Filmy Adda

బాలకృష్ణ ఇప్పుడు అనిల్ రావిపూడి దర్శకత్వంలో రాబోతున్న సినిమాలో నటించనున్నారు. త్వరలోనే మూవీ షూటింగ్ షురూ కానుంది. ఇప్పటికే బాలయ్య ఫ్యాన్స్ దీని పైన ఎన్నో ఆశలు పెట్టేసుకున్నారు. భారీ బడ్జెట్ తో ఈ చిత్రం తెర మీదకి రాబోతోంది. ఒక పక్క అనీల్ రావిపూడి అభిమానులు.. మరో పక్క బాలయ్య బాబు ఫ్యాన్స్ కూడా ఎంత గానో ఎదురు చూస్తున్నారు.

ఈ సినిమా హిట్ అయ్యేలానే కనపడుతోంది. పైగా ఈ చిత్రం ప్రేక్షకుల కి నచ్చిలా ఉండాలనే ఉద్ద్యేశ్యం తో జాగ్రత్తలు తీసుకుంటోంది చిత్ర యూనిట్.

ఇక మరి హీరోయిన్ విషయానికి వస్తే.. నయనతారని ఒకే చేసేలా వున్నారని టాక్ నడుస్తోంది. అయితే మరి ఆ సెంటిమెంట్ ని అనీల్ బ్రేక్ చేశారా..? మాములుగా అనీల్ రావిపూడి తాను ముందు తీసిన చిత్రం నుండి హీరోయిన్ ని తీసుకుంటూ వుంటారు. ఇది మనం చాలా సార్లే చూసాం. కనీసం ముందు చేసిన చిత్రం నుండి ఒక హీరోయిన్ ని అయినా సరే ఎంపిక చేస్తారు అనీల్.

ఎఫ్ 2 లో తమన్నా నటించింది. మళ్ళీ సరిలేరు నీకెవరు చిత్రం లో స్పెషల్ సాంగ్ లో తమన్నా ని అనీల్ రావిపూడి తీసుకున్నారు. ఎఫ్ 3 లో తమన్నా, మెహ్రీన్, పూజ హెగ్దే నటించారు. కానీ ఈ సారి మాత్రం బాలయ్య కి జంటగా నయనతారను తీసుకున్నారు. అనీల్ సెంటిమెంట్ ని పక్కన పెట్టేసినట్టే కదా..? మరి ఇది వర్క్అవుట్ అవుతుందా అనేది చూడాలి.

ఇక నయనతార గురించి కొత్తగా చెప్పేదేం లేదు. చక్కటి నటన తో ఆకట్టుకుంటారు. నయనతార రెమ్యునరేషన్ బాగా ఎక్కువ తీసుకుంటారు. ఒక్కో సినిమాకు 10 కోట్ల రూపాయల రేంజ్ లో ఈమె తీసుకుంటూ వుంటారు. అయినా ఈమెనే ఎంపిక చేసింది చిత్ర యూనిట్. బాలయ్య తో ఈమె ఇప్పటికే పలు సినిమాల్లో నటించారు. చాలా సినిమా లో వాటిలో హిట్ అయ్యాయి కూడా.

ఆర్ఆర్ఆర్ చిత్రానికి బిగ్ షాక్ తగిలింది. ఆస్కార్ బరిలోకి వెళ్లి అదరగొడుతుందన్న సినిమాకు భారత ప్రభుత్వం నుంచి చుక్కెదురైంది. ఇంటర్నేషల్ మీడియా మొదలుకుని.. నేషనల్ మీడియా వరకు వచ్చిన న్యూస్ తాజాగా అబద్దమైంది. అందరూ అనుకున్న ట్రిపుల్ ఆర్ చిత్రానికి బదులు.. ఓ గుజరాతీ మూవీ ఆస్కార్‌ కు వెళ్లనుంది.

దర్శకుడు పాన్ నలిన్ సినిమా ‘ఛెల్లో షో’ భారత్ నుంచి ఆస్కార్ అవార్డుల బరిలో నిలిచింది. ఇది గుజరాతీ చిత్రం. 95వ ఎడిషన్ ఆస్కార్ అవార్డుల కోసం అధికారికంగా భారత్ నుంచి ఈ సినిమాను నామినేట్ చేశారు. ‘బెస్ట్ ఇంటర్నేషనల్ ఫీచర్ ఫిల్మ్’ కేటగిరీలో ఈ సినిమా నామినేట్ అయింది.

భారత సినిమా సమాఖ్య కార్యదర్శి సుపర్ణా సేన్ ఈ విషయాన్ని మంగళవారం అధికారికంగా ప్రకటించారు. ప్రముఖ కన్నడ దర్శకుడు టీఎస్ నాగాభరణ నేతృత్వంలోని జ్యూరీ, ఆస్కార్ నామినేషన్ కోసం ‘ఛెల్లో షో’ చిత్రాన్ని ఎంపిక చేసింది. న్యూయార్క్‌లోని ట్రిబెకా ఫిల్మ్ ఫెస్టివల్‌లో ‘ఛెల్లో షో’ వరల్డ్ ప్రీమియర్ షోను ప్రదర్శించారు. భారత్‌లో ఈ సినిమా అక్టోబర్ 14న విడుదల కానుంది.

ఇండియా తరుపున ఆస్కార్ బరిలో ట్రిపుల్ ఆర్ తో పాటు.. కాశ్మీరీ ఫైల్స్ చిత్రం కూడా వెళుతుందని అందరూ అనుకున్నారు. కాని ఊహించని విధంగా.. గుజరాతీ సినిమా ‘ఛెల్లో షో’ తెరపైకి వచ్చి అందర్నీ షాక్ చేసింది. ఇప్పుడు నెట్టింట ట్రెండ్ అవుతోంది.

ఈ చిత్రాన్ని సిద్ధార్థ్ రాయ్ కపూర్ బ్యానర్ రాయ్ కపూర్ ఫిల్మ్స్, జుగాద్ మోషన్ పిక్చర్స్, మాన్సూన్ ఫిల్మ్స్ నిర్మించారు. ఇందులో మార్క్ డ్యూలే. భవిన్ రాబరి, భవేష్ శ్రీమాలి, రిచా మీనా, దిపెన్ రావల్, పరేష్ మెహతా ప్రధాన పాత్రలలో నటించారు. గతేడాది జూన్‏లో జరిగిన ట్రిబెకా ఫిల్మ్ ఫెస్టివల్‏లో ప్రారంభ సినిమాగా ఈ మూవీ ప్రపంచ ప్రీమియర్ ప్రదర్శించారు.

సినిమా డైరెక్టర్ నలిన్ ప్రకారం, ఈ సినిమా ఒక ‘సెమీ-ఆటోబయోగ్రఫికల్’ చిత్రం. అంటే ఈ చిత్రాన్ని కొంతవరకు తన జీవిత కథ ఆధారంగా తీశారు. గుజరాత్ గ్రామీణ ప్రాంతంలో చిన్నతనంలో సినిమాల పట్ల ఆకర్షితుడైన నళిన్ జ్ఞాపకాల ఆధారంగా ఈమూవీని తెరకెక్కించారు. స్పెయిన్‌లోని 66వ వల్లాడోలిడ్ ఫిల్మ్ ఫెస్టివల్‌లో గోల్డెన్ స్పైక్‌తో సహా ఫెస్టివల్ రన్ సమయంలో ఈ సినిమా అనేక అవార్డులను గెలుచుకుంది. ఇక్కడ థియేటర్ రన్ సమయంలో కమర్షియల్ హిట్ అందుకుంది.

పాన్ నలిన్‌కు ‘అవార్డ్ విన్నింగ్’ సినిమాల దర్శకుడు అనే పేరు ఉంది. ఆయన సంసార, వ్యాలీ ఆఫ్ ఫ్లవర్స్, యాంగ్రీ ఇండియన్ గాడెస్, ఆయుర్వేద: ద ఆర్ట్ ఆఫ్ బీయింగ్ అనే సినిమాలను తీశారు. సినిమా తీయడంలో పాన్ నలిన్ ఎలాంటి శిక్షణ పొందలేదు. అహ్మదాబాద్‌లోని నేషనల్ స్కూల్ ఆఫ్ డిజైన్‌లో ఆయన చదివారు.

ఈ నిర్ణయం తో ఫిలిం ఫెడరేషన్ అఫ్ ఇండియా పై విమర్శలు వెల్లువెత్తుతున్నాయి. ‘ఫిల్మ్ ఫెడరేషన్ ఆఫ్ ఇండియా’ ‘ చాలా విచిత్రమైన సంస్థ. 2013లో చాలామంది విదేశీ విమర్శకులు కూడా భారత్ నుంచి ‘లంచ్ బాక్స్’ సినిమాను ఆస్కార్‌కు నామినేట్ చేయాలని తమ అభిప్రాయాన్ని చెప్పారు. కానీ, అప్పుడు ‘లంచ్ బాక్స్‌’ సినిమాను ఆస్కార్ కోసం నామినేట్ చేయలేదు. అలాగే విదేశాల్లో బాగా ఆదరణ పొందిన ‘ది డిసైపుల్’ అనే సినిమాను కూడా విస్మరించారు. ఇప్పుడు ‘ఆర్‌ఆర్‌ఆర్’ విషయంలో కూడా ఇలాగే వ్యవహరించారు” అని జర్నలిస్ట్ అసీమ్ ఛాబ్రా ట్విట్టర్‌లో అన్నారు.

తన సినిమాను అధికారికంగా ఆస్కార్ అవార్డు కోసం పంపడంతో పాన్ నలిన్ ట్విట్టర్ ద్వారా హర్షం వ్యక్తం చేశారు.
”భారత సినిమా సమాఖ్యకు, జ్యూరీకి కృతజ్ఞతలు. ‘ఛెల్లో షో’ సినిమాపై నమ్మకం ఉంచినందుకు ధన్యవాదాలు. సినిమా వినోదాన్ని పంచడంతో పాటు ప్రేరణగా నిలుస్తుందని నేను నమ్ముతున్నా” అని ఆయన ట్వీట్ చేశారు.

ఎన్నో అంచనాలు పెట్టుకున్నప్పటికీ విజయ్ దేవరకొండ లైగర్ సినిమా హిట్ అవ్వలేదు. భారీ ఎక్స్పెక్టేషన్స్ ప్రేక్షకులు పెట్టుకున్నా డిసప్పాయింట్ చేసింది. మరో పక్క డియర్ కామ్రేడ్ సినిమా కూడా హిట్ అవ్వలేదు. ఇలా విజయ్ దేవరకొండ కి కాలం కలిసి రావడం లేదు.

భారీ ఎక్స్పెక్టేషన్స్ పెట్టుకున్నప్పటికీ ఊహించిన ఫలితాలు ఈ సినిమాకి అందలేదు. ఇక ఇదిలా ఉంటే ఇప్పుడు ఖుషి సినిమా షూటింగ్ కూడా అవుతోంది. ఇంచుమించు చాలా షూటింగ్ అయిపోయింది.

ఈ సినిమాలో విజయ్ దేవరకొండ సరసన సమంత నటిస్తున్నారు. అయితే సమంతకు కొన్ని సమస్యలు రావడం వల్ల షూటింగ్ మధ్యలో ఆగింది. ఈ సినిమాను మైత్రీ మూవీ మేకర్స్ వాళ్ళు ప్రొడ్యూస్ చేస్తున్నారు. శివ నిర్వాణ ఈ సినిమాకి దర్శకత్వం వహిస్తున్నారు. ఇక ఇది ఇలా ఉంటే కేవలం సినిమాల టాపిక్ మాత్రమే కాకుండా యూట్యూబ్ లో జ్యోతిష్యులు కూడా విజయ్ దేవరకొండ గురించి ప్రస్తావన చేస్తున్నారు. కేవలం టాలీవుడ్ చిత్ర పరిశ్రమ లో కాకుండా యూట్యూబ్ లో కూడా జ్యోతిష్యులు విజయ్ దేవరకొండ ప్రస్తావన తీసుకు రావడం ఇప్పుడు హాట్ టాపిక్ గా మారింది.

ఇక అసలు ఏమైంది అనేది చూస్తే.. విజయ్ దేవరకొండ కి అష్ట శని దశ వలన కెరీర్ లో సమస్యలు వస్తున్నాయని మళ్లీ మళ్లీ డిజాస్టర్ లు వస్తున్నాయి అని అంటున్నారు. డియర్ కామ్రేడ్ సినిమా హిట్ కాలేదు. వరల్డ్ ఫేమస్ లవర్ సినిమా కూడా హిట్ కాలేదు. అలానే రీసెంట్ గా వచ్చిన లైజర్ పరిస్థితి కూడా అదే. ఇలా ఏవి కూడా హిట్ అవ్వలేదు. మరో జ్యోతిష్యుడు అయితే విజయ్ దేవరకొండ యాటిట్యూడ్ వలన.. అనవసరమైన స్టేట్మెంట్స్ వలన కాంట్రవర్సయిలను, ఫెయిల్యూర్లు ఎదుర్కొంటున్నారని చెప్పారు.

దీని అర్థం విజయ్ దేవరకొండ కెరీర్ మొత్తం పూర్తయినట్లు కాదని మంచి భవిష్యత్తు ఉందని చెప్పారు.  లైగర్ ఫెయిల్ అవ్వడం విజయ్ దేవరకొండ పై గట్టి ప్రభావం పడింది కానీ ఇక్కడితో కెరీర్ ముగిసిపోలేదు. విజయ్ దేవరకొండ సినిమాలు సక్సెస్ అవ్వాలంటే కాస్త ప్లాన్ చేసుకుని తీస్తే సరిపోతుంది.

చాలా రోజులు ఎదురు చూసిన తర్వాత విజయ్ దేవరకొండ హీరోగా నటించిన లైగర్ సినిమా ఇటీవల విడుదల అయ్యింది. ఈ సినిమా గురించి ఇప్పుడు కాదు దాదాపు రెండు సంవత్సరాల నుండి ప్రేక్షకులు అందరూ ఎదురు చూస్తున్నారు. సినిమా ప్రకటించినప్పటి నుండి కూడా ఈ సినిమా విడుదల అయిన తర్వాత పూరి జగన్నాధ్ కి పాన్ ఇండియన్ స్థాయిలో గుర్తింపు వస్తుంది అని, అలాగే విజయ్ దేవరకొండ కూడా పాన్ ఇండియన్ స్టార్ అవుతారు అని అందరూ అన్నారు.

కానీ సినిమాకి సంబంధించి పోస్టర్స్, టీజర్, ట్రైలర్, పాటలు ఇలా మెల్లగా ఒకొక్కటి చూసిన తర్వాత ఇది “అసలు తెలుగు సినిమానేనా?” అని అనుమానం కూడా వచ్చింది. అయితే ఈ సినిమాలో చాలా విషయాలు ప్రేక్షకులకి చెప్పలేదు. ఇదే విషయాన్ని యూట్యూబ్ లో ఒక వ్యక్తి కామెంట్ రూపంలో పోస్ట్ చేశారు. అలా ఈ సినిమా చూసిన తర్వాత ప్రేక్షకులకి వచ్చే ప్రశ్నలు ఏంటో ఇప్పుడు చూద్దాం.

#1 అసలు హీరో తండ్రి ఎవరు? పేరు చెప్తారులే కానీ, ఆ వ్యక్తి ఎవరు అనేది చెప్పరు.

#2 హీరో తండ్రి బలరాంని చంపింది ఎవరు? ఆయన చనిపోయాడు అని చెబుతారు. అసలు ఆయన ఎలా చనిపోయాడు అని మాత్రం చెప్పరు.

#3 అసలు లైగర్ ఫైటింగ్ చేయడం ఎలా నేర్చుకున్నాడు? మామూలుగా స్పోర్ట్స్ డ్రామా అంటే అసలు హీరో ఇలాంటి ఏదైనా ఒక స్పోర్ట్స్ నేర్చుకునేటప్పుడు ఎలాంటి పరిస్థితులు ఎదుర్కొంటాడు అని చెప్తారు. కానీ ఇందులో మాత్రం అసలు అది చూపించలేదు. సినిమాలో ముఖ్యమైన విషయం ఇదే కాబట్టి ఇందులో కొంచెం జాగ్రత్త తీసుకోవాల్సింది ఏమో అనిపిస్తుంది.

#4 హీరో చాయ్ బండి ఎక్కడ ఉంటుంది? ఎప్పుడో సినిమా మొదట్లో ఒక సారి కనిపిస్తుంది. మళ్లీ తర్వాత అసలు ఎక్కడ ఉందో, అసలు వాళ్లు ఆ చాయ్ బండి మీద చాయ్ అమ్ముతున్నారో లేదో అనే విషయం కూడా సినిమాలో ఒక్కసారైనా చూపించరు.

#5 అసలు ఫైనల్ మ్యాచ్ చూడడానికి డబ్బులు కట్టిన ఆడియన్స్ ఎక్కడున్నారు? వారి పరిస్థితి ఏమయ్యింది?

#6 ఫైనల్ అప్పోనెంట్ కి ఏమయ్యింది?

#7 సినిమా మొత్తం దేశం కోసం కొట్లాడదాం అని అంటారు. కానీ చివరికి అసలు ఫైనల్ మ్యాచ్ కి రారు? ఇదెక్కడి లాజిక్?

ఇవన్నీ మాత్రమే కాకుండా అసలు సినిమా క్లైమాక్స్ ఎవరికీ అర్థం కాలేదు. ఇంకా సీన్ ఉందేమో అని ఎదురు చూస్తున్న వారందరూ పాట రావడంతో అసలు చివరికి ఏమయింది తెలియక అయోమయంలో థియేటర్ నుంచి బయటికి వచ్చారు.

మెగాస్టార్ చిరంజీవికి సైరా నరసింహారెడ్డి, ఆచార్య సినిమా ఫలితాలతో ఎదురుదెబ్బలు తగిలాయి. ఈ సినిమాలు ఆశించిన స్థాయిలో సక్సెస్ సాధించలేదు. దీంతో మోహన్ రాజా దర్శకత్వంలో వస్తున్న “గాడ్ ఫాదర్” తో చిరు సక్సెస్ సాధించాల్సి ఉంది.

నాగార్జున మన్మథుడు 2తో ఆకట్టుకోకపోగా, బంగార్రాజుతో విజయం సాధించినా ఆ సక్సెస్ ఆయన రేంజ్ కు తగినది కాదు. తర్వాత చిత్రాలతో నాగ్ ఎలాంటి ఫలితాన్ని అందుకుంటారో చూడాల్సి ఉంది. నాగ్ ప్రస్తుతం “ది ఘోస్ట్” సినిమాలో నటిస్తున్నారు.

గాడ్ ఫాదర్, ది ఘోస్ట్ సినిమాలు దసరా పండగకి అక్టోబర్ 5న ప్రేక్షకులముందుకు రానున్నాయి. అయితే ఇప్పుడు మంచు విష్ణు నటించిన ‘జిన్నా’ కూడా అదే రోజు రిలీజ్ కాబోతుంది. ఈ సినిమాలో పాయల్ రాజ్‌పుత్, సన్నీ లియోన్ హీరోయిన్లుగా నటిస్తున్నారు. వీరు మాత్రమే కాకుండా ఈ సినిమాలో ఎంతో మంది ప్రముఖ నటులు ముఖ్య పాత్రలు పోషిస్తున్నారు. ఈ సినిమాకి సూర్య దర్శకత్వం వహిస్తున్నారు. మంచు విష్ణు ఈ సినిమాకి నిర్మాతగా వ్యవహరిస్తున్నారు.

అనూప్ రూబెన్స్ ఈ సినిమాకి సంగీత దర్శకత్వం వహిస్తున్నారు. ఈ సినిమా టీజర్ ఇటీవల విడుదల అయ్యింది. టీజర్ చూస్తూ ఉంటే ఇది ఒక హారర్ కామెడీ సినిమా అని అర్థం అవుతోంది. ఈ సినిమాకి సంబంధించి ఇప్పటికే ఒక పాట రిలీజ్ చేశారు. ఆ పాటని మంచు విష్ణు కూతుర్లు అరియానా-వివియానా పాడారు. ఆ పాటలో వారు కనిపిస్తారు. ఈ సినిమాలో మంచు విష్ణు గెటప్ చాలా డిఫరెంట్ గా ఉంది. సినిమా హారర్ కామెడీ అని టీజర్ చూసేంత వరకు ప్రేక్షకులకు అర్థం అవ్వలేదు.

చాలాకాలంగా మంచు విష్ణు సినిమాలు హిట్ అందుకోలేదు. ఈ సినిమాతో విష్ణు హిట్ కొడతారు అని సినీ అభిమానులు అభిప్రాయపడుతున్నారు. అయితే గాడ్ ఫాదర్, ది ఘోస్ట్ సినిమాలు కూడా అప్పుడే విడుదల అవుతుండడంతో….ఈ సినిమా రిసల్ట్ ఏమవుతుందా అనే టాక్ కూడా నడుస్తుంది సోషల్ మీడియాలో. ‘గాడ్ ఫాద‌ర్’ ‘ఘోస్ట్’ ల పక్కన ‘జిన్నా’ నిలబడుతుంది అంటారా.?