Health Adda

ప్రస్తుతం చాలా మంది ఎదుర్కుంటున్న సమస్య అధికంగా జుట్టు రాలడం. ఎన్ని జాగ్రత్తలు తీసుకున్నా.. ఎన్ని మంచి ఆయిల్స్ ని వాడినా జుట్టు రాలిపోతోంది అంటూ చాలా మంది తెగ ఫీల్ అయిపోతూ ఉంటారు. ముఖ్యంగా తలస్నానం చేస్తే చాలు.. ఈ జుట్టు మరింతగా రాలిపోతూ ఉంటుంది.

జుట్టు తడిగా ఉన్నపుడు దువ్వినా సరే చాలా ఎక్కువగా జుట్టు రాలిపోతూ ఉంటుంది. అంతే కాదు ఆయిల్ రాసినప్పుడు కూడా వెంటనే జుట్టుని దువ్వితే.. మరింతగా రాలిపోతూ ఉంటుంది. దీనికి కారణం ఏంటో ఇప్పుడు తెలుసుకుందాం.

అయితే ఇలా నూనె రాయగానే జుట్టు ఊడిపోవడం వలన.. మనం ఆ నూనె మన జుట్టుకి సరిపడలేదు అని భావిస్తూ ఉంటాం. అంతే కాదు.. కొత్తగా ఆయిల్స్ ట్రై చేస్తూ ఉంటాం. ఎన్ని ఆయిల్స్ ని ట్రై చేసినా నూనె రాసిన వెంటనే తలను దువ్వితే జుట్టు రాలిపోతుంది. మనం ఆయిల్ చేసే పద్ధతి వలన కూడా జుట్టు రాలే అవకాశం ఉంటుంది. ఆయిల్ రాసే ముందు జుట్టును చిక్కులు లేకుండా విడతీసుకోవాలి. ఇందుకోసం వెడల్పాటి దువ్వెనని ఉపయోగించాలి. ఆ తరువాత చేతులతో జుట్టు మొదళ్ళలో సున్నితంగా మసాజ్ చేస్తూ ఆయిల్ ను అప్లై చేయాలి.

చాలా మంది చేసే తప్పు ఏంటంటే.. నూనె రాసుకున్నాక జుట్టుని గట్టిగా ముడి కట్టేస్తారు. దీనివల్ల స్కాల్ప్ పై ఉండే జుట్టు బలహీనంగా మారి.. ముడి తీసి దువ్వగానే రాలిపోతుంది. అందుకే నూనె రాసిన తరువాత కొంతసేపు అలా వదులుగా వదిలేయడం మేలు. నూనె ఎక్కువగా రాయడం వలన స్కాల్ప్ రంధ్రాలు మూసుకుపోతాయి. జుట్టు పెరుగుదల ఆగిపోతుంది. అందుకే తగు మాత్రమే రాయాలి. అలాగే నూనె రాసిన తరువాత ఎక్కువ రోజులు ఉంచకూడదు. దీని వలన మురికి కణాలు పేరుకుని జుట్టు పాడైపోతుంది.

ఏప్రిల్, మే నెలలు వచ్చాయంటే పిల్లలందరూ పరీక్షల హడావిడి లో మునిగిపోతూ ఉంటారు. వారికి వారి చదువు గురించి తప్ప మరో ధ్యాస ఉండని సమయమిది. పూర్తిగా చదువులో మునిగిపోయి ఒక్కోసారి తిండిని కూడా నిర్లక్ష్యం చేసేస్తూ ఉంటారు. అయితే.. వారు వేళకి సరిగ్గా తింటేనే ఆరోగ్యంగా ఉండి పరీక్షలను బాగా రాయగలుగుతారు.

వారు సరిగ్గా తినేలా చూసే బాధ్యత పేరెంట్స్ దే. ఓ పక్క మండే ఎండలు, మరో వైపు ఎగ్జామ్స్ హడావిడి. ఈ పరిస్థితిలో చాలా మంది పిల్లలకి సరిగ్గా తిండి సహించదు. ఏదో తిన్నాం అంటే తిన్నాం అన్నట్లు ఉంటారు.

అందుకే వారు సరిగ్గా బాలన్స్డ్ డైట్ ను తీసుకునే విధంగా తల్లి తండ్రులు జాగ్రత్త వహించాలి. అందుకే.. కొన్ని టిప్స్ మీకోసం. వాళ్ళని ఎప్పుడు ఆక్టివ్ గా ఉంచే ఎనర్జిటిక్ ఆహారాలను అందివ్వాలి. ఈ పరీక్షల సమయంలో పొద్దున్నే ఇచ్చే బ్రేక్ ఫాస్ట్ లో వారికి కాల్షియమ్, ప్రోటీన్, ఫైబర్ ఎక్కువగా ఉండే ఆహార పదార్ధాలను అందివ్వాలి. అలాగే పదునైన మెమరీ పవర్ కోసం నానబెట్టిన బాదాం, అంజీర్ డ్రై ఫ్రూట్స్ ను ఇవ్వాలి.

వీటి వలన వారి మెదడు చురుకుగా పని చేసి వారు చదివిన విషయాలను జ్ఞాపకం ఉంచుకోగలుగుతారు. అలాగే.. ప్రస్తుతం వేసవి సమయం కాబట్టి వారు హైడ్రేటెడ్ గా ఉండేటట్లు చూసుకోవాలి. ఎప్పటికప్పుడు వారికి గుర్తు చేసి మంచినీళ్లను ఇవ్వాలి. దీనివల్ల వారు త్వరగా అలసిపోరు. అలాగే ఒత్తిడి తగ్గించడం కోసం యోగ, మెడిటేషన్ చేయించాలి. పరీక్షల కాలం కాబట్టి వారిని జంక్ ఫుడ్ కి దూరంగా ఉంచడమే మంచిది. విటమిన్ సి అధికంగా ఉండే, ఇమ్మ్యూనిటి ని పెంచే సిట్రస్ ఫ్రూట్స్ ని కూడా వారి ఆహారంలో భాగం చేయడం వలన అనారోగ్యం బారిన పడకుండా కాపాడుకోవచ్చు.

నిద్ర సుఖమెరుగదు అంటుంటారు కానీ.. కొంచమైనా సుఖం గా నిద్రపట్టకపోతే తెల్లారి పనులన్నీ అన్యమస్కం గా చేస్తుంటాము. ఆరోగ్యకరం గా పనులు చక్కదిద్దుకోవాలంటే.. ముందు రోజు రాత్రి హాయిగా నిద్రపోవాలి.చాలా మంది కలత నిద్రపోతూ ఉంటారు. పడుకున్నట్లే ఉంటారు కానీ.. గాఢం గా నిద్రపోలేరు.

మరికొంత మంది ఆలస్యంగా పడుకుని తొందరగా లేచేస్తూ ఉంటారు. పని ఒత్తిడి కావచ్చు, సమయాభావం కావచ్చు సరిగ్గా నిద్ర పోకుండానే మరుసటి రోజుని ప్రారంభించేస్తూ ఉంటారు.

సగటు మనిషి ప్రతి రోజు కనీసం ఆరు గంటల పాటు నిద్రపోవాలి. 8 గంటల వరకు నిద్రపోతే అది పూర్తిగా ఆరోగ్యంగా నిద్రపోయినట్లు అవుతుంది. కనీసం ఆరు గంటలైనా పడుకోవాలని వైద్యులు చెబుతున్నారు. రోజులో కనీసం ఆరు గంటలైనా పడుకోవడం కుదరకపోతే ఇబ్బందులు తప్పవని హెచ్చరిస్తున్నారు. సరైన నిద్ర లేకుంటే మానసిక స్థితి క్రమంగా క్షీణించడం ప్రారంభం అవుతుంది. దాని వలన డిప్రెషన్ కు వెళ్లే అవకాశాలు ఉంటాయి.

డిప్రెషన్ వస్తే నిద్ర రాదు. నిద్ర రాకపోతే డిప్రెషన్ వస్తూ ఉంటుంది. అందుకే రోజుకు 6 గంటలైనా నిద్రపోవాలి. అంతకంటే తక్కువ నిద్రపోయేవారికి జ్ఞాపకశక్తి దెబ్బ తింటూ ఉంటుంది. ఇలా నిద్రలేమి సమస్యలతో ఇబ్బంది పడుతున్న వారు వెంటనే వైద్యుల్ని సంప్రదించడం మంచిది. యోగ, మెడిటేషన్ వంటివి చేయడం ద్వారా కూడా మానసిక శాంతిని పొంది ప్రశాంతంగా నిద్రపోవడానికి ప్రయత్నించాలి.

ఈ మధ్య కాలం లో ఎక్కువ మంది ఎదుర్కొంటున్న సమస్యలలో డయాబెటిస్ కూడా ఒకటి. నిజానికి చాలా మంది డయాబెటిస్ సమస్యతో బాధ పడుతున్నారు. మీరు కూడా డయాబెటిస్ తో బాధ పడుతున్నారా..? అయితే తప్పకుండా ఇది మీరు చూడాలి.

జొన్నలు ఆరోగ్యానికి చాలా మేలు చేస్తాయి. జొన్నలను తీసుకోవడం వల్ల డయాబెటిస్ తగ్గుతుందని ఆరోగ్య నిపుణులు చెబుతున్నారు. పైగా దీని వల్ల అద్భుతమైన ప్రయోజనాలు ఉన్నాయి.

షుగర్ తగ్గించుకోవడంతో పాటు ఎన్నో సమస్యల్ని ఇది తరిమికొడుతుంది. జొన్న పిండిని రొట్టెలు చేసుకుని కూడా మీరు తీసుకోవచ్చు. అయితే ఈరోజు జొన్నల వలన ఎలాంటి మేలు కలుగుతుంది..?, షుగర్ సమస్య తో బాధ పడే వారికి ఇవి ఎలా మేలు చేస్తాయి అనేవి చూద్దాం.

•  జొన్నలు తీసుకోవడం వల్ల జీర్ణక్రియ మెరుగుపడుతుంది.
• అలానే ఇందులో ఫైబర్ ఎక్కువగా ఉంటుంది. ఫైబర్ ఎక్కువగా ఉండడం వలన జీర్ణ ప్రక్రియ కూడా మెరుగుపడుతుంది.
• అదే విధంగా జొన్నలు గ్యాస్, ఉబ్బసం, మలబద్ధకం, డయేరియా వంటి సమస్యలను తొలగిస్తాయి.
• జొన్నలలో క్యాన్సర్ నిరోధక లక్షణాలు ఉంటాయి.
• అలానే ఫ్రీ రాడికల్స్ తో కూడా ఫైట్ చేస్తాయి. పైగా జొన్నలను తీసుకోవడం వలన అది చెడు కొలెస్ట్రాల్ ను తగ్గిస్తుంది.

డయాబెటిస్ వాళ్లకి జొన్నలు చేసే మేలు:

డయాబెటిస్ తో బాధపడే వాళ్లు జొన్నలను కనుక తీసుకుంటే రక్తంలో చక్కెర స్థాయిలని తగ్గిస్తుంది. ఇవి జీర్ణం అవ్వడానికి ఎక్కువ సమయం పడుతుంది. దీనితో రక్తంలో షుగర్ ఆలస్యంగా పెరుగుతుంది. కాబట్టి డయాబెటిస్ తో బాధపడే వాళ్ళు జొన్నలు తీసుకుంటే డయాబెటిస్ తో పాటు ఇన్ని సమస్యల నుండి బయట పడడానికి అవుతుంది.

బెల్లం ఆరోగ్యానికి చాలా మేలు చేస్తుంది. అలాగే పాలను తీసుకోవడం వల్ల కూడా ఆరోగ్యం బాగుంటుంది. ఎముకల ఆరోగ్యానికి, దంతాల ఆరోగ్యానికి పాలు చాలా అవసరం. అయితే ఈ రెండింటినీ కలిపి తీసుకోవడం వల్ల అద్భుతమైన ప్రయోజనాలను పొందవచ్చు అని ఆరోగ్య నిపుణులు అంటున్నారు. అయితే మరి ఆ లాభాలు ఏమిటో ఇప్పుడు చూద్దాం.

పాలల్లో బెల్లం కలిపి తీసుకోవడం వల్ల క్యాల్షియం, ఫాస్ఫరస్, పొటాషియం, ఐరన్, జింక్, ప్రొటీన్లు వంటి పోషక పదార్థాలు మనకి మెండుగా ఉంటాయి. ఇవి ఆరోగ్యానికి చాలా మేలు చేస్తాయి.

కానీ నిజానికి చాలా మంది పంచదారను ఎక్కువగా వాడుతుంటారు. దాని వలన లాభాల కంటే నష్టాలే ఎక్కువగా ఉంటాయి. అయితే మరి బెల్లం కలిపిన పాలను తీసుకోవడం వల్ల ఎలాంటి లాభాలు పొందొచ్చు అనేది ఇప్పుడు చూద్దాం.

జీర్ణక్రియ మెరుగుపరచుకోవచ్చు:

ప్రతి రోజు బెల్లం కలిపిన పాలను తీసుకోవడం వల్ల డైజెస్టివ్ సమస్యలు రావు. గ్యాస్, అసిడిటీ, అజీర్ణం వంటి సమస్యలతో బాధపడే వాళ్లు దీనిని తీసుకుంటే అద్భుతమైన ఫలితాన్ని పొందొచ్చు. మల విసర్జన సాఫీగా అవుతుంది. దీనితో మలబద్దకం సమస్యకు చెక్ పెట్టొచ్చు.

రక్తహీనత సమస్య ఉండదు:

రక్తహీనత సమస్య తో బాధపడే వాళ్ళు బెల్లం కలిపిన పాలను తీసుకుంటే ఆ సమస్య నుండి బయట పడవచ్చు.

ఇమ్యూనిటీని పెంచుకోవచ్చు:

బెల్లం కలిపిన పాలల్లో యాంటీ బయటిక్, యాంటీ వైరల్ గుణాలు ఉంటాయి. దీనితో ఇమ్యూనిటీని పెంచుకోవడానికి అవుతుంది. అలనే నిద్రలేమి వంటి సమస్యల నుండి కూడా బయటపడొచ్చు.

బరువు తగ్గడానికి అవుతుంది:

బెల్లం కలిపిన పాలను తీసుకోవడం వల్ల కొవ్వు తగ్గుతుంది. దీనితో బరువు తగ్గొచ్చు. ఊబకాయం వంటి సమస్యలతో బాధపడే వాళ్లకు ఇది దివ్యౌషధం.

చాలా మందికి ఎదురవుతున్న సమస్య గ్రే హెయిర్. ప్రస్తుతం చాలా మంది యువతలో కూడా కనిపించేస్తోంది. చాలా కాలం వరకు మనుషుల్లో ఈ ఇబ్బంది లేదు. కనీసం 40 ఏళ్ళు దాటాకే తెల్ల జుట్టు వచ్చేది. కానీ.. ప్రస్తుతం చాలా మందికి చిన్న వయసులోనే ఈ సమస్య ఎదురవుతోంది.

కొంతమందికి టీనేజీ వయసు కూడా దాటకుండానే వచ్చేస్తోంది. బాల నెరుపు అని పేర్కొంటూ ఉంటారు దీనినే. మనం తీసుకునే ఆహారంలో పోషకాల లోపం, విపరీతమైన ఒత్తిడిలు కూడా ఒక కారణం.

మన జుట్టు రంగు చిన్న వయసులోనే నిర్ణయించబడుతుంది. మన వెంట్రుకల క్రిందిభాగంలో ఉండే మెలానో సైట్స్ అనే కణాలు జుట్టుకి రంగునిస్తాయి. మన శరీరంలోని మెలానిన్ స్థాయిని బట్టి చర్మం మరియు జుట్టు రంగులు ఏర్పడతాయి. వయసు పైబడుతున్నప్పుడు మెలానిన్ ఉత్పత్తి తగ్గిపోయి క్రమంగా ఆగిపోతుంది. ఫలితంగా జుట్టు తెల్లబడుతుంది. వయసు వల్ల నెరసిన జుట్టు ఇక నల్లబడదు. కొన్ని సహజమైన చిట్కాలను పాటించడం వలన మీరు మళ్ళి నల్లని జుట్టుని పొందవచ్చు.

ఇంటి చిట్కాల వలన చిన్నతనంలో వచ్చే తెల్లని జుట్టుని నివారించి చాల వొతైన బలమైన జుట్టుని పొందవచ్చు. బయట మార్కెట్లో లభించే హెయిర్ బ్లాక్ కలర్ ప్రొడక్ట్స్ వాడటం వలన జుట్టు బలహీనంగా తయారు అవుతుంది. అందువలన ఇంటి చిట్కాలు ఉపయోగించడం వలన మీ జుట్టు చాల వొత్తుగా నల్లగా అందంగా తయరుఅవుతుంది.

మీ ఇంట్లోనే సహజ సిద్ధంగా ఈ హెయిర్ ప్యాక్ ను తయారు చేసుకోండి. స్టవ్ ఆన్ చేసి, ఒక మందపాటి గిన్నెలో ఒక గ్లాస్ వాటర్ ను పెట్టుకోవాలి. అవి బాగా మరిగిన తరువాత అందులో ఒక స్పూన్ లవంగాల పొడి, రెండు స్పూన్ల మెంతిపొడి, ఒక టేబుల్ స్పూన్ కాఫీ పొడి వేసి మరింత మరిగించాలి. ఒక ఐదు నిమిషాల తరువాత స్టవ్ ఆపేసి ఆ వాటర్ ను చల్లారనివ్వాలి. తరువాత ఆ వాటర్ ను ఫిల్టర్ చేసుకోవాలి. మరో బౌల్ లో ఐదు స్పూన్ల హెన్నా పొడి, ఒక స్పూన్ పుల్లని పెరుగు, ఫిల్టర్ చేసుకున్న వాటర్ ను కలుపుకుంటూ ప్యాక్ ను సిద్ధం చేసుకోవాలి. ఈ ప్యాక్ ను వారానికి ఒకసారి జుట్టు కుదుళ్ళ నుంచి వేసుకుంటే తెల్లగా ఉన్న జుట్టు క్రమంగా నల్లబడి, చుండ్రు వంటి సమస్యలు కూడా మాయం అవుతాయి.

Disclaimer: ఈ కథలోని పాత్రలు సన్నివేశాలు కల్పితం మాత్రమే. ఎవరిని ఉద్దేశించినది కాదు.

ఎప్పుడైనా ఏదైనా అవసరం వస్తే ఒక మనిషికి ఇంకొక మనిషి మాత్రమే సహాయపడగలరు అని అంటారు. కానీ కొన్ని సందర్భాల్లో పక్కనే ఉన్న మనిషిని నమ్మడం ఎంత ప్రమాదకరమో ఈ కథ చదివితే మీకే అర్థమవుతుంది.

షాలిని పోస్ట్ గ్రాడ్యుయేషన్ పూర్తి చేసి ఒక మంచి కంపెనీలో ఉద్యోగంలో చేరింది. ఉద్యోగంలో చేరి దాదాపు మూడు సంవత్సరాలు అవుతోంది. షాలిని ఇంకా తన తల్లిదండ్రులు, చెల్లి హైదరాబాద్ లో ఉండేవారు. తర్వాత కుటుంబం అంతా పూణే లో స్థిరపడ్డారు. ఉద్యోగం చేస్తున్నా కూడా షాలిని కి ఐఏఎస్ అధికారి అవ్వాలనే లక్ష్యం ఉంది. దాంతో ఒక పక్క ఉద్యోగం చేస్తూనే మరొక పక్క సివిల్ సర్వీసెస్ కి ప్రిపేర్ అవుతోంది.

representative image

షాలిని కి తన కొలీగ్ సాకేత్ మంచి ఫ్రెండ్ అయ్యాడు. ఇద్దరూ కలిసి పని చేస్తూ ఉండేవారు. అంతేకాకుండా అప్పుడప్పుడు వర్క్ ఎక్కువగా ఉంటే షాలిని వాళ్ళ ఇంటికి వచ్చేవాడు. సాకేత్ షాలిని కలిసి పని చేసేవారు. అలా సాకేత్ షాలిని తో పాటు షాలిని వాళ్ళ కుటుంబానికి కూడా దగ్గరయ్యాడు. అన్న తమ్ముళ్లు లేని షాలిని, సాకేత్ ని ఒక అన్న లాగా భావించేది.

లాక్ డౌన్ తర్వాత ఆఫీస్ కి తిరిగి మొదలైంది. కానీ ట్రాన్స్పోర్టేషన్ లేకపోవడంతో షాలిని బాగా ఇబ్బంది పడింది. ఒకరోజు సాకేత్ షాలిని ని ఆఫీస్ కి ఎలా వెళ్తున్నావు అని అడిగాడు. తను అదే ఇబ్బంది పడుతున్నాను అని చెప్పింది షాలిని. దాంతో సాకేత్ తను కార్ లోనే ఆఫీస్ కి వస్తున్నాను అని, తనతో పాటు ఆఫీస్ కి వెళ్లొచ్చు అని, అలాగే ఇద్దరిదీ ఒకటే టైమింగ్ కావడంతో, ఇంట్లో కూడా తనే దింపేస్తాను అని చెప్పాడు. షాలిని కూడా అందుకు సరే ఉంది. దాంతో ఇద్దరూ రోజు సాకేత్ కార్ లో ఆఫీస్ కి వెళ్లేవారు. షాలిని ని సాకేత్ ఇంటి దగ్గర దింపే వాడు.

representative image

ఒకరోజు ఇద్దరు ఆఫీస్ అయిపోయిన తర్వాత ఇంటికి వెళ్తున్నారు. ఆ రోజు వర్షం బాగా పడుతుండడంతో ఆరు గంటలకే చీకటి అయిపోయింది. ఆ రోజు సాకేత్ ప్రవర్తన షాలిని కి కొంచెం కొత్తగా అనిపించింది. అంతలోపే సాకేత్ షాలిని తో తనకి షాలిని అంటే చాలా ఇష్టం అని చెప్పి, షాలిని పై బలవంతం చేయడానికి ప్రయత్నించాడు.

representative image

షాలిని అరుపులు బయటికి వినిపించకుండా విండో గ్లాసెస్ క్లోజ్ చేసి, కార్ డోర్స్ లాక్ వేశాడు. దారిలో వెళ్తున్న ఒక జంట షాలిని అరుపులు విని, కార్ అద్దం పగలగొట్టడానికి ప్రయత్నించారు. ఇది గమనించిన సాకేత్ షాలిని ని బయటికి తోసేసి, ఆ జంటలో ఉన్న మహిళపై కారుతో దాడి చేసి వెళ్ళిపోయాడు. దాంతో ఆ మహిళ ని ఆసుపత్రికి తీసుకెళ్లారు. తర్వాత సాకేత్ పై షాలిని కుటుంబం కేసు పెట్టారు.

representative image

ఈ ఘటన నుండి షాలిని ఇంకా పూర్తిగా బయటికి రాలేదు. కానీ ఏదేమైనా తను ఐఏఎస్ అధికారి అయ్యి ఆడపిల్లలు అందరికీ రక్షణ కల్పించాలి అని నిర్ణయించుకుంది. సివిల్ సర్వీసెస్ ఎగ్జామ్ కోసం ప్రిపేర్ అవుతోంది. షాలిని మాత్రమే కాదు ఇలా ఎంతోమంది కొంతమందిని పూర్తిగా నమ్మేస్తారు. కాబట్టి ఎంత పరిచయం ఉన్నా కూడా అలా ఎవరినీ పూర్తిగా నమ్మకూడదు, వాళ్లు స్నేహితులైనా సరే లేదా బంధువులైనా సరే. మన జాగ్రత్తలో మనం ఉండడం మంచిది అనేది ఈ కథ యొక్క సారాంశం.

అరటి పండు తినడానికి ఈజీగా ఉంటుంది. వెంటనే బలాన్నిస్తుంది. శరీరంలో కాల్షియం లోపాన్ని తగ్గించి ఎముకలు ధృడంగా ఉండడానికి సాయపడుతుంది. అంతే కాకుండా మార్కెట్ లో చవక ధరలకే లభిస్తాయి. పేద, ధనిక అందరికి ఈ అరటిపండ్లు అందుబాటులో ఉంటాయి.

నిమిషాల్లో ఎనర్జీ ని ఇచ్చేయడం, ఎక్కువ పోషకాలను కలిగి ఉండడం అరటిపండు ప్రత్యేకత. అరటిపండు తినడం ద్వారా రక్తహీనత నుంచి బయటపడచ్చట. అలాగే అరటిపండు శరీరం లోని చెడు కొలెస్టరాల్ ను నియంత్రిస్తుంది.

ప్రస్తుతం మార్కెట్లో దొరుకుతున్న అరటిపండ్లు అన్నీ పూర్తిగా పండనివే ఉంటున్నాయి. పూర్తి పసుపు రంగులో నిండుగా కనిపించే పండ్లు చూడడానికి బాగుంటాయి. కానీ, ఇవి పూర్తిగా పండినవి కాదు. పూర్తిగా పండిన అరటిపండ్లపై నల్లని మచ్చలు ఉంటాయి. న్యూట్రీషన్లు చెబుతున్న దాని ప్రకారం పూర్తిగా పండిన అరటిపండ్లను తింటేనే మంచిది. ఇలా ఎందుకు చెబుతున్నారో.. ఇప్పుడు కారణాలు తెలుసుకుందాం.

బాగా పండిపోయిన అరటిపండ్లు సులభంగా జీర్ణం అయిపోతాయి. ముఖ్యంగా చిన్న పిల్లలు, వృద్ధులకు ఇవి మేలు చేస్తాయి. గ్యాస్, మలబద్ధకం, అసిడిటీ వంటి వాటినుంచి ఉపశమనం లభిస్తుంది. బాగా పండిన అరటిపండ్లలో యాంటీ ఆక్సిడెంట్లు అధికంగా ఉంటాయి. అవి రోగ నిరోధక శక్తిని పెంచి వ్యాధుల బారిన పడకుండా కాపాడతాయి. బాగా పండిన అరటిపండ్లలో పొటాషియం ఎక్కువగా ఉంటుంది. ఇది రక్తహీనతని నివారించి బిపిని అదుపులో ఉంచుతుంది. నీరసం నిస్సత్తువ తగ్గిపోయి ఉత్సాహంగా ఉంటారు. డయాబెటిస్, అధిక బరువు ఉన్నవారు బాగా పండిన అరటిపండుని తినడం కంటే.. ఓ మోస్తరుగా ఉన్న అరటిపండునే తినాలి.