Filmy Adda

చిన్నప్పుడు తమ సినిమా కెరీర్ ని మొదలు పెట్టి తరువాత యాక్టర్లుగా పరిచయమయ్యి తమకంటూ ఇండస్ట్రీలో గుర్తింపు తెచ్చుకున్న వాళ్ళు ఎంతోమంది ఉన్నారు. వాళ్లలో స్టార్ హీరోలు ఉన్నారు ,ఇంకా ఎందరో క్యారెక్టర్ ఆర్టిస్ట్లు కూడా ఉన్నారు.

ఇంక అసలు విషయానికి వస్తే సంతోషం సినిమాలో నాగార్జున కొడుకు పాత్రలో నటించిన బాబు గుర్తుండే ఉంటాడు.

తర్వాత అతను వర్షం సినిమా లో ప్రభాస్ మేనల్లుడిగా కనిపించాడు. అతను ఎవరో తెలుసా? అతని పేరు అక్షయ్ బచ్చు. అక్షయ్ బాల నటుడిగా తన కెరీర్ మొదలు పెట్టాడు. తెలుగులోనే కాకుండా హిందీలో కూడా సినిమాల్లో, సీరియల్స్ లో, ఇంకా ఎన్నో అడ్వర్టైజ్మెంట్స్ లో నటించాడు.

బ్లాక్ బస్టర్ సినిమా పోకిరి ని హిందీలో సల్మాన్ ఖాన్ హీరోగా వాంటెడ్ పేరుతో రీమేక్ చేసిన విషయం అందరికి తెలిసిందే. అందులో హీరోయిన్ అయేషా టాకియా తమ్ముడి పాత్రలో నటించాడు అక్షయ్. అక్షయ్ ప్రస్తుతం ముంబైలో నివసిస్తున్నాడు.

అక్షయ్ కి నటనతో పాటు సింగింగ్ లో కూడా ప్రావీణ్యం ఉంది.  బ్లాక్ బస్టర్ పాటలను తన వెర్షన్ లో పాడి, వీడియో రూపొందించి తన సోషల్ మీడియా అకౌంట్స్ లో పోస్ట్ చేస్తూ ఉంటాడు అక్షయ్. మిగతా చైల్డ్ ఆర్టిస్ట్స్ లాగానే అక్షయ్ కూడా మళ్లీ హీరోగా మనల్ని పలకరిస్తాడేమో, వేచి చూద్దాం.

ప్రస్తుతం సినీ పరిశ్రమలో, సోషల్ మీడియాలో ఎక్కడ చూసినా నటించిన ‘ఆదిపురుష్’ మూవీ పేరే వినిపిస్తుంది. బాలీవుడ్ డైరెక్టర్ ఓం రౌత్ తెరకెక్కిన ఈ చిత్రంలో ప్రభాస్, కృతి సనన్, సైఫ్ అలీఖాన్ నటించారు.

ఈ సినిమా జూన్ 16న ప్రపంచ వ్యాప్తంగా విడుదల అయ్యింది. ఈ సినిమా పై మొదటి నుంచి భారీ అంచనాలు ఏర్పడ్డాయి. ఈ సినిమా మొదటి షో నుండే మంచి రెస్పాన్స్ తెచ్చుకుంది. ఆదిపురుష్ సినిమాలో శూర్ఫణఖగా తేజస్విని పండిట్ నటించింది. ఆమె ఎవరు? ఈ మూవీకి ముందు ఆమె ఏం చేసేవారో ఇప్పుడు చూద్దాం..
రామాయణం ఇతిహాసంలోని ప్రధాన పాత్రల్లో శూర్పణఖ కూడా ఒకటి. ఆమె లంకాధిపతి రావణాసురుడి చెల్లెలు. శూర్పణఖ రాముడు వనవాసంలో ఉన్న సమయంలో చూసి ఇష్టపడుతుంది. ఆ విషయం గురించి రాముడికి చెబుతుంది. అయితే ఆ సమయంలో లక్ష్మణుడు వచ్చి శూర్పణఖ ముక్కును కొస్తాడు. ఈ క్యారెక్టర్ ను ఆదిపురుష్ సినిమాలో చూపించారు. తేజస్విని పండిట్ శూర్పణఖ క్యారెక్టర్ లో నటించింది.
ఆదిపురుష్ సినిమాలో క్రూరమైన శూర్పణఖగా కనిపించిన తేజస్విని పండిట్ నిజ జీవితంలో ఆమె ఒక  స్టార్ హీరోయిన్. మరాఠా సినీ ఇండస్ట్రీలో తేజస్విని పాపులర్ హీరోయిన్. తేజస్విని పండిట్ 2004 లో రిలీజ్ అయిన మారాఠి సినిమా ‘అగా బాయి అరేచా’ తో సినీ కెరీర్ మొదలు పెట్టింది. ఆమె తొలి సినిమాలోనే నెగిటీవ్ క్యారెక్టర్ లో నటించి ఆకట్టుకుంది. తేజస్విని సినిమాలలోనే కాకుండా టెలివిజన్ ఆడియెన్స్ కూడా ఆకట్టుకుంది.
తేజస్విని బెస్ట్ హీరోయిన్ గా అనేక ఫిల్మ్ ఫేర్ అవార్డులను పొందింది. తేజస్విని తెరపైనే కాకుండా బయట కూడా  చాలా గ్లామరస్ గా కనిపిస్తుంది. తేజస్విని తన చిన్ననాటి ఫ్రెండ్ భూషణ్ బోప్చేని 2012లో పెళ్లి చేసుకున్నారు.  భూషణ్ బిజినెస్ రామేశ్వర్ రూప్‌చంద్ బోప్చే కుమారుడు. తేజస్విని పండిట్ ఇటీవల వెబ్ సీరీస్ లో నటిస్తుంది. ఈ బ్యూటీ సోషల్ మీడియాలో యాక్టివ్‌గా ఉటుంది. తరచు తన ఫోటోలను, వీడియోలను షేర్ చేస్తుంటుంది.

https://www.instagram.com/p/Cti0yLtyaQl/?utm_source=ig_embed&ig_rid=551069aa-605c-463d-86b7-491637234c4c

Also Read: “వీళ్ళు చెప్పింది ఇప్పుడు అర్థం అవుతోంది..!” అంటూ… “మహేష్ బాబు”, “రాజమౌళి” పై కామెంట్స్..! ఏం అన్నారంటే..?

ప్రభాస్ రాముడిగా నటించిన ఆదిపురుష్ మూవీ జూన్ 16న రిలీజ్ అయ్యింది. రెండు తెలుగు రాష్ట్రాలతో పాటు విడుదలైన అన్ని థియేటర్లు హౌజ్ ఫుల్ అయ్యాయి. భారీ అంచనాల మధ్య రిలీజ్ అయిన ఈ మూవీకి మొదటి షో నుండి కొందరు పాజిటివ్ రెస్పాన్స్ ఇస్తున్నారు.

కానీ మరికొందరు ఈ మూవీ పై విమర్శలు చేస్తున్నారు. సోషల్ మీడియాలో రకరకాలుగా ట్రోల్ చేస్తున్నారు. ఆదిపురుష్ సినిమాలోని కొన్ని సన్నివేశాల పై సామాజిక మధ్యమాలలో మీమ్స్ క్రియేట్ చేస్తున్నారు. ఈ క్రమంలో రెండు సీన్లను ఎక్కువగా ట్రోల్ చేస్తున్నారు. ఆ రెండు సీన్స్ ఏమిటో ఇప్పుడు చూద్దాం..
ఆదిపురుష్ మూవీలో ఎక్కువగా ట్రోల్ అవుతున్నది రావణాసురిడి పాత్ర. ఈ పాత్రలో సైఫ్ అలీ ఖాన్ నటించాడు. రావణాసురుడికి పది తలలు ఉంటాయనే విషయం అందరికి తెలిసిందే. అయితే ఈ సినిమాలో రావణాసురుడికి ఉండే పది తలలు ఒకే వరుసలో ఉండకుండా రెండు వరుసలలో ఐదు తలల చొప్పున కనిపిస్తాయి. ఈ సీన్ ని సోషల్ మీడియాలో విపరీతంగా ట్రోల్స్ చేస్తున్నారు. ఎందుకంటే గ్రాఫిక్స్ లేని కాలంలో కూడా పది తలల రావణాసురిడిని చక్కగా చూపించారని, గ్రాఫిక్స్ ను సరిగా వాడలేదని అంటున్నారు. ఇక రెండవ సన్నివేశం ఏమిటంటే, అయోధ్యలో రాముడు తన తండ్రి దశరథునితో మాట్లాడే సన్నివేశం. ఈ సీన్ లో ప్రభాస్ ఎప్పుడు కనిపించని విధంగా కనిపించాడు. తెల్లటి వస్త్రాల ధరించి, జట్టును వదిలేసి డిఫరెంట్ గా కనిపించారు.  ఈ సన్నివేశం పై కామెంట్స్, ట్రోల్ చేస్తున్నారు. ఈ గెటప్ ట్రైలర్ లో లేదా ఎక్కడ కూడా కనిపించలేదు. డైరెక్ట్ థియేటర్ లో చూసిన ప్రేక్షకులు ఇంకా నిరాశ చెందారు. కొందరు ప్రభాస్ దశరధుడి పాత్రలో కూడా నటించారని అంటున్నారు. కానీ ప్రభాస్ రాముడి పాత్రలో మాత్రమే నటించాడు.

https://www.instagram.com/reel/CtinVB1pVfh/?igshid=MzRlODBiNWFlZA%3D%3D

Also Read: ఆదిపురుష్ సినిమాలో “సైఫ్ అలీఖాన్” లాగానే… సినిమాల్లో “రావణుడి” పాత్ర పోషించిన 10 యాక్టర్స్..!

ప్రభాస్ నటించిన ఆదిపురుష్ సినిమా ఇటీవల విడుదల అయ్యింది. రిలీజ్ అయిన తర్వాత నుండి ఈ సినిమాకి ఆశించిన అంత పెద్ద రెస్పాన్స్ రావట్లేదు. అసలు సినిమా రిలీజ్ కి ముందే ఎన్నో వివాదాల్లో ఇరుక్కుంది. కొంత మంది గ్రాఫిక్స్ బాలేవు అన్నారు. మరి కొంత మంది అసలు సినిమాలో చాలా తప్పులు చూపించారు అన్నారు.

ఇప్పుడు సినిమా రిలీజ్ అయిన తర్వాత ఈ కామెంట్స్ ఇంకా పెరిగాయి. రామాయణాన్ని ఈ తరం ప్రేక్షకులకి నచ్చాలి అని తీయడం, అందుకు వారు చేసిన మార్పులు ప్రేక్షకులకి నచ్చలేదు సరి కదా, అసలు ఈ సినిమా టాపిక్ ఎక్కడ వస్తే అక్కడ నెగిటివ్ కామెంట్స్ వస్తూనే ఉన్నాయి. అయితే ఈ నేపథ్యంలో మహేష్ బాబు, రాజమౌళికి సంబంధించిన వీడియోలు సోషల్ మీడియాలో వైరల్ అవుతున్నాయి.

మహేష్ బాబు సాధారణంగా ఒక మాట అంటారు. “మనం చేసే సినిమాలు మిగిలిన భాషల్లో కూడా ఆదరణ పొందాలి” అని. ఇదే విషయాన్ని చాలా సందర్భాల్లో చెప్పారు. చాలా మంది ఇంటర్వ్యూలో, “మీరు బాలీవుడ్ కి ఎప్పుడు వెళ్తారు?” అని అడిగితే, “నేను తెలుగు సినిమాలు చేస్తాను. అవి బాలీవుడ్ లో హిట్ అవ్వాలి” అని చెప్తూ ఉంటారు. గత సంవత్సరం మహేష్ బాబు ప్రొడ్యూస్ చేసిన మేజర్ సినిమా హిందీలో కూడా విడుదల అయ్యింది.

ఈ సందర్భంగా అక్కడి విలేఖరి ఒకరు, “మీరు బాలీవుడ్ సినిమాలు ఎప్పుడు చేస్తారు?” అని అడిగితే, “నాకు ఇక్కడి నుండి చాలా ఆఫర్స్ వస్తాయి. కానీ వీళ్ళు నన్ను భరించలేరు” అని చెప్పారు. దీనికి వివరణ ఇస్తూ, “నాకు నేను చేసే ఇండస్ట్రీలో చాలా మంది అభిమానులు ఉన్నారు. చాలా గౌరవం ఉంది. కాబట్టి నేను అక్కడే సినిమాలు చేస్తాను” అని చెప్పారు.

watch video :

కానీ మహేష్ బాబు చెప్పిన ఈ స్టేట్మెంట్ చాలా తప్పు అని చాలా మంది అప్పుడు అన్నారు. కానీ ఇప్పుడు మహేష్ బాబు చెప్పిందే నిజం ఏమో అని అంటున్నారు. ఒక రకంగా చూస్తే బాహుబలి కూడా అలాగే హిట్ అయ్యింది అని అంటున్నారు. బాహుబలి చేసింది తెలుగులోనే, కానీ అది హిందీలో కూడా పెద్ద హిట్ అయ్యింది. ఇంక రాజమౌళి విషయానికి వస్తే బాహుబలి తర్వాత ఒక ఇంటర్వ్యూలో రాజమౌళి తాను రాముడి గురించి రాసుకున్న కథ గురించి చెప్పారు.

రాముడు అని ఆయన చాలా శాంతస్వభావి అని, ఎప్పుడో ఒకసారి తప్పితే కోపం రాదు అని, వాల్మీకి అంత బాగా రాశారు అని, తాను అమరేంద్ర బాహుబలి రోల్ కూడా అలాగే రాసుకున్నారు అని చెప్పారు. ఇప్పుడు ఈ వీడియో చాలా వైరల్ అవుతోంది. ఇది చూసినవారు అందరూ కూడా ఇది కదా ఒక డైరెక్టర్ కి ఉండాల్సిన విజన్ అని రాజమౌళిని ప్రశంసిస్తున్నారు.

watch video :

https://www.instagram.com/p/CtjRGEPJ-1O/?hl=en

ALSO READ : “పోకిరి” గురించి చాలామందికి తెలియని 8 విషయాలివే..! హీరోయిన్ గా మొదట్లో ఎవరిని అనుకున్నారంటే.?

యంగ్ హీరోలకి పోటీగా వరుస సినిమాలు చేస్తున్న హీరో మెగాస్టార్ చిరంజీవి. ప్రస్తుతం చిరంజీవి మెహర్ రమేష్ దర్శకత్వంలో వస్తున్న భోళా శంకర్ సినిమా షూటింగ్ లో ఉన్నారు. ఇది అజిత్ హీరోగా నటించిన వేదాళం సినిమా రీమేక్. ఇందులో తమన్నా భాటియా చిరంజీవి పక్కన హీరోయిన్ గా నటిస్తున్నారు.

కీర్తి సురేష్ చిరంజీవి చెల్లెలి పాత్రలో నటిస్తున్నారు. అంతే కాకుండా హీరో సుశాంత్ కీర్తి సురేష్ పక్కన హీరోగా నటిస్తున్నారు. ఈ సినిమా షూటింగ్ కి సంబంధించి ఒక వీడియో కూడా చిరంజీవి ఇటీవల షేర్ చేశారు.

ఈ సినిమా తర్వాత చిరంజీవి మరొక రీమేక్ సినిమాలో నటించబోతున్నారు అనే వార్తలు వస్తున్నాయి. కళ్యాణ్ కృష్ణ దర్శకత్వంలో ఈ సినిమా ఉండబోతోంది. మలయాళంలో మోహన్ లాల్ హీరోగా నటించిన బ్రో డాడీ సినిమాకి ఇది రీమేక్ అని సమాచారం. ఈ సినిమాకి మలయాళం స్టార్ హీరో పృథ్వీరాజ్ సుకుమారన్ దర్శకత్వం వహించారు. అంతే కాకుండా ఈ సినిమాలో మోహన్ లాల్ కొడుకు పాత్రలో కూడా పృథ్వీరాజ్ నటించారు.

ఈ సినిమాని ఇప్పుడు తెలుగులో చిరంజీవి హీరోగా రీమేక్ చేయబోతున్నారు. అయితే మలయాళంలో మోహన్ లాల్ పక్కన హీరోయిన్ గా మీనా నటించారు. కానీ తెలుగులో ఎవరు నటిస్తారు అనే ప్రశ్న అందరిలో నెలకొంది. ప్రస్తుతం వస్తున్న వార్తల ప్రకారం చిరంజీవి పక్కనే త్రిష హీరోయిన్ గా నటిస్తారు. అంతే కాకుండా పృథ్వీరాజ్ పాత్రలో సిద్దు జొన్నలగడ్డ నటిస్తారు అని, సిద్దు పక్కన హీరోయిన్ గా శ్రీలీల నటిస్తారు అనే వార్తలు వస్తున్నాయి.

మలయాళంలో అయితే మోహన్ లాల్ పృథ్వీరాజ్ తండ్రి కొడుకులుగా నటించారు. అంతే కాకుండా కళ్యాణి ప్రియదర్శన్ పృథ్వీరాజ్ పక్కన హీరోయిన్ గా నటించారు. మరి తెలుగులో సినిమాటిక్ లిబర్టీ తీసుకుని కొంత వరకు మార్చి అన్నాతమ్ములుగా నటిస్తారు ఏమో అనేది ఇంకా తెలియాల్సి ఉంది. లివింగ్ రిలేషన్ షిప్ లో ఉన్న ఒక అమ్మాయి అబ్బాయి ప్రేమించుకోవడం, ఆ అమ్మాయి గర్భవతి అవ్వడం, తర్వాత వారు పెళ్లి చేసుకోవాలి అని నిర్ణయించుకోవడం.

అప్పుడే ఆ అబ్బాయి తల్లి కూడా మళ్లీ గర్భవతి అవ్వడం అనే టాపిక్ చుట్టూ ఈ సినిమా నడుస్తుంది. ఇలాంటి సెన్సిటివ్ సబ్జెక్ట్ ని చాలా బాగా హ్యాండిల్ చేసి మలయాళంలో పెద్ద హిట్ కొట్టారు. మరి తెలుగులో ఏం చేస్తారో అనేది చూడాలి. అయితే చిరంజీవి, త్రిష అంతకు ముందు మురగదాస్ దర్శకత్వంలో వచ్చిన స్టాలిన్ సినిమాలో నటించారు అనే సంగతి అందరికీ తెలిసిందే.

ఇప్పుడు మళ్లీ దాదాపు 17 సంవత్సరాల తర్వాత తిరిగి తెరపై కనిపించబోతున్నారు. అసలు ఆచార్య సినిమాలో మొదట హీరోయిన్ పాత్రలో త్రిష నటించాల్సి ఉన్నా కూడా కొన్ని కారణాల వల్ల సినిమా నుండి తప్పుకున్నారు. ఇప్పుడు మళ్లీ ఈ సినిమాలో చిరంజీవి పక్కన త్రిష హీరోయిన్ గా నటిస్తున్నారు. ఈ సినిమాపై ఇంకా అధికారిక ప్రకటన రావాల్సి ఉంది.

రామాయణం ఇతివృత్తంతో తెరకెక్కిన సినిమా ‘ఆదిపురుష్’. ప్రస్తుతం ఈ మూవీ గురించే ఎక్కువగా వినిపిస్తోంది. పాన్ ఇండియా స్టార్ ప్రభాస్, కృతి సనన్ జంటగా నటిస్తున్న ఈ చిత్రాన్ని భారీ బడ్జెట్ తో ప్రతిష్టాత్మకంగా నిర్మించారు.

బాలీవుడ్ దర్శకుడు ఓం రౌత్ ఈ చిత్రాన్ని తెరకెక్కించారు. ఆదిపురుష్ జూన్ 16న గ్రాండ్ గా పాన్ ఇండియా వైడ్ గా విడుదల అవనుంది. ఈ నేపథ్యంలో మూవీ యూనిట్ ప్రమోషన్స్ మొదలుపెట్టారు. దానిలో భాగంగా నేడు తిరుపతిలో ఈ మూవీ ప్రీ రిలీజ్ ఈవెంట్ జరుగనుంది.
సినీ ఇండస్ట్రీలో ప్రస్తుతం ఆదిపురుష్ హాట్ టాపిక్ గా మారింది. ఈ చిత్రంలో ప్రభాస్ శ్రీరాముడిగా నటిస్తున్నారు. సీతాదేవిగా బాలీవుడ్ హీరోయిన్ కృతిసనన్, రావణసురుడిగా సైఫ్ అలీఖాన్ నటిస్తున్నారు. తానాజీ డైరెక్టర్ ఓం రౌత్ ఈ సినిమాకి దర్శకత్వం వహిస్తున్నారు. ఈ సినిమాని ఈ నెల 16న తెలుగు, మలయాళం, కన్నడ, తమిళ, హిందీ భాషల్లోలలో చాలా గ్రాండ్ గా విడుదల చేయబోతున్నారు.
ఈ క్రమంలో ఆదిపురుష్ మూవీ బడ్జెట్ దాదాపు 600 కోట్ల భారీ బడ్జెట్ తో నిర్మించారు. బిజినెస్ గురించి చూసినట్లయితే ఇప్పటివరకు ఈ మూవీకి శాటిలైట్, మరియు డిజిటల్ రైట్స్ అన్ని భాషలకు 250 కోట్లు వచ్చాయట. అయితే ఈ చిత్రం మ్యూజిక్ రైట్స్ ను మాత్రం అమ్మలేదని సమాచారం. ఇక తెలుగు రాష్ట్రాలలో ముందుగా యువి క్రియేషన్స్ విడుదల చేస్తుందని అనుకున్నా, ఆ తరువాత పీపుల్స్ మీడియా ఫ్యాక్టరీ 185 కోట్లకు కొనుగోలు చేసినట్లు తెలుస్తోంది. ఇక ఓవర్సీస్, ఇతర భాషలకు ఆ రాష్ట్రాలలోని లోకల్ డిస్ట్రిబ్యూటర్ల ద్వారా టి సిరీస్ సొంతంగా విడుదల చేయాలని  అనుకుంటునట్లు తెలుస్తోంది. సినిమాకు మంచి టాక్ వస్తే ఫస్ట్ వీకెండ్ లోనే ప్రొడ్యూసర్లు సేఫ్ అయ్యే ఛాన్సులు ఉన్నాయని తెలుస్తోంది. ఈ రోజు తిరుపతిలో ఆదిపురుష్ ప్రీరిలీజ్ ఈవెంట్ జరుగుతోంది. ఈ వేడుకకు చినజీయర్ స్వామి చీఫ్ గెస్ట్ గా హాజరవుతున్నారు.

Also Read: “ఉయ్యాలవాడ నరసింహారెడ్డి” కథలో నిజం ఎంత..? అసలు ఏం జరిగింది..?

రెబల్‌స్టార్ ప్రభాస్ హీరోగా బాలీవుడ్ దర్శకుడు ఓమ్‌ రౌత్ తెరకెక్కించనున్న చిత్రం ఆదిపురుష్‌. మొదటిసారి ప్రభాస్ బాలీవుడ్ లోకి అడుగు పెట్టబోతున్న ప్రాజెక్ట్ ఇది. బాలీవుడ్ డైరెక్టర్ ఓం రౌత్ తెరకెక్కిస్తున్న ఈ సినిమాను టి సిరీస్ సంస్థ 500 కోట్ల భారీ బడ్జెట్ తో నిర్మించింది. ఈ ఏడాది జనవరిలోనే ఈ సినిమా రిలీజ్ అవ్వాల్సి ఉండగా కొన్ని కారణాల వల్ల వాయిదా వేశారు. ఇక ఫైనల్ గా జూన్ 16న ప్రేక్షకుల ముందుకి రానుంది.

రామాయణం నేపథ్యంలో 3డీలో తెరకెక్కబోతున్న ఈ మూవీలో ప్రభాస్ రాముడిగా, కృతిసనన్ సీతగా కనిపించనున్నారు. లక్ష్మణుడి పాత్రలో సన్నీ సింగ్ నటిస్తున్నారు. ఇక రిలీజ్ తేదీ దగ్గర పడుతుండటం తో మేకర్స్ ప్రమోషన్స్ ని వేగవంతం చేస్తున్నారు. ఈ చిత్రం నుంచి వరుస అప్డేట్స్ ఇస్తున్నారు.

అయితే తాజాగా సీతా నవమి సందర్భంగా కృతిసనన్ ఫస్ట్ లుక్ ని రిలీజ్ చేసారు మేకర్స్. రామ్ సీతా రామ్ అంటూ.. బ్యాక్ గ్రౌండ్ మ్యూజిక్ తో.. జానకిగా కృతీ సనన్ నారచీరలతో ఉన్న స్పెషల్ మోషన్ పోస్టర్ మంత్ర ముగ్ధులను చేసింది. జానకి పాత్రలో కృతి సనన్ స్వచ్ఛత, దైవత్వం, ధైర్యం ఉట్టిపడేలా కనిపిస్తోంది. అయితే ఈ మూవీ లో సీత పాత్ర కి ముందుగా కృతిసనన్ ని అనుకోలేదట మేకర్స్.

ఈ మూవీ లో ప్రభాస్ సరసన సీత గా బాలీవుడ్ స్టార్ హీరోయిన్ దీపికా పదుకొనె తీసుకుందాం అనుకున్నారట. కానీ వరుస సినిమాలతో బిజీ గా ఉండటం తో దీపికా ఒప్పుకోలేదట. అంతే కాకుండా ప్రభాస్ ప్రాజెక్ట్ కే లో కూడా దీపికా నే కథానాయిక. ఇక దీపికా తర్వాత అనుష్క శర్మ, కియారా అద్వానీ, కీర్తి సురేష్, పూజ హెగ్డే ల పేర్లను కూడా పరిశీలించారట మేకర్స్. చివరికి ఈ పాత్ర కృతిసనన్ కి చేరింది.

ఇక మరో వైపు ఈ మూవీ టీజర్ రిలీజ్ అయిన తర్వాత చాలా ట్రోల్స్ ఎదుర్కొన్నారు మేకర్స్. ఇప్పుడు మాత్రం వివాదాలకు అతీతంగా అందర్నీ ఆకట్టుకునే ప్రయత్నం చేస్తోంది. టీజర్ రిలీజ్ అయిన తర్వాత ఈ మూవీ గ్రాఫిక్స్ నాసిరకంగా ఉన్నాయంటూ దర్శకుడి పై ఓ రేంజ్ లో ట్రోల్స్ వచ్చాయి. దీంతో చిత్రయూనిట్ దిద్దుబాటు చర్యలు చేపట్టింది. ఆ గ్రాఫిక్స్‌ను, విజువల్స్‌ను కాస్త బెటర్‌ చేసేందుకు ప్రయత్నించింది. అందుకే గత ఏడాది ఎప్పుడో రావాల్సిన ఈ చిత్రం అంతకంతకూ ఆలస్యం అవుతోంది.

టాలీవుడ్​ టాప్​ హీరోల్లో జూనియర్​ ఎన్టీఆర్​ ఒకరు. ‘ఆర్​ఆర్​ఆర్’​ సినిమా సక్సెస్​తో పాన్​ ఇండియా స్టార్​గా మారిపోయారు తారక్​. భారీ బడ్జెట్​తో తీసే..

ఎన్టీఆర్​ సినిమాలు ఎంత రిచ్​గా ఉంటాయో.. ఆయన పర్సనల్​ లైఫ్​ అంతకు మించి లగ్జరీగా ఉంటుంది.. కార్ల కలెక్షన్​, పర్సనల్​ జెట్​, రూ.కోట్లు విలువ చేసే వాచ్​.. ఇలా ఆయన వద్ద ఉన్న.. కొన్ని ఖరీదైన వస్తువులు ఏవో చూద్దాం..

#1 బంగ్లా – 60 కోట్లు
జూబ్లీహిల్స్ లో ప్రస్తుతం ఎన్టీఆర్ నివసిస్తున్న ఇంటి విలువ సుమారు 60 కోట్లు. సకల సౌకర్యాలతో విలాసవంతంగా ఆ ఇంటిని నిర్మించుకున్నారు తారక్.

#2 లంబోర్ఘిని ఉర్స్ గ్రాఫైట్ క్యాప్సూల్ – మూడున్నర కోట్లు
ఎన్టీఆర్ దగ్గరున్న కార్లలో అత్యంత విలువైనది లంబోర్ఘిని ఉర్స్ కార్. బులెట్ ప్రూఫ్ అయినా ఈ కార్ లో అనేక ప్రత్యేకతలు ఉన్నాయి.

#3 రిచర్డ్ మిల్లే ఎఫ్​-1 లిమిటెడ్​ ఎడిషన్
ప్రపంచంలోనే అత్యధిక ఖరీదైన వాచ్‌లలో ఒకటైన ‘రిచర్డ్ మిల్లే ఎఫ్​-1 లిమిటెడ్​ ఎడిషన్​’ ఎన్టీఆర్​ దగ్గర ఉంది. దీని ధర అక్షరాల రూ. 4కోట్లు. ఆర్​ఆర్​ఆర్​ ప్రమోషన్స్ సమయంలో జూనియర్ ఎన్టీఆర్ ఈ వాచ్​ పెట్టుకొని కనిపించారు.

#4 ల్యాండ్ రోవర్ రేంజ్ రోవర్ వోగ్
లగ్జరీ కారు అయిన ‘ల్యాండ్ రోవర్ రేంజ్ రోవర్ వోగ్ ‘ జూనియర్​ ఎన్టీఆర్​ గ్యారేజీలో ఉంటుంది. ఎస్​యూవీ శ్రేణికి చెందిన ఈ వాహనం ధర రూ. 2.26 కోట్లు.

#5 బి ఎం డబ్ల్యు 720 ఎల్డి
ఎన్టీఆర్ వద్ద 1 .32 కోట్ల విలువైన బి ఎం డబ్ల్యు 720 ఎల్డి కార్ ఉంది.

#6 పోర్ష్ 718 కేమన్
జర్మన్ లగ్జరీ కార్ బ్రాండ్ ‘పోర్ష్ 718 కేమన్’ వాహనం తారక్​ వద్ద ఉంది. దీని ఖరీదు రూ.1.22కోట్లు.

#7 మెర్సిడేస్ బెంజ్ జీఎల్​ఎస్​ 350డీ
జూనియర్​ ఎన్టీఆర్​ గ్యారేజీలో ‘మెర్సిడేస్ బెంజ్ జీఎల్​ఎస్​ 350డీ’ వాహనం కూడా ఉంది. దీని ధర రూ.88.18లక్షలు.

#8 ప్రైవేట్ జెట్
ఎన్టీఆర్​ దగ్గర ఉన్నవాటిలో అత్యంత ఖరీదైనది ప్రైవేట్ జెట్. ఈ జెట్​ను రూ.80కోట్లు వెచ్చించి కొనుగోలు చేశారట జూనియర్​ ఎన్టీఆర్​. దీన్ని హైదరాబాద్‌లోని శంషాబాద్ అంతర్జాతీయ విమానాశ్రయంలో పార్క్ చేస్తున్నట్లు సమాచారం. అప్పుడప్పుడు ఈ జెట్​లో ఫ్యామిలీ టూర్స్​కు కూడా వెళ్తుంటారు జూనియర్​.

#9 హాయాబూసా
సుజుకీ.. తీసుకొచ్చిన సూపర్ మోటర్ సైకిల్ మోడల్​ ‘హాయాబూసా’. 1340 సీసీ సామర్థ్యం ఉన్న ఈ బైక్​ జూనియర్​ ఎన్టీఆర్​ వద్ద ఉంది. దీని ధర రూ.16లక్షలు.

అమ్మా, అత్తా పాత్రలు కాటన్ చీరతో, కష్టాలు కన్నీళ్లతో మనసును బరువెక్కించేలా కాకుండా మోడ్రన్ లుక్ తో, ట్రెండీ దుస్తులతో, ఆధునిక అమ్మ పాత్రలకు కేరాఫ్ అడ్రస్ నదియా.

మిర్చీ, అత్తారింటికి దారేది చిత్రాలతో స్టార్ క్యారెక్టర్ ఆర్టిస్ట్ గా మారిన నదియా ఇంటర్ లోనే లవ్ లో పడ్డారట. ఆమె రియల్ లైఫ్ లవ్ స్టోరీ విన్న ప్రేక్షకులు.. తెరపై ఇంత సీరియస్ గా కనిపించే నదియాకు అంత చిన్న వయసులో లవ్ స్టోరీ ఉందా! అంటూ ఆశ్చర్యపోతున్నారు.

మలయాళ దర్శకుడు ఫాజిల్ నటి నదియా ఫ్యామిలీ ఫ్రెండ్. ఓ సారి వాళ్ళ ఇంటికి వచ్చినప్పుడు నదియాను చూశారట. తర్వాత మోహన్ లాల్ సినిమాలో హీరోయిన్ పాత్ర కోసం ఆడిషన్స్ జరుగుతున్నాయి. మీ అమ్మాయి ఆ పాత్రకు సరిపోతుంది అని ఫాజిల్ అడిగారట. నదియా నాన్నగారు ఆమెను ఒప్పించి ఆడిషన్స్ కి తీసుకెళ్లారట. అలా ఆ మూవీ హీరోయిన్ గా నదియా ఎంపికయ్యారు.

1984లో విడుదలైన మలయాళ చిత్రం నొక్కేతధూరతు కన్నుం నట్టు సూపర్ హిట్.. ఆ చిత్రానికి నదియా ఫిలిం ఫేర్ అవార్డు గెలుచుకున్నారు. దీంతో మలయాళ, తమిళ భాషల్లో ఆఫర్స్ క్యూ కట్టాయి. ఇంటర్ చదువుతున్న రోజుల్లో ఇంటికెదురుగా ఉండే శిరీష్ గాడ్బోలేని నదియా ఇష్టపడ్డారట. శిరీష్ లక్ష్యం చదువు పూర్తి చేసి విదేశాల్లో స్థిరపడాలి. అందుకోసం నదియా తన లక్ష్యం త్యాగం చేసిందట.

శిరీష్ ఉద్యోగంలో స్థిరపడ్డాక పెద్దల్ని ఒప్పించి పెళ్లి చేసుకోవాలి అనేది నదియా ఆలోచన. ఫైనల్ గా శిరీష్ కి అమెరికాలో ఉద్యోగం రావడంతో ఇంట్లో పెద్దవాళ్లకు చెప్పి పెళ్ళికి ఒప్పించారు. 1988లో శిరీష్-నదియా వివాహం జరిగింది. శిరీష్ తో పెళ్లి కుదిరాక సల్మాన్ ఖాన్ హీరోగా తెరకెక్కుతున్న మైనే ప్యార్ కియా చిత్రంలో అవకాశం వచ్చిందట. మంచి ఆఫర్… చేయాలా? వద్దా? అనే సందిగ్ధత ఏర్పడింది.

పెళ్లి మేటర్ ఏదైనా తేడా కొడితే పరిస్థితులు దారుణంగా మారతాయని, నదియా చేయనని చెప్పేశారట. మైనే ప్యార్ కియా ఎంత పెద్ద బ్లాక్ బస్టరో తెలిసిందే. సినిమా జీవితం వదిలేసిన నదియాకు దర్శకుడు ఎం రాజా అమ్మానాన్న తమిళ అమ్మాయి తమిళ్ రీమేక్ లో జయసుధ పాత్ర ఆఫర్ చేశారు. అదే విషయాన్ని భర్తకు చెప్పగా… నా కోసం చాలా చేశావు. ఇకపై నీకు ఇష్టమైన సినిమాల్లో నటించమన్నారట.

అలా ఆమె సెకండ్ ఇన్నింగ్స్ స్టార్ట్ అయ్యింది. తెలుగులో హీరోయిన్ గా బజార్ రౌడీ, ఓ తండ్రి ఓ కూతురు చిత్రాలు చేసిన నదియా.. ఇటీవల గని, సర్కారు వారి పాట, అంటే సుందరానికీ చిత్రాల్లో నటించారు. రామ్ పోతినేని ది వారియర్ మూవీలో నదియా కీలక రోల్ చేశారు.