Health Adda

బిడ్డకు జన్మనివ్వడం అనేది జీవితంలో అమూల్యమైనది. అయితే గర్భిణీలు తొమ్మిది నెలలు కూడా ఎంతో జాగ్రత్తగా ఉండాలి. ఆరోగ్యానికి మేలు చేసే ఆహార పదార్థాలను తీసుకోవడం, డాక్టర్లు చెప్పినట్లు అనుసరించడం చాలా ముఖ్యం.అయితే తల్లి, బిడ్డ ఇద్దరూ డెలివరీ తర్వాత క్షేమంగా ఉంటే ఎలాంటి అనారోగ్య సమస్యలు లేనట్టే అని డాక్టర్లు అంటున్నారు.

గర్భిణీలు బీపీ, షుగర్, రక్తహీనత వంటి సమస్యలు లేకుండా చూసుకోవాలి. అలానే కార్బోహైడ్రేట్ మాత్రమే కాకుండా ప్రోటీన్స్ మొదలైన పదార్థాలను కూడా డైట్ లో తీసుకోవాలి.

పప్పులు, చికెన్, చేప, పండ్లు, డ్రై ఫ్రూట్స్ వంటివి తగు మోతాదులో తీసుకోవడం గర్భిణీలకు చాలా అవసరం. మైదా, అన్నం, కూల్ డ్రింక్స్, పంచదార, జ్యూస్లు వంటి వాటి వల్ల ఎలాంటి ప్రయోజనం లేదు. అలానే బయట తీసుకునే ఆహారంలో ప్రిజర్వేటివ్స్ వంటివి ఎక్కువగా ఉంటాయి. కాబట్టి వాటిని కూడా ఎవరు డైట్ లో తీసుకోకండి.

మూడో నెల దాటిన తర్వాత గర్భిణీలు యోగా, వ్యాయామ పద్ధతులు పాటించడం వల్ల నార్మల్ డెలివరీ అవుతుంది. అలానే వీటితో పాటుగా మానసికంగా గర్భిణీలు దృఢంగా ఉండాలి. మరొకరి డెలివరీ గురించి చూసి భయపడకూడదు. ఇలా తగినన్ని జాగ్రత్తలు గర్భిణీలు తీసుకుంటే తప్పకుండా ఆరోగ్యంగా, సురక్షితంగా ఉండొచ్చు.

పరోటా… చిన్న పిల్లల దగ్గర నుండి పెద్దవారి వరకు చాలా ఇష్టంగా తింటూ ఉంటారు. అయితే మైదాపిండితో చేసిన ఈ పరోటాలను తినడం ప్రమాదం అని ఆరోగ్య నిపుణులు చెబుతున్నారు. తిన్న ఆహారం డైజెషన్ కావాలి అంటే ఆ ఆహారంలో పీచు పదార్థం తప్పనిసరిగా కొంచెం అయిన ఉండాలి. కానీ మైదాపిండిలో పీచు పదార్థం ఉండదు. అందువల్ల మైదాతో చేసిన పరోటాను జీర్ణం చేయాలంటే జీర్ణాశయం చాలా కష్ట పడాల్సి వస్తుంది. అది జీర్ణం కాకపోతే ఆరోగ్య సమస్యలు వస్తాయి. మరి పరోటా తినడం వల్ల ఏం జరుగుతుందో ఇప్పుడు చూద్దాం.

మైదా సరిగ్గా జీర్ణం కాకుండా పేగులకి పట్టుకుంటుంది. అక్కడ సూక్ష్మ క్రిములు ఉత్పత్తి అయ్యి, పేగులలో ఇన్ఫెక్షన్లు వస్తాయి. అంతేకాకుండా కిడ్నీలో రాళ్లు ఏర్పడుతాయి. గుండె జబ్బులు వచ్చే అవకాశాలు ఎక్కువగా ఉంటాయి. పరోటా తినే మాహిళల్లో రొమ్ము క్యాన్సర్ వచ్చే అవకాశం ఉంటుంది. మైదాలో పిండి పదార్థం మాత్రమే ఉండడం వల్ల పొట్ట కూడా వస్తుంది. మైదాపిండితో చేసిన పరోటా తినడం వల్ల శరీరంలో బ్లడ్ షుగర్ లెవల్స్ పెరిగే ప్రమాదం కూడా ఉంది. అలా పెరగడం వల్ల అధిక రక్తపోటు లాంటి ఆరోగ్య సమస్యలు వస్తాయి.

శరీరం మొత్తం లో ప్రతి అవయవం కీలకమైనది. అయితే, పాదాలు మరింత ముఖ్యమైనవి. శరీరం బరువు మొత్తం అవే మోస్తాయి. అందుకే మనం పాదాలను ఎప్పుడు పరిరక్షించుకోవాలి. వాటికి ఇవ్వాల్సిన ప్రాధాన్యతను వాటికి ఇచ్చి శుభ్రం గా ఆరోగ్యం గా ఉండేవిధం గా చూసుకోవాలి. అయితే ఫ్యాషన్ కోసం హై హీల్స్ వేసుకోవడం, ఎక్కువ సేపు నిలబడే పనులు చేసుకోవాల్సి రావడం వంటి కారణాలతో పాదాలపై ఒత్తిడి పడుతోంది.

వీటి వలన చాలా మందికి అరికాలి లో మంటలు, పాదాల నొప్పులు వస్తుంటాయి. వీటిని తగ్గించుకోవడం కోసం స్ప్రే , పెయిన్ కిల్లర్ వంటి వాటిని వాడి మరిన్ని ఇబ్బందుల్ని కొని తెచ్చుకుంటున్నారు. ఇక పై ఇలా చేయకుండా..ఓ చిట్కా ను పాటించండి.మీ పాదాలకు టేప్ వేసుకుని పడుకోండి. అయితే, సాధారణం గా వినియోగించే టేప్ ను కాకుండా రిజిడ్ స్పోర్ట్స్ టేప్ అని షాప్ లో ఓ టేప్ దొరుకుతుంది. దీనిని రాత్రి పూట మీ కాలి వేళ్ళకు వేసుకుని పడుకోండి.

ఈ టేప్ 8 ఎం.ఎం మందంతో చాలా స్టిఫ్ గా ఉంటుంది. మీ కాలి చూపుడు వేలు, మధ్య వేలును దగ్గరగా జరిపి ఈ ప్లాస్టర్ ను వేయాలి. రాత్రంతా అలా ఉంచేసి మీరు నిద్రపోండి. తిరిగి ఉదయాన్నే ఈ ప్లాస్టర్ ను తీసివేయండి. దీనివలన చాలా రిలీఫ్ గా ఉంటుంది. మనం నడిచే సమయం లో పాదాలపై ఒత్తిడి పడి నొప్పులు వస్తుంటాయి. ఇలా వేయడం వలన నొప్పులు తగ్గుతాయి. అలాగే పాదాలకు ఏమైనా స్వల్ప గాయాలు అయినా.. అవి మానడానికి ఈ ప్రక్రియ ఉపయోగపడుతుంది.

అలాగే అవుట్ డోర్ గేమ్స్ ఆడుతున్న సమయం లో కూడా ఇలా ప్లాస్టర్ ను వేయడం వలన మీ పాదాలపై ఒత్తిడి పడకుండా ఉంటుంది. అయితే, టేపింగ్ చేయడం వలన మీ పాదాలపై దురద లేక ఎర్ర గా అవడం వంటి లక్షణాలు ఉంటె మీరు వైద్యుడిని కలవడం మంచిది.

చాలామంది ఎన్నో రకాల సమస్యలతో బాధపడుతూ ఉంటారు. ఎక్కువ మంది ఎదుర్కొనే వాటిలో కిడ్నీ సమస్యలు కూడా ఒకటి. కిడ్నీ సమస్యలు దరిచేరకుండా ఉండాలంటే జాగ్రత్తగా ఉండాలి. లేదంటే అనవసరంగా కిడ్నీ సమస్యలతో సతమతమవుతూ ఉండాల్సి వస్తుంది. కిడ్నీ సమస్యలు కాలేయ సమస్యలతో బాధపడే వాళ్ళలో యూరిక్ యాసిడ్ చాలా కీలక పాత్ర పోషిస్తుంది.

సరైన చికిత్స ద్వారా యూరిక్ యాసిడ్ స్థాయిని పూర్తిగా కంట్రోల్ చేసేందుకు అవుతుంది. ఉన్నదానికంటే యూరిక్ యాసిడ్ ఎక్కువగా ఉంటే కిడ్నీ సమస్యలు రావచ్చు. అయితే మాంసాహార కి యూరిక్ యాసిడ్ కి మధ్య లింక్ ఉందట ఆ విషయాల గురించి ఇప్పుడు తెలుసుకుందాం.

మాంసాహారానికి యూరిక్ యాసిడ్ కి మధ్య సంబంధం ఏమిటి..?

మాంసాహారం తినే వాళ్ళలో యూరిక్ యాసిడ్ పెరిగే అవకాశం ఉంది. ప్రోటీన్స్ ఎక్కువగా ఉండే ఆహార పదార్థాలను తీసుకుంటే యూరిక్ యాసిడ్ పెరుగుతుంది. కాబట్టి ఈ విషయం పై జాగ్రత్తగా శ్రద్ధ పెట్టాలి. కిడ్నీ సమస్యలు వచ్చినా సరే యూరిక్ యాసిడ్ పెరుగుతూ ఉంటుంది.

అసలు యూరిక్ యాసిడ్ ఎంత ఉండాలి..?

యూరిక్ యాసిడ్ ఎంత ఉండాలి అనే విషయానికి వస్తే.. పురుషులలో 4 నుండి 6.5 mg/dl వరకు ఉండొచ్చు. స్త్రీలలో అయితే 3.5 నుండి 6 mg/dl ఉండాలి.

యూరిక్ యాసిడ్ పెరిగిందా లేదా అనేది ఎలా చెక్ చేయాలి..?

యూరిక్ యాసిడ్ లెవెల్స్ ని చెప్పేందుకు ఎటువంటి లక్షణాలు కనపడవు. కేవలం బ్లడ్ టెస్ట్ ద్వారానే మనం కనుగొనడానికి అవుతుంది.

యూరిక్ యాసిడ్ లిమిట్ దాటిందంటే మాంసాహారం తినకూడదా..?

#1. యూరిక్ యాసిడ్ స్థాయిలు పెరుగుతూ ఉన్నట్లయితే రెడ్ మీట్ కి నాన్ వెజ్ కి దూరంగా ఉండాలి.
#2. ప్రోటీన్లు ఎక్కువగా ఉండే ఆహార పదార్థాలను కూడా తీసుకోకూడదు.
#3. శారీరిక శ్రమ వ్యాయామం వలన కూడా యూరిక్ యాసిడ్ లెవెల్స్ పెరిగిపోకుండా చూసుకోవచ్చు ఇలా ఈ జాగ్రత్తలు తీసుకుంటే మంచిది.

చాలామందికి బ్లడ్ ప్రెషర్ పెళ్లికి ముందు కన్నా పెళ్లి తర్వాతే ఎక్కువగా వస్తుంది దీనికి కారణం ఏమిటి అని ఎప్పుడైనా ఆలోచించారా.. పెళ్లికి ముందు జీవితం పెళ్లి తర్వాత జీవితం ఎలా ఉంటుందో అందరికీ తెలిసిందే. పెళ్ళికి ముందు జీవితంలో ఎలాంటి టెన్షన్, బాధ్యతలు ఉండవు కానీ పెళ్లి తర్వాత బాధ్యతలు టెన్షన్స్ అన్నీ పెరుగుతాయి. పెళ్లి తరువాతే చాలామంది జంటల్లో బీపీ పెరుగుతుందని శాస్త్రీయంగా కూడా నిరూపితమైంది.

దంపతులిద్దరిలో ఒకరికి బీపీ వస్తే చాలా కొద్ది రోజుల తేడాలోనే మరొకరికి కూడా బీపీ వస్తుంది. కుటుంబం కోసం ఆ దంపతులు పడే తపన, యాతన, కలిసి నిర్ణయాలు తీసుకోవటంలో వాళ్ళిద్దరూ పడే ఘర్షణ ఇవి అన్ని బీపీకి కారణం అవుతాయి. ఒక్కొక్కసారి తీవ్ర ఒత్తిడి వల్ల బీపీ ఎక్కువ అయి ప్రాణాలకు సైతం ప్రమాదం వచ్చే అవకాశం ఉంటుంది కాబట్టి చాలా జాగ్రత్తలు తీసుకోవాలి. ముఖ్యంగా ఆహారంలో మార్పులు చేసుకోవాలి. ఉప్పు, కారాలు ఆహారంలో తక్కువగా ఉండేలా చూసుకోండి.

యోగా మెడిటేషన్ వంటివి చేయటం వలన బీపీ చాలా కంట్రోల్ లో ఉంటుంది అలాగే సమస్యలను వీలైనంత సామరస్యంగా పరిష్కరించుకోండి. సమస్యలను ఒత్తిడిగా ఫీల్ అయినట్లయితే అది మీ బీపీ మీద ప్రభావం చూపిస్తుంది. బీపీ ఎక్కువైనట్లయితే అది హార్ట్ మీద ప్రభావం చూపిస్తుంది కాబట్టి తగిన జాగ్రత్తలు తీసుకోండి. అలాగే ఆరోగ్యకరమైన జీవనశైలి పై ఎక్కువగా శ్రద్ధ చూపించండి. బరువు ఎక్కువగా ఉంటే తగ్గించే ప్రయత్నం చేయండి.

రోజుకి అరగంట వ్యాయామం చేయండి రోజు వ్యాయామం చేయడం వలన రక్తపోటు అదుపులో ఉండటమే కాకుండా మొత్తం ఆరోగ్యానికి కూడా చాలా మంచిది. అలాగే ఆహారం తీసుకునేటప్పుడు సోడియం రిచ్ ఫుడ్స్ కంటే పొటాషియం రిచ్ ఫుడ్స్ ఎక్కువగా తినటం వల్ల బీపీ కంట్రోల్ లో ఉంటుంది. అలాగే కచ్చితంగా రోజుకి ఎనిమిది గంటలు నిద్రపోవటం చాలా అవసరం. చిన్ని చిన్ని జాగ్రత్తలతో బీపీని కంట్రోల్ లో ఉంచుకుంటే ఆరోగ్యం మీ చేతిలోనే ఉంటుంది.

ప్రతి మనిషికి నీరు అనేది చాలా అవసరం…సురక్షిత మంచినీరు త్రాగితే ఆరోగ్యం కూడా ఉంటుంది. ఇంట్లో వచ్చే కులాన్ని బయట దొరికే మంచినీరు సురక్షితమైనవి కాకపోవడంతో చాలామంది ఇంట్లోనే వాటర్ ప్యూరిఫైయర్లను ఏర్పాటు చేసుకుంటున్నారు. బయట కూడా జనాలు డిమాండ్లు బట్టి తక్కువ రేటుకి వాటర్ ప్యూరిఫైయర్లు లభిస్తున్నాయి. అయితే వాటర్ ప్యూరిఫైయర్ వాడే వారికి తెలియని విషయాలు చాలా ఉన్నాయి. అవి ఏంటో ఒకసారి తెలుసుకుందాం…!

1.వాటర్ ప్యూరిఫైయర్ ను వాడే ప్రతి ఒక్కరు ఫిల్టర్ విషయంలో నిర్లక్ష్యం చేస్తూ ఉంటారు. ఫిల్టర్ ను ప్రతి మూడు నెలలకు ఒకసారి మారుస్తూ ఉండాలి. అలాగే ప్రైమరీ ఫిల్టర్ ను ప్రతి సంవత్సరానికి ఒకసారి మారుస్తూ ఉండాలి. అలాగే వాటర్ ప్యూరిఫైయర్ మిషన్ లో ఉండే పొరను కూడా మారుస్తూ ఉండాలి. అలాగే ఆర్ఓ సిస్టం అన్ని సమయాల్లోనూ ఆన్ చేసి ఉంచకూడదు.

2. వాటర్ ప్యూరిఫైయార్ వాడే ప్రతి ఒక్కరు దాన్ని శుభ్రం చేసే విషయం పైన నిర్లక్ష్యం వహిస్తూ ఉంటారు. దాన్ని బిగించి వాడడం మొదలుపెట్టాక ట్రబుల్ ఇచ్చే వరకు దానిని పట్టించుకోరు. ప్రతి ఆరు నెలలకు ఒకసారి వాటర్ ప్యూరిఫైయర్ ట్యాంకర్ క్లీన్ చేస్తూ ఉండాలి.

3. వాటర్ ప్యూరిఫైయర్ క్లీన్ చేసే సమయంలో లోపల ఉన్న నీటినంత ఖాళీ చేసి నిమ్మకాయలు లేదంటే ఏదైనా క్లీనర్ తో శుభ్రంగా క్లీన్ చేసుకోవాలి తర్వాత మంచినీటితో క్లీన్ చేయాలి. ఈ విషయంలో అంతకన్నా నైపుణ్యం లేకపోతే టెక్నీషియన్స్ సహాయం తీసుకోవాలి.

కరోనా వైరస్ ఎంతోమందిని పొట్టన పెట్టుకుంది. యావత్తు ప్రపంచాన్ని అతలాకుతలం చేసింది కరోనా. రెండు సంవత్సరాలపాటు కరోనా వల్ల అన్ని దేశాలు, ప్రజలు తీవ్రంగా నష్టపోయారు. అయితే ఇప్పుడు ప్రస్తుతం కరోనా నుండి తేరుకుని అందరూ యధావిధి జీవితాన్ని కొనసాగిస్తున్నారు. కరోనా కి వ్యాక్సిన్ కనుగొన్న తర్వాత అందరూ వ్యాక్సిన్ వేయించుకోవడంతో కొంతమేర ఊపిరి పీల్చుకున్నారు.

అయితే అక్కడక్కడ కరోనా కేసులు నమోదు అవుతున్న కూడా దాన్ని ప్రభావం పెద్దగా లేదు. అయితే ఇప్పుడు కరోనా కొత్త వేరియంట్ మళ్లీ తెరపైకి వచ్చింది. ఈ వేరియంట్ కి జే.ఎన్.1 అని పేరు పెట్టారు. ఈ వైరస్ తో ప్రస్తుతం కేరళాలో ఎక్కువగా కేసులు నమోదు అవుతున్నాయి.

ఈ వేరియంట్ పై ముందస్తు జాగ్రత్తలు తీసుకోవాలని కేంద్ర ప్రభుత్వం అన్ని రాష్ట్ర ప్రభుత్వాలను ఆదేశించింది. ప్రజలందరూ మాస్కులు పెట్టుకోవాలని, అలాగే టెస్టింగ్ కిట్లు అన్ని సిద్ధం చేసుకోవాలని సూచించింది. ఇది కొత్త వేరియంట్ ఉన్నవారికి కనిపించే లక్షణాలను వైద్య ఆరోగ్యశాఖ విడుదల చేసింది.

covid-19-cases-in-ap

# జ్వరం, ఒళ్లు నొప్పులు

# జలుబు.. ముక్కు కారడం

# గొంతు నొప్పి

# వాసన-రుచి శక్తిని కోల్పోవడం

# తలనొప్పి

# కొందరిలో కడుపు నొప్పి, గ్యాస్ట్రిక్ సమస్య

# వాంతులు, విరేచనాలు

# మరికొందరిలో శ్వాసకోశ సమస్యలు

పై లక్షణాలు పూర్తి స్థాయిలో కనిపించడానికి నాలుగు నుంచి ఐదు రోజుల సమయం పడుతుంది. ఈ లక్షణాల ఉన్నవారు వెంటనే దగ్గరలోని ప్రాథమిక ఆరోగ్య కేంద్రానికి వెళ్లి కరోనా టెస్టులు చేయించుకోవాలని సూచిస్తున్నారు. ముందస్తు జాగ్రత్త చర్యలు తీసుకోవడం ఎంతైనా అవసరమని చెబుతున్నారు.