Human angle

భార్య భర్తల బంధం అనేది ఎంతో అపురూపమైనది. ఎన్ని కష్టాలు వచ్చినా ఒకరితో ఒకరు తోడుంటూ జీవితాన్ని కొనసాగించడమే నిజమైన భార్య భర్తల సంబంధం.

ఇలాంటిదే ఒక కథ సోషల్ మీడియాలో హల్చల్ చేస్తోంది. అతనికి వచ్చిన కొద్దిపాటి ఆదాయంతోనే భార్యను ఉన్నత చదువులు చదివించారు. ప్రేమించి పెళ్లి చేసుకున్న భార్య ఏదో విషయం మీద దిగులుగా ఉందనే విషయాన్ని గమనించాడు. తమ 8 వ పెళ్లి రోజు కానుకగా ఒక అద్భుతమైన బహుమతిని భార్యకు ఇచ్చి  ఆశ్చర్యపరిచాడు

అనీష్  ఒక ప్రైవేట్ సంస్థలో ఉద్యోగం చేస్తుండగా రజితను ప్రేమించాడు. పెద్దలను ఒప్పించి వివాహం చేసుకుందామని వీరిరువురు నిర్ణయించుకున్నారు. అనీష్ కుటుంబం వారు ఒప్పుకున్నా, రజిత కుటుంబ వారి పెళ్ళికి నిరాకరించారు.

చివరకు రజిత కుటుంబవారు ఒక షరతు మీద వీరి పెళ్లి జరగడానికి ఒప్పుకున్నారు. ఎలాంటి పెళ్లి ఆచారం లేకుండా కట్టుబట్టలతో తీసుకెళ్ళమని అనీష్ కుటుంబాన్ని కోరారు. వరుడు అనీష్ బంధువులు మరియు స్నేహితుల సమక్షంలో చాలా సాధారణంగా డిసెంబర్ 29 2014 లో  వివాహం చేసుకున్నారు.

అనీష్ కి వచ్చే కొద్దిపాటి ఆదాయంతోనే రజితను ఉన్నత చదువులు చదివించారు. భర్త ఆసరాతో రజిత కామర్స్ లో పీహెచ్డీ చదువులు పూర్తి చేసింది. ప్రేమించి ఇష్టపడి పెళ్లి చేసుకున్నా అనీష్, భార్యలో ఏదో అసంతృప్తి కల్పిస్తున్నట్లు గమనించాడు. ఏదైనా పెళ్లి వేడుకలో పాల్గొన్న భార్య మొహంలో ఒక చింత కనిపించేది అనీష్ కి.  తమ పెళ్లి అంత సాదాసీదాగా జరిగిపోవడం విధిరాత అని అనుకుంటూ ఉండేది రజిత.

రజిత కి వధువుగా అలంకరించుకోవాలి అనే కోరిక ఉండేది. వారి పెళ్లి రోజున తీసిన ఫోటోలు వీడియోలులో రజిత అన్నిటిలోనూ విచారంగానే కనిపించింది. ఇది చూసిన అనీష్ కు ఎంతో బాధగా అనిపించి తమ 8వ పెళ్లి రోజును వారే ఎప్పటికీ మర్చిపోకూడదు అని నిర్ణయించుకున్నాడు అనీష్.

తమ 7 ఏళ్ల కుమార్తె అమ్ము సాక్షిగా పెళ్లినాటి ప్రమాణాలు చేస్తూ వెడ్డింగ్ ఫోటోషూట్ ను ఏర్పాటు చేశారు. అనీష్ రజిత వధూవరులుగా ముస్తాబయ్యారు. అట్టుకల్ దేవాలయం, శంకుముఖం బీచ్ తో సహా అనేక ప్రదేశాలలో ఫోటోషూట్ జరిగింది. ఈ ఫోటోలు డిజిటల్ ఆల్బమ్ గా మారింది. ఈ సారి ఫోటోలో ప్రత్యేకత ఏంటంటే “రజిత ముఖం చిరునవ్వుతో” వెలిగిపోయింది. భార్య కలను నెరవేర్చిన ఈ భర్త ఎంత గొప్పవాడో కదా..

ALSO READ : VARALAKSHMI VRATHAM 2023: వరలక్ష్మీ వ్రత విధానం మరియు విశిష్టత..!

పెళ్లి తర్వాత ఆలుమగలు ఆనందంగా ఉండడం చాలా ముఖ్యమైనది. చాలా మంది భార్యాభర్తలు తరచూ గొడవలు పడటం వంటివి చేస్తూ ఉంటారు. నిజానికి సంసారం బాగుండాలంటే భార్యాభర్తలు తప్పకుండా ఇది తెలుసుకోవాలి. అయితే మరి మీ సంసారం కూడా బాగుండాలంటే ఖచ్చితంగా దీన్ని మీరు తెలుసుకోండి.

పెళ్లి తర్వాత మగవాళ్ళకి ఒక ఆసరా దొరుకుతుంది. ఆడవాళ్ళకి అయితే రక్షణ, భద్రత లభిస్తుంది. ఇలా భార్య భర్త ఇద్దరూ కలిసి సంసారం రధాన్ని ముందుకు తీసుకు వెళుతుంటారు.

అయితే నిజానికి ఒకరి మీద ఒకరికి ఎక్స్పెక్టేషన్స్ ఉండడం సహజం. ఎక్స్పెక్టేషన్ లేకుండా ఎవరు వుండరు. ఒకవేళ కనుక భార్యాభర్తల మధ్య ఎక్స్పెక్టేషన్స్ ఎక్కువగా ఉన్నా.. లేదు అంటే తీరని ఎక్స్పెక్టేషన్స్ ఉన్నా సరే సంసారం లో ఇబ్బందులు వస్తాయి.

భార్య కానీ భర్త కానీ చేయలేనిది కానీ లేదంటే స్తోమత మించినది.. జరగని వాటిని ఎక్స్పెక్టేషన్స్ కింద పెట్టుకుంటే సమస్యలు రావడం సహజం. అదే విధంగా ఒక పని కాకపోతే మరొక అయినా పూర్తి చేయాలి. భర్త కోసం భార్య భార్య కోసం భర్త ఇది కుదరకపోతే అది అని చేస్తూ ఉండాలి. లేదంటే వాళ్ళ బంధం బాగోదు.

భార్య ని బాగా చూసుకోలేని వాడు ఎందుకు పనికి రాని వాడు అని ఆచార్య చాణక్య చెప్పారు. నిజానికి భార్యను భర్త అర్ధం చేసుకుని తోడుగా ఉండాలి. ఇది ఇలా ఉంటే ప్రతి భార్య కూడా తన భర్త బాగోగులు అడగాలి ప్రేమగా చూసుకోవాలి. అలాగే ఒకవేళ కనుక భర్తతో కనుక భార్య ఇబ్బంది పడుతూ ఉంటే మధ్యలో నేను ఈ వ్యక్తితో ఉండలేను.. సంసార జీవితాన్ని ముందుకు తీసుకు వెళ్ళలేను అని నిర్ణయం తీసుకోవటం సరికాదు.

అతనికి నచ్చినట్లు వీలైనంత వరకు అనుసరించడమే మంచిది. ఒకవేళ కనుక భార్య భర్తతో విడిపోయి.. ఆమె జీవితంలో మరొక వ్యక్తి వస్తే ఆ జీవితం బాగుంటుందని ఎవరు గ్యారెంటీగా చెప్పలేము. కనుక కొన్ని కొన్ని సార్లు సర్దుకుపోవడం కూడా మంచిదే. మగవాళ్ళు ఎడ్జస్ట్ అవ్వాలి. అలానే ఆడవాళ్ళు కూడా సర్దుకుంటూ వెళ్లిపోవాలి. ఇలా ఉంటేనే సంసార జీవితం బాగుంటుంది. కాబట్టి భార్యాభర్తలు తప్పకుండా ఈ విధంగా అనుసరిస్తే మంచిది. అప్పుడు సంసారం బాగుంటుంది.

ALSO READ : గద్దర్ రాసిన చివరి లేఖ..! అందులో ఏం ఉందంటే..?

భార్యభర్తల బంధం అనేది ఎంతో అద్భుతమైన వివాహ బంధం. కొందరు ప్రేమించినవారిని పెళ్లి చేసుకుని వివాహబంధంతో ఒకరైతే, మరీకొందరు పెద్దలు కుదిర్చిన వివాహబంధంతో ఒకటవుతారు. మొదటిలో భార్యాభర్తలకు ఒకరిపై ఒకరికి అవగాహన అనేది ఉండదు. నెమ్మది నెమ్మదిగా వాళ్ళిద్దరి మధ్య ప్రేమానురాగాలు నెలకొంటాయి.

చాలామందికి తన జీవిత భాగస్వామికి తనపై ప్రేమ ఉందో.. లేదో అని తెలుసుకోవాలని ఎంతో ఉత్సాహపడుతుంటారు.  అయితే మీ జీవితభాగస్వామికి మీపై ఎంత ప్రేమ ఉందని తెలుసుకోవాలనుకుంటున్నారా.. ఈ విషయాలు మీ కోసమే..

#1. మీపై శ్రద్ధ వహించడం :

మీరు చేసే ప్రతి చిన్న పనిలోనూ మీ జీవిత భాగస్వామి ఎంతో శ్రద్ధ వహిస్తారు. మీకు వీలైనంత సహాయం చేయడానికి ప్రయత్నిస్తుంటారు. మీరు చెప్పే ప్రతి మాటకు ప్రాముఖ్యతనిస్తారు. వారు మాటల్లో చెప్పకపోయిన వాళ్లు చేసే ప్రతి పనిలో మీపై ప్రేమ కనిపిస్తుంది.

#2. ప్రతి విషయాన్ని మీతో పంచుకోవడం :

మీ జీవిత భాగస్వామి మనసు లోపల ఉన్న రహస్యాలు కూడా మీతో పంచుకోవడానికి ఇష్టపడతారు. చుట్టూ ఉన్న లోకాన్ని మరచిపోయి అన్ని విషయాలు మీతో బహిరంగంగా చర్చిస్తారు. మీ మీద నిజమైన ప్రేమ ఉంటేనే తన రహస్యాలు కూడా మీతో పంచుకుంటారు.

#3. కళ్ళలోకి చూడడం :

మీ కళ్ళలోకి చూస్తూ ఈ లోకాన్నే మరిచిపోతారు. మీరు తప్ప మరొక విషయం వాళ్లకు గుర్తురాదు. మాటలతో మిమ్మల్ని ఆకర్షించుకోవాలని  చూస్తుంటారు. ఎంత బిజీగా ఉన్నా మీతో ఏకాంతంగా గడపడానికి ఇష్టపడతారు.

#4. మెచ్చుకోవడం ద్వారా :

మీరు చేసే ప్రతి పనిని మీ దగ్గర మరియు ఇతరుల దగ్గర  ప్రశంసిస్తూ, గొప్పగా చెబుతారు. దీనిద్వారా వాళ్లకు మీ మీద ఎంత ప్రేమ ఉన్నది అని అర్థమవుతుంది.

#5. ఆరోగ్యంపై శ్రద్ధ:

మీకు చిన్న అనారోగ్యం చేసిన మీ జీవిత భాగస్వామి భరించలేరు. మీ దగ్గరే ఉండి సపర్యలు చేస్తూ మిమ్మల్ని ఎంతో జాగ్రత్తగా చూసుకుంటారు. ఈ ఒక్క విషయం చాలు..  వాళ్లకు మీ మీద ఎంత ప్రేమ ఉందో చెప్పడానికి.

పెళ్లి అనేది అందరి జీవితంలో ఒక ముఖ్యమైన ఘట్టం అని అంటూ ఉంటారు. ఇలాంటి ఒక విషయం గురించి చాలా మంది ఆలోచించి నిర్ణయాలు తీసుకుంటారు. దీని వల్ల ఎటువంటి సమస్యలు రాకూడదు అని అనుకుంటారు.

అయితే ఎంత చేసినా కూడా తర్వాత కొన్ని సమస్యలు వస్తాయి. దానికి కొంత మంది సర్దుకుపోతారు. కానీ ఆ సమస్యలు మరీ పరిష్కరించలేనివి అయినప్పుడు వారు విడాకులు తీసుకుంటారు. ఈ విడాకులు అనేవి ఆ జంట పరస్పరం ఆలోచించుకొని తీసుకుంటారు.

దీని గురించి ఇప్పటికీ చర్చలు జరుగుతూనే ఉంటాయి. కుటుంబం అన్నాక ఇలాంటి సమస్యలు ఏవో ఒకటి వస్తున్నాయి సర్దుకుపోవాలి అని కొంతమంది అంటూ ఉంటే, మరి కొంతమంది మాత్రం కలిసి బతకలేనప్పుడు విడిపోయి ప్రశాంతంగా బతకడం నయం అని అంటుంటారు. ఇలా ఈ విషయం గురించి ఎన్నో చర్చలు జరుగుతుంటాయి. భారతదేశంలో కూడా ఒక జంట కలిసి ఉండలేకపోతే చట్టబద్ధంగా విడిపోవచ్చు అని ఉంది.

కాబట్టి న్యాయానికి అనుగుణంగానే ఆ జంట విడిపోతారు. అయితే చట్టంలో కూడా విడాకులు ఇవ్వడానికి కొన్ని నియమాలు ఉంటాయి. విడాకులు ఇచ్చేముందు చట్టం కూడా కొన్ని పద్ధతులు అనుసరిస్తుంది. కేవలం కొన్ని కారణాలకి మాత్రమే విడాకులు ఇస్తారు. సాధారణంగా ఒక జంట ఏదైనా బలమైన కారణం ఉంటే కానీ విడిపోరు. కానీ కొంత మంది మాత్రం చిన్నచిన్న కారణాలకి విడాకుల వరకు వెళ్తారు.

కానీ చట్ట పరంగా మాత్రం కొన్ని కారణాలకు మాత్రమే విడాకులు ఇస్తారు. అందులో ఒకటి మానసికంగా వేధించడం. కొట్టడం లాంటి వాటికి కచ్చితంగా విడాకులు ఇస్తారు. కానీ మానసికంగా వేధించడం కూడా ఒక రకమైన వేధింపులే కాబట్టి ఒక భర్త కానీ, భార్య కానీ, వారి భాగస్వామిని అవమానించి, కించపరిచి వారు మానసికంగా బలహీనంగా అయ్యేలా చేస్తే అలాంటి కారణానికి కూడా విడాకులు ఇస్తారు. మరొక కారణం క్రూరత్వం. ఇక్కడ కూడా క్రూరత్వం అంటే కేవలం కొట్టడం మాత్రమే కాదు.

అబద్ధాలు చెప్పడం, మోసం చేయడం కూడా దీని కిందకి వస్తుంది. కొంత మంది అయితే తమ భాగస్వామిపై తప్పుడు ఆరోపణలు కూడా వేస్తారు. ఇది కూడా ఒక రకమైన క్రూరత్వం అంటారు. ఈ విషయంలో భాగంగా సుమన్ టీవీ తో ప్రముఖ లాయర్ సాయి కృష్ణ ఆజాద్ మాట్లాడుతూ ఈ అసలు ఎలాంటి కారణాలకు విడాకులు ఇస్తారు అనే విషయాన్ని చెప్పారు. అంతే కాకుండా హిందూ వివాహ చట్టం ప్రకారం ఎలాంటి సెక్షన్లలో ఎలాంటి నియమాలు ఉంటాయి అనే విషయాన్ని కూడా చాలా వివరంగా చెప్పారు. ఈ విషయంపై ఇంకా వివరంగా తెలుసుకోవాలి అంటే ఈ వీడియో చూడండి.

watch video :

ALSO READ : తల్లి ఆస్తి కూతురికి చెందుతుందా..? కొడుకుకి చెందుతుందా..? చట్టం ఏం చెప్తోంది..?

సాధారణంగా కోడలికి అయిన అల్లుడికి అయినా అత్త గారిల్లు అంటారు. కానీ మామ గారి ఇల్లు అని ఎక్కడా ఎప్పుడు అనరు. మనది పితృస్వామ్య వ్యవస్థ అయినప్పటికీ కూడా అత్తగారిల్లు అనే పిలుస్తారు.

కోడలు అత్తవారింట్లో ఉండడం మనకు తెలిసిందే. వివాహం అయిన తరువాత ఆమె ఇల్లు అదే. ఇల్లరికం వెళ్ళిన అల్లుడు అత్త గారింట్లోనే ఉంటూ పనులు కూడా చేస్తుంటాడు. అలా వెళ్లని అల్లుడు మాత్రం పండుగలు, వేడుకలు, కొన్ని సమయాలలో మాత్రమే అత్తవారింటికి వెళ్తుంటారు. అయితే అత్తగారింటీకి వెళ్ళిన అల్లుడు చేయకూడని పనులు ఏమిటో ఇప్పుడు చూద్దాం..
మన పితృస్వామ్య వ్వవస్థ కుటుంబంలో అల్లుడూ, కోడలు ఇద్దరూ వేరే కుటుంబాల నుండి వచ్చినప్పటికీ, కోడలికి కుటుంబ బాధ్యతను, అల్లుడికి అయితే హోదా ఇచ్చింది. ఇక ఇల్లరికం వెళ్ళిన అల్లుడు అయితే బాధ్యతలో కోడలితో సమానంగా చూస్తారు. అందువల్లనే ఇల్లరికపు అల్లుడిని ఇంటికి పెద్ద పాలికాపు అని అంటారు. సాధారణంగా ఎవరింటి కైనా వెళ్ళినపుడు అతిథి పాటించే నియమాలన్నీ కూడా అల్లుడికి అత్తవారింటికి వెళ్ళిన సమయంలో వర్తిస్తాయని చెప్పచ్చు.

# ఇక అత్తగారింట్లో ఇళ్లరికపు అల్లుడు కానట్లయితే అల్లుడు చుట్టపు చూపుగా మాత్రమే వెళ్ళాలి. అప్పుడే ఆ అల్లుడికి  మర్యాద, విలువ ఎక్కువ.

# అల్లుడు అత్తవారింటికి వెళ్ళినపుడువారి కుటుంబ విషయాలలో జోక్యం చేసుకోకుదు.

# అల్లుడు ఎంత దూరం నుండి వస్తే అంత ఎక్కువ విలువ.

# అల్లుడు ఎంత బెట్టు చేస్తే అంత లెవెల్ లో చూస్తారు.

# అత్తగారింట్లో అడగకుండా అల్లుడు సలహాలు ఇవ్వకపోవడం మంచిది.

# అల్లుడు డబ్బు వ్యవహారాల్లో తల దూర్చకూడదు.

# అత్తగారింట్లో భార్య చేసే పనులను ఓపిగ్గా భరించాలి.

# అత్తగారింట్లో వారి ప్లాన్స్ ని అల్లుడు మార్చమని చెప్పపోవడం మంచిది.

# అత్తగారు చేసిన వంతలకు వంకలు పెట్టకపోవడం.

# అత్తగారింట్లో దురుసుగా వ్యవహరించకూడదు.

# ఆరోపణలు చేయకూడదు.

# ఇతరులకు ఇబ్బంది కలిగించడం లాంటివి చేయకూడదు.

ఇవన్నీ కొందరు చెప్పిన అభిప్రాయాలు మాత్రమే. వాస్తవంగా అయితే అల్లుడు, అత్తవారింటిలో ఉండేవారి మధ్య ఉండే అనుబంధాన్ని బట్టి ఉంటాయి.

Also Read: మీ వైవాహిక జీవితంలో తరచుగా గొడవలు అవుతున్నాయా..? అయితే ఈ 6 సూత్రాలు తప్పకుండా పాటించండి..!

కొంతమంది ఇగోలకు వెళ్ళి భార్యభర్తలు విడిపోతున్నారు. ముఖ్యంగా ఆడపిల్లలు ఎగవకు వెళ్ళి భర్త చెప్పిన మాట వినకుండా పుట్టింటికి వెళ్ళిపోయి, ఇంట్లోనే ఉండి, సంతోషంగా సింగల్ లైఫ్ ను కొనసాగించడానికి ఇష్టపడుతున్నారు, తల్లిదండ్రులు అది చూసి తట్టుకోలేక ఎవరికి చెప్పాలో తెలియక బాధపడుతున్నారు.

అయితే అమ్మాయికి ఎన్ని చెప్పిన వినట్లేదు. పోనీ మరో పెళ్లి చేద్దామా అంటే అక్కడ కూడా ఇదే సమస్య వస్తే ఎలా అని ఆలోచించే పరిస్థితి. అలాంటి అమ్మయిలకు గాని, తల్లిదండ్రులకు గాని ఏం చెప్తారు అని సుమన్ టీవి లైఫ్ ఛానెల్ లో అడిగిన ప్రశ్నకి లైఫ్ కోచ్ ప్రియ చౌదరిగారు ఇలా చెప్పుకొచ్చారు.చదువు అనేది ప్రస్తుతం ఉన్న ఆడపిల్లలను ఆత్మవిశ్వాసాన్ని పెంచి, వల్ల జీవితాన్ని నిలబెట్టుకుంటూ, తల్లిదండ్రుల తమ కోసం పడిన కష్టాన్ని అర్ధం చేసుకుని, ఉన్నత స్థానానికి ఎదుగుతున్నారు. అదే సమయంలో ఆర్ధికంగా నిలబడి తల్లిదండ్రులకు చాలా ఊతం ఇస్తున్నారు.
ఇది కాయిన్ కు ఒక వైపు. కానీ మరో వైపు బాధ్యత లేనటువంటి ఆడపిల్లలు నేను బాగా చదువుకున్నాను. నేను డిగ్రీ హోల్డర్ ని, నాకేంటి, ఎలాగైనా బ్రతికేస్తా అనే వైఖరి కనిపిస్తోంది. బాధ్యత లేని ఆడపిల్లలు ఒక విధనమైన ఇగో లేదా పొగరును చూపిస్తున్నారు. చేతిలో డిగ్రీ ఉందని, తామే గొప్పవారమనే భావనలో బయటికి వచ్చి, చేతిలో డిగ్రీ ఉందని, ఫాల్స్ థింకింగ్ లో ఉండిపోతున్నారు. ఎక్కడికెళ్ళినా, వీళ్ళు మాట్లాడిన మాటే జరగాలి అనే మొండితనంతో ప్రవర్తిస్తున్నారు.
ఈ మొండితనంను చిన్నతనం నుండే గమనించాల్సి ఉంటుంది. ఆ లక్షణాన్ని గమనించినపుడే వారికి నేర్పాల్సి ఉంటుంది. ఇగో అనేది ఆడపిలల్లకు పుట్టింట్లోనే చిన్నతనం నుండే ఎదిగేటపుడు వారితో పాటు ఎదుగుతూ వస్తుంది. ఇంట్లో వాళ్ళదే పై చేయిగా ఉండాలని, పెత్తనం చేయాలని చూస్తుంటారు. వాళ్ళకి జీవితం విలువ తెలియదు. అలాంటి వాళ్ళకి డబ్బు కూడా తెలియదని చెపుకొచ్చారు. పూర్తి వివరాల కోసం క్రింది వీడియోను చూడండి..

watch video: 

Also Read: ముగ్గురు ఆడపిల్లలు… బాధ్యతల భారం… కానీ..! ఈ మహిళ గురించి తెలిస్తే కన్నీళ్లు ఆగవు..!

పట్టుదల ఉన్నట్లయితే పేదరికం కూడా అడ్డురాదని, చదువుకోవాలనే తపన ఉంటే కుటుంబ పరిస్థితులు ఆటంకం కాదని భారతి అనే మహిళ నిరూపించింది. పేదరికాన్ని పోగొట్టాలంటే శక్తివంతమైన ఆయుధం చదువు మాత్రమే అనే  మాటలను నిజం చేసింది.

కూలీపని చేసే ఒక మహిళ పీహెచ్‌డీ పట్టాను సాధించిన అద్భుతమైన ఘటన అనంతపురం జిల్లాలో చోటు చేసుకుంది. రోజు కూలి పనులకు వెళ్తూ, పిహెచ్‌డి పూర్తి చేసిన మట్టిలో మాణిక్యం భారతి. ఒక రోజు కూలికి వెళ్తే, మరోక  రోజు కాలేజీకి వెళ్లి చదువుకుంటూ పీహెచ్‌డీ పూర్తి చేసిన సాకే భారతి గురించి ఇప్పుడు చూద్దాం..
ఆంధ్రప్రదేశ్‌ రాష్ట్రంలోని అనంతపురంలోని శింగమనల నాగుల గడ్డకు చెందిన సాకే భారతి, ఆమె భర్త ప్రోత్సాహంతో శ్రీ కృష్ణ దేవరాయ యూనివర్శిటీలో కెమిస్ట్రీలో పిహెచ్‌డి పూర్తి చేసి, గవర్నర్ చేతుల మీదుగా పట్టా అందుకోవడంతో ఆమె వెలుగులోకి వచ్చింది. ఆమె ఎలాంటి కోచింగ్‌ కు వెళ్లలేదు. కెమిస్ట్రీని చదివి, పీహెచ్‌డీ చేసింది. ఆమెకు శ్రీకృష్ణదేవరాయ యూనివర్శిటీ స్నాతకోత్సవంలో గవర్నర్ పీహెచ్‌డీ పట్టాను అందచేశారు.
వేదిక పైకి భారతి భర్త, కూతురుతో కలిసి వచ్చింది. పారగాన్‌ చెప్పులు వేసుకుని, సాదా చీర ధరించి వచ్చిన భారతి ఆహార్యాన్ని చూసిన వేదిక పైన పెద్దలు, అతిథుల ముఖాల్లో ఆశ్చర్యం. ఆ తరువాత లక్ష్యసాధనకు పేదరికం అడ్డంకి కాదని నిరూపించిన భారతిని చూసి సంతోషపడ్డారు. భారతి చిన్నతనం నుండే బాగా చదువుకోవాలని కోరుకునేది. టెన్త్ క్లాస్ వరకు ప్రభుత్వ పాఠశాలలో, ఇంటర్‌ గవర్నమెంట్ జూనియర్‌ కాలేజీలో చదువుకుంది.ఆమె తల్లిదండ్రులకు ముగ్గురు ఆడపిల్లలు. వారిలో భారతి పెద్దది. బాధ్యతల భారం, కుటుంబ ఆర్థిక స్థితి బాగోలేకపోవడంతో ఆమెకు మేనమామ శివప్రసాద్‌తో పెళ్లి చేశారు. ఆమె భవిష్యత్తు గురించి ఎన్నో కలలు కన్నది. కానీ వాటి గురించి భర్తకు చెప్పలేదు. కానీ శివప్రసాద్‌ భారతి కోరికను అర్థం చేసుకుని, పై చదువులు చదివడానికి ప్రోత్సాహన్ని అందించాడు. భారతి తమ జీవితాలను మార్చుకోవడం కోసం ఇదే ఒక మంచి అవకాశం అని భావించింది. కానీ భర్త ఆర్థిక స్థితి అంతంత మాత్రమే. దాంతో ఆమె కొన్నిరోజులు కూలీ పనులకు వెళ్ళేది. మరి కొన్ని రోజులు కాలేజీకి వెళ్తూ డిగ్రీ, పీజీ పూర్తి చేసింది. అప్పటికే ఆమెకు ఒక కూతురు. ఆమె ఆలనా పాలనా చూస్తూనే భారతి అటు చదువు, ఇటు కులీ పనులు, ఇంటి పనులు సమన్వయం చేసేది. రోజూ అర్ధరాత్రి వరకూ చదువుకునేది. మళ్లీ పొద్దున్నే లేచి మళ్ళీ చదువుకునేది. ఇక కాలేజీకి వెళ్లాలంటే ఆమె ఉండే ఊరి నుండి 28 కిలో మీటర్లు ప్రయాణం చేయాలి.
వారిది రవాణా ఖర్చులు కూడా భరించలేని పరిస్థితి. దాంతో భారతి 8 కిలోమీటర్ల దూరంలో ఉండే గార్లదిన్నె ఊరు వరకు నడిచి, అక్కడ బస్సు ఎక్కేది. ఇన్ని కష్టాల మధ్య ఆమె డిగ్రీ మరియు పీజీ మంచి మార్కులతో పాస్ అయ్యింది. ఆమె ప్రతిభను చూసిన భర్త శివప్రసాద్‌, ప్రొఫెసర్లు భారతిని పీహెచ్‌డీ చేసే దిశగా ఆలోచించమని చెప్పారు. అలా  ప్రయత్నించగా ఆమెకు ప్రొఫెసర్‌ డా.ఎంసీఎస్‌ శుభ వద్ద ‘బైనరీ మిక్చర్స్‌’ అనే అంశం పై పరిశోధనకు అవకాశం వచ్చింది.పీహెచ్‌డీ కోసం వచ్చే ఉపకార వేతనం ఆమెకి కొంత వరకు సాయపడింది. అయినా భారతి కూలి పనులు చేయడం మానలేదు. ‘‘డాక్టరేట్‌ చేస్తే యూనివర్సిటీ స్థాయిలో జాబ్ పొందవచ్చు. ఆ ఉద్యోగం మా జీవితాలను బాగు చేస్తుంది. తాను నేర్చుకున్న జ్ఞానాన్ని ఎందరికో పంచే అవకాశం ఉంటుంది. తాను సాధించిన విజయం తన లాంటి వారెందరికో ప్రేరణను ఇస్తుంది” అని భారతి చెప్పుకొచ్చారు.

Also Read: డాక్టర్లకే అర్ధం కానిది.. మామూలు వాళ్ళకి ఏం తెలుస్తుంది..? ఈ యువతుల కథ ఏంటంటే..?

మామూలుగా ఆడవాళ్లు నైటీ పగటిపూట కూడా వేసుకుంటూ ఉంటారు. ఒకవేళ బయటికి వెళ్లాల్సి ఉంటే నైటీ మీద చున్నీ లాంటిది ఏదైనా కప్పుకొని వెళతారు. కానీ నైటీ పగటిపూట వేసుకోవడం సరైనది కాదట. దానికి కారణాలు ఏంటంటే.

మనం రాత్రి పడుకున్నప్పుడు మన ఒంటి మీద ఎన్నో క్రిములు చేరతాయట. అలాగే మనం పొద్దున లేచిన తర్వాత పళ్ళు తోముకోవడం లాంటి పనులు చేసినప్పుడు క్రిములు ఇంకా ఎక్కువగా ఉంటాయట. అలా మనకి తెలియకుండా
మనం పొద్దున నిద్ర లేచే సమయానికి ఎంతో బ్యాక్టీరియా మన మీద ఉంటుంది.

ఒకవేళ ఆ బ్యాక్టీరియాతో వేరే గదులలో కి వెళితే క్రిములు వ్యాపించే అవకాశాలు ఉంటాయి. ముఖ్యంగా వంటగదిలోకి వెళ్తే మన చుట్టూ ఉన్న వంట పదార్థాల పై కూడా బ్యాక్టీరియా అనేది పడుతుంది. కాబట్టి వ్యాధులు వచ్చే ఆస్కారం ఉంటుంది. అందుకే స్నానం చేసిన తర్వాతే వంటగదికి వెళ్లాలి అని అంటారు.

అంతేకాకుండా నైటీ అన్న పదం లో నైట్ ఉంది అంటే అవి రాత్రి పూట వేసుకునే దుస్తులు అన్న విషయాన్ని సూచిస్తుంది. కాబట్టి నైటీలు రాత్రిపూట మాత్రమే వేసుకోవాలి. ఇంకొక కారణం ఏంటి అంటే గౌను లాగా ఉండే నైటీలు అందరూ క్యారీ చేయలేరు. అలాంటి వాళ్ళు నైట్ సూట్ వేసుకోవాలట. లేదా ఓవర్ కోట్ ధరించాలట. అప్పుడు నైటీ లేదా నైట్ డ్రెస్ ని ఎటువంటి ఇబ్బంది లేకుండా సౌకర్యవంతంగా క్యారీ చేయగలుగుతారట.

సంసారాన్ని చదరంగంతో పోలుస్తారు…ఎందుకంటే మనం వేసే ఒక్క తప్పుటడుగు జీవితాన్ని చిన్నాభిన్నం చేస్తుంది కాబట్టి. కానీ ప్రస్తుత హడావిడి జీవనశైలి మరియు పరిస్థితుల కారణంగా ఆడవారు తమ పార్టనర్‌ పట్ల ఆసక్తిని కోల్పోతున్నారు. క్రమంగా కొంతమంది అయితే అసలు పెళ్లి చేసుకోకూడదు అని నిర్ణయం తీసుకునే స్థితికి వస్తున్నారు.

పెళ్లి అనేది కేవలం ఇద్దరు మనుషుల మధ్య జరిగే ఒక తపన కాదు.. అది రెండు మనసులు పరస్పరం ఒకరిని ఒకరు అర్థం చేసుకొని కలిసి నడిస్తే ఏర్పడే ఒక పవిత్ర బంధం. కానీ ప్రైవసీ, జాబ్, ఇండివిజువాలిటీ ఇలాంటి కారణాల వల్ల చాలామంది తమ జీవితంలో లేని సమస్యలను కొని తెచ్చుకుంటున్నారు.

ఆడవారు ఎప్పుడు కూడా భర్తలు తమని మానసికంగా అర్థం చేసుకోవాలని, నలుగురిలో గౌరవ ,మర్యాదలతో చూసుకోవాలని భావిస్తారు. కానీ కొన్ని సందర్భాలలో తమ కుటుంబంలో నెలకొంటున్న కలతల కారణంగా తీవ్రమైన మానసిక వత్తిడికి గురి అయిన సందర్భంలో వారు తమ రిలేషన్షిప్ పై ఇంట్రెస్ట్ పూర్తిగా కోల్పోతారు. మరి ఇలా జరగడానికి వెనక కారణాలు ఏమిటో తెలుసుకుందాం..

నమ్మకం ముఖ్యం…

తమ పార్ట్నర్స్ తమను మోసం చేస్తున్నారు అన్న భావన కలిగినప్పుడు లేదు నమ్మకంగా వాళ్ళు మోసం చేస్తున్నారు అని తెలిసినప్పుడు ఆడవారి మనసు తీవ్ర మనస్థాపానికి గురి అవుతుంది. అలాంటి సందర్భంలో వాళ్లకి తమ పార్ట్నర్ పై పూర్తిగా నమ్మకం పోవడంతో పాటు ఇష్టం కూడా పోతుంది.

కొత్తదనం…

పెళ్లయిన కొంతకాలానికి మగవారికి భార్యలపై ఒక చులకన అభిప్రాయం ఏర్పడే అవకాశం ఉంటుంది. వాళ్ల గురించి పెద్దగా పట్టించుకోకుండా ఫ్రెండ్స్ ,జాబ్ అని ఎక్కువగా సమయాన్ని కేటాయిస్తారు. అలాంటి సమయంలో తమ జీవితంలో కొత్తదనం కోల్పోయిన ఆడవారు క్రమంగా తమ పార్ట్నర్స్ పై ఆసక్తిని కూడా కోల్పోతారు. ఎప్పటికప్పుడు మీ లైఫ్ లో వాళ్లు ఎంత ఇంపార్టెంట్ అన్న విషయాన్ని తెలియపరచడంతో పాటు చిన్న చిన్న సర్ప్రైజెస్ ఇవ్వడం ఒక రిలేషన్ కు ఎంతో ముఖ్యం.

గౌరవం..

భార్య కదా అని ఎలా పడితే అలా ఉండొచ్చు అనుకుంటే పప్పులో కాలేసినట్టే. ఇది పురాణ కాలం కాదు.. నేటితరం యువత తమ భర్త తమకు ప్రేమతో పాటు గౌరవం కూడా ఇవ్వాలి అని ఎక్స్పెక్ట్ చేస్తారు. అది లేని చోట క్షణం కూడా ఉండడానికి వాళ్ళు ఇష్టపడరు. కాబట్టి మీ జీవిత భాగస్వామిని నీలో సగంగా భావించి ప్రేమించడంతో పాటు గౌరవించడం కూడా ఎంతో ముఖ్యం.

మనిషికి  ఎన్నో చేయాలి అని ఉంటుంది. అవి కెరీర్ విషయంలో కావచ్చు, జీవితం విషయంలో కావచ్చు, అలా చాలా పెద్దవి కాకపోయినా ఏదైనా ప్రదేశానికి వెళ్లాలి అనో, ఎవరైనా సెలబ్రిటీ తో ఫోటో దిగాలి లాంటి చిన్న చిన్న కోరికలు అయినా కావచ్చు. చాలామంది ” నేను చనిపోయే లోపు వీటిలో ఒక కోరిక అయినా తీరాలి” అని అంటూ ఉంటారు.

కానీ మన జీవితం ముగించే సమయం ఎప్పుడు వస్తుందో ఎవరికీ తెలియదు. ఒక్కొక్కసారి మనం అంచనా వేసిన దానికి ముందే ఏదో ఒక రూపంలో అలాంటి సమయం వస్తుంది. అప్పుడే ఇలా అనుకున్న కోరికల్లో కొన్ని అయినా నిజం చేసుకోవాలి అని అనిపిస్తుంది. ఇలాంటి పరిస్థితి నిజ జీవితంలో ఒక జంటకు ఎదురైంది.

అజూ రమేష్ భార్య భర్తలు వాళ్ళకి ఒక కొడుకు కూడా ఉన్నాడు. అజూకి క్రికెట్ ప్రత్యక్షంగా స్టేడియంలో చూడాలి అనే కోరిక ఉండేది. ఎన్నిసార్లు ప్రయత్నించినా స్టేడియం లో చూడటం కుదరలేదు. ఇందాక చెప్పినట్టు జీవితం ముగిసే సమయం ఎప్పుడూ ఎవరికీ తెలీదు. అజూకి అనారోగ్య సమస్యలు వచ్చాయి. అవి మెల్లగా పెద్ద సమస్యలుగా మారాయి. అజూ ఆరోగ్యం రోజు రోజుకి క్షీణించసాగింది. డాక్టర్లు తను ఇంకా ఎక్కువ రోజులు బతకలేదు అని చెప్పారు. అప్పుడు అజూ భర్త రాజేష్ తను ఎప్పటినుండో చూడాలి అనుకుంటున్న క్రికెట్ మ్యాచ్ ని ప్రత్యక్షంగా స్టేడియం కి తీసుకెళ్ళి చూపించడానికి నిర్ణయించుకున్నాడు. అప్పటికి అజూ ఆరోగ్య పరిస్థితి సరిగ్గా లేదు. కానీ అజూ ఎప్పటినుండో అనుకుంటుంది కాబట్టి, ఇంకా ఎక్కువ సమయం కూడా లేదు కాబట్టి రాజేష్ తగిన జాగ్రత్తలు తీసుకొని తన కోరిక ను ఎలాగైనా నిజం చేయాలి అని నిర్ణయించుకున్నాడు.

తనకి ఫ్రెండ్స్ కి తెలిసిన వాళ్లకి ఫోన్ చేసి ఎలాగైనా క్రికెట్ టికెట్స్ కావాలి అని చెప్పాడు. ఆఖరికి ఎంతో కష్టం తర్వాత టికెట్లు సంపాదించాడు. పరిస్థితి అందుబాటులో లేకపోతే హాస్పిటల్ కి తరలించడానికి ఆ స్టేడియం దగ్గర్లో ఉన్న ఒక హాస్పటల్లో మాట్లాడాడు, అలాగే స్టేడియంలోని పోలీసులకి కూడా తన పరిస్థితి వివరించాడు. విషయం అర్థం చేసుకున్న పోలీసులు లు తగిన జాగ్రత్తలు తీసుకోవడంలో రాజేష్ కి సహాయం చేశారు. ఇలా ముందే అన్ని ఏర్పాట్లు చేసి జాగ్రత్తగా అజుని క్రికెట్ మ్యాచ్ చూడడానికి తీసుకెళ్లాడు. తను ఎన్నాళ్ల నుండో అనుకుంటున్నది ఇప్పుడు నిజం అవడంతో అజు ఆనందానికి అవధులు లేవు. తన బాధంతా మర్చిపోయి మ్యాచ్ ని ఎంజాయ్ చేసింది. ఇది తన చివరి కోరిక అయింది. క్రికెట్ మ్యాచ్ కి వెళ్లి వచ్చిన కొన్నాళ్ళకే అజు మరణించింది.

ఇదంతా గతేడాది రాజేష్ తన ఫేస్బుక్ అకౌంట్లో పోస్ట్ చేశాడు. తన భార్య ఎంతో ధైర్యవంతురాలు అని, అతను కొద్ది రోజులకే చనిపోతుంది అని తెలిసినా ఎంతో ధైర్యంగా ఉంది అని, జీవితం ఎంతో విలువైనది, రాబోయే వాటి గురించి గడిచిపోయిన వాటి గురించి ఆలోచించకుండా ప్రస్తుతాన్ని ఆస్వాదించండి, మీకు ఉన్న వాటి కై దేవుడికి ఎప్పుడూ కృతజ్ఞతలు చెప్పండి, ఆనందంగా ఉండండి అని రాశాడు. ప్రస్తుతం వాళ్ళ కొడుకు తో సమయం గడుపుతున్నాను అని చెప్పాడు.నిజంగానే భవిష్యత్తులో ఎవరికి ఏమవుతుందో ఎవరు ఎలా ఉంటారు ఏమీ చెప్పలేం. అలాగని వాటి గురించి ఆలోచిస్తూ భయపడుతూ కూర్చోవద్దు. అలాగే జరిగిపోయిన వాటిని తలుచుకొని బాధపడొద్దు. ఇప్పుడు ఎలా ఉంది అనేది ముఖ్యం. ఇప్పుడున్న పరిస్థితి గురించి ఆలోచించండి. ఇదే అజూ నుండి మనం నేర్చుకోవాల్సిన విషయం.