Filmy Adda

కొన్ని సినిమాల్లో హీరోయిన్ క్యారెక్టర్స్ చూసినప్పుడు అబ్బా చాలా బాగా రాసారు, హీరోయిన్ కూడా చాలా బాగా పర్ఫామ్ చేసింది అనిపిస్తుంది. ఆ పాత్రలు కొన్నాళ్ళు మనల్ని వెంటాడతాయి. ఉదాహరణకి బొమ్మరిల్లు లో హాసిని, ఫిదా లో భానుమతి పాత్రల లాగ.

అదే మరి కొన్ని సినిమాల్లో హీరోయిన్ క్యారెక్టర్ ఎలా ఉంటుంది అంటే కొంచెం ఓవర్ యాక్టింగ్, కొంచెం విచిత్రంగా, సిల్లీగా ఉంటుంది. అసలు ఆ పాత్రలకు ప్రేక్షకులు అస్సలు కనెక్ట్ అవ్వలేరు. మరి తప్పు ఇది రాసిన రైటర్స్ దా.. లేక చేసిన ఆర్టిస్టుల దా అనే విషయం పక్కన పెడితే ఆ పాత్రల వల్ల కొన్ని సార్లు సినిమా ఫలితమే మారిపోయింది కొన్నిసార్లు. ఇప్పుడు ఆ పాత్రలు ఏంటో చూద్దాం..

#1 జెనీలియా – ఆరంజ్

భాస్కర్ గారి బొమ్మరిల్లులో హాసిని పాత్ర ఎంత బాగుంటుందో…ఈ సినిమా లో అంత చెత్తగా ఉంది. మెయిన్ గా బ్రహ్మానందం గారితో వచ్చే సీన్స్ అయితే అస్సలు బాగోవు.

#2 రష్మిక- పుష్ప

నేషనల్ క్రష్ అయినా రష్మిక పుష్ప తో పాన్ ఇండియా స్టార్ అయిపోయింది. కానీ ఈ మూవీ లో ఆమె సీన్లు పేక్షకుల సహనానికి పరీక్ష పెడతాయి.

#3 మెహ్రీన్ – ఎఫ్ 2

అనిల్ రావి పూడి తెరకెక్కించిన ఈ చిత్రం బ్లాక్ బస్టర్ అయ్యింది గాని.. అందులో మెహ్రీన్ చేసిన హనీ పాత్రను అస్సలు భరించలేం.

#4 పూజ హెగ్డే- మోస్ట్ ఎలిజిబుల్ బాచిలర్

అఖిల్ హీరోగా నటించిన ఈ చిత్రం లో పూజ హెగ్డే పాత్ర చాలా డామినేటింగ్ గా ఉండటం తో పాటు కాస్త అతి ఎక్కువైనట్లు ఉంటుంది.

#5 రష్మిక – సరిలేరు నీకెవ్వరూ

అనిల్ రావిపూడి మహేష్ కాంబినేషన్ లో వచ్చిన ఈ చిత్రం సూపర్ హిట్ అయ్యింది కానీ ఇందులో రష్మిక ఐ ఆమ్ ఇంప్రెస్స్డ్ అంటూ చేసే అల్లరి ప్రేక్షకులను ఇంప్రెస్స్ చెయ్యలేదు.

#6 కేతిక శర్మ- రొమాంటిక్

పూరి తనయుడు ఆకాష్ హీరోగా తెరకెక్కిన రొమాంటిక్ చిత్రం తో కేతిక టాలీవుడ్ లో అడుగు పెట్టింది. ఇందులో కేతిక యాక్షన్ అస్సలు భరించలేకపోయారు జనాలు.

#7 రాశి ఖన్నా – పక్కా కమర్షియల్

గోపీచంద్ , రాసి ఖన్నా జంటగా తెరకెక్కిన ఈ చిత్రం లో రాశిఖన్నా పాత్ర అంత ఇంప్రెసివ్ గా ఉండదు.

#8 కీర్తి సురేష్ – రంగ్ దే

ఈ సినిమాలో ఈ పాత్ర అసలు కీర్తికి సెట్ అవ్వలేదు అలాగే ప్రేక్షకులు కూడా ఈ పాత్రకి కనెక్ట్ అవ్వలేకపోయారు.

#9 అనన్య పాండే – లైగర్

అసలు పూరి సినిమాల్లో హీరోయిన్ లు డిఫరెంట్ గా .. కంప్లీట్ ఆటిట్యూడ్ తో ఉంటారు. అది కొన్ని సార్లు వర్క్ అవుట్ అయినా .. కొన్ని సార్లు తేడా కొట్టేస్తుంది. లైగర్ సినిమాలో అనన్య పాత్ర కూడా అంతే.

#10 రాశి ఖన్నా – వరల్డ్ ఫేమస్ లవర్

విజయ్ దేవరకొండ తో రాశి ఖన్నా చేసిన ఈ చిత్రం ప్లాప్ ఐయ్యింది. ఇందులో రాశి పాత్ర చాలా డల్ గా సాగుతూ ప్రేక్షకులకు బోర్ కొట్టిస్తుంది.

ప్రభాస్ హీరోగా వస్తున్న సినిమా ఆదిపురుష్. ఈ సినిమా టీజర్ ఇటీవల విడుదల అయ్యింది. ఇందులో కృతి సనన్ హీరోయిన్ గా నటిస్తున్నారు. ఈ సినిమాకి ఓం రౌత్ దర్శకత్వం వహించారు. ఈ సినిమా పాన్-ఇండియన్ సినిమాగా రూపొందింది. షూటింగ్ పూర్తి అయ్యి చాలా కాలం అయ్యింది.

ఈ సినిమాలో ప్రభాస్ రాముడిగా నటించారు. ఈ సినిమా టీజర్ పై చాలా కామెంట్స్ వచ్చాయి. దాంతో సినిమా బృందం కొన్ని మార్పులు చేయాలి అని నిర్ణయించుకున్నారు. అందుకే సినిమా విడుదల ఆలస్యం అవుతుంది అని చెప్పారు. ఈ సినిమాలో గ్రాఫిక్స్ విషయంలో చాలా మార్పులు చేస్తున్నారు.

అలా చేయడానికి దాదాపు 100 కోట్లు ఖర్చు చేస్తున్నారు. ఈ సారి సినిమా ఎలాగైనా హిట్ అవ్వాలి అని అనుకుంటున్నారు. అందుకే ప్రేక్షకులకి నచ్చడానికి చాలా శ్రద్ధ వహిస్తున్నారు. కానీ సినిమా ఆలస్యం అవుతోంది అని అంటున్నారు. ఇప్పుడు వస్తున్న వార్తల ప్రకారం సినిమాలో చేసే మార్పులు ఇంకా పెరిగాయి అని అంటున్నారు. ముందు ప్రభాస్ పాత్రకి సంబంధించి ఎటువంటి మార్పులు చేయలేదు అన్నారు.

కానీ ఇప్పుడు ప్రభాస్ పాత్రలో కూడా మార్పులు చేస్తునట్టు సమాచారం. ఈ సినిమాలో ప్రభాస్ ముఖం విషయంలో, అలాగే గెటప్ విషయంలో కూడా జాగ్రత్తలు తీసుకున్నారు అనే వార్తలు వస్తున్నాయి. సినిమాలో హీరో ప్రభాస్. అంటే సినిమా మొత్తం దాదాపు ప్రభాస్ ఉంటారు. ప్రభాస్ ఉన్న సీన్స్ చాలా ఉంటాయి. అందులో కొన్ని పోరాట సన్నివేశాలు కూడా ఉండి ఉంటాయి.

ఇలా చూస్తే ప్రతి సీన్ లో ప్రభాస్ గెటప్, ముఖం ఎడిట్ చేసి, అదంతా మళ్లీ సినిమాగా చేసి, ఈ సినిమాని పోస్ట్ ప్రొడక్షన్ వర్క్ కి పంపించి, సినిమా రిలీజ్ చేయడానికి ఇంకా ఎక్కువ టైం పట్టేలాగా ఉంది. దాంతో వచ్చే సంవత్సరం చివరిలో ఈ సినిమా వచ్చే అవకాశం ఉంది అని అంటున్నారు. ఒకవేళ అప్పటికి కూడా సినిమా పని పూర్తి అవ్వకపోతే వచ్చే సంవత్సరం కూడా సినిమా విడుదల అయ్యే అవకాశం లేదు అని అంటున్నారు.

దీంతో ప్రభాస్ ఫ్యాన్స్ అందరూ కూడా అసంతృప్తి వ్యక్తం చేస్తున్నారు. మరి ఇంత ఎడిట్ చేసే బదులు ఇంకో కొత్త సినిమా తీయొచ్చు కదా? అనే కామెంట్స్ కూడా వస్తున్నాయి. ఏమైనా సరే ఈసారి అయినా ప్రేక్షకులకు నచ్చి సినిమా హిట్ అయితే చాలు అని అంటున్నారు. కానీ మరోపక్క ప్రభాస్ మాత్రం వరుస సినిమాలతో బిజీగా ఉన్నారు. మరి ఈ సినిమా ఎలాంటి నిర్ణయాలు తీసుకుంటారో తెలియాలి అంటే ఇంకా కొద్ది రోజులు ఆగాల్సిందే.

ప్రతి ఒక్కరికి వేరు వేరు అభిప్రాయాలు ఉంటాయి. కొంత మంది కుటుంబానికి ప్రాముఖ్యతనిస్తారు. కొంత మంది కెరియర్ కి, ఇంకా కొంతమంది డబ్బుకి ఇలా ప్రతి మనిషి కొన్ని విషయాలను ఎక్కువగా పట్టించుకుంటారు కొన్ని విషయాలను వదిలేస్తారు.

కానీ ఈ అభిప్రాయాలు ఉండటానికి ముఖ్య కారణం గతంలో వాళ్ళు ఎదుర్కొన్న సంఘటనలే. అలా మన ఇండస్ట్రీలో చాలామంది హీరోయిన్లు 40 దాటినా కూడా వాళ్ల వ్యక్తిగత కారణాల వల్ల కెరియర్ కి ప్రాముఖ్యతనిచ్చి పెళ్లి చేసుకోకుండా ఉండిపోయారు. వాళ్ళలో కొంతమంది ఎవరంటే.

#1 టబు

ఎన్నో సంవత్సరాల నుండి ప్రేక్షకులను అలరిస్తున్నారు టబు. తెలుగులో మాత్రమే కాకుండా హిందీలో కూడా ఎన్నో హిట్ చిత్రాల్లో నటించారు. కానీ ఇన్ని సంవత్సరాలు అయినా కూడా తన వ్యక్తిగత విషయాలకి సంబంధించిన వివరాలు ఎక్కువగా బయటికి రావు. టబు కూడా ఈ విషయాల గురించి బయట ఎక్కువగా మాట్లాడరు.

#2 సితార

సినిమాల్లోనే కాకుండా ఎన్నో సీరియల్స్ లో కూడా నటించారు సితార.సితార తన పెళ్లి గురించి ఒకసారి మీడియాతో మాట్లాడుతూ తను తన తండ్రికి చాలా క్లోజ్ అని, తల్లిదండ్రులను వదిలి వెళ్ళటం ఇష్టం లేక పెళ్లి చేసుకోలేదు అని. తన తండ్రి చనిపోయిన తర్వాత పెళ్లి ఆలోచన పూర్తిగా పోయింది అని అన్నారు.

#3 వెన్నిరాడై (వెన్నిర ఆడై) నిర్మల

ఎన్నో తమిళ్, మలయాళం సినిమాలతో పాటు తెలుగులో శంకర్ దాదా ఎంబిబిఎస్, రగడ, కలిసుందాం రా, అధిపతి, సీమ సింహం ఇంకా ఎన్నో చిత్రాల్లో అలాగే రెండు కన్నడ చిత్రాలలో కూడా నటించారు నిర్మల. అంతేకాకుండా సీరియల్స్ లో కూడా నటించారు.

#4 నర్గీస్ ఫక్రీ

నర్గీస్ ఫక్రీ 2011లో వచ్చిన రాక్ స్టార్ సినిమాతో బాలీవుడ్ లో అడుగు పెట్టారు. నర్గీస్ ఫక్రీ ఎక్కువగా హిందీ చిత్రాల్లో నటించారు. తెలుగులో సూపర్ హిట్ అయిన జులాయి సినిమా తమిళ్ లో ప్రశాంత్ హీరోగా సాహసం పేరుతో రీమేక్ అయింది. ఈ సినిమాలో ఒక స్పెషల్ సాంగ్ చేశారు నర్గీస్ ఫక్రీ.

#5 సుష్మితా సేన్

పరిచయం అక్కర్లేని వ్యక్తి సుష్మితా సేన్. సుష్మితా సేన్, రొమన్ షాల్ తో గత రెండు సంవత్సరాలుగా ప్రేమలో ఉన్నారు. ఇటీవల వీరి బ్రేకప్ అయినట్టు ప్రకటించారు.

#6 అమీషా పటేల్

హిందీలోనే కాకుండా తెలుగులో కూడా బద్రి, నాని, నరసింహుడు చిత్రాల్లో నటించారు అమీషా పటేల్. అమీషా పటేల్ రిలేషన్ షిప్ గురించి వార్తలు వస్తూ ఉంటాయి. కానీ అమీషా పటేల్ మాత్రం దేనికి ఎక్కువగా స్పందించరు.

#7 నగ్మా

అప్పట్లో దాదాపు అందరు హీరోలతో యాక్ట్ చేసి టాప్ హీరోయిన్ గా పేరు తెచ్చుకున్న నగ్మా ప్రస్తుతం రాజకీయాల్లో బిజీగా ఉన్నారు. నగ్మా కూడా తన పెళ్లి గురించి ఎక్కువగా రియాక్ట్ అవ్వరు.

#8 ఆశ పారేఖ్

1952 లో తన కెరీర్ ని మొదలు పెట్టిన ఆశ పారేఖ్ తర్వాత ఎన్నో సినిమాల్లో నటించి ఎంతో గుర్తింపు తో పాటు, అవార్డులను కూడా గెలుచుకున్నారు.

#9 శోభన

2017 లో శోభన పెళ్లి చేసుకోబోతున్నారనే వార్తలు వినిపించాయి. కానీ 2018 లో ఒక ఇంటర్వ్యూలో తన వ్యక్తిగత విషయాల గురించి ఎక్కువగా మాట్లాడను అని, కానీ తను సింగిల్ గా సంతోషంగా ఉన్నాను అని చెప్పారు.

#10. కౌసల్య

పంచదార చిలక, అల్లుడుగారొచ్చారు సినిమాలతో తెలుగులో మంచి పేరు తెచ్చుకున్న కౌసల్య కూడా ఇప్పటివరకు పెళ్లి చేసుకోలేదు. రారండోయ్ వేడుక చూద్దాం సినిమాలో రకుల్ తల్లిగా నటించి సెకండ్ ఇన్నింగ్స్ కూడా మొదలుపెట్టారు కౌసల్య.

సూపర్ స్టార్ కృష్ణ మరణ వార్త సినీ, రాజకీయ ప్రముఖులను షాక్ కు గురి చేసిన సంగతి తెలిసిందే. తెలుగు వారి అల్లూరి సీతా రామ రాజు అయిన సూపర్ స్టార్ కృష్ణ అనారోగ్య సమస్యల వల్ల తుదిశ్వాస విడిచారు. ఎందరికో సాధ్యం కానీ ఎన్నో రికార్డులను ఆయన తన ఖాతాలో వేసుకున్నారు.

దాదాపు 340కి పైగా చిత్రాల్లో నటించారు సూపర్ స్టార్ కృష్ణ. పైగా ఓ ఏడాది అత్యధిక చిత్రాల్లో నటించిన హీరోగా నిలిచారు కృష్ణ. ఇదిలా ఉండగా కృష్ణ కి అప్పట్లో ఏకంగా 2500 అభిమానులు సంఘాలు ఉండేవి.

అయితే దానిలో ఒక దానికి మెగా స్టార్ చిరంజీవి ప్రెసిడెంట్‌గా ఉన్నారు. గతం లో చిరంజీవి కూడా ఈ విషయాన్ని చెప్పారు. చిరు కృష్ణ గారి సూర్తి తోనే సినిమాల్లోకి వచ్చారట. పైగా కృష్ణ ఫ్యాన్స్ క్లబ్స్ కేవలం మన తెలుగు రాష్ట్రాల్లోనే కాక తమిళనాడు, కర్ణాటకలోనూ ఉండేవట. నిజంగా ఎంత గొప్ప విషయంలో కదా..? తోడు దొంగలు అనే సినిమా కూడా చేసారు కృష్ణ.

1981లో ఈ సినిమా వచ్చింది. అయితే ఈ సినిమాకి ముందు ‘పద్మాలయ కృష్ణ ఫ్యాన్స్ యూనిట్’ పేరు మీద ఓ కర పత్రాన్ని కూడా రిలీజ్ చేయడం జరిగింది. అయితే గౌరవ అధ్యక్షుడిగా చిరంజీవి పేరు ఆ ఫ్యాన్స్ యూనిట్ కి ఉండడం విశేషం. ఆ కరపత్రం ఇప్పుడు సోషల్ మీడియాలో షికార్లు కొడుతోంది. ఇందులో హానరబుల్ ప్రెసిడెంట్ అని చిరంజీవి పేరు ఉంది. అయితే ఇది ఒక్కసారి గమనిస్తే సినీ నటుడు చిరంజీవి అని ఉంది. అంటే చిరంజీవి అప్పటికీ సినిమాల్లో ఉన్నారు.

సినిమాల్లోకి వచ్చిన తర్వాత కూడా చిరంజీవి కృష్ణ అభిమానుల సంఘానికి ప్రెసిడెంట్ గా వ్యవహరించారు. ఇది చూసిన వాళ్ళు అందరూ కూడా చిరంజీవి కృష్ణ అంటే ఇంత అభిమానం అని అనుకోలేదు అని అంటున్నారు. ఇది కృష్ణ హీరోగా నటించిన తోడుదొంగలు అనే సినిమాకి ముందు విడుదల చేశారు. అలాగే సినిమాల్లో మాత్రమే కాకుండా వ్యక్తిగతంగా కూడా చిరంజీవి కుటుంబానికి, కృష్ణ గారి కుటుంబానికి చాలా మంచి స్నేహం ఉంది.

రాజకీయాల్లో బిజీ అయినా పవర్ స్టార్ పవన్ కళ్యాణ్ అభిమానుల కోసం ‘వకీల్ సాబ్’ సినిమాతో కం బ్యాక్ ఇచ్చారు. అప్పటి నుంచి వరుస ప్రాజెక్టులు ఓకే చేస్తూ బిజీ గా ఉంటున్నారు. ఇప్పటికే 3 ప్రాజెక్టులకు ఓకే చెప్పిన పవన్ వాటిని ఎప్పటికి పూర్తి చేస్తారా అని అభిమానులు ఎదురు చూస్తున్నారు.

ప్రస్తుతం హరిహర వీరమల్లు సినిమా షూటింగ్ లో పాల్గొంటున్నారు పవన్ కళ్యాణ్. మరోవైపు సాహో ఫేమ్ సుజీత్ తో పవన్ సినిమా చేయనున్నట్లు డీవీవీ సంస్థ అధికారికంగా ప్రకటించింది. ర‌న్ రాజా ర‌న్‌, సాహో చిత్రాలతో తన దర్శకత్వ ప్రతిభను బయటపెట్టిన యువ దర్శకుడు సుజీత్.. ఇప్పుడు పవన్ కళ్యాణ్ తో సినిమా చేస్తుండటం ఆసక్తికరంగా మారింది.

మూవీ అనౌన్స్‌మెంట్ పోస్టర్‌ను గమనిస్తే.. పవన్ బ్యాక్ సైడ్ నుంచి ఫొటో కనిపిస్తుంది. ఆయన ఉదయిస్తున్న సూర్యుడిని చూస్తున్నారు. పోస్టర్ అంతా ఎర్రగా కనిపిస్తుంది. అగ్ని తుపాను రానుందని, వాళ్లందరూ అతన్ని ఓజీ అని పిలుస్తారు అని కూడా పోస్టర్‌లో ఉంది. ఓజీ అంటే ఒరిజినల్ గ్యాంగ్ స్టర్ (అందరికి బాస్) అని అర్థం. ఈ చిత్రం లో పవన్ గ్యాంగ్స్టర్ గా కనిపించనున్నట్లు తెలుస్తోంది. అలాగే బ్యాక్గ్రౌండ్ మొత్తం జపనీస్ జెండా ఉంది. అంతే కాకుండా పోస్టర్ పై ఉన్న జపనీస్ వాఖ్యానికి అర్థం ఏంటంటే ‘ఫైర్ స్ట్రామ్ ఈస్ కమింగ్.’ (అగ్ని తుపాను రాబోతుంది).

అంతేకాకుండా పోస్టర్ లో మరోవైపు బుద్ధుడి ప్రతిమ కూడా కనిపిస్తోంది. బుద్ధుడు అంటే శాంతికి ప్రతీక. పోస్టర్ పై చూస్తుంటే ఫుల్ అఫ్ యాక్షన్ డ్రామా లా కనిపిస్తోంది. మొత్తానికి ఈ చిత్రం మార్షల్ ఆర్ట్స్ నేపథ్యం లో, జపాన్ బ్యాక్ డ్రాప్ లో తెరకెక్కే గ్యాంగ్స్టర్ డ్రామా అని పోస్టర్ ని చూస్తుంటే తెలుస్తోంది. దీంతో పవన్ ఫాన్స్ ఈ చిత్రం కోసం ఆసక్తిగా ఎదురుచూస్తున్నారు.

ఈ సినిమా మరే సినిమాకు రీమేక్ కాదని సమాచారం. ఓ ఫ్రెష్ సబ్జెక్ట్‌తో పవన్ కళ్యాణ్ సినిమా ప్లాన్ చేశారట సుజీత్. ఈ చిత్రం వచ్చే ఏడాది సెట్స్ పైకి వెళ్లబోతోంది. ఆర్ ఆర్ ఆర్ వంటి సెన్సేష‌న‌ల్ మూవీని నిర్మించి దేశవిదేశాల్లో క్రెడిట్ కొట్టేసిన డీవీవీ ఎంట‌ర్‌టైన్‌మెంట్స్ ఈ సినిమాను సర్వ హంగులతో రూపొందించనున్నారట. పవన్- సుజీత్ కాంబోలో వస్తున్న ఈ సినిమా కోసం 200 కోట్ల బడ్జెట్ కేటాయించారట దానయ్య. ఈ సినిమాకు రవి. కె.చంద్రన్ సినిమాటోగ్రఫీ బాధ్యతలను నిర్వహించబోతున్నారు.