Health Adda

మనలో ఎక్కువ మంది కుటుంబ సభ్యులు ఉన్న ఇళ్లల్లో రాత్రి పూట కచ్చితం గా ఎంతో కొంత అన్నం మిగిలిపోతూ ఉంటుంది. మరీ కొంచం ఐతే పర్లేదు ఎవరికైనా ఇచ్చేస్తాం.. కానీ.. చాలా ఎక్కువ ఉండిపోయినపుడు.. దానిని మరుసటి రోజు తింటూ ఉంటాం. సద్ది అన్నం తినడం మంచిదే అయినా.. దానిని గది ఉష్ణోగ్రతలో ఎక్కువ సేపు ఉంచడం మంచిది కాదు.

అన్నం వండిన రెండు మూడు గంటలలోపు తినేయడం ఉత్తమం. ఒకవేళ అలా కుదరకపోతే ఆ అన్నాన్ని ఫ్రిడ్జ్ లో ఉంచేసుకుని మరుసటి రోజు తినవచ్చు. గది ఉష్ణోగ్రత లో ఎక్కువ సేపు అన్నాన్ని ఉంచడం వలన బాక్టీరియా చేరుతుంది. అలాగే.. వేడి గా అన్నం తినాలని అనుకుంటే.. ఒకసారి వేడి చేసుకుని తింటే పరవాలేదు. మళ్ళీ మళ్ళీ వేడి చేసుకుని తినడం కూడా అంత ఆరోగ్యకరం కాదు.

ప్రస్తుత కాలంలో వయసుతో సంబంధం లేకుండా చాలామంది హార్ట్ ఎటాక్, బ్రెయిన్ స్ట్రోక్ తో మరణిస్తున్నారు. చిన్న వయసులోనే గుండె పోటు వచ్చి చనిపోయే వారి సంఖ్య రోజురోజుకీ పెరుగుతుంది. గుండెపోటు కి అనేక కారణాలు ఉన్నప్పటికీ వాటిలో ప్రధానమైన కారణం రక్తం చిక్కబడటం, రక్తనాళాలు గడ్డ కట్టడం.

రక్తం చెక్కభజన ద్వారా హార్ట్ ఎటాక్  వచ్చే అవకాశాలు బాగా ఎక్కువ ఉన్నాయి. అయితే రక్తం గడ్డ కట్టడం చిక్కబడటం వంటి సమస్యలు ఉన్నవారు కొన్ని ఆహార పదార్థాల ద్వారా రక్తాన్ని పలుచబరుచుకోవచ్చు. ఏ ఆహార పదార్థాలు తింటే రక్తం పలుచబడుతుందో ఇప్పుడు తెలుసుకుందాం…!

1.అల్లం:

ఆయుర్వేదంలో అల్లానికి అధిక ప్రాధాన్యత ఉంది.ఇది జింజెరోల్స్ అనే సహజ శోథ నిరోధక సమ్మేళనాలుంటాయి. జింజెరోల్స్ వల్ల ప్లేట్లెట్ సమీకరణ తగ్గుతుంది. తద్వారా రక్తం పలుచబడుతుంది. రక్త ప్రసరణ ఆరోగ్యకరంగా ఉంటుంది.

2.పసుపు:

పసుపు నీ యాంటీబయోటిక్ గా వాడుతారు. భారతీయ వంటకాల్లో తప్పనిసరిగా వేసే పదార్థం పసుపు. ఇందులో కర్కుమిన్ అనే ముఖ్యమైన మూలకం ఉంటుంది. కర్కుమిన్‌లో యాంటీఆక్సిడెంట్, యాంటీ ఇన్ఫ్లమేటరీ లక్షణాలుంటాయి. దీనివల్ల రక్తంలో గడ్డలు ఏర్పడకుండా శరీరంలో రక్తప్రసరణ కూడా బాగుంటుంది.

3.విటమిన్ c:

విటమిన్ సి ఉండే ఆహార పదార్థాలు తీసుకోవడం వల్ల మన్న శరీరానికి చాలా ఉపయోగాలు ఉంటాయి. అందువల్ల నారింజ, నిమ్మకాయలు, ద్రాక్ష, కివి వంటి సిట్రస్ పండ్లను క్రమం తప్పకుండా తీసుకోవాలి. ఈ పండ్లలో విటమిన్ సితో పాటు బయోఫ్లవనాయిడ్స్ కూడా పుష్కలంగా ఉంటాయి. ఈ రెండూ శరీరంలోని కణాల గోడలను బలోపేతం చేస్తాయి. రక్తప్రసరణ సాఫీగా సాగుతుంది.

4.గ్రీన్ టీ:

ఈమధ్య చాలామంది ఎక్కువగా గ్రీన్ టీ తాగుతున్నారు.గ్రీన్ టీలో యాంటీ ఇన్ఫ్లమేటరీ, యాంటీఆక్సిడెంట్ లక్షణాలు ఉన్నాయి. ఇందులో ఉండే కాటెచిన్ అనే మూలకం రక్తాన్ని పలుచగా చేసి అందులో గడ్డలు ఏర్పడకుండా నివారిస్తుంది. రక్తాన్ని గడ్డకట్టించే ప్రధాన ప్రోటీన్లైన ఫైబ్రినోజెన్, థ్రాంబిన్లను కాటెచిన్స్ నిరోధిస్తాయి. గ్రీన్ టీ క్రమం తప్పకుండా తీసుకోవడం వల్ల కణాలలో రక్త ప్రవాహం కూడా మెరుగుపడుతుంది.

ముఖ్యంగా ఈ పదార్థాలు తీసుకోవడం ద్వారా రక్తం పలుచబడుతుందని వైద్య నిపుణులు చెబుతున్నారు.

భారతదేశంలో రోజురోజుకీ పెరిగిపోతున్న వ్యాధుల్లో డయాబెటిస్ ఒకటి. వయసుతో సంబంధం లేకుండా చిన్నవారి నుండి పెద్దవారి వరకు డయాబెటిస్ వచ్చేస్తుంది. ఇప్పటివరకు భారతదేశంలో సగటును 10 కోట్ల మంది ఈ వ్యాధితో బాధపడుతున్నారు. కొంతమందికి వంశపారపర్యంగా వస్తుంటే మరి కొంతమందికి ఆహారాలవాట్లు వల్ల వస్తుంది. ఈ వ్యాధి సోకిన వారు ఆహారం నియమాలను ఖచ్చితంగా మార్చుకోవాలి. అయితే డయాబెటిస్ సోకినవారు మద్యం తాగవచ్చా? తాగితే ఏమవుతుంది అనేది ఇప్పుడు తెలుసుకుందాం…!

డయాబెటిస్ ఉన్నవారు అధికంగా మద్యం తీసుకుంటే కిడ్నీలు ఫెయిల్ అయ్యే అవకాశం ఉంది. అంతేకాకుండా మరిన్ని అనారోగ్య సమస్యలు వస్తాయి.అందుచేత ఈ రోగం ఉన్నవారు ఆహార నియమాలతో పాటు పానీయాలకు కూడా దూరంగా ఉండాలి. మద్యం ఎక్కువగా తాగే వాళ్లకు కూడా డయాబెటిస్ సోకుతుంది. ఒకవేళ ముందుగానే డయాబెటిస్ ఉంటే మద్యానికి దూరంగా ఉండాలి.
ఈ సమస్యను వారిలో నాడీ కణాలను దెబ్బతింటాయి. ఒకవేళ మద్యం తాగడం ఎక్కువైతే అది మరింత వేగంగా దెబ్బతినే అవకాశం ఉంది.

ఒకవేళ అనుకోని పరిస్థితుల్లో మద్యం తాగాల్సి వస్తే తర్వాత కొద్దిసేపటికి నిండుగా భోజనం చేసి తర్వాత షుగర్ టాబ్లెట్లు వేసుకోవాలి. ఒకవేళ తాగిన తర్వాత తినకుండా మందులు వేసుకుంటే ఇవి కొత్త సమస్యలు తీసుకొచ్చే అవకాశం ఉందని చెబుతున్నారు. కాబట్టి డయాబెటిస్ ఉన్నవారు మద్యానికి దూరంగా ఉండటమే మంచిది.

నిద్ర సుఖమెరుగదు అంటుంటారు కానీ.. కొంచమైనా సుఖం గా నిద్రపట్టకపోతే తెల్లారి పనులన్నీ అన్యమస్కం గా చేస్తుంటాము. ఆరోగ్యకరం గా పనులు చక్కదిద్దుకోవాలంటే.. ముందు రోజు రాత్రి హాయిగా నిద్రపోవాలి.చాలా మంది కలత నిద్రపోతూ ఉంటారు. పడుకున్నట్లే ఉంటారు కానీ.. గాఢం గా నిద్రపోలేరు. ఫలితం గా రోజంతా అలసటను ఫీల్ అవుతూ ఉంటారు. సరైన పొజిషన్ లో పడుకుంటేనే నిద్ర హాయిగా పడుతుంది. అయితే కొందరు వైద్య నిపుణులు చెబుతున్న ప్రకారం ఎడమ వైపు తిరిగి పడుకుంటే ఆరోగ్య రీత్యా చాలా మంచిదట.

చాలా మంది ఈ మధ్య కాలంలో చాలా సమయం స్మార్ట్ ఫోన్లను వినియోగిస్తున్నారు. పొద్దున్న లేచిన దగ్గర నుండి రాత్రి పడుకునేవరకు స్మార్ట్ ఫోన్లను వాడుతూనే ఉన్నారు. వెబ్ షోలు, ఓటీటీలో సినిమాలు, సోషల్ మీడియా వంటి వాటి కోసం మొబైల్స్ నే ఎక్కువగా వాడుతున్నారు. పడుకునే ముందు మొబైల్ చూడడం ప్రమాదకరం అని ఒక పరిశోధనలో తేలింది. ఆ పరిశోధనలో నిద్రపోయే ముందు స్మార్ట్ ఫోన్ ఉపయోగించడం వల్ల కలిగే సమస్యల గురించి వెల్లడించారు.

రాత్రిపూట చాలామంది నిద్రలేమి సమస్యతో బాధపడుతూ ఉంటారు. అటువంటి వారు నిద్రలేమి సమస్యలు కలగకుండా పలు జాగ్రత్తలు తీసుకోవాలి. మీరు నిద్రపోయే ముందు స్క్రీన్లకు దూరంగా ఉండండి. టీవీ ఫోన్ల వల్ల వచ్చే లైట్స్ వలన నిద్ర లేని సమస్యలు కలగవచ్చు. కనుక ఎప్పుడూ కూడా నిద్రపోయే ముందు వీటికి దూరంగా ఉండాలి. మీ గదిని ప్రశాంతంగా ఉంచుకోండి. మంచిగా నిద్ర పట్టేలా ఉంచుకోండి. మీ గది మీ నిద్రను ఎఫెక్ట్ చేయొచ్చు. మంచి మ్యూజిక్ వినడం వల్ల నిద్ర బాగా పడుతుంది. కాబట్టి ప్రశాంతకరమైన మ్యూజిక్ ని వింటే మంచిది.

బిడ్డకు జన్మనివ్వడం అనేది జీవితంలో అమూల్యమైనది. అయితే గర్భిణీలు తొమ్మిది నెలలు కూడా ఎంతో జాగ్రత్తగా ఉండాలి. ఆరోగ్యానికి మేలు చేసే ఆహార పదార్థాలను తీసుకోవడం, డాక్టర్లు చెప్పినట్లు అనుసరించడం చాలా ముఖ్యం.అయితే తల్లి, బిడ్డ ఇద్దరూ డెలివరీ తర్వాత క్షేమంగా ఉంటే ఎలాంటి అనారోగ్య సమస్యలు లేనట్టే అని డాక్టర్లు అంటున్నారు.

గర్భిణీలు బీపీ, షుగర్, రక్తహీనత వంటి సమస్యలు లేకుండా చూసుకోవాలి. అలానే కార్బోహైడ్రేట్ మాత్రమే కాకుండా ప్రోటీన్స్ మొదలైన పదార్థాలను కూడా డైట్ లో తీసుకోవాలి.

పప్పులు, చికెన్, చేప, పండ్లు, డ్రై ఫ్రూట్స్ వంటివి తగు మోతాదులో తీసుకోవడం గర్భిణీలకు చాలా అవసరం. మైదా, అన్నం, కూల్ డ్రింక్స్, పంచదార, జ్యూస్లు వంటి వాటి వల్ల ఎలాంటి ప్రయోజనం లేదు. అలానే బయట తీసుకునే ఆహారంలో ప్రిజర్వేటివ్స్ వంటివి ఎక్కువగా ఉంటాయి. కాబట్టి వాటిని కూడా ఎవరు డైట్ లో తీసుకోకండి.

మూడో నెల దాటిన తర్వాత గర్భిణీలు యోగా, వ్యాయామ పద్ధతులు పాటించడం వల్ల నార్మల్ డెలివరీ అవుతుంది. అలానే వీటితో పాటుగా మానసికంగా గర్భిణీలు దృఢంగా ఉండాలి. మరొకరి డెలివరీ గురించి చూసి భయపడకూడదు. ఇలా తగినన్ని జాగ్రత్తలు గర్భిణీలు తీసుకుంటే తప్పకుండా ఆరోగ్యంగా, సురక్షితంగా ఉండొచ్చు.

పరోటా… చిన్న పిల్లల దగ్గర నుండి పెద్దవారి వరకు చాలా ఇష్టంగా తింటూ ఉంటారు. అయితే మైదాపిండితో చేసిన ఈ పరోటాలను తినడం ప్రమాదం అని ఆరోగ్య నిపుణులు చెబుతున్నారు. తిన్న ఆహారం డైజెషన్ కావాలి అంటే ఆ ఆహారంలో పీచు పదార్థం తప్పనిసరిగా కొంచెం అయిన ఉండాలి. కానీ మైదాపిండిలో పీచు పదార్థం ఉండదు. అందువల్ల మైదాతో చేసిన పరోటాను జీర్ణం చేయాలంటే జీర్ణాశయం చాలా కష్ట పడాల్సి వస్తుంది. అది జీర్ణం కాకపోతే ఆరోగ్య సమస్యలు వస్తాయి. మరి పరోటా తినడం వల్ల ఏం జరుగుతుందో ఇప్పుడు చూద్దాం.

మైదా సరిగ్గా జీర్ణం కాకుండా పేగులకి పట్టుకుంటుంది. అక్కడ సూక్ష్మ క్రిములు ఉత్పత్తి అయ్యి, పేగులలో ఇన్ఫెక్షన్లు వస్తాయి. అంతేకాకుండా కిడ్నీలో రాళ్లు ఏర్పడుతాయి. గుండె జబ్బులు వచ్చే అవకాశాలు ఎక్కువగా ఉంటాయి. పరోటా తినే మాహిళల్లో రొమ్ము క్యాన్సర్ వచ్చే అవకాశం ఉంటుంది. మైదాలో పిండి పదార్థం మాత్రమే ఉండడం వల్ల పొట్ట కూడా వస్తుంది. మైదాపిండితో చేసిన పరోటా తినడం వల్ల శరీరంలో బ్లడ్ షుగర్ లెవల్స్ పెరిగే ప్రమాదం కూడా ఉంది. అలా పెరగడం వల్ల అధిక రక్తపోటు లాంటి ఆరోగ్య సమస్యలు వస్తాయి.

శరీరం మొత్తం లో ప్రతి అవయవం కీలకమైనది. అయితే, పాదాలు మరింత ముఖ్యమైనవి. శరీరం బరువు మొత్తం అవే మోస్తాయి. అందుకే మనం పాదాలను ఎప్పుడు పరిరక్షించుకోవాలి. వాటికి ఇవ్వాల్సిన ప్రాధాన్యతను వాటికి ఇచ్చి శుభ్రం గా ఆరోగ్యం గా ఉండేవిధం గా చూసుకోవాలి. అయితే ఫ్యాషన్ కోసం హై హీల్స్ వేసుకోవడం, ఎక్కువ సేపు నిలబడే పనులు చేసుకోవాల్సి రావడం వంటి కారణాలతో పాదాలపై ఒత్తిడి పడుతోంది.

వీటి వలన చాలా మందికి అరికాలి లో మంటలు, పాదాల నొప్పులు వస్తుంటాయి. వీటిని తగ్గించుకోవడం కోసం స్ప్రే , పెయిన్ కిల్లర్ వంటి వాటిని వాడి మరిన్ని ఇబ్బందుల్ని కొని తెచ్చుకుంటున్నారు. ఇక పై ఇలా చేయకుండా..ఓ చిట్కా ను పాటించండి.మీ పాదాలకు టేప్ వేసుకుని పడుకోండి. అయితే, సాధారణం గా వినియోగించే టేప్ ను కాకుండా రిజిడ్ స్పోర్ట్స్ టేప్ అని షాప్ లో ఓ టేప్ దొరుకుతుంది. దీనిని రాత్రి పూట మీ కాలి వేళ్ళకు వేసుకుని పడుకోండి.

ఈ టేప్ 8 ఎం.ఎం మందంతో చాలా స్టిఫ్ గా ఉంటుంది. మీ కాలి చూపుడు వేలు, మధ్య వేలును దగ్గరగా జరిపి ఈ ప్లాస్టర్ ను వేయాలి. రాత్రంతా అలా ఉంచేసి మీరు నిద్రపోండి. తిరిగి ఉదయాన్నే ఈ ప్లాస్టర్ ను తీసివేయండి. దీనివలన చాలా రిలీఫ్ గా ఉంటుంది. మనం నడిచే సమయం లో పాదాలపై ఒత్తిడి పడి నొప్పులు వస్తుంటాయి. ఇలా వేయడం వలన నొప్పులు తగ్గుతాయి. అలాగే పాదాలకు ఏమైనా స్వల్ప గాయాలు అయినా.. అవి మానడానికి ఈ ప్రక్రియ ఉపయోగపడుతుంది.

అలాగే అవుట్ డోర్ గేమ్స్ ఆడుతున్న సమయం లో కూడా ఇలా ప్లాస్టర్ ను వేయడం వలన మీ పాదాలపై ఒత్తిడి పడకుండా ఉంటుంది. అయితే, టేపింగ్ చేయడం వలన మీ పాదాలపై దురద లేక ఎర్ర గా అవడం వంటి లక్షణాలు ఉంటె మీరు వైద్యుడిని కలవడం మంచిది.

చాలామంది ఎన్నో రకాల సమస్యలతో బాధపడుతూ ఉంటారు. ఎక్కువ మంది ఎదుర్కొనే వాటిలో కిడ్నీ సమస్యలు కూడా ఒకటి. కిడ్నీ సమస్యలు దరిచేరకుండా ఉండాలంటే జాగ్రత్తగా ఉండాలి. లేదంటే అనవసరంగా కిడ్నీ సమస్యలతో సతమతమవుతూ ఉండాల్సి వస్తుంది. కిడ్నీ సమస్యలు కాలేయ సమస్యలతో బాధపడే వాళ్ళలో యూరిక్ యాసిడ్ చాలా కీలక పాత్ర పోషిస్తుంది.

సరైన చికిత్స ద్వారా యూరిక్ యాసిడ్ స్థాయిని పూర్తిగా కంట్రోల్ చేసేందుకు అవుతుంది. ఉన్నదానికంటే యూరిక్ యాసిడ్ ఎక్కువగా ఉంటే కిడ్నీ సమస్యలు రావచ్చు. అయితే మాంసాహార కి యూరిక్ యాసిడ్ కి మధ్య లింక్ ఉందట ఆ విషయాల గురించి ఇప్పుడు తెలుసుకుందాం.

మాంసాహారానికి యూరిక్ యాసిడ్ కి మధ్య సంబంధం ఏమిటి..?

మాంసాహారం తినే వాళ్ళలో యూరిక్ యాసిడ్ పెరిగే అవకాశం ఉంది. ప్రోటీన్స్ ఎక్కువగా ఉండే ఆహార పదార్థాలను తీసుకుంటే యూరిక్ యాసిడ్ పెరుగుతుంది. కాబట్టి ఈ విషయం పై జాగ్రత్తగా శ్రద్ధ పెట్టాలి. కిడ్నీ సమస్యలు వచ్చినా సరే యూరిక్ యాసిడ్ పెరుగుతూ ఉంటుంది.

అసలు యూరిక్ యాసిడ్ ఎంత ఉండాలి..?

యూరిక్ యాసిడ్ ఎంత ఉండాలి అనే విషయానికి వస్తే.. పురుషులలో 4 నుండి 6.5 mg/dl వరకు ఉండొచ్చు. స్త్రీలలో అయితే 3.5 నుండి 6 mg/dl ఉండాలి.

యూరిక్ యాసిడ్ పెరిగిందా లేదా అనేది ఎలా చెక్ చేయాలి..?

యూరిక్ యాసిడ్ లెవెల్స్ ని చెప్పేందుకు ఎటువంటి లక్షణాలు కనపడవు. కేవలం బ్లడ్ టెస్ట్ ద్వారానే మనం కనుగొనడానికి అవుతుంది.

యూరిక్ యాసిడ్ లిమిట్ దాటిందంటే మాంసాహారం తినకూడదా..?

#1. యూరిక్ యాసిడ్ స్థాయిలు పెరుగుతూ ఉన్నట్లయితే రెడ్ మీట్ కి నాన్ వెజ్ కి దూరంగా ఉండాలి.
#2. ప్రోటీన్లు ఎక్కువగా ఉండే ఆహార పదార్థాలను కూడా తీసుకోకూడదు.
#3. శారీరిక శ్రమ వ్యాయామం వలన కూడా యూరిక్ యాసిడ్ లెవెల్స్ పెరిగిపోకుండా చూసుకోవచ్చు ఇలా ఈ జాగ్రత్తలు తీసుకుంటే మంచిది.