Filmy Adda

చాలా మందికి సినిమా ఇండస్ట్రీ ఓ రంగుల కల. సినిమా ఇండస్ట్రీ తాము కూడా యాక్టర్లు అవ్వాలని కోరుకుంటారు. కొందరైతే తాము హీరో/హీరోయిన్లు గా రాణించాలని ఆశ పడుతుంటారు. అయితే, హీరో/ హీరోయిన్ గా అవకాశాలు రావాలంటే మాత్రం టాలెంట్ తో పాటు అదృష్టం కూడా ఉండాలి.

హీరోయిన్ గా ఎదగాలి అంటే పాపులర్ అవ్వాలి. అందుకు అందం మాత్రమే ఉంటె సరిపోదు. ప్రతిభ కూడా ఉండాలి. సరైన అవకాశాలను అందిపుచ్చుకోగలిగే నేర్పరితనం ఉండాలి.

అలానే లక్ కూడా ఉండాలి. ఇండస్ట్రీ లోకి చిన్న చిన్న అవకాశాల తోటి వచ్చి, హీరోయిన్లు గా ఎదిగిన యాంకర్లు కూడా వున్నారు. అయితే ఏ ఫోటో లో వున్నా ఆ చిన్నారి కూడా హీరోయిన్లు గా ఎదిగిన యాంకర్ ఏ. ఎవరో గుర్తు పట్టారా..? ఈమె ఎవరో కాదండి కలర్స్ ప్రోగ్రాం లో యాంకర్ గా పని చేసిన స్వాతి.

ఆ ఛానెల్ పేరు నే తన పేరు పక్కన చేర్చేసుకుంది. అందరికి కలర్స్ స్వాతి గా గుర్తుండిపోయింది. ఆ ప్రోగ్రాం తరువాత స్వాతి కి చాలానే అవకాశాలు వచ్చాయి. 2005 లోనే డేంజర్ సినిమా తో హీరోయిన్ గా పరిచయం అయింది ఈ ముద్దుగుమ్మ. ఓ వైపు హీరోయిన్ గా, క్యారెక్టర్ ఆర్టిస్ట్ గా రాణిస్తూ, ప్లే బ్యాక్ సింగర్ గా కూడా రాణించింది. కానీ ఈ మధ్య ఆమె ఎక్కడా పెద్దగా కనపడడం లేదు.

1997 లో నందమూరి తారక రామారావు గారు తాతినేని రామారావు గారి దర్శకత్వం లో నటించిన చిత్రం యమగోల. ఈ సినిమాలో ఎన్టీఆర్ హీరోగా నటించగా, కైకాల సత్యనారాయణ గారు యముడిగా నటించారు. యముడు, యమలోకం బ్యాక్ డ్రాప్ లో ఎన్నో సినిమాలు వచ్చాయి, ప్రేక్షకులను అలరించాయి. కానీ వీటన్నింటికి ట్రెండ్ సెట్టర్ మాత్రం ‘యమగోల’. కెమెరామెన్ వెంకటరత్నం నిర్మాతగా.. డీవీ నరసరాజు కథను అందించారు.

అయితే నిజానికి ఈ సినిమాలో హీరోగా నందమూరి బాలకృష్ణ చేయాల్సి వుండగా.. యముడిగా ఎన్టీఆర్ నటించాల్సింది. ప్పటికే ఎన్టీఆర్ హీరోగా వచ్చిన ‘దేవాంతకుడు’లో ఆయన యముడిగా నటించి వున్నారు. దీంతో బాలయ్య హీరోగా ఈ చిత్రాన్ని చేద్దాం అనుకున్నారు.

కానీ ఇది అన్నగారికి నచ్చలేదు. బాలయ్య సొంత బ్యానర్ లో తప్పించి వేరే బ్యానర్ లలో సినిమాలు చేయడం రామారావుకు నచ్చదు. దీంతో బాలకృష్ణ ఇంకా చదువుకుంటున్నాడు అనే ఉద్దేశంతో ఆయన్ను తప్పించి.. తానే హీరోగా నటించాలని అనుకున్నారు. అంతేకాకుండా తాను చేయాల్సిన యముడి పాత్రకు కైకాల సత్యనారాయణను రికమెండ్ చేశారు.

అలా డివైన్ కామెడీతో వచ్చిన యమగోల బ్లాక్ బస్టర్ గా నిలిచింది. కానీ యమ గోల చిత్రం లో బాలకృష్ణ నటించేందుకు అన్నగారు ఒప్పుకొని ఉంటే ప్రేక్షకులకు ఒక అద్భుతమైన కాంబినేషన్ చూసే అవకాశం దక్కేది.

కింగ్ నాగార్జున ప్రస్తుతం రెట్టించిన ఉత్సాహంతో పనులు చేసుకుంటూ దూసుకెళ్తున్న సంగతి తెలిసిందే. అయితే, నాగార్జున కు ఈ ఏడాది విజయం దక్కలేదు.

ఆయన నటించిన ది ఘోస్ట్ మూవీ నెట్ ఫ్లిక్స్ లో మంచి పేరు తెచ్చుకుంది. కానీ.. ఎందుకనో ఈ సినిమా థియేటర్లలో మాత్రం ఆడలేదు. మరో వైపు బిగ్ బాస్ హోస్టింగ్ చేస్తూ నాగార్జున బిజీ గా ఉంటున్నారు.

నాగార్జున కెరీర్ లో “హలో బ్రదర్” సినిమాని ఓ మైలురాయి గా చెప్పుకోవచ్చు. ఆయన డ్యూయల్ రోల్ చేసిన ఈ సినిమా అప్పట్లో బాగా హిట్ అయింది. నాగార్జున డ్యూయల్ రోల్ చేసిన సినిమా ఏది అని అడగ్గానే ఎవరైనా “హలో బ్రదర్” అని టక్కున చెప్పేస్తారు. కానీ, ఈ సినిమా కంటే ముందుగానే నాగార్జున ఓ సినిమా లో డ్యూయల్ రోల్ చేసారు. ఆ సినిమా పేరే “‘అల్లరి అల్లుడు”. ఆక్టోబర్ 6 వ తేదికి ఈ సినిమా రిలీజ్ అయ్యి 28 ఏళ్ళు పూర్తి అయింది.

దర్శకుడు ఏ.కోదండ రామిరెడ్డి ఈ సినిమాకు దర్శకత్వం వహించారు. ఈ సినిమా బాక్స్ ఆఫీస్ రికార్డ్స్ ని బద్దలు కొట్టేసింది. ఈ సినిమాలో నాగార్జున సరసన నగ్మా, మీనా హీరో హీరోయిన్లు గా నటించారు. ఈ సినిమాలో నాగార్జున డ్యూయల్ రోల్ ఉన్నట్లు చివరివరకు చూపించరు. లాస్ట్ లో క్లైమాక్స్ లో నాగార్జున కు ఒక తమ్ముడు ఉన్నట్లు.. మీనాను అతనికి ఇచ్చి పెళ్లి చేయనున్నట్లు చూపిస్తారు. ఈ సినిమాలో అత్త పాత్రలో వాణిశ్రీ నటించి మెప్పించారు. మరో విశేషం ఏంటంటే.. ఈ సినిమాలో అన్ని పాటలను వేటూరి గారే రచించారు.

కొన్ని సంవత్సరాల క్రితం తెలుగు సినిమా ఇండస్ట్రీకి ఎన్నో సూపర్ హిట్ సాంగ్స్ అందించిన మ్యూజిక్ డైరెక్టర్ ఆర్.పి.పట్నాయక్. మనసంతా నువ్వే, నువ్వు నేను, సంతోషం ఇలా ఎన్నో సూపర్ హిట్ సినిమాలకి సూపర్ హిట్ పాటలను అందించారు ఆర్.పి.పట్నాయక్.

ఇప్పటికి కూడా మనం చాలా చోట్ల సంతోషం సినిమాలోని “నే తొలి సారిగా” పాట వింటూనే ఉంటాం. ఆర్.పి.పట్నాయక్ సంగీత దర్శకత్వం అందించడం మాత్రమే కాకుండా, కొన్ని సినిమాల్లో కూడా నటించారు. గత కొంత కాలం నుండి ఆర్.పి.పట్నాయక్ సంగీత దర్శకత్వం అందించడం ఆపేశారు.

ఈ విషయంపై ఒక సందర్భంలో మాట్లాడుతూ, తాను మ్యూజిక్ డైరెక్షన్ ఆపేయడం వెనకాల కారణం ఏంటో చెప్పారు. 2004లో విడుదలైన నేనున్నాను చిత్రానికి సంగీత దర్శకత్వం అందించడానికి ముందుకు ఆర్పీ పట్నాయక్ ని అనుకున్నారు. రెండు పాటలకు ట్యూన్ కూడా అందించారు. ఆ తర్వాత యుఎస్ టూర్ కోసం ఆర్.పి.పట్నాయక్ సినిమా మధ్యలో బ్రేక్ తీసుకొని వెళ్లారు. ఈ విషయాన్ని నిర్మాతలకు ముందుగానే చెప్పారు. అయినా కూడా సినిమాలు మధ్యలో వదిలేసి అలా మ్యూజిక్ డైరెక్టర్ వెళ్లిపోవడం వాళ్ళకి నచ్చలేదు.

దాంతో ఆయన యుఎస్ టూర్ నుండి తిరిగి వచ్చిన తర్వాత నేనున్నాను సినిమా మార్కెట్ కి సంగీత దర్శకుడి వల్ల నష్టం జరుగుతుంది అని నిర్మాతలు అన్నారు. పరిశ్రమకు బలంగా ఉండే నిర్మాతలకి తన వల్ల నష్టం జరగడం జరగకూడదు అనే ఉద్దేశంతో ఆర్.పి.పట్నాయక్ పూర్తిగా సంగీతాన్ని వదిలేశాను అన్నారు. అంతే కాకుండా పవన్ కళ్యాణ్ హీరోగా నటించిన గుడుంబా శంకర్ సినిమాకి సంగీత దర్శకత్వం వహించే అవకాశం కూడా యుఎస్ టూర్ లో ఉండడం వల్ల మిస్సయింది అని అన్నారు. నేనున్నాను సినిమా నుండి తప్పుకున్న తర్వాత తన మ్యూజిక్ ని ఇష్టపడే కొంతమంది దర్శకులు వారి సినిమాలకు మ్యూజిక్ చేయడానికి ఒప్పించారు అని చెప్పారు ఆర్.పి.పట్నాయక్.

జూనియర్ ఎన్టీఆర్ తరచుగా వార్తల్లో నిలుస్తున్నారు. ఆయన ఈ మధ్య కార్లు మారుస్తూ వార్తల్లోకెక్కుతున్నారు. ఇటీవలే లాంబోర్గిని ఉరుస్ మోడల్ ను కొనుగోలు చేసారు. నాలుగు కోట్లు ఖర్చు చేసి ఈ కార్ ను కొన్న ఎన్టీఆర్… నెంబర్ ప్లేట్ కోసం మరో పదిహేడు లక్షలను ఖర్చు చేసారు.

ఆ డబ్బు తో మరో కార్ కొనుక్కొచ్చు కదా సార్ అంటూ సోషల్ మీడియా లో మీమ్స్ కూడా ట్రెండ్ అయ్యాయి.

గతం లో ఇలా చిరంజీవి, శ్రీకాంత్ ఎక్కువ గా కార్లు మారుస్తూ వార్తల్లో నిలిచేవారు. ప్రస్తుతం ఎన్టీఆర్ అలా వార్తల్లో నిలుస్తున్నారు. ఇంతకు ఆయన ఆ నెంబర్ ప్లేట్ కోసం ఎందుకు పదిహేడు లక్షలు ఖర్చు పెట్టారో చూద్దాం. ఆ నెంబర్ ప్లేట్ లో నాలుగు 9 సంఖ్యలు ఉన్నాయి. గతం లో ఎన్టీఆర్ వాడిన కార్లకు కూడా ఇదే నెంబర్ ప్లేట్ ఉండడం గమనార్హం. దీనికి ఓ ప్రత్యేకమైన కారణం ఉంది.

ఓ సందర్భం లో ఎన్టీఆర్ ఈ విషయాన్నీ వెల్లడించారు కూడా. ఎన్టీఆర్ కు “9 ” అనే నెంబర్ లక్కీ నెంబర్. అంతే కాదు.. సీనియర్ ఎన్టీఆర్ కూడా తన కార్ నెంబర్ 9999 ఉండేలా చూసుకునేవారు. జూనియర్ ఎన్టీఆర్ తండ్రి హరికృష్ణ కూడా అలాంటి నెంబర్ ప్లేట్ ఉన్న కార్ నే వాడేవారు. ఇదే సెంటిమెంట్ ను జూనియర్ ఎన్టీఆర్ కూడా కంటిన్యూ చేస్తూ వస్తున్నారు.

ఈ 9999 నెంబర్ ప్లేట్ ను వేలంపాట లో కొనడానికి ఎన్టీఆర్ లక్షలు ఖర్చు చేయడానికి కూడా వెనకాడడం లేదు. మరో విషయం ఏంటంటే.. ఎన్టీఆర్ తన ట్విట్టర్ అకౌంట్ లో కూడా 9999 అనే నెంబర్ ను వినియోగిస్తుండడం గమనార్హం.

సెలెబ్రిటీలు అయినా, కామన్ మాన్స్ అయినా ఒక సెంటిమెంట్ ను ఫీల్ అయితే.. దానిని కొనసాగిస్తూనే ఉంటారు అనడానికి ఇదే నిదర్శనం.

ఎన్నో సినిమాల్లో హీరోగా, అలాగే సపోర్టింగ్ నటుడిగా ముఖ్య పాత్రల్లో నటించి తెలుగు సినిమా ఇండస్ట్రీలో తనకంటూ ఒక స్థానాన్ని సంపాదించుకున్న నటుడు సురేష్. సురేష్ శ్రీకాళహస్తిలో పుట్టారు.

మొదటిగా ఎడిటింగ్ అసిస్టెంట్, ఆ తర్వాత డాన్స్ అసిస్టెంట్ గా కెరీర్ మొదలు పెట్టారు సురేష్. 1981 లో వచ్చిన పన్నీర్ పుష్పంగళ్ అనే తమిళ సినిమాతో యాక్టింగ్ కెరీర్ మొదలు పెట్టారు.

అదే సంవత్సరం రామదండు అనే తెలుగు సినిమాతో తెలుగు ఇండస్ట్రీలో అడుగు పెట్టారు. ఆ తర్వాత నుండి వరుసగా తెలుగు, తమిళ సినిమాల్లో నటిస్తూ ఉన్నారు సురేష్. 1984లో మలయాళం సినిమా ఇండస్ట్రీలో కూడా అడుగు పెట్టారు సురేష్. సురేష్ కి తెలుగులో బాగా పేరు తీసుకు వచ్చిన సినిమాల్లో అమ్మోరు సినిమా ఒకటి.

Actor Suresh wife Anitha Reddy

ఇటీవల కూడా బాలకృష్ణ హీరోగా నటించిన లయన్, అలాగే జనతా గారేజ్, లక్కున్నోడు, విన్నర్, లై, హలో గురు ప్రేమ కోసమే, సుబ్రహ్మణ్యపురం సినిమాల్లో ముఖ్య పాత్రల్లో నటించారు సురేష్. వీటితో పాటు కొన్ని తమిళ సినిమాల్లో కూడా నటించారు.

ఇటీవల ఆలీతో సరదాగా ప్రోగ్రాంకి వచ్చిన సురేష్ తన వ్యక్తిగత జీవితానికి సంబంధించిన కొన్ని విషయాలను చెప్పారు. సురేష్ ఒక అమ్మాయిని ప్రేమించి పెళ్లి చేసుకున్నట్టు చెప్పారు. ఆమె నటి అని, మంచి సింగర్ అని కూడా చెప్పారు.

కానీ తర్వాత వారిద్దరూ అభిప్రాయ భేదాలు వచ్చి విడిపోయినట్టు చెప్పారు. ఆ నటి మరెవరో కాదు అనితా రెడ్డి. అనితా రెడ్డి జంధ్యాల గారి దర్శకత్వంలో నందమూరి బాలకృష్ణ హీరోగా వచ్చిన “బాబాయ్ అబ్బాయి” సినిమాలో నటించారు. తర్వాత లెజెండరీ సింగర్ ఏసుదాసు గారి తో కలిసి కచేరీల్లో పాల్గొన్నారు. తర్వాత పాప్ సింగర్ గా కూడా ఎంతో పేరు సంపాదించారు అనితా రెడ్డి.

మంగ్లీ గురించి ప్రత్యేకంగా చెప్పక్కర్లేదు. తన పాటలతో బాగా పాపులర్ అయిపోయింది. ఎంతో మందిని తన పాటలతో ఫిదా చేసేసింది. ఎన్నో కష్టాలు పడిన మంగ్లీ తన ట్యాలెంట్ తో అవకాశాలని సొంతంగా పొందింది. ఎవరు కూడా ఒక రోజులో ఎదిగి పోలేరు. జీవితంలో సక్సెస్ అవ్వాలంటే మనం ఎంతో తపన పడాలి.

ప్రయత్నం చేయాలి. అప్పుడే సక్సస్ ని అందుకోవడానికి అవుతుంది. ప్రతి ఒక్కరికి కూడా ఏదో ఒక కళ ఉంటుంది. ఏదో ఒక ట్యాలెంట్ ఉంటుంది దాన్ని మనం స్వయంగా గుర్తించాలి.

దానిపై కాస్త శ్రమిస్తే తిరిగి మనం జీవితాన్ని చూసుకోక్కర్లేదు. మంగ్లీ కూడా అలానే చేసిందేమో. ఆమె కూడా ఒక్క రోజులో ఎదిగి పోలేదు. ఎన్నో కష్టాలని ఎదుర్కొని ఈరోజు ఈ స్టేజ్ కి రావడానికి చాలా ఎక్కువ శ్రమించింది. అలా శ్రమపడితే ఎవరికైనా విజయం అందుకోవడం సాధ్యం.

మంగ్లీ మొట్టమొదటిసారి జీతం తీసుకున్నప్పుడు ఆమె జీతం కేవలం ఐదు వేల రూపాయలు మాత్రమే. ఇప్పుడు మాత్రం ఉన్నత స్థాయికి చేరుకుంది. ఒక్కో పాటకు ఐదు లక్షల రూపాయల వరకూ మంగ్లీ తీసుకుంటోందని అంచనా. మంగ్లీ తీన్మార్ వార్తలు తో మనకి పరిచయం అయింది. అక్కడ నుంచి ఆమె పాటలతో దూసుకు వెళ్ళడం మొదలు పెట్టింది. సినిమా పాటలు, బతుకమ్మ పాటలు ఇలా ఎన్నో పాటలు పాడింది ఈమె.

బతుకమ్మ పాటలలో ఎక్కువగా మనకి మంగ్లీ పాటలు వినబడుతూ ఉంటాయి. పైగా మంగ్లీ ఎంతో జోష్ తో పాటలు పాడుతూ ఉంటుంది. మొదట మంగ్లీ గాయకురాలిగా పరిచయం అయినప్పుడు ఆమెకి పదివేల రూపాయలు ఇచ్చేవారు.

కానీ ఇప్పుడు ఏకంగా లక్షల్లో ఆమె సంపాదిస్తోంది ఆమె క్రేజ్ రోజు రోజుకి పెరిగిపోతోంది. చాలా మంది మంగ్లీ పాటలు కి ఫ్యాన్స్ అయిపోయారు. యాంకర్ మంగ్లీ నుండి సింగర్ మంగ్లీ అయిపోయింది ఇప్పుడు తిరుగు లేని ఫాలోయింగ్ లక్షల్లో ఆదాయాన్ని కూడా పొందుతోంది మంగ్లీ.

సాధారణంగా సినిమా ప్రమోషన్ ఈవెంట్స్ అంటే సినిమా బృందమంతా హాజరవుతుంది. అందులోనూ ముఖ్యంగా హీరో హీరోయిన్లు అయితే సినిమా ప్రమోషన్ ఈవెంట్స్ లో కచ్చితంగా పాల్గొంటారు. కానీ ఒక్క నటి మాత్రం ఇందుకు మినహాయింపు. ఆ హీరోయిన్ ఎవరో ఈ పాటికి మీలో చాలా మందికి అర్థం అయిపోయి ఉంటుంది.

ఆ నటి మరెవరో కాదు నయనతార. నయనతార ఎన్నో సంవత్సరాల నుండి తెలుగు, తమిళ ఇండస్ట్రీల్లో వరుసగా సినిమాలు చేస్తున్నారు.

అంతకుముందు సినిమా ప్రమోషన్స్ కి నయనతార హాజరయ్యేవారు. కానీ గత కొన్ని సంవత్సరాల నుండి సినిమా ప్రమోషన్స్ కి సంబంధించిన ఎటువంటి ఇంటర్వ్యూలకు కానీ, ఈవెంట్స్ కి కానీ నయనతార హాజరు అవ్వట్లేదు. సినిమా సైన్ చేసే ముందే నయనతార దర్శకనిర్మాతలకి తాను సినిమాకి సంబంధించిన ఎటువంటి ఈవెంట్స్ కి హాజరు అవ్వను అని చెప్తారట. అయితే నయనతార వల్ల ఇద్దరు తెలుగు స్టార్ హీరోలు ఇబ్బందులు ఎదుర్కొన్నట్టు వార్తలు వచ్చాయి.

అందులో ఒకరు విక్టరీ వెంకటేష్. వెంకటేష్, నయనతార కలిసి లక్ష్మీ, తులసి, బాబు బంగారం సినిమాల్లో నటించారు. బాబు బంగారం సినిమా షూటింగ్ సమయంలో నయనతార షూటింగ్ కి టైంకి రాకపోవడం వంటి అంశాలు వెంకటేష్ కి, అలాగే సినిమా బృందానికి చాలా ఇబ్బంది కలిగించాయట. దాని వల్ల సినిమా షూటింగ్ ఇంకా ఆలస్యం అయింది. ఇంక రెండవ హీరో మెగాస్టార్ చిరంజీవి. మెగాస్టార్ చిరంజీవి, నయనతార కలిసి సైరా నరసింహారెడ్డి సినిమాలో నటించారు.

ఈ సినిమా పాన్ ఇండియన్ సినిమాగా విడుదల అయ్యింది.  అంత పెద్ద సినిమా అవ్వడంతో సినిమాలో చిన్న పాత్ర పోషించిన నటుల నుండి, పెద్ద పాత్ర పోషించిన నటుల వరకు అందరూ ఏదో ఒక ప్రమోషనల్ ఈవెంట్ కి హాజరు అయ్యారు. కానీ నయనతార మాత్రం ఒక్క ఈవెంట్ లో కూడా కనిపించలేదు. “ఇంత పెద్ద సినిమా ప్రమోషన్ సమయంలో లీడ్ హీరోయిన్ లేకపోవడం ఏంటి?” అని అప్పట్లో చాలా కామెంట్స్ వచ్చాయి. అలా ఈ ఇద్దరు హీరోలు నయనతార వల్ల ఇబ్బందులు ఎదుర్కొన్నారు అట.

టాలీవుడ్ అతిలోక సుందరి శ్రీదేవి కి హేమ డూప్ గా నటించారన్న సంగతి చాలా మందికి తెలియదు. సినిమాలలో కొన్ని సీన్లలో అవసరం అయిన చోట డూప్ లను కూడా తీసుకురావడం చూస్తూనే ఉంటాం.

ఎక్కువ గా ఫైట్ సీన్లలో హీరోలకు డూప్ లను తీసుకొస్తూ ఉంటారు. అయితే.. హీరోయిన్ శ్రీదేవి కి డూప్ ఎందుకు అవసరం అయ్యారో ఇప్పుడు చూద్దాం.

అవసరం అయితే డూప్ తో చేయించే ట్రెండ్ ఎప్పటినుంచో ఉంది. ఎన్టీఆర్ కు కూడా సత్యనారాయణ కొన్ని సీన్లలో డూప్ గా చేసారు. ఇద్దరు కొంచం పర్సనాలిటీ విషయం లో ఒకేలా ఉంటారు కాబట్టి ఆరోజుల్లోనే సత్యనారాయణ ఎన్టీఆర్ కి డూప్ గా ఫేమస్ అయిపోయారు. ఆ తరువాత నాగార్జున హలో బ్రదర్ సినిమా లో కూడా అక్కినేని నాగ్ కి శ్రీకాంత్ డూప్ గా నటించారు. ఇలా చాలా చోట్ల అవసరం వస్తూనే ఉండేది.

ఇక రాఘవేంద్ర రావు దర్శకత్వం లో చిరంజీవి, శ్రీదేవి హీరో హీరోయిన్లు గా “జగదేకవీరుడు – అతిలోక సుందరి” సినిమా రూపొందిన సంగతి తెలిసిందే. ఈ సినిమాలో ఓ సన్నివేశం లో శ్రీదేవి స్విమ్మింగ్ చేయాల్సి ఉంటుంది. కానీ.. శ్రీదేవి కి ఈత రాదు. అందుకే.. ఈత వచ్చిన మరొక అమ్మాయి కోసం వెతికారు. ఆ క్రమం లో నే హేమ పేరు వినిపించగా… ఆమె చేత ఆ సన్నివేశం లో నటింపచేసారు. అదన్నమాట సంగతి.

చిన్నప్పుడు తమ సినిమా కెరీర్ ని మొదలు పెట్టి తరువాత యాక్టర్లుగా పరిచయమయ్యి తమకంటూ ఇండస్ట్రీలో గుర్తింపు తెచ్చుకున్న వాళ్ళు ఎంతోమంది ఉన్నారు.

వాళ్లలో స్టార్ హీరోలు ఉన్నారు ఇంకా ఎందరో క్యారెక్టర్ ఆర్టిస్ట్లు కూడా ఉన్నారు.

కానీ కొంతమంది మాత్రం కేవలం ఒక హాబీ లాగా మాత్రమే చిన్నతనంలో నటిస్తారు. అలా చైల్డ్ ఆర్టిస్ట్ గా నటించిన మొదటి సినిమా తో పాపులర్ అయిన వాళ్లలో యామిని శ్వేత ఒకరు.

జయం సినిమాలో హీరోయిన్ సదా చెల్లి పాత్రలో నటించారు శ్వేత. ఆ తర్వాత ప్రేమలేఖ రాశా అనే సినిమాలో కూడా నటించారు. శ్వేత తల్లి జయలక్ష్మి కూడా మనందరికీ తెలిసిన నటే. జయలక్ష్మి ఎన్నో సినిమాల్లో ముఖ్య పాత్రలు పోషించారు.

శ్వేత కి టెన్త్ క్లాస్, నచ్చావులే వంటి సినిమాల్లో కూడా నటించమని ఆఫర్స్ వచ్చాయట. కానీ శ్వేత కి చదువుకుని మంచి ఉద్యోగం సంపాదించాలి అని లక్ష్యం అట. అందుకే డిగ్రీ పూర్తి చేసిన విదేశాలకి తర్వాత వెళ్లి మాస్టర్స్ చేసి ఒక ప్రముఖ మల్టీ నేషనల్ కంపెనీలో ఉద్యోగం సంపాదించారట శ్వేత. శ్వేత కి ఇటీవల పెళ్లయింది.

శ్వేత క్లాసికల్ డాన్సర్ అట. ఒకవేళ మళ్లీ సినిమాల్లో అవకాశం వస్తే చేస్తారా అని ఒక ఇంటర్వ్యూలో అడిగితే, తనకి సినిమాలు అంటే అంతగా ఆసక్తి లేదు, ఒకవేళ అరుంధతి లాంటి సినిమా అయితే చేయడానికి సిద్ధంగా ఉన్నానని చెప్పారట శ్వేత. మామూలుగా చిన్నప్పుడు ఇలా సినిమాల్లో చైల్డ్ ఆర్టిస్ట్ గా నటిస్తే, అది కూడా ఇంత బాగా నటిస్తే పెద్దయిన తర్వాత కచ్చితంగా మళ్లీ ఇండస్ట్రీ కి వస్తారు అనుకుంటాం. కానీ కొంతమంది మాత్రం నటనని అంత సీరియస్ గా తీసుకోరు. దానికి కారణం వాళ్లకి వేరే రంగం వైపు ఆసక్తి ఉండడమే.

తనకి చదువుకొని ఉద్యోగం సంపాదించడం అంటే అంత ఆసక్తి కాబట్టే శ్వేత ఇప్పుడు కష్టపడి ఉద్యోగం సంపాదించి అంత ఎత్తుకి ఎదిగారు. శ్వేత మాత్రమే కాకుండా ఇంకా ఎంతోమంది చిన్నతనంలో నటించిన వాళ్లు కూడా ఇలాగే చిత్ర పరిశ్రమ కి వీడ్కోలు పలికి వారికి నచ్చిన రంగంలో స్థిరపడ్డారు. కొంతమంది కి సోషల్ మీడియా లో అకౌంట్స్ ఉండడంతో వాళ్లు ఇప్పుడు ఏం చేస్తున్నారో మనకు తెలుస్తూ ఉంటుంది. కొంతమంది మాత్రం సినిమాలకే కాకుండా సోషల్ మీడియా కి కూడా దూరంగా ఉంటున్నారు. ఏది ఏమైనా కానీ ఇలా తెరపై వారి ప్రతిభ నిరూపించుకున్న వారు, వారికి నచ్చిన రంగంలో కూడా అలాగే వాళ్లు అనుకున్నది సాధించాలి అని ఆశిద్దాం.