇప్పటివరకు ఆ ప్రాజెక్ట్ కి సంబంధించి ఎటువంటి వివరాలు బయటకు రాలేదు.

కనీసం ప్రాజెక్టు గురించి ఆలోచించలేదని తెలుస్తోంది. రాజమౌళి మిగిలిన ప్రాజెక్ట్ లతో బిజీగా ఉండడంతో ఈ ప్రాజెక్ట్ మీద దృష్టి పెట్టలేదు. రాజమౌళి బాహుబలి సినిమాని తీయడం తర్వాత ఆర్ ఆర్ ఆర్ ఇప్పుడేమో మహేష్ బాబు తో ఇప్పుడు ఒక సినిమా చేయడం తో వెంకటేష్ తో సినిమా గురించి ఇంకా ఆలోచించడం లేదేమో.. ఇప్పటిదాకా వెంకటేష్ అయితే 85 సినిమాల్లో నటించారు వెంకటేష్ 100వ సినిమా గా స్వామి వివేకానంద బయోపిక్ రాబోతోంది. త్వరలో శైలేష్ కొలను దర్శకత్వంలో సైంధవ అనే సినిమా రాబోతోంది.

వరుస సినిమాలతో బిజీగా ఉన్న హీరో విజయ్ దేవరకొండ. విజయ్ దేవరకొండ ప్రస్తుతం ఫ్యామిలీ స్టార్ సినిమా షూటింగ్ పనిలో బిజీగా ఉన్నారు. అయితే ఈ సినిమా కంటే ముందు విజయ్ దేవరకొండ జెర్సీ డైరెక్టర్ గౌతమ్ తిన్ననూరి దర్శకత్వంలో ఒక సినిమా అనౌన్స్ చేశారు.

షూటింగ్ మధ్యలో ఉండగా ఈ సినిమా ఆపి ఫ్యామిలీ స్టార్ షూటింగ్ చేశారు విజయ్ దేవరకొండ. అయితే జెర్సీ లాంటి మాస్టర్ పీస్ అందించిన దర్శకుడితో విజయ్ దేవరకొండ సినిమా ఎలా ఉంటుంది అని ఆసక్తి అందరిలో నెలకొంది. దాంతో ఇప్పుడు విజయ్ దేవరకొండ ఈ సినిమా షూటింగ్ మొదలు పెట్టపోతున్నట్టు సమాచారం. ఈ సినిమాకి టైటిల్ ఇంకా ప్రకటించలేదు. సూర్యదేవర నాగ వంశీ ఈ సినిమాని నిర్మిస్తున్నారు.

మొదట ఈ సినిమాలో హీరోయిన్ గా శ్రీలీలని అనుకున్నారు. కానీ కొన్ని కారణాల వల్ల ఈ సినిమా నుండి తప్పుకున్నారు. దాంతో ఇప్పుడు ఈ సినిమాలో హీరోయిన్ గా ఎవరు చేస్తారు అనేది ఇంకా తెలియాల్సి ఉంది. సినిమా యాక్షన్ అడ్వెంచర్ గా ఉండబోతోంది. ఇందు కోసం విజయ్ దేవరకొండ స్పెషల్ ట్రైనింగ్ కూడా తీసుకున్నారు. దాంతో ఈ సినిమా షూటింగ్ త్వరలోనే మొదలు పెడతారు. అంతే కాకుండా విజయ్ దేవరకొండ ఫ్యామిలీ స్టార్ సినిమా షూటింగ్ కూడా పూర్తి చేసి, విడుదల సమయంలో ప్రమోషన్స్ లో పాల్గొంటారు.