Filmy Adda

టాలీవుడ్ లో స్టార్ కమెడియన్ గా ఒక వెలుగు వెలిగాడు సునీల్. తర్వాత హీరోగా కూడా రెండు మూడు సినిమాలు హిట్ కొట్టాడు. కెరియర్ లో ఎన్నో ఒడిదుడుకులు చవిచూశాడు. ప్రస్తుతం మళ్లీ విలన్ గా చేస్తూ ఫుల్ ఫామ్ లో ఉన్నాడు సునీల్. ఒకప్పుడు సునీల్ కోసమే సినిమాలకి వెళ్లిన ప్రేక్షకులు చాలా మంది ఉండేవారు.

ఎంతో కష్టపడి కమెడియన్ గా ఎదిగిన సునీల్ తనకంటూ ప్రత్యేకమైన ఇమేజ్ ని ఏర్పరచుకున్నాడు. బ్రహ్మానందం లాంటి స్టార్ కమెడియన్స్ కి కూడా గట్టి కాంపిటేషన్ ఇచ్చాడు.

అయితే కమెడియన్ గా కెరియర్ పీక్స్ లో ఉండగానే హీరోగా మారి తన సక్సెస్ఫుల్ కెరీర్ ని డిస్టర్బ్ చేసుకున్నాడు.అటు హీరోగాను సక్సెస్ కాలేక ఇక్కడ ఇటు కామెడీ రోల్స్ కూడా ఎవరు ఇవ్వక దాదాపు కెరియర్ ఎండింగ్ స్టేజ్ కి వచ్చాడు. అయితే మళ్లీ తాజాగా సెకండ్ ఇన్నింగ్స్ ని స్టార్ట్ చేసిన సునీల్ విలన్ గా రాణిస్తున్నాడు. కలర్ ఫోటో సినిమాలో సునీల్ విలనిజం పండించిన తీరు విమర్శకులను సైతం మెప్పించింది. తర్వాత పుష్ప టు, జైలర్ సినిమాలలో కూడా తన నటనతో ఆకట్టుకున్నాడు సునీల్.

ప్రస్తుతం తమిళంలో కూడా బిజీ ఆర్టిస్ట్ గా మారిపోయాడు. అక్కడ కూడా కమెడియన్ గా, విలన్ గా వరుస అవకాశాలు ఆయన కెరీయర్ ని మళ్లీ పునర్నిర్మిస్తున్నాయి. లేటెస్ట్ తమిళ్ మూవీ ఆంటోనీ లో కూడా సునీల్ నటించిన మెప్పించాడు. అయితే సునీల్ హీరోగా నటించిన టైంలో మూడు నుంచి నాలుగు కోట్లు డిమాండ్ చేసేవాడట, అప్పట్లో అది చాలా పెద్ద డిమాండ్ అని అనుకోవాలి.

కానీ ఇప్పుడు కమెడియన్ గా విలన్ గా మారిన తరువాత రెమ్యూనరేషన్ విషయంలో సునీల్ కాస్త తగ్గినట్లే కనిపిస్తున్నాడు. టాలీవుడ్ లో 40 లక్షల వరకు ఇస్తున్నారని అయితే తమిళంలో ఎక్కువ సినిమాలు చేయటం, అక్కడ సునీల్ కి డిమాండ్ పెరుగుతూ ఉండటంతో 60 నుంచి 80 లక్షల వరకు వసూలు చేస్తున్నట్లు సినీ వర్గాల టాక్. తమిళం లో ఇతని క్రేజ్ పెరిగితే ముందు ముందు మళ్ళీ మూడు కోట్లు రెమ్యూనరేషన్ తీసుకున్నా ఆశ్చర్యపోనవసరం లేదు.

ఇటీవల చాలా భాషల సినిమాలు తెలుగులోకి డబ్ చేసి విడుదల చేస్తున్నారు. ఇవన్నీ మన వాళ్ళు హిట్ చేస్తున్నారు. తెలుగు వారికి సినిమాల పట్ల ఉన్న అభిమానం గురించి ప్రత్యేకంగా చెప్పాల్సిన అవసరం లేదు.

దాంతో భాషతో సంబంధం లేకుండా ఏ సినిమా అయినా సరే మన వాళ్లు ఆదరిస్తారు. అయితే ఇంకొక విషయం ఏంటంటే, ఇటీవల హిట్ అయిన సినిమాల లాంటి సినిమాలు అంతకుముందు చాలానే వచ్చాయి. అది కూడా డైరెక్ట్ తెలుగులో వచ్చాయి. కానీ అవి హిట్ అవ్వలేదు.

అందుకు ఉదాహరణ ఇటీవల విడుదల అయిన సప్త సాగరాలు దాటి. రవితేజ నటించిన షాక్ సినిమా దాదాపు ఇదే స్టోరీతో ఉంటుంది. కానీ సినిమా ఫ్లాప్ అయ్యింది. ప్రేమమ్ సినిమా తెలుగులో కూడా చాలా పెద్ద హిట్ అయ్యింది. కానీ దాదాపు అదే కాన్సెప్ట్ తో వచ్చిన నా ఆటోగ్రాఫ్ స్వీట్ మెమోరీస్ సినిమాకి అంతగా ఆదరణ దక్కలేదు. ఇప్పుడు మరొక సినిమాకి కూడా ఇలాగే జరిగింది అంటూ కామెంట్స్ చేస్తున్నారు. బోయపాటి శ్రీను అంటే మాస్ మసాలా సినిమాలకి పెట్టింది పేరు. ఎలివేషన్ మీద ఎలివేషన్లు ఉంటాయి. ఒక్క ఫైట్ కి కూడా లాజిక్ ఉండదు. ఏ ఒక్కరూ కూడా మామూలుగా మాట్లాడరు. ఆయన సినిమాలని ఒక సమయంలో మన ప్రేక్షకులు బాగా ఇష్టపడ్డారు. కానీ ఇప్పుడు ఆయన సినిమాలు ట్రోలింగ్ కి గురవుతున్నాయి.

“అర్థం పర్థం లేని ఫైట్లు ఎందుకు పెడుతున్నారు?” అంటూ కామెంట్స్ చేస్తున్నారు. మన ప్రేక్షకులకి అర్థం పర్థం లేని ఫైట్ సీన్స్ నచ్చావు అనుకుంటే అది తప్పు. ఎందుకంటే కన్నడ నుండి తెలుగులో డబ్బింగ్ అయ్యి రిలీజ్ అయిన కేజిఎఫ్ లో కూడా ఇలాంటి సీన్స్ చాలా ఉన్నాయి. కానీ అవన్నీ చూసి “ఏం ఎలివేషన్స్ రా?” అన్నారు. అయితే సెకండ్ పార్ట్ సమయానికి కొంత మందికి ఇవి కూడా నచ్చలేదు. అతిగా ఉన్నాయి అంటూ కామెంట్స్ చేసిన వారు కూడా ఉన్నారు. ఇప్పుడు అలాంటి డైరెక్టర్ మన ప్రభాస్ తో సినిమా చేశారు. సేమ్ టెంప్లేట్. సేమ్ ఎలివేషన్స్. కొన్ని ఫైట్స్ కి అయితే డిజైనింగ్ బాగానే ఉన్నా కానీ లాజిక్ కి చాలా దూరం ఉంటాయి.

కానీ ఈ సినిమాని చూసి “ఎలివేషన్స్ అంటే ఇవి” అని మళ్ళీ కామెంట్స్ చేస్తున్నారు. సినిమా బృందం అంతా సినిమా కోసం చాలా కష్టపడింది. కానీ స్కంద సినిమా కోసం వాళ్లు కూడా అంతే కష్టపడ్డారు. రామ్ ఈ సినిమా కోసం తనని తాను చాలా రకాలుగా మార్చుకున్నారు. కానీ బోయపాటి శ్రీను ఎలివేషన్స్ కూడా ఇవే కదా? అవి కామెడీగా అనిపించినప్పుడు ఇవి కామెడీగా అనిపించలేదా? ఒకవేళ సినిమా మీద ప్రశాంత్ నీల్ అనే పదం తీసేసి డైరెక్టెడ్  బై బోయపాటి శ్రీను అని పెడితే ఈ సినిమా కూడా కామెడీగా అనిపించేదా? అప్పుడు ఈ సినిమాని కూడా ట్రోల్ చేసే వాళ్ళు ఏమో.

ఇండస్ట్రీలో నిలదొక్కుకోవడం అనేది చాలా ఓపికతో కూడుకున్న విషయం. ముందు చిన్న చిన్న పాత్రలు వేసి, ఆ తర్వాత పెద్ద నటుల స్థాయికి ఎదుగుతారు. అసలు ఇలాంటి ఒక ఫీల్డ్ లో ముందుకి రావాలి అంటే ఉండాల్సింది ఓపిక. చాలా మంది యాక్టర్లు అవ్వాలి, లేదా ఇండస్ట్రీలో ఇంకేదైనా చేయాలి అని అనుకొని వస్తారు. కానీ మధ్యలోనే ఆపేసిన వాళ్ళు కొంత మంది ఉంటారు. దానికి కారణాలు ఏదైనా అయ్యే అవకాశం ఉంది. కానీ కొంత మంది మాత్రం ఎలాగైనా సరే ఇండస్ట్రీలో గుర్తింపు తెచ్చుకోవాలి అని కష్టపడతారు. చాలా మంది హీరోలు గతంలో చిన్న చిన్న పాత్రలు వేసిన వారే. వారి పాత్రలకి పేర్లు కూడా ఉండవు.

అలాంటి పాత్రలు వాళ్ళు చేశారు. ఒక్కసారి వెనక్కి తిరిగి చూసుకుంటే వాళ్ల ప్రయాణంలో ఎన్నో ఒడిదుడుకులు కనిపిస్తాయి. వాటన్నిటిని వీళ్లు దాటుకొని వచ్చిన ధైర్యం కనిపిస్తుంది. పైన ఫోటోలో ఉన్న వ్యక్తి కూడా అలాగే చిన్న చిన్న పాత్రలతో కెరీర్ మొదలు పెట్టి, ఇప్పుడు 50 సినిమాలు చేసిన హీరోగా ఎదిగారు. ఈ హీరో తమిళ్ హీరో. కానీ తెలుగులో ఈయనకి చాలా మంది అభిమానులు ఉన్నారు. పాత్ర బాగుంటే, తన పాత్రకి ప్రాధాన్యత ఉంటే హీరో పాత్ర కాకపోయినా కూడా ఈ హీరో చేస్తారు. మక్కల్ సెల్వన్ విజయ్ సేతుపతి. టాలెంట్ కి మరొక పేరు. నటుడు అంటే ఆయన లాగా ఉండాలి అని అనుకుంటారు. ఈ పైన ఫోటో విజయ్ సేతుపతి నటించిన లి అనే సినిమాలోనిది.

ఈ సినిమాలో విజయ్ సేతుపతి పాత్రకి పేరు కూడా లేదు. 2007 లో ఈ సినిమా వచ్చింది. చాలా చిన్న పాత్రలో విజయ్ సేతుపతి నటించారు. ఈ ఒక్క సినిమా మాత్రమే కాదు. ఇంకా కొద్ది సినిమాల్లో విజయ్ సేతుపతి చాలా చిన్న చిన్న పాత్రల్లో నటించారు. నా పేరు శివ సినిమాలో కూడా హీరో ఫ్రెండ్ గా నటించారు. విజయ్ సేతుపతి హీరోగా నటించిన మొదటి సినిమా పిజ్జా. ఒకే ఒక సినిమా విజయ్ సేతుపతి కెరీర్ గ్రాఫ్ మార్చేసింది. తన అభిమానులను సొంత వారిలాగా అనుకుంటారు. అందుకే విజయ్ సేతుపతికి ఇంత మంది అభిమానులు ఉన్నారు. ఇప్పుడు విజయ్ సేతుపతి మహారాజా సినిమాతో ప్రేక్షకుల ముందుకి వస్తున్నారు. ఈ సినిమా విజయ్ సేతుపతి 50వ సినిమా. ఈ సినిమా తర్వాత విజయ్ సేతుపతి విడుదలై పార్ట్ 2 సినిమా చేస్తారు.

ప్రియమైన పవన్ అన్నకి,

నిన్ను అలా చూస్తుంటే చాలా ఆనందంగా ఉంది అన్నా. ఈ ఒక్క క్షణం కోసం ఎన్ని సంవత్సరాల నుండి ఎదురు చూసాం. ఎంతో ఓపిక పట్టాం. చాలు. నిన్ను అలా చూస్తూ ఉంటే ఈ కష్టానికి ఫలితం లభించినందుకు చాలా ఆనందంగా ఉంది. నువ్వు బాధపడితే, నేను బాధపడే వాడిని. నువ్వు ఏడిస్తే, నేను ఏడ్చేవాడిని. నీకు కోపం వస్తే, నాకు కూడా కోపం వచ్చేది. నువ్వు ఆనందపడితే, నేను కూడా ఆనందపడే వాడిని. నువ్వు సినిమాలు వదిలేసి రాజకీయాల్లోకి వస్తున్నావు అంటే భయం వేసింది అన్నా. నువ్వు మాకు దగ్గర అయ్యిందే సినిమాల ద్వారా. అలాంటి నువ్వు సినిమాలు మానేస్తున్నాను అంటే జీర్ణించుకోలేకపోయాను.

సాధారణంగా చాలా మంది సినిమా వాళ్ళు రాజకీయాల్లోకి వెళ్తారు. కానీ నువ్వు వెళ్తున్నావు అని అసలు అనుకోలేదు. కానీ నువ్వు ఏదైనా సరే ఆలోచించి నిర్ణయం తీసుకుంటావు. అందుకే, నీకు ఎలా మద్దతు ఇవ్వాలి అనే విషయమే ఆలోచించాను. అజ్ఞాతవాసి సినిమా పోయినప్పుడు చాలా బాధగా అనిపించింది అన్నా. సినిమా పోయినందుకు కాదు. దీని తర్వాత మళ్లీ నువ్వు సినిమాలు చేయవు అని తెలిసి చాలా బాధగా అనిపించింది. కానీ మళ్ళీ వకీల్ సాబ్ సినిమా చేసావు.. ఆ తర్వాత సినిమాలు చేస్తూ వస్తున్నావు. ఎన్ని చేస్తున్నా కూడా రాజకీయాల్లో నువ్వు ముందుకు వెళ్లట్లేదు అన్న అసంతృప్తి నీ ముఖంలో కనిపించేది.

నువ్వు అలా బాధపడుతూ ఉంటే, మాకు కూడా బాధగా అనిపించేది. ఎలాగైనా సరే ఈసారి నువ్వు గెలవాలి అని అనుకున్నాం. నేను మాత్రమే కాదు. నాలాగా ఎన్నో కోట్ల మంది నీ అభిమానులు ఇదే విషయం అనుకున్నారు. అందుకే ఇవాళ ఈ విజయం నీ ఒక్కడిది కాదు. నీతో పాటు ఈ కోట్ల మంది అభిమానులం కూడా గెలిచాం. నువ్వు ప్రమాణ స్వీకారం చేస్తుంటే కన్నీళ్లు ఆగలేదు. నువ్వు ఇలాగే ధైర్యంగా ముందుకు వెళ్లాలి అన్నా. నీ వెంట మేము ఉన్నాం. ఎప్పటికీ ఉంటాం.

ఇట్లు,
ఆంధ్రప్రదేశ్ ఉప ముఖ్యమంత్రి గారి అభిమాని.

కళాతపస్వి కె విశ్వనాథ్ గారి సినిమాలు ఆణిముత్యాలు. ఎంతో మందికి ఆయన సినిమాలో ఒక టెక్స్ట్ బుక్ లాగా నిలిచాయి. సినిమాలు ఎలా తీయాలి అనేదానికి ఆయన ఒక నిదర్శనంగా నిలిచారు. ఆయన ఇప్పుడు మన మధ్య లేకపోయినా కూడా ఆయన సినిమాల రూపంలో ప్రేక్షకులకు ఎప్పుడు గుర్తుండిపోతారు. ఆయన తీసిన సినిమాల్లో ఒక ఆణిముత్యంగా పరిగణించే సినిమా శుభసంకల్పం. ఈ సినిమాలో విశ్వనాథ్ గారు నటించారు కూడా. కమల్ హాసన్, ఆమని, గొల్లపూడి మారుతీ రావు గారు, సాక్షి రంగారావు గారు, నిర్మలమ్మ గారు ముఖ్య పాత్రలు పోషించారు. ఎం ఎం కీరవాణి గారు ఈ సినిమాకి సంగీత దర్శకత్వం వహించారు.

ఉత్తమ నటి విభాగంలో ఆమనికి, ఉత్తమ సహాయ నటి విభాగంలో వైష్ణవి అరవింద్ కి, ఉత్తమ క్యారెక్టర్ విభాగంలో విశ్వనాథ్ గారికి, ఉత్తమ ప్లే బ్యాక్ సింగింగ్ విభాగంలో ఎస్పీ శైలజ గారికి, ఉత్తమ ఎడిటర్ విభాగంలో జి జి కృష్ణారావు గారికి నంది అవార్డ్స్ లభించాయి. ఈ సినిమాని నిర్మించినందుకు, ఉత్తమ చిత్రం విభాగంలో ఎస్పీ బాలసుబ్రమణ్యం గారికి, ఉత్తమ డైరెక్టర్ విభాగంలో కె విశ్వనాథ్ గారికి, ఉత్తమ మ్యూజిక్ డైరెక్టర్ విభాగంలో కీరవాణి గారికి ఫిలిం ఫేర్ అవార్డ్స్ లభించాయి. ఈ సినిమాలో ఒక ముఖ్య పాత్రలో నటించారు ప్రియా రామన్. సంధ్య అనే పాత్రలో ప్రియా రామన్ నటించారు. ప్రియా రామన్ తెలుగులో నటించినవి కొన్ని సినిమాలు మాత్రమే. కానీ ఎంతో గుర్తింపు పొందారు. 1993 లో వల్లి అనే తమిళ్ సినిమాతో ఇండస్ట్రీలోకి అడుగు పెట్టారు.

అర్జున్ హీరోగా నటించిన మా ఊరి మారాజు అనే సినిమాతో తెలుగు సినిమా ఇండస్ట్రీలో కూడా అడుగు పెట్టారు. ఆ తర్వాత తెలుగులో ఎన్నో సినిమాల్లో నటించారు. కొన్ని సీరియల్స్ లో కూడా నటించారు. సూర్యవంశం అనే తెలుగు సీరియల్ లో కూడా ప్రియా రామన్ నటించారు. పడి పడి లేచే మనసు సినిమాలో శర్వానంద్ తల్లి పాత్రలో నటించారు. ప్రస్తుతం ప్రియా రామన్ తమిళ్ సీరియల్స్ తో బిజీగా ఉన్నారు. ఒక షో కి యాంకర్ గా కూడా వ్యవహరిస్తున్నారు. ప్రియా రామన్ 1999 లో రంజిత్ అనే నటుడిని వివాహం చేసుకున్నారు. 2014 లో వాళ్ళిద్దరూ విడిపోయారు. వీరికి ఆదిత్య రావు, ఆకాష్ రావు అని ఇద్దరు పిల్లలు కూడా ఉన్నారు. ప్రియా రామన్ తెలుగు సినిమాల్లో నటిస్తే చూడాలి అని ఎంతో మంది ఎదురుచూస్తున్నారు.

గత సంవత్సరం వరుస సినిమాలు చేసి, ఇటీవల గుంటూరు కారం సినిమాతో ప్రేక్షకుల ముందుకి వచ్చిన నటి శ్రీలీల. శ్రీలీల మధ్యలో కొంచెం గ్యాప్ ఇచ్చారు. ఇప్పుడు మళ్లీ సినిమాలు చేయడం మొదలుపెట్టారు. రవితేజ హీరోగా నటిస్తున్న నెక్స్ట్ సినిమాలో శ్రీలీల హీరోయిన్ గా నటిస్తున్నారు. ఈ సినిమా పూజా కార్యక్రమం ఇటీవల జరిగింది. వీళ్ళిద్దరూ కలిసి గతంలో ధమాకా సినిమాలో నటించిన సంగతి తెలిసిందే. సినిమా చాలా పెద్ద హిట్ అయ్యింది. దాంతో ఇప్పుడు ఈ కాంబినేషన్ రిపీట్ అవ్వడంతో భారీగా అంచనాలు నెలకొన్నాయి. ఈ సినిమాకి భాను భోగవరపు దర్శకత్వం వహిస్తున్నారు.

సినిమా త్వరలోనే షూటింగ్ మొదలు పెట్టుకోనుంది. అయితే, పూజా కార్యక్రమంలో శ్రీలీల కట్టుకున్న చీర మీద అందరి దృష్టి పడింది. శ్రీలీల ఈ చీరలో మరింత అందంగా కనిపిస్తున్నారు. సెలబ్రిటీలు మామూలు దుస్తులు వేసుకున్నా కూడా వాటి ధర ఎక్కువగానే ఉంటుంది. ఇప్పుడు శ్రీలీల కట్టుకున్న చీర ధర కూడా అంతే ఉంటుంది. ఈ చీరని ప్రముఖ డిజైనర్ అనితా డోంగ్రే డిజైన్ చేశారు. ఈ చీర ధర 70 వేల రూపాయలు. ఇప్పుడు డిస్కౌంట్ పోగా 49 వేల రూపాయలకి ఈ చీర అందుబాటులో ఉంది. చీర చూడడానికి చాలా సాధారణంగా ఉంది. పెద్ద హెవీ వర్క్ కూడా లేదు.

కానీ ఈ చీర కాస్ట్ విన్న తర్వాత ఎవరి నోటి నుండి మాట రావట్లేదు. ఎందుకంటే, సాధారణంగా ఇలాంటి చీరలు రెండు వేలకు మించి ఉండవు. వెయ్యి రూపాయల లోపే ఈ చీరలు దొరుకుతాయి. మహా అయితే, మెటీరియల్ చాలా బాగుంటే, 2000 ఉంటుంది. అంతకుమించి ఎక్కువ ఉండే అవకాశం లేదు. అంత సాధారణంగా ఈ చీర ఉంది. కానీ చీర ధర మాత్రం అసలు సాధారణంగా లేదు. కానీ ఏదేమైనా కూడా, సెలబ్రిటీల లైఫ్ స్టైల్ అంటే ఇలాగే ఉంటుంది. వాళ్లు రోజువారి జీవితంలో వాడే దుస్తుల ధరలు కూడా వేలల్లోనే ఉంటాయి. వాళ్ల జీవనశైలి అంత. ఇంక బ్యాగ్స్, వాచ్ ల ధరలు అయితే చెప్పాల్సిన అవసరం లేదు. కోట్లలో ఉన్న వాచ్ లు కొనుక్కున్న సెలబ్రిటీలను చాలా మందిని చూశాం. బ్యాగ్స్ కి, గడియారాలకి, ఫుట్ వేర్ కి ఇంకా ఎక్కువ ఖర్చు ఉంటాయి. దుస్తుల ధరలు కూడా దాదాపు ఇదే విధంగా ఉంటాయి.