Filmy Adda

ఒక భాషలో ఒక సినిమా తీస్తే, అది హిట్ అయితే, వేరే భాషల్లోకి కూడా ఆ సినిమాని తీసుకెళ్తారు. దీనికి రెండు మార్గాలు ఉంటాయి. ఒకటి డబ్ చేయడం. ఇంకొకటి రీమేక్ చేయడం. రెండిట్లో ఏది చేసినా కూడా ఒరిజినల్ సినిమాని ప్రాపర్ గా కన్వే చేయకపోతే, రిజల్ట్ మారిపోతుంది. కొన్ని సినిమాలు మాత్రం ఒరిజినల్ కంటే రీమేక్ బాగుంది అనుకునేలా ఉంటాయి.

కొన్ని మాత్రం ఆశించిన ఫలితాన్ని ఇవ్వవు. ఒక వేళ మంచి ఫలితం వచ్చినా కూడా, ఒరిజినల్ సినిమా కంటే మన నేటివిటీకి తగ్గట్టు చాలా మార్పులు చేస్తారు. అలా మన భాషలో కూడా చాలా సినిమాలు రీమేక్ అయ్యాయి. అందులో ఒక సినిమా అయితే తెలిసి తెలియకుండానే మూడు సార్లు రీమేక్ అయింది.

జూనియర్ ఎన్టీఆర్ హీరోగా వచ్చిన సినిమా కంత్రి. ఈ సినిమాకి మెహర్ రమేష్ దర్శకత్వం వహించారు. ఈ సినిమాలో హీరో తన తల్లితండ్రులని చంపిన అతనిపై పగ ఎలా తీర్చుకుంటాడు అనే పాయింట్ మీద సినిమా అంత నడుస్తుంది. ఈ సినిమా ఆశించిన ఫలితాన్ని పొందలేదు. తర్వాత కొన్నాళ్లకి వచ్చిన పవర్‌స్టార్ పవన్ కళ్యాణ్ సినిమా అజ్ఞాతవాసి. ఈ సినిమా స్టోరీ కూడా ఇంచుమించు అలాగే ఉంటుంది. ఈ సినిమా రిజల్ట్ కూడా ఆశించిన విధంగా రాలేదు. అలాగే ప్రభాస్ హీరోగా నటించిన సినిమా సాహో. సాహో సినిమా స్టోరీ కూడా ఇదే.

అలా అనుకోకుండా ఈ మూడు సినిమాలు ఒకే కాన్సెప్ట్ మీద వచ్చాయి. ఈ మూడు సినిమాల్లో తెలియకుండా ఉన్న ఈ కామన్ పాయింట్ లార్గో వించ్ అనే ఒక సినిమాకి దగ్గరగా ఉంటుంది. అంతేకాకుండా ఈ మూడు సినిమాలు కూడా అంత మంచి ఫలితం పొందలేదు. వీటిలో సాహోకి కలెక్షన్స్ వచ్చినా కూడా టాక్ మాత్రం మొదట్లో అంత పాజిటివ్ గా రాలేదు. అలా ఈ మూడు సినిమాలు తెలియకుండా ఒకే సినిమా నుండి ఇన్స్పైర్ అయి అయ్యి తీశారు.

ఎన్నో రోజులు వెయిట్ చేసిన తర్వాత కేజీఎఫ్ చాప్టర్-2 విడుదల అయ్యింది. కేజీఎఫ్ మొదటి భాగం ఎవరూ ఊహించనంత పెద్ద హిట్ అయ్యింది. మొదటి భాగం మొత్తంలో కూడా రాకీ భాయ్ ఎలా ఎదిగాడు అనేది చూపించారు. రెండవ భాగంలో మాత్రం రాకీ భాయ్ ఎదిగిన తర్వాత తాను ఎదుర్కొన్న సమస్యలు ఏంటి అనేది చూపించారు?

మొదటి భాగంలాగానే ఈ సినిమా కూడా పవర్ ఫుల్ గా ఉంటుంది. అసలు రాకీ భాయ్ ని జనాలు అందరూ అంత గుర్తు పెట్టుకునే అంతగా ఏం చేసాడు అనేది ఈ సినిమాలో చూపించారు.

కెజిఎఫ్ సినిమాతో చాల మంది నటీ నటులకు ఒక్కసారిగా పాన్ ఇండియా లెవెల్ లో గుర్తింపు కూడా రావడం జరిగింది. రావు రమేష్ కూడా కేజీఎఫ్ చాప్టర్-2 లో నటించారు. రావు రమేష్ విలనిజం తో పాటు కామెడీ సెంటిమెంట్ పాత్రలను కూడా ఎంతో అద్భుతంగా చేస్తారు. సీమ సింహం సినిమాతో టాలీవుడ్ లోకి రావు రమేష్ పరిచయమయ్యారు.

ఆ తర్వాత కొత్త బంగారులోకం, గమ్యం మొదలైన సినిమాల్లో నటించారు. మొన్న ఈ మధ్య విడుదలైన కేజీఎఫ్ చాప్టర్-2 లో కూడా రావు రమేష్ అద్భుతంగా నటించి మెప్పించారు. అయితే ఈ సినిమాలో రావు రమేష్ పాత్రని దర్శకుడు ఎక్కువ సమయానికి పెంచడం జరిగింది.

దర్శకుడు నీల్ రావు రమేష్ కి కేవలం చిన్న పాత్ర మాత్రమే ఇందులో అనుకున్నామని.. కానీ ఆయన ట్యాలెంట్ ని చూడగానే ఆయన పాత్రని కొంచెం ఎక్కువ సేపు ఇవ్వాలని అనుకున్నట్లు చెప్పారు. నిజానికి రావు రమేష్ కాల్ షీట్ ఒక నాలుగు రోజులు మాత్రమే కానీ ఆయన ఆ నటనని చూసి, టాలెంట్ ని చూసి 14 రోజుల పాటు కాల్ షీట్ ని పెంచడం జరిగింది.

ఉప్పెన సినిమాతో ఎంట్రీ ఇచ్చిన వైష్ణవి తేజ్ ప్రస్తుతం ఒక ప్రేమ కథా చిత్రంలో నటిస్తున్నారు. అదే ‘రంగ రంగ వైభవంగా’. ఇక ఈ సినిమా గురించి వివరాలను చూస్తే.. మే 27న ఈ సినిమా విడుదల కానున్నట్లు చిత్ర బృందం తెలిపింది.

రంగ రంగ వైభవంగా చిత్రానికి గిరీషయ్య దర్శకత్వం వహిస్తున్నారు. ఈ సినిమాలో వైష్ణవ్ తేజ్ సరసన కేతికశర్మ నటిస్తున్నారు. శ్రీ వెంకటేశ్వర సినీ చిత్ర సంస్థ ఈ సినిమాని నిర్మిస్తుండగా.. దేవి శ్రీ ప్రసాద్ సంగీతం అందిస్తున్నారు.

కేతిక శర్మ రొమాంటిక్ సినిమాతో గుర్తింపు తెచ్చుకున్న విషయం తెలిసిందే. రంగ రంగ వైభవంగా యూత్ ఫుల్ రొమాంటిక్ ఎంటర్టైనర్ గా వస్తోంది. వైష్ణవ్ తేజ్ ఈ సినిమాలో మరింత స్టైలిష్ గా కనబడుతున్నారు. అయితే మరి వైష్ణవ తేజ్ కి ఈ చిత్రం సక్సెస్ ని ఇస్తుందా లేదా అనేది అభిమానుల్లో మెదులుతున్న ప్రశ్న.

ఎందుకంటే మెగా ఫ్యామిలీ కి ఈ మధ్య అంతగా కలిసి రావడం లేదు. దీంతో వైష్ణవ్ తేజ్ రంగ రంగ వైభవంగా సినిమా ఏమవుతుందో అని అనుకుంటున్నారు. ఒక పక్క పవర్ స్టార్ పవన్ కళ్యాణ్ ‘భీమ్లా నాయక్’ సినిమా అంతగా ఆకట్టుకోలేక పోయింది.

అలానే వరుణ్ తేజ్ ‘గని’ సినిమా కూడా ఫ్లాప్ అయ్యింది. అంతే కాకుండా మెగాస్టార్ చిరంజీవి, రామ్ చరణ్ కలిసి నటించిన ఆచార్య సినిమా కూడా ఆకట్టుకోలేక పోయింది. ఇది కూడా నిరాశనే కలిగించింది. మరి మెగా స్టార్ ఫ్యామిలీ నుండి వచ్చిన వైష్ణవ్ తేజ్ కూడా ఫ్యాన్స్ కి నిరాశే కలిగిస్తారా అనేది ఇప్పటికైతే ప్రశ్నార్థకమే. మరి వైష్ణవ తేజ్ ఈ చిత్రంతో ఆకట్టుకుంటారా లేదా అనేది చూడాలి.

సర్కారు వారి పాట సినిమా ట్రైలర్ ఇటీవల విడుదల అయ్యింది. ఇందులో మహేష్ బాబుతో పాటు, హీరోయిన్ అయిన కీర్తి సురేష్, వెన్నెల కిషోర్, అలాగే సముద్రఖనితో పాటు ముఖ్య పాత్రల్లో నటించిన సుబ్బరాజు, నదియా, తనికెళ్ల భరణి కనిపిస్తున్నారు. సర్కారు వారి పాట టీజర్ ఇప్పటికే యూట్యూబ్‌ లో ట్రెండ్ క్రియేట్ చేసింది. ఈ టీజర్‌లో మహేష్ బాబు చాలా స్టైలిష్‌గా, డిఫరెంట్‌గా కనిపిస్తున్నారు.

ట్రైలర్ చూస్తూ ఉంటే ఈ సినిమా ఒక కమర్షియల్ ఎంటర్టైనర్ అని అర్థమవుతోంది. ఇందులో యాక్షన్ సీన్స్ కూడా ఎక్కువగానే ఉంటాయి అని తెలుస్తోంది. ఈ సినిమాలో సముద్రఖని విలన్ పాత్రలో నటిస్తున్నారు.

సినిమా ఎలా ఉండబోతోందో అని ప్రేక్షకులు ఆసక్తిగా ఎదురు చూస్తున్నారు. ఈ సినిమాకి గీత గోవిందం, సోలో సినిమాలకి దర్శకత్వం వహించిన పరశురామ్ దర్శకత్వం వహించారు. చాలా సంవత్సరాల తరువాత తమన్, మహేష్ బాబు సినిమాకి మ్యూజిక్ కంపోజ్ చేసారు. ఈ సినిమాలో కీర్తి సురేష్ హీరోయిన్‌గా నటించారు. సర్కారు వారి పాట ఎప్పుడో విడుదల కావాలి. కానీ కోవిడ్ కారణంగా అలస్యమైంది. ఇప్పుడు మేలో ప్రేక్షకుల ముందుకు రాబోతుంది.

ఈ సినిమాలో మహేష్ బాబు లుక్స్ ప్రధాన ఆకర్షణగా నిలవనున్నాయి. అలాగే ఇతర పెద్ద సినిమాలు కూడా ఇప్పటికే రిలీజ్ అయిపోయి వాటి హవా తగ్గిపోవడం కూడా సర్కారు వారి పాట సినిమాకి ప్లస్ పాయింట్ కాబోతోంది. అయితే ఈ సినిమా రిలీజ్ కి ఒక్క గండం మాత్రం ఉంది. ఈ సినిమా విడుదల అయ్యే టైం కి రెండు తెలుగు రాష్ట్రాలలోను పరీక్షలు జరగనున్నాయి. ఆ సమయంలో చాలా వరకు ఫ్యామిలీస్ మూవీ ని అవాయిడ్ చేసే అవకాశం ఉంది. ఈ గండం గట్టెక్కితే మాత్రం సర్కారు వారి పాట సినిమా కలెక్షన్లు సృష్టించే అవకాశం ఉంది.

అయితే ఈ సినిమా సమ్మర్ సీజన్లో విడుదల అవుతుంది కాబట్టి అది కూడా ప్లస్ పాయింట్ అయ్యే అవకాశం ఉంది. మైత్రి మూవీ మేకర్స్ ఈ సినిమాను నిర్మించిన సంగతి తెలిసిందే. మరో వైపు దర్శకుడు పరశురామ్, ఇతర టెక్నిషియన్లు, కీర్తి సురేష్ పలు ఇంటర్వూస్ లో పాల్గొంటూ ఈ సినిమాకు హైప్ తీసుకొస్తున్నారు. మరో వైపు సోషల్ మీడియాలో కూడా మహేష్ బాబు లుక్స్ కు ప్రశంసలు లభిస్తున్నాయి.