Health Adda

చాలా మంది తెలియక ఇలాంటి తప్పులు చేస్తూ ఉంటారు. దీనివల్ల ఆరోగ్యమే పాడవుతుంది. ఆరోగ్యంగా ఉండాలంటే మంచి పోషకాహారం తీసుకోవాలి. అలాగే ప్రతి రోజు వ్యాయామం చేయడం, వేళకు నిద్రపోవడం ఇలాంటి జాగ్రత్తలు తీసుకుంటే ఆరోగ్యం బాగుంటుంది.

అలానే ఆరోగ్యం బాగుండాలంటే మంచి నీళ్లని కూడా తాగుతూ ఉండాలి. శరీరంలో సుమారు 60 నుంచి 70 శాతం మేర నీరు ఉంటుంది. కనుక తగినంత నీరు తప్పని సరిగా తీసుకుంటూ ఉండాలి. అయితే నీళ్ళని తీసుకునేటప్పుడు చాలా మంది ఈ తప్పులు చేస్తూ ఉంటారు. మరి ఆ తప్పులు ఏమిటో తెలుసుకుంటే మీరు ఆ తప్పులు చేయకుండా ఉండచ్చు.

తగిన మోతాదులో నీళ్లు తీసుకోకపోవడం వల్ల ఇబ్బందులు వస్తాయి. కిడ్నీలో రాళ్ళు ఏర్పడడం, జీర్ణ వ్యవస్థ మందగించడం, మలబద్ధకం ఇలాంటి సమస్యలు ఎదుర్కోవలసి వస్తుంది. కనుక తప్పనిసరిగా అవసరమైనంత నీళ్లను తీసుకోండి.
అలానే భోజనానికి అరగంట ముందు నీళ్ళని తాగాలి. అలాగే భోజనం తిన్న అరగంట తర్వాత నీళ్లు తాగాలి. ఇలా చేయడం వల్ల ఆహారం బాగా జీర్ణం అవుతుంది. చాలా మంది కంగారుగా నించుని నీళ్లు తాగుతారు. అలా తాగడం నిజంగా తప్పు. కాబట్టి ఎప్పుడూ నీళ్లు తాగేటప్పుడు కూర్చుని తాగండి.

చల్లని నీళ్లు ఎప్పుడు తాగకూడదు. గోరువెచ్చని నీళ్లు కానీ రూమ్ టెంపరేచర్ లో ఉన్న నీళ్లను కానీ తాగాలి. చల్లని నీళ్లు తాగడం వల్ల రక్తనాళాల్లో సమస్యలు వస్తాయి. కాబట్టి చల్లని నీళ్లు తాగద్దు.
ఎప్పుడూ కూడా పెద్ద మొత్తంలో నీళ్లు తాగకూడదు. ఇలా తాగడం వల్ల జీర్ణ వ్యవస్థ పై ప్రభావం పడుతుంది.

తగిన మోతాదులో నీళ్లు తాగకపోతే మూత్రం పసుపు రంగులో వస్తుంది. కాబట్టి దానిని కూడా మీరు చూసుకుని నీళ్లు తాగండి.
దాహం వేసినప్పుడు మాత్రమే నీళ్లు తీసుకుంటూ ఉండాలి. ఎక్కువ పదేపదే నీళ్లు తీసుకోవడం వల్ల కూడా సమస్యలు వస్తాయి.

ఇటీవల టాప్ మ్యూజిక్ ఐకాన్ బప్పీలహరి అస్తమించడంతో భారత సినీ పరిశ్రమలో విషాదం నెలకొంది. బాలీవుడ్ లోనే కాదు.. టాలీవుడ్ లో కూడా ఆయన అలనాటి స్టార్ హీరోలు చిరు, బాలయ్య, కృష్ణ, మోహన్ బాబు వంటి వారికి బ్లాక్ బస్టర్ సాంగ్స్ అందించారు. అయితే.. అబ్ స్ట్రక్టివ్ స్లీప్ అప్నియానే కారణమని వైద్యులు తెలిపారు.

అసలు స్లీప్ అప్నియా అంటే ఏంటి..? ఎలాంటి లక్షణాలు ఉంటె స్లీప్ అప్నియాగా పరిగణిస్తామో ఇపుడు తెలుసుకుందాం. నిద్రలో ఉన్నపుడు శ్వాసని ఆగి ఆగి తీసుకోవడాన్ని స్లీప్ అప్నియాగా పరిగణిస్తాం.

స్లీప్ అప్నియాలోనే మూడు రకాలు ఉంటాయి. అవి అబ్ స్ట్రక్టివ్ స్లీప్​ అప్నియా, సెంట్రల్​ స్లీప్​ అప్నియా, కాంప్లెక్స్​ స్లీప్​ అప్నీయా. చాలా మంది స్లీప్ అప్నియా ను సాధారణంగా వచ్చే జబ్బే అనుకుంటూ ఉంటారు. ఇది ఎంత సాధారణమో అంత ప్రాణాంతకం కూడా. ఈ వ్యాధి వున్న వారు నిద్ర సమయంలో శ్వాస ఆడక ఇబ్బంది పడతారు.

ఆగి ఆగి శ్వాస తీసుకోవడం వల్ల మెదడు నిద్ర లేచి శ్వాస తీసుకోవాలి అంటూ సంకేతాలు పంపిస్తుంది. దీనితో వీరు సరిగా నిద్ర పోలేకపోతూ ఉంటారు. సాధారణంగా ఈ వ్యాధి ఉన్న వారికి నిద్రిస్తున్న సమయంలో శ్వాస తీసుకునే ఎగువ భాగంలో గాలి బ్లాక్ అయిపోతుంది. దీనితో గాలిని ఊపిరితిత్తులలోకి బలంగా పంపించాల్సి ఉంటుంది. ఆ సమయంలో ఛాతీకండరాలు బలంగా పని చేస్తుంటాయి. దీనితో ఎక్కువ శబ్దం చేస్తూ గాలి తీసుకుంటారు. పిల్లల నుంచి వృద్ధుల దాకా.. చాలా మందిని ఈ సమస్య ఇబ్బంది పెడుతుంది.

ఊబకాయం ఉన్న వారు ఎక్కువగా ఈ సమస్యతో బాధపడుతూ ఉంటారు. శ్వాస నాళ కండరాలు మూసుకు పోవడం వలన ఈ స్లీప్ అప్నియా సమస్య ఏర్పడుతుంది. ఈ సమస్య ఉన్న వారు పెద్దగా గురక పెడతారు. పగటిపూట ఎక్కువ నిద్రపోతుంటారు. ఉలిక్కి పడి నిద్ర లేవడం, ఊపిరి పీల్చుకోవడానికి ఇబ్బంది పడుతుండడం వంటివి చేస్తుంటారు. నిద్రలో మెలకువ వస్తుండడం వలన మతిమరుపు, చిరాకు, నిద్రమబ్బుతనం వంటివి అనిపిస్తూ ఉంటాయి. ఓవర్ వెయిట్ ఉన్నవారు, షుగర్ పేషంట్లు ఎక్కువగా దీనిబారిన పడుతుంటారు.

మనకి ఏదైనా చిన్న చిన్న అనారోగ్య సమస్యలు వచ్చినప్పుడు ఆర్ ఎం పి వైద్యుల వద్దకు వెళ్తూ ఉంటాం. వారు మనలని ప్రాధమికంగా పరీక్ష చేస్తారు. అలా చేసేటప్పుడు మన కళ్ళు, నాలుకని ముందుగా పరీక్షిస్తారు. మన శరీరంలో ఏదైనా ఇబ్బందులు ఉంటె మన నాలుకపై వచ్చిన తేడా ద్వారా అదేంటో గుర్తించవచ్చు.

అందుకే వైద్యులు ప్రాధమిక పరీక్షగా మన నాలుకని గమనిస్తారు. అయితే.. మన నాలుకని ఎలా పరీక్షిస్తే.. మనకి ఏ ఇబ్బంది ఉందొ ఇప్పుడు తెలుసుకుందాం. మన నాలుక రంగుని బట్టి మన అనారోగ్య సమస్య ఏంటో గుర్తించవచ్చు. అదెలానో ఇప్పుడు చూద్దాం.

మీ నాలుక లేత గులాబీ రంగులో ఉంటె మీరు పూర్తిగా ఆరోగ్యంగా ఉన్నారని అర్ధం. ఎక్కువగా బాధపడాల్సిన సమస్యలు మీకు లేవని అర్ధం. ఒకవేళ మీ నాలుక ఊదా రంగులోకి మారి కనిపించింది అంటే.. దాని అర్ధం మీకు రక్త ప్రసరణ సమస్యలు ఉన్నాయని అర్ధం. అంతే కాదు నాలుక ఊదా రంగులో కనిపిస్తే.. వారికి కొలెస్టిరాల్ స్థాయిలు కూడా అధికంగా ఉన్నాయని అర్ధం.

అదే మీ నాలుక పాలిపోయినట్లు కనిపిస్తే మీకు ఐరన్ లోపం ఉందని అర్ధం. ఐరన్ లోపం ఉంటె అది రక్తహీనత సమస్య. మీరు వెంటనే పోషకాలు ఉన్న ఆహారాన్ని తీసుకోవాలి. అదే మీ నాలుక ఎరుపు రంగులో పూసినట్లుగా ఉంటె విటమిన్ బి లోపం ఉందని అర్ధం. అలాగే చాలా మందిలో జ్వరం వచ్చినపుడు నాలుక ఎరుపు రంగులోకి మారుతుంది.

కొంతమంది ఎక్కువగా యాంటీ బయోటిక్ లను ఉపయోగిస్తూ ఉంటారు. వీరికి నాలుక నల్లగా మారి ఉంటుంది. కొంతమందికి నోటిలో ఎక్కువగా పుండ్లు ఏర్పడుతూ ఉంటాయి. ఇలా ఉంటె వీరికి రోగనిరోధక శక్తీ తక్కువగా ఉందని అర్ధం. ఇందుకోసం విటమిన్ సి ఎక్కువగా ఉండే ఆహారపదార్ధాలను తీసుకోవాల్సి ఉంటుంది. అయితే ఎక్కువ రోజుల పాటు నాలుకకు సంబంధించిన సమస్యలు ఇబ్బంది పెడుతుంటే వైద్యుడిని సంప్రదించాలి. ప్రతి రోజు ఉదయాన్నే బ్రష్ చేసుకున్నాక నాలుకని కూడా శుభ్రం చేసుకోవాలి.

బార్లీ గింజలు తెలియని వారెవ్వరూ ఉండరు. అయితే ఎక్కువగా ఈ గింజలను బీర్ తయారీలో ఉపయోగిస్తూ ఉంటారు. బహుశా అందుకే చాలా మంది వీటిని దూరం పెట్టేస్తూ ఉంటారేమో. కానీ ఈ గింజల వల్ల కలిగే ఫలితాలు ఏంటో తెలిస్తే అస్సలు వదిలిపెట్టరు. అవేంటో ఈ ఆర్టికల్ లో చూసేయండి.

బీర్ తయారీలో ఉపయోగిస్తారు కదా.. ఈ బార్లీ వాటర్ ని తాగితే మత్తు వస్తుందనుకుంటే పొరపాటే. దీనివల్ల అనేక ఫలితాలు ఉంటాయి. ఎన్నో అనారోగ్య సమస్యలకు చిటికలో పరిష్కారం లభిస్తుంది.

ఒక పాత్రను తీసుకుని అందులో నిండా నీరు పోసి ఓ గుప్పెడు బార్లీ గింజలను వేసి మరిగించాలి. ఈ గింజలు పూర్తిగా ఉడికి నీరు కొంచం రంగు మారుతుంది. అప్పుడు చల్లార్చుకుని, లేదా గొరు వెచ్చగా ఆ నీటిని తాగడం వలన అనేక ఆరోగ్య ఫలితాలు లభిస్తాయి. అవేంటో ఇప్పుడు తెలుసుకోండి.

#1. ఉదయాన్నే పరగడుపున బార్లీ నీటిని తాగితే శరీరంలోని వ్యర్ధ పదార్ధాలన్నీ మూత్ర విసర్జనలో బయటకి వెళ్లిపోతాయి. ఇది కోలన్ కాన్సర్ రాకుండా అరికడుతుంది.

#2. అలాగే వేడి చేసిన వారు బార్లీ నీటిని తాగడం వల్ల ఉపశమనం లభిస్తుంది.

#3. ఇందులో సహజ యాంటీ ఇంఫ్లామేటరీ గుణాలు ఉంటాయి. తద్వారా ఈ నీటిని తాగడం వలన కీళ్లు, మోకాళ్ళ నొప్పులు తగ్గుతాయి.

#4. గ్యాస్, అజీర్ణం, కడుపులో మంట, అసిడిటీ వంటి సమస్యలకు బార్లీ వాటర్ చిటికెలో పరిష్కారం చూపిస్తుంది.

#5. ఇందులో ఉండే పీచు పదార్ధం జీర్ణక్రియను మెరుగు పరుస్తుంది.

#6. మధుమేహం ఉన్న వారికి బార్లీ నీరు ఓ వరం అని చెప్పొచ్చు. ఎందుకంటే ఇది రక్తంలో చక్కర స్థాయిని తగ్గిస్తుంది.

#7. శరీరంలోని చెడు కొలెస్ట్రాల్ ను అదుపులో ఉంచి గుండె జబ్బులు రాకుండా చేస్తుంది. అలాగే బీపీ ని కూడా అదుపులో ఉంచుతుంది.

#8. ఇక గర్భంతో ఉన్న వారు కూడా ఈ బార్లీ వాటర్ ని తాగితే మూత్రాశయ సంబంధిత ఇబ్బందులు తొలగుతాయి.

#9. కిడ్నీలో రాళ్లు ఉన్న వారు కూడా క్రమం తప్పకుండా ఈ నీటిని తాగితే ఆ రాళ్లు తొలగిపోతాయి.

#10. బాలింతలు ఎక్కువగా ఈ బార్లీ నీటిని తాగితే వారికి పాలు బాగా పడతాయి. జీర్ణశక్తి కూడా బాగా పెరుగుతుంది.

#11. అలాగే బరువు తగ్గాలనుకునే వారికి బార్లీ వాటర్ మంచి ఛాయిస్. ఇందులో ఉండే పోషకాలు శరీర మెటబాలిజంని కూడా క్రమబద్ధీకరిస్తాయి. అయితే.. బరువు తగ్గాలనుకునే వారు ఉదయం, సాయంత్రం రెండు సార్లు బార్లీ వాటర్ ని తాగాల్సి ఉంటుంది.

ఆరోగ్యానికి మంచి చేసే ఆహారాల్లో వెల్లుల్లి ఒకటి. వెల్లుల్లి రోజు తీసుకోవడం వలన ఆరోగ్యానికి ఎంతో మంచి జరుగుతుంది. అందులోనూ కాల్చిన వెల్లుల్లి తీసుకోవడం వలన ఇంకా ప్రయోజనాలు ఉంటాయి. ఎన్నో సంవత్సరాల నుండి కాల్చిన వెల్లుల్లిని ఆయుర్వేదంలో ఉపయోగిస్తున్నారు. శరీరం బలహీనంగా ఉన్నవారు కాల్చిన వెల్లుల్లి తీసుకుంటే మంచి ఫలితాలు ఉంటాయి. ఇది రోగ నిరోధక శక్తిని పెంచుతుంది. అలాగే ఎన్నో వ్యాధులను దూరం చేస్తుంది. కాల్చిన వెల్లుల్లి తరచుగా తీసుకోవడం వలన బరువు తగ్గడమే కాకుండా మధుమేహం కూడా తగ్గుముఖం పడుతుంది. కాల్చిన వెల్లుల్లి వల్ల కొన్ని ప్రయోజనాలు ఏంటో ఇప్పుడు తెలుసుకుందాం.

# కాల్చిన వెల్లుల్లి తీసుకోవడం వలన వలన దగ్గు, జలుబు మన శరీరానికి దూరంగా ఉంటాయి. ఇందులో యాంటీ వైరల్, యాంటీ ఫంగల్, యాంటీ బయాటిక్ లక్షణాలు ఉంటాయి. ఫ్లూ వల్ల కలిగే వ్యాధుల నుండి కాల్చిన వెల్లుల్లి శరీరాన్ని కాపాడుతుంది.

# కాల్చిన వెల్లుల్లిని ఖాళీ కడుపుతో తినవచ్చు. ఇలా చేయడం వలన ఆ రోజు మొత్తం మీరు చురుకుగా ఉండటం మాత్రమే కాకుండా బలంగా తయారవుతారు. విటమిన్ సి, విటమిన్ బి 6, ఫాస్ఫరస్, మాంగనీస్, జింక్, ఇనుము, కాల్షియం శరీరానికి అందుతాయి. అంతే కాకుండా ప్రోటీన్ కూడా ఉంటాయి.

# వెల్లుల్లి మన శరీరంలోని చెడు అంశాలని బయటికి పంపిస్తుంది. రాత్రి పడుకునే ముందు కాల్చిన వెల్లుల్లి తీసుకోవడం ఇంకా మంచిది.

# వెల్లుల్లిలో టెస్టోస్టిరాన్ ఉంటుంది. దీనివల్ల పురుషులకి లైంగిక సమస్యలు తగ్గుతాయి.

# వెల్లుల్లిలో ఒమేగా-3 కొవ్వు ఆమ్లాలు ఉంటాయి. ఇవి గుండెకు చాలా ముఖ్యమైనవి. అందుకే కాల్చిన వెల్లుల్లి తీసుకోవడం వల్ల గుండె పోటు మాత్రమే కాకుండా, గుండెకి సంబంధించిన అనేక సమస్యలను దూరంగా ఉంచవచ్చు.

కాల్చిన వెల్లుల్లి తీసుకోవడం వల్ల కలిగే ఉపయోగాలు ఇవే. అందుకే ఎంత వీలుంటే అంత వెల్లుల్లిని మన రోజువారీ ఆహారంలో ఒక భాగంగా చేసుకోవాలి. అలాగే కాల్చిన వెల్లుల్లి కూడా క్రమం తప్పకుండా తీసుకుంటూ ఉండాలి.

ఈ మధ్య కాలంలో సులువుగా అనారోగ్య సమస్యలు వచ్చేస్తున్నాయి. చాలా మంది వివిధ రకాల అనారోగ్య సమస్యలతో సతమతమవుతున్నారు. అలానే కంటి చూపు సమస్యలు కూడా చాలా మందిలో ఉంటున్నాయి. అయితే మీరు కూడా కంటి సమస్యతో ఇబ్బంది పడుతుంటే ఈ విధంగా అనుసరించండి. అప్పుడు ఖచ్చితంగా ఆ సమస్య నుండి బయట పడడానికి అవుతుంది.

మనం తీసుకునే ఆహార పదార్థాలని బట్టి మన ఆరోగ్యం ఉంటుంది. మంచి ఆహార పదార్ధాలని తీసుకుంటే ఆరోగ్యం బాగుంటుంది. అలానే ఏ సమస్య లేకుండా హాయిగా ఉండచ్చు. సోంపు, నవోతు తీసుకోవడం వల్ల కంటి ఆరోగ్యం బాగుంటుంది. అలానే దృష్టి కూడా మెరుగుపడుతుంది.

సొంపులో యాంటీ ఆక్సిడెంట్లు, క్యాల్షియం, పొటాషియం, యాంటీ ఇన్ఫ్లమేటరీ గుణాలు, జింక్ సమృద్ధిగా ఉంటాయి. కనుక సోంపు, నవోతు తీసుకోవడం వల్ల కంటి సంబంధిత సమస్యలు తగ్గుతాయి.  నోటి దుర్వాసన కూడా తగ్గుతుంది. నవోతు లో కూడా శరీరానికి మేలు చేసే గుణాలు ఉంటాయి. బ్లడ్ తక్కువగా ఉన్నవాళ్లు సోంపు, నవోతు తీసుకుంటే హెమోగ్లోబిన్ లెవెల్స్ పెరుగుతాయి.

దీంతో రక్తహీనత సమస్య ఉండదు. తల తిరుగుతున్నా, నీరసంగా అనిపించినా కూడా సోంపు , నవోతు కలిపి తీసుకోండి. ఆహారం బాగా జీర్ణం కావడానికి కూడా ఇది సహాయపడుతుంది. తిన్నది బాగా జీర్ణం అవాలంటే సోంపు తిన్న తర్వాత నవోతు తినండి ఇలా ఈ రెండిట్లో ఇన్ని లాభాలు ఉన్నాయి కనుక ఈ క్రమంగా అనుసరించి ఆ సమస్యల నుంచి దూరంగా ఉండండి. దీనితో ఏ సమస్య లేకుండా హాయిగా ఉండచ్చు.

అన్ని సీజన్లలోనూ చలి కాలం చాలా బాగుంటుంది. కుండపోత వర్షాలుండవు, మండిపోయే ఎండలుండవు. శీతాకాలం లో వాతావరణం ఎంతో ఆహ్లదకరం గా ఉంటుంది. కానీ, చలి కాలం వచ్చిందంటే మాత్రం ఆరోగ్య సమస్యలు ఎదురవుతుంటాయి.

ఎక్కడ లేని సమస్యలు ఈ కాలం లోనే వస్తుంటాయి. సాధారణం గా వచ్చే జలుబు, దగ్గు, చర్మం పొడిబారడం వంటి సమస్యలు మామూలుగానే వస్తూ పోతూ ఉంటాయి. ఎక్కువగా ఎముకకు సంబంధించిన సమస్యలు కూడా వస్తుంటాయి.

అందుకే ఈ కాలం లో ప్రతిరోజు ఎముకకు సంబంధించిన ఆహరం తీసుకుంటే ఎముక బలంగా ఉంటుంది. అటువంటి ఆహార పదార్ధాల్లో అరటి పండు కూడా ఒకటి. నిమిషాల్లో ఎనర్జీ ని ఇచ్చేయడం, ఎక్కువ పోషకాలను కలిగి ఉండడం అరటిపండు ప్రత్యేకత. అరటిపండు తినడం ద్వారా రక్తహీనత నుంచి బయటపడచ్చట. అలాగే అరటిపండు శరీరం లోని చెడు కొలెస్టరాల్ ను నియంత్రిస్తుంది.

కొవ్వు పెరగకుండా చేసి గుండెను రక్షిస్తుంది. అలాగే ఎముకలను కూడా బలపరుస్తుంది. కాల్షియం లోపం వల్ల వచ్చే ఇబ్బందులను రోజుకో అరటిపండు తినడం ద్వారా ఎదుర్కోవచ్చు. మానసిక ఒత్తిడి కి గురి అవుతున్నవారికి కూడా ఇది ఎంతో మేలు చేస్తుంది. డిప్రెషన్ ను నివారిస్తుంది. అరటిపండు లో ఫైబర్ ఎక్కువ గా ఉంటుంది. ఇది జీర్ణాశయ వ్యవస్థ సక్రమం గా పని చేసేలా చేస్తుంది.

అలాగే.. ఇది తినడం వలన తొందరగా ఆకలి వేయదు. అయితే.. రాత్రి పూట మాత్రం అరటిపండుని తీసుకోకండి. ఎందుకంటే దీనివలన జలుబు, దగ్గు వచ్చే అవకాశం ఉంటుంది. గుండె జబ్బులు, కరోనరీ ఆర్టరీ వ్యాధుల నుంచి రక్షించడంలో అరటిపండు తోడ్పడుతుంది. ఏదైనా తీపి ఎక్కువగా తినాలి అని కోరిక కలిగినప్పుడు అరటిపండుని తినడం ఉత్తమం. తద్వారా మీరు ఆరోగ్యాన్ని కూడా కాపాడుకోగలుగుతారు.

జిమ్ కి వెళ్ళినప్పుడు, లేదంటే వ్యాయామం చేయడం పూర్తి అయ్యాక కూడా అరటిపండుని తీసుకుంటే వెంటనే ఎనర్జీ లభిస్తుంది. సాయంత్రం సమయాల్లో అరటిపండ్లు తినడం మంచిది. ఇందులో పొటాషియం ఎక్కువగా ఉంటుంది. కాబట్టి రోజంతా కష్టపడ్డాక.. సాయంత్రం సమయంలో అరటిపండు తీసుకుంటే కండరాలకు పొటాషియం అంది బలంగా ఉంటాయి. అలసట తగ్గి, నిద్ర కూడా బాగా వస్తుంది.

ఈ మధ్య కాలంలో అనారోగ్య సమస్యలు అందర్నీ బాధిస్తున్నాయి. ఇటువంటి సమయంలో చాలా జాగ్రత్తగా ఉండాలి. ముఖ్యంగా అనారోగ్య సమస్యలు తలెత్తకుండా ప్రతి ఒక్కరు కూడా ఆరోగ్యంపై శ్రద్ధ పెడితే మంచిది. ఆరోగ్యం బాగుండాలంటే ఆహారపు అలవాట్లలో మార్పు చేసుకోండి. మనం ఆరోగ్యకరమైన ఆహారం తీసుకుంటే మన ఆరోగ్యం కూడా చక్కగా ఉంటుంది.

ఈ సమయంలో శరీరానికి జీలకర్ర ఎంతో మేలు చేస్తుందని వైద్య నిపుణులు చెబుతున్నారు. అయితే జీలకర్ర వల్ల ఎలాంటి బెనిఫిట్స్ పొందొచ్చు అనేది ఇప్పుడు చూద్దాం. జీలకర్ర ఔషధంలా పని చేస్తుంది. ఒక టీ స్పూన్ జీలకర్రను గోరు వెచ్చని నీళ్లల్లో వేసి ఆ నీటిని మరిగించి ఉదయాన్నే ఖాళీ కడుపుతో దీనిని తీసుకోండి. ఇలా చేయడం వల్ల డయాబెటిస్ వంటి సమస్యలు రావు. షుగర్ లెవెల్స్ కూడా కంట్రోల్లో ఉంటాయి.

ఐరన్ లోపం ఉన్న వాళ్లు కూడా దీనిని తీసుకుంటే అద్భుతమైన ఫలితాలు పొందవచ్చు. జీలకర్రను తీసుకోవడం వల్ల రక్తహీనత సమస్య ఉండదు. జీలకర్ర లో రాగి, కాల్షియం, ఐరన్, పొటాషియం, మాంగనీస్, జింక్ సమృద్ధిగా ఉంటాయి. అంతే కాదండీ అధిక బరువుతో బాధపడే వాళ్ళు గోరువెచ్చని నీటిలో జీలకర్ర పొడి వేసుకుని తీసుకుంటే బరువు తగ్గొచ్చు.

కీళ్ల నొప్పులతో బాధపడే వాళ్లు కూడా ఇది ఉపశమనాన్ని ఇస్తుంది. ముఖ్యంగా కీళ్ల నొప్పులతో పెద్దవాళ్లు బాగా బాధపడుతూ ఉంటారు. అటువంటి వాళ్ళకు ఇది చక్కగా పని చేస్తుంది. ఎముకల్ని దృఢంగా ఉంచుతుంది. చూశారు కదా జీలకర్ర వల్ల ఎన్ని లాభాలు ఉన్నాయో.. మరి ఈ విధంగా మీరు అనుసరిస్తే ఈ సమస్యలన్నిటికీ చెక్ పెట్టొచ్చు. ఆరోగ్యంగా ఉండచ్చు.

సాధారణంగా మనం గమనించినట్లైతే కొందరికి కాలి బొటన వేలు దగ్గర వెంట్రుకలు ఉంటాయి. మీకు కూడా కాలి బొటనవేలుకి వెంట్రుకలు ఉన్నాయా…? ఒకసారి చెక్ చేసుకోండి. ఎందుకంటే దీనికి గుండె ఆరోగ్యానికి సంబంధం ఉంది. అదేంటి ఈ రెండిటికి మధ్య సంబంధం ఏమిటా అని ఆలోచిస్తున్నారా…? అయితే తప్పకుండా మీరు దీని కోసం తెలుసుకోవాలి.

మామూలుగా వెంట్రుకలు పెరగాలంటే తగిన పోషక పదార్ధాలు అందాలి. వెంట్రుకలు అనేవి చర్మం లోపల మొదలవుతాయి. ఇవి ఎదగడానికి రక్తం సహాయం అవసరం. మనం తీసుకునే ఆహారంలోని పోషకాలు రక్తంలో కలిసి వెంట్రుకల కుదుళ్ళకు చేరుతాయి. దీంతో వెంట్రుకలు ఏర్పడటం జరుగుతుంది. కణాలు నిర్మాణం అయ్యే కొద్దీ వెంట్రుకలు పెరుగుతూ వస్తాయి.

కాలి బొటనవేలుకి గుండెకి సంబంధం ఏమిటో తెలుసా…?

శరీరంలో మనకి వెంట్రుకలు మొలవడానికి తప్పకుండా ఆ ప్రదేశంలో రక్తం సరఫరా అవ్వాలి. కొందరికైతే కాలి బొటనవేలు పైన వెంట్రుకలు బాగా పెరుగుతాయి. కానీ మరి కొందరికి అసలు పెరగవు. కారణం ఏమిటంటే ఆ ప్రదేశంలో రక్తం సరఫరా అవ్వదు. రక్తం సరఫరా అవ్వక పోవడానికి కారణం రక్తాన్ని సరఫరా చేసే నాళాలైన ధమనుల్లో ఆటంకం ఏర్పడటం.. ఆహారం తినేటప్పుడు శరీరంలో ఎంతో కొంత కొవ్వు పేరుకుపోతుంది.

ఇలా పేరుకుపోయే కొవ్వు ముందుగా ధమనుల్లో చేరుతుంది. కొవ్వు ఎక్కువ పేరుకుపోతే రక్తం సరఫరా అవ్వదు. దీంతో వెంట్రుకలు పెరగడం జరగదు. మరి కొందరికి మనం గమనించినట్లైతే తల మరియు చేతుల పైన కూడా వెంట్రుకలు ఉండవు. వాళ్లకి గుండె జబ్బులు రావా అనేది చూస్తే తల భాగం, చేతులు గుండెకు దగ్గరగా ఉంటాయి. అయితే గుండెకి కాలి బొటనవేలు మాత్రం చాలా దూరంగా ఉంటుంది. అందుకే మనం దానిని లెక్కలోకి తీసుకోవాలి. కాలి బొటనవేలు పై వెంట్రుకలు బాగా పెరిగితే రక్తం సరఫరా బాగా ఉన్నట్లు. అంటే ఆరోగ్యంగా ఉన్నట్టే. దీంతో గుండెజబ్బులు వచ్చే అవకాశం తక్కువగా ఉంటుంది.