Filmy Adda

పవర్ స్టార్ బద్రి మూవీతో టాలీవుడ్ లో హీరోయిన్ గా అడుగుపెట్టిన అమీషా పటేల్, ఆ తరువాత మహేష్ బాబుతో నాని, జూనియర్ ఎన్టీఆర్ తో నరసింహుడు, నందమూరి బాలకృష్ణతో పరమ వీరచక్ర సినిమాలలో నటించి ఆకట్టుకుంది. ఆ తరువాత బాలీవుడ్, పంజాబీ చిత్రాలలో నటిస్తూ బిజీగా ఉంది.

అమీషా పటేల్ తాజాగా బాలీవుడ్ మూవీ ‘గదర్ 2’లో నటించింది. ఈ చిత్రం పై అంచనాలు బాగానే ఉన్నాయి. రీసెంట్ గా ఈ మూవీ షూటింగ్ పూర్తి చేసుకుంది. అయితే ఈ మూవీ ప్రొడక్షన్ హౌజ్ పై అమీషా పటేల్ సోషల్ మీడియాలో ఆగ్రహం వ్యక్తం చేసింది. ఆ వివరాలు ఏమిటో ఇప్పుడు చూద్దాం.
2001లో విడుదల అయిన గదర్ చిత్రం బాక్సాఫీస్ దగ్గర సూపర్ హిట్ గా నిలిచింది. ఈ చిత్రంలో సన్నీ డియోల్, అమీషా పటేల్ హీరో హీరోయిన్లుగా నటించారు. ఇప్పుడు ఈ చిత్రానికి సీక్వెల్ గా గదర్ 2 మూవీ తెరకెక్కుతోంది. ఇటీవలే ఈ చిత్రం షూటింగ్ ను పూర్తి చేసుకుంది. అయితే ఆఖరి షెడ్యూల్‌లో పాల్గొన్న అమీషా పటేల్ చిత్రబృందం పై ట్విట్టర్ లో షాకింగ్ కామెంట్స్ చేసింది.అమీషా పటేల్ ట్వీట్‌లో ‘సాంకేతిక నిపుణులు, కాస్ట్యూమ్ డిజైనర్లు, మేకప్ ఆర్టిస్టులు, ఇతర స్టాఫ్ కి వేతన బకాయిలు ఇవ్వలేదని, షూటింగ్ ఆఖరి రోజు చండీగఢ్ ఎయిర్ పోర్ట్ కు వెళ్ళడానికి, ఫుడ్ బిల్లులకు డబ్బు చెల్లించలేదు. యాక్టర్స్ కు, స్టాఫ్ కి కార్లను అరెంజ్ చేయలేదు. షూటింగ్ దగ్గరే ఒంటరిగా వదిలి వేశారు.అయితే జీ స్టూడియోస్ టీమ్ వెంటనే అన్ని బకాయిలను చెల్లించి, అనిల్ శర్మ ప్రొడక్షన్స్ చేసిన తప్పులను సరి దిద్దారు. సమస్యను సాల్వ్ చేసిన నీరజ్ జోషి, షరీక్ పటేల్, కబీర్ ఘోష్, నిశ్చిత్ లకు కృతజ్ఞతలు. జీ స్టూడియోస్ యూనిట్ ఎప్పుడు టాప్ ప్లేస్ లోనే ఉంటుంది’ అని ట్వీట్ చేశారు. ఇదిలా ఉంటే గదర్ 2 సినిమాలో అమీషా పటేల్ సన్నీ డియోల్‌ సరసన హీరోయిన్ గా నటించింది.

Also Read: “చిన్మయి” పై వస్తున్న ట్రోల్స్ కి “రాహుల్ రవీంద్రన్” స్ట్రాంగ్ రిప్లై..! ఏం అన్నారంటే..?

రాహుల్ రవీంద్రన్ హనూ రాఘవపూడి దర్శకత్వంలో వచ్చిన ‘అందాల రాక్షసి’చిత్రంతో చాలా మంది లేడీ ఫ్యాన్స్‌ను ఏర్పరుచుకున్నాడు. ఆ తరువాత పలు సినిమాలలో హీరోగా నటించాడు. తెలుగు, తమిళ, ఇంగ్లీష్ సినిమాలలో నటించాడు. దర్శకుడుగా మరి రెండు సినిమాలను తెరకెక్కించాడు. రాహుల్ రవీంద్రన్, సింగర్ చిన్మయిని ప్రేమ వివాహం చేసుకున్నారు.

ఇటీవల ఉత్తరప్రదేశ్ పీసీఎస్ జ్యోతి మౌర్య కేసు సంచలనం సృష్టించిన విషయం తెలిసిందే. దీనిపై సింగర్ చిన్మయి కూడా స్పందించారు. ఆ తరువాత ఆమెను, భర్త రాహుల్ రవీంద్రన్ ట్యాగ్ చేస్తూ నెటిజెన్లు కామెంట్స్ పెడుతున్నారు. దాంతో నటుడు రాహుల్ రవీంద్రన్ తాజాగా వాటి పై స్పందిస్తూ ట్వీట్ చేశాడు. ఆ వివరాలు ఇప్పుడు చూద్దాం..ఉత్తరప్రదేశ్ ప్రయాగ్‌రాజ్‌కు చెందిన అలోక్ మౌర్య తన భార్యను చాలా కష్టపడి చదివించి ఆమె కల అయిన ప్రభుత్వ ఉద్యోగం సాధించేలా చేశాడు. తీరా సబ్ డివిజినల్ మేజిస్ట్రేట్ జాబ్ వచ్చిన తరువాత ఆమె అతడిని మోసం చేసింది. పైగా అతడి పై వరకట్నం కేసు పెట్టి జైలుకు పంపించింది. ఈ విషయం పై ఎంతోమంది సోషల్ మీడియాలో కామెంట్ చేశారు. ఈ క్రమంలో సోషల్ మీడియాలో యాక్టివ్ గా ఉండే చిన్మయి కూడా స్పందించారు. నెటిజెన్లు ఆమెను, రాహుల్ రవీంద్రన్ ట్యాగ్ చేస్తూ కామెంట్స్ చేస్తూన్నారు. దీనిపై తాజాగా రాహుల్ రవీంద్రన్ ట్విట్టర్ లో ఇలా చెప్పుకొచ్చారు. “మీరు అందరూ ఆమెతో పోరాడిన తరువాత నన్ను ట్యాగ్ చేస్తూనే ఉన్నారు. ఆమె ఎత్తి చూపుతున్న మైండ్ సెట్ ప్రాబ్లెమ్స్ గురించి అర్థం చేసుకోవడానికి ప్రయత్నించండి. మీరు అంగీకరించినా, అంగీకరించకపోయినా, ఆమె మాట వినండి. ఆ పై ఆమెకు కొంచెం ప్రేమను ఇవ్వడానికి ప్రయత్నించండి. ఆమె మీ పై ప్రేమను కురిపిస్తుంది. ఆమె మీకు ఇష్టమైన అక్కగా మారుతుంది.నాకు లభించిన అతి పెద్ద ఆశీర్వాదాలలో ఆమె కూడా ఒకటి. ఆమె పరిమితి లేకుండా ప్రేమిస్తుంది. మరియు మీకు భరోసా ఇస్తుంది. ఇతరుల వైపు నుండి సమస్యలను అర్థం చేసుకోవడానికి ప్రయత్నిస్తే, మీ జీవితంలో ఉన్న స్త్రీలు మిమ్మల్ని ఎంతో ప్రేమిస్తారు. మరియు మీరు మీ కంటే ఎక్కువగా వారిని గౌరవించండి. అప్పుడు ప్రపంచం ఎంత అందంగా ఉంటుందో మీకు తెలియదు” అని చెప్పుకొచ్చారు.

Also Read: “ఆదిపురుష్” లో ప్రభాస్ ఎంట్రీ సీన్ రిహార్సల్ వీడియో చూశారా..? ఇలా షూట్ చేసారా..?

తెలుగు సినీ పరిశ్రమ ప్రస్తుతం భారతీయ సినీ ఇండస్ట్రీలలో ఉన్నత స్థితిలో ఉంది. అన్ని ఇండస్ట్రీల దృష్టి ఇప్పుడు టాలీవుడ్ పైనే ఉంది. ఒకప్పుడు తక్కువగా చూసిన టాలీవుడ్ ఇప్పుడు అంతర్జాతీయంగాను సత్తా చాటింది. గత ఏడాది జక్కన దర్శకత్వంలో వచ్చిన ‘ఆర్ ఆర్ ఆర్’ సినిమా సంచలన విజయాన్ని సాధించడమే కాకుండా ప్రపంచవ్యాప్తంగా తెలుగు సినిమా కీర్తిని చాటింది.

ఎన్టీఆర్, రామ్ చరణ్ నటించిన ఈ చిత్రంలోని ‘నాటు నాటు’ సాంగ్ కి ఆస్కార్ అవార్డ్ వచ్చిన విషయం తెలిసిందే. అలాంటి తెలుగు సినిమాల పై మాలీవుడ్ సినిమాలలో సెటైర్ వేస్తున్నారు. అలాంటి ఒక సీన్ ను సోషల్ మీడియాలో పోస్ట్ చేయగా నెటిజెన్లు తమదైన రీతిలో కామెంట్స్ చేస్తున్నారు. ఆ వివరాలు ఇప్పుడు చూద్దాం.. ఒకప్పుడు భారతీయ సినిమా అంటే బాలీవుడ్ అనేవారు. కానీ టాలీవుడ్ దిగ్గజ డైరెక్టర్ ఎస్ఎస్ రాజమౌళి తెరకెక్కించిన బాహుబలి చిత్రాలతో దేశవ్యాప్తంగా టాలీవుడ్ పేరు మారుమోగింది. ఆ తరువాత వచ్చిన ‘ఆర్ ఆర్ ఆర్’ తో అంతర్జాతీయంగా తెలుగు సినిమాకు క్రేజ్ ఏర్పడింది. హాలీవుడ్ డైరెక్టర్ జేమ్స్ కామెరూన్ వంటి డైరెక్టర్ ప్రశంసలు కురిపించాడు అంటే తెలుగు సినిమా ఖ్యాతి గురించి అర్ధం చేసుకోవచ్చు. జక్కన్న నెక్స్ట్ సినిమా కోసం ఇండియా వైడ్ గానే కాకుండా ప్రపంచవ్యాప్తంగా ఎదురుచూస్తున్నారు. అయితే ఒక మలయాళ సినిమాలో టాలీవుడ్ పై సెటైర్ వేసిన ఒక వీడియో ప్రస్తుతం సోషల్ మీడియాలో హల్చల్ చేస్తోంది. ‘త్రిశంకు’ అనే మలయాళ మూవీలో హీరోయిన్, ఆమె ఫ్రెండ్స్ కూర్చోని మాట్లాడుకుంటూ ఉంటారు. అపుడు హీరోయిన్ వల్ల నాన్న పెళ్లికి ఒప్పుకోడు ఏమో అంటుంది. అప్పుడు పక్కన ఉన్న అమ్మాయి తెలుగు సినిమాలలో లాగా లేచిపో అని చెప్తుంది. నిజానికి అన్ని తెలుగు సినిమాలూ అలా ఉండవు. కానీ ఈ సినిమాలో ఆ పదం వాడేసారు. ఈ వీడియో చూసిన కొంత మంది తెలుగువాళ్ళు మా సినిమాలు అన్నీ అలా ఉండవు అంటూ కామెంట్ చేస్తున్నారు.

Mollywood's direct satire on Tollywood 😂🫢 pic.twitter.com/N5KJI9VdU8

— Agnyathavaasi (@ThisisHarsha_) June 26, 2023

Also Read: “పవన్ కళ్యాణ్ పాత సినిమాలన్నీ గుర్తొస్తున్నాయి..! అంటూ… పవన్ కళ్యాణ్-సాయి ధరమ్ తేజ్ “బ్రో” టీజర్‌పై 15 మీమ్స్..!

ప్రభాస్ నటించిన ‘ఆదిపురుష్’ మూవీ ఇటీవల రిలీజ్ అయ్యి, నెగెటివ్ టాక్ ను అందుకుంది. ఈ మూవీ పై చాలా మంది విమర్శలు గుప్పించారు. మరి కొందరు కేసులు కూడా పెట్టారు. సినిమా మేకింగ్ బాగున్నా, గ్రాఫిక్స్ సరిగ్గా లేదని, మూవీలోని పాత్రల ఆహార్యం, సంభాషణలు బాలేదని, రామాయణాన్ని అపహాస్యం చేశారని తీవ్రంగా విమర్శలు వచ్చాయి.

డైరెక్టర్ ఓం రౌత్ రామాయణాన్ని నూతన టెక్నాలజీ ద్వారా ఆడియెన్స్ కి చెప్పాలని అనుకున్నాడు. కానీ ప్రేక్షకుల మెప్పించడంలో ఫెయిల్ అయ్యాడు. ఆదిపురుష్ మూవీ కోసం రిహార్సల్స్ ఎలా చేశారో తెలిపే వీడియో తాజాగా   రిలీజ్ అయ్యింది. అయితే వీడియో చూసిన నెటిజెన్లు కామెంట్స్ చేస్తున్నారు. ఆ వివరాలు ఇప్పుడు చూద్దాం.. ఆదిపురుష్ సినిమా మొదట్లో ప్రభాస్ ఎంట్రీ సన్నివేశంలో జరిగిన ఫైట్ ను ఎలా షూట్ చేశారు? ఫైట్ షూటింగ్ ముందు ఎలా వర్కవుట్ చేశారో తెలిపే వీడియో రిలీజ్ అయ్యింది. అయితే ఈ వీడియోలో ప్రభాస్ కు బదులుగా  ఫైటర్స్ తో రిహార్సల్స్ ఫైట్ ను చిత్రీకరించారు. ఆ తరువాత అదే ఫైట్ ను ప్రభాస్ పై షూట్ చేశారు. ఆ ఫైట్ సీన్స్ కు గ్రాఫిక్స్ యాడ్ చేశారు.
ఇక ఈ వీడియో చూసిన వారు ఇంత కష్టపడి పోరాట సన్నివేశాలను చిత్రీకరించారా అని కామెంట్స్ చేస్తున్నారు. మరి కొందరు డమ్మీ ఫైటర్స్‌తో చిత్రీకరించిన ఈ ఫైట్ సీన్‌ని, అనంతరం డమ్మీ ఫైటర్ ఫేస్ కు బదులుగా ప్రభాస్ ఫేసును అతికించే ఛాన్స్ ఉందని కామెంట్స్ పెడుతున్నారు. ఈ వీడియోలో చూపించిన ఫైట్ సీన్స్ ఎంతో క్లిష్టంగా ఉన్నాయి. వీటిని ట్రైనింగ్ తీసుకున్న ఫైటర్ మాత్రమే చేయగలడని, హీరో ప్రభాస్ అంత క్లిష్టమైన ఫైట్ ను ఫ్లెక్సిబుల్‌గా పోరాడగలరా అంటూ కొంతమంది కామెంట్స్ చేస్తున్నారు.
రామాయణ ఇతిహాసం ఆధారంగా రూపొందిన సినిమా ఆదిపురుష్. ఈ మూవీలో హీరో ప్రభాస్ రాముడిగా, సీతాదేవిగా కృతి సనన్, లక్ష్మణుడి పాత్రలో సన్నీ సింగ్, హనుమంతుడి పాత్రలో దేవదత్ నగరే, రావణాసురుడుగా సైఫ్ అలీఖాన్ నటించారు. ఈ చిత్రానికి డైరెక్టర్ ఓం రౌత్ దర్శకత్వం చేయగా, ఈ చిత్రాన్ని భూషణ్ కుమార్ నిర్మించారు.

watch video :

Here is the Rehearsal video of Prabhas's Entry scene in Adipurush! 🫶❤️
This is how the whole movie shot under one roof
Okkate cheptuna aa budget ki om tried his best with motion capture technology danini kuda negative chesasaru🥺#Prabhas #Adipurush #Omraut #KritiSanon #TSeries pic.twitter.com/vFmtN1GpBU

— Darling ™ (@DarlingDHFP05) June 28, 2023

Also Read: “మా సినిమాలో అవి నాకే నచ్చలేదు..!” అంటూ… “ఆదిపురుష్‌” పై నటుడి కామెంట్స్..! ఏం అన్నారంటే..?

ప్రముఖ కొరియోగ్రాఫర్ రాకేష్ మాస్టర్ రీసెంట్ గా అనారోగ్యంతో కన్నుమూసిన విషయం తెలిసిందే. ఆయన పెద్ద కర్మను బుధవారం (జూన్ 28) నాడు రాకేష్ మాస్టర్ శిష్యులు అయిన శేఖర్ మాస్టర్ మరియు సత్య మాస్టర్  హైదరాబాద్‏లో నిర్వహించారు. ఈ కార్యక్రమనికి డైరెక్టర్ వై వియస్ చౌదరి హాజరయ్యారు.

ఈ సందర్భంగా శేఖర్ మాస్టర్ మాట్లాడుతూ గురువుతో తనకున్న అనుబంధాన్ని జ్ఞాపకం చేసుకుని, ఎమోషనల్ అయ్యాడు. ఈ క్రమంలో తన పై వస్తున్న వార్తల పై, విమర్శల గురించి మాట్లాడుతూ ఎమోషనల్ అయ్యారు. “రాకేష్ మాస్టర్ తో 8 ఏళ్ళు  ప్రయాణించానని, ఆ సమయంలో బయట ప్రపంచం ఎలా ఉంటుందో మాకు తెలియదు. తాను, సత్య మాస్టర్ ఇద్దరు విజయవాడలో డ్యాన్స్ నేర్చుకున్న అనంతరం రాకేష్ మాస్టర్ వద్దకు వచ్చాము. రాకేష్ మాస్టర్ గొప్ప డ్యాన్సర్. యూట్యూబ్‌లో చూస్తున్న రాకేష్ మాస్టర్ డ్యాన్స్ ఐదు పర్సంటే అని, ఈ విషయం చాలా మందికి తెలియదని అన్నారు. చిన్నప్పటి నుండి నాకు వ్యక్తిగతంగా ప్రభుదేవా అంటే చాలా ఇష్టం. అయితే హైదరాబాద్ వచ్చిన తరువాత రాకేష్ మాస్టర్ డ్యాన్స్ చూసి అభిమానించడం మొదలుపెట్టాను.గతంలో ఆయన చాలా బాగా డ్యాన్స్ చేసేవారు. రాకేష్ మాస్టర్ ను గురువు అని చెప్పుకోవడం గర్వంగా ఉందని అన్నారు. ఇక డ్యాన్స్ ప్రాక్టీస్ చేసేటప్పుడు ఫర్ ఫెక్ట్ గా వచ్చే వరకు వదిలిపెట్టేవారు వారు కాదని చెప్పారు. మాస్టర్ ఎక్కడున్నా కూడా బాగుండాలని అనుకున్నాం. ఇలా అవుతుందని అసలు అనుకోలేదని అన్నారు. రాకేష్ మాస్టర్ పెళ్లి చేసింది మేమే. రాకేష్ మాస్టర్ తప్ప వేరే ప్రపంచం మాకు తెలియదు. మాస్టర్ తోనే ఉండి, ఆయన ఇన్ స్టిట్యూట్ లో క్లాసులు చెప్పవాళ్ళం, అక్కడే బతికాము.ఆ తర్వాత మాస్టర్ దర్శకుడిగా ప్రయత్నాలు మొదలు పెట్టినపుడు ఏం చేయాలో తెలియక అక్కడి నుండి బయటకు వచ్చి మాస్టర్లుగా అయ్యాము. కొన్ని యూట్యూబ్ ఛానల్స్, వారికి తోచిన థంబ్ నెయిల్స్ పెట్టి, ఏమేమో చెప్తున్నారు. అలా చేయడం వల్ల వేరేవారి కుటుంబాలు బాధపడుతున్నాయి. ఏ విషయం అయినా నిజాలు మాత్రమే రాయండని అన్నారు. మా రాకేశ్ మాస్టర్ ఎక్కడున్నా సంతోషంగా ఉండాలని కోరుకుంటున్నా” అని పేర్కొన్నారు.

Also Read: SPY REVIEW : “నిఖిల్” కి మరొక హిట్ పడినట్టేనా..? స్టోరీ, రివ్యూ & రేటింగ్.!

యంగ్ రెబల్ స్టార్ ప్రభాస్‌, బాలీవుడ్ హీరోయిన్ కృతిసనన్‌ జంటగా నటించిన సినిమా ‘ఆదిపురుష్‌’. ఈ మూవీ పై విమర్శలు, వివాదాలు వచ్చిన విషయం తెలిసిందే. రామాయణంను అపహస్యం చేశారని మండిపడుతున్నారు. దర్శకుడు ఓం రౌత్ ను, రచయిత మనోజ్ శుక్లాను తీవ్రంగా విమర్శిస్తున్నారు.

ఈ చిత్రంలో హనుమంతుడు చెప్పే డైలాగ్స్ ను సామాన్యుల నుండి ప్రముఖుల వరకు తప్పుబడుతున్నారు. మాస్‌ డైలాగుల పై తీవ్రంగా వ్యతిరేకత ఎదురైంది. చిత్రబృందం వాటిని మార్చింది. ఇక ఇదే విషయం పై ఆదిపురుష్ లో నటించిన ఒక యాక్టర్ తాజాగా స్పందించారు. ఆ నటుడు ఎవరో? ఏమన్నారో ఇప్పుడు చూద్దాం..
ప్రభాస్‌ శ్రీరాముడిగా నటించిన  ఆదిపురుష్ సినిమాకు బాలీవుడ్ డైరెక్టర్ ఓం రౌత్ దర్శకత్వం వహించారు. ఈ చిత్రంలో సీతాదేవిగా కృతిసనన్‌, రావణుడిగా సైఫ్ అలీఖాన్ నటించారు. ఈ చిత్రం మొదటి నుండి విమర్శలకు గురి అవుతోంది. వివాదాలకు కేంద్రబిందువుగా మారింది. ముఖ్యంగా హనుమంతుడితో మాస్‌ డైలాగుల చెప్పించడంతో పై ఈ చిత్రం పై తీవ్రంగా విమర్శలు వచ్చాయి.ఈ విషయం పై పలు చోట్ల కోర్టులో పిటిషన్ దాఖలు చేశారు. రీసెంట్ గా అలహాబాద్‌ హైకోర్టులో విచారణ జరుగగా, డైలాగ్స్ విషయంలో సెన్సార్ బోర్డ్ పై కోర్టు మండిపడింది. చిత్ర యూనిట్‌ డైలాగ్స్ ను మర్చినప్పటికి, జరగాల్సిన నష్టం జరిగింది. ఈ డైలాగుల వల్ల మూవీ పై నెగెటివిటి పెరిగింది. ఈ విషయం పై ఆదిపురుష్ సినిమాలో నటించిన యాక్టర్ లావ్‌ పజ్నీ ఓ ఇంటర్వ్యూలో స్పందించారు.ఈ మూవీలో కుంభకర్ణుడిగా నటించిన లావ్‌ పజ్నీ మాట్లాడుతూ దర్శకుడు ఏది చెప్తే ఒక నటుడు అది చేయాలి. వివాదాస్పద డైలాగ్స్ ను తొలగించినప్పటికీ, ఆ డైలాగ్స్ తనకు నచ్చలేదని, ఓ హిందువుగా ఆ  డైలాగ్స్ ను విని తాను బాధపడ్డానని వెల్లడించాడు.

Also Read: SAMAJAVARAGAMANA REVIEW : “శ్రీ విష్ణు” హీరోగా నటించిన సామజవరగమన హిట్టా..? ఫట్టా..? స్టోరీ, రివ్యూ & రేటింగ్.!