Health Adda

కరోనా వచ్చి పోయిన తరువాత అందరికి ఆరోగ్య స్పృహ మరింత పెరిగింది. ఈ క్రమం లో ఏ ఫుడ్ ఏ మేలు చేస్తుందో తెలుసుకుని తినడం ఉత్తమం. సోడియం సమపాళ్లలో ఉండి.. కొలెస్టరాల్ తక్కువ గా ఉండాలని కోరుకుంటే.. స్ట్రాబెర్రీలను మించిన ప్రత్యామ్నాయం లేదు. స్ట్రాబెర్రీలలో పొటాషియం, మాంగనీస్, విటమిన్ బి 9 , విటమిన్ సి, లు పుష్కలం గా లభిస్తాయి. ఏ కాలానికి తగ్గట్లు ఆ పండ్లు తినడం వలన ఆరోగ్యం మీ సొంతమవుతుంది.

శీతాకాలం లో స్ట్రాబెర్రీలు తినడం శరీరానికి ఎంతగానో మేలు చేస్తుంది. వీటిలో విటమిన్లు, ఫైబర్లు, ఎక్కువ శాతం యాంటీ ఆక్సిడెంట్లు ఉంటాయి. ఇవి అంటువ్యాధుల నుంచి రక్షణను అందిస్తాయి. అలాగే, స్ట్రాబెర్రీలు రక్తం లో షుగర్ శాతాన్ని తగ్గిస్తాయి. దీర్ఘకాలిక వ్యాధుల నుంచి ఉపశమనాన్ని కలిగిస్తాయి. గుండె జబ్బులు, మధుమేహం వంటివాటి నుంచి కూడా మీకు రక్షణ లభిస్తుంది. ఫ్రూట్ సలాడ్ లో కూడా మీరు స్ట్రాబెర్రీలను జత చేసుకుని తినవచ్చు.

“Daily an apple keeps a doctor away” అనేది ఇంగ్లీష్ సామెత. అంటే.. రోజు ఒక ఆపిల్ ను తింటే డాక్టర్ ను దూరం గా ఉంచొచ్చట. అంటే.. ఆరోగ్యవంతం గా ఉంటాము. అస్తమానం వైద్యుని వద్దకు వెళ్లాల్సిన అవసరం రాదని అర్ధం. కానీ ఏదైనా ఒక పరిమితి వరకే ఆరోగ్యాన్ని ఇస్తాయి. మితి మీరు చేసే పని ఏదైనా చివరకు అనర్ధాన్నే కలిగిస్తుంది. అందుకే అతి సర్వత్ర వ్యర్జయేత్ అని పెద్దలు చెబుతుంటారు.

ఆపిల్స్ తింటే మంచిది కదా అని చెప్పి.. ఎక్కువ మోతాదులో ఆపిల్స్ ను తినడం కూడా అంత మంచిది కాదట. రోజుకు ఒకటి లేదా రెండు ఆపిల్స్ తింటే ఎలాంటి ఇబ్బందులు ఎదురవకుండా ఉంటాయట. ఆపిల్స్ లో విటమిన్ సి, ఫైబర్, పొటాషియం వంటి పోషకాలు శరీరానికి ఎంతో మేలు చేస్తాయట. అలాగే, ఆపిల్స్ లో అధిక శాతం పీచు పదార్ధాలు ఉంటాయి. ఇవి జీర్ణ క్రియకు ఎంతగానో ఉపయోగపడతాయి. అయితే, ఎక్కువ మోతాదులో ఆపిల్స్ తీసుకుంటే కడుపు ఉబ్బరం కలుగుతుంది. అలాగే, మలబద్ధకం సమస్య కూడా ఎదురవుతుంది.

అలాగే ఆపిల్స్ లో కార్బోహైడ్రాట్లు కూడా ఎక్కువ మోతాదు లో ఉంటాయి. ఎక్కువ ఆపిల్స్ ను తీసుకున్నపుడు రక్తం లో చక్కర స్థాయి కూడా పెరుగుతుందట. అందుకే మధుమేహం ఉన్నవారు ఆపిల్ పండ్లను ఎక్కువ గా తినకూడదు అని చెబుతుంటారు. ఇది వరకే మల బద్ధకం, గ్యాస్ ట్రౌల్ వంటి సమస్యలు ఉన్నవారు ఆపిల్స్ ను దూరం పెట్టాలి. ఆపిల్స్ లో ఉండే చక్కర పదార్ధాలను జీర్ణం చేయాలంటే చాలా ఎక్కువ సమయం పడుతుంది.

మరో విషయం ఏమిటంటే, ఆపిల్స్ పండు పై మిగతా వాటితో పోలిస్తే ఎక్కువ మొత్తం లో పురుగుల మందు అవశేషాలు ఉండే అవకాశం ఉంది. పంట పండించే సమయం లో చల్లే రసాయనాలు ఎక్కువ హాని కలిగిస్తాయి. ఆపిల్స్ పై డిఫెనిలామైన్ అనే రసాయనం ఎక్కువ మోతాదు లో ఉంటుంది. అందుకే వీటిని తినేముందు విధిగా వేడి నీటిలో కడిగి తినాలి. అలాగే ఎక్కువ ఆపిల్స్ ఆహరం గా తీసుకున్నా బరువు పెరిగే ఛాన్స్ ఉంది. అలాగే, వీటిలో ఉండే ఆమ్లం దంతాలపైన ఉండే ఎనామెల్ పొరను దెబ్బతీస్తుంది. అందుకే ఎక్కువ గా తినకుండా.. జాగ్రత్తలు తీసుకోండి.

అన్ని సీజన్లలోనూ చలి కాలం చాలా బాగుంటుంది. కుండపోత వర్షాలుండవు, మండిపోయే ఎండలుండవు. శీతాకాలం లో వాతావరణం ఎంతో ఆహ్లదకరం గా ఉంటుంది. కానీ, చలి కాలం వచ్చిందంటే మాత్రం ఆరోగ్య సమస్యలు ఎదురవుతుంటాయి. ఎక్కడ లేని సమస్యలు ఈ కాలం లోనే వస్తుంటాయి. సాధారణం గా వచ్చే జలుబు, దగ్గు, చర్మం పొడిబారడం వంటి సమస్యలు మామూలుగానే వస్తూ పోతూ ఉంటాయి.

అయితే, చాలా మందికి చలికాలం వచ్చేసరికి ఒంట్లో కండరాలు పట్టేస్తుంటాయి. ఫలితం గా ఒళ్ళు నెప్పులు గా ఉంటాయి. ఉదయం నిద్ర లేచేసరికి కండరాలు పట్టేయడం వలన ఒళ్ళు నెప్పులు వస్తుంటాయి. కానీ వీటిని తగ్గించుకోవడానికి పెయిన్ కిల్లర్స్ వాడడం అంత శ్రేయస్కరం కాదు. కొన్ని చిన్న చిన్న చిట్కాలను పాటించడం ద్వారా ఈ నెప్పులు రాకుండా మీరు జాగ్రత్తపడచ్చు.

#1. మీరు తీసుకునే ఆహరం లో ఫైబర్ ఎక్కువ గా ఉండేలా చూసుకోండి. ఫైబర్ తో కీళ్ల నెప్పులకు చెక్ పెట్టవచ్చని వైద్య నిపుణులు చెబుతున్నారు.

#2.అలాగే చలికాలం ఏమైనా దెబ్బలు తగిలినా.. అంత తొందరగా మానవు. అలాంటప్పుడు మీరు ఇంట్లో వాడే అల్లాన్ని మెత్తగా గ్రైండ్ చేసి ఒక క్లాత్ లో చుట్టి దానిని వేడి నీటిలో ముంచి తీసి దెబ్బ తగిలిన చోట ఉంచడం వలన మీకు ఉపశమనం లభిస్తుంది.

#3. రోజు రాత్రి పడుకునేటప్పుడు వేడి వేడి పాలలో దాల్చిన చెక్క పొడి ని వేసుకుని తాగండి. ఇది మీకు మంచి నిద్రని ఇస్తుంది. అలాగే ఒళ్ళు నొప్పులు లేకుండా కాపాడుతుంది.

#4. అలాగే, ఒళ్ళు నొప్పులు తగ్గించడం లో ఆపిల్ సిడార్ వెనిగర్ ఎంతగానో పని చేస్తోంది. మీరు స్నానం చేసే బకెట్ నీటిలో ఒక కప్ ఆపిల్ సిడర్ వెనిగర్ ని వేసుకోవడం ద్వారా ఉపశమనం పొందవచ్చు.

#5. అలాగే శరీరానికి అవసరమైనంత నీటిని తాగడం కూడా కీలకమైనది. చలికాలం లో ఎక్కువ గా దాహం వేయదు. అలా అని మీరు నీటిని తాగకపోయినా కీళ్ల నొప్పులు వచ్చే అవకాశం ఉంటుందని వైద్యులు హెచ్చరిస్తున్నారు.

స్వీట్స్ అంటే ఇష్టం లేని వారు ఉండటం చాలా అరుదు. ప్రతి ఒక్క మనిషికి అన్ని రకాల స్వీట్స్ కాకపోయినా కూడా ఏవో కొన్ని అయినా నచ్చుతాయి. ఎలాంటి సందర్భం అయినా, ఎలాంటి మెనూ అయినా స్వీట్ లేనిదే పూర్తి కాదు. అందుకే స్వీట్స్ కి ఇప్పటికి కూడా అంత డిమాండ్ ఉంది. అసలు ఇప్పుడే కాదు స్వీట్స్ కి ఎప్పటికీ డిమాండ్ ఉంటుంది.

బయట స్వీట్ షాప్స్ లో తయారు చేసే స్వీట్లకి ఇంకొక ప్రత్యేకత ఉంటుంది. సాధారణంగా స్వీట్ షాప్స్ లో స్వీట్ మీద సిల్వర్ కోటింగ్ చేసి ఇస్తారు. దీనివల్ల స్వీట్ రుచి ఇంకా బాగుంటుంది. స్వీట్స్ ఎక్కువ కాలం నిల్వ ఉంటాయి. కానీ గత కొంత కాలం నుండి స్వీట్స్ పై సిల్వర్ కోటింగ్ వేయడానికి వెండిని వాడటం లేదు. అల్యూమినియం లేదా అంతగా ప్యూరిఫై చేయని వెండిని వాడుతున్నారు.

representative image

దీనివల్ల ఎన్నో ఆరోగ్య సమస్యలు వస్తాయని చెబుతున్నారు పరిశోధకులు. స్వీట్ల పై వాడే వెండి రంగులో ఉండే కోటింగ్ ని స్లాటర్ హౌస్ (కబేళాలు) లోని ఎద్దు లేదా దూడ పేగుల నుండి తయారు చేస్తారు. అలా తయారు చేసిన దాన్ని తర్వాత మ్యానుఫ్యాక్చర్ లకి ఇస్తారు. అందులో వాళ్ళు చాలా తక్కువ మొత్తంలో వెండి కలుపుతారు. దానిని పల్చటి షీట్ లాగా వచ్చేలాగా చేస్తారు. ఎంత శుభ్రపరిచినా కూడా షీట్ లపై మాంసం, ఇంకా రక్తానికి సంబంధించిన ఆనవాళ్లు ఎక్కడో ఒక చోట ఉంటాయి.

స్వీట్స్ మీద ఉన్న సిల్వర్ ఫాయిల్ నిజమైనదా కాదా తెలుసుకోవడానికి ఈ టెక్నిక్స్ పాటించాలి.

# పల్చటి సిల్వర్ షీట్ తీసుకొని రెండు చేతుల మధ్య లో పెట్టి రుద్దండి. ఒకవేళ అది నిజమైన వెండి అయితే రుద్దిన తర్వాత ఆనవాళ్ళు ఏమీ ఉండవు. అదే ఒకవేళ పైన చెప్పిన పద్ధతిలో తయారు చేసిన అల్యూమినియం అయితే రుద్దిన తర్వాత చిన్న బాల్ లాగా అవుతుంది.

# సిల్వర్ షీట్ ని మంటపై పెట్టండి. ఒకవేళ అది నిజమైన వెండి అయితే పూర్తిగా కాలిపోతుంది. ఒకవేళ కాకపోతే బూడిద లాగా ఏర్పడుతుంది.

# స్వీట్ పైన సిల్వర్ కోటింగ్ ని చేతితో తుడవండి. ఒకవేళ చేతికి అంటుకుంటే అది అల్యూమినియం అని అర్థం.

# సిల్వర్ రేకుని ఒక టెస్ట్ ట్యూబ్ లో తీసుకోండి. అందులో డైల్యూటెడ్ హైడ్రోక్లోరిక్ యాసిడ్ కలపండి. వైట్ ప్రెసిపిటేట్ వచ్చి లిక్విడ్ లాంటి పదార్థం ఏర్పడితే అది వెండి అని అర్థం. ఒకవేళ అల్యూమినియం అయితే ప్రెసిపిటేట్, కానీ లిక్విడ్ కానీ ఏర్పడదు.