Human angle

ప్రతి ఇంట్లోనూ గొడవలు వస్తూ ఉంటాయి. చిన్న చిన్న మాటలు అనుకోవడం లేదంటే ఒక్కొక్కసారి ఒకరి మీద ఒకరు అరుచుకోవడం ఇలాంటివి ప్రతి ఇంట్లో ఉండేవే. అత్తా కోడళ్ళ మధ్య భార్యా భర్తల మధ్య లేదంటే తోటి కోడళ్ల మధ్య గొడవలు వస్తుంటాయి.

గొడవ అయిపోయిన తర్వాత తిరిగి మళ్ళీ మామూలుగా ఉండటం మంచిది. ఒకరి మీద ఒకరు ద్వేషం పెట్టేసుకుని ఉంటే ఒక ఇంట్లో ఉండలేము.

చాలా మంది తోటి కోడళ్ల మధ్య గొడవలు వస్తుంటాయి. ఉమ్మడి కుటుంబంలో ఇటువంటివన్నీ కామన్ అని మీరు పక్కన పెట్టేయాలి. తోటి కోడళ్ళ మధ్య గొడవలు రావడం.. సూటిపోటి మాటలు అనుకోవడం.. చాలా ఇళ్లలో చూస్తూ ఉంటాం. మీరు కూడా ఇదే ఇబ్బందితో సతమతమవుతున్నారా..? అయితే దీనిని ఈ విధంగా పరిష్కరించుకోండి. ఇలా చేయడం వల్ల సులువుగా మీరు సమస్యను పరిష్కరించుకోవచ్చు.

#1. ఏదైనా సమస్య వస్తూ ఉంటే ఇతరుల స్వభావాన్ని మనం మార్చలేము. ఇది కష్టం. అలాంటప్పుడు మనల్ని మనమే మార్చుకోవడానికి ప్రయత్నం చేయాలి.
#2. మీ తోటి కోడలు వలన కనుక మీరు బాధపడుతూ ఉంటే మీ యొక్క బాధలను తనతో తెలపండి.
మీకు వుండే సమస్యను చూపించి ఆమె పదే పదే దెప్పుతుంటే… దాని గురించి చెప్పండి. ఇలా ఏ సమస్యకైనా సరే చెప్పడం చాలా ముఖ్యం.

#3. ఒకవేళ కనుక చెప్పినా వినకపోతే కుటుంబ సభ్యులతో ఒక సమావేశం ఏర్పాటు చేసుకోండి. మీకు కలిగే ఇబ్బందులు వివరించండి.
#4. అలానే కుటుంబం అంతా ఆనందంగా ఉండటం కోసం మీరు ఎలా ప్రయత్నం చేస్తున్నారు అనేదాని గురించి చెప్పండి. ఇలా ఫైనల్ గా ఒక పరిష్కారాన్ని కనుగొనండి. అంతేకానీ ఆవేశంతో ఊగిపోతూ ఉంటే ఏ సమస్యలు పరిష్కారం కావు.
#5. మొదట మీరు మీ యొక్క స్వభావాన్ని కాస్త మార్చుకుంటే అప్పుడు ఖచ్చితంగా సమస్య సాల్వ్ అవుతుంది. వ్యక్తిగతంగా కౌన్సిలింగ్ తీసుకున్నా కూడా సమస్య నుండి బయట పడవచ్చు.

పిల్లలపై ఎవరికి ఎక్కువ ప్రేమ ఉంటుంది అని అడిగితే తల్లిదండ్రులు తర్వాతే ఎవరైనా అని చెబుతారు. పిల్లలను ప్రాణాలు పణంగా పెట్టి మరీ కాపాడుకుంటారు. తొమ్మిది మాసాలు మోసి పెంచిన పిల్లలని, కంటికి రెప్పలా కాపాడుకుంటారు. కానీ ఈ అమ్మాయి తల్లిదండ్రులు అలా కాదు. నిర్ధాక్షిణ్యంగా ఆ పసి బిడ్డని రోడ్డుపై వొదిలేసి అనాథను చేశారు.

ఎంతో స్వఛ్చమైన బాల్యపు గుండెల్లో విషాదాన్ని నింపారు. అసలు ఎందుకు వొదిలేసారో తెలీదు. బరువు అనుకున్నారో? ఆడపిల్ల అనుకున్నారో? ఇంకేదైనా కారణం చేత పిల్లని వొద్దు అనుకున్నారో తెలీదు. అక్కడ వొదిలేయగా ఒక అనాథ శరణాలయం వారు ఆ బిడ్డను తీసుకుని పెంచారు. కానీ కొన్నేళ్ల తర్వాత కన్న తల్లిదండ్రులు ఒక వజ్రాన్ని కోల్పోయామే అని బాధపడే స్థాయికి చేరుకుంది ఆ అమ్మాయి.

తను ఎవరో కాదు “లీసా స్థలేస్కర్” ఆస్ట్రేలియన్ వుమెన్ క్రికెట్ టీమ్ కెప్టెన్. తను పసికందుగా ఉన్నప్పుడే, ఒక అనాథాశ్రమం ముందు కన్న తల్లిదండ్రులు వొదిలి వెళ్లిపోవడంతో… అనాథ శరణాలయం వారు ఆ బిడ్డని పెంచుకున్నారు. ఈ ఘటన మహారాష్ట్రలోని పూణెలో ఉన్న శ్రీ వాస్తవ అనాథాశ్రమం దగ్గర జరిగింది. ఇదిలా ఉండగా ఒకరోజు అమెరికాకు చెందిన హరెన్, స్యూ దంపతులు ఇండియాని సందర్శించేందుకు వచ్చారు.

అలా వచ్చినప్పుడు తాము ఒక అబ్బాయిని దత్తత తీసుకోవాలి అనుకున్నారు. కానీ తమ చూపు… ఎంతో కోమలమైన, మృధువైన, ఆకట్టుకునే కళ్ళతో, అమాయకంగా ఉన్న అమ్మాయి వైపు పడింది. తద్వారా తమ అభిప్రాయాన్ని మార్చుకుని, అబ్బాయికి బదులు ఈ అమ్మాయిని దత్తత తీసుకోవాలి అనుకున్నారు. ఆ అమ్మాయే లీసా. మొదట తన పేరు లైలా అని ఉండగా… ఈ అమెరికా దంపతులు లీసా స్థలేస్కర్ గా మార్చారు. అక్కడి నుండి లీసా జీవితం కీలక మలుపు తీసుకుంది. మళ్ళీ వెనక్కి తిరిగి చూసుకునే పని లేకపోయింది.

హరెన్, స్యూ దంపతులు, చట్టపరంగా లీసాను దత్తత తీసుకుని అమెరికాకు తీసుకువెళ్ళారు. అప్పటికీ వారికి ఒక కుమార్తె ఉన్నప్పటికీ, అమాయకురాలైన లీసా తమకి నచ్చింది. తరువాత అమెరికా నుండి తమ కుటుంబం ఆస్ట్రేలియాకు చేరుకోగా…లీసా తన చదువును పూర్తి చేసుకుంటూనే క్రికెట్ వైపు మొగ్గు చూపింది. అప్పుడప్పుడు వీధిలో పిల్లలతో సరదాగా ఆడుతుండగా…అదే తన ప్యాషన్ అండ్ ప్రొఫెషన్ గా మలచుకుంది.

ఇక అక్కడి నుండి భరిలో దిగింది.లీసా తన మొదటి మ్యాచ్ ను 1997లో న్యూ- సౌత్ వేల్స్ ద్వారా ఆడింది. తరువాత 2002లో ఆస్ట్రేలియా వన్ డే క్రికెట్ మ్యాచ్ ఆడగా… 2003, 2005 లో ఆస్ట్రేలియా మొదటి టెస్ట్ మ్యాచ్, మొదటి టీ 20 మ్యాచ్ లను వరుసగా ఆడింది. అనేక పరుగులు తీస్తూ, వికెట్ల పడగొడుతూ… ఇతర టీమ్ లకు ధీటుగా నిలుస్తూ సూపర్ వుమెన్ క్రికెటర్ అనిపించుకుంది. ఒక్కరోజులోనే 100 కాదు 200 కాదు ఏకంగా 1000 పరుగులు తియ్యాడంతో పాటు, 100 వికెట్లు పడగొట్టి రికార్డ్ సృష్టించింది. తన టాలెంట్ అక్కడితో ఆగలేదు, ICC ర్యాంకింగ్ ప్రకారం నంబర్ వన్ ఆల్ రౌండర్ గా నిలించింది.

ఇలా చెప్పుకుంటూ పోతే తను సాధించిన విజయాలు ఒకటి రెండు సంఖ్యలతో ముగుసిపోవు. 2013 లో క్రికెట్ ప్రపంచ కప్ ను కూడా సాధించింది. కన్న తల్లిదండ్రులు తనను అనాథను చేసి తలరాతను మారిస్తే… ఇప్పుడు తన తలరాతను తానే రాసుకుని జీవితాన్ని విజయ పథం వైపు నడిపిస్తుంది. దీంతో ఎంతో మంది యువతులకు, అనాథలకు స్ఫూర్తిదాయకంగా నిలిచింది లీసా స్తలేస్కర్.

వైవాహిక జీవితంలో భార్య భర్తల మధ్య గొడవలు వస్తూనే ఉంటాయి. ఎటువంటి గొడవలు రాకుండా భార్య భర్తలు ఎలా ఉండాలి..?, అసలు గొడవలు రాకుండా వైవాహిక జీవితంలో ఎలా నడుచుకోవాలి అనే దాని గురించి ఇప్పుడు తెలుసుకుందాం. చాలామంది ఆశ్చర్యపోతారు వైవాహిక జీవితం అన్నాక గొడవలు వస్తూ ఉంటాయి కదా..

భార్య భర్తల మధ్య గొడవలు సహజం కదా అని భావిస్తారు. అయితే నిజానికి చిన్న చిన్న గొడవలు కూడా రాకుండా మనం అడ్డుకోవచ్చు. ఎటువంటి గొడవలూ రాకుండా ఆనందంగా భార్యాభర్తలు జీవించవచ్చు.

#1. ఒకసారి ఆగండి:

ఏదైనా మాట్లాడే ముందు కానీ ఏదైనా చెప్పేముందు కానీ ఒకసారి ఆగండి. ఒకసారి ఆలోచించుకుని అప్పుడు మాత్రమే దానిని చెప్పండి. అప్పుడు కచ్చితంగా గొడవలు రాకుండా ఉంటాయి.

#2. మీ పార్టనర్ ని నిందించవద్దు:

మీ యొక్క భావాలని మీరు చెప్పినప్పుడు ఇతరులను నిందించకండి. వాళ్ళ తప్పుల గురించి మాట్లాడద్దు.

#3. అసలు సమస్యనే చూసుకోండి:

చాలామంది డైవర్ట్ చేస్తూ ఉంటారు. అలా కాకుండా అసలు సమస్య ఏమిటి అనే దానిని పరిష్కరించుకోండి. అలా చేస్తే ఇబ్బందులు రాకుండా ఉంటాయి.

#4. మొదట వినండి:

గొడవలు రాకుండా ఉండాలంటే ముందు ఎదుటి వారు చెప్పేది వినండి. ఆ తర్వాత మీరు మాట్లాడండి. ఇలా చేయడం వల్ల కూడా మీ మధ్య గొడవలు రాకుండా ఉంటాయి.

#5. మాట్లాడే టోన్ మార్చండి:

మాట్లాడేటప్పుడు కోపంగా మాట్లాడద్దు. మీ టోన్ బాగుండేలా చూడండి. అప్పుడు ఎదుటి వాళ్ళు కూడా మీరు చెప్పేది వింటారు. గట్టిగా అరుచుకుంటూ వెళ్తే ఇబ్బందులు తప్ప సమస్యకి పరిష్కారం ఉండదు.

#6. వాళ్ళ ప్లేస్ లో ఉండి ఆలోచించండి:

ఎప్పుడైనా సరే గొడవలు రాకుండా ఉండాలంటే వాళ్ళ ప్లేస్ లో ఒకసారి మీరు ఉంటే ఏం చేస్తారు అనేది చూసుకోండి. ఇలా చేయడం వల్ల వాళ్లు చేసేది కూడా కరెక్ట్ అని మీకు అర్థమవుతుంది. మీ మధ్య గొడవలు కూడా రాకుండా ఉంటాయి.

పెళ్ళయిన కొత్తలో భార్యాభర్తలిద్దరూ ఒకరిపై ఒకరు చాలా ప్రేమ కురిపిస్తారు. ఒకరంటే ఒకరు విడిచి ఉండలేనంత కేరింగ్ తీసుకుంటారు. ఇష్టాయిష్టాలను తెలుసుకొని భాగస్వామి మెప్పు పొందాలని ప్రయత్నిస్తారు.

అలాగే ఒకరికి ఒకరు సమయం వెచ్చిస్తూ అనేక విషయాలు సరదాగా చర్చించుకుంటారు. కానీ కొన్నిసార్లు సరదాగా మాట్లాడినవే సీరియస్ అవుతుంటాయి. అందుకే మీ భాగస్వామి దగ్గర కొన్ని విషయాలు ఎప్పటికి మాట్లాడకూడదు అవేంటంటే . .

1. పాత స్నేహాల గురించి మాట్లాడడం: 

మీకు గతంలో ఉండే స్నేహాల గురించి, పరిచయాల గురించి అతిగా మాట్లాడకూడదు. ఒక్కోసారి అది మీ క్యారెక్టర్ పై నెగటివ్ ప్రభావాన్ని చూపించొచ్చు.

2. కుటుంబ సభ్యుల గురించి మాట్లాడడం: 

ఎట్టి పరిస్థితుల్లో కూడా మీ భాగస్వామి దగ్గర వారి కుటుంబ సభ్యుల గురించి తక్కువ చేసి మాట్లాడడం గాని, చెడుగా మాట్లాడడం గాని చేయకూడదు. దీనివల్ల మీ ఇద్దరి మధ్య అనవసరమైన గొడవల ప్రారంభమవుతాయి.

3. ఇతరులతో పోల్చవద్దు:

మీ భార్యను లేదా భర్తను ఇతరులతో అస్సలు పోల్చకూడదు. దీనివలన వారిలో అసూయ, ఈర్ష, కోపం పెరిగిపోతాయి.

4. పాత గొడవలు వదిలేయాలి:

భార్యాభర్తలు అన్నాక చిన్న చిన్న గొడవలు జరుగుతూ ఉంటాయి. వాటిని ఎప్పటికప్పుడు వదిలేయాలి కానీ వాటిని తవ్వుతూ మరింత పెద్దవి చేసుకోకూడదు.

5. చెడు అలవాట్లను మానేయండి:

గతంలో మీకు స్మోకింగ్, డ్రింకింగ్ లాంటి చెడు అలవాట్లు ఉంటే వాటిని వెంటనే మానేయండి. అంతేకానీ వాటి గురించి మీ భాగస్వామి వద్ద చర్చించొద్దు.

6. ఆర్థిక సమస్యలు:

మీ ఆర్థిక సమస్యలకు మీ భాగస్వామిని బాధ్యులను చేయకండి. అవి మీ అంతట మీరే పరిష్కరించుకోండి.

7. లోపాలను ఎత్తిచూపొద్దు:

అదే పనిగా మీ భాగస్వామిలోని లోపాలను ఎత్తి చూపడం మంచిది కాదు. పై విషయాలన్నీ పాటించడం ద్వారా ఆలుమగలు ఎలాంటి మనస్పర్థలు లేకుండా ఆనందంగా జీవించొచ్చు.

ప్రేమ చాలా మధురమైంది.. ప్రేమలో ఉన్నంత కాలం.. స్వర్గంలో ఉన్న ఫీలింగ్ కలుగుతుంది.. ప్రేమ కోసం ఏ చేయడానికైనా సిద్ధం అనేలా తయారు చేస్తుంది. ఒక్కసారి పీకల్లోతు ప్రేమలో మునిగితే చుట్టుపక్కల లోకంతో పనే ఉండదు.. కొందరికి అయితే ఆకలి వేయదు.. నిద్ర రాదు.. ఇలా ప్రేమ ఎంత హ్యాపీగా ఉంచుతుందో.. కానీ విఫలమైతే విషాదం నింపుతోంది.

అయితే కొందరు మాత్రం ప్రేమే జీవితం అనుకోని.. నచ్చిన వ్యక్తి దూరం పెడితే తట్టుకోలేక ఆత్మహత్యే గతి అనుకుంటున్నారు. నిండు నూరేళ్ల జీవితాన్ని ముందే ముగించేసుకుంటున్నారు. అయితే ఇలా ప్రేమ కోసం, ప్రేమించిన వారి కోసం ప్రాణాలు తీసుకొనేవారు ఒక్క క్షణం తన తల్లిదండ్రులు, తోబుట్టువుల గురించి ఆలోచిస్తే వారికీ ఇంత బాధ ఉండదు కదా అంటుంది ఒక అమ్మాయి..

representative image

ప్రేమించిన అమ్మాయితో గొడవ అవ్వడం తో ఆత్మహత్య చేసుకున్న తన తమ్ముడి లా ఎవరు మారొద్దని.. తమ కుటుంబం లా ఎవరు బాధపడకూడదని కోరుకుంటోంది ఈ యువతి.. ఆమె వేదన ఏంటో ఆమె మాటల్లోనే విందాం..

” నా పేరు సత్య, మా ఇంట్లో నేను, అమ్మ, తమ్ముడు కళ్యాణ్ ఉండేవాళ్ళం. నాన్న మేము చిన్నగా ఉన్నప్పుడే మరణించడం తో అమ్మ కస్టపడి తమ్ముడ్ని, నన్ను పెంచింది. అందుకే నేను నా డిగ్రీ పూర్తి కాగానే ఒక ఉద్యోగం చేరిపోయాను. మా తమ్ముడు బాగా చదువుతాడు. వాడికి గ్రూప్స్ రాసి మంచి ఉద్యోగం సంపాదించాలని కోరిక ఉండేది. దానికి తగ్గట్టే కస్టపడి చదివే వాడు. దానికి నేను సహాయం చేస్తూ ఉండేదాన్ని. ఇలా మా జీవితం హ్యాపీ గా గడుస్తున్న సమయం లో ఒక సంఘటన జరిగింది.

మా తమ్ముడు కోచింగ్ తీసుకుంటున్న సెంటర్లోనే ఒక అమ్మాయితో పరిచయం అయ్యింది. ఇద్దరు ఒకరినొకరు బాగా ఇష్టపడ్డారు. ఆ అమ్మాయిని నాకు కూడా పరిచయం చేసాడు. ఏం జరిగినా కూడా చదువు మాత్రం నిర్లక్ష్యం చెయ్యలేదు. ఇంతలో గ్రూప్స్ నోటిఫికేషన్ వచ్చింది. ఇంకా కస్టపడి చదవడం స్టార్ట్ చేసాడు కళ్యాణ్. అయితే ఒక విషయం లో నా తమ్ముడికి, వాడు ప్రేమించిన అమ్మాయికి చిన్న గొడవ జరిగింది. ఒకరితో ఒకరు మాట్లాడుకోవడం మానేశారు.

ఇంతలో నాకు కళ్యాణ్ బిహేవియర్ లో మార్పు కనిపించి ఏమైంది అని అడిగా.. కానీ ఎక్సమ్ టెన్షన్ అంటూ మాట దాటేశాడు. నేను కూడా అదే నిజం అనుకున్నా.. కానీ అదే నేను చేసిన పెద్ద తప్పు.. కొన్ని రోజులకు కళ్యాణ్ తన రూమ్ లో ఫ్యాన్ కి ఉరేసుకున్నాడు. ఒక్కసారిగా అందరం షాక్ అయిపోయాం. నేను, అమ్మ ఈ విషయాన్ని జీర్ణించుకోలేకపోయాం. ఆ తర్వాత నాకు వాడి పరిస్థితి గురించి తెలిసింది.

చిన్న గొడవని.. పెద్దగా ఊహించుకొని ఆ అమ్మాయిని దూరం చేసుకొని చివరికి క్షణికావేశం లో జీవితాన్ని కోల్పోయాడు కళ్యాణ్. కానీ చిన్నప్పటి నుంచి తోడుగా ఉన్న అక్క, మా మీదే ప్రాణాలు పెట్టుకున్న అమ్మ, అలాగే తాను ప్రేమించిన అమ్మాయి గురించి ఆలోచించకుండా ప్రాణాలు తీసుకున్నాడు. ఒక్కసారైనా నాతో కానీ, లేదా వాడు ప్రేమించిన అమ్మాయితో కానీ మనసు విప్పి మాట్లాడి ఉంటే ఇప్పుడు మాకు ఇంత శోకం ఉండేది కాదు.

ప్రతి బంధం లో గొడవలు అనేవి ఉంటాయి. కానీ వాటిని ఎంతవరకు తీసుకోవాలి.. వాటిని ఎలా పరిష్కరించుకోవాలి అన్న దానిపై మన వివేకం ఆధార పది ఉంటుంది. ఎంతో తెలివిగల వాడు అనుకున్నా నా తమ్ముడు ఇంత తెలివితక్కువ పని చేసి మా అందరికి ఇంత బాధని మిగిల్చాడు. నాలాగా ఇంకొకరు బాధపడకూడదు అని నేను కోరుకుంటున్నాను.” అని ఆ యువతి తన జీవితం లో జరిగిన విషాదం గురించి పంచుకుంది.

బిడ్లలను తల్లిదండ్రులు ఎంతో గారాబంగా పెంచుకొని ఉంటారు. తీరా ఆ తల్లిదండ్రులకు అండగా ఉండాల్సిన సమయంలో.. యువత ఆత్మహత్య చేసుకోవడం విష్మయం కలిగిస్తోంది. ఒక్కసారి ఇలాంటి ఆత్మహత్యలు చేసుకునే ముందు యువత ఒకసారి ఆలోచించుకోవాలి.. వారి మీద కుటుంబాలు ఆధారపడి ఉంటాయని గుర్తుంచుకోవాలి. తమని నమ్ముకొని ఒక కుటంబం ఉందని గుర్తుంచుకోవాలి.

కెరటం నా ఆదర్శం… లేచి పడుతున్నందుకు కాదు పడినా లేస్తున్నందుకు.. అని అన్నారు స్వామి వివేకానంద. ఎంతో మందికి వివేకానంద ఆదర్శం. ఆయన నడిచిన మార్గం అద్భుతం. ఆయన నేటికీ నిదర్శనం. భారతదేశాన్ని జాగృతము చేసారు వివేకానంద. అదే విధంగా అమెరికా, ఇంగ్లాండులలో యోగ, వేదాంత శాస్త్రములను ఆయన ఉపన్యాసములతో.. వాదనలతో పరిచయం చేసారు.

ఒక ప్రఖ్యాత ఆధ్యాత్మిక నాయకుడు అయిన స్వామి వివేకానంద జనవరి 12, 1863 న జన్మించారు. జూలై 4, 1902 న మృతి చెందారు. అయితే ఈయన మరణం వెనుక వుండే నిజాలు గురించి చాలా మందికి తెలియవు. మరి ఆయన మరణం గురించి ఆ నిజాలు గురించి చూద్దాం.

నిజానికి చాలా మందికి స్వామి వివేకానంద ఎలా చనిపోయారు ఎందుకు చనిపోయారు అనేది తెలియదు. మరి స్వామి వివేకానంద కి సంబంధించిన ముఖ్యమైన విషయాలు తెలుసుకుందాం.

స్వామి వివేకానంద హిందూ మతం గురించి అవగాహన కల్పించారు. హిందూ మత ప్రాశస్త్యం గురించి ఎన్నో ఉపన్యాసాలు కూడా ఇచ్చారు. భారతదేశం ప్రాచీన ఔన్నత్యాన్ని పొందాలని స్వామి వివేకానంద ఎంతగానో ఎదురుచూశారు. అమెరికాలో ఈయన ప్రసంగానికి చాలా మంది ఆయన శిష్యులు కింద కూడా మారారు.

పాశ్చాత్య దేశాలలోకి అడుగు పెట్టిన మొదటి హిందూ సన్యాసి స్వామి వివేకానంద. భారత దేశం వచ్చాక రామకృష్ణ మఠాన్ని కూడా స్వామి వివేకానంద స్థాపించడం జరిగింది. అయితే 39 ఏళ్లకే స్వామి వివేకానంద మరణించారు.

జూలై 4, 1902 న ఏమైంది..?

స్వామి వివేకానంద ఉదయాన్నే లేచి మూడు గంటలపాటు బేలూరు మఠంలో ధ్యానం చేసారు. శుక్ల యజుర్వేదం, సంస్కృత వ్యాకరణం, ఫిలాసఫీ ఆఫ్ యోగాని విద్యార్థులకు నేర్పించి తర్వాత తోటి ఉద్యోగులతో పాటు రామకృష్ణ మఠానికి వెళ్లారు.

రాత్రి ఏడు గంటల ప్రాంతానికి వివేకానంద ఒంటరిగా గది లోకి వెళ్లారు. ఎవరిని కూడా రావద్దని చెప్పారు. 9:10 కి ధ్యానం చేస్తుండగా మృతి చెందారు స్వామి వివేకానంద. శిష్యులు చెబుతున్న దాన్ని బట్టి చూస్తే మహాసమాధిని వివేకానంద పొందారని మెదడులోని ఒక రక్తనాళం పగిలిపోయి శాశ్వత నిద్రలోకి వెళ్లి పోయారని తెలుస్తోంది. అయితే ఇలా పగలడం వెనక కారణం బ్రహ్మరంధ్రం. మహాసమాధి సమయంలో ఇది జరిగినట్లు తెలుస్తోంది.

వివేకానంద మృతి చెందాక ఆయన దహన సంస్కారాలని రామకృష్ణ దహన సంస్కారాలు చేసిన దానికి ఎదురుగా బేలూరు లోని గంగా నది ఒడ్డున గంధపు చెక్కల చితి పై దహనం చేశారు.

కానీ చిన్న వయస్సులోనే శాశ్వత నిద్రలోకి వెళ్లిపోవడం అందరినీ బాధ పెడుతుంటుంది. పైగా యోగి తమ స్వంత జీవిత కాలాన్ని పొడిగించుకుని ఎక్కువ కాలం జీవించలేరా అని చాలా మంది ఆశ్చర్య పడుతూ వుంటారు. అయితే ఈయన మరణం వెనుక భిన్న అభిప్రాయాలు వున్నాయి. కొందరు మహాసమాధి అంటే కొందరు సాధారణ మరణం అంటారు. వివేకానంద వంటి వాళ్ళ మరణం వెనుక ఒక అపారమైన ఆధ్యాత్మిక వాస్తవికత ఉంటుంది. ఏది ఏమైనా మరణం అనేది జీవితం యొక్క వాస్తవికత.