Human angle

మనిషికి  ఎన్నో చేయాలి అని ఉంటుంది. అవి కెరీర్ విషయంలో కావచ్చు, జీవితం విషయంలో కావచ్చు, అలా చాలా పెద్దవి కాకపోయినా ఏదైనా ప్రదేశానికి వెళ్లాలి అనో, ఎవరైనా సెలబ్రిటీ తో ఫోటో దిగాలి లాంటి చిన్న చిన్న కోరికలు అయినా కావచ్చు. చాలామంది ” నేను చనిపోయే లోపు వీటిలో ఒక కోరిక అయినా తీరాలి” అని అంటూ ఉంటారు.

కానీ మన జీవితం ముగించే సమయం ఎప్పుడు వస్తుందో ఎవరికీ తెలియదు. ఒక్కొక్కసారి మనం అంచనా వేసిన దానికి ముందే ఏదో ఒక రూపంలో అలాంటి సమయం వస్తుంది. అప్పుడే ఇలా అనుకున్న కోరికల్లో కొన్ని అయినా నిజం చేసుకోవాలి అని అనిపిస్తుంది. ఇలాంటి పరిస్థితి నిజ జీవితంలో ఒక జంటకు ఎదురైంది.

అజూ రమేష్ భార్య భర్తలు వాళ్ళకి ఒక కొడుకు కూడా ఉన్నాడు. అజూకి క్రికెట్ ప్రత్యక్షంగా స్టేడియంలో చూడాలి అనే కోరిక ఉండేది. ఎన్నిసార్లు ప్రయత్నించినా స్టేడియం లో చూడటం కుదరలేదు. ఇందాక చెప్పినట్టు జీవితం ముగిసే సమయం ఎప్పుడూ ఎవరికీ తెలీదు. అజూకి అనారోగ్య సమస్యలు వచ్చాయి. అవి మెల్లగా పెద్ద సమస్యలుగా మారాయి. అజూ ఆరోగ్యం రోజు రోజుకి క్షీణించసాగింది. డాక్టర్లు తను ఇంకా ఎక్కువ రోజులు బతకలేదు అని చెప్పారు. అప్పుడు అజూ భర్త రాజేష్ తను ఎప్పటినుండో చూడాలి అనుకుంటున్న క్రికెట్ మ్యాచ్ ని ప్రత్యక్షంగా స్టేడియం కి తీసుకెళ్ళి చూపించడానికి నిర్ణయించుకున్నాడు. అప్పటికి అజూ ఆరోగ్య పరిస్థితి సరిగ్గా లేదు. కానీ అజూ ఎప్పటినుండో అనుకుంటుంది కాబట్టి, ఇంకా ఎక్కువ సమయం కూడా లేదు కాబట్టి రాజేష్ తగిన జాగ్రత్తలు తీసుకొని తన కోరిక ను ఎలాగైనా నిజం చేయాలి అని నిర్ణయించుకున్నాడు.

తనకి ఫ్రెండ్స్ కి తెలిసిన వాళ్లకి ఫోన్ చేసి ఎలాగైనా క్రికెట్ టికెట్స్ కావాలి అని చెప్పాడు. ఆఖరికి ఎంతో కష్టం తర్వాత టికెట్లు సంపాదించాడు. పరిస్థితి అందుబాటులో లేకపోతే హాస్పిటల్ కి తరలించడానికి ఆ స్టేడియం దగ్గర్లో ఉన్న ఒక హాస్పటల్లో మాట్లాడాడు, అలాగే స్టేడియంలోని పోలీసులకి కూడా తన పరిస్థితి వివరించాడు. విషయం అర్థం చేసుకున్న పోలీసులు లు తగిన జాగ్రత్తలు తీసుకోవడంలో రాజేష్ కి సహాయం చేశారు. ఇలా ముందే అన్ని ఏర్పాట్లు చేసి జాగ్రత్తగా అజుని క్రికెట్ మ్యాచ్ చూడడానికి తీసుకెళ్లాడు. తను ఎన్నాళ్ల నుండో అనుకుంటున్నది ఇప్పుడు నిజం అవడంతో అజు ఆనందానికి అవధులు లేవు. తన బాధంతా మర్చిపోయి మ్యాచ్ ని ఎంజాయ్ చేసింది. ఇది తన చివరి కోరిక అయింది. క్రికెట్ మ్యాచ్ కి వెళ్లి వచ్చిన కొన్నాళ్ళకే అజు మరణించింది.

ఇదంతా గతేడాది రాజేష్ తన ఫేస్బుక్ అకౌంట్లో పోస్ట్ చేశాడు. తన భార్య ఎంతో ధైర్యవంతురాలు అని, అతను కొద్ది రోజులకే చనిపోతుంది అని తెలిసినా ఎంతో ధైర్యంగా ఉంది అని, జీవితం ఎంతో విలువైనది, రాబోయే వాటి గురించి గడిచిపోయిన వాటి గురించి ఆలోచించకుండా ప్రస్తుతాన్ని ఆస్వాదించండి, మీకు ఉన్న వాటి కై దేవుడికి ఎప్పుడూ కృతజ్ఞతలు చెప్పండి, ఆనందంగా ఉండండి అని రాశాడు. ప్రస్తుతం వాళ్ళ కొడుకు తో సమయం గడుపుతున్నాను అని చెప్పాడు.నిజంగానే భవిష్యత్తులో ఎవరికి ఏమవుతుందో ఎవరు ఎలా ఉంటారు ఏమీ చెప్పలేం. అలాగని వాటి గురించి ఆలోచిస్తూ భయపడుతూ కూర్చోవద్దు. అలాగే జరిగిపోయిన వాటిని తలుచుకొని బాధపడొద్దు. ఇప్పుడు ఎలా ఉంది అనేది ముఖ్యం. ఇప్పుడున్న పరిస్థితి గురించి ఆలోచించండి. ఇదే అజూ నుండి మనం నేర్చుకోవాల్సిన విషయం.

పెళ్లి అనేది ప్రతి ఒక్కరి జీవితంలో మధురమైన ఘట్టం. జీవితంలో మంచి ఉద్యోగంలో సెటిల్ అయిన తర్వాత కొత్త బంధంలోకి అడుగు పెట్టాలని అందరూ అనుకుంటూ ఉంటారు. మన పెద్దలు కూడా 30 దాటుకుండా మూడు ముళ్ళు వేసేయాలని చెబుతూ ఉంటారు. ఆడపిల్లలకైతే 18 దాటితే చాలు పెళ్లి ప్రస్తావన వచ్చేస్తుంది. అయితే ప్రస్తుతం చాలామంది మగవాళ్ళు 30 ఏళ్లు దాటినా కూడా పెళ్లి చేసుకోవడానికి ఆసక్తి చూపడం లేదట. అసలు మీరు పెళ్లి చేసుకోవడానికి ఎందుకు ఆసక్తి చూపడం లేదు అనే దానిపైన కారణాలు చూస్తే ఈ విధంగా ఉన్నాయి…

1. ఎక్కువ శాతం మగవాళ్ళు ఒంటరిగా ఉండడానికి ఇష్టపడతారట. మీరు పెళ్లి చేసుకున్న కూడా తమ భాగస్వామిని బాగా చూసుకుంటారు అని గ్యారెంటీ లేదు అందుచేత తమ వల్ల వేరే వాళ్ళు ఇబ్బంది పడకూడదని పెళ్లికి దూరంగా ఉంటారు.
2. పెళ్లయిన జంటల వ్యవహారం చూసి చాలామంది అది నచ్చక పెళ్లి చేసుకోవడం మానేస్తారట. ప్రస్తుతం సమాజంలో పెళ్లైన రెండు నెలలకే విడాకులు తీసేసుకుంటున్నారు. అలాంటప్పుడు పెళ్లి ఎందుకు అనేది వీరి ప్రశ్న.

3. కొన్ని వ్యక్తిగత సిద్ధాంతాలు వ్యవహారానికి దూరంగా ఉంటారు. వీరికి ప్రేమ, పెళ్లి అంటే గిట్టదు.

representative image

4. ఎవరి మీద ఆధారపడకుండా సొంతంగా జీవించేవారు పెళ్లి చేసుకోవడానికి ఇష్టపడరు. ఎందుకంటే ఏదైనా అవసరం వచ్చినప్పుడు అవతలి వాళ్ళని అడగడానికి వీళ్ళకి ఇగో ఫీలింగ్ అడ్డు వస్తుంది.

5. మగవాళ్ళలో చాలామంది మానవ సంబంధాలను నమ్మరట. రేపు పెళ్లి చేసుకున్న వ్యక్తి సరిగ్గా చూసుకుంటుందో లేదో అనే భావన వీరిలో ఉంటుంది.

6. కొందరైతే వివాహం తర్వాత వచ్చే ఇబ్బందులను ముందుగానే ఊహించేసుకుని పెళ్లి చేసుకోవడానికి ఇష్టపడరు.

7. తాము అందంగా లేము అని ఫీలింగ్ ఉన్నవారు కూడా పెళ్లి చేసుకోరు. చేసుకుని ఇబ్బంది పడడం కంటే ముందే ఆగిపోవడం బెటర్ అనేది వీరి ఫీలింగ్.

ప్రస్తుతం విద్యా వ్యవస్థ ఎంత కమర్షియల్ గా మారిందో అందరికీ తెలిసిందే. గవర్నమెంట్ స్కూల్స్ పక్కన పెడితే, ప్రైవేటు స్కూల్స్ లో అడ్మిషన్, డొనేషన్లు అంటూ లక్షల్లో వసూలు చేస్తున్నారు. కొన్ని స్కూల్స్ లో నర్సరీ నుండే స్కూల్ ఫీజును లక్షల్లో వసూలు చేస్తున్నారు.

అయితే ఒక ప్రైవేటు స్కూల్ ఇందుకు భిన్నంగా స్కూల్ ఫీజును వసూలు చేస్తున్నారు. ఆ ఫీజు పిల్లలకు కానీ, వారి తల్లిదండ్రులకు కానీ ఏమాత్రం కష్టం కాదు. మారి ఆ స్కూల్ ఎక్కడుందో, వారు వసూలు చేస్తున్న ఫీజు ఏమిటో ఇప్పుడు చూద్దాం..

ఆ స్కూల్ పేరు అక్షర, అస్సాం రాష్ట్రంలో ఉంది. స్కూల్ యాజమాన్యం ఫీజుగా వసూలు చేస్తున్నది డబ్బుని కాదు. ప్లాస్టిక్ ను మాత్రమే. అస్సాంలోని పామోహిలో అక్షర స్కూల్ ఉంది. ఈ స్కూల్ ని 2016లో మజిన్ ముఖ్తార్, పరిమిత శర్మ అనే జంట స్థాపించారు. ఆ ప్రాంతంలో ఈ జంట చెత్త, నిరక్షరాస్యత అనే రెండు సమస్యల గుర్తించారు. అక్కడ జీవించేవారు ఎక్కువగా క్వారీల్లో పని చేస్తారు. దాంతో స్కూల్ ఫీజులు కట్టడం వారికి కష్టం కావడంతో తమ పిలల్లను స్కూల్ కి పంపేవారు కాదు.

అలాగే అక్కడ ఎక్కువగా ప్లాస్టిక్ వ్యర్థాలు ఉండడంతో ఈ రెండు సమస్యలకు ఒకే పరిష్కారం కోసం స్కూల్ ను మొదలుపెట్టారు. పిల్లల ఫీజులగా ప్లాస్టిక్ బాటిల్స్ తీసుకువచ్చేలా , అది కూడా ప్రతి వారం స్టూడెంట్స్ 25 ప్లాస్టిక్ బాటిళ్లను సేకరించి, తీసుకురావాలని ఒక కండీషన్ పెట్టారు. అలా పిల్లలకు ఉచిత విద్యను భోధిస్తూ, వారు సేకరించిన ప్లాస్టిక్ బాటిళ్లను రోడ్లు, ఇటుకలు, మరుగుదొడ్ల నిర్మాణంలో ఉపయోగిస్తారట.

అంతే కాకుండా ఇక్కడ స్టూడెంట్స్ కు నైతిక విలువలతో పాటుగా చెత్త, ప్లాస్టిక్ రీ సైక్లింగ్ మరియు గార్డెనింగ్ వంటివి కూడా బోధిస్తున్నారు. దీంతో పాఠశాల డ్రాపౌట్ రేటు చాలా తగ్గిపోయింది. ఈ స్కూల్ ఆర్థికంగా వెనుకబడిన వందలాది స్టూడెంట్స్ కు మంచి విద్యను అందిస్తోంది. ఈ స్కూలు వీడియోను నాగాలాండ్ మినిస్టర్ టెమ్‌జెన్ ఇమ్నా అలోంగ్ సోషల్ మీడియా వేదిక ఎక్స్ లో షేర్ చేయడంతో వార్తల్లో నిలిచింది.

ప్రేమ అంటే అనిర్వచనీయమైనదంటూ మనం కాలేజీల్లో చదువుకునే రోజుల్లో గొప్ప గా చెప్పుకుంటుంటాం.. కానీ పెళ్లి అయ్యాక అది మీనింగ్ లెస్ అంటూ ఫీల్ అయిపోతూ ఉంటాం. కాలేజీలో చదువుకునే రోజుల్లో చలం బాపతు కవితల్ని రాస్తూ.. నేనో కాళిదాసునన్నట్లు ఫీల్ అయిపోతుండేవాడిని. కానీ పెళ్లి అయ్యాకా..అసలు జీవిత సత్యం బోధ పడింది. నా స్టోరీ చదివి.. నాకో సలహా ఇస్తారని ఆశిస్తున్నాను.

నా పేరు అనిల్. ప్రతి చిన్న విషయాన్నీ చూసి ఆనందించే మనస్తత్వం నాది. నా దృష్టిలో ప్రేమ ఎంతో ఉన్నతమైనది. నా లైఫ్ లోకి వచ్చే అమ్మాయిని ఇలా చూసుకోవాలి.. అంత ప్రేమ గా చూసుకోవాలి అని అనుకుంటూ.. గొప్పగా కలలు కన్నాను. కాలేజీ లో ఎందరు అమ్మాయిల్ని చూసినా నా మనసుకేమి పట్టలేదు.. చదువైపోయి.. మంచి జాబ్ లో సెటిల్ అయిపోయి నా జీవితం లోకి రాబోయే మహారాణి కోసం ఎదురు చూస్తూ ఉన్న సమయం లో మా ఇంట్లో వాళ్ళు నన్ను పెళ్లి చూపులకు తీసుకెళ్లారు. తొలిచూపులోనే ఆమె నాకు బాగా నచ్చేసింది. పెద్ద ఇబ్బందులేవీ లేకుండానే మా పెళ్లి జరిగిపోయింది. పెళ్లి చూపులోనే ఆమెతో ప్రేమలో పడిపోయాను..

ఆమె గురించి తెలుసుకోవాలని, ఆమెతో కలిసి సమయం గడపాలని, ఊసులాడుకోవాలని ఇలా ఎన్నో కలలు కన్నాను. తీరా పెళ్లి అయిన నెల రోజులకే నా కలలన్ని కల్లలని తెలిసొచ్చింది. పైకి విరబూసిన తామరపువ్వు లోపలేమో కుళ్లిపోయిన ఆకులాంటి మనస్తత్వం తనది. మాట కి మాట..చివరకు గొడవలు తప్ప మా సంసారం లో సంతోషమే లేదు. ఇద్దరిదీ ఒకే ఊరు కావడం తో ప్రతి చిన్న విషయానికి, ఆమె ఇల్లు వదిలి పుట్టింటికి వెళ్లిపోయేది. నా పైనా.. నా తల్లితండ్రులపైనా అందరికీ లేని పోనీ చాడీలు చెబుతుండేది. చివరకు మా ఇంటికి ఎవరైనా చుట్టాలు వచ్చినా.. వారిని కూడా మా ముందే అనరాని మాటలు అనేది.

ఎందుకిలా చేస్తున్నావ్ అని నిలదీస్తే.. మా పై గృహ హింస చట్టం కింద కేసు పెడతానని బెదిరించేది. తనని దారికి తెచ్చుకోవాలని ప్రయత్నించి..ఇప్పటికి నాలుగేళ్లు గడిచిపోయింది. కాపురమే చెయ్యని అమ్మాయితో పిల్లలని కనడం సాధ్యమేనా.. ఇరుగు పొరుగు అంతా… పెళ్ళై నాలుగేళ్లవుతున్నా పిల్లలు లేరేంటి..? అన్న ప్రశ్నలు వేస్తుంటే భరించలేకపోతున్నాను.

పోనీ ఇష్టం లేని పెళ్లి ఎందుకు అని..విడాకులు అడిగాను.. అందుకు కూడా ఆమె ఒప్పుకోలేదు. ఇటు సంసారము చెయ్యదు.. అటు విడాకులూ ఇవ్వదు.. ఎంత ఇష్టపడి పెళ్లి చేసుకున్నానో.. అసలెందుకు పెళ్లి చేసుకున్నానా అని అనిపించేలా చేసింది. అసలు ఈ పరిస్థితుల్ని, ఈ సంసారాన్ని వదిలేసి, బయటపడి ప్రశాంతం గా బతకాలని ఉంది.. ఇందుకు నేను ఏమి చేయాలి.. నాకు ఏదైనా సలహా ఇవ్వగలరు.

NOTE: All the images used in this article are just for representative purpose only. But not the actual characters.

వందేళ్ల జీవితానికి పెళ్లి అనేది ముఖ్యమైన మజిలీ. కానీ ముందుగా తమ ఇష్టాలు, కోరికలు, కలల గురించి చర్చించుకోకపోతే మాత్రం తర్వాత బాధ పడాలి. అలాగే తమ స్నేహితుడు పెళ్లి తర్వాత ఎక్కడ క్రికెట్ కు దూరమవుతాడోనని అతడి స్నేహితులు వధువు ముందుకు ఒక వింత ప్రతిపాదన తెచ్చారు.
తమ మిత్రుడు క్రికెట్ ఆడేందుకు కొత్త భార్య ఎక్కడ అభ్యంతరం చెబుతుందేమోనని ఆమెతో ఏకంగా బాండ్ పేపర్‌పైనే రాయించుకుని సంతకం చేయించుకున్నారు అతడి స్నేహితులు. విస్తుగొలిపే ఈ ఘటన తమిళనాడులోని మదురైలో చోటుచేసుకుంది.

హరిప్రసాద్‌ అనే వ్యక్తికి మదురైకి చెందిన పూజ అనే యువతితో తాజాగా వివాహం జరిగింది. హరిప్రసాద్‌ తేనీలోని ఓ ప్రైవేటు కాలేజీలో టీచర్‌గా పనిచేస్తున్నారు. అలాగే ‘సూపర్‌స్టార్‌’ క్రికెట్ క్లబ్‌కు కెప్టెన్‌గా కూడా వ్యహరిస్తున్నారు. అయితే వివాహం తర్వాత తమ స్నేహితుడు ఎక్కడ క్రికెట్‌కు దూరమవుతారో, ఎక్కడ తన భార్య క్రికెట్‌కు అనుమతించదో అని అనుమానం వ్యక్తం చేసిన హరిప్రసాద్‌ స్నేహితులు.. వివాహ వేదికపైనే పెళ్లి కూతురుకు ఓ షరతు విధించారు.

వారాంతాలు అంటే శని, ఆదివారాల్లో హరిప్రసాద్‌ను క్రికెట్‌ ఆడేందుకు అనుమతించాలని పూజను కోరారు. కేవలం మాట మాత్రమే కాకుండా బాండు పేపరుపై రాసి ఇవ్వాలని సూచించారు. వాళ్లు తనను ఆటపట్టిస్తున్నారేమో అని పూజ భావించింది. కానీ, ఏకంగా రూ.20 బాండు పేపరు తీసుకొచ్చి సంతకం చేయమని కోరడంతో షాకయ్యింది. క్రికెట్‌ విషయంలో స్నేహితులకు ఉన్న పట్టుదలను చూసి ఆమె సంతకం చేయక తప్పలేదు.
‘‘పూజ అను నేను.. నా భర్త, సూపర్‌స్టార్ టీమ్ క్రికెట్ క్లబ్ జట్టు కెప్టెన్ హరిప్రసాద్‌ను శని, ఆదివారాలు క్రికెట్ ఆడేందుకు అనుమతిస్తాను’’ అని బాండ్ పేపర్‌పై సంతకం చేసింది. ఈ సన్నివేశం పెళ్లి మండపంలో నవ్వులు పూయించగా.. ప్రస్తుతం సోషల్ మీడియాలో వైరల్ అవుతోంది. పెళ్లికి విచ్చేసిన అతిథులు ఈ ఘటన చూసి ముందు షాక్‌ అయినా తర్వాత నవ్వుకున్నారు.

హరిప్రసాద్ స్నేహితుడు రామ్‌కుమార్ మాట్లాడుతూ.. ‘‘ఉసిలై సూపర్ స్టార్ క్రికెట్ క్లబ్‌ టీమ్ సభ్యుల్లో చాలా మంది పెళ్లి తర్వాత ఆటను వదిలేశారు.. కొద్ది మంది మాత్రమే తమ భార్యల నుంచి అనుమతి తీసుకుని ఆడుతున్నారు.. మా కెప్టెన్ విషయంలో అలా జరగకూడదని ఆయన భార్యతో సంతకం చేయించుకున్నాం’’ అని తెలిపారు.

స్వామి వివేకానంద.. ఈ పేరు వింటేనే యువకుల్లో ఉత్తేజం పొంగి పొరలుతుంది. అసాధారణ ప్రతిభ, తెలివితేటలూ, ఆధ్యాత్మిక చింతన, దేశ భక్తి, స్త్రీలపట్ల గౌరవం, సాటి వారి పట్ల ఆదరణ.. ఇలా చెప్పుకుంటూ పోతూ వివేకానంద వ్యక్తిత్వాన్ని వర్ణించడానికి జీవితం చాలదు. ఎల్లప్పుడూ శక్తిమంతులు గా కొనసాగాలని, ఆ మనోధైర్యంతోనే జీవించాలని వివేకానంద బోధిస్తూ ఉండేవారు.

తక్కువగా అంచనా వేసుకోవద్దు..!

ఆయన బోధించిన విషయాలన్నీ నేటికీ చిరస్మరణీయాలు. భూమి మీద పుట్టిన ప్రతి ఒక్కరు తమ శక్తిసామర్ధ్యాలనూ పరిపూర్ణం గా వినియోగించుకోవాలని స్వామి వివేకానంద సూచించేవారు. ఈ అంశాన్ని మహిళలు కూడా పరిగణన లోకి తీసుకోవాలి. భారతీయ మహిళలు కుటుంబ పాలన లో పడిపోయి తమ శక్తిసామర్ధ్యాలనూ తక్కువ గా అంచనా వేసుకుంటుంటారు. మహిళల పట్ల ఉన్న ఆంక్షలను స్వామీ వివేకానంద ఆనాడే నిరసించారు.

ఆడువారిని అమ్మా అని గౌరవిస్తాం..!

స్త్రీలకు కూడా తగిన స్వేచ్ఛను ఇస్తే.. వారు ఏమైనా సాధించగలరని స్వామి వివేకానంద బలం గా విశ్వసించేవారు. ‘బలమే జీవితం..బలహీనతే మరణం’ అంటూ ఆయన నిత్యం యువతలో స్ఫూర్తి ని రగిలిస్తూ.. ధైర్యం నూరిపోసేవారు. ఆయన మహిళలు కూడా బలవంతులే అని విశ్వసించేవారు. ఎక్కడకు వెళ్లినా ఆయన మహిళలను అమ్మా అనే సంబోధించేవారట. అయితే.. ఓ విదేశీ స్త్రీని కూడా ఆయన అలానే పిలువగా… నేను మరీ అంత పెద్ద దానిలా కనిపిస్తున్నానా అని ఆమె తిరిగి ప్రశ్నించింది. అందుకు చిరునవ్వి నవ్వి.. మా దేశం లో ప్రతి ఆడపిల్లను అమ్మా అనే సంబోధిస్తామని వివేకానంద బదులిచ్చారట. వయసు తో సంబంధం లేకుండా.. ఆడువారిని అమ్మా అని పిలుస్తూ ఆదిశక్తితో పిలుస్తామని వివరించారట.

ఇక్కడి స్త్రీలు ఆ సీతాదేవి బిడ్డలే..!

భారత మహిళలను స్వామి వివేకానంద ప్రపంచ దేశాల్లోనే ఉన్నతమైన వ్యక్తిత్వం కలవారిగా భావించేవారు. ఇక్కడి కట్టుబాట్లను ఓర్చుకుంటూ.. సహనం తో కుటుంబాలను నెట్టుకొస్తున్న వారిని చూసి..ఎన్ని కష్టాలు వచ్చినా తట్టుకుని నిలబడగలిగే శక్తీ ఇక్కడి స్త్రీలకు ఉందని బలం గా చెప్పేవారు. అందుకు సీతాదేవిని ఉదాహరణ గా చూపించారు. ఆ తల్లి బిడ్డలే భారతీయ స్త్రీలని వివేకానంద చెప్పేవారు. ఓ సారి ఓ విదేశీ మహిళ తనను పెళ్లి చేసుకోవాలంటూ వివేకానంద ను కోరిందట.

నన్నే నీ కుమారుని గా ఎందుకనుకోకూడదు..?

ఆయనను వివాహం చేసుకుంటే అలాంటి శక్తిమంతుడైన పిల్లాడు పుడతాడని ఆశపడినట్లు చెప్పడం తో.. వివేకానంద మౌనం వహించారు. ఆ తరువాత.. అమ్మా… ఓ తల్లి గా నీవు తెలివైన పిల్లాడికి జన్మనివ్వాలని కోరుకోవడం సహజమే.. కానీ అందుకు చాలా సమయమే పడుతుంది. పుట్టిన పిల్లవాడు తెలివైన వాడు అవుతాడో లేదో కూడా మనకు తెలియదు. దానికంటే.. నన్నే నీ పుత్రుడు గా స్వీకరించు అని స్వామిజి ఆ విదేశీ మహిళను అభ్యర్ధించారు. అంతటి మహోన్నత ఔన్నత్యం కల వ్యక్తి స్వామి వివేకానంద.

అది చెప్పడానికి మనకేమి అధికారం ఉంది..?

ఓ సారి వివేకానందుని వద్దకు వచ్చిన ఓ వ్యక్తి..”వితంతువులు మళ్ళీ పెళ్లి చేసుకోవచ్చా అని ప్రశ్నించాడు. దానికి బదులిచ్చిన స్వామి వివేకానంద అది పూర్తి గా వారి ఇష్టమని.. అది నిర్ణయించడానికి మనకేమి అధికారం ఉందని” తెలిపారు. మన దేశ మహిళలు అన్ని విషయాలపై తగిన నిర్ణయాలు తీసుకోగల సమర్థులు అని వివేకానంద పేర్కొన్నారు. వారు ఎదగడానికి, చదువుకోవడానికి మీరు పెడుతున్న అడ్డంకుల్ని తొలగించండి అంటూ వివేకానంద పేర్కొన్నారు.

భార్య భర్తలన్నాక కలహాలు సహజమే. నిజానికి కలహాలు లేకపోతే ఆ కాపురంలో మజా ఉండదు. ఎంత పెద్ద గొడవలు జరిగినా మళ్లీ కలిసి కలకాలం బ్రతకడమే భార్యాభర్తల బంధం. అయితే కొందరు దంపతులు కలహాల కోసమే కాపురం చేస్తున్నట్లు ఉంటారు.

ప్రతి చిన్న విషయాన్ని పెద్దది చేయటం, గోటితో పోయేదాన్ని గొడ్డలి వరకు తీసుకురావడం, భాగస్వామిని విపరీతమైన ఒత్తిడికి గురి చేయటం చేస్తూ ఉంటారు. ఇలాంటి గొడవలు వల్ల కాపురాలు కూలిపోతాయి.

ఇద్దరు వ్యక్తుల మధ్య బంధం తెగిపోవడానికి చిన్నమాట చాలు భార్యాభర్తల మధ్య ఎంత పెద్ద గొడవ జరుగుతున్నప్పటికీ కొన్ని పదాలు మాట్లాడితే ఎదుటి వ్యక్తి మరింత ఆగ్రహానికి లోనవుతాడు. అందుకే ఎంత కోపం లో ఉన్నా సంయమనం పాటించండి. మీ భాగస్వామిని నోరుముయ్యు అనే మాట ఎప్పుడూ మాట్లాడకండి. ఎందుకంటే ఎదుటి వ్యక్తికి పట్టరాని కోపం రావడానికి ఈ ఒక్క మాట చాలు. అలాగే నేను చెప్పవలసింది నేను చెప్పాను ఆపై నీ ఇష్టం అని కూడా చాలామంది అంటూ ఉంటారు.

అప్పుడు ఎదుటి వ్యక్తి సంయమనాన్ని కోల్పోతాడు. ఎందుకంటే అవతలి వ్యక్తికి కూడా ఆలోచించే శక్తి నిర్ణయం తీసుకునే హక్కు ఉంటాయి కాబట్టి మీ అభిప్రాయాలని అవతల వాళ్ళ మీద రుద్దకండి వాళ్లకు నచ్చినది మీకు ఎలాంటి ఇబ్బంది రానంతవరకు చేయనివ్వండి. అలాగే నెపాన్ని ఎప్పుడు ఎదుటి వ్యక్తి మీద తోయ్యకండి. సాధారణంగా ఒక సమస్యకి ఇద్దరు కారణమవుతారు కాబట్టి ప్రతి గొడవకి నువ్వే కారణం అంటూ తప్పుని ఎదుటి వాళ్ళ మీదికి తోసేయకండి.

అలాగే ఎదుటి వాళ్లు బాధ చెప్పుకుంటున్నప్పుడు మీరు మౌనం పాటించకండి. వాళ్ల బాధని వాళ్ళ కష్టాన్ని వింటే, అర్థం చేసుకుంటే సగం గొడవ దూరమైనట్లే. అలా కాకుండా వాళ్ళు ఆవేశంలో ఒక మాట అన్నప్పుడు మీరు కూడా ఆవేశంగా ఒక మాట అంటే ఆ గొడవ పెరుగుతుంది కాబట్టి తగినంత సంయమనం పాటించి సంసారాన్ని నిలబెట్టుకోవటం ఉత్తమం